بـــدولتنا قادمـــون


لاء ده مش مسلسل جديد ولا بوستر لفيلم الموسم
انما ده حلم مجموعة من الشباب صاحب الفكر الراقى والواعى .. بدأ بفكرة الصديق العزيز ( محمد البسيونى ) وبتعاونا جميعا يصدر العدد الاول من كتاب دولة الفيسبوك ... والذى سيصدر من أكبر دار نشر .. دار الشروق
.. والذى يضم مجموعة من الجروبات التى لها هدف وتعبر عن رأى
ويزيدنى فخراً بأن جروب اتكلم واسمع والذى أنشأته خصيصاً لحرية الرأى والتعبير من ضمن الجروبات التى يضمها كتاب دولة الفيسبوك
بل ومن دواعى سرورى اكثر انه يضم جروب أنا والنت للإذاعى الكبير الاستاذ / صلاح حجازى وصديقتى الرائعة بسمة عبدالباسط
أنتظرونا موعدنا بعد عيد الفطر مباشرة ... حلم شباب بيتحقق وفكرة انسان واعى يتم تتويجها
موعدنا مع العدد الاول خلال ايام العيد
تحياتى للجميع

تعليقات

‏قال عزيز عيني
نسختي ؟؟؟ اما انزل مصر ماليش دعوه
‏قال محمد صالح
بالتوفيق يا قطة
واتمنى ان الجروبات فى الكتب تكون كتير
لان الفايس بوك دلوقتى بقى منبر الحريه فى البلد دى
تحياتى
‏قال صوت من مصر
بجد الفيسبوك مع انه لذيذ بس مش بحبه
بس هستنى العدد برضه ؟
‏قال Unknown
مبروك يا قطتنا الجميلة

ومن نجاح لنجاح اكبر


وما شاء اللة انا ماسك فى الخشب اهو
‏قال فاروق عادل
ماشى هبقى اول واحد اشترية

ياريت تنورينى فى مدونتى علشان يحصلى الشرف
‏قال خالد كامل
الكتاب ده انا سمعت عنه قبل كدة
و دخلت الجروب بتاعه برضه
الف الف الف مبروك ليكى
و دى حاجة تفرح جداً و الله

تحياتى
‏قال د. محمد رضا
السلام عليكِ

انا داخل لاقل مبروك

واقل اني سعيد انك تكتبين بالفصحى

واعتذر عن المتابعه

لاني لا احب السياسه ولا الاقتصاد ولا الاجتماع

تحياتي

د. محمد رضا
شخصية عامة
‏قال غير معرف…
قطقوطتنا الحلوه المتميزه دايما

ألف ألف ألف مبروك علي اصدار الكتاب و من نجاح لنجاح انشاء الله

أنتي من الشخصيات المميزه ياقطه صاحبه افكار جديره بالأحترام و شديده التميز في عرض أفكارك عشان كده تستحقي كل النجاح ده و زياده كمان
ألف مبروك للأستاذ صلاح حجازي و الرائعه بسمه
و من نجاح لنجاح انشاء الله و اكيد حنستني علي نار مع اولي ايام العيد صدور الكتاب
ربنا يوفقكم دايما ياجميله
مودتي ليكي
‏قال غير معرف…
انا هنزل اجيبه لما ينزل اكيييد

شكراا
‏قال غير معرف…
نشاطك الملحوظ على النت وذكائك عموما يخليكى تستاهلى اكتر من كدا بكتير
يارب دائما النجاح حليفك
‏قال Heart Beat
الصديقة العزيزة جدا على قلبي

Desert Cat

الف مبروك يا جميلة على الكتاب اللي مستنينه من زمان

ربنا يوفقك و من نجاح لنجاح دايما عشان خاطر الحبايب اللي انتي عارفاهم كويس

و مبروك للاستاذ صلاح جازي و الاستاذة بسمة

و بالتوفيق دايما يارب
‏قال Yasmine
مبروك.. بجد الف مبروك
يا ريت لما ينزل الكتاب تبقى تقوليلنا اكيد هحب اقراه جدا
لقطة الجميلة..
أما تنتهي بشاراتك..عسى أن يصل الكتاب الى المغرب
مودتي
‏قال oRiGiNaL HeArT
عجبانى اوى فكرة نقل حياتنا على النت وتفاصيلها واهدافها وافكارها فى كتب
مشروع حلو رزى مدونات مصرية للجيب كان حاجة كويسة
ربنا معاكو ويحقق اهدافكو :)
‏قال غير معرف…
دخلت جروب الكتاب ممتاز واختياراته للجروبات اللى نازلة فى الكتاب روعه
بجد محمد البسيونى اختيارته لها جميله وكمان دخلت الجروب بتاعك المنقاشات فيه جميلة جدا ويستاهل نزوله فى سلسله كتب
بالتوفيق الدائم يا حنان
‏قال goodman
وياترى ما هو نظام الحكم فيها؟
‏قال محمد حمدي
الف مبروك .. بجد خطوه مهمه وان شاء الله تنجح
واخيرا القطه هتنونو بس المره دى من خلال كتاب
ربنا يوفقك وعقبال ميصدر لك كتاب مخصوص ليكى

تحياتى
‏قال Fatma
مبروك بجد

قوليلنا اول ما ينزل عشان انا بجد عايزة اقراه

مبروك مرة تانية :)
‏قال غير معرف…
مبروك مبروك

ارجو ان تدعينا الى حفل التوقيع بعد ان تحددوه

كل تمنياتى بالتوفيق والنجاح
‏قال الســـاحر
اولا انا ليه الشرف لان دى اول زياره ليه لمدونتك الجميله بجد
وانا فعلا عجبتنى الفكره هى يمكن مجنونه شويه
بس هو ايه مش فى الدنيا دلوقتى مش مجنون
بجد موضوع هايل
وكل سنه وانتى طيبه
وفى النهايه سلامى وربنا يوفقك
واتمنى تشرفينى بالزياره
‏قال hartaka
ازيك يا
desert cat
الفكرة جميله وطالما هتنشرها الشروق يبقي اكيد متميزه للغاية

دخلت الفيس بوك اخد فكرة عن جروب اتكلم واسمع ملقتوش ؟؟

تحياتي ليك
‏قال a
ضيفي عندك التورتة على الغلاف
قاض سعودي يفتي بقتل اصحاب القنوات الفضائية

http://newsforums.bbc.co.uk/ws/thread.jspa?forumID=7155

يعني اي مفتي يقد يهدم الكعبة
اكيد رسول الله عمل على نفسه نسخ كتيرة
‏قال mido g
desert cat

ردى على تعليق حضرتك عندى


طيب حضرتك القرضاوى بالاجماع يعتبر الافضل و الاكثر اعتدالا واشتباكا بظروف الناس

موقفه من الشيعة ماتغيرش طول عمره يبقى ليه الهوجة دى ؟

سؤال: حضرتك بتثقى فى مين من علماء الاسلام ؟
‏قال mido g
دولة الفيس بوك

منتظر الكتاب علشان أعرف أكتر عن الموقع ومواضيعكم

تحياتى
عارف انى ماليش حق الوجود هنا ولا مقبول وجودى اصلا
بس حبيت اقولك انى في اكونت مزيف باسمك بينشر تعليقات مالهاش اى محل من الاعراب وساب كومنت عندى وعند مها الزين دول اللى انا صادفتهم اللة اعلم ساب تعليقات تانى فين
تعليقة لسه موجود على البلوج بتاعى في اخر بوست لو حبيتى تتاكدى
ياريت تاخدى بالك
‏قال Desert cat
عزيز عيني
نسختك محجوزة اصلا من قبل ما تنزل مصر
انت تؤمر
‏قال Desert cat
محمد صالح
ميرسى اوى يا محمد
والكتاب بالفعل ضامم مجموعة جروبات ممتازة جدا لما تقراه هيعجبك
تحياتى
‏قال Desert cat
صوت من مصر
اقرا الكتاب بتاعنا لما ينزل فى العيد وانت هتدخل الفيسبوك ومش تخرج منه تانى
:)
تحياتى يا باشا
‏قال Desert cat
واحد مش فاهم حاجة
متشكرة جدا
انت تمسك الخشب لما تحضر حفلة التوقيع يا فندم لكن على النت ماسك الكيبورد ولا ايه
:)
‏قال Desert cat
طالب ثانوى
ده احنا يشرفنا جدا تكون اول واحد يشتريه
يسعدنى جدا زيارة مدونتك
‏قال Desert cat
مهيج الجماهير
طبعا انت منور جروب الكتاب والمدونة والنت كله
الله يبارك فيك
ميرسى جدا على زوقك
‏قال Desert cat
Dr.Hammood
الله يبارك فيك
ومتشكرة جدا لزوقك
‏قال Desert cat
اجندا حمرا
صديقتى الغالية جدا احلى اجندة
ميرسى واى يا حبيبة قلبى على زوقك ورقتك
وبعدين احنا نيجى جنبك ايه يا قمر فى افكارك المتميزة والجميلة
محبتى ليكى يا قمراية
‏قال Desert cat
MaGn0liA...
اول لما ينزل هعرفكوا
علشان كلنا نشتريه
:)
تحياتى
‏قال Desert cat
المصرى
ميرسى جدا استاذى الفاضل
مودتى واحترامى
‏قال Migo Mishmish
مبرووووووك ياقطه على الكتاب انتى تستاهلى اكتر من كدا ..بس ليا ملحوظه صغيرة ..انتى بقالك فترة مش بتيجى البلكونه مع انك اول واحده بتعلقى عليها .ولما مش بقرا تعليقك بتضايق بحس ان فيه عضو من اعضاء العائله مش موجود ..البلكونه مضلمه من غيرك...
‏قال Desert cat
Heart Beat
الصديقة الغالية ارق دقة قلب
تفتكرى هو ده مجهودى لوحدى ما انتى كمان مشاركة فى العمل ولا ايه يا حضرة الاوفيسرز
يعنى مبروك علينا جميعا يا احلى دقة قلب طبعا واخده بالى كويس جدا جدا من الحبايب
:)
تسلمى لى يارب يا حبيبة قلبى
‏قال Desert cat
banouta masreya
الله يبارك فيكى يا جميله
اول ما ينزل الكتاب اكيد هقولكوا
واول واحدة فى حفلة التوقيع هو انتى
بس
مش هقبل اى اعذار
:)
تحياتى ليكى
‏قال Desert cat
صديقى العزيز نبراس العتمة
ان شاء الله الكتاب يوصل المغرب ويعم العالم كله
ولو مش وصل نسختك موجوده وهتوصل حتى لو بالحمام الزاجل
تحياتى
‏قال Desert cat
oRiGiNaL HeArT
لاء حضرتك دولة الفيسبوك مختلف عن كتاب المدونات
لاننا مش بناخد بوستات وننزلها ده جروب وله هدف معين ولو ليك فى الفيسبوك ممكن تتابع الجروبات اللى موجودة عليه وتعرف الفرق بنفسك
تحياتى لحضرتك
‏قال Desert cat
واحد من الفيسبوك
فعلا اختيارات محمد متميزة جدا لانه فكره ممتازة وبتمنى له التوفيق الدائم
ميرسى جدا لحضرتك
وطبعا شرفت جروب الكتاب وجروب اتكلم واسمع والمدونة كمان
مودتى
‏قال Desert cat
goodman
كل واحد بيحكم نفسه بنفسه
عمرك شوفت دولة بالبساطة دى
‏قال Desert cat
Mohamed Hamdy
ميرسى جدا لزوقك ياباشا
وربنا يوفقك ويوفقنا جميعا
‏قال Desert cat
Founoon
الله يبارك فيكى يا فنون
وبالتاكيد اول ما ينزل هعرفكوا
تحياتى
‏قال Desert cat
Dear Sherif
ميرسى جدا استاذ شريف
وبالتأكيد حضرتك اول الحضور فى حفل التوقيع
ان شاء الله اول ما يتحدد لازم تكون اول واحد اقوله
تحياتى لحضرتك
‏قال Desert cat
الســـاحر
حضرتك شرفت المدونة
وان شاء الله لما يكتب ينزل وتقراه الفكرة تعجبك
تحياتى
‏قال Desert cat
hartaka
او انت شرفت المدونة
وبالفعل انا بشكر دار الشروق لمساندتها لينا
بالنسبة للجروب موجود فى السايد بار للمدونة وكمان ده اللنك بتاعه
http://www.new.facebook.com/group.php?gid=17689335307&ref=mf
شرفتنى جدا
‏قال Desert cat
واحة فى الصحراء
احب كمان ازيدك من البيت شعر

داعية سعودي يطالب بجلد الصحافيين "المتطاولين" على العلماء

يعنى لسه يا ما فى الجراب
‏قال Desert cat
mido g
مدونتك وانت حر فيها
حتى لو جبت فيها فرقة باليه
‏قال Desert cat
mido g
ان شاء الله اول ما ينزل الكتاب هقولك علشان تشتريه
‏قال Desert cat
رئيس جمهوريه نفسى
لاء يا سيدى وجودك مقبول ونص كمان
وانا بشكرك جدا انك لفت انتباهى
للكائن الغريب اللى بيعمل كدا ده
منه لله البعيد
مرة تانية بشكرك جدا يا محمود
‏قال Desert cat
Migo Mishmish
الغالية مشموشة الله يبارك فيك يا حبيبتى
والله اعذرينى الفترة الى فاتت دى كلها مشغولة موووووت
انا عارفه انى مقصرة معاكى اوى
انا مش اقدر اصلا اغيب على البلكونة اللى بحس فيها واان قاعده اشرب شاى الساعه 5 وبنناقش قضايا مهمة كاننا فى المقهى الثقافى بالظبط
جاية لك حااااالا
محبتى يا قمراية
‏قال mido g
mido g
مدونتك وانت حر فيها
حتى لو جبت فيها فرقة باليه


مش فاهم حاجة
:)
‏قال Desert cat
mido g
انت بتقولى يا كبير انك كاتب لى رد على مدونتك
وانا قولت لك تكتب
ماهو كل واحد حر فى مدونته
هو ده قصدى
‏قال أسماء علي
أجمل حاجة إن لسا في شباب جميل بيدافع عن حريته

يهدموله منبر

يقوم يبني الف منبر

منتظرين العدد طبعا
‏قال Desert cat
د\أسماء علي
ميرسى يا دكتورتنا يا قمر
واول ما العدد ينزل هبلغوا جميعا
محبتى يا جميله

المشاركات الشائعة