بـــدولتنا قادمـــون


لاء ده مش مسلسل جديد ولا بوستر لفيلم الموسم
انما ده حلم مجموعة من الشباب صاحب الفكر الراقى والواعى .. بدأ بفكرة الصديق العزيز ( محمد البسيونى ) وبتعاونا جميعا يصدر العدد الاول من كتاب دولة الفيسبوك ... والذى سيصدر من أكبر دار نشر .. دار الشروق
.. والذى يضم مجموعة من الجروبات التى لها هدف وتعبر عن رأى
ويزيدنى فخراً بأن جروب اتكلم واسمع والذى أنشأته خصيصاً لحرية الرأى والتعبير من ضمن الجروبات التى يضمها كتاب دولة الفيسبوك
بل ومن دواعى سرورى اكثر انه يضم جروب أنا والنت للإذاعى الكبير الاستاذ / صلاح حجازى وصديقتى الرائعة بسمة عبدالباسط
أنتظرونا موعدنا بعد عيد الفطر مباشرة ... حلم شباب بيتحقق وفكرة انسان واعى يتم تتويجها
موعدنا مع العدد الاول خلال ايام العيد
تحياتى للجميع

Comments

نسختي ؟؟؟ اما انزل مصر ماليش دعوه
بالتوفيق يا قطة
واتمنى ان الجروبات فى الكتب تكون كتير
لان الفايس بوك دلوقتى بقى منبر الحريه فى البلد دى
تحياتى
بجد الفيسبوك مع انه لذيذ بس مش بحبه
بس هستنى العدد برضه ؟
مبروك يا قطتنا الجميلة

ومن نجاح لنجاح اكبر


وما شاء اللة انا ماسك فى الخشب اهو
ماشى هبقى اول واحد اشترية

ياريت تنورينى فى مدونتى علشان يحصلى الشرف
الكتاب ده انا سمعت عنه قبل كدة
و دخلت الجروب بتاعه برضه
الف الف الف مبروك ليكى
و دى حاجة تفرح جداً و الله

تحياتى
Dr.Hammood said…
السلام عليكِ

انا داخل لاقل مبروك

واقل اني سعيد انك تكتبين بالفصحى

واعتذر عن المتابعه

لاني لا احب السياسه ولا الاقتصاد ولا الاجتماع

تحياتي

د. محمد رضا
شخصية عامة
قطقوطتنا الحلوه المتميزه دايما

ألف ألف ألف مبروك علي اصدار الكتاب و من نجاح لنجاح انشاء الله

أنتي من الشخصيات المميزه ياقطه صاحبه افكار جديره بالأحترام و شديده التميز في عرض أفكارك عشان كده تستحقي كل النجاح ده و زياده كمان
ألف مبروك للأستاذ صلاح حجازي و الرائعه بسمه
و من نجاح لنجاح انشاء الله و اكيد حنستني علي نار مع اولي ايام العيد صدور الكتاب
ربنا يوفقكم دايما ياجميله
مودتي ليكي
MaGn0liA... said…
انا هنزل اجيبه لما ينزل اكيييد

شكراا
المصرى said…
نشاطك الملحوظ على النت وذكائك عموما يخليكى تستاهلى اكتر من كدا بكتير
يارب دائما النجاح حليفك
Heart Beat said…
الصديقة العزيزة جدا على قلبي

Desert Cat

الف مبروك يا جميلة على الكتاب اللي مستنينه من زمان

ربنا يوفقك و من نجاح لنجاح دايما عشان خاطر الحبايب اللي انتي عارفاهم كويس

و مبروك للاستاذ صلاح جازي و الاستاذة بسمة

و بالتوفيق دايما يارب
banouta masreya said…
مبروك.. بجد الف مبروك
يا ريت لما ينزل الكتاب تبقى تقوليلنا اكيد هحب اقراه جدا
لقطة الجميلة..
أما تنتهي بشاراتك..عسى أن يصل الكتاب الى المغرب
مودتي
oRiGiNaL HeArT said…
عجبانى اوى فكرة نقل حياتنا على النت وتفاصيلها واهدافها وافكارها فى كتب
مشروع حلو رزى مدونات مصرية للجيب كان حاجة كويسة
ربنا معاكو ويحقق اهدافكو :)
واحد من الفيسبوك said…
دخلت جروب الكتاب ممتاز واختياراته للجروبات اللى نازلة فى الكتاب روعه
بجد محمد البسيونى اختيارته لها جميله وكمان دخلت الجروب بتاعك المنقاشات فيه جميلة جدا ويستاهل نزوله فى سلسله كتب
بالتوفيق الدائم يا حنان
goodman said…
وياترى ما هو نظام الحكم فيها؟
Mohamed Hamdy said…
الف مبروك .. بجد خطوه مهمه وان شاء الله تنجح
واخيرا القطه هتنونو بس المره دى من خلال كتاب
ربنا يوفقك وعقبال ميصدر لك كتاب مخصوص ليكى

تحياتى
Founoon said…
مبروك بجد

قوليلنا اول ما ينزل عشان انا بجد عايزة اقراه

مبروك مرة تانية :)
Sherif said…
مبروك مبروك

ارجو ان تدعينا الى حفل التوقيع بعد ان تحددوه

كل تمنياتى بالتوفيق والنجاح
اولا انا ليه الشرف لان دى اول زياره ليه لمدونتك الجميله بجد
وانا فعلا عجبتنى الفكره هى يمكن مجنونه شويه
بس هو ايه مش فى الدنيا دلوقتى مش مجنون
بجد موضوع هايل
وكل سنه وانتى طيبه
وفى النهايه سلامى وربنا يوفقك
واتمنى تشرفينى بالزياره
hartaka said…
ازيك يا
desert cat
الفكرة جميله وطالما هتنشرها الشروق يبقي اكيد متميزه للغاية

دخلت الفيس بوك اخد فكرة عن جروب اتكلم واسمع ملقتوش ؟؟

تحياتي ليك
ضيفي عندك التورتة على الغلاف
قاض سعودي يفتي بقتل اصحاب القنوات الفضائية

http://newsforums.bbc.co.uk/ws/thread.jspa?forumID=7155

يعني اي مفتي يقد يهدم الكعبة
اكيد رسول الله عمل على نفسه نسخ كتيرة
mido g said…
desert cat

ردى على تعليق حضرتك عندى


طيب حضرتك القرضاوى بالاجماع يعتبر الافضل و الاكثر اعتدالا واشتباكا بظروف الناس

موقفه من الشيعة ماتغيرش طول عمره يبقى ليه الهوجة دى ؟

سؤال: حضرتك بتثقى فى مين من علماء الاسلام ؟
mido g said…
دولة الفيس بوك

منتظر الكتاب علشان أعرف أكتر عن الموقع ومواضيعكم

تحياتى
عارف انى ماليش حق الوجود هنا ولا مقبول وجودى اصلا
بس حبيت اقولك انى في اكونت مزيف باسمك بينشر تعليقات مالهاش اى محل من الاعراب وساب كومنت عندى وعند مها الزين دول اللى انا صادفتهم اللة اعلم ساب تعليقات تانى فين
تعليقة لسه موجود على البلوج بتاعى في اخر بوست لو حبيتى تتاكدى
ياريت تاخدى بالك
Desert cat said…
عزيز عيني
نسختك محجوزة اصلا من قبل ما تنزل مصر
انت تؤمر
Desert cat said…
محمد صالح
ميرسى اوى يا محمد
والكتاب بالفعل ضامم مجموعة جروبات ممتازة جدا لما تقراه هيعجبك
تحياتى
Desert cat said…
صوت من مصر
اقرا الكتاب بتاعنا لما ينزل فى العيد وانت هتدخل الفيسبوك ومش تخرج منه تانى
:)
تحياتى يا باشا
Desert cat said…
واحد مش فاهم حاجة
متشكرة جدا
انت تمسك الخشب لما تحضر حفلة التوقيع يا فندم لكن على النت ماسك الكيبورد ولا ايه
:)
Desert cat said…
طالب ثانوى
ده احنا يشرفنا جدا تكون اول واحد يشتريه
يسعدنى جدا زيارة مدونتك
Desert cat said…
مهيج الجماهير
طبعا انت منور جروب الكتاب والمدونة والنت كله
الله يبارك فيك
ميرسى جدا على زوقك
Desert cat said…
Dr.Hammood
الله يبارك فيك
ومتشكرة جدا لزوقك
Desert cat said…
اجندا حمرا
صديقتى الغالية جدا احلى اجندة
ميرسى واى يا حبيبة قلبى على زوقك ورقتك
وبعدين احنا نيجى جنبك ايه يا قمر فى افكارك المتميزة والجميلة
محبتى ليكى يا قمراية
Desert cat said…
MaGn0liA...
اول لما ينزل هعرفكوا
علشان كلنا نشتريه
:)
تحياتى
Desert cat said…
المصرى
ميرسى جدا استاذى الفاضل
مودتى واحترامى
Migo Mishmish said…
مبرووووووك ياقطه على الكتاب انتى تستاهلى اكتر من كدا ..بس ليا ملحوظه صغيرة ..انتى بقالك فترة مش بتيجى البلكونه مع انك اول واحده بتعلقى عليها .ولما مش بقرا تعليقك بتضايق بحس ان فيه عضو من اعضاء العائله مش موجود ..البلكونه مضلمه من غيرك...
Desert cat said…
Heart Beat
الصديقة الغالية ارق دقة قلب
تفتكرى هو ده مجهودى لوحدى ما انتى كمان مشاركة فى العمل ولا ايه يا حضرة الاوفيسرز
يعنى مبروك علينا جميعا يا احلى دقة قلب طبعا واخده بالى كويس جدا جدا من الحبايب
:)
تسلمى لى يارب يا حبيبة قلبى
Desert cat said…
banouta masreya
الله يبارك فيكى يا جميله
اول ما ينزل الكتاب اكيد هقولكوا
واول واحدة فى حفلة التوقيع هو انتى
بس
مش هقبل اى اعذار
:)
تحياتى ليكى
Desert cat said…
صديقى العزيز نبراس العتمة
ان شاء الله الكتاب يوصل المغرب ويعم العالم كله
ولو مش وصل نسختك موجوده وهتوصل حتى لو بالحمام الزاجل
تحياتى
Desert cat said…
oRiGiNaL HeArT
لاء حضرتك دولة الفيسبوك مختلف عن كتاب المدونات
لاننا مش بناخد بوستات وننزلها ده جروب وله هدف معين ولو ليك فى الفيسبوك ممكن تتابع الجروبات اللى موجودة عليه وتعرف الفرق بنفسك
تحياتى لحضرتك
Desert cat said…
واحد من الفيسبوك
فعلا اختيارات محمد متميزة جدا لانه فكره ممتازة وبتمنى له التوفيق الدائم
ميرسى جدا لحضرتك
وطبعا شرفت جروب الكتاب وجروب اتكلم واسمع والمدونة كمان
مودتى
Desert cat said…
goodman
كل واحد بيحكم نفسه بنفسه
عمرك شوفت دولة بالبساطة دى
Desert cat said…
Mohamed Hamdy
ميرسى جدا لزوقك ياباشا
وربنا يوفقك ويوفقنا جميعا
Desert cat said…
Founoon
الله يبارك فيكى يا فنون
وبالتاكيد اول ما ينزل هعرفكوا
تحياتى
Desert cat said…
Dear Sherif
ميرسى جدا استاذ شريف
وبالتأكيد حضرتك اول الحضور فى حفل التوقيع
ان شاء الله اول ما يتحدد لازم تكون اول واحد اقوله
تحياتى لحضرتك
Desert cat said…
الســـاحر
حضرتك شرفت المدونة
وان شاء الله لما يكتب ينزل وتقراه الفكرة تعجبك
تحياتى
Desert cat said…
hartaka
او انت شرفت المدونة
وبالفعل انا بشكر دار الشروق لمساندتها لينا
بالنسبة للجروب موجود فى السايد بار للمدونة وكمان ده اللنك بتاعه
http://www.new.facebook.com/group.php?gid=17689335307&ref=mf
شرفتنى جدا
Desert cat said…
واحة فى الصحراء
احب كمان ازيدك من البيت شعر

داعية سعودي يطالب بجلد الصحافيين "المتطاولين" على العلماء

يعنى لسه يا ما فى الجراب
Desert cat said…
mido g
مدونتك وانت حر فيها
حتى لو جبت فيها فرقة باليه
Desert cat said…
mido g
ان شاء الله اول ما ينزل الكتاب هقولك علشان تشتريه
Desert cat said…
رئيس جمهوريه نفسى
لاء يا سيدى وجودك مقبول ونص كمان
وانا بشكرك جدا انك لفت انتباهى
للكائن الغريب اللى بيعمل كدا ده
منه لله البعيد
مرة تانية بشكرك جدا يا محمود
Desert cat said…
Migo Mishmish
الغالية مشموشة الله يبارك فيك يا حبيبتى
والله اعذرينى الفترة الى فاتت دى كلها مشغولة موووووت
انا عارفه انى مقصرة معاكى اوى
انا مش اقدر اصلا اغيب على البلكونة اللى بحس فيها واان قاعده اشرب شاى الساعه 5 وبنناقش قضايا مهمة كاننا فى المقهى الثقافى بالظبط
جاية لك حااااالا
محبتى يا قمراية
mido g said…
mido g
مدونتك وانت حر فيها
حتى لو جبت فيها فرقة باليه


مش فاهم حاجة
:)
Desert cat said…
mido g
انت بتقولى يا كبير انك كاتب لى رد على مدونتك
وانا قولت لك تكتب
ماهو كل واحد حر فى مدونته
هو ده قصدى
أجمل حاجة إن لسا في شباب جميل بيدافع عن حريته

يهدموله منبر

يقوم يبني الف منبر

منتظرين العدد طبعا
Desert cat said…
د\أسماء علي
ميرسى يا دكتورتنا يا قمر
واول ما العدد ينزل هبلغوا جميعا
محبتى يا جميله

Popular posts from this blog

قميص دهشور

كل تحرش وانتوا طيبين