ايه اللى بيحصل فى مصر ده ؟؟؟؟

قريت من شوية عند نوراة زيارة جمال مبارك لمحافظة الشرقية
طيب ياترى هيعمل ايه فى الدويقة ؟؟؟
بعد وقوع الصخور عليهم وحالات الوفاة والاصابات اللى حصلت
كان عمل ايه قبل كدا لما صخور وقعت والناس ساكنة فى عشش ولا حد اتحرك ولا سال فيهم ؟؟؟
الاخبار بتقول حتى الآن 20 قتيل مع انى اشك فى العدد
لان نفس الاخبار بتقول انه مازال تحت الانقاض المئات
هو الاستاذ هشام طلعت ولا ممدوح باشا ولا السيد محتكر الحديد مش يتبرعوا بربع الملايين اللى بيصرفوها على الهجص ويبنوا لسكان العشوائيات وحدة اسكان متوسط انقاذا لحياة البنى ادمين دووول .. المثير للاعصاب ان المتوفيين بينهم اطفال والمصابين معظمهم اطفال
ولسه فى ناس كمان تحت الانقاض
فين وسائل الانقاذ ؟؟؟؟
قبل كدا فين هيئة المساحة وعمل مسح للمناطق دى ودراسة انهيارات الصخور
الحكومة لحد دلوقتى مش حد اتحرك من مكانه ولا حد هاين عليه يقوم من على الكرسى نص ساعه احنا لو فى بلد محترمة كان زمان الحكومة كلها استقالت من زمان حفظا لماء الوجه
احنا الكوارث عندنا متتابعه ومتتاليه والجميع محلك سر لازق فى الكرسى
ياترى الكارثة الجاية بعد كام يوم والكارثه هتكون عبارة عن ايه ؟؟؟
قدامنا كام اسبوع ولا كام يوم علشان بعدها نسال فين مصر ؟؟؟
شاهد بالصور
http://www.elbadeel.net/index.php?option=com_content&task=view&id=30804&Itemid=120

تعليقات

‏قال Heart Beat
الصديقة العزيزة جدا على قلبي

Desert Cat

للاسف الخبر افجعني بصراحة و حسيت اني مش عارفه حتى اقول ايه

كان في احد المتضررين بيتحدث على الجزيرة و قال ان الحي و يبدو انه يقصد رئاسة الحي او اعمال البناء اللي بتتم من قبل الحي

قال ان الحي بيرصف شارع او بيمد شارع في المنطقة المجاورة او الملاصقة للدويقة حيث سقطت الصخور الكبيرة

يعني عشان يمدوا شارع يموتوا الغلابة تحت الارض

صدقيني اللي حصل ده خلاني اقول يارب اشمعنى الغلابة هم اللي كل شوية يموتوا ضحايا لاصحاب الكراسي العالية و مافيش حد فيهم بيتهز و لا يرمش له جفن من الخوف او القلق على اللي بيحصل

و بعدين لاقيت نفسي هاقول كلام غريب و كأني بستغرب من ارادة ربنا و مشيئته يعني كأن اصحاب الكراسي العالية كمان هايدفعونا للتفكير بالشكل ده اللي ممكن يوصلنا لمناقشة المشيئة الالهية

قعدت استغفر ربنا و ادعي انه يصبر الضحايا دول و ياخد بحقهم من اللي مش بيهمه حد

و الله يا قطة مش عارفه اقول ايه
‏قال nody
على فكره انا اعرف امكان فى الشرقيه لسه ماهيهاش ميه للشرب موجوده فى الحنفيات بيشربوا من عربيات الميه
دا بالنسبه للسيد جيمى
اما بالنوسبه يعنى للساده سنيده الحزن الوطنى وعتاوله الاقتصاد فا يعنى عيب عليكى
الملاين دى يصرفوها على الغوازى
الساقطات
انما على الغلابه لالالالالالالالالالالا
لازمتهم ايه
يا مؤمنه دا الناس لسه تحت الارض ومحدش عارف ينقظهم مافيش
وسائل انقاذ
هما عندهم الناس دى مالهاش ديه
مافهمش رقاصه
انتى اللى قولتى
احنا لو فى بلد محترمه
بس للأسف
انا بجد جبت اخر فى موضوع الكوارث اللى نازله على دماغنا كل كام يوم
مبنلحقش نفوق من واحده الا لما نلاقى غيرها وراها
وعموووونا جمال بيلفلف فى القرى علشان لما يمسك بقا الحكم يلاقى الناس تشجعه مهو بيقول هيشوفلهم مساكن
موت يا حمار
‏قال Unknown
لا مش كتير خالص كلها أيام ومتلاقيش مصر وابقي وقتها اسألي وهنسأل معاكي ياترى فين مصر ولا هو كان في حاجة اسمها مصر أصلا..{بنا يكون في عون الشعب
تحياتي
‏قال AHMED SAMIR
عمر الناس اللي انتي >كرتيهم دول ما يقربوا من منطقة زي الدويقة
لانهم عارفين كويس قوي ان الناس دي هتطلع غل الفقر القحط على دماغهم
‏قال Yasmine
مين دول اللى يبنوا بيوت للى ساكنين فى العشوائيات..دى ناس لا عندها اصوات ولا هتعملهم الدعاية اللى هم عايزينها
لكن عزو بيه مش اهبل..هو عامل اللى عليه و زيادة ..فقرة كاملة فى البيت بيتك 30 شقة فى 30 يوم لعرسان الله اعلم اذا كانوا هم كمان متأجرين ولا ايه نظامهم..ده اللى اسمه ذكاء سياسى
بالنسبة لسؤلك فين مصر؟
مصر رايحة فى 60 داهية
‏قال سمراء
الا هو اتحرك باعتباره لجنة السياسات في الحزب الوطني ولا ايه ؟

اما عن مصر فياما عدي عليها وبهية صلبة وقوية متهيألى التاريخ هيعيد نفسه

سمراء
العزيزة قطة الصحراء
بيكين قبل الألعاب الاولمبية كلها كانت ورشات لانشاء وبناء جسور وفناد وملاعب ولم نسمع عن سقوط لبنة واحدة ..
فعلا يجب أن يطرح السؤال بعمق ما الدي يجري في مصر؟..وفي كل الدول العربية؟
حين تصبح ارواح الغلابة بهدا الرخص فأكيد أن الحصيلة ستزداد مادام التهرب من المسؤولية الجسيمة سهل ويسير..
عزاءنا لنا فينا
مودتي أيتها الغالية
‏قال dr.lecter
فاكره جمله محسن محيي الدين في فيلم وداعا بونابرت

مصر هتفضل غاليه عليا؟

انا بقي مش عاوزها تبقي غاليه بالشكل ده

العمر مش بعزقه وكفايه اللي راح مننا في البلد دي
‏قال غير معرف…
قطتنا الجميله

فعلا موضوع يحزن اما سمعته في قناه النيل للأخبار
ناس نايمه في امان الله و فجأه يموتوا كده بالطريقه البشعه دي
وجود عشوائيات موضوع خطير و لازم المسؤلين يبصوا للموضوع ده و يحاولوا يوصلوا لحل له و الا ده مش حيكون اخر حادث

طبعا عدد المصابين و القتلي اكيد اكتر من كده انا اتعودت ماصدقش الاعداد اللي بيقولوا عليها عشان بيكون فيها شويه تعتيم علي الحقيقه

اللي غاظني ياقطه انهم بيقولوا حيبتدوا يفتتوا الكتله الصخريه طب ماكان من الأول قبل ماتحصل المصيبه دي لكن ارجع و اقول ديه المشكله عند المسؤلين بتوعنا يستنوا لما المصيبه تحصل و بعد كده يتحركوا

و علي رأيك قدامنا قد ايه عشان نسأل فين مصر
ربنا يلطف بينا

تحياتي و مودتي ياقمرايه
‏قال الربان
تحياتي

هذا المكان من اخطر الاماكن...و مكتظ بالسكان...و طبعا السكان لم يجدوا ملاذا
اخر اكثر امنا...و الا لكانوا رحلوا من زمان عن هذا المكان الذي تتكرر فيه
حوادث سقوط الصخر من جبل المقطم.

لو كل رجل أعمال تبرع بجزء بسيط من ثروته...لو كل نجم سينمائي تبرع بجزء بسيط من دخله... لو كل لاعب قدم مشهور
تبرع بجزء بسيط من عقده...لو كل مطرب
تبرع بجزء بسيط من دخله ....لم نكن لنجد
اي عشوائيات في مصر.....

نسأل الله للموتي الرحمة و المغفرة و للمصابين الشفاء العاجل.

تحياتي و تقديري
هو حضرتك ماعندكيش علم إن خلاص ما فيش حاجة اسمها مصر
بقت اسمها العزبة
‏قال مدحت محمد
كل سنة وحضرتك طيبة

اولا

ثانيا موضوع الحوادث والاهمال فى مصر بجد مبيخلصش

بجد حاجة ترفع الضغط
‏قال غير معرف…
كل عام وأنت الى الله أقرب


ومنه أخوف

وبه اعرف

والى دار كرامته اسبق

لا تفوتى الواجب الرمضانى

وقفة محاسبة قبل رمضان


بصى يا ستى هما لما يخلصوا مصاريف الممثلات يبقوا يصرفوا على العشوائيات
يا حرام هيصرفوا
على الممثلات ولا الرقاصات ولا العنتزة ولا احتكار البلد ولا رشوة المسئولين
كفاية عليهم المصاريف دى
معلهش

كل سنةوانتى طيبة
‏قال Abo 7anf
السلام عليكم
ازيك يقطه
كل سنه وانتى طيبه
هى الحكايه مش انهم يتبرعوا
هم يبطلوا ياخدوا
وهى هتتظبط
‏قال HANY YASSIN
السلام عليكم
العبارة حريق مجلس الشعب سقوط المباني
على الجانب الاخر مقتل سوزان تميم احتكار الحديد
ناس اغنياء بدرجة قذرة وبيستخدموا الفلوس الللى سرقينها في قذارات
وناس فقيرة بدرجة تجرح ورئيس وزراء ساقط بيقول انه كان هيسلمهم البيوت الجديدة خلال اسبوع وانا اقسم انه ما كان هيسلمهم حاجه لانه كداب
‏قال مثليه
عليه العوض و منه العوض وحسبي الله و نعمه الوكيل
‏قال محمد صالح
للاسف دىكارثه حقيقيه بكل المقايس ولكن الموقف كان ممكن يتمنع من حوالى سنه كنت اتابع القاهره اليوم وكان فى تقرير عن الناس الى عايشه فى المنطقه دى وعن تسريبرات من الجبل بالمياه وشفت المياه بام عينى وكانت تقف السلطات مكتوفى الايدى شوفم بقى حصل ايه دلوقتى الوقايه خير من العلاج
ولكن دا بيورينى مدى الفساد السياسى السائد فى البلد من اول المحليات لرئيس الجمهوريه وسلملى على نظيف اللى نضف البلد من كل حاجه قال علشان تبقى كل حاجه على اسمى
تحياتى
‏قال Desert cat
Heart Beat
صيقتى الجميلة
احلى دقة قلب
انا شوفت النهارده كتلة صخرية عليها اثار المياه يا حبيبتى عامله صدأ زى صدأ الحديد كدا .. قولت فى بالى ده الكتلة ليها حق تنها وتنهار ولا عزاء لسكان الدويقة
تحياتى يا جميله
‏قال Desert cat
nody_1987
يا نودى لما السيد المحترم جمال نزل الشرقيه حبسوا الناس فى بيوتها وقفلوا المحلات .. تقريبا خايفين على جنابه مع ان اهل الشرقية اهل كرم وبيعرفوا يكرموا الضيف حتى لو ضيف لئيم
يبقى عايزاه يعرف ازاى ان فى اماكن مش فيها مية لحد دلوقتى
.. بالنسبة لضحايا الانقاض ومازال حتى الان ضحايا تحت الانقاض وربنا يتولانا
تحياتى
‏قال Desert cat
عايش ولكن
العم سام قصدى جمال بيلفلف فى القرى ومش بيقابل الاهالى بيقابل الناس اللى الناس التانية عايزاه يقالبها علشان يمكن يطلع واحد مختل يقوله مش عايزينك ياباشا ... سيبونا نتنفس شوية بقى
تحياتى
‏قال Desert cat
كاتب مصري
مصر كانت موجودة وكان ليها مكانتها وليها حضارتها وليها وضعها وعلشان اللى احنا فيه دلوقتى ده لسه بنقول اختراناه مع انى احلف لك انى ما اخترته
‏قال Desert cat
A.SAMIR
بتهيالى يا احمد ان الناس اللى بتقولهم يابيه وياباشا وهى نفسها اللى فى الدويقة وعلشان الناس اللى اتكلمت عليهم شايفينهم بالضعف ده فعملوا عليهم غيلان .. ومتنساش يا فرعون ايه فرعنك
يعنى لو كان حد عايز يعمل حاجه مش هيستنى لما الباشا اللى يروح له هناك
تحياتى
‏قال Desert cat
banouta masreya
بالفعل سكان الدويقة معظمهم من الارياف عايشين هناك كمان كمان سكان عشوائيات يعنى مش موجودين على الخريطة الشريفه لمصر
ابقى خدى بالك كمان الايام دى من اعلان مدينى والرحاب طلعت مصطفى عمل نهضة معامرية ى مصر من شرقها لغربها
تحياتى
‏قال Desert cat
سمراء
هو اتحرك تقريبا باعتباره ما سيكون
اما مصر كانت والحالية الله اعلم اسمها ايه
تحياتى
‏قال Desert cat
العزيز نبراس العتمة
عندك اليابان واكرانيا من اهم المناطق الصناعية ودائما فى تقدم مستمر اما الدويقة عشوائيات مش منطقة صناعية
وبالرغم من كدا انهارت دى لو صناعية كان زمان مصر كلها انفجرت
لنا الله
اشكرك جدا على مشاعرك الطيبة
تحياتى
‏قال Desert cat
dr.lecter
ههههههههههههههه
مش عارفه ليه متخيلاك وانت بتقول الجملة دى
تصدق انا كمان مش عايزاها تفضل غاليه لما الواحد بيعز حد اوى ويعمل فيه كدا يبقى نجرب لما نكرهها هيحصل ايه
تحياتى
‏قال Desert cat
شملولي بن سحلولي
اللهم امين
‏قال Desert cat
صديقتى الرقيقة اجندا حمرا
مازال حتى الان ضحايا تحت الانقاض ومازالت القوات المسلحة لم تفتت الكتلة الصخرية تفتكرى يا حبيبتى قدامنا اد ايه لما يبقى عندنا وسائل انقاذ سريعه وقدامنا اد ايه لما يبقى عندنا مصداقية ونعرف نحترم ادمية بعض
الله معاهم ويصبر اهاليهم
محبتى يا جميله
‏قال Desert cat
الربان
استاذى العزيز الفانين مشغوليين الحفلات ورجال الاعمال مشغولين بالمطربات وازاى ينتقموا منهم واخرين مشغولين بكيفيه تخريب البلد باى وسيلة من الوسائل حتى لو حرق مجلس نواب اثرى
اما سكان العشوائيات فهم مجرد اشغالات وليت كل العشوائيات الدويقه كى يستريح المسؤلين
الله يرحم الموتى
مودتى واحترامى
‏قال Desert cat
قلب مصرى
سمعت انها بقت العزية
لسه متاكدة من الكلام ده قريب اوى من تتابع الكوارث اللى بتحصل ومحدش بيتحرك
مودتى
‏قال Desert cat
مدحت محمد
كل سنة وانت طيب وبالف خير
موضوع الكوارث فاحنا من كارثه لكارثه اكبر ولنا الله
تحياتى
‏قال Desert cat
المحارب المتيم
هما لما يخلصوا علينا احنا بالامراض المستوطنة اللى غزت الشعب غزو جماعى يبقى يرتاحو هما فى البلد بلا دوشة شعب
كل سنة وانت بخير
‏قال Desert cat
Abo 7anf
كل سنة وانت طيب يا ابو حنف
على رايك هما بس يرحمونا شوية ويسيبونا مننا لحالنا وهى تمشى بس ده ميين هيهات دى بلدهم واحنا الرعية
تحياتى
‏قال Desert cat
مثلية تبحث عن ذاتها
لا نملك سواها
حسبنا الله ونعم الوكيل
‏قال Desert cat
محمد صالح
الكتل الصخرية بتقع من زمان
والناس نفسها اشتكت للحى الاف المرات لكن لا حياة لمن تنادى
كان لازم من وقوع الكارثة علشان حد يتحرك
تحياتى
‏قال maxbeta3zaman
قال واحد صاحبنا فى أحد قصائده الزجليه
وماله يتحرق الفين
دا تعداد البلد ملايين
طالع دينا فى سد الدين
سيبونا نقص ونقشر
ان الحكومة ترى أن الكوارث حل للمشكلة السكانيه وتحديثا جبريا للمناطق العشوائية وذلك تكذيبا لكل ماجاء فى فيلم حين ميسره من تشاؤم
وكل حرقه وغرقه وصخرة وانتم بخير
‏قال Ahmed Fahmy
ايه ده احنا طلع عندنا حكومة؟
و الله كويس دة انا كنت فاكر مفيش

المشاركات الشائعة