ايه اللى بيحصل فى مصر ده ؟؟؟؟

قريت من شوية عند نوراة زيارة جمال مبارك لمحافظة الشرقية
طيب ياترى هيعمل ايه فى الدويقة ؟؟؟
بعد وقوع الصخور عليهم وحالات الوفاة والاصابات اللى حصلت
كان عمل ايه قبل كدا لما صخور وقعت والناس ساكنة فى عشش ولا حد اتحرك ولا سال فيهم ؟؟؟
الاخبار بتقول حتى الآن 20 قتيل مع انى اشك فى العدد
لان نفس الاخبار بتقول انه مازال تحت الانقاض المئات
هو الاستاذ هشام طلعت ولا ممدوح باشا ولا السيد محتكر الحديد مش يتبرعوا بربع الملايين اللى بيصرفوها على الهجص ويبنوا لسكان العشوائيات وحدة اسكان متوسط انقاذا لحياة البنى ادمين دووول .. المثير للاعصاب ان المتوفيين بينهم اطفال والمصابين معظمهم اطفال
ولسه فى ناس كمان تحت الانقاض
فين وسائل الانقاذ ؟؟؟؟
قبل كدا فين هيئة المساحة وعمل مسح للمناطق دى ودراسة انهيارات الصخور
الحكومة لحد دلوقتى مش حد اتحرك من مكانه ولا حد هاين عليه يقوم من على الكرسى نص ساعه احنا لو فى بلد محترمة كان زمان الحكومة كلها استقالت من زمان حفظا لماء الوجه
احنا الكوارث عندنا متتابعه ومتتاليه والجميع محلك سر لازق فى الكرسى
ياترى الكارثة الجاية بعد كام يوم والكارثه هتكون عبارة عن ايه ؟؟؟
قدامنا كام اسبوع ولا كام يوم علشان بعدها نسال فين مصر ؟؟؟
شاهد بالصور
http://www.elbadeel.net/index.php?option=com_content&task=view&id=30804&Itemid=120

Comments

Heart Beat said…
الصديقة العزيزة جدا على قلبي

Desert Cat

للاسف الخبر افجعني بصراحة و حسيت اني مش عارفه حتى اقول ايه

كان في احد المتضررين بيتحدث على الجزيرة و قال ان الحي و يبدو انه يقصد رئاسة الحي او اعمال البناء اللي بتتم من قبل الحي

قال ان الحي بيرصف شارع او بيمد شارع في المنطقة المجاورة او الملاصقة للدويقة حيث سقطت الصخور الكبيرة

يعني عشان يمدوا شارع يموتوا الغلابة تحت الارض

صدقيني اللي حصل ده خلاني اقول يارب اشمعنى الغلابة هم اللي كل شوية يموتوا ضحايا لاصحاب الكراسي العالية و مافيش حد فيهم بيتهز و لا يرمش له جفن من الخوف او القلق على اللي بيحصل

و بعدين لاقيت نفسي هاقول كلام غريب و كأني بستغرب من ارادة ربنا و مشيئته يعني كأن اصحاب الكراسي العالية كمان هايدفعونا للتفكير بالشكل ده اللي ممكن يوصلنا لمناقشة المشيئة الالهية

قعدت استغفر ربنا و ادعي انه يصبر الضحايا دول و ياخد بحقهم من اللي مش بيهمه حد

و الله يا قطة مش عارفه اقول ايه
nody_1987 said…
على فكره انا اعرف امكان فى الشرقيه لسه ماهيهاش ميه للشرب موجوده فى الحنفيات بيشربوا من عربيات الميه
دا بالنسبه للسيد جيمى
اما بالنوسبه يعنى للساده سنيده الحزن الوطنى وعتاوله الاقتصاد فا يعنى عيب عليكى
الملاين دى يصرفوها على الغوازى
الساقطات
انما على الغلابه لالالالالالالالالالالا
لازمتهم ايه
يا مؤمنه دا الناس لسه تحت الارض ومحدش عارف ينقظهم مافيش
وسائل انقاذ
هما عندهم الناس دى مالهاش ديه
مافهمش رقاصه
انتى اللى قولتى
احنا لو فى بلد محترمه
بس للأسف
انا بجد جبت اخر فى موضوع الكوارث اللى نازله على دماغنا كل كام يوم
مبنلحقش نفوق من واحده الا لما نلاقى غيرها وراها
وعموووونا جمال بيلفلف فى القرى علشان لما يمسك بقا الحكم يلاقى الناس تشجعه مهو بيقول هيشوفلهم مساكن
موت يا حمار
لا مش كتير خالص كلها أيام ومتلاقيش مصر وابقي وقتها اسألي وهنسأل معاكي ياترى فين مصر ولا هو كان في حاجة اسمها مصر أصلا..{بنا يكون في عون الشعب
تحياتي
A.SAMIR said…
عمر الناس اللي انتي >كرتيهم دول ما يقربوا من منطقة زي الدويقة
لانهم عارفين كويس قوي ان الناس دي هتطلع غل الفقر القحط على دماغهم
banouta masreya said…
مين دول اللى يبنوا بيوت للى ساكنين فى العشوائيات..دى ناس لا عندها اصوات ولا هتعملهم الدعاية اللى هم عايزينها
لكن عزو بيه مش اهبل..هو عامل اللى عليه و زيادة ..فقرة كاملة فى البيت بيتك 30 شقة فى 30 يوم لعرسان الله اعلم اذا كانوا هم كمان متأجرين ولا ايه نظامهم..ده اللى اسمه ذكاء سياسى
بالنسبة لسؤلك فين مصر؟
مصر رايحة فى 60 داهية
سمراء said…
الا هو اتحرك باعتباره لجنة السياسات في الحزب الوطني ولا ايه ؟

اما عن مصر فياما عدي عليها وبهية صلبة وقوية متهيألى التاريخ هيعيد نفسه

سمراء
العزيزة قطة الصحراء
بيكين قبل الألعاب الاولمبية كلها كانت ورشات لانشاء وبناء جسور وفناد وملاعب ولم نسمع عن سقوط لبنة واحدة ..
فعلا يجب أن يطرح السؤال بعمق ما الدي يجري في مصر؟..وفي كل الدول العربية؟
حين تصبح ارواح الغلابة بهدا الرخص فأكيد أن الحصيلة ستزداد مادام التهرب من المسؤولية الجسيمة سهل ويسير..
عزاءنا لنا فينا
مودتي أيتها الغالية
dr.lecter said…
فاكره جمله محسن محيي الدين في فيلم وداعا بونابرت

مصر هتفضل غاليه عليا؟

انا بقي مش عاوزها تبقي غاليه بالشكل ده

العمر مش بعزقه وكفايه اللي راح مننا في البلد دي
قطتنا الجميله

فعلا موضوع يحزن اما سمعته في قناه النيل للأخبار
ناس نايمه في امان الله و فجأه يموتوا كده بالطريقه البشعه دي
وجود عشوائيات موضوع خطير و لازم المسؤلين يبصوا للموضوع ده و يحاولوا يوصلوا لحل له و الا ده مش حيكون اخر حادث

طبعا عدد المصابين و القتلي اكيد اكتر من كده انا اتعودت ماصدقش الاعداد اللي بيقولوا عليها عشان بيكون فيها شويه تعتيم علي الحقيقه

اللي غاظني ياقطه انهم بيقولوا حيبتدوا يفتتوا الكتله الصخريه طب ماكان من الأول قبل ماتحصل المصيبه دي لكن ارجع و اقول ديه المشكله عند المسؤلين بتوعنا يستنوا لما المصيبه تحصل و بعد كده يتحركوا

و علي رأيك قدامنا قد ايه عشان نسأل فين مصر
ربنا يلطف بينا

تحياتي و مودتي ياقمرايه
الربان said…
تحياتي

هذا المكان من اخطر الاماكن...و مكتظ بالسكان...و طبعا السكان لم يجدوا ملاذا
اخر اكثر امنا...و الا لكانوا رحلوا من زمان عن هذا المكان الذي تتكرر فيه
حوادث سقوط الصخر من جبل المقطم.

لو كل رجل أعمال تبرع بجزء بسيط من ثروته...لو كل نجم سينمائي تبرع بجزء بسيط من دخله... لو كل لاعب قدم مشهور
تبرع بجزء بسيط من عقده...لو كل مطرب
تبرع بجزء بسيط من دخله ....لم نكن لنجد
اي عشوائيات في مصر.....

نسأل الله للموتي الرحمة و المغفرة و للمصابين الشفاء العاجل.

تحياتي و تقديري
قلب مصرى said…
هو حضرتك ماعندكيش علم إن خلاص ما فيش حاجة اسمها مصر
بقت اسمها العزبة
كل سنة وحضرتك طيبة

اولا

ثانيا موضوع الحوادث والاهمال فى مصر بجد مبيخلصش

بجد حاجة ترفع الضغط
كل عام وأنت الى الله أقرب


ومنه أخوف

وبه اعرف

والى دار كرامته اسبق

لا تفوتى الواجب الرمضانى

وقفة محاسبة قبل رمضان


بصى يا ستى هما لما يخلصوا مصاريف الممثلات يبقوا يصرفوا على العشوائيات
يا حرام هيصرفوا
على الممثلات ولا الرقاصات ولا العنتزة ولا احتكار البلد ولا رشوة المسئولين
كفاية عليهم المصاريف دى
معلهش

كل سنةوانتى طيبة
Abo 7anf said…
السلام عليكم
ازيك يقطه
كل سنه وانتى طيبه
هى الحكايه مش انهم يتبرعوا
هم يبطلوا ياخدوا
وهى هتتظبط
HANY YASSIN said…
السلام عليكم
العبارة حريق مجلس الشعب سقوط المباني
على الجانب الاخر مقتل سوزان تميم احتكار الحديد
ناس اغنياء بدرجة قذرة وبيستخدموا الفلوس الللى سرقينها في قذارات
وناس فقيرة بدرجة تجرح ورئيس وزراء ساقط بيقول انه كان هيسلمهم البيوت الجديدة خلال اسبوع وانا اقسم انه ما كان هيسلمهم حاجه لانه كداب
عليه العوض و منه العوض وحسبي الله و نعمه الوكيل
للاسف دىكارثه حقيقيه بكل المقايس ولكن الموقف كان ممكن يتمنع من حوالى سنه كنت اتابع القاهره اليوم وكان فى تقرير عن الناس الى عايشه فى المنطقه دى وعن تسريبرات من الجبل بالمياه وشفت المياه بام عينى وكانت تقف السلطات مكتوفى الايدى شوفم بقى حصل ايه دلوقتى الوقايه خير من العلاج
ولكن دا بيورينى مدى الفساد السياسى السائد فى البلد من اول المحليات لرئيس الجمهوريه وسلملى على نظيف اللى نضف البلد من كل حاجه قال علشان تبقى كل حاجه على اسمى
تحياتى
Desert cat said…
Heart Beat
صيقتى الجميلة
احلى دقة قلب
انا شوفت النهارده كتلة صخرية عليها اثار المياه يا حبيبتى عامله صدأ زى صدأ الحديد كدا .. قولت فى بالى ده الكتلة ليها حق تنها وتنهار ولا عزاء لسكان الدويقة
تحياتى يا جميله
Desert cat said…
nody_1987
يا نودى لما السيد المحترم جمال نزل الشرقيه حبسوا الناس فى بيوتها وقفلوا المحلات .. تقريبا خايفين على جنابه مع ان اهل الشرقية اهل كرم وبيعرفوا يكرموا الضيف حتى لو ضيف لئيم
يبقى عايزاه يعرف ازاى ان فى اماكن مش فيها مية لحد دلوقتى
.. بالنسبة لضحايا الانقاض ومازال حتى الان ضحايا تحت الانقاض وربنا يتولانا
تحياتى
Desert cat said…
عايش ولكن
العم سام قصدى جمال بيلفلف فى القرى ومش بيقابل الاهالى بيقابل الناس اللى الناس التانية عايزاه يقالبها علشان يمكن يطلع واحد مختل يقوله مش عايزينك ياباشا ... سيبونا نتنفس شوية بقى
تحياتى
Desert cat said…
كاتب مصري
مصر كانت موجودة وكان ليها مكانتها وليها حضارتها وليها وضعها وعلشان اللى احنا فيه دلوقتى ده لسه بنقول اختراناه مع انى احلف لك انى ما اخترته
Desert cat said…
A.SAMIR
بتهيالى يا احمد ان الناس اللى بتقولهم يابيه وياباشا وهى نفسها اللى فى الدويقة وعلشان الناس اللى اتكلمت عليهم شايفينهم بالضعف ده فعملوا عليهم غيلان .. ومتنساش يا فرعون ايه فرعنك
يعنى لو كان حد عايز يعمل حاجه مش هيستنى لما الباشا اللى يروح له هناك
تحياتى
Desert cat said…
banouta masreya
بالفعل سكان الدويقة معظمهم من الارياف عايشين هناك كمان كمان سكان عشوائيات يعنى مش موجودين على الخريطة الشريفه لمصر
ابقى خدى بالك كمان الايام دى من اعلان مدينى والرحاب طلعت مصطفى عمل نهضة معامرية ى مصر من شرقها لغربها
تحياتى
Desert cat said…
سمراء
هو اتحرك تقريبا باعتباره ما سيكون
اما مصر كانت والحالية الله اعلم اسمها ايه
تحياتى
Desert cat said…
العزيز نبراس العتمة
عندك اليابان واكرانيا من اهم المناطق الصناعية ودائما فى تقدم مستمر اما الدويقة عشوائيات مش منطقة صناعية
وبالرغم من كدا انهارت دى لو صناعية كان زمان مصر كلها انفجرت
لنا الله
اشكرك جدا على مشاعرك الطيبة
تحياتى
Desert cat said…
dr.lecter
ههههههههههههههه
مش عارفه ليه متخيلاك وانت بتقول الجملة دى
تصدق انا كمان مش عايزاها تفضل غاليه لما الواحد بيعز حد اوى ويعمل فيه كدا يبقى نجرب لما نكرهها هيحصل ايه
تحياتى
Desert cat said…
شملولي بن سحلولي
اللهم امين
Desert cat said…
صديقتى الرقيقة اجندا حمرا
مازال حتى الان ضحايا تحت الانقاض ومازالت القوات المسلحة لم تفتت الكتلة الصخرية تفتكرى يا حبيبتى قدامنا اد ايه لما يبقى عندنا وسائل انقاذ سريعه وقدامنا اد ايه لما يبقى عندنا مصداقية ونعرف نحترم ادمية بعض
الله معاهم ويصبر اهاليهم
محبتى يا جميله
Desert cat said…
الربان
استاذى العزيز الفانين مشغوليين الحفلات ورجال الاعمال مشغولين بالمطربات وازاى ينتقموا منهم واخرين مشغولين بكيفيه تخريب البلد باى وسيلة من الوسائل حتى لو حرق مجلس نواب اثرى
اما سكان العشوائيات فهم مجرد اشغالات وليت كل العشوائيات الدويقه كى يستريح المسؤلين
الله يرحم الموتى
مودتى واحترامى
Desert cat said…
قلب مصرى
سمعت انها بقت العزية
لسه متاكدة من الكلام ده قريب اوى من تتابع الكوارث اللى بتحصل ومحدش بيتحرك
مودتى
Desert cat said…
مدحت محمد
كل سنة وانت طيب وبالف خير
موضوع الكوارث فاحنا من كارثه لكارثه اكبر ولنا الله
تحياتى
Desert cat said…
المحارب المتيم
هما لما يخلصوا علينا احنا بالامراض المستوطنة اللى غزت الشعب غزو جماعى يبقى يرتاحو هما فى البلد بلا دوشة شعب
كل سنة وانت بخير
Desert cat said…
Abo 7anf
كل سنة وانت طيب يا ابو حنف
على رايك هما بس يرحمونا شوية ويسيبونا مننا لحالنا وهى تمشى بس ده ميين هيهات دى بلدهم واحنا الرعية
تحياتى
Desert cat said…
مثلية تبحث عن ذاتها
لا نملك سواها
حسبنا الله ونعم الوكيل
Desert cat said…
محمد صالح
الكتل الصخرية بتقع من زمان
والناس نفسها اشتكت للحى الاف المرات لكن لا حياة لمن تنادى
كان لازم من وقوع الكارثة علشان حد يتحرك
تحياتى
Anonymous said…
فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html
maxbeta3zaman said…
قال واحد صاحبنا فى أحد قصائده الزجليه
وماله يتحرق الفين
دا تعداد البلد ملايين
طالع دينا فى سد الدين
سيبونا نقص ونقشر
ان الحكومة ترى أن الكوارث حل للمشكلة السكانيه وتحديثا جبريا للمناطق العشوائية وذلك تكذيبا لكل ماجاء فى فيلم حين ميسره من تشاؤم
وكل حرقه وغرقه وصخرة وانتم بخير
A7MeD F@hMy said…
ايه ده احنا طلع عندنا حكومة؟
و الله كويس دة انا كنت فاكر مفيش

Popular posts from this blog

قميص دهشور

كل تحرش وانتوا طيبين