محاكمة طلعت مصطفى

تحدد موعد لمحاكمة طلعت مصطفى ومحسن السكرى المتهمان بقتل المطربة سوزان تميم الاسبوع المقبل ... واوضح رجال القانون ان الحكم اعدام للقاتل .. وللمحرض على القتل ...
طيب اللى قتل 1300 واحد اخد براءه ليه ؟؟؟
والمتسبب فى حرق قطر هو فين ؟؟؟
والمسؤلين عن حريق الشورى الصقوها فى ماس كهربائى ليه ؟؟؟
ومستورد اكياس الدم الفاسدة أخد براءه ليه ؟؟؟
ومستورد المواد المسرطنة بينعم بفلوسنا ليه والسرطان بيهرى فى اعضاء الشعب ازاى ؟؟؟
واللى سرقوا اموالنا من البنوك ههما فين ؟؟؟؟
مش معترضة على محاكمة طلعت مصطفى بس معترضة على الضغوط اللى مصر تحتها واللى من اجلها قدمت طلعت مصطفى للقضاء ... هو علشان اللى اتقتلت مش مصرية يبقى لازم التحقيق ومحاكمة الجناه لكن الـ 1300اللى فى العبارة شوية صعايدة مصريين مش مهم غرقوا فى غيرهم 80 مليون
اللى ماتوا مسرطنين وبسبب اكياس الدم الفاسدة شوية فلاحين مش مشكلة برضه مصريين فى غيرهم موجودين ؟؟؟
اللى هربوا بفلوسنا و3/4 الشعب تحت خط الفقر لدرجة اننا عاشين دلوقتى فى نظام الاقطاع ... هيفضلوا كدا احنا جوا متهانين وهما بره بفلوسنا عايشين فى نعيم ؟؟؟؟؟
ملفات محتاجه يتم ازالة التراب من فوقها وملفات اخرى تخرج من تحت الانقاض واخرى يلفظها الرماد
ويتم التحقيق فيها من اجل حقوق المصريين

تحياتى للجميع

تعليقات

‏قال Rania Lelah
معاكى فى كل كلمه قولتيها و فكرت فيها انا كمان قبل كدة
علشان دى مش مصريه الدنيا قامت و اتسجن واحد من قيادات الحزب
طب احنا فين
اللى مات مننا راحوا فين
ملهوش اى تمن
حسبنا الله و نعم الوكيل

تحياتى
‏قال nody
هو لا كده عاجب ولا كده عاجب
مره من نفسنا ياستى نحس بالدستور
هو طبعا دستور يا اسيادنا
المشكله انه طالع طالع
بس هو زى ماتقولى ترضيه للامارات
داغير ان القتيله شخصيه معروفه
داغير اننا شعب طيب
ما نرضاش واحد من الكبارات بيتهان علشان الف واحد مات ولا مليون جه لهم سرطان
ياشيخه دا العفو من صفات الكرام
واحنا فى رمضان

سلامى
‏قال Unknown
عندك حق والله يا قطة متفهميش ده ايه بس ناس تسرق بلاوي زرقا وتقتل بالآلاف ومحدش يقولهم انتو فين ليه عشان بيسرقوا في مصر وبيقتلو شعب مصر..لكن الدول المحترمة لما يتداس لواحد من شعبها على طرف لازم تطالب بالمحاكمة للأذاه وللأسف مصر مضغوط عليها في حكاية طلعت مصطفى وإلا كان فلت زي غيره كتير..بس دول ناس عندهم احترام لشعبهم
أما احنا...
المهم ياريت تبقي تتابعي الرواية الجديدة الحلقة الاولى كانت النهارده مفاجأة يارب تعجبك
كل ودي
‏قال غير معرف…
ننتظر حتى يصدر الحكم
مش بعيد تطلع القتيله منتحره
السرعه فى الموضوع تدعو للريبه
بعد ان طال الفساد آخر حصون الحق فى مصر
ثانيا
اين ملف ميشيل جار وفاروق حسنى؟
طبعا لا تذكرونه
ليلة اول يناير 2000
عزم وزير الثقافه طبال فرنسى شاذ اسمه ميشيل جار لأحياء ليله عند الهرم بمقابل كام تفتكروا ؟....ليله واحده فى بلد لا تجد الخبز؟
عشره مليون دولار
اكرر
عشره مليون دولار
اى اكثر من 50 مليون جنيه مصرى
رغم معارضة بعض الشرفاء ومنهم الصحفيه سكينه فؤاد
ولكن الوزير اصر
طبعا معروف ليه
حبا فى مصر هههههههه
ونسيت ملفات الفساد فى ماسبيرو الرياده
وغيرها وغيرها
‏قال غير معرف…
رغم كل التدهور لوتاملتى تجدى ان علامات للحياه فى جسد هذا الشعب تظهر بين الحين والآخر
النبض لا يزال مستمرا وحالة المخ مطمئنه
والتنفس منتظم
وكافة الوظائف الخيويه
مستقره
ولذلك انا متفائل
‏قال mostafa rayan
اتفق معك فيما قلتيه
ولكن يبدو ان فى الأمور امور لم تكشف بعد فطريقة القتل كانت غبية جدا ومتهيألي طلعت مصطفي ازكي من كدة
الحكاية لسة مخلصتش وفي تفاصيل تانية كتير هتوضح مع الأيام
كل سنة وانتي طيبة وربنا يتقبل منك صالح الأعمال
‏قال AHMED SAMIR
واضح انك متفاءلة جداااااا
هل تعتقدي ان هشام طلعت مصطفى ممكن ياخد اعدااام؟؟؟؟؟؟؟؟
انتي واضح انك مش واخدة بالك من الاعيب المحامين وثغرات القوانين
واللذي منه
وما ادراكي ما هو الذي منه دة
تحيااااتي
‏قال Yasmine
والله كنت بقول نفس كلامك ده انهاردة
ضجة غير عادية على واحدة بين ايدين اللى خلقها و واحد لسه ما صدرش حكم ضده...هو فى ايه؟!!!
و بالمناسبة اللى طلع ممدوح اسماعيل براءة مش هيطلع طلعت مصطفى؟ حتى لو مدان الناس دى مش بتتسجن
‏قال tarek alghnam
اولا كل سنه وانتى بخير
وكل سنه وانتى الى الله اقرب
تساؤلاتك معك الحق فيها
وهى دى مصر من الاخر
حسبنا الله ونعم الوكيل
وعلى فكرة شويه كدة والقضيه دى حتنام وحيطلع براءة
والزمن بينا
تقبلى تحياتى
ودمتى بود
‏قال dr.lecter
بصي هاشتغلك في نظريه المؤامره

عندك احتمال الاول انه فعلا كان علي علاقه بالمطربه دي وكانت ماسكه عليه حاجه او هو مفقوع منها

زي زكري كده


الاحتمال التاني يافندم ان زي ماحصل كده لابو الفتوح بتاع البي ام


ان النظام وعلي راسه الناس الكبيره كانوا عاوزين حصه من مشاريع طلعت مصطفي وعاوزين يقبقوا شركاء مثلا

وياخدوا هبشه محترمه بس هشام رفض راحوا موديينه ورا الشمس او اتخلوا عنه لما احتاج لهم بصفته عضو مهم في الحزب الوطني


الاحتمال التالت ان ده تصفيه حسابات مابين جبهه جمال مبارك وجبهه صفوت الشريف والشاذلي والناس القديمه

وكلهم عمالاين يطوحوا في بعض
‏قال Amgad
يا بنتي في ضغط
دبلوماسي كبير اوي في الليله
الامارات ضاغطه علينا
عشان الموضوع ميعديش
وعلي فكرة انا متوقع
انتحار السكري من يوميها
بس زي متقال
هشام طلعت اتباع فعلا
لكن انا احييه علي حاجتين
اولا
عمل
مدينة عالمية علي ارض مصرية
وجريمة مصرية علي ارض عربيه
بالله عليكي انتي سايبه الموديراشن اكسيبت ليه
ميرسي انك كبرتي الخط
‏قال الربان
تحياتي

طبعا عنك حق في كل كلمة...و لكنني متفائل خير بالنائب العام...فهو ، ولا نزكي علي الله احدا ، رجل قانون قدير و يخاف الله....و قد سارع عقب النطق بالحكم في قضية العبارة بالاستئناف...

ايضا لان الجريمة حدثت خارج مصر...و دبي
قدمت كل الحجج و الادلة...فاصبح من الصعب اغلاق الموضوع.....

كل ما نأمله ان يأخذ كل من أخطأ عقابه الذي يناسب خطأه....و الا يفلت
احد مهما كان من يد العدالة....

نسأل الله السلامة من كل أثم و أن يسترنا
فوق الارض و تحت الارض و يوم العرض.


تحياتي و تقديري
‏قال Ahmed Fahmy
هههههههههههههههه
المصريين رخاص ف بلدهم اومال في البلاد التانية هيعاملوهم ازاي؟
ما لهم حق برضو
خدي كمان عندك السياح اللي بينقلوهم بالهليكوبتر ف الحوادث و دي حاجة ماشفتهاش حصلت ف العادي قبل كدة ولا كمان الحمد لله اطمن يا افندم المصابين كلهم مصريين
ايه ده يا حنان ماعرفش انك بتدققي اوي كدة
ما هي مصر ولادة دي فيها 80 مليون تيجي انتي تقولي 1300 واحد و مليون واحد
احب اطمنك مصر بخير بخير بخير
بس هيفضل السؤال ف الاخر لحد امتي؟؟؟
-----------
روووووووومانسي
‏قال غير معرف…
اذا كنا نبحث عن العدل فى مكان ما .. فهو ببساطة مش موجود

تناول القضايا داخل فيه اشكاليات كثيرة مثل الاجراءات وجهةالاختصاص وغير ذلك ما يجعلها دائما وكأن القضاة ينظرون فى الاتجاه غير الصحيح بعيدا عن الموضوع نفسه ..

هل قلت شيئا جديدا؟ لااعتقد
‏قال Migo Mishmish
جبتي التأكدي ده منين يا قطة مين قال ان في حد هياخد اعدام ومن قال ان في حد هيجي ناحيه طلعت مصطفي. امبارح على غير العادة كنت قاعدة قدام التليفزيون واتفرجت على اعلان لمجموعات طلعت مصطفي. بالامانه الاعلان مكنش اقل من عشر دقايق ومش كدة لا ده بيتكرر زي ما يكون تنوية عن حاجة مهمة قوي لازم الناس تاخد بالها منها زي اعلانات الجفاف ولا اعلانات تنظيم الاسرة. محكمة مين اللي هتحاكم ايه يا حجة؟ استنى لما نتيجه التحقيق تطلع. القضيه هيشيلها حد والحد ده ياما هيكون غاوي شهرة ياما مجنون ياما كان بيردد شعارات دينيه وهو بيقتلها او هتطلع اسرائيل هي السبب. او ممكن تتحل بطريقه اسهل من كدة خالص يقولوا ده ماس كهربائي. ويطلع طلعت باشا يكمل مشروع مدينته وهيدي فلل كتيرة قوي لكل رجال القانون الشرفاء من اول العسكري لغايه اكبر راس في الليله علشان على ايديهم هيظهر الحق ويهزق الباطل ويروح بلدهم
Love,
MishMsih
‏قال Misrdream
كويس ان فى حد اتحاكم اصلا ياقطه
احنا كنا فين وبقينا فين
ومتخافيش بكره هيطلع منها زي الشعره من العجين
اقعدوا بالعافيه
ورمضان كريم
‏قال Bob
الحقيقة اول مرة امر عندك
بس اسعدنى مواكبتك للاحداث وخاصة موضوع هشام طلعت مصطفى وطلعت السكرى وتحريضهم على قتل المطربة اللبنانية سوزان تميم
ودفعهم 2مليون دولار لظابط مصرى
ونلاقى فجاة الناس الكبار انقلبو على الناس دى واولهم راس الافعى احمد عز ثم مطالبة الشريف برفع الحصانة عن هشام فى ظل بيحصل اكتر من كده مع ناس تانية وبيعدوها بمزاجهم
يلا منقرش نقول الا :
حسبنا الله ونعم الوكيل
بهاء
‏قال سنووايت
ايه يا قطة اوعي تكوني بتشككي في نزاهة وعبقرية وشفافية القانون
ما ضاع حق وراءه مطالب
لسة الموضوع ما خلصش مع ان نهايته مش هتختل كتير
‏قال tamer.sala7
بصي هو رأيي وانا مش راجل قانون مش عارف صح ولا غلط بس اللي فهمته ان هشام طلعت مصطفي لو مكنش رجع مصر كان الانتربول حيجيبه ويسلمه لشرطة أبو ظبي لن الجريمة اللي حصلت حصلت علي ارض الامارات فهو حسبها لقي نفسه لو اتحاكم ف يالامارات يبقي حيشيل خرة علي دماغه لأن الناس دي معندهاش خيار وفاقوس مع الاعتذار لكل اهالي فاقوس طبعا
هو بقي حسبها صح وقال انزل مصر وبكدة اتحاكم في مصر علي اساس ان في مادة في القانون بتقول ان الدولة لا تسلم رعاياها لأحد وبكدة يبقي هو ضرب عصفورين بحجر واحد هرب من الانتربول وفي نفس الوقت حيتظبط لغاية ما يطلع براءة زي الباقين

انما لو كان اتحاكم في الامارات كان زمانه اتفذ فيه الحكم امبارح بالليل
للأسف احنا بنحب ناخد على "قفانا " من الغريب انما المصريين منهم فيهم محدش يقدر يقول تلت التلاته كام
واتكلمى متتكلميش زعقى متزعقيش والله لو حتى وقفنا كلنا على دماغنا بردو بلدنا بقت ماشيه كده ومن كتر الفساد مبقيناش قادرين نلاحق عليه
حسبنا الله ونعم الوكيل
‏قال Nasimlibya `√
خلوها ع الله
ربي ياخد الحق من الظالم المفتري
وان كان هناك عدل فهو في السماء لا علي الارض
رمضانكم سعيد
‏قال Desert cat
Rania
علشان الضغط اللى واقع على مصر من دبى اصل اى بلد تانية بتقدر مواطنيها كويس جدا مع انها لبنانية بس اتقتلت فى دبى
تحياتى
‏قال Desert cat
nody_1987
دستور يا اسيادنا انتى حاسه يا نودى ان فى حاجه بتحصل فى البلد دى من الدستور ده المادة التنية عندك فى الدستور وهى مبدأ المواطنة .. منتهك قلبا وقالبا ... وتقولى دستور
بخصوص برائه هشام مش متفائله
تحياتى
‏قال Desert cat
Anonymous
كى يمنك التغلب على عدوك لابد من هزيمته معنونيا
ولابد من التغلب على شعبك فافعل فيه كل ما جاء بدراستك حضرتك
لذلك نحن الشعب المقهور المهزوم المذلول راضخين وراضيين ولسه بنقوله اخترناك .. مع انى اقر واعترف واحلف على جميع الكتب السماوية انى ما اخترته خالص
تحياتى
‏قال Desert cat
كاتب مصري
وده الفرق بينا وبينهم ان اى دولة تانية بتعرف تحترم مواطنيها كويس لكن احنا بنتفنن فى اهانة الشعب كويس
تحياتى
‏قال Desert cat
Anonymous
عزيزى كل يوم يظهر لنا قيادى من الحزب الفاشل قصدى الحاكم بفضيحة مختلفة عن اللى قبله
فلو فتشنا فى ملفات الفساد من الارجح نعود بالذاكرة للخلف لملف صفوت الشريف وسعاد حسنى وبرلنتى وصلاح منصور وعمليات الكنترول الله يرحمها بقى الست سعاد ماتت وسرها معاها
اتنبأ ان الفضيحة القادمة لاحمد عز
‏قال Desert cat
واحد متفائل تصوروا
اتمنى يا استاذ متفائل ان تزول الغمة قريبا لنحيا فى وطن يحترم ادمية مواطنيه
تحياتى
‏قال Desert cat
mostafa rayan
وانت طيب يا مصطفى
محسن السكرى كان مسجل مكالمات هشام واعتقد ان المكالمات اللى اتسجلت فيها من السذاجة ما يثير الغثيان
تحياتى
‏قال Desert cat
A.SAMIR
لاء يا احمد مش متوقعه انه ياخد اعدام
بس اللى متوقعاه انه برضه مش هياخد برائه اصل القتيلة مش مصرية يعنى تروح فى غيرها
‏قال Desert cat
banouta masreya
حتى لو اتسجنت بيكون مسجونين فى فندق يا جميل مش فى سجن كل سبل الراحه والترفيه متوفرة بس برضه حاسه ان طلعت هياخد حكم مش عارفه ليه
تحياتى
‏قال Desert cat
طارق الغنام
كل سنة وحضرتك طيب وبالف خير
اعتقد ان القضية المرة دى مختلفة شوية
محسن السكرى سلم الاتنين مليون دولار اللى قبضهم له هشام مقابل القتل
وكان مسجله مكالمات الموضوع واخد محور مختلف شوية
بس عموما فى انتظار ما ستسفر عنه الايام المقبله
تحياتى
‏قال صفا سارة
مممممممممم
المصريين كتار يا حنان عاوزين نعمل حد للعدد الكبير ده فشوية فى العبارة وشوية فى الدم الملوث عشان العدد يخف
والبقية تأتى والمصريين اللى عملوا فى نفسهم كده لما سكتوا على الظلم
‏قال Heart Beat
الصديقة العزيزة جدا على قلبي
Desert Cat

هي لو كانت مصرية سواء كانت من الشعب و لا حتى مطربة برضه كان زمان الموضوع اتقفل من زمان و لا حد اتقبض عليه و كاميرات صورته و لا اي حاجه من اللي حصل ده

في حلقة برنامج القاهرة اليوم اما استضاف محامي محسن السكري ... في واحد منهم اسمه انيس بصراحة قال جملة ضحكتني اوي ... قال انه بتجمعه صداقة عمل مع السكري و انه كان بيحسده على كم الاصدقاء اللي عنده و ان ده دليل على ان السكري انسان طيب و عشري ... انا سمعت الجملة دي و فعلا قلت ان في محامين يبيعوا اي حاجه في مقابل المال ... السكري جاب ورقة و زورها و حط عليها لوجو شركة المبنى اللي كانت ساكنة فيه سوزان و كان بيلفق لها قضية مخدرات و بياخد فلوس من هشام و بيصرفها على نفسه و قال انه بيشتغله و الكلام الكتير ده و مع ذلك تلاقي المحامي الهمام بيقول عليه طيب و عشري ... يعني حتى مش مزور و هي ابسط حاجه عملها و اعترف بيها

بس تقولي ايه بقى كلهم حراميه في بعض

لو هي مصرية ماكنش ده حصل كانت الحكاية بقت انها على علاقة بشخص ما و الله اعلم مين هو و ان مشيها بطال فقتلها و لا حد كان هايسمع عن هشام و لا غيره

انما طبعا عشان في طرف تاني في الموضوع لازم الحقيقة تبان و لو ان السيناريو اللي الحكومة الموقرة بتعمله دلوقتي ان عشان السكري و هشام اتقبض عليهم في مصر يبقى لازم يتحقق معاهم في مصر و يتحاكموا ان ثبتت الجريمة عليهم في مصر و مالنشا دعوة بقى بدبي و لا لبنان

يعني سادة القانون عندنا بيحاولوا انهم يلموا الموضوع عندنا هنا طبعا عشان قادة الحزن الوطني ينبسطوا

ماعرفش طبعا اذا ممكن دبي تبعت حد يباشر التحقيقات و لا لبنان تقوم بنفس الشيء الله اعلم و لو اني افضل ان ده يحصل

لكن النتيجة النهائية ان المواطن المصري رخيص و دمه عادي مش فارق مع الحكومة الموقرة لو مات غرقان او بدم فاسد او بسرطان ... الحكومة عندنا ما تتحركش الا اذا كان في حد ماسك لها كرباج و بيضربها به ... يعني لو مثلا حد من الغلابة اللي ماتوا دول في العبارة و لا غيرها كان معاه جنسية اجنبية و لا حتى عربية كانت الحكاية اخدت شكل تاني خالص

لكن لانهم غلابة فخلاص مش مهم زي ما قولتي كده راح الف في غيره كام مليون

تحياتي يا قطقوطة
‏قال غير معرف…
قطقوطتنا الحلوه
عامله ايه ياجميل؟
يارب تكوني بخير

شوفي ياجميله الحكايه مش حكايه ان اللي اتقتلت مش مصريه
الموضوع و مافيه ان هشام اتقلب عليه جامد و من جهات عليا عشان كده بعد ماكانوا مانعين النشر في القضيه فتحوها علي البحري يبقي السؤال ليه؟بكل بساطه مش عشان تطبيق القانون لأ هما عايزين يفضحوه و انتي اهو و انا اهو و هشام طلعت في سجن المزرعه ان ماطلعش منها زي الشعره من العجين يبقي فيه كلام تاني

كل سنه و انتي طيبه ياقمر
‏قال محمد صالح
والله الوضع فى المجتمع المصرى صعب للغايه وكمان الوضع السياسى البيروقراطى مبيتقدمش ابدا وانا بقول انه عمره ما هيتقدم الا اما يكون فى تغيير جذرى فى سياسة الدوله والابتعاد عن سياسة رجال الاعمال اللى هما الحزب الوثنى لان مفهوم رجال الاعمال مش بيقوم على الخدمات انما على راس المال ولازم يكون فى حد بيفهم فى السياسه صح يمسك المناصب دى وكمان المعارضه مواليه للحكم بيخدم فلوس منهم اما بالنسبه للفلوس اللى اتهربت واكياس الدم وخلافه فدا حصل لان الشعب المصرى شعب طيب بيحمد ربه ويشكره على كل شئ فى الضراء والسراء يعنى مش هتفرق معاهم كينا ولا مكسبنا دا اكيد من منظور الحكومه
الشعب المصرى فى حالة جمود سياسى لو الشعب المصرى فكر فى السياسه صح وجرب ان يشارك فى الوضع الموجود هيختلف الوضع كتير
تحياتى
‏قال Desert cat
dr.lecter
والله هو طبقا لنظرية المؤامرة اللى دكتورنا الهمام شغال فيها
فدعنى اتأمر معك يا دوك واقولك
ان تقريبا كدا والله اعلم ان هشام كان مقاطع عز وحديد عز
فعز وغير نوع الحديد المستخدم فى مقاولاته فعز قاله ودقنى الشريفة دى لاربيك يا هشام
ودلوقتى هشام تقريبا تعاد تربيته من اول وجديد
ايه رايك بقى فى المؤامرة دى
تحياتى
العزيزة قطة الصحراء..
تصوري أن خبر مقتل سوزان تميم له صدى وضغط ديبلوماسي أكثر من غرق سفينة عربية بحجم التيتانيك..
لو يعني قتلن هيفاء أو نانسي ربما تحدث أزمات بين الدول وحروب أهلية ..
أرأيت المستوى الدي أصبحنا نشرف عليه
تحياتي على التدوينة الرائعة
‏قال Desert cat
Amgad
يا امجد سوزى لو مصرية مش كان حد جاب سيرتها اصلا
وتلاقى كل المصريين قالوا يااااى مطربة يعنى فاسقه اهى خدت الشر وراحت على اساس ان الحس الدينى عندهم مسيطر مش بيرتشوا ولا بينهبوا فى بعض
انا كمان بحيى هشام على الملايين اللى صرفها على سوزان وبلده مليانه اطفال شوارع
انا سيابه الاكسبت مودريشين
علشان فى اسماء مش اتشرف انشر لها حرف عندى وبالتالى من اول مااشوف الاسم بدون ما اقرى سطورهم البهيه برمى فى اقرب مقلب زباله على طول
تحياتى
‏قال Desert cat
الربان
ليت مصر كلها النائب العام
فهو ايضا من سارع باستئناف الحكم فى قضية اكياس الدم الفاسده
محسن السكرى كل يوم يظهر دليل جديد على ادانته
كمان مسجل مكالمات تمت بينه وبين هشام
اعتقد ان القضية لا مفر منها
والله اعلى واعلم
احترامى وتقديرى
‏قال Desert cat
A7MeD F@hMy
ههههههههههه
حلوة اطمن يا فندم المصابين كلهم مصريين حقيقى احنا شعب نكته اوى
المهم بقى يا احمد اان بدقق علشان الحقد اللى عندى ده مش عارفه اعمل ايه يعنى سوزان هانم يحصل الضجة دى كلها و 1300 ولا من شاف ومن درى والقاضى ينطق الكم ويقوم يجرى من على المنصة كان اللى ماتا كلاب ولا عزاء للمصريين
تحياتى
‏قال Desert cat
Sherif
القضاه فى القضايا السابقة كانوا ينظرون عكس الاتجاه لان ليس على مصر اى ضغوط خارجية
لكن قضية اليوم تختلف فالقتيلة لبنانية واتقلت على ارض دبى ودى جريمة فى حق اى بلد محترمة ان حد يتقتل عندها لان حياة البنى ادم عندهم غاليه اوى مش زينا الامير كلاب تموت اللى هى عايزاه مش مهم هيطلع غيرهم على راى احمد مصر ولاده
تحياتى
‏قال Desert cat
Migo Mishmish
انا مش جبت التاكيد يا مشمشوشة بس على الاقل رجع من بره وعلى الاقل هيتقدم لمحاكمة غيره قتل 1300 وراااااخ يا خواتى رااح
الاعلان انا شوفته على الحياة وقت الفطار وقعدوا يعيدوا ويذيدوا حسيت انهم بيوصلوا رساله معينه لحد معين
النتيجة النهائية فى المبارة العربية دى بقى ان شكلها اللى هيشيل اليله محسن السكرى لانه كل يوم يطلع ادلة تدينه واخر دليل بيقولك تحليل الدى ان ايه كشف وجود فعلا دم على ملابس محسن السكرى
اول مرة اشوف ظابط امن دولة غبى كدا
يعنى صور ودم ومشترى جزمة وخنجر بالفيزا الخاصه بيه
ده اطفال 5 ابتداى مش يعملوا كدا
ربنا يظهر الحقيقة بقى
تحياتى يا مشموشه
‏قال Desert cat
Misrdream
هو خطوة كويسة انه يتحاكم
لكن الحكم بقى شكلها كدا السكرى شال الليله
تحياتى
‏قال Desert cat
Bob
مع موجة الادلة اللى كل يوم تظهر
مش بعيد تلاقى راس الافعى بعد يومين اسمه بيتردد معاهم
بالمناسبة هشام طلعت هو اللى دفع لمسحن السكرى يعنى مش الاتنين دفعوا لظابط مصرى
كمان يتردد انه متورط معاهم احد الخليجيين لكن لم يكشف عنه الستار بعد
شرفنى جدا مرور حضرتك
تحياتى
‏قال Desert cat
سنووايت
انا مش بشكك فى حاجه صدقينى
لكن انا شاكه فى القضاء وفى مجلس الامن وفى هيئة الامم المتحدة
فى انتظار كلمة النهاية
تحياتى يا جميل
‏قال Desert cat
tamer.sala7
كلامك صح يا تامر
بالفعل لو كان مازال فى سويسرا كان اتسلم لانتربول دبى
والناس دى عندها دم الفار ليه تمن فما بالك ببنى ادم
هو قالك اجى مصر بلدى حبيبتى اللى زى ما نصفت ممدوح وهانى هتنصفنى والبقاء لزوى رؤس الاموال
لكن كل الادلة دلوقتى تشير لمحسن ومحسن مسجل مكالمات لهشام وبيقولوا متورط معاهم رجل اعمال خليجى وكل يوم يظهر كلام جديد .. عموما مش عايزين نسبق الاحداث
تحياتى
‏قال Desert cat
عايش ولكن
اه والله يا علاء الغريب جه فى الوقت المناسب
يعنى بعد الحكم فى قضية العبارة وكمان فى اول جلسات الاستئناف يظلع لنا هشام بجريمة القتل ومن قبلهم ايمن السويدى ولسه
متشكرين اوى يا رجالتنا يا مشرفينا
كل سنة بمصيبة جديدة
تحياتى
‏قال Desert cat
nasimlibya
ونعم بالله
كله على الله
رمضان كريم
‏قال Desert cat
صفا
المصريين منتظرين صلاح الدين من جديد
ميعرفوش ان الجبن مستحيل يطلع منه لا صلاح الدين ولا عز الدين
تحياتى
‏قال Desert cat
Heart Beat
صديقتى الجميلة احلى دقة قلب
كلام المحامى فى القاهره اليوم من خلاله حسيت انه بيتكلم على طفل
والله كان محبوب بس هشام الوحش اللى ضحك عليه وقاله روح اقتل سوزان وهجيب لك شكولاته
سوزان لو كانت مصرية بالفعل مش كان حد اتحرك وعندك العبارة اللى فيها 1300 وممدوح فى لندن ينعم هناك قال ايه بيتعالج
يمكن بتيجى له كوابيس تطارده فيها اشباح الغرقى علشان كدا رايح يتعالج منها
للاسف المصريين احلامهم غرقت وطموحهم ماتت
بسكوتنا وخنوعنا علشان كدا يموت 100 يموت حتى عشرة مش مهم المهم الحكومة تعيش
شرفتينى يا جميلة
‏قال Desert cat
اجندا حمرا
صديقتى الجميلة
كل سنة وانتى بالف خير
بصى يا دكتورة هشام كان ممكن يفضل بره مصر لكنه لو استمر فى سويسرا كان زمانه اتسلم لانتربول دبى والناس دى مش عندها رحمة وده السبب اللى رجعه تانى لمصر ... موضوع البرائه مش واثقه منه اوى خصوصا بعد ثبوت الادله على محسن السكرى ومحسن فى كل التحقيقات مورط هشام معاه
هنشوف الايام اللى جايه فيها
محبتى يا قمراية
‏قال Desert cat
محمد صالح
متفقه معاك
لكن فى نقطة
الشعب المصرى مش يقدر يشارك فى السياسة لان كل واحد ماشى بقانون اشمعنا انا اللى هتكلم انا ورايا عيال عايز اربيها
انا امشى جنب الحيط احسن لى لحد ما بقي زى الحشرات ماشى جوا الحيط
تحياتى
‏قال Desert cat
نبراس العتمة
يا عزيزى لأسف الشعوب العربية مدعية البطولة فى انحدار
اخبار قتل سوزان مبارك متصدرة كل الجرايد الرسمية والمعارضه ومبقاش فى اى اخبار عن فلسطين او لبنان او العراق المهم دلوقتى سوزان تميم اللى وحدت الدول العربية
وتحيا الوحدة العربية
مودتى واحترامى
‏قال maxbeta3zaman
طق ..طق"... علامة ضيق وتبرم
انت موش فاهمه الدنيا
طبعا لازم يتحاكم لأنه ماموتشى غير واحده بس ...المفروض يكون عنده وعى قومى ويموت له كام ألف لأن بالمعدل ده ولا مليون سنه على ماتخلص مصر من الزياده السكانيه اللى موقفه التنميه وبعدين طلعت كمان لبنانيه يعنى العداد موش حايعد واحد حتى "

المشاركات الشائعة