رحلة داخل عالم التناقض

ان تكره شيئ فهذا عادى ... لكن ان تكرهه وتفعله فانت إنسان متناقض
فى إحدى المرات سألتنى صديقتى المقربة مش ملاحظة حاجه غريبة
قولت لها خير ؟؟؟
قالت لى انك مش بتحبى جمال عبدالناصر ولما اتنقلتى لمحافظتنا العامرة روحتى سكنتى فى شارع جمال عبدالناصر ضحكت ضحكة عالية اوى وقولت لها حكم القوى ... قالت لى كنتى قولتى للاقوياء دول انك مش بتحبيه قولت لها عارفين وعلشان السيد الوالد من محبيه تقريبا حب يعاقبنى بهذا السكن الجديد كى اذكر اسمه دائما فى عنوانى
=======================
نعيب زماننا والعيب فينا وما لزماننا عيب سوانا
بالفعل قمة التناقض ... حينما نتخيل ونرسم اشياء وان لم تاتى على هوانا او كما تخيلنا نجلس لنلعن فى الزمن ونصب سخطنا عليه
وحينما يجلس احدهم اليك ليذكرك بالماضى تجد نفسك تقلب شفتيك لتترحم على الزمان وحلاوة الزمان وجمال الزمان ... حقيقى قمة التناقض ما دخل الزمان فيما يحدث إليك أهو العقل المفكر والساعد لك ؟؟؟؟
=============================
من شهر تقريبا ميمو اترقى واتنقل مكان اقرب من اللى كان فيه ولما سالته الناس لما بتترقى بتبعد خصوصا فى شغلكو ده وانت بتقرب ... قالى اصلهم بيخافوا عليا من الغربة .... نزلت معاه نشترى حاجات كان محتاجها فى الطريق لاقينا صف عربيات كتيييير وبيتحرك تاتا تاتا وعلى الجانبين عربيات امن مركزى والجانب التانى عربيات حريق ... لما وصلنا عند الكابتن اللى بيشوف الرخص ميمو ساله هو فى ايه .. قاله حادثة قتل .. مين قتل مين ؟؟؟ الكابتشن قاله 3 قتلوا بعض وال3 محامين واصحاب .. مشينا بس انا مش هديت عايزة اعرف السبب .. قالى هتعرفيه دلوقتى .. واتصل بحد من المؤكد انه متواجد فى مكان الحدث وبالفعل و المهم قاله واحد فيهم كان زعلان مع والده والاتنين التانيين راحوا يصالحوا قام قتلهم واهل القتيلين راحوا قتلوا الاولانى وولعوا فى بيتهم .. ده ايه الفيلم الهندى ده ؟؟؟؟ قاله والله ياباشا ده اللى حصل اصل الواد مختل عقليا محامى ومختل عقليا ... اذاى دخل كلية الحقوق ده واتخرج وبقى محامى وهو مختل الاختلال الشنيع ده انا مش مصدقة ... قالى لاء ماهو عامل بلاوى قبل كدا بس كلها عبارة عن خناقات
وضرب وما شابه ... طيب الاخ المحامى المختل ده اهله سايبينه كدا ولا معجبين بيه ولا ايه ؟؟؟ قالى معلشى انتى فى مجتمع متناقض
===========================
حى على الجهاد
يا اختى دى دعوة حق ... عايزين بس ربنا يهيدكى وتلبسى النقاب
ما تروح تلبس امك او اختك او مراتك وانت مالك بيا
انتى بتتكلمى ببجاحه كدا ليه ؟؟؟ وانت بتكلمنى كدا ليه مين فوضك انت تكلم الناس تلبس ولا مش تلبس ؟؟
قعد يقول ويقول ويقول وفى الاخر طلعت كافره ..
وتقريبا بقى موضوع التكفير ده بقى عاااااادى .. اصل من كام يوم مش فاكرة قمر الدين ولا مهلبية باين معلشى يا جماعه اصل رمضان قرب.. عملى بوست تكفير وردح فى ردح فى ردح ودخل الرادحين يردحوا ..... ولما اتسأل ليه كل ده ... كانت اجابته أصله كدا بيجاهد فى سبيل الله ... سبحان الله قبلها بيوم كنت بتكلم مع صحباتى على موضوع انت لست معى اذن انت كافر ولما نزل الموضوع ده كان خير اثبات لوجهه نظرى علشان كدا جبت اللنك واديته لصديقاتى العزيزات واللى كان هيغمن عليهم من الضحك لدرجة انهم قالوا لى تاثيرك بقى اقوى من النابلم علشان الهوس اللى وصلتيهم ليه ده قولت لهم لا والنبى ده انا قطة الصحراء مثيرة الجنون لادعياء الجهاد .... مياوووووو
والآن بعد كم التناقضات والمنقاضات واثبات وجهات النظر لابد من شوب مانجة كبييييير مع مكعبات الثلج المنعشه ومع رائعة يانى
Keys to Imagination
لكم كل التحية والود

تعليقات

‏قال tarek alghnam
اولا سعيد ان اكون اول المعلقين
ثانيا كل عام وانتى بخير بمناسبه قربشهررمضان الكريم اعادة الله عليكى بالخير
ثالثا البوست رائع فعلا التناقض هو اهم سلبيات النهاردة ويقع فيه الكثير ويقول الله
( ياايها الذين امنوا لما تقولوا مالا تفعلون )
ان الله يغضب لذلك ( كبر مقتا عند الله ان تقولوا مالا تفعلون )
اما بالنسبه للنقاب فانا اهيب بالجميع البعد عن هذا الموضوع من يريد ان يرتديه فليفعل ومن لا يريد فهذة الحريه ومن يحاسب العبد هو الله
ولكن لى رجاء الا نتأله على الله ونحكم الاحكام كما رائيت فى كثير من المدونات
تقبلى تحياتى
ودمتى بود
‏قال Desert cat
طارق الغنام
شرفت اول كومنت وشرفت المدونة كلها
ثانيا كل سنة وحضرتك بخير
تقريبا التناقض اصبح ثمة اساسية فى مجتمعنا فتجد من يقول ويعلى فى صوته وفى النهاية لا يفعل جزء من كل ما قال
بالنسبة للى بيقول البسى النقاب .. تخيل معى واحد رايح لك الشغل يخلص مصلحة قعدت انت بتعمله اللى طلبه حب يفتح معاك كلام باى شكل من الاشكال وبعد ما اتكلم ورغى فى الاخر قال عايزينك تعمل دقن علشان يبقى كدا ربنا يهديك ... طبعا كان ردى كما ذكر فى البوست بالاضافه انى مش كملت له اللى كان جاى يعمله ... لما ربنا يهدينى بقى ابقى اعمله
تحياتى لحضرتك
‏قال Unknown
لا حياة دون تناقض
عارفة ليه
لإننا منعرفش نعيش بدونه بأه داء فينا لو الواحد مكانش فيه خصلة وانتين وتلاته عكس بعض ميبأش ابن 2008
كل ودي
وعندي طلب صغير قوي
ممكن لو سمحتي تكبري الخط الي بتكتبي بيه البوستات أو ابعتيلي عدسة مكبرة أصل عيني خلاص هتتبأ من كتر ما بقرب من شاشة الكمبيوتر عشان أقرا بوست في مدونتك وطبعا مقدرش مقراش لإنك بتكتبي في حجات بح أقراها وبعدين انت أسلوبك بيجذبني فممكن تلبي الطلب ده ولا ايه
كل ودي ومعلش ع الإطالة
تحياتي
‏قال nody
عااادى يعنى شارع جمال عبد الناصر
طب ما انا على طول فى مكتبه مبارك
يععععععععععععععععععع
المكتبه معموله فى احسن مكان فى البلد
حلوه اوى على النيل
وكل الجمال ده وقاموا مشوهين المكتبه بالاسم
مكتبه مبارك
ده منظر بالذمه؟
‏قال عزيز عيني
لا وقمة التناقض ان مبقاش فيه وسطيه في الفكر او حتي التعامل علي المستوي الانساني من عشاق هيفاء ونجلا ومروة الي عشاق بن لادن ماهو برضه نجم وليه معجبين
تحياااااتي
‏قال صفا سارة
يا قطة يا حبيتى
فاكره انا اشك اذا انا موجود
فى هذا العصر انا متناقض اذا انا موجود
دى الخلاصة تناقض فى كل حاجة تعاملات يومية افكار مشاعر اى حاجة وكل حاجة متناقضة
‏قال HANY YASSIN
كل عام وانت بخير
التناقض طبيعي في اغلب البشر فنحن لسنا ملائكة كي نفعل الصواب دوماً لكن كلنا نعبر عن ارائنا في كل شيء


الجهاد يا اختى دى دعوة حق ... عايزين بس ربنا يهيدكى وتلبسى النقاب ما تروح تلبس امك او اختك او مراتك وانت مالك بيا انتى بتتكلمى ببجاحه
كدا ليه ؟؟؟
ما فهمته انه اقاربه مكنوش منقبات مثلاً
لكن حتى لو كانوا هو مش من حقه يطلب منك ده لان ده مش فرض لو كان فرض كان يبقى مشكور جداً على نصيحته
التناقض اللى فهمته في الجزء ده عدم قدرته على الاقناع وتغيير الموضوع
وده دليل جهل
موضوع جميل ياريت تكمليه بجزء تاني لان في تناقضات كتيره ااوي
رمضان كريم
تحياتي
هاني يس
‏قال أسماء علي
قطتي

انا ضحكت بطريييييييقة في الجزء الأخير بجد صوتي جاب آخر الشارع

ابعتيلي ابقي لنك الموضوع ونبي في اللي المرسال بينا ..

و فكرتيني بموضوع حصل في شغلي الجديد جابل العصبي

الدكتورة الصيدلية كانت عندي ف العيادة .. المهم باقولها عندي تذاكر لازم تروحلك الصيدلية وكده انا هاقوم اوديها للمدام اللي جوه وارجعلك ..

الدكتورة الصيدلية تعتبر من الناس القريبين مني في شغلي الجديد هي ودكتورة الباطنة .. كريستين وماريان .. عادي ايه الأزمة ..

المهم دخلت للمدام اللي ماسكة الصيدلية (دي مش دكتورة دي ماسكة الأرشفة والسجلات يعني) هي لابسة نقاب مع احترامي الشديد وانها حرة المهم اديتها التذاكر وهي بتسجلهم قالتلي جملة بقى انا تنحت منهااااا

كويس ان دكتورة مسلمة زيك جات ..

انا سكت راحت مكملة بجملة أنيل وأضل سبيلا

قالتلي ربنا يزود المسلمين في المركز عشان تتعدل ...

انا باصتلها وتنحت قولتلها مسلمين ولا مسيحين مش فاهمة الفرق .. كلنا ناس والباقي بينا وبين ربنا .. سكتت طبعا ولأسباب نقابية ماعرفش ان كان في برطمة ولا لأ ..

والجدير بالذكر إن في دكتور معايا في عيادة الأسناتن بيجي ياخد مرتبه كل شهر و مربي دقنه ومن نظام المتخذين بالمظاهر ..

المهم يبدو ان شاع في المركز ان الدكتورة الجديدة صبئت عن دين أجدادنا ..

لاقيت زيارة من موظفة ف المركز بعد السلامات والطيبات وهنظام اخبارك معانا في الشغل ..

قالتلي يادكتورة انتي بتتعاملي مع المسيحين ؟

قولتلها نعممممم ؟؟

هما من كوكو تاني ولا حاجة .. اكيد عادي يعني .. قالتلي مش قصدي تكلميهم يعني ممكن يبقى ليكي اصحاب فيهم ؟

قولتلها عامة مع اني مش باركز بس فعلا ليا اصحاب مقربين منهم .. والمحامي بتاعي اللي رباني يعتبر ومعانا من 12 سنة برضه مسيحي .. مع اني مش فاهمة المُشكلة فين؟؟ الدين ده حاجة بينا وبين ربنا انا مالي بيها ..!

نيهاهاهاهاها ربنا يستر يااختي مايقيموش عليا الحد ...

عصر اظلااااااااااااام اللي احنا فيه ده ..

...

التناقض بقى وده الموضوع الأساسي

التناقض طبيعي في اي انسان بس هو حاليا بقى زايد عندنا كلها لأسباب غير معروفة...

انا باقول امشي قبل ماتطرديني لأن ردي طول اوووووي

دمتِ جميلة ...
‏قال Misrdream
مبسوط جدا انك سكنتي فى شارع جمال عبد الناصر علشان تفتكريه بالعافيه كل يوم وانتى راجعه بيتكوا
شويه شويه هتدخلي فى الحزب
والادمان بيبدأ بشمه
‏قال غير معرف…
قطقوطتنا العسل
عامله ايه ياجميله؟؟
الحياه ياقطه فيها النوعيات المتناقضه دي تقولك عيب حرام ماتعمليش كذا و هي في السر اساسا شغاله الله ينور و بتعمله و تحرمه علي غيرها مش عارفه الناس دي مابتتكسفش علي دمها؟؟

للأسف موضوع التكفير لكل من نختلف معهم برضه شغال الله ينور و للاسف هم مش مدركين ان مش من حقهم يكفروا حد عارفه ياقطه لو اللي بيكفروا الناس دول بصوا لنفسهم و حاولوا يصلحوا منها كانوا لقوا بلاوي الدنيا فيهم لكن عشان هما مركزين مع الناس و ناسيين نفسهم تلاقيهم بمنتهي البجاحه بيعيبوا في الناس

و طبعا اللي بيختلف معاهم بيكفروه لأن ماعدنهمش سلاح غير ده يحسسهم انهم اقوياء مع انهم في منتهي الضعف

اهم حاجه ان الواحد يكون بيعمل حاجه هو مقتنع بيها لأن الناس حتتكلم كدا كدا
و لا يهمك ياقمر صدقيني اغلبيه الناس لسه مالاغتش عقولها و بتقدر تميز بين الخبيث و الطيب حتي لو صوت الخبيث عالي

تسلم ايدك علي الموضوع الحلو و دايما متألقه ياحبوبه
المتناقضات فى الحياة من لوازم الحياة نفسها لكن التناقض فى الفكر هو من أهم علامات عدم الإقتناع بالفكر نفسه، يعنى لما يكون فى حد بيقول حاجة وبيعمل حاجة تانية غيرها فده معناه إنهش مش مقتنع باللى هو نفسه بيردده طول الوقت أو مش فاهم هو بيقول إيه علشان كده مش قادر ينفذه صح.
‏قال blue-wave
كل عام وانتى بخير
ولول انك مقاطعانا من فترة
‏قال blackcairorose
كم ونوعية الجرائم مش مخلينى اوصل لاجابة على سؤال هل عدد الحوادث كتر ونسبة الاجرام والهذيان زادت، ولا عشان المعلومة دلوقتى بقت اسرع بكتير واسهل من زمان عندنا الاحاس بعدد وغرابة جرائم الايام دى؟؟

معرفش الاجابة بس السؤال فعلا بيزن فى دماغى كل ما اسمع عن حادثة غريبة
‏قال tamer.sala7
علي فكرة الكلام ده جااااااااااامد
وانا كنت لسة بقوله لواحد صاحبي ان اللي مش معايا يبقي ضدي

بس موضوع انك بتكرهي عبد الناصر ده جديد عليا

ملحوسة : مبروك لـ ميمو علي الترقية
‏قال Desert cat
كاتب مصري
بالرغم من حالة التناقض المنتشرة فى المجتمع الا مازال هناك من يتمسك بالقيم والمبادئ وكلمته هى نفسها فعله صدقنى مش كل اللى موجودين فى 2008 متناقضين بدليل بطل قصتك
:)
حاضر هبقى اكبر الخط المرة اللى جاية
متشكرة جدا لزوقك
تحياتى
‏قال Desert cat
nody_1987
شوفتها يا نودى
ومشيت على النيل بتاعكو كمان يا قمر
اصلى من قريب كنت فى شارع الجامعه
عند كلية الطب كدا
اكيد عارفاها
بس مش مهم بقى الاسماء
لازم نستسلم للامر الواقع وده اللى انا عملته
تحياتى ليكى
‏قال Desert cat
عزيز عيني
البعض من الناس عمل على اعطال عقله وفصله نهائيا عن الواقع ليعيش داخل دائرة الاوهام وبالتالى اصبح بعيد بعد تام عن الوسطية .. ولما تكلمه تقوله احنا امة وسط .. يقولك انت بتدعو للعرى .. طيب خليك فى شبه الجزيرة وربنا يرعاك
تحياتى لحضرتك
‏قال Desert cat
قمر الدين
مش انت اللى انشرك لك كومنت عندى
عارف ليه
اصل مش يشرفنى اللنك بتاعك يتحط فى مدونتى .. لانك لا تملك من الادب ولا من الاخلاق ولا الشجاعة الادبية اصل اللى يقعد يحذف جمل ويغير فى حروف وكلمات ده اسمه جبان ... مدونتى للناس المحترمين مش المهترئين على حد قولك يا مثقف يا مؤدب يا مدعى الايمان
ولو شوفت لك اى حاجه هلغيها من مجرد الاسم من غير ما اقراها تهميشا ليك ولشخصيتك زى صحبتك فاطمة بتاعة الخرفان اللى دائما تعمل اسقاط على غيرها .. معلى المرض النفسى وحش والغباء اوحش اصلها كشفت عن شخصيتها وبسرعة الصاروخ فبدال ما تتلم علشان عزمتنى وروحت بيتها ولاقيتها مبيتة رجالة عندها وسبتها ونزلت من الوكر اللى هى فاتحاه ده راحت عندك تبث سمومها وتكشف على شخصيتها وانت يا مدافع عن الاسلام والاديان يا رافع اللواء وحامى الديار حجبت ردود ونشرت ردود وحالتك صعبة يا عينى .. حقيقى الطيور على اشكالها تقع هههههههه حبيت بس أضربلك مثل علشان تعرف ان مش اى حد يستحق انى اشرفه بمجرد الضغط على اسمه
فاى رد تانى بمجرد ما اشوف الاسم .. هيترمى فى اقرب مقلب زبالة
مش اشوف طلتك البهيه هنا تانى
امثالكو برميهم فى الزبالة
‏قال Desert cat
صفا
ماهو كل عصر بمقولة جديدة يا صفا
لكن العصر بتاعنا شهد اسوء المقولات والافعال المتناقضة
محبتى يا قمراية
‏قال Desert cat
HANY YASSIN
اهلا وسهلا بيك
مش فينا حد منزة عن الخطأ يا هانى لكن المشكلة ان لو كل واحد نظر لعيوبة هينغشل عن عيوب الناس ... انما من المتنقضات الموجودة كمان انك تلاقى حد بيتكلم فى حق حد تانى وهو اللى يقوم بالافعال دى
يعنى ده كمان شيئ انا مش ذكرته
بالنسبة للحاج بتاع الجهاد فهو انا مش عارفاه حقيقى بس واحد عامل دقن 3 متر ومفوض نفسه يلبس الناس على مزاجه مش هيجبر اهله على حاجه زى كدا حتى لو هما رافضين ؟؟ غالبا الناس دى بتكون اما عشوائيات او ارباب سوابق جه اخده له كام ملطوش وفهموه ان الجهاد لما يدخل يخلص مصالحه او يتكلم مع اى حد يقوله البس كذا وان مش لبس يبقى الكفر هو الحل وان رد عليه يبقى الارهاب هو الحل
بقى من سوابق لمجاهد ويا الف اهلا وسهلا بدنيا التناقض
اشكرك جدا على مداخلتك القيمة هانى
وان شاء الله اعمله جزء تانى
مودتى واحترامى
‏قال Desert cat
د\أسماء علي
صديقتى الجميلة يارب دايما سعيدة ومبسوطة
هبعته لك يا قمر وفوق اللنك شوية قمر الدين ومكسرات ههههههههه
حبيبتى النماذج اللى ذكرتيها دى وباء عندما بدأت اعراضه ظن صاحبه انه يجاهد وياخذ ثواب وحسنات ولا يعلم هؤلاء الحمقى ان الرسول اللى المفروض انه قدوة للجميع كان يتعامل ويبتاع ويشترى من اليهود حتى انه توفى ودرعه مرهون لدى يهودى ..اما المجاهده الكبرى اللى عايزة المركز كله يبقى مسلمين علشان تتعدل فدى ليس عليها حرج لانها حفظت كلام القوه على سمعها مش فهمت لانها لو كانت فاكرة حاجه من سيرة الرسول اللى درستها فى ابتدائى واعدادى على الاقل كان مش بقى ده ردها
انتى طولى براحتك يا جميل المدونة مدونتك تشرفينى فى اى وقت
تحياتى ليكى
‏قال Desert cat
Misrdream
يا قلبك الطيب يا احمد
شمتان فيا صح
بس اناهغيظك
مش مهم الشارع
المهم انى ساكنة على نيل الزقازيق هههههه
يكفى الصبح تفتح بلكونتك تلاقى البحر امامك والبارون بجوراك
:)
كل سنة وانت طيب
‏قال Desert cat
اجندا حمرا
صديقتى الرقيقة
تعرفى انى اتاكدت ان التناقض ده حاجه مش وحشة عارفه ليه
لانه بيبرز لنا الناس اللى تقدرى تفرقى بينهم وتعرفى اذا كان ده فاهم ولا سامع وبيردد زى البغبغان والامثلة فى المجمتمع كتييييير الظريف بقى يا قلبى انك ممكن تلاقى حد عامل نفسه بيفهمها وهو طايرة ولما يتكلم تتمنى انه يسكت من شدة الغباء اللى بينط من حروفه وده تعرفى على طول انه سامع والسامع ده يا قلبى مثله كمثل الحمار يحمل اسفارا مكان ما توجهيه يجرى وينهق هههههههه
طبعا يا جميلة الدنيا بخير ومش كل الناس سذج لان فى ناس متربيين كويس ومش حد بيوجههم وعارفين هما بيعملوا ايه علشان كدا تلاقيهم اصحاب مبدأ وبمبادئهم دى تخلوا عن كل المتناقضات
شرفتينى جدا
محبتى ليكى يا قمراية
‏قال Desert cat
قلب مصرى
التناقض فى المجتمع ... وهو مين اللى فى المجتمع ماهو عبارة عن اشخاص وفى النهاية نلاقى نفسنا ان التناقض الحادث من خلال افكار الناس دى لذلك اعتبر التناقض من سمات التخلف .. هى مصر فى المؤخرة من شوية

اشكرك جدا على مداخلتك الطيبة
تحياتى لحضرتك
‏قال Desert cat
blue-wave
وكل سنة وحضرتك بالف خير
صدقنى مش مقطعاك قد ماهو انشغال
تحياتى
‏قال Desert cat
blackcairorose
لاء يا عزيزتى الناس هى اللى مش بقت طايقة بعضها
ممكن تلاقى حد بيضحك لك وبيبستم فى وشك وفى نفس الوقت مخبى لك سكين ورا ضهره
النفوس اتغيرت وانتشر المرض وعلشان كدا زاد معدل الجريمة
مودتى واحترامى
‏قال Desert cat
tamer.sala7
ماهو علشان يا تامر الناس تخلت عن اعمال الشيئ المسمى بالعقل ولازم تكون معايا كاننا داخلين حرب
موضوع عبدالناصر ده
ارجع للذكرى بتاعته وشوف الحروب اللى كانت فى موضوع ثورة ولا انقلاب
ميمو بيقولك الله يبارك فيك ولو انها متاخره شوية بس عذرك معاك اصلى فتنت وقوت له انك كنت مسافر هنااااااااك
هههههههه
كل سنة وانت طيب
‏قال Heart Beat
صديقتي العزيزة جدا على قلبي

Desert Cat

انا اخدت الاول عصير المانجو و لسه يدوبك بدأت استمتع بموسيقى ياني ولاقيت عالم التناقضات اللي قلتي عليه

الله يكون في عونك من كم التناقضات اللي بتقابليه مع ناس ربنا يباعد بينك و بينهم

مش معنى انك ساكنة في شارع جمال عبد الناصر يبقى و انتي مش بتحبيه يبقى في تناقض ... و على سبيل المثال لا الحصر يعني ...هو في كام واحد عايشين في مصر دلوقتي و مش بيحبوا فلان ... كتير اوي ... بس زي ما انتي قلتي كده حكم القوي

اما عن المحامي المختل عقليا ... فأنا اؤكد لك انه ممكن يكون حقيقي ... اصل انا اعرف واحد كده برضه ... و انتي بتتكلمي معاه تحسي انك بتكلمي بني آدم عاقل و متعلم و فاهم و محامي يعني بقى لكن بمرور الوقت هاتتأكدي انه لا يمت للعلم و لا الفهم بأي شكل ... و انه انسان صاحب كلام فارغ و كل حياته يقول كلام و يعمل عكسه بالظبط

و يا فندم سيبك من اي كائن كان يفكر انه يتكلم عنك بكلمة وحشة ... ما انتي عارفه بقى الغيرة و الحقد اللي بقوا موضة الايام دي خصوصا عندك

هم بيقولوا ان اللي بيعملوا ده جهاد في سبيل الله ... طيب خليهم يقولوا اللي هم عايزينه ... هو الكلام بفلوس يعني ... لكن اكيد ربنا عارف هم بيعملوا ايه بالظبط و اذا اسمه جهاد و لا قلة ادب و تطاول

اصل مافيش جهاد بأذية الغير ابدا حتى و ان كان الغير ده على خطأ ... انما الشتمية و قلة الادب عمرها ما كانت جهاد ابدا ... الا بقى اذا كان جهاد من افكار الجماعات اياها اللي شايفين كل حاجه بيعملوها في حياتهم جهاد حتى النوم او شرب المياه

مش هم بيقولوا جهاد ... خلاص يا فندم خليهم يجاهدوا و ان شاء الله ربنا هايجزيهم خير عن الجهاد قصدي قلة الادب اللي بيقولوا عليها جهاد

سامحيني دوشتك بالكلام الكتير ده بس اعمل ايه بقى وحشتني مدونتك و مواضيعك الاكثر من رائعة

تحياتي يا صديقتي العزيزة
‏قال قلوب بتغنى
قطتى الجميله
التناقض فى المجتمع المصرى افه
وطالما محدش عارف ولا شايف يبقى خلاص
بس لو حد شافك يبقى حرام حرام حرام ومتفق عليه
اولا مين ميمو ده يا قطقوطة

وبعدين هى الحادثة دى بجد
ولا اشتغالة؟
بجد يعنى محامى قتل اصحابه علشان رايحين يصلحوه على ابوه
راح اهلهم قاتلين الواد وولعوا فى البيت؟

يعنى دى حادثة فعلا ومحدش بيشتغلنا

ياسلاااااااااام
دى الحوادث اتطورت اوى


يلا ماعلينا
كل سنة وانتى طيبة

الا هما صحيح مصممين انهم ينقبوكى ليه

يلا سلام
اختك خيخة
‏قال محمد صالح
موضوع جميل جدا وبيعرض مشكله
اولا كل سنه وانتى طيبه
شهر رمضان على الابواب
ثانيا التناقض دلوقت بقى شئ عادى ومعدش حد عاد بيستغرب من التناقض لانه بقى موجود بطبيعة الامر فمثلا واحد فى منطقتهم الواد اللى هو واللى محلص احترام ايه وتربيه ايه لكن ينزل كدا على الكورنيش على اللى بيعمله معكاسات وخلافه من البذاءات دى ثانيا ناس تقول نحن احباب الله لا نعصيه ابدا وهما مقضينها افلام اباحية وشرب سجاير اللى هيا ضرر على صحته (لاضرر ولا ضرار) والتناقض بقى سمة العصر بعد ان كنا منطقة الاخلاق والتقدم والرقى اصبحنا العكس
وبالنسبه لجمال عبد الناصر حبتيه مجبتيهوش فهو عمل نقله كبيره فى البلد
وانا مش مع او ضد
وجهة نظر :)
تحياتى
‏قال Desert cat
Heart Beat
صديقتى الجميلة احلى واجمل دقة قلب
الف هنا وشفا يا قلبى .. المهم انك تكونى استمتعتى مع يانى :)
الناس المتناقضة دى يا حبيبتى بكون مبسوطة لما بشوفهم وهما قاعدين يحرقوا فى نفسهم كدا

ااه شارع جمال عبدالناصر ده لسه بدء العهد الجديد ما انتى فاهمه يا جميل

الحادثة حقيقة الطريق كان واقف وعربيات اسعاف على عربيات امن مركزى على حريق ده كان مووولد وتصدقى كان 3 محامين حقيقى العقل مالوش علاقة بالعلم خالص اما الناس اللى بتقول كلام فى كلام ومع مرور الوقت بتلاقى الافعال عبارة عن كلام فارغ اؤكد لك انا ايضا انهم موجودين ... بيكونوا حاسين انهم مهمشين بيدعوا كلام وافعال من على بعد لما تقربى وتشوفى الافعال اللى بجد بتلاقى الطفل الصغير عنده عقل يحتكم ليه ... مش مسحوب زى اللمؤاخذه وروح يمين يا عبمعين يروح يمين تعالى شمال يجى شمال .. يعنى ياريته حتى بيقول كلام فارغ ده مسير يعنى لا يملك حتى الكلام الفارغ يمكن بيكون عايز ينول الرضا ؟؟؟ هههههههههههههه

اما الناس الى بتتكلم دى يا حبيبتى فانا دائما وابدا بكون سعيدة بهلاوسهم دى يكفى انهم سايبين اللى وراهم واللى قدامهم وشاغلين نفسهم بيا طول الوقت يفكروا فيا النهارده طلعوا اشاعه خلص اليوم ومش نالوا الغرض من الاشاعه بكره يفكروا فى اشاعه تانية يمكن تجيب مفعول وهكذا يعنى تفكير طول الوقت ومعظم الوقت .. يحرقوا اعصابهم بقى ينتحروا بسببى فى ستين داهيه ولا بيهمنا ما انت فاهم يا قمر دائما المقولة الخالدة الكلاب تعوى والقافلة تسير

الجهاد اللى بيقولوا عليه ده يا حبيبتى لو كانوا عارفين الدين اللى بيقولوا بنجاهد علشانه ده لو كان ده الهدف الاساسى اصلا كان على الاقل طبقوا حرف واحد من تعاليمه
انما زى ما قولتى النوم وشرب المياه والتسكع فى الشوارع برضه جهاد واللف على الـ احم احم ان الله حليم ستار برضه جهاد مش واخده بالك ولا ايه ؟؟

انتى تشرفى المدونة وتنوريها كلها تحت امرك يا حبيبتى
نورتينى جدا
محبتى ليكى يا قمراية
‏قال غير معرف…
كل سنة وانتى طيبة يا قطة يا مصرية يا اصيلة
كل سنة والعقل المصرى ناطق ونابض وبخير
‏قال Desert cat
قلوب بتغنى
حبيبتى لا تقلقى الكفن بيعمل المعجزات وبيغطى وبيمشى يجريجر ويلم زبالة الشارع كلها ماهى دى وظيفته الاساسية مساعدة عمال النظافه فى لم الزبالة
لس مش مهم ماهى زبالة مع زبالة مش فارقه الاهم انها متدارية وتعمل اللى هى عايزاه بعيد عن العيون
ولما تقابلك تلاقيها بتتسهوك والله اعلم بيها بقى

تحياتى يا جميل
‏قال Desert cat
بت خيخة وأى كلام
ام شرى عندنا يا مرحبا يا مرحبا
ميمو ده امممممم
السؤال ده من خارج المقرر يا ميس
ميمو يا ستى انسان جميل رائع بكل ما تحمل الكلمة من معنى ... افهمى انتى بقى :)
الحادثة دى حقيقى ونزلت فى الجرايد كمان بكل تفاصيلها
عندك وقت احكى لك
على ما تشربى شوب المانجة اكون حكيت
الولد المحامى الاول مختل عقليا واتخانق مع باباه وساب له البيت وعلشان اهله عارفين انه ممكن ياذى حد او ياذى نفسه راحوا لاصحابه وبعتوهم يجيبوه من المكان اللى راح عاش فيه اصحابه راحوا كلمة من هنا على كلمة من هناك الواد جت له الجونينة وراح طايح فيهم وقتلهم قامت الحرب العالمية التالتة قولى والرابعه مع بعض والدنيا اتقلبت والتار ولا العار والدنيا اشتغلت قتل فى بعضها واحنا عدينا بقى فى هاذوه الوقت اللى الحرب كان على اشدها
بتوع النقاب دول منتشرين فى الشوارع والطرقات وفى صفافيح الزبالة ممكن تفتحى الحمام تلاقيهم ناطين فى وشك بيحللوا لقمة العيش
شرفتى يا جميل
‏قال Desert cat
محمد صالح
الاول حمد الله على سلامتك
بالنسبة للتناقضات بقى على اشدها
كل واحد قاعد يقولك حرام واوعى تعمل واوعى تروح واوعى تيجى وتتفاجأ ان هو نفسه اللى بيعمل كدا
ساعتهارد الفعل الطبيعى انك تحطه جنب الحيط وتسيبه وتمشى
اما جمال عبدالناصر فانا ساكنه فى الشارع بتاعه دلوقتى ومش اقدر اقول غيييييييييييير
الله يفشفش الطوبة اللى تحت راسه
كل سنة وانت طيب
تحياتى
‏قال Desert cat
المصرى
كل سنة وحضرتك واسرتك وكل محبيك بالف خير
ميرسى جدا على زوقك
‏قال مؤمنه
السلام عليكم ورحمة الله وبركاته
ازاى ايحنا بنناقض نفسنا بالشكل دى
بس فى حاجات الظروف هى الى بتؤديها زى الظروف الى خلت الشارع الى انت بتسكنى فيه بالاسم دى


اما فى معظم الاحيان انا معكى غالبا ما يناقض الانسان نفسه
دومتى بخير
وكل عام وانتى الى اله اقرب وفى طاعته ادوم
ورمضان كريم عليكى وعلينا
والسلام عليكم ورحمة الله وبركاته
‏قال kochia
الانسان فعلا كائن متناقض جدا
دي حاجة مش غريبة

واصبح الغريب اننا نستغرب لها

تحياتي
‏قال سمراء
الحدود الفاصلة بين المعان رفيعة جدا وخافتة
اذ لم ننتبه سنجد اننا ندور في رحلة داخل عالم المتناقضات

سمراء
‏قال الربان
تحياتي

في رأيي ان هذا التباين او التناقض
الصارخ...سواء بين اقوالنا و افعالنا
او بين افعالنا نفسها...هو نتاج طبيعي
لمرحلة سيئة يمر بها الناس...

البعض يحاول ان يكيف تصرفاته و سلوكه
طبقا للظروف المحيطة به...يعني ممكن يتصرف تصرفات الجنتلمان صباحا...و تصرف الخارج عن القانون مساءً .

الفراغ النفسي...و العاطفي...و الاحلام
المؤودة...كل هذا يدفع الي التطرف في
الاقوال و الافعال....

اعتقد اننا في حاجة الي زمن طويل حتي
تستعيد الشخصية المصرية سماتها الجميلة
الطيبة المتسامحة...المتفاعلة مع الاخرين
دون فرض رأي او فكر....


تحياتي و تقديري أختي الكريمة.
‏قال شادي أصلان
وما هو الانسان الا مدعي للصراحة والوضوح ولكن بكل ثقة اعلنها نحن اكثر الكائنات زيفاً

جاهد يجاهد فهو مجاهد


:)
‏قال eshrakatt
هذه هى المره الثالثه التى اكتب فيها التعليق ويلغى لاسباب نتيه باحته

نعم يا عزيزتى
نعيب زماننا والعيب فينا وما لزامننا عيب سوانا
ونهجوه الزمان بغير حقا ولو نطق الزمان بنا هجانا

للاسف احنا بقينا فى مهزله كونيه
منتهى التناقض والازدواجيه
والالم والقرف
همه نجحو فى انهم يفقدونا الامل فى بكره
وللاسف المد الوهابى والثقافه العقيمه فى الدين وغيره
دليل على الافلاس الثقافى الى حصل فى مصر
صدقى انا سعات بخاف على ولادنا يا ترى هنقولهم ايه وهنربيهم ازاى فى وسط الجهل و الزدواجيه
هنقولهم ايه وهيشوفو ويواجهو ايه

اقولك ابعتيلى اللنك عايزه يغمن عليه

اهو بدل ما نشرب حاجه اصفره عشان ننسى

انتى قطه شقيه
اوعى تبطلى تخربشى
معتش فاضلنا غير ضوافر
بجد سعيده بمرورى
‏قال Yasmine
لولا عايزة اقولك انى ادمنت مدونتك بجد :)
البوست ده فكرنى بمناقشة سمعتها قريب بين اتنين اعرفهم كويس
الاولى محجبة حجاب سبور و مودرن بجينز ضيق و بادى ملزق..و التانية مش محجبة بس لبسها احشم بمراحل من المحجبة
المهم ان فى اخر المناقشة اللى كانت طبعا عن الحجاب عرفت ان المحجبة المؤمنة مش بتصلى..لا مش قصدى مش بتصلى السنة..دى مش بتصلى اساسا
و صباح التناقض يعنى
‏قال Desert cat
مؤمنه
عليكم السلام ورحمة الله وبركاته
بالفعل مش كل حاجه بتكون تناقض لكنها دافع من الظروف
انا قصدى فى الناقض ان اللى بيتكلم على شيئ ويقول بيكرهه وهو بنفسه اللى يعمله
شرفتينى جدا
وكل سنة وانتى بالف خير
رمضان كريم علينا جميعا
‏قال Desert cat
kochia
مش كل الناس متناقضه علشان كدا بنستغرب لها
تحياتى
‏قال Desert cat
سمراء
احيانا ننتبه لكن بعد فوات الاوان
لذلك امتلأ العالم من حولنا بالمتناقضات الامل ضعيف
من الممكن ان نعود كسابق عهدنا
احتمال
تحياتى
‏قال Desert cat
الربان
فى هذا الوقت بالذات
لم يعد هناك اصول والتبست الامور
فهناك من يتصرف وكانه موكل بتسيير الاخرين بالرغم من اننا خلقنا مخيرين
مودتى واحترامى
‏قال Desert cat
شادي أصلان
بالظبط يا فندم
بس ايه التصريف الرابع للفعل بقى ؟؟؟
:)
شرفت المدونة
‏قال Desert cat
eshrakatt
يا حبيبتى انا ابعتلك خط نت مخصوص لحد عندك ومعاهم اللنك بس سلامتك الف سلامة من الاغماء هما بس اللى يغمى عليهم ويروحوا فى داهيه كمان
الازدواجية اصبحت سمة اساسية فى حياتهم ... فتلاقيهم قاعدين يقولوا حرام وكفر وهتدخلى جهنم وبعد شوية تلاقي اللى بينهى عن الفعل ده هو نفسه اللى بيعمله
الست تحط على وشها قطعة قماش وتقعد تفت لك وتجيب فى سيرة الناس وفى الاخر تقول استغفر الله العظيم
واللى تيجى تقولك روحى اخطبى لجوزك طيب ما تعمليها انتى الاول يا ست الشيخه تقولك انتى كدا بتجاهدى روحى بس اخطبى له انا همسك فرفر وانزل اقف فى ميدان التحرير اللى مش عاجبنى شكله اطخه طخيخ ... طبعا فاكرة المنقبتان اللى اطلقوا النار على اتوبيس السياح كانوا بيجاهدوا الاخوات وهما رايحين يقتلوا ناس آمنه .. حقيقى ونعم الجهاد
انتى شرفتينى جدا
واتمنى تكرار الزيارة
مودتى
‏قال Desert cat
banouta masreya
انتى تشرفى المدونة فى اى وقت
دى مدونتك يا جميل

حبيبتى من غير ما تساليها بتصلى ولا بتصوم بصى على اكياس الزبالة المرمية على الكورنيش ولا فى الكافيهات وقاعده رفعه حتة القماش وعمال تشيش
ده بقى مش اسمه تناقض ده اسمه تخلف عقلى
شرفتينى جدا يا جميله

المشاركات الشائعة