يا عينى على القهر

قال انك اذا كنت حسن السمعه فلابد ان تكون ناجح ولك دور فعال وهذا ليس بالكلام وانما بالافعال
ويرد اخر يقول .. اتخفى واستخبى عن الانظار افعل ما شئت وما يحلو لك فهنيئا لك وايضا الجنة بين يديك

ومؤخراً من الهلوسات وليس اخيراً .. يقولون ان زهرة عباد الشمس حرام حرام حرام لانه تقرر ان يكون اسمها زهرة دوار الشمس

وكان تعليق خفيف من احد الاصدقاء الاعزاء

بكره زيت عباد الشمس يتمنع .. و لو لقوا حد واقف و ادامه ازازة زيت عباد شمس هايتهموه بعبادة الاصنام
ان يكون معاك مليون زولار محيرينك تروح تفتح لك قناة تروج فيها لافكارك
وكمان شوية اعلانات تدر عليك ارباح وان تماشيت مع الموجة فاعلم ان اللحاف والرنة والوان الطيف السبعه للحبة وما شابه هو الملاذ
وأخيراً نأخذ الحكمة من أفواه الخبلاء
ان تقرا فانت جاهل وان تتحاور فانت ناقل وان تعلى صوتك فالطبيعى انت البلياتشو الوحيد

تعليقات

‏قال محمد حمدي
يشرفنى اكون اول كومنت

بجد بوست جميل اوى .. قصير لكن مختصر وبيفجر موضوعات كل واحده تحتاج صفحه كامله للكلام عنها

تحياتى .. وسيبك من الظلاميين واستمرى
‏قال ... amr
سلامتك يا قطقوطة من القهر .... انشاالله اللي يزعللك .... بس احب اطمنك ... لسة في ناس بتشغل عقلها و بتعرف تفكر .... مش مقضياها فضائيات
‏قال ... amr
سلامتك يا قطقوطة من القهر .... انشاالله اللي يزعللك .... بس احب اطمنك ... لسة في ناس بتشغل عقلها و بتعرف تفكر .... مش مقضياها فضائيات
اتخفى واستخبى عن الانظار افعل ما شئت وما يحلو لك فهنيئا لك وايضا الجنة بين يديك

كثيرون يعتنقون ذلك الفكر
ولكن هل يأتى فعلا النجاح بتلك الطريقة؟

وأى لذة تلك التى تأتى من الازدواجية؟
المبدأ لا يتجزأ

بوست مختصر وثرى

احترامى
‏قال Yasmine
عندى تعليق على اول جملة..عشان انا مفروسة من الناس دى حقيقى
ممكن نعمل اى حاجة ما دام محدش شايفنا
و قدام الناس الزبيبة تشهد على حسن السير و السلوك و الاسدال و سجادة الصلاة متقطعين من كتر الصلاة و العبادة
اللى جوه الناس بتاعهم لوحدهم..لكن لما بتكتشفى انهم شخصيات تانية تماما عن اللى بيظهروا بيها بتعرفى قد ايه الغباء مستفحل فى الدنيا..خايفين من الناس يا خايبين و مش خايفين من اللى خلقكم..يخرب بيت الغباء و سنينه

و زعلانة ليه على تحريم زيت عباد الشمس؟ زيت الزتون افيد برضه..ربنا يشفيهم قادر يا كريم
‏قال Hani Michel
أصحاب الفكر الخشبى يلجأون دائما الى الترهيب و التهديد
و غاية هدفهم هو قهر المجتمع لصالح أفكارهم، و منع الناس من التفكير او حتى التعبير بالكلام
و هم لا يجادلون و يتناقشون بل يسنوا السيوف و يلقون الاتهامات
و مجتمعنا يعانى منها كمجموعه و افراد و هؤلاء هم العائق الرئيسى امام التقدم و الشعور بالسعاده و الرضى
فهل يجب ان نعيش تعساء فى الدنيا لنربح الاّخره ؟
ملحوظه: الرساله موجهه لكل أصحاب فكر الوصايه فى المسجد و الكنيسه و الاعلام و النت
‏قال mohamed
قطة الصحراء
أسمحى لى أن أعرض أفكارى فى نقاط
1-ما ضاقت الاوطان برجالها بل بأحلام الرجال تضيق
2-نحن الان فى حالة سيولة فكرية مقصودة
ومتعمدة بل هناك دول خارجية تبث محطات فضائية تعمل بجد وأجتهاد,
هناك قناة تلفزيونية ميزانيتها السنوية 50مليون دولار طبعا معروفة وتابعى برامجه وهتصدقينى

3-قادة الفكر والمثقفين عندنا أما أنسحبوا الى صوامعهم,او أصبحوا أبواق
لهذا الهجوم الذى هو أقوى من الغزو العسكرى

4-علماء الدين بعضهم عندة الوعى ليدرك عواقب ما يقول, وبعضهم تمتع بالشهرة الدعائية وأصبح الشهرة لها الاهمية على الرسالة

5- مستوى الثقافة ,ألادراك على مستوى الافراد لا أقول أنحدر بل سقطت فى الهاوية

6- الالفاظ والكلمات لها مدلول فكرى
ويجب أن نهتم بها
7-أما الهجوم على الحصن الاخير لنا وهو الدين تحت حجة المتطرفين فهو خطأ فيجب أن نرفع الوعى فالمتطرفين فى كل مجتمع فى العالم وهم قلة عندنا ولكن فى الولايات المتحدةوأسرائيل فهم يتحكموا فى أتجاهات
السياسة لهذة الدول هذا على سبيل المثال

8- العلمنين
العلمانية الغربية تجعل من العقل فقط هو المرجعية الوحيدةويضاف اليها رغبات الافراد مهما كانت وينظم العلاقة بين الافراد القانون الذى يتفق علية المجتمع بصرف النظر عن أتفاقها مع المبادىء الانسانية أم لا
أنظرى للموافقة على زواج الشواذ
الدكتور عبد الوهاب المسيرى طالب بالعلمانية الاخلاقية

فى النهاية
تحياتى لكم
‏قال Lyssandra
بوست هايل جداااااا

أفكارك حلوة أوي يا قطقوطة

بس موضوع عباد الشمس ده أنا عارفاه من زمان أوي

عموما مفيش مانع نقول دوار الشمس

انما كل اللي قلتيه غير كده جااااامد جدا


تحياتي

lyssandra
قرأت فى مدونتك كثيرا
لا شك انك لديك اسلوب متفرد فى طرح الموضوعات
أحببت المشاركة هنا
أحييك

تحياتي
‏قال غير معرف…
دوار الشمس فعلا ده فى السعودية

ماعرفش .ز الظاهر وصل مصر حديثا

فكى عنك .. ولاتسألى كثيرا .. مصر بخير .. وعقلها يتعافى من كل ماتعلق بثقافتها وعقلها فى العقود الاخيرة

تحياتى لبوست حساس جدا
‏قال أسماء علي
قطتي العزيزة

عن قريب

ستجدين تحريم العقل والتفكير ..

لأن العقل حينما يعمل فهو يخرج أشياء ضالة منه ..

اذا هو حرام وعلى من يحمله أن يجلد و يشنق ويمثل بجثته ...!
‏قال غير معرف…
ربنا يهديكي يابنتي ..
ويهدينا كلنا ...
عشان نعجبك ..
(:
في ناس خساره فيهم الكلام حتى ..
سلام ..
‏قال سنووايت
ياااه يا قطة
هل باسمه عباد الشمس
فكر حد مننا يوم انه بالفعل بيعبدها عبادة
ولا كلنا عارفين ومؤمنين بان كل الكائنات للخالق الواحد

انت تقرأ فانت توسع ادراكك وانت تتحاور فانت تحاول الوصول للحقيقة
وانت تعلي صوتك ليس بالضرورة ان كل من حولك يسمعون
‏قال PrInCeSS BeRy
ازيك يا قطتى يارب تكونى تمام ورمضان كريم


عبرتى عن مشاكل كتيرة اوى ومعتقدات سيئة فى بعض الناس فى سطور بسيطة ومعانيها اعمق من كلمتها بجد برافو عليكى ما شاء الله تحياتى يا عثل
‏قال dr.lecter
ريحي نفسك وبطلي كلام عن العالم دي صدقيني احلي حاجه انك تتجاهليهم

ماتوجعيش دماغك بهم هم كده كده هينقرضوا لان منهجهم اصلا غلط في غلط
والله الناس دي صعبانه عليا لان مافيش حد بسسمعهم لو كانوا بيتكلاموا بشكل عقلاني وسلس كانوا وصلوا للناس لكن الناس اصلا عيشتهم خره مش ناقصضين حد يطلع عينهم ويقعد يحرم كل حاجه

والله النتاس عندها استعداد انها تمسي علي الصراط المستقيم بس مش بالشكل ده

وبعدين يااخي مش معقوله انك تنصح الناس بالزهد والتقشف وانت راكب عربيه بي ام دبليو احيييه يعني مش منطقيه خالص
‏قال غير معرف…
لسه مخلصه تعليق طويل على موضوع النقاب اكيد هتقريه بس هتحط بيه انا وانتى فى قايمة شندلر ...اما القهر اليى على اصوله واحد من المشايخ الفخام دول افتى فتوى لواحده كنت شايله دهب معاها ورفضت تدهولى وقالتلى انها سالت شيخ كبييييير قوى فى السن طبعا وقالى طالما مش انتى اليى اتدينى الدهب خلاص يبقى بتاعى مع انها قالتلى فى شهر رمضان دهبك امانه فى رقبتى وعمرى ما همد ايدى هليه الا لما ادهولك فطبته مليون مره وطبعا مكنتش مصدقه ان واحده عامله جدول لدروس الدين والمشايخ الكبااااار قوى تنهب حقى وتضيع الامانه ادى يا ستى السلفيين وفتاويهم لا وشيخ منهم برضه افتا لحماتى ان الست اليى بتتطلق فى الاسلام ملهاش تاخد اى حاجه اليى بتتطلق مش اليى بتخلع جوزها يعنىالبه ولا كانه قرا سورة النساء ولا ال عمران ولا بص فى القران من اساسه ...يبقى مين فينا اليى يتقهر انا ولا انتى ...كل رمضان وانتى طيبه وربنا يهدى للحق ..سلام يا قطه..
‏قال Desert cat
Mohamed Hamdy
انت نورت اول كومنت ونورت البلوج كله
طبعا كلامك شهادة اعتز بيها جدايا محمد
تحياتى
‏قال Desert cat
amr
الله يسلمك يا عمرو
واكيد طول ما فى ناس لسه عقلها بخير
هيبقى فى امل ودع المغيبين للفضائيات
:)
تحياتى
‏قال Desert cat
احلام اليقظة
بالظبط اوفيليا
ازدواجية اصابت المغيبين بحالة من الشيزوفرنيا
تحياتى يا جميله
‏قال العراف
هههه ما هو قطه كل من هب ودب بقه عمال يفتى وهوا اصلا مش فاهم حاجه يالا بقى ما بقت كوسه اى حد يتكلم ويفتى ويلخبط فى عقول الناس اهنيكى يا قطه الصحراء على الموضوع الجميل ده ودمتى لنا بالجديد
البوست حلو والكلام اللى فيه احلى تسلمى
‏قال الربان
تحياتي

المبدأ لا يتجزأ....سواء في السر او العلن....لكن احيانا يستطيع الشيطان
ان يجد للبعض منا سبيلا...و يستغل نقطة ضعف موجودة....

عباد الشمس ...او دوار الشمس...انما هي مسميات لا قيمة لها...و قد نادي البعض بتغيير اسم " عبد النبي " الي
" عبد رب النبي "....اجتهادات و اراء
نحترمها رغم اننا قد لا نتفق معها...
و سيبقي الاختلاف و سيلة للحوار و للبناء...

طبعا اختلاف وجهة نظرك ووجهة النظر الاخري من بعض المعلقين...اتاح للجميع
الاستفادة و الاستزادة من المعلومات
و هذه في رأيي ظاهرة صحية...و القاء
حجر في الماء الراكد...يحرك و يحفز العقل
للتفكير و هذا بالضبط ما فعلتيه...


تحياتي و تقديري
‏قال micheal
القهر ده وضع طبيعي لمرحلة التخلف والفوضي في كل المجالات...لو اتفرجتي شوية علي اللي بيحصل في بكين يوميا حنعرفي احنا فين والعالم الخاجي فين
تحياتي
‏قال (green eyes)
حلوة عبادة الاصنام دي
‏قال Ahmed Fahmy
دة مين ده اللي حرم عباد الشمس
في ثوابت اه بس المفروض يبقي في تفكير مرن
كدة عدينا المرحلة دي بكتير
ههههههههههه
ماتتضايقيش و لو الفكر صح يبقي المفروض فعلا يوصل للناس و علاطول
بس المجتمع يتقبله و لو ماتقبلهوش يبقي
لازم يبقي له متنفس ..بس بحدود
تحياتي
‏قال غير معرف…
لظروف شغل قاهره اضطريت اتغيب يعنى عدنا بعد غياب
راجعت شوية فى كلامك معقول الى حد ما البوست ده ماليش عليه اعتراض لانك مش انتى بس اللى معترضة على التهريج ده حتى المتدينين معترضين البوست اللى قبله انتى عارفه انى ضد افكارك فى نقطة النقاب لكن لو ام تميم دى موجودة بجد يبقى الحل انى ما اهاجمش يا استاذه النقاب الحل انى اهاجم اللى بيشوه النقاب
‏قال Desert cat
banouta masreya
يا جميل النماذج دى ما شاء الله منتشرة من حواليكى وتلاقى اللى تقولك نقابى هو حصنى ولما تتكلمى معاها ابقى اتفرجى على الحصن المنيع والانحطاط اللى خارج من خلفه
تحياتى
‏قال Desert cat
Hani Michel
استاذ هانى الاخوة والاخوات بيرجعوا ان سبب الغلاء هو شعر النساء
يعنى لو كل ستات مصر ملثمات هنعيش فى رخاء
سمعت يا سيدى اخر الخزعبلات
والله عندك حق
واكتر حاجه عجبتنى فى البوست انه قصير وبسيط بالرغم من ان لو اى حد تانى كان كتب 100 صفحه وده من الامور المستفزه
فخير الكلام ا قل ودل
‏قال Desert cat
mohamed
تحت امرك يا فندم المدونة مدونة حضرتك

1- وياترى ايه هى احلام الرجال قطعة القماش اللى بتغطى بيها المرأة وجهها؟؟؟؟

2- لو عندنا فعلا سيولة فكرية مش كان اصبح شغلنا الشاغل قطعة القماش من عدمها بالنسبة للقنوات فهى فى صراع ومش مهم المتلقى المهم الدخل والربح الوفير اذن العيب هى مش عيب القنوات ده عيب اللى بيسلم عقله ويقول امين

3-قادة الفكر والمثقفين اصبحوا يتهموا بالكفر والخروج عن الملة لذلك منهم من يفضل الانسحاب وعلى ذكر الابواق فمن الاولى ان من يجلسون فى القنوات المساماه بالدينية وهى فى الاصل تجارية ابواق لنشر افكار بلاد الرمال ؟؟؟؟

4-ومن اهتم بالشهرة يستحق ان تسميه عالم او فقيه فى الدين ؟؟؟ فرق ايه عن الكومبارس على خشبات المسارح

5- مستوى الثقافة لم يسقط فى الهاوية كما تتخيل فمازالت هناك عقول نابضه ولك ان تتابع شبابنا فى المنتديات والفيسبوك والمدونات ايضا فمن سقط ثقافيا يظهر امامنا جليا فجميعنا لنا عيون

6- الالفاظ والكلمات لها مدلول فكرى اؤيدك الراى ... لكن لا تنسى انه لكل فعل رد فعل

7-وهل الدين تمثل فى النقاب وقناة الناس ؟؟؟
هل الدين انقرض ليتم اختزاله فى قطعة القماش التى تغطى المرأة من عدمها ؟؟؟

8- وما علاقة زواج الشواذ بالعلمانية ؟؟؟
لو حضرتك بحثت فى اصول الدين لعلمت ان السرول صلى الله عليه وسلم نفسه كان يفصل امور الدين عن السياسة
ولك فى موت ابنه ابراهيم عبرة عندما حدثت ظاهره خسوف الشمس اراد الصحابة ان يجعلوها علامة لوفاة ابراهيم ولكن الرسول كان حكيم ورفض تلك الخزعبلات ... اما نحن الله اكبر بيضه عليها لفظ الجلاله الحقوا انشروا
برتقالة عليها اسم محمد ولك فى شجرة العاشر دليل عندما همت القنوات الفضائية تصور والصحافة تكتب وفى النهاية كانت عبارة عن خيال فنان واحد وقف تحتها شوية رسم لفظ الجلاله واتفرج على التريقة اللى كانت بعد كدا وقيس على هذه الامور ولا ندرى بهذه الافعال المشينة اننا نضر ديننا ولا نفيد فالله موجود والنبى معترف به ولا ادرى ما علاقة رسم الاسماء واختراع مثل تلك الخزعبلات
شرفت يا استاذ محمد
تحياتى
‏قال Desert cat
lyssandra
طيب وليه مفيش مانع نقول دوار الشمس
اعتقد ان علاقة الانسان بربه مش مرتبطة باسماء
دى علاقة روحانية بحته
ميرسى جدا على كلامك
تحياتى
‏قال Desert cat
حاول تفتكرنى
ميرسى جدا لذوقك
شرفتى المدونة
تحياتى
‏قال Desert cat
Sherif
وهو احنا بيحل علينا الغباء غير من السعودية
:)
يارب دايما مصر بخير
تحياتى لحضرتك
‏قال Desert cat
د\أسماء علي
عندما ينتشر الدجالين فاعلمى هناك المغيبين وايضا الموالين
وسواء هذا او ذاك مع اول هبه ريح لن تجديهم فلن احفاد محمد عبده موجود وتلامذه نجيب محفوظ ايضا موجودين
شرفتينى جدا يا جميله
تحياتى
‏قال Rania Lelah
فكرتينى بشوية فتاوى عجيبه بردة تفطس من الضحك و الله
للاسف زى ما قلت فى تعليق لاحد الزملاء المدوةنين
كل واحد بقى يحب يفتى اشمعنى هو
,
‏قال Desert cat
Anonymous
طيب وحضرتك /ى مضيعه وقتك مع الناس اللى خسارة فيهم الكلام ليه
الدقيقة اللى كتبت فيه الكومنت ده كان ممكن تستغله فى كلام مع حد يفيد معاه الكلام
وربنا يهديكو مع بعض وتاخدوا بايد بعض وتدخلوا الجنة ان شاء الله
‏قال Desert cat
سنووايت
يا حبيبتى الخزعبلات هتسيبنا وتروح فين هطالما يوجد المغيبين الذين يروجون لمثل تلك الهراءات
كلماتك عن القراء والتحاور جميلة لكن لمن يعلمون
مودتى واحترامى
‏قال Desert cat
PrInCeSS BeRy
كل سنة وانتى طيبة وبالف خير يا جميل
ورمضان كريم على الجميع
اشكرك جدا
تحياتى
‏قال Desert cat
dr.lecter
ما انا مريحة نفسى خالص يا دكتور صدقنى لكن كل شوية الاقى لهم طبق فتة جديد قاعدين يفتوا فيه
وكل لما يخلص تلاقيهم طالعين بفته جديدة لما نفخونا
عموما التناقضات اللى عايشين فيها خير دليل على هراءتهم لكن انت مالك ب البى ام دبليو هو انت قولت طز فى مصر وشعب مصر علشان يبقى عندك بى ام دبليو
تحياتى
‏قال Desert cat
عايزه اتطلق و
شوفت الرد يا جميل ورديت عليه كمان
بالنسبة لكلامك
فانا هرد عليكى بكومنت جه على مقال امنية طلعت فى البديل طبعا انا كنت استاذنت منها ونقلت المقال ده فى جروب اتكلم واسمع على الفيسبوك وهى وافقت
لكن انا هجيب لك الكومنت اللى جه على المقال بعد نشره فى البديل
--------------
لقد دخلت جحر الثعابين فااحتمل اللدغات هذه المنطقه من المناطق المحظورة ولا امن الدولة ولا غيره التاسلمين كتروا فى ازدياد بسبب البترو دولار الت يريدى النقلب المعونة التى تتحصل عليها مائتين جنيها شهريا والحجاب مائة جنيها شهريا وا للحية مائة وخمسون جنيها شهريا فى زمن اغبر الفقر يدق اعناق الرجال ويجعلهم عاجزين عن الوفاء بمتطلبات الحياة يعنى ايه لو لبست النقاب وحصلت على المبلغ وفى الاخرة حسن المعاملة لا الجنه لان فيه اماكن ممكن ارشدك عليها وتشوف بنفسك القوادات وهن يوزغن فتيات فى سن ازهور على رجال اشكال والوان وكلهن بنات منقابات ومحجبات للاسف الشديد وقد حزنت لما رايت وكنت مارا بالصدفة ولفت انتباهى اتنين رجالة واقفين مع واحدة وبيتكلموا كلام خارج عن الادب فى حديقة وامام الناس واستغربت من البجاحة ووقفت لارى ما يحدث ورايت ما قولته لك والاسلاميين الزاعمين انه لا احد مسلم سواهم وهم وكلاء الله على الارض سيهاجمونك وبشدة بل سيكفرك بعضهم والغوغاء كثيرين سيسيرون على نهجهم وفى الاخر رغم كلامك المعقول والذى له اساس من الصحه الا انهم يريدون البلد على هواهم لاسباب سياسية
----------------
مستنية بقى الشيخ الكبيييييير يفتى لها باي ترجع الامانة اصحابها ودى تيجى
كل سنة وانتى بالف خير يا جميله
تحياتى
‏قال Desert cat
بالمناسبة
ده لنك مقال امنية بالردود
http://www.elbadeel.net/index.php?option=com_content&task=view&id=28663&Itemid=41
‏قال Desert cat
العراف
عادى بقى ما هى موضه السنة دى طبق فتة لكل مواطن
شكرا يا عراف
تحياتى
‏قال Desert cat
شفقة هانم واحسان بك
الاحلى هو تشريف حضرتك البلوج
تحياتى
‏قال Desert cat
الربان
استاذى العزيز العلاقة بين الانسان وربه ليست مسميات وانما هى علاقة روحية لا يعلمها الا الله سبحانه وتعالى
ولا ادرى ما علاقة الاسماء بالعبادات
اشكرك جدا على المداخلة القيمة التى دائما ما تثرى الموضوع
دمت بالف خير
احترامى وتقديرى
‏قال Desert cat
micheal
يا عزيزى لا وجه مقارنة بين استخدام العقل فيما يفيد وثقافة التلقين والترديد
فاليابان والصين غزتنا بكل ما تملك ونحن مازلنا ندعى على الكفرة اعداء الاسلام من يحقدون علينا مش فاهمه هيحقدوا علينا فى ايه
ده اذا كنا فى بالهم اساسا
تحياتى
‏قال Desert cat
(green eyes)
ماهو يا حبيبتى مش ناقص غير يقولوا مش تاكلوا العجوة علشان يبقى مناكلش الالهه
تحياتى
‏قال Desert cat
A7MeD F@hMy
والله يا احمد انا مش متضايقه ولا فى حاجه مضيقانى انا بس حبيت اعرفهم ان الكلام ده مجرد هراء لا يدخل العقل
تحياتى
‏قال Desert cat
gehad
يا اهلا بالمعارك يا الف اهلا وسهلا
انا شوفتك بترد على ماجد فى الفيسبوك قولت مستحيل تعدى المناسبة الجميلة دى من غير تشرف البلوج
المهم بقى يا جهاد ..
تعرف انى راجعت ردك بتاع يجى 5 مرات كدا علشان اتاكد ان اللى بيتكلم انت مش معقول متفق معايا فى نقطة .. مش عارفه ليه مش قادرة اصدق نفسى
المهم يا سيدى
ام تميم فعلا موجودة ولو راجعت الردود هتلاقينى كاتبه بيانات عنها كمان
اما مهاجمتى للنقاب عموما فانا مش بهاجمه لا سمح الله هو انا مجنونة اهاجم قطعه قماش انا بهاجم اللى تحت النقاب وافعالها او افعاله ما هو مش فى حاجه مضمونه الايام دى مش يمكن يكون واحد ؟؟؟
شرفت يا فندم
‏قال Desert cat
مصر يا موكوسه .....يا مزارع الكوسه

المهم ان البوست نال اعجابك والاهم انك شرفتى المدونة يا شروق
تحياتى يا جميل
‏قال Desert cat
Rania
حقيقى ياراينا تحسى انهم طالعين سباق وكل واحد طالع بفتوى اسخم من اللى قبلها
واحشى فى العقول بس النستقبلين مش بقوا كتير وده فى حد ذاته شيئ مبشر
شرفتينى يا جميل
‏قال صفا سارة
يا قطة
فليذهب كل هؤلاء الى الجحيم
ومتفكريش فيهم كتير لان اللى هيجيلك من ورا كلامهم النرفزة وبس
‏قال قلوب بتغنى
قطتى الجميله
حلوه قوى حكاية الزيت دى
ههههههههههههه
عبادة اصنام قال
تحياتى
‏قال هانى المصرى
شكرا يا قطه على المرور والتعليق عندى
بجد شكرا ..
هانى .
‏قال Mohamed Hesham Safa
رسالتك وصلت ... معاكي قلبا وقالبا

لكن علينا ألا نتحامل على أحد بأي حال فكثيرا ما يكون القصد خير

تحياتي

والسـ ختام ــلام
‏قال Desert cat
صفا
والله يا صفا انا مش بفكر فيهم هما اللى بيقعوا فى طريقى فبطضر ازيحهم عن الطريق علشان كل واحد يعرف حجمه الحقيقى
تحياتى
‏قال Desert cat
قلوب بتغنى
ماهو ثقافة بلاد الرمال قلبت لنا الحقائق حتى اصبح الجهل نورن
كل سنة وانتى طيبة يا مشمشه
‏قال Desert cat
هانى علوان
العفو يا هانى
انا اتشرفت بزيارة مدونتك
‏قال Desert cat
mohamed hesham
شكرا يا محمد
بس الموضوع مش تحامل ادينا بندردش شوية وبنشوف هنوصل لايه بعد عباد الشمس ولا دوار الشمس
يمكن يقولوا الاكسجين حرام ونمنع النفس
تحياتى
‏قال tamer.sala7
يا دماغك العالية

والله وحشني البلوج بتاعك وافكارك اللي حتوديكي في حتة كدة زي اللي انا كنت فيها صحراء جرداء لا زرع فيها ولا ماء

وعلي العموم انا لو معايا مليون زولار مش هفتح قناة ومش هفتح مصنع وكمان يمكن مش هفتح بقي بس هم فين

علي كل حال القهر دلوقتي موضة

ح استحمي واحلق وجي بقي اقرا بوستات الشهرين اللي فاتو
‏قال mohamed
الاخت الفاضلة
1-المقصود من بيت الشعر فى هذة الحالة
هو ضيق أفق من يقرأ ومن يسمع وأنحصار فكرة فى الشهوات الحيوانيةوحدود المادة الضيقة , ولايصبح لدية أفق للمشاعر الانسانية و قيمها فمن ضيق الافق تتولد الدكتاتوريةوالظلم والقهروسوء الادارةللمؤسسات الاقتصادية ولايتولد الابداع والتطور العلمى
2-بالنسبة لحالة السيولة الفكرية التى تنكريها حضرتك هل يتفق كل مجتمعنا على ثوابت من الصح والخطأ
ياسيدتى نحن نسمى الرشوة بالشاى والقهوة وأجرة المواصلات وحلاوة بقك
كمانسمى
بعض السيدات الاتى يدعون لاباحية متحررات والاتى يدعون لمكارم الاخلاق متزمتات
3-لا أعلن أن كنتى تتفقى معى أم لا أن لكل وسيلة أعلامية خاصة أن كان مصدرها دولة لها هدف يحقق مصالح هذة الدولة وقناة الحرة وأن كانت بشكل غير مباشر تتبع الحكومة الامريكية لها هدف محدد وقبل أبدأ الرأى تابعى برأمجها وانتى اعلامية وسترين ما هو هدفهم.
4-ليس كل من تم التسويق لة أعلاميا من قادة الفكر والرأى
ولكن قادة الفكر فى مجتمع هم من أصحاب الرسالات هدفهم خدمة المجتمع والرقى بة وليس تفكيكة, ارجوكى أطلعى على اليابان التى تبذ الولايات المتحدةوأوربا فى تقدمهم وكيف رغم ذلك حافظوا على القيم اليابانية حتى فى طريقة السلام وكما حافظوا على لغتهم اليابانية وأتحدى أن تجدى داخل اليابان
جهاز الاليكترونى بياناتة وطريقة تشغيلة مكتوب بالانجليزية
5- لا ياسيدتى لا أتفق معكى مستوى الثقافة داخل المجتمع أنهار وأنحدر, الشباب وهذا ليس خطأهم الاساسيات من الثقافة لايعلموهاونحن كنا ندخر من مصروفنا لنشترى كتاب للعقاد وطة حسين او موسى وغيرهم, وشبابنا مهتم بالمظاهر وما دون ذلك الاقلة قليلة ومازال يبحث عن طريق, انة تائهة
6_من قال لسيادتك أنى مهتم بعلماء كل همهم الظهور الاعلامى لكن
ما رأيك فى سيدات ثلاث د. عبلة الكحلاوى ود.هبة قطب ود. سعاد صالح
7-ورغم أننى من معارضى النقاب ولكن لى سؤال أذا تركنا لمن تريد أن تبرز كل مفاتن جسدها الحرية لفعل ذلك فما وجهة أعتراضنا على من تريد الاتظهر كل جسدها يا سيدتى( المبدأ لايمكن تجزئتة) أما مبدا واحد أولا مبدأ على الاطلاق لاأنتقاء فى المبدأ وألا اصبح شىء أخر
8-أنا الذى أريد افهم من سيادتك
ما علاقة سروال النبى بالعلمانية لكل فكر مرجعية وأعتقد أنك لايمكن أن تنكرى هذا, الفكر العلمانى مرجعيتة الوحيدة هى العقل وأهتماماتةوينظم التصرف بين الافراد القانون ولايهم فى الفكر العلمانى لاقيم أنسانية ولا أى شىء أخر سواء أخلاقية من عدمة المهم المصالح لا المبادىء
(اليس بهذا الاسلوب يصح أن نصف العلمانية بأنها تهتم بالمصالح المادية والحيوانية فقط لاغير)
وأرجوكى شاهدى التحول الفكرى للشباب فى أوربا
ياسيدتى اسمحى بأن أذكرك بأن مزيد من الاطلاع يفيد, رحم الله تعالى الدكتور عبد الوهاب المسيرى
لكى أحترامى لردك وتقبلى تحياتى
محمد
ياسيدتى
من القائل ان حسن السمعة هو الناجح الوحيد فى بلدنا..صباح الفل

الهلاوس كترت ..والناس مش ناقصة خبلان

والكلام مبقاش يساوى كتير ..اهو كله بيتكلم ...عمرك سمعتى عن حد بيسمع!!! مجرد سؤال ؟؟

واذا سمع.. تفتكرى انه له نفس يفهم..يعنى مجرد سؤال!! والسلام
‏قال Desert cat
tamer.sala7
حمد الله على سلامتك يا تامر
هو علشان انت كنت فى صحراء جرادء يبقى افكارى تودينى هناك قول انك عايز حد يونسك هههههه
هو اللى معاهم مليون زولار وبيفتحا قنوات يا عزيزى بيكون عايزين ينموها ويعملوا الميلون زولار اتنين زولار قصدى اتنين مليون وهكذا
فى انتظار عودتك يا فندم
اصلى حسيت بالمعناة الىل كنت فيها خصوصا بعد ال 3 دقايق ليك فى اسكندرية :)
شرفت جدا
‏قال Desert cat
mohamed
1-ليس بالاحرى عدم التطور العلمى والدكتاتورية وجميع وسائل القهر التى ذكرتها تكون ضيق افق وانما من الممكن عدم التطور يكون من نقص فى الامكانيات المتاحة ولكن وسع الافق موجود والثقافة موجودة ... والدكتاتور ليس ديكتاتور بطبعه وانما تولدت لديه بسبب ظروف حياتيه ربما كان ظلم واقع عليه ... اذن هنا بيت الشعر فموضعه ليس بالصحيح
2- مش حد اجبرك تدفع رشوة ولديك من القوانين ما يغنيك عن هذه المسميات فان عرقل لك احدهم مصلحتك فاتخذ الطريق الصحيح وما ضاع حق وراءه مطالب ولكن من سمى هذه المسميات هو من ساهم فى نشرها واختصر الطريق ليجلس فيما بعد ينعى حظه وما دفعه للموظف المرتشى الذى وان اتبعت الطريقة الحصيحة لما كنت كذلك ولكننا لا نجيد سوى فن الشكوى
من سمى المتحررة بانها تدعو للاباحية تلك العقول الظلامية التى لا تعرف عن المرأة سوى انها مجرد وعاء لمتاعه الشخصى وانها الخادمة التى اشتراها لتعمل فى البيت فيما بعد بدون اجر وتستغنى عن عقلها اى تكون كالحمار يحمل اسفارا ... اما المتزمتة فمن الزمها بالدعوى ومن اعطاها صقوق الغفران حتى تحلل وتحرم وتفتى بما لم ينزل الله به من سلطان ولتتبلى علي الله بقولها ان خطبت لزوجها فهذا مسمى بالجهاد اى جهاد هذا واى ايمان بالله تدعيه
3- اذا كان لازاما علينا ان نلغى القنوات التى تتبع دول ولها هدف وفكر تروج له فالمساواة فى الظلم عدل ... فلديك ايضا الناس التى لا نفع من وراءها سوى التجارة العلنية وبصحة الفقراء والمغيبين الذى من الممكن ان يتنازل عن قوت يومه فى سبيل الحصول على عسل الصدر الجبلى الشافى من كل الامراض ... فاذا ترك مريض السكر الانسولين واعتمد على هذا العسل الشافى من كل الامراض ومات بسبب غيبوبة سكر ... ففى عنق من يكون ذنبه ؟؟؟ مالك القناة ام المروج للاعلان ؟؟؟

4-سيدى نحن لا نملك سوى الصوت العالى مجرد ابواق نردد صيحات ولكن افعال لم ولن يحدث لاننا اعتمدنا على ثقافة غيرنا فالغرب الكافر نحن الان نستخدم الانترنت الذى اخترعوه والموبايل الذى صنعوه ... فماذا فعلنا نحن ... جلسنا نتفاخر بحضارة السبعتلاف سنة واكاننا من بعدها اموات ... ماذا فعلنا لانفسنا كي نتشدق بالغرب واليابان وامريكا الذين يلقون لنا اخترعاتهم بعد ان يكون عافا عليها الزمن
5- اذا كان الشباب الذى تراه انت هكذا فليس بالاحرى ان يكون كل الشباب هكذا ... لان هناك من لا يزال حريص على التعلم والثقافة والفهم
6- لم اقل ان حضرتك مهتم بعلماء كل همهم الظهور الاعلامى ولكنى ضربت لك بمثل بمن يهتم فقط بالظهور الاعلامى لا يفرق شيئ عن البلياتشو او المهرج فى سيرك او الكومبارس على خشبة المسرح ... السيدات الثلاث او غيرهم او كل صاحب فكر لا يعنينى ماهو شخصه لا يعنينى من يكون ولكن اولا يعنينى انه انسان وثانيا يعنينى فكره فان قبلته اخذت منه وان لم اقبله تركته وشانه
7-الا تسمع حضرتك عن كلمة اسمها وسطية .. يا امة الوسطية التى لا نعرف عنها شيئ ولا نتعامل بالمبادئ التى بعث لنا رسولها برسالته السماوية ... لايوجد ما يسمى بفرض اللثام ..كما ليس عكس اللثام العرى ...
8-انا لم اذكر كلمة سروال النبى وانما كان كلامى رسول الله صلى الله عليه وسلم وعن ظاهره خسوف الشمس
حضرتك تقول ان العلمانية تهتم بالمصالح المادية .... فما دليلك على كلامك .. فلو تعرف معنى كلمة علمانية لما قلت مثل هذا الكلام والا من الاحرى انك تنظر حولك للإسلامجية وطريقة لعبهم الثلاث ورقات فى سبيل الحصول على مصالحهم الشخصية ... واذكرك باضراب ابريل وانتخابات المحليات والتصاريح المتضاربة لزعيم طز فى مصر وشعب مصر
رحم الله دكتور المسيرى الذى ان كنت قرات علمه لادركت ماهية العلمانية

تحياتى لحضرتك
شرفت يا استاذ محمد
‏قال Desert cat
وميض ابتسامة
لاء مش سمعت
انا بشوف كل الناس بتتكلم الوحيداللى مش بيتكلم حد من الاتنين اما الاطرش واما الاخرس
:)
لذلك سنظل فى مؤخرة الامم
مودتى
‏قال mohamed
سيدتى
من رأى وقرأ ولم يفهم ماذا تسمية سيادتك متسع الافق أو ضيق الافق ؟
والسؤال الثانى لماذا لم يفهم
أجابتى لأنة أمامحدود القدرة العقليه أو أنة لايسمع الاصوت نفسة, وماذا تسميه عندئذ , لآ أعلم ما هوردك
بيت الشعر فى محلة ومكانة ياسيدتى
الفساد هل هو سلوك عام أو خاص
وما أنواع الفساد الموجود
أترك الاجابه لسيادتك
وللمنظمة الشفافية العالمية
التى وضعتنا فى مكان لا أستطيع أن أقولة خجلا مما وصلنا الية

سؤال لسيادتك
هل أستعراض مفاتن الجسد هى الحرية
وهل التركيز على العقل والفكر تجمد
وتزمت لاأعلم رأيك

هل ياسيدتى العقل الظلامى هو الذى يدعو للتعامل مع المرأة كأنسان
ويرفض التعامل معها كسلعة
ربما انتى حرةوهذة وجهة نظرك وأنتى حرة فيما تعتقدى لكن محاولة فرض رأيك مثله مثل هؤلاء الاتى لايعجوبكى ويحاولوا فرض رأيهم عليكى أنتن متشابهات فى الاسلوب

من باب العلم بشىء مصادر أغلب الدواء من مصادر طبيعية ولكى فى الطب الموازى فى الصين أسوة وأرجوكى الاطلاع على هذا الموضوع والمستخدم من الصين الى الولايات المتحدة الامريكية


سيدتى بالنسبة لكلمة السرول فهو خطا
سيادتك كتبتية بدل الرسول


نعم ياسيدتى لقد درست العلمانيةوالدكتور عبد الوهاب المسيرى بعد دراسه طالب بالعلمانيه الاخلاقيةورفض العلمانية الغربيه
أرجوكى أقرائى العلمانية الغربية ومصادرها وهذا رجاء خاص ليصدر رأيك الكريم عن معرفة

سؤال أخر ماهو سبب ذكرك لموضوع اللثام
أذا كنت قلت لسيادتك أن النقاب أنا لاأراة صحيحا وأنه فرض فقط على زوجات الرسول الاتى لهن أحكام خاصة دون نساء الرسول فهن مثلا لايرثن من الرسول


الاسلام دليل على المسلمين وليس المسلمين دليل على الاسلام

لى رجاء عند سيادتك
أنا ارد على كلماتك أنتى وليس أراء غيرك فليكن ردك على رأيى وليس رأيى غيرى وتصرفاتة


نعم وأرجو أدرسى معنى الوسطية فى الاسلام
وأدرسى السلوك العلمانى أزاء الوسطية


يشرفنى أن اسمع رأيك الناتج عن دراسة وليس عن سمع, وأنت حره فيما تعتقدى
وأذكرك برأى الشافعى

رأيى صواب يحتمل الخطأ
ورأيى غيرى خطأ يحتمل الصواب

وأيضا ما قالة أحد العلماء فى الدين
كل رأيى يأخذ بة ويرد علية الاصاحب هذا القبر(المقصود قبر الرسول عليه الصلاة والسلام)

تحياتى وأحترامى لشخصك الكريم
‏قال Desert cat
mohamed
من رأى وقرأ ولم يفهم أسميه مختل عقليا وليس ضيق الأفق
فضيق الافق بعد القراءة مرة تلو الاخرى ربما يتسع عقله ولو قرأت البوست الذى هو محور النقاش ستفهم معنى تلك الكلمات
فالاولى ان من يجيب على سؤال ويستشهد بابيات شعر لا تمت بصلة فله ان يجيب على سؤال موجود بالفعل وليس من نساج عقله
الفساد هو فساد ضمير ومن يريد فرض رايه وسطوته بالقوة الجبرية ونسبها الى الدين للوصول الى هدف ما والله وحده اعلم بالنوايا

السؤال الذى تريد اجابتى عليه يحتاج منك الى تركيز فى كل حرف كتبته لانه لايوجد فى كلامى او الردود حتى الان ما يدعو الى استعراض مفاتن الجسد والا البينة على من ادعى ... ناتى الى نقطة التزمت .. بالله عليك ما علاقة التزمت بالعقل فالكلمتين متناقضتين تمام التناقض فوقعوك فى مثل هذا الناقض خطأ كبير فى حقك وفى حق المتزمتين ادعياء الجهاد بان تخطب المراة لزوجها او تتلثم وتصبر

اين دعوة المرأة كانسان فى امتهانها كجارية لمسح الحمام وتربية الأطفال ومضاجعه مولاها اخر الليل ... هل هذه هى الانسانية المزعومة ؟؟؟ للمرة الثانية تقع فى تناقض فكرى يتحشاها من هم ا ب قراءة
حقا اتعجب من اين اتيت بفرض رايئى فانا اتناقش فيما يفروضنه هم على الله والتبلى عليه بفرض سادس من فروض الاسلام لم ياتى به احد لا من قبل ولا من بعد
مصادر اغلب الدواء من مصادر طبيعية اذن فدعنا نجرب على احد المقربين لك المصاب بالسكر او بشتى الامراض التى يعالجها العسل السحرى بشرط عدم التدخل الدوائى واكررها احد المقربين اليك واتركه لا ياخذ ما وصفه له الطبيب .... فان تحسنت حالته الصحية فساقوم انا بالاعلان عن هذا العسل السحرى بنفسى

بالنسبة للخطأ الكتابى لكلمة الرسول
اعتقد ان من يفهم بعض الشيئ فسيجدها تتضح من الكلام الذى يليها
انا ايضا قرات للدكتور المسيرى واعتقد ان من يجادل لا ياتى نقطة فى بحره من علم عن العلمانية الاخلاقية فمادخل العلمانية الغربية التى تدعيها هنا
واذا كان الاختراع والابتكار لكل ماهو حديث من ابحاث وعلم فى الغرب تسميه حضرتك علمانية فاهلا بكل وسائل العلمانية الغربية التى تستخدمها انت الان فى التحاور معى

سبب ذكرى لموضوع اللثام كان رد على كلام حضرتك بانك ترى ان عكسه هو العرى لذلك ذكرتك ايضا باننا امة وسطا

اتفق معك فيما ذكرت
ولكن ما دخل راى غيرك هنا فى الحوار ؟؟؟ وما الداعى للتطرق لمثل تلك النقطة التى لم توجد فى اى حرف من حروف كلامى .. فكلها موجهه لك انت وللرد على كلامك ولم اتخذ من اى شخص اخر ذريعه فى الرد عليك فانا كفيلة بكل حرف بها

ومن اخبرك انا رايئى مبنى على سمع .. هل تعرفنى ؟؟؟ ام انها تنبؤات بعلم الغيب
فلو كل منا دعى العنان لخياله لقلت انك طالب فى المرحلة الاعدادية لان كل كلامك خالى من الادلة والبراهين الوارده عليه وانها مجرد كلام انشاء
ولكن لم اتخيل ولم اتنبأ ولم اتدخل فى النوايا التى لا يعلمها الا الله
مقولة الامام على وايضا كلامك عن الرسول ارده اليك للتامل فيه حتى تتاكد من حروفك وكلامك وتركز فيما يوجه اليك من كلام حتى لا تتحاور فى شيئ مخالف لما هو وارد فى النص فيؤخذ جميعه حجه عليك

تحياتى
‏قال Abu Shahin
القهر اصبح سياسة وهدف ومنهاج من كل القطاب والاطياف

لنا الله




عيش حلاوى
‏قال koukawy
هههههههههههههههههه
جامد اوي التعليق بتاع ازازة الزيت
هههههههههههه
موتني من الضحك
‏قال أنا حر
كل ما هو ضد العقل يتم استخدامه من جانب المخبولين في عقولهم للتأثير على المتنازيلن عن عقولهم
هي دي الصورة النهائية لقنواتنا الدينية الحلوة وللمشايخ اللي بيطلعوا فيها
حسبي الله ونعم الوكيل
تحياتي
‏قال momken
بوست صغير ورائع
كعادتك دئما كلامك يمتعنا جدا

تحياتى لك ولبرنامجك الاذاعى

تحياتى
‏قال Desert cat
الحشرة التى تطلق على نفسها .. فاطمة نور الدين
على قدر العجز والجهل تأتى الشتائم وانتى تملكين من الحقد الدفين الذى لا ترتقى به لمنزلة الانسانية
وان كنتى تملكين الدليل على كلامك
فاتى باللنكات التى تتحدثين عنها
والا تخرسى خالص
البينةعلى من ادعى يا حقودة وحظك انكى فى دولة مدنية والا كان طبق عليكى الحد على كذبك وادعائك ايتها الحقودة الشمطاء
كلمة السر الدكتور عمرو اللى ابوه كان طارده من البيت وانتى مستضافاه عندك يا حنينه
‏قال Desert cat
Abu Shahin
ماهو كل واحد عايز يوصل لمصلحة شخصية يقولك اصل الدين بيقول كدا
ويستشهد بايات قاصص منها ما يناسب هواه
تحياتى
‏قال Desert cat
koukawy
ماهو علشان جامد انا جبته زى ماهو
:)
تحياتى ليكى
‏قال Desert cat
أنا حر
والله يا احمد جملاك لخصت المقصود تماما
تحياتى
‏قال Desert cat
momken
ميرسى جدا على زوقك
تحياتى لحضرتك
‏قال غير معرف…
اولا الى محمد الذى اورد اسماء ثلاث داعيات اقول له هل تعلم كم تكلف احداهن العباءه التى تظهر بها لتتحدث عن القناعه والتقشف ثصوت متهدج
انها تكلفها عدة آلاف من الجنبهات لزوم الشياكه الفضائيه
انه ياعزيزى بيزنس ضخم والا فاسال عن ثروات الدعاه الذين اصبحوا نجوما للفضائيات
ستزهل
بالحقائق خاصة عندما تعلم انهم بثرواتهم الضخمه يرسلون ابناءهم للعيش والتعلم فى بلاد العلمانيين الكفره
ويختفظون باموالهم فى بنوكها
الى متى يظل الناس فى بلادنا بهذه السذاجه
ان هذه القنوات يدعمها ثروات النفط الطائله لتناقش الحجاب والنقاب
وكيفية الدخول للحمام لتصرف النظر عن النظم المستبده المتخلفه للحكم والا اتحدى لو جرؤ احد هؤلاء المشايخ وناقش اين تذهب عوائد البترول او حق المسلمين فيه فيما يسمى الركاز
اتحداهم
كل همهم ان يحجبوا الفنانات وان يحولوا الحجاب الى قضية القضايا
ودول النفط تنبهت منذ فتره طويله لقوة الأعلام
وحاولت كبرى هذه الدول حتى رشوة الأذاعه البريطانيه ب70 مليون استرلينى فى السنه لتنشا قناه عربيه تحمل اسم البى بى سى
وظهرت بالفعل ولكنها اغلقت عندما اذاعت قصة معارض للأسره الحاكمه واغلقت القناه
متى يفسق الناس البسطاء من غيبوبتهم
وتعرف نساءنا ان من يقلدنهم من نساء دول البترول ثائرات على او ضاعهن ومكانتهن
‏قال غير معرف…
مع احترامنا لراحل مجتهد مثل الدكتور المسيرى
الا ان فهمه للعلمانيه ليس ملزما ولا هو بالصحيح بشكل مطلق...ابحثوا بانفسكم عن جذور هذه الثوره الكبرى فى تاريخ الأنسانيه التى اخرجت اوربا من ظلام الدوله الدينيه واستبداد الملوك والحكام الذين يحكمون بالحق الألهى على قمة طبقه اقطاعيه بتاييد من رجال الدين
الذين ادعوا امتلاكهم لمفاتيح الجنه
ولا تعتمدوا على مصادر ثانويه مهما كان تقديركم لمؤلفيها
وهذا احد عيوب تفكيرنا وهو اضفاء سلطه على كلام انسان فلا نناقشه فيما يقول
‏قال غير معرف…
وهؤلاء الحكام خادمو السلام ليسوا اكثر من موظفين تابعين لحكام الدول العلمانيه الكافره يتلقون الأوامر فلا يحرؤون على عصيانها
زودوا ضخ النفط حتى لا ترتفع اسعاره...حاضر....لايموها مع اسرائيل ...حاضر
اعملوا كذا ...حاضر....متعملوش كذا ....حاضر....انهم يعيشون فى حماية العلمانى الكافر بينما يقيمون الفضائيات التى تلعن العلمانيه ليل نهار
وبعدين يبحثوا هو احنا ليه من دون البشر متخلفين
وسذج ينطلى علينا التمثيل لأننا لا نناقش ...لم نتعود ان نناقش ونشك
الخليج اليوم فى قبضة الأجنبى بالكامل
وتناقشون الحجاب والنقاب ودخول الحمام وتحجب الفنانات
وعباد الشمس
‏قال Desert cat
Anonymous
عزيزى/تى
هؤلاء لا يهمهم ماذا تقول تلك التى اخذت فى اعداد نفسها للظهور على الشاشه 4 ساعات من الوقت وكم يبلغ ثمن عبائتها المزركشة
المهم انها تقول سمك لبن تمر هندى
وفى النهاية الله مرنا بهذا
ومن يريد ان يفلت من عقاب الله يوم القيامة يريح عقله من التفكير حتى وان الكلام مغلوط فلطالما نسب اليه كلمة الدين والله اذن هى التى ستحاسب عليه

المشاركات الشائعة