إنشغال الآباء عن الأبناء

كتبت: حنان الشريف
http://3allisotak.net/apages.php?pids=679&ids=do
يوجد الكثير من المشكلات الأسرية الحرجة التي تحدث بسبب ضعف الرقابة والتوجيه للأبناء.. فإنشغال الآباء بأمور الأسرة وكيفية توفير المادة ونسيان التوازن في الحياة بين المتطلبات الفردية والأسرية أمر يحدث خللا في البناء النفسي للطفل... فمسؤولية الأب والأم ليست مقصورة فقط على المادة وتوفير المال للأكل والشرب والملبس والتعليم ولكن يجب أن يكون لهم دور في تربية أبنائهم وعدم تركهم للمدرسة وانشغالهم بتوفير المتطلبات فالمدرسة ليست برقيب عليهم إذن من واجب الأبوان إعطاء أبنائهم قدر من الوقت لمتابعة واجباتهم المدرسية وأيضا يجب أن يكون هناك أوقات مشاركة ممتعة بينهم للعب والضحك والترفيه وتبادل الأحاديث.. فالجهل بمتطلبات الأبناء يجعلهم يحملون صوراً ذهنية محددة كما شربوها من معاملة والديهم... ويجب تفريق الأبوان بين الأجيال فلكل جيل متطلباته وأساليبه فيجب أن يكونوا على داريه بما يفعله أبنائهم ومتابعتهم خارج المنزل والسؤال لدى مدرسيهم عن مستواهم التعليمي ولا أعنى تقييد حريتهم أو مراقبتهم ولكننى اقصد متابعتهم ومقارنة مستواهم التعليمي في هذا الشهر بالشهر الماضي على سبيل المثال فإن اجتهد أشجعه وان قل مستواه ابحث عن الأسباب لكيفية معالجتها وتلافيها فيما بعد... وهنا المسؤولية مشتركة بين الأب والأم فلا يلقى الأب المسؤولية كاملة على الأم لتربى وتساعد في أداء الواجبات وهو دورة بنك لصرف ما يحتاجونه من نفقات... فإن أدت الأم دورها بكل همة ونشاط في مرحلة الطفولة فلن تستطيع المواصلة في مرحلة المراهقة وهنا تدخل الأب سيكون بلا فائدة تذكر وهذا بالطبع نتيجة طبيعية للتراكمات الزمنية التي تركها الوالد في نفوس أبنائه لأنهم يحتفظون له بصورة الممول المالي فقط... فاندماج الأب بين أفراد الأسرة يعد من أهم المستلزمات الأساسية لبناء شخصية أبنائه وعدم وجوده يحدث خلل.
كذلك بالتبعية متابعته لهم واندماجه بينهم دائما يصل بنا إلى طريقة ايجابية كما يجب عدم إغفال الأب للتكنولوجيا فلابد من معرفته بها للاستفادة وتوجيه أبنائه بطريقه صحيحة كما انه بذلك يساعدهم على تلقى ثقافات مختلفة مفيدة فالانفتاح الثقافي في ضوء ثورة المعلومات والتكنولوجيا يحتاج إلى متابعه دائمة لأنه سلاح ذو حدين يعتمد على كيفية استخدامه وتوجيهه ولكن لا يعنى هذا العزوف عن معرفتها فإن ما لم يعرفه الأبناء اليوم حتما سيعرفونه غدا من خلال اختلاطهم بأصدقائهم وهنا لا نضمن كيف ستكون العاقبة... فمن الأفضل إلمام الوالدين بها لمتابعة أبنائهم وكيفية توجيههم التوجيه الصحيح فالفرد هو نواة الأسرة والأسرة نواة المجتمع فلابد إذن من مواكبة الآباء لمتطلبات الجيل الذي يحياه أبنائهم والاستفادة منه لأقصى درجة بشرط أن يكون محكوما بقيم ثقافية وأدبية...
ولا يتناسى الأب أن دائما طفله يشعر بالزهو عندما يراه يهتم بأدائه بالمدرسة ويتابع واجباته خصوصاً إذا مارس معه سياسة الثواب والعقاب ولكن الطفل إذا لم يجد سوى أمه لهذه المهمة فإنه حتماً سيستغل عواطفها ويتهرب من المذاكرة بحجج تقتنع هي بها.. فمتابعه أبنائهم لابد أن تتم بالتعاون بينهم سويا فمن الممكن أن يكون لكل منهما دراسته العلمية المختلفة التي من الممكن استخدامها في إفادة أبنائهم ومن الممكن أيضا أن تكون الأم غير ملمة بكل شيء ومن الصعب أن نتخيل أن كل الأمهات متعلمات بالقدر الذي يمكنهن من متابعة المناهج الدراسية المختلفة لأبنائهن خاصة إذا كانوا في مراحل مختلفة وهنا تبرز أهمية مشاركة الأب الذي يسد النقص أو يغطي الجوانب التي تعجز عن تغطيتها الأم.
ولكن الخطأ الشائع اليوم بين البعض من الآباء هو عدم الصبر وطول البال لذلك يشعر بأنه مرهق طوال النهار وبأن دوره أكبر من ذلك وبأن مذاكرة دروس الأبناء مهمة عادية وهذا دليل على عدم الوعي والإحساس بالمسؤولية وفي حالة فشل الأبناء أو تراجع أداؤهم الدراسي يحمل الأم كامل المسؤولية لأنه كما يعتقد هي المسؤولية عن كل صغيرة وكبيرة داخل المنزل ليس الطبخ والغسيل فقط حتى وإن كانت عاملة وبهذا التفكير القاصر فإنه يلغي دوره نهائياً.
فلا يخفى على احد المستوى المتدني من العلم الذي وصل له حال الأبناء اليوم فلا احد مهتم بالقراءة ولا بالثقافة العامة كما انه أصبح كتاب المدرسة هم ولابد من الخلاص منه بالنجاح حتى أصبح قانون الحفظ هو السائد ولم يعد هناك فهم لما يقرأ حتى إنهم يتخرجون لا يفقهون سوا عنوان الكتاب وبعد مرور شهر من التخرج تجدهم نسوا ما درسوه تماما لتسقط الثمر ة من أعلى الشجرة دون اكتمال مرحلة النضوج... وهنا نصل لنقطة التقاء و هي أنه علم بدون قراءة أو إطلاع هو علم فارغ لا روح فيه ولا عطاء... إذن الأصل في سوء التعليم هو البيت وطريقة التربية السليمة من متابعه للأبناء وتنمية مهاراتهم الثقافية ومساعداتهم على القراءة والإطلاع قبل أي شيء آخر.. وهنا دعونا نتفق على أن مشكلات المجتمع أو أغلبها ترجع إلى مرحلة الطفولة والمراهقة التي يتربى فيها الطفل على الاهتمام بالثقافة أم الاهتمام بالحفظ..

تعليقات

‏قال Unknown
اسجل اول تعليق
موضوع جيد مثل كل موضوعاتك
ولكن لى تعليق عموما انا اتمنى من جمعية ما ايا كان مسماها ان تتبنى برنامج تثقيف الامهات و الاباء المقبلين على انجاب طفل بكيقية تربية هؤلاء الابناء وفقا للمعايير والاسس العلمية السليمةوذلك حتى ننتج جيل سوى صالح قادر على حمل الرسالة الانسانية و يفيد هذا الوطن
تحياتى
‏قال Miso soup
الاب و الام بيهتموا كتير باولادهم ... لكن كتير من الاهتمام هو في الاتجاه الخطأ
يهمهم اوي بيجيبوا لاولادهم فلوس اد ايه .... يدخلوهم دروس في كل المواد .... يجيبلوهم موبيلات ... يودوهم مارينا .... الخ الخ الخ ... مع ان الاهم هو انهم يدوهم مشاعر دافية ... يعلموهم فن الحياة ... لكن هيعلموهم ازاي الحجات ده اذا كانوا هم ميعرفوهاش
‏قال سمراء
الامل في جيل من الاباء والامهات الواعون مثلك
سعيدة جدا بما كتبت من تفصيلات تربوية

مع اعترافنا ان هناك فجوة بين الوعي وقدرتنا على التطبيق الفعلي لما نحن واعون به

لكن قضاء اخف من قضاء
فبدون وعي الحال سئ للغاية

اشكرك فالتربية والاطفال هم اهتماماتي
سمراء
‏قال nody
ابهات ايه بلا وجه قلب
هما كفايا عليهم الشغل والفرجه على ميلودى
وشاطرين بس لو العيل عمل حاجه غلط
جاتك نيله وانت طالع لامك
انما تربيه صح زى ما ربنا قال انسى
وان جيتى تكلمى ما تخلصيش
الاحسن نوديهم جوانتاموا
حتة الانشغال دى من وجهة نظرى

ممكن يكون ليها مبرر

بسبب ضغوط الحياة والذى منو

بس فية أباء بيعرفوا يوفقوا

وفية بينسوا ان عندهم ابناء ليهم حقوق اصلا

تحياتى ليكى
‏قال mohra
لا املك الا ان اوافقك تماما
كثير من البيوت تحول الاب فيها الى بنك و الام الى خادمه
متى يفهم الناس معنى تربيه الروح و العقل و ليس تربيه جسد يكبر كل عام

تحياتى
‏قال dr.lecter
انا واحد من الللي بيعانوا من المشكله دي رغم ان خلاص المفروض اني بقيت مستقل عن اهلي وانتصفت سنوات عمري العشرينيه لكني للاسف لسه محتاجلهم مش علشان اني معتمد عليهم لكن علشان انا كان نفسي علاقتي بوالدي ووالدتي تكون اعمق من كده مش مجرد انهم يتكفلوا بمصاريفي ومتطلباتي وتعليمي واكلي وشربي وبس فيه حاجات اهم اه صحيح الاهل ماحرموناش من حاجه

لكن حرمونا من التواصل

التواصل معاهم ونبقي اصدقاء معاهم ده اهم بكتير من اي حاجه كان نفسي اقدر احكي كل حاجه لوالدي او لوادلدتي همومي الداخليه واحزاني واشجاني

احلامي وافكاري

ده كله للاسف اتحرمت منه لان ماكانش عندهم وقت كانوا بيجروا علي لقمه العيش ومكانش فيه اي وقت ليا خالص

غالبا دي مشكله جيلي والجيل اللي بعدي هيعاني برده من نفس المشكله
‏قال Khaled_H
join our new group on facebook
محبى إيداعات د.إياد حرفوش
fans of Dr.Eyad Harfoush
‏قال Misrdream
كلمه واحده بس
هرد بيها على كل كلامك

لا متفهمنيش غلط

:p

برافو
‏قال قلوب بتغنى
ازيك يا قطتى الجميله
موضوع مهم جدا انا شخصيا ورغم انى عديت مرحلة اهتمام بابا وماما بيه الا انى ى فتره من الفترات
كنت بتمنى انهم يهتموا بيه زى ما كنت بشوف اهالى اصحابى بيعملوا
عموما اعتقد ان الاهتمام بينشا طفل سوى نفسيا
تحياتى ليكى
عارفه رغم ان الاباء بقو بعيييييييييييييد جدا عن الابناء لكن انا عزراهم
الحياه بقت صعبه اوى والاباء بتحاول تريح ولادها وتحققلهم كل اللى هم عايزينه
ما باليد حيله
أكيد أنشغال الاباء عن الابناء بيأثر بالسلب على الابناء و علاقتهم بالاب و الام .... ولكن السؤال هنا يبقى ..... لماذا يبتعد الاباء عن الابناء؟
و الفجوه اللى بينهم بتزيد واله بتقل وسببها ايه؟
يعنى الاب حاليا قدامه حاجه من الاتنين يأما يشتغل طول اليوم عشان يوفر معيشه كويسه للولاد .... يأما يقعد يشوف مشاكلهم
أيهما أهم
اكيد لقمة العيش بتكون ليها الكلمه العليا هنا
يعنى اسيب شغلى انا و اقعد اقرب من العيال
اشوف ايه مشاكلهم
لو انا عملت كده هتبقى مشكلتهم الوحيده انهم جعانين
فا عشان احل المشكله لازم اسيبهم و ابعد عنهم و اجبلهم الاكل
الجــــــــــــــوع
هو ده شبح اى انسان خاصة الانسان المصرى
احنا جعانين كل حاجه
جعانين اكل.... جعانين لبس..... جعانين فسح ....جعانين ......جعانين
لو خيرتى العيال ما بين ان اهلهم تقرب بينهم او بأنهم يلبو لهم احتياجتهم
هما نفسهم هيختارو انهم يلبو احتياجتهم
every body happy اذا
‏قال Desert cat
MEDUS
نورت اول تعليق
اعتقد ان الامر محتاج جمعيه اد ما هو محتاج شوية اهتمام من الاباء يعنى الوقت اللى الاب بيقضيه على القهوة او قدام التلفزيون يقضي نصه بس مع ولاده يحاول يقرب منهم ويسال عليهم
لانن لو قولنا جمعية انت عارف مجتمعنا ومش هتلاقى اهتمام وهتلاقى التعليقات السخيفة ما اكثرها
تحياتى
‏قال Desert cat
Miso soup
بالظبط الاهم من كل وجع القلب ده يحسسوهم باهتمامهم ومشاعرهم تجاههم
مش الحياة يبقى كلها شغل وتعب علشان الفلوس ومش مهم العيال هما مش بياخدوا مصروف عايزين ايه تانى
تحياتى
‏قال Desert cat
سمراء
اشكرك جدا سمراء وسعيدة بتعليقك
مودتى واحترامى
‏قال Desert cat
nody_1987
موجود فعلا النماذج اللى بتتكلمى عليها دى يا نودى
لكن فى ابهات بيكون عندها برضه مشاعر لاولادها ممكن تكون ظروف الحياة اقوى منها علشان كدا بيعمول كل ما فى وسعهم لمواكبتها
لكن برضه لاولادهم عليهم حق
تحياتى يا جميل
‏قال Desert cat
دعاء مواجهات
بالظبط يا دعاء متفقه معاكى
تحياتى
‏قال Desert cat
mohra
المثير للدهشة كمان انك ممكن تلاقى اب مسافر طول السنة ويرجع اجازة شهر وبرضه مش فاضى فيها للعيال اصله عايز يخرج ويزور الاهل والحبايب
وده لو رجع فعلا يستقر بين ولاده هو وحده الى هيجنى اسباب الغربة والاغتراب عنه لانهم اتعودواخلاص على عدم وجودة
تحياتى
‏قال العراف
موضوع جميل مثل كل مواضيعك واكيد انت عارفه راى من زمان فى المدونه والمواضيع الجميله اللى انت بتكتبيها مع تمنياتى بالتوفيق
انشغال الاباء عن ابناءهم شئ خطير وخصوصا فى ظل السموات المفتوحة فالابناء يحتاجون لمتابعة اكثر فى هذا العصر من أى وقت مضى
تحياتى
‏قال momken
طيب هو ايه دور البيبى سيتر
والمربيات الفلبينيات
والصنيات الى طلعولنا فى المقدر جديد

الاب والام مهتمين بس بحياتهم
يعنى بعد الشغل وجلب الاموال

ياتى سؤال خطير
الا وهو
هو احنا خلاص هنوقف حياتنا هنا ونربى العيال ونراعى البيت لحد ما نوت؟؟؟؟؟؟

الاجابه طبعا لاء احنا نعيش حياتنا
والعيال عندهم الى يربيهم بفلوس اهلهم
نجيب مربيه فلبينيه علشان الغات
اةو بيبى سيتر لو العيال صغيرين شويه

وهكذا

بلاوى بعيد عنك
البوست جميل
بس الى يفهم
‏قال دعوة للأمل
هو موضوع خطير و انا بحيكى علية و لازم يكون لينا وقفة فيه
تحياتى
لست أرى مبراراً يشغل الأب عن متابعة أبنائه وكذلك لست أرى مبراراً للأم لكى تهمل أبنائها وأتفق معك فيما ذكرنى فى هذه التدوينة.
مع الشكر
‏قال Ahmed Fahmy
جميل البوست
و فعلا مش معني ان الحياة بتطحن الناس كلها ان الاباء و الامهات يبقي بس مهمتهم انهم يوفروا المادة
اكيد لازم المتابعة تبقي موجودة علاطول
الاجيال اللي طالعة جديد ربنا يستر منها عشان فعلا البلد باظت
الشباب و البنات والكبار و الصغيرين و الفجوات كل يوم بتزيد
يا ريت التوعية فعلا تبقي موجودة
تحياتي
‏قال نونو
نفسى الاهتمام يبقى فى الاتجاة الصح ؟
نفسى يفهموها صح ؟
ياسلام بسمع عن اهالى بتفهم ولادها اوى
نفسى فى النوع دة
ربنا يجبلنا
‏قال Yasmine
حلو اوى الموضوع ده
انا ماعانيتش من الحكاية دى و الحمد لله بالعكس انا كان الاهتماما بيا مبالغ فيه و انا طفلة
لكن شوفت اللى عانوا من قلة الاهتمام و من اهل عقلهم قاصر عن انهم يفهموا ان اولادهم محتاجينلهم اكتر بكتير من احتياجهم للفلوس اللى بيجيبوها
نفسي اللى ما يعرفش ازاى يربى عياله ما يخلفش اصل التربية مش هدوم جديدة فى العيد و مصروف و هدايا فى اعياد الميلاد
اللى ماعندوش القدرة انه يحتوى اولاده و يحسسهم ان منتهى الامان فى وجوده جنبهم حتى لو كان مش لاقى ياكل..يبقى ما يجيبش عيال من الاساس احسنله و احسنلهم
‏قال bastokka طهقانة
اه و الله عندك حق في كل كلمة يا قطتي و مشكلة ان ضغوط الحياة بقت تخنق و تقلل الصبر و العيال بقوا فعلا رزلة و بيعاندوا و المرارة ضاقت و الطهق بقى للركب
بس حنعمل اية لازم نصبر

اوروفوار
‏قال Desert cat
dr.lecter
غالبا ده حال معظم الاسر المصرية يا دكتور
ولما تحتاج تتكلم معاهم يقولوا انت عايز ايه اكتر من اللى بنوفره له لك يعنى نقطع نفسنا
طيب احرمونا شوية من اللى بتوفروه المهم حسسونا انكو فى حياتنا ومهتمين بينا مش عن طريق الفلوس عن طريق الدخول لذواتنا
تحياتى لحضرتك
‏قال Desert cat
Khaled_H
فكرة ممتازة جدا ودكتور اياد يستحق كل خير
بالتوفيق ان شاء الله
‏قال Desert cat
Misrdream
ههههههههههه
لاء مش حفهم غلط يا احمد
ميرسى جدا
‏قال Desert cat
قلوب بتغنى
طبعا يا جميل اهتمام الاهل باولادهم والتبحر داخل ذاتهم بيجعل الطفل سوى نفسيا وممتاز ذهنيا
محبتى يا جميله
‏قال Desert cat
مدرسة الفشله بنات
يعنى انا مش بقول يسيبوا اشغالهم ويقعدوا يدادوا فينا
انا قصدى شوية اهتمام مش اكتر
تحياتى
‏قال Desert cat
The Man who know Too Much
ماهو انا يا فندم زى ما وضحت انا مش طلبت انهم يسيبوا اشغالهم ويقدوا جنب العيال يحلوا مشاكلهم
انما على الاقل يكون فى جزء من الوقت
يقربوا منهم
اصل يبقى فرق ايه الاب اللى طول النهار مطحون فى الشغل وسايب المسؤلية للام عن الاب اللى مسافر الخارج
يعنى ده بالنسبة لاولاده بنك بيمولهم وخلاص حتى لو واحد من اولاد اتعرض لمشكلة مش بيحكى له لانه اتعود انه مش له وجود فى حياته
فانا اتمنى بجانب الشغل واعباء على اعباء يوفر جزء يسير من وقته لاولاده
مودتى واحترامى
‏قال Desert cat
العراف
ميرسى جدا يا عراف على ذوقك
واتمنى اكون دايما عند حسن ظنك
تحياتى لحضرتك
‏قال Desert cat
رئـــــيسـة حزب الأحلام
من غير سماوات مفتوحة كمان يا سلوى
يعنى لو واحد عنده مشكلة مين اولى يسمعها مامته او باباه ولا صاحبه
لكن انا شايفه ان الفجوة بتكبر
تحياتى
‏قال Desert cat
momken
مش كل الناس تقدر تجيب فلبينية وبيبى سنتر
يعنى اللى معاه فلوس عايز يعيش حياته وبيجيب لهم اللى يربى وسواء التربية صحيحة بقى او غير صحيحة مش مهم المهم انه يعيش حياته ومفيش عيل يعيق متعته بيها
واللى مش معاه فلوس مطحون فى الشغل علشان يوفر لهم احتياجاتهم
وهنا الفجوة بتكبر وهنا بتكبر بدون ادراك من احد الاطراف
سعيدة ان البوست نال اعججابك
تحياتى
‏قال Desert cat
دعوة للأمل
هو فعلا الموضوع خطير بس محتاجين وقت كتير على ما نقدر نسد الفجوة الهايلة اللى حصلت دى
تحياتى
‏قال Desert cat
قلب مصرى
انا ايضا لست ارى مشكلة فى توفير جزء ولو يسير من الوقت للاقتراب من الابناء
تحياتى لحضرتك
‏قال Desert cat
A7MeD F@hMy
اعتقد ان الفجوة صعب تتقفل بمجرد التوعية لان مع ازدياد سوء الاحوال الاقتصادية بتزيد المسؤلية وبالتالى الفجوة بتكبر
اشكرك جدا
تحياتى
‏قال Desert cat
نونو
طالما احنا خرجنا لاقينا اهالينا مش النوع ده ايه المانع نبقى احنا النوع ده على الاقل نقدر نكون مثل لحد غيرنا يمكن نعرف نصلح حاجه فى المجتمع
تحياتى يا نونو
‏قال Desert cat
banouta masreya
هو المفروض الناس قبل ما تتجوز تتطلع على كتب للتربية الصحيحة للاطفال وكيفية المرور بهم من مرحلة المراهقه بسلام
واما فعلا مش يتجوزوا
تحياتى
‏قال Desert cat
bastokka طهقانة
عزيزتى طهقانة
مقدرة يا حبيبتى وربنا معاكى
ومع كل اللى عندهم طهقانين صغيرين
نورتينى

المشاركات الشائعة