لا شــــيئ


لا شئ فقط سوى فى كل ليلة ألمم رماد يوم مضى .... رفات حلم أحتضر وأمضى إلى وحدتى بجسد متعب وروح واهيه مسكونة بوحشة الصمت كطائر يضرب بأجنحته سراباً يمضى إلى حيث يأتى ..
لا شئ سوى أنى فى دروب الليل أحتضن بين الحنايا كل القلوب ... أسكن مدناً رحلت .. أبعثر نبض ... مفردات شجن أتوهم الربيع قادم وأنا أبعد ما أكون
لا شئ سوى أنى أحمل قلباً أوفى من الأيام فى زمن الليل أخبئ بين أحضانى سحباً من نور تمضى فى مدن الأيام الحبلى بالجراح ... منتظرة الغد الواعد أن ينهض .. الفجر الكاذب أن يأتى يتهادى الوقت ولا يأتى
لا شئ سوى أنى عصفورة فى كف القدر تتوكأ فوق اللحظات الأخيرة من الحياة تطيل النظر فى وجوه من أحبوها .. تناجى قلوبهم الدامعة برجفه وجع كنهار فقيد .. وليل وليد .. تحمل رعشات الدقائق الباقية لها بصوت واهن ... يتردد عبر الرياح كأنها تربت على ذكراها ... راحلة مع الشفق الغائب ...
لا شئ سوى انى قدر لى أن أرتدى رداء الموت والدموع .. لأن ربوع قلبى سنابل للوجع القادم أحملها أينما رحلت
فقط لا شيئ

Comments

Miso soup said…
الله هايلة جدا الاغنية ... ماشية خالص مع البوست الاخير
تحية طيبة أيتها القطة المصرية
كثيرا نقف حائرين أمام شىء ويتضح لنا أنه لا شىء،فتتولد لدينا فلسفات حياتية إن لم يعجب بها أحد فيكفى أننا بها مؤمنون
ــــــــــ
لا شىء سوى أنى وجدت بعض الشىء لا شىء
لا شىء هو أنا
لا شىء هو أنت
أو ربما كلاهما هو ذاته اللاشىء
خيط رفيع فصل الليل عن الفجر
لكنه منسوج من اللاشىء
يتسلل إلى قلبى
وكأنه رحيق زهر
هرب من بين حنايا الليل
فأستيقظ فجأة على اللاشىء
أقف كعصفور شارد
وأسقط فجأة....
لأنى عشى صنع من اللاشىء
ولكنى أفق من بين كل هذا على شىء
حين أتنسم هواء صبح
جمع فى نسائمه كل شىء.

خالص تحياتى؛
enjy said…
ايه دة استنى لما اطس وشى بشوية مية وافوق من الصدمة..........معقول انا تعليقى من الاوائل مش معقول....المهم كلامك حلو جدا وانا شخصيا حسيته قوى والله
سمراء said…
هناك شئ
بقي لنا زمن
يساعدنا
نفكر
نقرر
نحيا من جديد
سمراء
Sherif said…
من حبنا حبناه وصار متاعنا متاعه
ومن كرهنا كرهناه يحرم علينا اجتماعه

وقد اختصر عبد الوهاب حكمة السنين ومايفعله البشر طول الوقت بقوله

بافكر فى اللى ناسينى وبانسى اللى فاكرنى
وباهرب م اللى شارينى وادور عاللى بايعنى

مش هو ده المعنى؟
gehad said…
بسبس ناااااو
يا سلام عليكى فى الرومانسى قطة وديعه وحلوة وهادية
متعرفيش تخليكى كدا لمدة شهر واحد بس خلينا نستريح من عصبيتك وطول لسانك شوية
انتى ليكى كام بوست متغيرة ومتاثرة ومبهدلانا جنبك باحاسيسك
شكلك طبيتى ولا محشش سمى عليكى مين قالب حالك كدا وانا اجيبه له مسدس احتياطى لانك غير مضمونة حبة قطة حلوة ووديعه وحبة اسد ونمر فى بعض مش الشكولاته الكادبورى اللى قارفانا بيها وفى الاخر بتكدبى يا هانم هو حد عارفك مين
سلاماتى يا بسبس ناوووو
الاول بعد الشر عليكى من الموت ربنا يخليكى لينا
ثانيا ايه حاله الحزن دى لالا دا انا قلت قطه قويه ومفتريه زيى بس لاقيتك بتنونوى اهو بس يا اوختى والله ساعات فعلا بنضعف لا معاكى حق
عاوزاكى توعدينى المره الجايه اجى اقرا شىء بيضحك بس هى
تحياتى ليكى سومه_87
يااه ايه الحزن ده كله
فكيها محدش واخد منها حاجه
A7MeD F@hMy said…
مش معقول البوست ده عمل فيا ايه
كاني قريته و حسيته بكل جزء فيا
بجد مبهور
شكرا
لا شئ
البوست دة فيه مشاعر حزن ووحدة رهيبه بس فعلا قدرتى تعبرى عن الاحساس بالوحدة اللى بيعيشه كتير مننا الايام دى ودة للاسف
تحياتى
mnoon said…
خد اللى بيحبك ومتخدش اللى بتحبه

اعترض بشده

أنا مخدش حد خالص أحسن لى
nody_1987 said…
ايه يا قطه
انا غدا ليوم اخر
ايه الحزن ده كله
جميل انك تقفى مع نفسك
بس الاجمل منه انك تحاولى تبتسمى
علشان اكيد فى يوم ان شاء الله تكون الابتسامه دى تلقائيه من غير محاوله منك
محبتى يا قمرايه
MEDUS said…
عزيزتى قطة
تحياتى لك على هذا الاحساس الراقى والكلمات المعبرة .. لكن
لماذا كل هذا الحزن والالم والهم والاسى؟؟ انا لا احب اليأس !! اتمنى ان تجعلى الامل مرأتك كلما نظرتى اليها استبشرتى!! تحياتى وشكرا على تعليقاتك الدائمة على ما انشر
رقيقه كلماتك ومؤثره وكذلك الاغنيه
تحياتي
ايه يابنتى اللى حصل للحزن ده كله

يارب يكون خير
ايه التفائل ده
دة انتى يا شيخه اديتينى امل فى الحياه
وخلتينى اشوفها بنظرة امل
Miso soup said…
لا شــــيئ .... لا شــــيئ يفوق الخبرة .... لا شــــيئ يفوق كارير ....... هههههههههههه
Desert cat said…
Miso soup
طبعا شيرين دى اكتشاف
:)
Desert cat said…
مذكرات كشكول المورق
تحية طيبة
بالفعل كثيرا ما تنابنا حيرة
امام ما نظنه شيئ ولكن تجدى المفارقة الغريبة فى اكتشافك فى اللا شيئ
حينما نلملم بقايا من العمر
ثم سرعان ما نكتشف انا ما مضى مضى فلا شيئ
حينما نتمنى شيئ
وعند مبلغنا اياه نكتشف انه كان مجرد وهم ولا شيئ
عندما ننظر الى البعيد القادم
وحينما يتسع الفراغ نجد اننا ننتظر فلا شيئ
فنجدها حقا مأساة
شرفتينى جدا
مودتى واحترامى
Desert cat said…
enjy
سلامتك من الصدمات يا انجى
منورة يا اجمل اول التعليقات
Desert cat said…
سمراء
ومن اجل ذلك اتمنى الا يقسو علينا الزمن حت لا نتكشف ايضا انه كان لا شيئ
تحياتى سمراء
Desert cat said…
Dear Sherif
هو ده المعنى بالظبط يا شريف
لكن وصلت له ازاى
ده اان قولت المعنى فى بطن سمك القرش يعنى صعب الوصول
اتارى المعنى طلع واضح ولا انا دارى
:)
تحياتى
Desert cat said…
gehad
انا وعدتك بشكولاته كادبورى يا جهاد
فين ده ؟؟؟
انا قولتها فى نوت اينعم لحد مختلف تماما والمدهش ان النوت ده انت مش شاركت فيه بس معنى كلامك انى تحت المراقبة
عموما شرفت يا فندم
Desert cat said…
سومه...مجنونه فى بلد عاقل
ميرسى اوى يا سومة على مشاعرك الجميلة دى
وبعدين هى كانت مجرد حاجه وخلاص دلوقتى قطة مخربشة من تانى لا تقلقى اختك جامده برضه ههههه
شرفتينى يا جميل
Desert cat said…
عايش ولكن
على رايك
فعلا محدش واخد منها حاجه
تحياتى
Desert cat said…
A7MeD F@hMy
متشكرة جدا
بس يارب يكون احساسك بيه كويس يعنى مش عمل حاجه ضايقتك والا وقتها مش هسامح نفسى ابدا
تحياتى
Desert cat said…
رئـــــيسـة حزب الأحلام
يمكن كان فى الوقت اللى اتكتب فيه احساس الوحدة
واخد جانب كبير اوى يعنى
ميرسى جدا يا سلوى
تحياتى
Desert cat said…
mnoon
والله انا متفقة معاكى جدا
هو الواحد ناقص وجع قلب
تحياتى
Desert cat said…
nody_1987
ان غدا لبعد غدا وبعد بعد غدا قريب يا نودى
نورتينى يا جميل
Desert cat said…
MEDUS
ميرسى جدا على كلماتك المليئة بالتفاؤل
وطبعا مدونة حضرتك من المدونات اللى تستحق المتابعه
احتراماتى
Desert cat said…
مثلية تبحث عن ذاتها
ميرسى اوى يا جميل
شرفتينى
Desert cat said…
الرسائل الرومانسية
حصل غيوم ورعد من غير مطر
لان المطر بيكون معاه خير
لكن تخيلى غيوم ومطر تلاقى كآآآآبه
طبعا ربنا يبعدها عنك
تحياتى
Desert cat said…
مدرسة الفشله بنات
هههههههههههههه
واضح جدا
يارب دايما متفائله
بس تفاؤل بعيد عن اللى فى البوست خالص
تحياتى
Desert cat said…
Miso soup
انت جاى تعمل اعلانات عندى
ولو انها غير مدفوعة الاجر
بس سمحنا بالنشر
قصاصه said…
لا يا قطه الصحراء متعودتش منك على اللون الغامق ده ابدا !! لازم تدورى على النور

لا يمكن ان يسود الظلام فى كل مكان فى الكون هناك نور

لا يمكن ان يسود الظلام ولا ان يختلط الزيت بالماء كما قال هانى رمزى

لايمكن ان يختلط الزيت بالماء

هاهاهاههه

روقى . الا اذا كان هذا البوست مجرد كلام فنان

واذا كان ذلك كذلك فهو رائع جدا

تحياتى

Popular posts from this blog

قميص دهشور

كل تحرش وانتوا طيبين