المطالبة بانشاء سجل اسود للمتحرشين بالسائحات فى مصر

بعد تعدد البلاغات فى الفترة الاخيرة تطالب شركات السياحة بانشاء سجل اسود للمتحرشين بالسياح فى مصر برافوا يا متحرشين جرستونا وفضحتونا لدرجة ان الشركات السياحية فى الخارج بتحذر السيدات منكو وكانهم جايين ولامؤاخذه على قطيع من الحيوانات
انا اعتراضى مش على كدا انا اعتراضى اشمعنا السياح يعنى هما التحرش بيهم حرام واحنا حلال وانا مالى انا كمان بطالب بانشاء سجل اسود للتحرش بالمصريات فى الداخل

تعليقات

‏قال h
أزال المؤلف هذا التعليق.
‏قال nody
وازا كانت الحكومه هى ساعات الى بتحرض على التحرش يا قطه
ولا بتنسى بسرعه ايام الانتخابات والمظاهرات الى قدام النقابه
وبلطجيه الامن
حاميها حراميها ياقطه
والله انا اول ما شوفت البوست قلت واشمعني المصريات يعني ما التحرش تحرش
سواء بالمصريه او الاجنبيه كله حيوانيه
حاجه تقرف
‏قال Misrdream
أزال المؤلف هذا التعليق.
‏قال mostafa rayan
طبعا انا معاكي في طلبك دة
وان كان حال الشاب يصعب على الكافر مش المسلم بس لا شغل ولا فلوس والجواز حلم صعب تنحقيقه وهو عنده طاقة طبعا انا مش بلتمس اعزار وضد التحرش بشكل كامل
لكن ارجع واقولك الله يكون في عون الشباب
‏قال R-H-S
حاجه مسخره فعلا اتجرسنا خلاص

بيفكرني بالموقف بتاع فيلم شورت وفانله
لما الظابط بيقول لواحد ماشي ورا اجانب
انت بتعمل ايه عندك ياد ؟؟؟
بعاكس ياباشا

ههههههههههه
‏قال مثلية فقط
المتحرشين بالأجنيات و المصريات و النساء و الأطفال و الحيوانات و كل شي حوليهم .... ناس حقيرة مريضة ما عندن لا ضمير و لا أخلاق

اشخاص ممكن يتحرشو بأولادهم و بأقرب الناس لإلهم

فعلا حقارة و نذالة

مجتمع قذر ما بيوفر أدنى حماية و لا أدنى حق للإنسان يلي عايش فيه

و السلطات يلي مفروض بتوفر الحماية وينا ؟ شو دورها غير التعذيب و أخذ الرشوى و تلبية طلبات الوساطة للقذرين أمثالهم ؟؟؟؟؟؟؟؟؟
‏قال Desert cat
nody_1987
حكومة ايه اللى بتحرض على التحرش يا نودى
انتى بتصدقى الاشاعات دى
‏قال Desert cat
محمد حلمي مخلوف
تعرف انا لما بكون ماشيه فى الشارع واسمع حيوان بيتكلم او بيعمل
والله العظيم بيصعب عليا
اصل نظرتى ليه على طول بتكون كلب
قاعد مستنى حتة عضمه
‏قال Desert cat
Misrdream
اجابة السؤال الاول
ايام ناصر كان فى اغتصاب مش تحرش بس

بالنسبة لفاقوس انجلوس
مش انت فى دولة تانية لكن تعرف اخبارهم صدقنى اكتر منى انا
الا اخبار آل محجوب ايه
السلام امانة اصلهم وحشونى جدا
‏قال Desert cat
mostafa rayan
طيب والبنات مالها يا مصطفى
ذنبها ايه ان فى شباب عواطليه ومش لاقيه تتجوز ولا تاكل حتى
المشكلة من البيت يعنى الشخص ده بيكون مش متربى اساسا لان فى ناس مهما كانت ظروفهم صعبه مش بيتعرض لو بنظرة لواحده

تحياتى
‏قال Desert cat
GeHaD-----(male)
شوفت الاملة اللى احنا فيها
فضحونا وفاكرين نفسهم رجاله
‏قال Desert cat
مثلية فقط
ماهى المشكلة ان مش فى قانون اساسا ولا رادع
يعنى المفروض اللى يتحرش حتى لو بالكلام يتعاقب ولو بدفع غرامة
اشمعنا المترو اللى بيشرب فيه سجاير او بيرمى حاجه بيدفع غرامه
اعتقد ان ده مش اهم من نفس البنى ادم
الحكومة على رايك مش فاضيه
وراها الاهم من المعاكسات والتحرشات

نورتينى يا قمر
‏قال العراف
برافو عليكى على الموضوع ده بس الحيقيقه انه يحصل العكس تماما ان السائحين من النساء هما الذين يحرشون بالرجال موضوع جيل يا قطه
‏قال zOzO
ايه الموضوع الجامد دا
بجد بوست حلو
وزي ما كومنت قراته

ان دا فكرني بفيلم شورت وفنله وكاب
سوري لو اتاخرت عليكي يا قمر
تحياتي
‏قال Unknown
ازيك ياقطوطة وحشتينى عاملة اية
معلشى بقى يا قطة اصلهم بيض وشعرهم اصفر وعنيهم ملونة لما نبقى زيهم اكيد هيعملولنا برضة سجل للمتحرشين بالمصريات
تحياتنى
Desert cat

مااعتقدشى بكون الأمر يختزل فى مجرد سجل أو حتى قانون يسن لمواجهة التحرش,,

الأمر أعمق من كده لأنه قضية اعتقادات مجتمع وأخلاقيات عليها موافقة ضمنية غير معلنة والأمر أكثر تعقيدا من مجرد سجل تجريس!!!

وعلشان تفهمى قصدى اقرى الحدوتة المؤلمة دى ذكرتها د/ درية شرف الدين فى مقال بالمصرى اليوم بتاريخ 22يوليو 2008 وده اللينك بتاعه

http://www.almasry-alyoum.com/article2.aspx?ArticleID=114292

تعليقى قصير بس المقال هيوضحلك اللى أقصده

تحياتى
‏قال h
أزال المؤلف هذا التعليق.
‏قال سمراء
كلما اذهب الى منطقة سياحية اجد الباعة يلتفون حولى وبعضهم يجذبني
واجدهم يتكلمون الفرنسية او الاسبانية
وعندما انتهرهم تكون الاجابة
ايه دة انتي مصرية

اعتقد اننا نحتاج إلى تربية لا إلى قانون

لحماية المصريات والاجنبيات
تحياتي
سمراء
‏قال hui mu han
ده واجب وطني عيب عليكي
‏قال محمد صالح
والله الموضوع دا بيفتح ابواب على مشاكل كتير ولكن انا فى اعتقادى ان النظام وراء الموضوع دا لان الشاب مبيعكس السيائحات او البنات عموما الا اذا كان مثار جنسيا والاثاره الجنسيه بسم الله ما شاء ممكن تديها للشاب فى اماكن كتير من قنوات اجنبيه وعربيه كمان من الانترنت وكان فيه مطالب تتطالب الحكومه بوقف الحاجات دى ولكن حرية النت ومش عارف ايه وكلام كبير كدا المهم مهما عملنا الشباب هيفضل يعاكس الا اذا كان فيه قانون رادع بالقدر الكافى للشباب دول سواء كانم بنات او ولاد:):)
‏قال Unknown
بالظبط كدة اشمعنا علي المصريات حلال
انا ناشرة عندي ملف كامل عملاه من زمان عن التحرش بالمصريات
‏قال (green eyes)
انا معاكي ميه في الميه
دي حاجه بجد المفروض منسكتش عليها
:(
‏قال Desert cat
العراف
على اساس ايه يا عراف السائحات هيتحرشوا بالمصريين
انت عندك الشاب بيروح يشتغل فى شرم او الغردقه او ايا كان ويبقى كل همه انه يتعرف على واحده حتى لو فى سن جدته علشان تسفره معاها
المصرى مش مرغوب فيه للدرجة اللى صورتها افلام زمان ده شغل سينما مبالغ فيه يا فندم
تحياتى
‏قال Desert cat
zOzO
فيلم شورت وفانله وكاب ماكيت للى بيحصل فعلا فى شرم ومثيلاتها
انتى تشرفى فى اى وقت يا جميل
تحياتى
‏قال Desert cat
ايوية
انا الحمد لله يا يويو كويسه وبخير
المهم انتى كمان وحشانى وشيفاكى مختفيه من هنا ومن هناك
يارب يكون المانع خير
طبعا احنا مصريين قاعدين فى ارابيزهم على طول
وكمان بيحصل لنا كل مصيبه ومصيبة وبنخاف نتكلم اصل السمعه عيب بنت تفتح بؤها
وبالتالى مش مهم انما الاجانب مش بيسكتوا دول بيسيحوا على طول
علشان كدا لازم يعملوا لهم السجلات والمساجلات اللى عايزينها

نورتينى يا ايويه
‏قال Desert cat
عمرو (مواطن مصرى)
المشكلة فى اعتقاد الناس ان البنت هى دائما الخطا وانها مجرد فتنة
ولو اتكلمت تبقى خالفت كل الاعراف بيرجعوا بينا تانى لزمن الوأد
انا شوفت التعليقات كنت هرجع بسبب الجهل والتخلف المتفشى بين الناس
بس انا بقول ان الناس اللى غلطت البنت واتكلمت بالشكل ده
مش هتقتنع بغلطها غير ما تكون هى فى نفس الموقف وتجرب
وطول ما هما موافقين على السلبية دى وراضيين والبنت غلط على طول الخط هيجربوا وقريب اوى

تحياتى
‏قال Desert cat
سمراء
بالظبط يا سمراء
محتاجين ان الولد يخرج من بيته اهله مربيينه ومفهمينه ان اختهاو مامته او اى واحده ايا كانت كائن ليه من الحقوق والواجبات زى ما ليه مش مجرد شيئ للمتعه وان نهرته المجتمع كله يغلطها ولا عزاء لحواء

تحياتى
‏قال Desert cat
hui mu han
اه المفروض يعرفوا ان فى بلدنا رجاله فحوله فاضحينا
حمد الله على سلامتك
:)
‏قال Desert cat
محمد صالح
والتلفزيون والنت الشاب مش يعرف يتحكم فيه
اصل اعتقد ان ده مش مبرر لارتكاب الشاب الحمق ده
هو التربية والتنشئة عليها عامل كبير اوى
يعنى اللى بيعمل كدا انا بعتبره حيوان لسه خارج لتوه من حظيرة مواشى مش اكتر ولا اقل

تحياتى
‏قال Desert cat
عاليا حليم
هو المفروض يكون فى قانون للمتحرش
والبنات كمان تتكلم مش تكست وتقول عيب ويلغوا من اذهانهم البنت اللى تهزئ الولد تبقى قليلة الادب
لان ده كلام سلبى وبيشجعهم يزيدوا فى افعالهم المشينة
انا كنت تابعته عندك الملف

شرفتينى جدا عاليا
تحياتى
‏قال Desert cat
(green eyes)
طيب الحمد لله انكو موافقين
ونرفع راية لا للسكوت بعد اليوم
:)
تحياتى
‏قال Unknown
التحرشات بقت حاجه تخنق مش عارفه ده مرض نفسي ولا غتاتغ ولا قلة ادب ولا ايه تصنيفها
المفروض المتحرش يتحكم عليه بالحبس مده لا تقل عن 3 شهور و غرامه و لو كررها تتضاعف الغرامه و مدة الحبس

تحياتي يا قطة
‏قال Desert cat
EmY
دى قلة ادب يا ايمى
عارفه ليه
لان فى اهل لما بيشوفوا ابنهم بيعاكس تلاقيهم فرحانين والضحة مالية الوش ويقولوك الواد كبر وبقى راجل وبيعاكس
احنا لو فى بلد محترمة كان بقى فى قوانين ورادع للاشكال دى
تحياتى
‏قال Ahmed Fahmy
تشبيه المتحرش بالحيوان غير منصف للحيوان
التحرش ده حاجة مقرفة و ميتسكتش عليها
تابعي جملة لس فيكي رجالة يا مصر عاجباني اوي و ان شاء الله الظاهرة اللي زي الزفت دي تختفي قريب
بالنسبة للسياح شكلنا زبالة قدامهم اوي فعلا
ياللا ربنا يرحمنا
‏قال Desert cat
A7MeD F@hMy
انت متفائل يا احمد
الظاهره دى مش هتختفى غير لما يكون فى وعى والناس تعرف تعلم اولادها ازاى يحرتك نفسهم ويتخوا عن النظرة الذكورية فى المجتمع
انا برضه كنت بقول انى ظالمة الحيوانات على الاقل مش بيعاكسوا
احنا منظرنا بقى زبالة برة فى كل حاجه
مودتى
وانا اطالب معاكى ياديزيرت
ياريت يعملو كدة كمان فى مصر

ولا الاجنبيات بنى ادمين والمصريين لا
‏قال Desert cat
الرسائل الرومانسية
بس يارب حد يسمع كلامنا ويتعمل للاجنبيات وخلينا احنا بعدهم مش مشكلة
الهم انه يتعمل
تحياتى

المشاركات الشائعة