المطالبة بانشاء سجل اسود للمتحرشين بالسائحات فى مصر

بعد تعدد البلاغات فى الفترة الاخيرة تطالب شركات السياحة بانشاء سجل اسود للمتحرشين بالسياح فى مصر برافوا يا متحرشين جرستونا وفضحتونا لدرجة ان الشركات السياحية فى الخارج بتحذر السيدات منكو وكانهم جايين ولامؤاخذه على قطيع من الحيوانات
انا اعتراضى مش على كدا انا اعتراضى اشمعنا السياح يعنى هما التحرش بيهم حرام واحنا حلال وانا مالى انا كمان بطالب بانشاء سجل اسود للتحرش بالمصريات فى الداخل

Comments

Goddess said…
This comment has been removed by the author.
nody_1987 said…
وازا كانت الحكومه هى ساعات الى بتحرض على التحرش يا قطه
ولا بتنسى بسرعه ايام الانتخابات والمظاهرات الى قدام النقابه
وبلطجيه الامن
حاميها حراميها ياقطه
والله انا اول ما شوفت البوست قلت واشمعني المصريات يعني ما التحرش تحرش
سواء بالمصريه او الاجنبيه كله حيوانيه
حاجه تقرف
Misrdream said…
This comment has been removed by the author.
mostafa rayan said…
طبعا انا معاكي في طلبك دة
وان كان حال الشاب يصعب على الكافر مش المسلم بس لا شغل ولا فلوس والجواز حلم صعب تنحقيقه وهو عنده طاقة طبعا انا مش بلتمس اعزار وضد التحرش بشكل كامل
لكن ارجع واقولك الله يكون في عون الشباب
حاجه مسخره فعلا اتجرسنا خلاص

بيفكرني بالموقف بتاع فيلم شورت وفانله
لما الظابط بيقول لواحد ماشي ورا اجانب
انت بتعمل ايه عندك ياد ؟؟؟
بعاكس ياباشا

ههههههههههه
المتحرشين بالأجنيات و المصريات و النساء و الأطفال و الحيوانات و كل شي حوليهم .... ناس حقيرة مريضة ما عندن لا ضمير و لا أخلاق

اشخاص ممكن يتحرشو بأولادهم و بأقرب الناس لإلهم

فعلا حقارة و نذالة

مجتمع قذر ما بيوفر أدنى حماية و لا أدنى حق للإنسان يلي عايش فيه

و السلطات يلي مفروض بتوفر الحماية وينا ؟ شو دورها غير التعذيب و أخذ الرشوى و تلبية طلبات الوساطة للقذرين أمثالهم ؟؟؟؟؟؟؟؟؟
Desert cat said…
nody_1987
حكومة ايه اللى بتحرض على التحرش يا نودى
انتى بتصدقى الاشاعات دى
Desert cat said…
محمد حلمي مخلوف
تعرف انا لما بكون ماشيه فى الشارع واسمع حيوان بيتكلم او بيعمل
والله العظيم بيصعب عليا
اصل نظرتى ليه على طول بتكون كلب
قاعد مستنى حتة عضمه
Desert cat said…
Misrdream
اجابة السؤال الاول
ايام ناصر كان فى اغتصاب مش تحرش بس

بالنسبة لفاقوس انجلوس
مش انت فى دولة تانية لكن تعرف اخبارهم صدقنى اكتر منى انا
الا اخبار آل محجوب ايه
السلام امانة اصلهم وحشونى جدا
Desert cat said…
mostafa rayan
طيب والبنات مالها يا مصطفى
ذنبها ايه ان فى شباب عواطليه ومش لاقيه تتجوز ولا تاكل حتى
المشكلة من البيت يعنى الشخص ده بيكون مش متربى اساسا لان فى ناس مهما كانت ظروفهم صعبه مش بيتعرض لو بنظرة لواحده

تحياتى
Desert cat said…
GeHaD-----(male)
شوفت الاملة اللى احنا فيها
فضحونا وفاكرين نفسهم رجاله
Desert cat said…
مثلية فقط
ماهى المشكلة ان مش فى قانون اساسا ولا رادع
يعنى المفروض اللى يتحرش حتى لو بالكلام يتعاقب ولو بدفع غرامة
اشمعنا المترو اللى بيشرب فيه سجاير او بيرمى حاجه بيدفع غرامه
اعتقد ان ده مش اهم من نفس البنى ادم
الحكومة على رايك مش فاضيه
وراها الاهم من المعاكسات والتحرشات

نورتينى يا قمر
العراف said…
برافو عليكى على الموضوع ده بس الحيقيقه انه يحصل العكس تماما ان السائحين من النساء هما الذين يحرشون بالرجال موضوع جيل يا قطه
zOzO said…
ايه الموضوع الجامد دا
بجد بوست حلو
وزي ما كومنت قراته

ان دا فكرني بفيلم شورت وفنله وكاب
سوري لو اتاخرت عليكي يا قمر
تحياتي
ايوية said…
ازيك ياقطوطة وحشتينى عاملة اية
معلشى بقى يا قطة اصلهم بيض وشعرهم اصفر وعنيهم ملونة لما نبقى زيهم اكيد هيعملولنا برضة سجل للمتحرشين بالمصريات
تحياتنى
Desert cat

مااعتقدشى بكون الأمر يختزل فى مجرد سجل أو حتى قانون يسن لمواجهة التحرش,,

الأمر أعمق من كده لأنه قضية اعتقادات مجتمع وأخلاقيات عليها موافقة ضمنية غير معلنة والأمر أكثر تعقيدا من مجرد سجل تجريس!!!

وعلشان تفهمى قصدى اقرى الحدوتة المؤلمة دى ذكرتها د/ درية شرف الدين فى مقال بالمصرى اليوم بتاريخ 22يوليو 2008 وده اللينك بتاعه

http://www.almasry-alyoum.com/article2.aspx?ArticleID=114292

تعليقى قصير بس المقال هيوضحلك اللى أقصده

تحياتى
This comment has been removed by the author.
سمراء said…
كلما اذهب الى منطقة سياحية اجد الباعة يلتفون حولى وبعضهم يجذبني
واجدهم يتكلمون الفرنسية او الاسبانية
وعندما انتهرهم تكون الاجابة
ايه دة انتي مصرية

اعتقد اننا نحتاج إلى تربية لا إلى قانون

لحماية المصريات والاجنبيات
تحياتي
سمراء
hui mu han said…
ده واجب وطني عيب عليكي
والله الموضوع دا بيفتح ابواب على مشاكل كتير ولكن انا فى اعتقادى ان النظام وراء الموضوع دا لان الشاب مبيعكس السيائحات او البنات عموما الا اذا كان مثار جنسيا والاثاره الجنسيه بسم الله ما شاء ممكن تديها للشاب فى اماكن كتير من قنوات اجنبيه وعربيه كمان من الانترنت وكان فيه مطالب تتطالب الحكومه بوقف الحاجات دى ولكن حرية النت ومش عارف ايه وكلام كبير كدا المهم مهما عملنا الشباب هيفضل يعاكس الا اذا كان فيه قانون رادع بالقدر الكافى للشباب دول سواء كانم بنات او ولاد:):)
بالظبط كدة اشمعنا علي المصريات حلال
انا ناشرة عندي ملف كامل عملاه من زمان عن التحرش بالمصريات
(green eyes) said…
انا معاكي ميه في الميه
دي حاجه بجد المفروض منسكتش عليها
:(
Desert cat said…
العراف
على اساس ايه يا عراف السائحات هيتحرشوا بالمصريين
انت عندك الشاب بيروح يشتغل فى شرم او الغردقه او ايا كان ويبقى كل همه انه يتعرف على واحده حتى لو فى سن جدته علشان تسفره معاها
المصرى مش مرغوب فيه للدرجة اللى صورتها افلام زمان ده شغل سينما مبالغ فيه يا فندم
تحياتى
Desert cat said…
zOzO
فيلم شورت وفانله وكاب ماكيت للى بيحصل فعلا فى شرم ومثيلاتها
انتى تشرفى فى اى وقت يا جميل
تحياتى
Desert cat said…
ايوية
انا الحمد لله يا يويو كويسه وبخير
المهم انتى كمان وحشانى وشيفاكى مختفيه من هنا ومن هناك
يارب يكون المانع خير
طبعا احنا مصريين قاعدين فى ارابيزهم على طول
وكمان بيحصل لنا كل مصيبه ومصيبة وبنخاف نتكلم اصل السمعه عيب بنت تفتح بؤها
وبالتالى مش مهم انما الاجانب مش بيسكتوا دول بيسيحوا على طول
علشان كدا لازم يعملوا لهم السجلات والمساجلات اللى عايزينها

نورتينى يا ايويه
Desert cat said…
عمرو (مواطن مصرى)
المشكلة فى اعتقاد الناس ان البنت هى دائما الخطا وانها مجرد فتنة
ولو اتكلمت تبقى خالفت كل الاعراف بيرجعوا بينا تانى لزمن الوأد
انا شوفت التعليقات كنت هرجع بسبب الجهل والتخلف المتفشى بين الناس
بس انا بقول ان الناس اللى غلطت البنت واتكلمت بالشكل ده
مش هتقتنع بغلطها غير ما تكون هى فى نفس الموقف وتجرب
وطول ما هما موافقين على السلبية دى وراضيين والبنت غلط على طول الخط هيجربوا وقريب اوى

تحياتى
Desert cat said…
سمراء
بالظبط يا سمراء
محتاجين ان الولد يخرج من بيته اهله مربيينه ومفهمينه ان اختهاو مامته او اى واحده ايا كانت كائن ليه من الحقوق والواجبات زى ما ليه مش مجرد شيئ للمتعه وان نهرته المجتمع كله يغلطها ولا عزاء لحواء

تحياتى
Desert cat said…
hui mu han
اه المفروض يعرفوا ان فى بلدنا رجاله فحوله فاضحينا
حمد الله على سلامتك
:)
Desert cat said…
محمد صالح
والتلفزيون والنت الشاب مش يعرف يتحكم فيه
اصل اعتقد ان ده مش مبرر لارتكاب الشاب الحمق ده
هو التربية والتنشئة عليها عامل كبير اوى
يعنى اللى بيعمل كدا انا بعتبره حيوان لسه خارج لتوه من حظيرة مواشى مش اكتر ولا اقل

تحياتى
Desert cat said…
عاليا حليم
هو المفروض يكون فى قانون للمتحرش
والبنات كمان تتكلم مش تكست وتقول عيب ويلغوا من اذهانهم البنت اللى تهزئ الولد تبقى قليلة الادب
لان ده كلام سلبى وبيشجعهم يزيدوا فى افعالهم المشينة
انا كنت تابعته عندك الملف

شرفتينى جدا عاليا
تحياتى
Desert cat said…
(green eyes)
طيب الحمد لله انكو موافقين
ونرفع راية لا للسكوت بعد اليوم
:)
تحياتى
EmY said…
التحرشات بقت حاجه تخنق مش عارفه ده مرض نفسي ولا غتاتغ ولا قلة ادب ولا ايه تصنيفها
المفروض المتحرش يتحكم عليه بالحبس مده لا تقل عن 3 شهور و غرامه و لو كررها تتضاعف الغرامه و مدة الحبس

تحياتي يا قطة
Desert cat said…
EmY
دى قلة ادب يا ايمى
عارفه ليه
لان فى اهل لما بيشوفوا ابنهم بيعاكس تلاقيهم فرحانين والضحة مالية الوش ويقولوك الواد كبر وبقى راجل وبيعاكس
احنا لو فى بلد محترمة كان بقى فى قوانين ورادع للاشكال دى
تحياتى
A7MeD F@hMy said…
تشبيه المتحرش بالحيوان غير منصف للحيوان
التحرش ده حاجة مقرفة و ميتسكتش عليها
تابعي جملة لس فيكي رجالة يا مصر عاجباني اوي و ان شاء الله الظاهرة اللي زي الزفت دي تختفي قريب
بالنسبة للسياح شكلنا زبالة قدامهم اوي فعلا
ياللا ربنا يرحمنا
Desert cat said…
A7MeD F@hMy
انت متفائل يا احمد
الظاهره دى مش هتختفى غير لما يكون فى وعى والناس تعرف تعلم اولادها ازاى يحرتك نفسهم ويتخوا عن النظرة الذكورية فى المجتمع
انا برضه كنت بقول انى ظالمة الحيوانات على الاقل مش بيعاكسوا
احنا منظرنا بقى زبالة برة فى كل حاجه
مودتى
وانا اطالب معاكى ياديزيرت
ياريت يعملو كدة كمان فى مصر

ولا الاجنبيات بنى ادمين والمصريين لا
Desert cat said…
الرسائل الرومانسية
بس يارب حد يسمع كلامنا ويتعمل للاجنبيات وخلينا احنا بعدهم مش مشكلة
الهم انه يتعمل
تحياتى

Popular posts from this blog

قميص دهشور

كل تحرش وانتوا طيبين