إنقســــامــات

تحديث مهم جداااااا
شكر خاص للصحفية المتألقة دائما / آسر ياسر
لبحثها الدئوب بين المدونات واختيار المناسب ونشرها فى جريدة الاسرة العربية والتى تصدر يوم الاثنين من كل اسبوع
يارب دائما فى تألق يا آسوووور
وللاسبو ع الثانى على التوالى يتم نشر بوستات للاستاذ / طارق الغنام
انسان فكره واعى وعقلية فوق الممتازة
تم اليوم نشر بوست بعنوان
يارب دايما فى تقدم ومن نجاح لنجاح يا استاذ طارق
***********************************************
حياتها مقسومة اتنين .. نص حقيقة ونص اوهام .. بتعيش الحقيقة بكل ما فيها ... مجازفة لأبعد الحدود ... بتسمتع جدا بحكياتها التى لا تخلو منها روح المغامرة والعناد ... احيانا محتارة تايهه فى عالم بلا عنوان .. تتداخل خطوط حياتها مع قلوب لا تتبارى عن اعلان استعدادها لمنحها مشاعرها ودفئها في مقابل بعض المشاعر لبعض الوقت .. انظر لها متعجبة تماما ... بتفضلى عالم الوحدة كتير وبتخرجى من كل مشاكلك وهمومك بطريقة او باخرى ... انتى اكتر واحده عارفه المفروض تعمل ايه وازاى ... تصدمنى بردها البارد .. بصى مش تتعبى نفسك كتير من حقى ارفض الإستجابة ... فليس هناك قانون للاحاسيس بان يجب على ان احب من احبنى او اصادق كل من رغب فى صداقتى ...هيضايقوكى ... هما الخسرانين انا مش خسرانة حاجه ... طيب ادى نفسك فرصة وحاولى ... اصل ليه رغباتهم الملحة والمتتابعه ... طيب حاولى تقيميها وتحتفظى بنتيجتها لنفسك ... وقررى بشكل فردى اللى انتى عايزاه ... طيب ليه كل ده وانا مش مسئولة عن عاطفة أى حد تجاهى ... اتعجب حقا على من يتحايل على مشاعر الآخرين ويعد عقله الواعى بالقاء جمرة المشاعر فى قلبه ... وعلى الاخرين واجب تحمل مسؤليتهم تجاههم ... لاء معلشى استنى مش تسرحى اوى كدا فى الكلام ... انا اتفق معاكى تماما لو انتى بعيدة كل البعد ... انما لو انتى طرف فيها فانتى كمان مسئولة لانك ساهمتى ولو بقدر ضئيل فى ميلاد المشاعر دى ... انا فعلا بتكلم على اللى ماليش اى علاقة بيهم ولا اعرفهم ... ممكن يكون ليكى دور بدون وعى ... لان الاصل فى المشاعر هو الافتقاد للشعور لا للاشخاص ... مش وقت الفلسفة ... انا قولت لك ماليش علاقة بيهم ولا اعرفهم ... لحظة سكوت .. ثم تتسائل .. ممكن تفهميينى الجملة اللى فاتت ؟؟ ولو ان الامر بعيد عن الفلسفة لكن هوضح لك يعنى اذا انتقلتى من مجتمع لمجتمع تانى بيكون عندك احساس بافتقاد مشاعر الصداقة ... وعلشان كدا ممكن تمنحى صداقتك لاول حد تقابليه ... لحد ما تتعرفى على غيره تحت ضغط الاحتياج مش اكتر .... حاسه انك مش فاهمه ... اممممم لاء انا عايزة انام دلوقتى .. طيب تصبحى على خير ... الصبح صحيت على صوتها وهمست لى ... بتحبينى ؟؟ جدا ... علشان محتاجه لى ... علشانك انتى مش احتياج قد ماهو شعور حب ... بس قبل ما تنامى قولت لى احتياج ... كان قصدى الاحتياج بمعنى الفقد مش الحرمان .. مفيش فرق بينهم .. لا ازاى الفرق كبير جدا ... احتياج من الحرمان زى العطشان اللى ماشى فى صحراء وعايز يشرب اى مية وخلاص مش فارقه معاه ... لكن من الفقد ... اللى عايز يشرب مية ساقعه بس قدامه مية تانية كتير ... لكن هو عايز مية ساقعه وبس لانه مفتقدها علشان كدا حيستناها لانه مش عايز يشرب غيرها ... طيب انتى ايه مشاعرك بالنسبة لى .. مشاعر صادقة ممزوجة بالاحتياج ... بس المشاعر الصادقة ايثار والاحتياج انانية ... يبقى مفيش مشاكل يا عزيزتى فانا احبك باصدق مشاعرى مع اعترافى انى بحبك بانانية .

Comments

حلو الحوار مع النفس
وحلو انك تخرجى من المناقشة معاها
وانتى لسة بتحبيها
انا اعرف واحد
حاول انه ياخد ويدى مع نفسه
انتهت المناقشة مابنهم
فى الانعاش
وعلى فتح مطواى بقى وسيوف وسكاكين
كانت مجزرة بس الحمد الله عدت على خير

و30 واحد بس اتصابوا

عارفة
اهم حاجة فى الدنيا دى
اننا نعرف عايزين ايه منها
ونعرف الطريق الى يريحنا ونمشى فيه
ونعرف الشخص الى بيحبنا وبيخاف علينا
وبيحبنا عشان نفسنا مش عشان محتجلنا ولا عشان مصلحته
من الشخص الى ميهمهوش
اذيتنا

بس انا مش معاكى على فكرة ياقطة

لاننا لو قابلنا صديق عشا معانا مخلص
وحبناوحبناه
وكنا واقفين مع بعض وقفت جدعنة
مستحيل انه يتنسى
حتى لو الزمان والمكان اتغيروا
لاننا اكيد اتعلمنا منه
حاجات عايشين بيها





البوست رائع ياقطة
كالعادة طبعا
والكلام والحوار
مافيش احلى من كدة

ومبروك على الاذاعة وعلى الفيس بوك
مع انها جت متأخرة شوية
معلش بقى

ربنا يزيدك يابنتى
وتفضلى ناجحة كدةعلى طول
قولى امييييييين
بس من قلبك والنبى
عشان الدعوة تتقبل بس


تحياتى
vestal Goddess said…
الله ينور عليكي

دالوقت انا فهمت الخطوط الفاصلة بين المعاني الدقيقة اللي كنت فاكراها زي باقي الناس بمعنى واحد وخلاص

يعني في فرق بين ما احب ربنا علشان طمعانة في الجنة او طمعانة في انو يرزقني فلوس زيادة - وبين ما تكون محبتي ليه بدون شروط

اما بالنسبة للي عايزين يحبوني وفجاة في يوم يسيبوني بدون سابق انذار علشان بطلو محتجين الاشياء الموجودة عندي - بابص لباقي اللي حوالية وباتسائل ايمتى حيسيبوني؟

وافضل ويحيدة في وسط الزحمة

او انا مش فاهمة

؟؟؟
-----------
من احسن المواضيع اللي قراتها بحياتي ميرسي
الله ينور عليكى بجد كلامك صادق ....
Anonymous said…
من خلال متابعتى ليكى
وكم اختلافاتى معاكى
لكن اقدر اقولك المرة دى تفوكتى على نفسك
مش اى حد يقدر يعبر عما يجول بداخله من احداث
وانتى صورتى الحوار الداخلى بكل معانيه واحساس ملتهب
vestal Goddess said…
I remembered this pry of A.A

God, grant me the serenity to accept the things I cannot change; the courage to change the things I can; and the wisdom to know the difference.
mohra said…
احقا يمكن ان ننكر دورنا فى ولاده مشاعر الاخرين تجاهنا ...صعب ان نعيش و ننسى الاخرين...ام انه حق لا ذنب لنا؟؟؟
لازم اعترض على تسمية البوست بانقسامات

لانة اقرب لمصباح كهربائى

شافنى بتعاطف مع موقفها

لانها مصرة تعرف طبيعى الحب او الصداقة دى

لازم تلاقيلها بند مناسب تحطها تحتة

عشان تقدر تتعامل معاها فى المستقبل

وبرضوا مش قادر احمل اللى اتحب ذنب مشاعر ناس تانية تجاهة

سواء عن طريق معرفة او من غير معرفة

------------------------
الست غلطانة

لان زى ما قولتلك

حتى لو الموضوع مش اعلان ومحل عطور

هو مش مسئول عن مشاعر الاخرين

لما تلاقى اثبات للخيانة تبقى تطلب الطلاق


تحياتى عالبوست الرائع دة
wael said…
انا مازرتش مدونتك من زمان جدا
بس بجد انا محظوظ ان الزياره كانت على البوست الرائع ده
بجد الله بوست صادق وناعم جدا
تحياتي
Desert cat

تحياتى,,,

أعتقد بكونه حوار ذاتى يحمل فى طياته الكثير من الصراع, وليس مجرد الحوار!!

الصراع بين رؤى الانسان لذاته ومتطلباته من الحياة ومن الآخرين, وحدود تعاملهم معــه وقبوله لهم,وإندماجـه معهم وإندماجهم معه, ومدى قربهم أو بعدهم عـنه, وحول أى محور تدور علاقة الإنسان مع غيره من البشر, المصلحة والمنفعة المتبادلة,أم الفرديةأم العلاقات الإنسانية الخالصة..

كما يحمل صراعا داخليا مضمونـه على أى شاطىء نريد أن نستقر؟!!
وأى نمط للحياة نتمنى أن نعيش فيه؟!!

أعتقد بكونك تساءلتى ثم تصنعتى الإجابة فقط, لكنك لم تعثرى عليها بعد , فالتساؤلات أعمق بكثير مما إختتمت به مقالتك!!

أقول أعتقد..!!!

خالص مودتى وتقديرى
Misrdream said…
جبتيلي شوذفرنيا وانا بقرا البوست بتاعتك حرام عليكي
ههههههههههههههههههه
حوار مع النفس كاظم ده عسل
عارفة يا قطه
انا ساعات بعمل كده
انى اقعد احلل نفسيتى
دا لما بكون فى حالة ضيق
و بيكون الاسلوب ده
سبب انى اخرج من الحاله دى
بس البوست رائع
الله ينور
متألقة يا قطه
تحياتى
اسلام
Gehad said…
انتى عارفه كويس يا بسبس ناو انى مختلف معاكى
لكن البوست ده مقدرش اقول غير الله ينور عليكى
حلوة ورقيقة وناعمة مع نفسك انتى بس علشان انانية
لكن مع الناس التانية بتخربشى وبتعورى كمان
سلام يا مستبدة
WhItE HeArT said…
تحفه البوست ده

عجبني فكرته وانتي قدمتيه بطريقه مميزة

تحياتي
ايه الهبل ده يا قطه انتى الموضوع بصراحه وحييييييييييييييش
nody_1987 said…
حلو انك تقفى وسط زحمه الدنيا
مع نفسك
حلو الحوار
بس الاحلى موضوع الحوار
حسيتك جامده اوى فى ردودك ياقطه
بجد انتى من الشخصيات الى حبيت شخصيتهم الى طلعوها من خلال كتابتهم
واتمنى لو كنت اعرفك شخصيا
تحياتى يا قطه
صديقتي الغاليه علي ألبي جدا جدا جدا قطقوطتنا العسل

ازيك ياجميله؟يارب تكوني بخير

دايما متنوعه في موضوعاتك
:)

شوفي ياقمر في زمن المصالح اللي بنعيش فيه بقه فيه خلط كبير بين الحب للحب او لحب عشان اللي بيحبنا طمعان فينا

طبعا النوعين مع مرور الوقت بيبانوا لأن مفيش حاجه بتستخبي و كل شئ مسيره ينكشفن و يبان

الحب الحقيقي أكيد بيتحس و الحب الصادق برضه بنحسه من اللي قدامنا في المواقف الكتيره اللي بتحصل بينا و بينهم
المتسلقين برضه بيبانوا مهما حاولوا انهم يخبوا ده

ربنا يرزقك دايما بالناس الكويسه الصادقه
تحياتي ليكي ياقمرايه علي الموضوع المميز و دايما متألقه
محبتي
:)
نسيت ياقمرايه معلش اقول رأيي في الزوج و الزوجه و اللي حصل بينهم
هي كانت متسرعه و نسيت فعلا عشره السنين

اساسا و انا بقري الخبر من اوله قولت اكيد دي حمله دعائيه
بس يمكن هي معبيه شويه من جوزها فماصدقت الموضوع ده جه كحجه عان تطلب الطلاق
كان ممكن تروح ويا جوزها و تتأكد انها فعلا حمله دعائيه
سلام ياقمر
Desert cat said…
زعيم كمورا مورا
وانا عمال اقول انت مختفى ليه بقالك فترة كبيرة
اتاريك كنت عامل حوار مع النفس ونفسك تغلبت عليك ودخلتك العناية المركزة معلشى بقى يا زعيم تعيش وتاخد بالها
ولا كفاية عليك لحد كدا مش تعمل الحوار ده تانى
خلينا فى الجد بقى شوية
انا مش بتكلم عن الناس اللى عرفتها وعرفتنى
انا بتكلم ناس معرفهمش اساسا ولا يعرفونى
اه فى ناس فعلا مهما بتتعامل معاها بتحس انك مش عارفها ولا عايز تعرفها
فى الحالة دى لو هما مرتبطين بيك لحل بيكون ايه
ده اللى مقدرناش نوصله فى النهاية انا وانا
ميرسى جدا على الدعوة الاخيرة وبقول اهو يااااااااارب من جوه جوه قلبى
تحياتى
Desert cat said…
vestal Goddess
تعرفى انتى ترجمتى حاجات كتير اوى انا نفسى مش قدرت اكتبها فى ردك
بالرغم من ان عدد سطورة قليلة لكن معانيه كبيرة جدا
شرفتى البلوج ونورتيه
تحياتى
Desert cat said…
شفقة هانم واحسان بك
ميرسى جدا يا شفقة هانم واحسان بك
Desert cat said…
Anonymous
طيب هو مين حضرة المختلف معايا بس علشان اعرف اتكلم اصلى بيجى لى حساسية من الغير معروف بصراحة
عموما شكرا
Desert cat said…
vestal Goddess
God gave us brains and heart to love and distinguish between bad and good
Change is needed
The brave recipe Pet
Regards
Desert cat said…
mohra
احنا مينفعش ننكر دورنا لو فعلا لينا دور
انما ولادة مشاعر انتى مش طرف فيها
اعتقد انه لا ذنب
مثل الجنين الذى يولد ولادة طبيعية او ولادة قيصرية لا يعنيه فهو حتما سيرى النور ولكن الطريقة لا تعنيه
تحياتى
Desert cat said…
واحد مش فاهم حاجة
اعترض براحتك يا فندم
فالدستور اعطى حق لكل مواطن انه يعترض
لذلك سميه كما تحب
هى مش محتارة من موقفها
ومش محتاجه لانها خلاص ألفت الوحدة بل أصبحت تعشقها
لكن كل ما فى الأمر انه يأتيها هاجس من آن لآخر .... يجعلها تفكر لبرهه من الوقت ولكن سرعان ما تعود الى سابق عدها كما كانت من قبل
********
بالنسبة لاجابة السؤال فهو المفرد فى مدونة البرنامج
واللنك موضح فى البوست
عموما انا نقلته هناك
اشكرك جدا
احترامى وتقديرى
Desert cat said…
wael
يا الف اهلا وسهلا بحضرتك
اشكرك جدا على الإطراء
تحياتى
Desert cat said…
عمرو (مواطن مصرى)

يا الف اهلا وسهلا بحضرتك يا فندم

طيب بلاش نعتبره صراع ولا نعتبره حوار تيجى نسميه فضفضة ؟؟؟؟؟

أعتقد أن الصراع بين رؤى الانسان لذاته ومتطلباته من الحياة ومن الآخرين
يعتمد على سيكولوجية التطبيع
وده فى حد ذاته يعتمد على تعامله مع افراد مختلفين وهويات مختلفة يمكنه من خلالها تحديد ما يريد

بالنسبة لمدى معرفته هل هم يريدون معرفته لذاته ام لمصالح شخصية فهذه قضية بديهية لا تحتاج إلى بيان لأننا حددنا ان هذا الشخص نفسه تعامل مع افراد مختلفين فمن خلال تجاربه السابقة يمكنه الحكم جيدا

فدعنا نتفق ان غريزة الصداقة و الحب هي غريزة بناءة تتضمن حب الذات أيضاً وهى الغريزة الاكثر سيادة وكمان تعتبر الطاغية على التكوين النفسي ومن هنا يمكننا الحكم والتفريق بين الاخرين ولكن احيانا تضطرنا الظروف الى التطبيع الاجتماعي للتكيف مع اختلاف الادوار فى الحياة ولكن لابد يجمعنا هنا القاسم المشترك هو روح المسالمة واللاعنف وقبول الآخر مهما كان قوميته أو دينه أو مذهبه أو اتجاهه السياسي أو انتماءه الفكري
اعتقد انه الان تولد صراع من نوع اخر
انا ايضا اقو ل واعتقد
:)
احترامى وتقديرى
Desert cat said…
Misrdream
سلامتك من الشيزوفرنيا يا فندم
كاظم ده حبيب الملايين
Desert cat said…
مواطن مصرى نايم
طيب الحمد لله يا اسلام انك بتعرف تخرج نفسك وتبوح لها عن اى قلق
اشكرك جدا
تحياتى
Desert cat said…
Gehad
ماشى يا جهاد
ميرسى على كلامك
Desert cat said…
WhItE HeArT
اشكرك جدا
تحياتى
Desert cat said…
ابتسم من فضلك
ميرسى جدا واسعدنى ردك
تحياتى
Desert cat said…
nody_1987
احيانا الحياة بتشغلنا
بصر اعات وحوارات لكن لابد ان لاننسى انفسنا فى وسط دوامتها
اشكرك جدا على اطرائك نودى
مودتى
Desert cat said…
صديقتى الجميلة
ارق اجندة
انا الحمد لله كويسة وبخير طول ما انتى وهارت كويسين
ربنا ميحرمنيش منك ولا من سؤالك يا حبيبتى
بالنسبة لردك فالناس فعلا بتبان من خلال مواقف والتانى
ووقتها نقدر نحكم مين اللى يستحق نقول عليه صديق ومين اللى يستحق نقول عليه كان مجرد معرفه
اعتز جدا بيكى وبهارت وبصداقتكو
ربنا يديم الود والمحبة بينا
دمتى بالف خير يا جميلة
Desert cat said…
حبيبتى اجندة
التعليق على السؤال فى مدونة البرنامج
واللنك متوضح عندى
عموما ولا يهمك يا قلبى انا نقلت الاجابة هناك
تحياتى ليكى
mohamed hesham said…
بوست قوي ... لكن للأسف لم يسمح لي (مودي) بأن أفهمه جيدا ...

الحب حب وخلاص ... مش عارف التعقيد الفلسفي ده كله ليه ... واللي مستني (المية الساقعة) مثلا لأنه مش عايز غيرها ده في رأيي أحسن من اللي بياخد أي حاجة وخلاص ...

دمتي بخير

والسـ ختام ــلام
HANY YASSIN said…
السلام عليكم
موضوعك رائع
بس المشاعر الصادقة ايثار والاحتياج انانية
هذه جملة عبقرية
لكننا بشر لسنا ملائكة
لا ادرى
تحياتى لك
هانى يس
أنونيمس said…
المشكلة ان احتياج الفقد ممكن يتحول مع الوقت لإحتياج الحرمان وده أسوأ مرحلة الواحد يوصلها

الأفكار رائعة وتعبر عن شخصية في غاية النضوج

تحياتي
ro7 said…
اظن اننا لو ساعدناهم مش علي
ولادة المشاعر دي لا
يعني لو ساعدناهم علي ان المشاعر دي تكبر وتنموا هيكون اكيد الذنب عندنا
واكيد كلنا عارفين ازاي
نورتي مدونتي
واتمني التواصل بينا يدوم
تقبلي تحياتي
dina said…
همممممممممم
بوست قوى و يدوخ و يخليك تفكر كتير
بس اسلوبه قوى جدا
تحياتى
بوست جميل وحوار رائع صحيح جدا الفرق بين الافتقاد والحرمان قد ايه التشبيه عجبني وحسيته لان فعلا شتان بين الاتنين
بحييكي اوي عالبوست ده
vestal Goddess said…
متشكرة قوي يا قطة على الاطراء, اصلي باتعلم منك رؤية الامور من الجوانب الاخرى والتي نخاف ان ننظر اليها او نتكلم عنها

ان سمحتيلي اترجم السطرين اللي كتبتهم بالانجليزي

pry - pray of A.A
God, grant me the serenity to accept the things I cannot change; the courage to change the things I can; and the wisdom to know the difference

الترجمة
يا الله ، امنح لي السكينه لتقبل لاامور التي لا استطيع تغييرها, وامنحني الشجاعه لتغيير الاشياء التي يمكنني تغييرها, وامنحني الحكمة لمعرفة الفرق بين الاثنين

---

يعني ايه الكلام دة؟

اولا
A.A - Alcoholics Anonymous
الكحوليين الانونيمس
وهي مجموعة من مدمني الكحول في امريكا تكونت في عام 1935 بمبادرة شخص مدمن على الكحول وكان رجل اعمال وفي كل مرة كان يبذل مجهود للتوقف عن شرب الكحول لما كانت تسبب له من ترك اعماله والضياع , ولكن في كل مرة كان يعود الى الكحول, وفي النهاية قرر بانه لا يستطيع الصمود لوحده فجمع حوله مدمنين اخرين يريدون التوقف عن شرب الكحول ولكي يكونوا بعضهم لبعض سندا في وقت الشدة حتى لا يرجعوا مرة اخرى للكحول ونجح في تكوين فرق في انحاء امريكا والعالم كله واصبحت طريقته هي افضل علاج لمدمني الكحول وباقي انواع الادمان

كويس؟
بس احنا مالناش دعوة غير في الحكمة او الصلاة التي انبثقت من حكمة هؤلاء الناس ولما لها من معاني كبيرة وعميق روحانيا ونفسيا عميقا وهي مترجمة الى كل لغة موجودة في العالم ومعنى كلمة الله فيها غير محدد في قالب معين ختى تتلائم مع اي ديانة ومعناها الاعمق هو ان الله هو كل شيئ يعتقد الانسان بانه يمده بالقوة وبالامان, والحكمة

ايــه علاقة الكلام دة بالموضوع؟؟؟
حسب طاقات الفهم المحدودة عندي, فانا الائم هذه الصلاة لاحتياجاتي بتغيير الاشياء التي لا ارغبها في نفسي ومن ناحية اخرى ان اتقبل الاشياء التي لا استطيع تغييرها, سواء في المجتمع او داخل النفس

بس لازم بالاول نمر بالحوار اللي كتبتيه علشان نقدر نعرف ايه الاشياء اللي ممكن نغيرها وايها اللي لازم نتقبلها لو مقدرناش نغيرها

الناس اللي عايزين يهربو من صراع مع النفس او صراع مع المجتمع ممكن يهربو من الم الصراع وعدم تقبل الامر الواقع بالادمان على اي شيئ يبعده عن التفكير بالواقع ويبقى بعيدا في الادمان على انواعه

سوري على الاطالة بس كان قصدي نتعلم من حكمة ناس مرو في الطرق والسراديب التي نمر فيها
ديزرت كات بجد فى سؤاال ملح جدااااااااااا على
ردى على والننننننننننننننننبى
ازاى اسمع الحلقة بتاعة يوم الاتنين فى اذاعة انت تسال والكمبيوتر يجيب
يااااااه..بقالي كتير مجيتش هنا..و ساعة لما آجي ألاقي استطلاع رأي عن عائلة سعودية..الله يخرب بيت السعوديين ..اسأليني عنهم ده نسبة الغباء عندهم مرتفعة جدا..بس اعتقد رغم ذلك إن الخطأ خطأ المحمول طبعا..مش هوا اللي رن؟
نهر الحب said…
بوست هايل كالعادة
ربنا يوفقك
صحيح جو كل واحد مننا في اتنين بس يترى بيسمع كلام مين اكتر الحقيقه ولا الاوهام ؟؟؟
Desert cat said…
mohamed hesham
اشرك جدا يا محمد
ويارب مودك يتظبط فى اقرب وقت
تحياتى
Desert cat said…
HANY YASSIN
طبعا يا انى كلنا بشر وكلنا طباعنا مختلفه وده شيئ فى حد ذاته جميل مش وحش
احترامى وتقديرى
Desert cat said…
أنونيمس
هو ممكن يتحول لاحتياج الحرمان فى حالة لو كل اللى حواليها انفضوا من حولها
لكنه فى الاساس اتعودت على الوحدة لدرجة انها عشقتها
وبالتالى اعتقد انها هوت حياتها كما هى
اشكرك جدا على ثنائك
احترامى وتقديرى
Desert cat said…
ro7
بالظبط يا روح وده اللى قصدته بطلة البوست
اتمنى انا ايضا دوام التواصل بينا
تحياتى
Desert cat said…
dina
ميرسى جدا يا دينا على حضورك المتميز
نورتينى يا جميله
Desert cat said…
مثلية تبحث عن ذاتها
انا متشكرة جدا لذوقك ولكلامك الجميل
شرفتينى جدا
Desert cat said…
vestal Goddess
اشكرك جدا جدا على المتابعه
انتى مطولتيش ولا حاجه
انتى وضحتى نقط مهمة جدا
وهى حالة الهروب من الذات فى يحن العجز عن فهمها والبحث عن شيئ اخر للتناسى ولكن نبقى دائما داخل دائرة التساؤلات
للمرة الثانية اشكرك جدا
دمتى بالف خير
Desert cat said…
ابتسم من فضلك
الحلقة دلوقتى موجودة يا جميلة فى السايد بار شمال مدونة البرنامج
http://netradio.blogspot.com
تحت صورة الملك فاروق مباشرة
واى استفسار تحت امرك يا جميل
Desert cat said…
أحمد المصري
اولا نورت جدا يا احمد
بالنسبة لاستطلاع الراى ده سؤال خاص بمدونة البرنامج الاذاعى
انت تسال والكمبيوتر يجيب
الذى يذاع يوميا الساعه 9.10 صباحا على اذاعه البرنامج العام ماعدا يوم الجمعه
وده لنك المدونة
http://netradio.blogspot.com
وبما انك عشت وسطهم وعارف بقى الخبايا
مستنية اجابتك هناك
:)
Desert cat said…
نهر الحب
ميرسى جدا يا جميل
شرفتينى
Desert cat said…
ماء تشرين
بيسمع كلام اللى يوافق مزاجه
:)
تحياتى
الرائعه حنان
اولا مش عارف اشكرك ازاى ربنا يكرمك يارب
ولاول مرة ادخل مدونتك
ولاول مرة ازعل من نفسى لانى فاتنى الكثير من بوستاتك الرائعه
تقبلى تحياتى
ودمتى موفقه
Desert cat said…
طارق الغنام
الشرف ليا انا يا استاذ طارق
وحضرتك ماتزعلش من نفسك ولا حاجه المدونة كلها تحت امر حضرتك
شرفتينى جدا

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز