كــــــم هــــو بائـــــس


كــــم هـــو بائــــس
ذلك الحقود او الحسود فكيف نعرفه هو دائما ... يتظلم وينشر الاشاعات ضد من يحسدهم ويحقد عليهم كقناع يخفي فيه حقيقته .... دائما شعاره انا لا اكذب ولكنى اتظلم .....
طيب والحل ... طبعا محلولة جدا جدا .... التجاهل هو الحل الافضل... لأنه لا يضرك فى شيئ بالعكس ده بيفيدك جدا ... إذا جائتك مذمتى من ناقص .. فهى الشهادة بأنى كامل .... يبقى هنا يستحق الشكر مع المزيد والمزيد من التجاهل ....
كــــم هــــو بائـــــس
من لا يتعلم الدرس جيداً من تجاربة السابقة ... فتجاربك السابقة تساعدك وبشكل مباشر على إتخاذ قرار حول ثقتك بمن حولك ... طيب لو مقدرتش تثق فيهم ... اوعى تقطع علاقتك بيهم طالما مش عملوا معاك حاجه وحشة .... انما كمل لحد ما يثبت العكس برضه مع عدم الثقة الكاملة ... يعنى لو حد كل شوية يسالك على شخص انت مرتبط بيه اكتر ما بيسال عليك انت شخصيا .... فهمه انكو دايما متخانقين ومش طايقين بعض ويمكن تطلقوا قريب قبل ما حد فيكو يقتل التانى ... ومهما حاول يقولك اصالحكو على بعض بس ايدينى اى بيانات توصلنى ليه دائما احبط محاولاته بحجة ان الطرف الاخر مش يستاهلك ... فى نفس الوقت انتوا عايشين حياتكو كويس جدا والحمد لله ....
كــــم هـــــو بائــــــس
الإنتهازى .... جميعنا متفق أنه إنسان ذكى لاعب ماهر ... يجيد كل الأدوار البهلوانية يستخدم كل الحيل والأكاذيب للوصول لغرض ما مع من يقع فريسة له ... طيب لو الفريسة تجيد فن الجرى وعندها الحدث عالى شوية .... يبقى هارد لك فى جولة اخرى مع فريسة اخرى وتنمياتنا بالشفاء العاجل ....
******************************************************
سؤال جديد على مدونة برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحاً على إذاعة البرنامج العام ماعدا يوم الجمعه
السؤال
قام رجل سعودي بتطليق زوجته بعد عشرة دامت أكثر من 15 عاما بسبب رسالة وصلت إلى هاتف الجوال وفي التفاصيل التي أوردتها صحيفة "الرياض" السعودية فإن تلك الرسالة قد استلمها ابنه الصغير والوحيد -9سنوات- بعد أن طلب والده أن يقرأها له وهو يتناول وجبة الغداء، وفي نص الرسالة كما أفاد (ع. ا) صاحب الجوال "تعال.. لترى أجمل العطور لدي.. وأروع مواد التجميل التي أحضرتها لك.. أنا بانتظارك". وقالت الصحيفة إن الزوجة صرخت في وجه زوجها بعد سماع الرسالة، وانتابتها موجة غضب عارمة، وطالبته أن يُفصِحَ عن صاحبة هذه الرسالة، واتهمته بالخيانة الزوجية، وأنه غير مقدّر لكل هذه السنوات التي قضياها معا، وقد حاول الزوج -على حد قوله- أن يبين للزوجة أن الرسالة دعائية ليس لها أية علاقة أو مفهوم آخر، بل إنها من المحل الذي اشتروا منه العطور أثناء قضائهما فترة إجازته في جدة، ولكن محاولات الاستجداء وتفهم الزوج لم تجد نفعا. وختمت الصحيفة بأنه وبعد مطالبات الزوجة بالطلاق، طلّقها زوجها من المخطأ المحمول الزوجه الزوج ام من؟
فى انتظار ارائكو واقتراحاتكو

تعليقات

عندك حق في كل كلمه قولتيها وخاصة عن الانتهازي
لأنه اخطر انواع البشر
‏قال nody
ايه دا يا قطه
وكمان داخلتى فى النفسويات
حلوه التقسيمات والنصايح
وخصوصا الناس الحقوده
‏قال غير معرف…
لماذا لا يستخدم حزام العفه بدلا من النقاب حتى يطمئن كل ملتحى على زوجته او خطيبته؟
ليس هذا حلا لأنه من الممكن ان يضيع المفتاح
كما حدث مع هذا الشاب عندما خاول ان يجرب مدى فعالية الحزام
كما ترويها صحيفه خليجيه بعد ان حورت القصه
كان حزام العفة يفرض على النساء في أوروبا من قبل أزواجهن في الماضي، وذلك قبل مغادرة الرجال للرحلات

التجارية أو الحرب، وذلك للتأكد من أن زوجاتهم لن يقمن بالعبث في غياب أزواجهن. لكن الآية انقلبت حالياً

وأصبحت بعض النساء يفرضن على أزواجهن ارتداء حزام للعفة.

فقد قام شاب من مدينة كينزنغتون في مقاطعة ساري البريطانية بالاتصال يوم أمس برجال المطافئ لانقاذه، وعندما

وصلوا فوجئوا بأن سبب الاستدعاء لم يكن حريقاً، بل انه كان قد ارتدى حزاماً للعفة مصنوعاً من الحديد حبس

نفسه فيه، واكتشف انه اضاع المفتاح. فاضطر للاتصال بهم. وقال بيرنان هيلي رئيس فريق الانقاذ ان الشاب كان

محرجاً جداً. كان وجهه محمراً من الخجل. بيما قام افراد الفريق وعلى امتداد ما يقارب الساعة، بقص الحديد عنه

باستخدام ثلاثة ماكينات من النوع الثقيل المخصص لقص المعدن، بينما فقد الشاب وعيه من الخوف
‏قال سمراء
وايضا كم هو بائس الخص الذي يخاف من المستقبل ولا يستطيع اتخاذ القرار فهو لم يستمتع ببهجة الحياة يوما
تحياتي
سمراء
‏قال غير معرف…
فى سيكلوجية النقاب
لماذا منذ القدم الخوف من ان تحطأ المراه او لماذا هى فى موضع شك دائما وهى التى يمكن ان تحافظ على الفضيله او تهدمها ؟
قديما نسب لها اغواء آدم وعلاقتها بالشيطان المتخفى فى صورة حيه معروفه
...لماذا اخترع لها قديما حزام العفه كما يقول كومنت سابق وليس للرجل...لماذا النقاب لها ليخفيها وليس للرجل
....
السر وراء كل هذا كامن فى لاشعور الرجل...هى بالنسبة له لا تزيد عن شىء
من متعلقاته الشخصيه
مثل فرشاة الأسنان او المشط وطبعا لا يحب احد ان يستخدم غيره هذه المتعلقات الشخصيه
....المراه فى لاشعور من يفرض عليها النقاب هى مجرد شىء ...وسيله لأرضائه جسديا وقتما يشاء ...
اى انها من ضمن ادواته الشخصيه...اداه لأشباع رغباته
ويبتكر ويجهد نفسه باختراع المبررات
‏قال غير معرف…
انا اختلف مع التعليق الذى بعرض استخدام حزام العفه بدلا من النقاب ولدى من الأسباب ما قد يكون مقنعا
ولكن السبب الرئيسى هو ان النقاب ليس بمانع لآرتكاب المعصيه
فخلعه سهل جدا متى توفرت الظروف المواتيه
ولذلك فحزام العفه اكثر ضماتا بكثير
‏قال """""
الانتهازى والحقود وغيره كلهم انيل من بعض

ربنا يكفينا شرهم
بس انتى فعلا قدمتى نصايح مهمه

لازم الناس تاخد بالها ومتحاولش تدخل اى طرف تالت بينها وبين اى حد

انا بكره جدا فكرة الوسيط

مش لانى معنديش ثقه فى حد
بس فعلا مبحبش حد يتدخل بينى وبين اى حد تانى مهما كانت مكانته عندى وثقتى فيه كامله
‏قال غير معرف…
وهكذا نصل الى ان النقاب هو ترجمه لتحويل الأنسان الى شىء مما يلغى انسانيته مصدر كرامته
...هذا من اسوا انواع التشىء
اى تحويل الأنسان او الكائن الحى الى شىء وهو هنا المراه وبالتالى فالنقاب ليس اهانه فقط للمراه ولكن لكل معنى انسانى ولكرامة الأنسان كانسان رجل او امراه
‏قال غير معرف…
ولأنه اهانة لأنسانية الأنسان تثور عليه نساء الخليج ولاولا قمع مجتمعاتهم لشهدنا ثورتهم بكل وضوح
ومع ذلك تندفع ببلاهه شديده بعض النساء هنا لتبنى ما تثور عليه نساء الصحراء حيث موطنه الأصلى...مفارقه مضحكه ولكنه ضحك كالبكاء وكم ذا بمصر من المضحكات ولكنه ضحك كالبكاء
‏قال blue-wave
حلو البوست كالعادة
تحياتى
‏قال غير معرف…
ضربتى امثلة فى الجون يا قطة
برافو عليكى
‏قال dina
الله
بجد بوست حلو اوى و فعلا الانواع اللى انتى ذكرتيها دى من الناس عمرها ما حتقدر تعيش صح
تحياتى
‏قال Zika
الانتهازي اسوأهم
لانه مالهوش صاحب
تحياتي
‏قال غير معرف…
قطقوطتنا العسل عامله ايه يا جميله؟وحشاني اوي اوي اوي

الحمدلله المشكله اتصلحت اخيرا و عودنا بسلام لأرض التدوين من جديد
:)

شكلي فاتني حاجات كتيره و جميله كتبتيها
اعذريني ياقمرايه اني الفتره اللي فاتت ماكنتش متواجده بس انتي عارفه معزتك في ألبي

قبل اي حاجه ألف ألف مبروك العتبه الجديده و يارب يكون وشها حلو عليكي و ربنا يوسع رزقك دايما ياقطتنا و يديكي علي اد ألبك الطيب و ذوقك و رقتك كل الخير ياقمرايه

التعريفات اللي كتبتيها ياقطه بجد مظبوطه جدا
الناس حتتكلم كده كده فنشوف شغلنا و مايهمناش من كلام الناس لأن الناجح هو اللي الناس بتتكلم عنه لكن الفاشل ماحدش بيعبره و لا بيسأل فيه فهو كنوع من التمرد علي حاله بيبتدي يعيب في غيره اللي ناجحين و محبوبين من الناس و احسن حاجه زي ماقلتي ياقطه التجاهل لأن الكلام ويا النوعيه دي بصراحه مضيعه للوقت و الجهد علي الفاضي و جدال عقيم مش حنخرج منه بأي فايده خالص

بخصوص خبراتنا اكيد بتساعدنا اننا نتعلم من اخطائنا السابقه و نحاول مانكررهاش لكن للاسف ساعات كتيره بنقع في نفس الغلط و احنا مش واخدين بالنا
تدخل اي حد بين اتنين مرتبطين مرفوض رفضا تاما لأن بصراحه الطرفين هم الناس اللي لازم يخافوا علي علاقتهم و يحاولوا لو اي خلاف حصل يحلوه بينهم و بين بعضيهم لكن نشر اخبار علاقتهم بيؤدي لفشل العلاقه لتدخل الناس الغير مقبول ساعات بينهم

الانتهازيين مااكثرهم ياقطه في زمننا اللي بنعيش فيه ربنا يبعد عننا النوعيات دي و يقربنا دايما من الناس اللي بتحبنا و بتخاف علينا
ألف مبروك مره تانيه و ربنا يسعدك و يوفقك ياقمرايه
مع حبي و تحياتي ليكي و مرسي علي سؤالك دايما عني و عن هارت
:)
‏قال Heart Beat
الصديقة العزيزة جدا جدا

Desert Cat

جميل الموضوع كعادتك يا قطة

الانسان الحقود هو دائما من يقدم الشكوى و التذمر على الحمد و الشكر و الرضا

و يخفي حقده على من هو احسن منه و يفني ليله و نهاره في مراقبة الآخرين

و عندك حق التجاهل هو افضل الحلول لان امثاله لا يستحقون حتى ملىء ثانية واحدة من التفكير

و بالطبع التجارب السابقة سواء الناجحة او الفاشلة يجب ان تكون دليلا و سندا في خطواتنا التالية في الحياة
و يجب ان نحفظ الدرس عن ظهر قلب فليس هذا بالمستحيل طبعا ان كنا نريد راحة البال

شخصية الانتهازي تذكرني باحد المدراء عندي ... يكون زي النمسة اما يكون عايزنا نخلص شغله بتاعه و يقلب يبقى عامل زي التين الشوكي لو مش عايز مننا حاجه

ربنا يبعد الشخصيات التلاتة دول عنك يارب
‏قال mostafa rayan
بصي انا شايف ان الأنتهازي مش بيستغل غير الشخص الطماع
بوست حلو
‏قال غير معرف…
بجد توبيك هايل
عجزت عن التعبير بمدى ابداعك

تقبلى مرورى
‏قال غير معرف…
ما انتى بتعرفى تكتبى وكتباتك حلوة اهوه
انا شايفه تخليكى كدا على طول
والله الموضوع بتاعك ممتاز جدا واكتر من ممتاز كمان بالرغم من انى واخده منك موقف لكن عجبنى جدا
‏قال Unknown
والله عندك حق اى حد بيحس ناحية الناس باحساس وحش هو اكتر واحد بيتاذى منه
‏قال غير معرف…
رائع ما كتبتى
بالرغم من انك علمانية ومختلف معاكى كتير اولا علشانى بكره العلمانيين موت وثانيا لكتابتك اللى بحس من انك داخله حرب ولازم تنتصرى
لكنى بتابع كل كتاباتك ومنكرش انى بتفق مع بعضها
انتى كسلسلة افكار مترتبة و متوافقه مع بعضها البعض رائعه جدا وبتقدرى تعبرى عن ده من خلال كتباتك
عارف انك ممكن ما تنشرى الرد
لكنى حبيت انصحك بتوظيف افكارك فيما يفيد لانك بتعرفى تسغليها كويس
سلامى
‏قال Desert cat
محمد حلمي مخلوف
شكرا يا استاذ محمد
ربنا يحفظنا جميعا من كل الانواع دى
تحياتى
‏قال Desert cat
nody_1987
ههههههههه
انا مدخلتش فى النفسويات
النفسويات هى اللى بتيجى لنا لوحدها
تحياتى
‏قال Desert cat
Anonymous
سؤال وجيه
لا يستخدم حزام العفة بدلا من النقاب
لان الحزام ممكن اولا يعمل زى الشاب بطل حكاية حضرتك ومش هيساعد فى اى حاجه للاسف
لكن النقاب بيستخدم للتخفى وليس للعفة
تحياتى
‏قال Desert cat
سمراء
فعلا فالمستقبل لا يعلمه الا الله سبحانة وتعالى
ولا ندرى ماذا سيحدث لنا بعد ساعه
تحياتى
‏قال Desert cat
Anonymous
اعتقد ان من تتلثم انسانة مضمحلة الفكر وليس عندها ادنى ثقة فى نفسها فهى تريد التخفى عن العيون لانها تشعر بانها عار ... مجرد فرج لافراغ شهوة الرجل ... لذلك تتخفى خلف قطعة من القماش لتكون ملك لمن اغتال انسانيتها
فقط لا غير
تحياتى
‏قال Desert cat
amal
ميرسى جدا يا امل
وبالفعل مينفعش اى طرف ثالث مهما كان انه يدخل بين فى علاقات الناس ببعضها حتى وان كانت مجرد علاقات صداقة
واعتقد ان الخطأ هنا خطأ الطرف الذى يسمح بتدخل الاخرين وليس خطأ المتطفل اقصد المتدخل
تحياتى
‏قال Desert cat
Anonymous
يافندم القرآن والسنة واضحة وصريحة
ولم يوجد فيهما اى علاقة مباشرة بين التلثم او العفة
لو ربنا اراد ان يقول لنا شيئ فسيقوله مباشرة ولن يحتاج الى لف ولا دوران حول امر ما
فامرنا بالصلاة والصيام والزكاة والحج ولم يامر بالتلثم
اذا من تريد ان تتلثم فلها ان تجلس فى بيتها وتتلثم كما تشاء ومن يريد ان يثلم اهل بيته فعليه بربطها ايضا فى اى شيئ جماد فى البيت لان النقاب سيؤذيه اكثر مما يفيد لانه وسيلة ممتازة للتخفى
تحياتى
‏قال Desert cat
blue-wave
ميرسى جدا
تحياتى
‏قال Desert cat
smaa
شكرا يا سما
نورتى
‏قال Desert cat
dina
المشكلة يا دينا انهم مش بيعرفوا فعلا يعيشو صح بس مش واخدين بالهم
وهنا اتذكر بيت شعر جميل
يابن ادم لا تنظر لعورة امرئ فللناس السن وعيون
شرفتينى
‏قال Desert cat
Zika
خلاص يبقى ميستاهلش انه يتصاحب
:)
تحياتى
‏قال Desert cat
صديقتى الجميلة
ارق اجندة
على فكرة وحشتينى جدا
ويارب النت مش يتقطع تانى
نورتى المدونة والدنيا كلها يا حبيبتى
بالنسبة للشخص الحسود او الحقود
فالكلاب تعوى والقافلة تسير
اما التدخل فى علاقات الناس ببعضها ده انا بعتبره تطفل غبى شوية والحل برضه انك متديش حد فرصه خالص
الانتهازى ده بيبان بسرعه اوى
وبنا يبعد عننا جميعا كل النوعيات دى
نورتينى جدا يا اجندة
‏قال Desert cat
صديقتى الغالية احلى دقة قلب
اعتقد انك فهمتى البوست كويس جدا
وحللتيه بطريقة جميلة
:)
بالنسبة لمديرك فانا شايفه ان المفروض شخصيته اتعرفت محدش يساعده فى حاجه مهما كانت صغيرة حتى لو مش حتاخد وقت
شرفتينى جدا يا حبيبتى
‏قال Desert cat
mostafa rayan
يبقى ربنا يهنيهم ببعض
هههههههههه
تحياتى
‏قال Desert cat
مواطن زهقان
طبعا كالعادة منتهى التواضع منك
اشكرك جدا
تحياتى
‏قال Desert cat
Anonymous
ايه المدح الشبيه بالذم ده
عموما ميرسى جدا
‏قال Desert cat
enjy
فعلا فى ناس عندها هواية تعذب نفسها سادية من نوع اخر
تحياتى
‏قال Desert cat
رائع
لاء هو انا حنشر رد حضرتك مش انشره ليه
بس مش هعقب عليه
لانه ميصحش ادخل بيتك واقولك لون بيتك مش حلو غير اللون
او الفرش وحش وافرض عليه فرش معين دى تبقى اسمها قلة ذوق
كذلك المدونة دى بتعاتى يعنى بتعبر عن رائى انا وميصحش حد يجى يفرض عليا رأيه
شرفت
لا يا قطه مش حقدر اقول غير انك جبتى كام جووون فى البوست ده جامدين جدا
لا بجد بوست جامد الله ينور
حلو النيولوك فى المواضيع بتاعتك
بجد عجبنى جدااااااااا
تحياتى
اسلام
ليكى تاج عندى روحى أستلمية
‏قال Abo 7anf
السلام عليكم
ازيك يقطه معلش غيابى امتحانات بقى
طبعا التلاته اسوا من بعض
خصوصا الانتهازى
بيبان صاحب
وهو عايز مصلحه
عارفة
في واحد انتهازي خنقني اووووي
بجد ومش عارف اعمل ايه وياه وخصوصا انه مينفعش ابعد عنه علشان موجودين في مكان واحد
بجد تعبت منه ومش بيتوب
ربنا يهديه ويهدينا

تحياتي
وليد
‏قال Desert cat
مواطن مصرى نايم
ميرسى يا اسلام
التجديد مطلوب برضه
:)
تحياتى
‏قال Desert cat
bos bos
شوفته يا جميل
وميرسى جدا على التدبيسه الحلوة دى
ههههه
‏قال Desert cat
Abo 7anf
معلشى ربنا معاك
يارب تكون عملت كويس فى الامتحانات
الشخصيات دى كلها بتبان
وبتتكشف بسرعة اوى
وعلشان تتقيهم احسن الاختيار
تحياتى
‏قال Desert cat
!!! عارفة ... مش عارف ليه
طيب ليه ... ليه مش عارف تبعد عنه
حاسس انك بتلاقيهم فى كل مكان
لاء صوابع ايديك مش زى بعضها
وممكن تلاقى اماكن كتيره جدا فيها ناس كويسة جدا وقلبها صافى بتحبك علشانك مش علشان حاجه تانية
تحياتى
‏قال غير معرف…
الإتنين غلطانين
بس لو زنقتيني, هقوللك الزوجة

بس انتي ماجبتيش سيرة الإبن ليه؟ مايمكن كان له دور

المشاركات الشائعة