لو الألقاب تباع .. ما كانوا قالوا علماء

موضوع أثارة أستاذ طارق الغنام فى جروب أتكلم وأسمع على الفيسبوك
عبارة عن رساله والرساله دى اهداء لكل من يقول لا نتحدث نحن فى الدين ونترك الأمر للعلماء
فخريج التجارة اصبح عالم دين
ومن يعمل فى الاستيراد والتصدير والتجارة ايضا عالم دين
وإليكم نص الرساله بدون نقص و زيادة

السيدة تغريد سيدة بورسعيديه تسكن فى حى بورفؤاد لم يكن أحد يعرفها إلا بعض الجيران الذين أكدوا أنها انسانه طيبه وبتاعه ربنا وأنها كانت تعمل حاجات للهالسيدة تغريد تداول أسمها بعد الأعتداء على فضيلتكم وقد تهكمت عليها ووصفتها بأنها إمرأة ضخمة وعملاقة جدا كأنها تابوت متحرك. لو رأيت الصور التي التقطت بواسطة كاميرات المبنى لذهلت من حجمها مقارنة بحجم السيارة التي كنت فيها لحظة الاعتداء، لبدت كتكوتا بالنسبة لها"ووصفتها بامرأة مثل الغول تضربني وتكسر نظارتي .. وهذا الكلام المفروض لا يخرج من داعيه اسلامى ولكن ممكن أن يخرج من ممثل كوميدى أو رجل عادى .. خصوصا أن فضيلتكم قدوة للشباب .. أنا أدين اعتداؤها على فضيلتك والذى لايرضاة عقل ولادين" ولكن كنت أتمنى من فضيلتكم أن تلتزم معها بأداب الداعيه وأن تضرب المثل فى السماحه والعفو والحلم ..أننا فى اشد الحاجه الى دعاة عاملين نأخذ من أفعالهم القدوة وليس من كلامهم فكلام الدين فى الكتب والصحف والتلفاز وعلى الشرائط والسى ديهات ويباع على الأرصفه ومايؤثر فى الناس هى الصفات فصفات الرجل تؤثر فى ألف رجل وكلام ألف رجل لايؤثر فى رجل ..كنت أتمنى أن تعمل فضيلتكم بأحاديثك الكثيرة التى سمعتها منك وطالما بهرتنى بأسلوبك الشيق عن العفو والحلم والصفح وأذكرك ببعض ماسمعته منك ..يقول رسول الله صلى الله عليه وسلم ( ثلاث والذى نفسى بيده لو كنت حلافا لحلفت عليهن مانقص مال من صدقة فتصدقوا .. ولا عفا رجل عن مظلمة يبتغى بها وجه الله الا زاده الله بها عزا يوم القيامه .. ولا فتح رجل على نفسه باب مسألة الإ فتح الله عليه باب فقر )وروى أن رجلا دخل على عمر بن عبد العزيز فجعل يشكو اليه رجلا ظلمه ويقع فيه فقال له عمر انك أن تلقى الله ومظلمتك كما هى خير لك من أن تلقاه وقد اقتصصتها ..وقد بشر اله تبارك وتعالى العافين عن الناس وامر بالعفو فى اكثر من موضع فى القرآن .. يقول تعالى فاعف عنهم واصفح إن الله يحب المحسنين (" المائدة 13") ويقول تعالى (ولمن صبر وغفر إن ذلك من عزم الأمور " (الشورى 43" )واذكرك ياشيخ خالد بموقف للرسول صلى الله عليه وسلم .. أنه كان يوما يمشى ومعه أنس فأدركه أعرابي فجذبه جذباً شديداً وكان عليه برد غليظ الحاشية ، قال "انس" رضي الله عنه : "حتى نظرت إلى عنق رسول الله صلى الله عليه وسلم وقد أثرت فيه حاشية البرد من شدة جذبه " فقال : "يا محمد هب لي من مال الله الذي عندك " فالتفت إليه رسول الله صلى الله عليه وسلم وضحك ثم أمر بإعطائه ومنع الصحابة من التعرض له ، ولما أكثرت قريش إيذائه قال : "اللهم اغفر لقومي فإنهم لا يعلمون"ياشيخ خالد تكلمت مصر كلها والبلاد العربيه عن اعتداء السيدة تغريد عليك وكان من الممكن ان تتكلم عن سماحه الاسلام فى شخصك ..ياشيخ خالد . تنازل عن القضيه واعف عن من ظلمك يقول الله تعالى فى سورة العنكبوت أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ ..... هذه فتنه لك ياشيخ يقول الله تعالى (وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ }النور22 ..فضيله الشيخ خالد .. مهما انتصر العبد لنفسه فلن يصل الى ماوعدة الله بة من اجر .. ننتظر عفوك وصفحك فما عند الناس ينفذ وماعند الله باق( اللهم انك عفو تحب العفو فاعف عنا )ارجو ان يتسع صدرك لماكتبت والله من
راء القصد واشهد الله انى احبك فيه لا تذبحوا تغريد "بقلم الاستاذ جمال الشاعر

إنتهى المقال

تعقيبـــــــى
أليس خالد الجندى من ضمن العلماء .. العلماء اصحاب أقوى عروض الموسم من الأفلام الهندية والعربية ايضاً
إذا كان ده حال من تطلقون عليهم علماء فماذا نتوقع من الرجل العادى ...
خالد الجندى من يكون ... إنه أحد شيوخ البيزنس الذى تبهرنا بيه الفضائيات وتقدمه كداعية وعلامة يتكلم فى الدين ويفتى لكل مطلقة او من تريد الخلع هو أيضاً صاحب شركة الجندى للإستيراد والتصدير والتجارة ومن الواضح انه قررالتجارة بالدين ليصبح من شيوخ البزنس الأجلاء الذين يوقرونهم كل من لغى عقله واتبعهم بدأ خالد الجندي البزنس الدينى بمشروع الهاتف الإسلامى وهي خدمة عبر الهاتف يقدم من خلالها فتاوى دينية مسجلة مقابل لاتصال هاتفي بالهاتف المعلن عنه ونظرا لان خالد الجندي تخصص بالفتاوى النسائية وفتاوى الزواج والطلاق وهي قضايا حساسة يتحرج المسلمون من مناقشتها مع الوعاظ علنا فان حجم الاتصالات الهاتفية (السرية) التي تجريها ربات البيوت مع الهاتف الاسلامي اصبح يدخل ما يزيد عن ثلاثمائة الف جنيه شهريا هو أيضاً الشيخ العلامة الذى يرتدى الزى على حسب وكيف الزبون فاذا كان الزبون من الاثرياء ارتدى احدث موديل من البدل الشيك واذا كان انسان من العامة ارتدى الجلباب فبعد التلون حسب الطلب ماذا تتوقع منه ؟؟
من الطبع لابد من أداء العرض المسرحى وببراعه حتى يلمع نجمه ويزيد شهرة

تعليقات

اختي العزيزة انهم تجار يتسترون خلف الدين من اجل ازكاء تجارتهم كما قلتي
وانا في الحقيقة لا اهتم بسماعهم لأنهم ينشرون الافكار الرجعية التي تثري ثرواتهم الطائلة شكرا لك علي الموضوع الجرئ
موضوع هايل ربنا يوفقك من حسن لاحسن
‏قال أسماء علي
عزيزتي
لا ندري ضمائرهم حقا..
لكن الأولى بهم أن يصبحوا قدوة حسنة ..
و قال الله -عز و جل- في كتابه العزيز
(كبر مقتا عند الله ان تقولوا ما لا تفعلون)سورة الصف -آية 3
...
لكن ليفهم الناس أن الدين أكبر من داعية أو غيره ..
...
موضوع متميز عزيزتي
ومالقتيش غير الاراجوز ده؟ ماهو اراجوز يابنتي واللي عمله في مراته معروف لكل الناس
قال عالم قال
‏قال أنا حر
عادل امام في فيلم طيورالظلام علشان يقنع القاضي ببراءة يسرا جاب محامي مستشيخ
هي دي النقطة ان مجتمعنا او المجتمعات الشرقيه على وجه الخصوص بتستخدم الدين دايما علشان تستعبد الشعب ويتنفعوا المشايخ على طريقة الرهبان زمان اللي في الكنائس اللي كانوا بيعيشوا على القرابين المقدمة من العبيد لله
تحياتي
‏قال الربان
تحياتي

في رأيي ، ان هناك فرق بين التحدث في الدين و بين الافتاء....

لان الدين هو الحياة...فمن الصعب بل من المستحيل ان لا نتكلم و نتحدث عن الدين....

لكن لا ينبغي لنا و لا يجوز لنا ان نتجرأ علي الافتاء...فهو لمن هو اهل له
و في رأيي ان دار الافتاء المصرية...
و لجنة الفتوي بالازهر الشريف هما مناط
الفتوي....علما بأن هاتين الجهتين بها علماء اجلاء يمثلون المذاهب المختلفة و متوفر لديهم اتفاقيات للتعاون البحثي
مع الجهات العلمية ...ومن هنا تكون فتواهم الاشمل و الافضل و الاصدق.

اما بالنسبة لموضوع الشيخ خالد الجندي
فلا تعليق....و اسال الله لنا جميعا الهداية و ان يجعلنا ممن يعملون بما يقولون...و يسدد خطانا الي ما يحب و يرضي....


تحياتي و تقديري
‏قال غير معرف…
هؤلاء المرتزقه من التجارة بالدين فى القنوات الفضائيه التى تنفق من دولارات البترول بسخاء عليهم يستغلون جهل اغلب الناس ...من يذكر محمد عبده وشخصيه عظيمه مثل طنطاوى الجوهرى
استاذ الفقه الذى نادى بالعقل فى مواجهة دعاة تغييبه منذ اكثر من سبعين سنه فى كتابيه
الجواهر فى تفسير القرآن
الصادر عام 1922 وكتاب احلام السياسه عام 1935
يقول اهتمامنا بحضارة العصر سيقلل من اختلافات الفقهاء الذى يدينهم ويتهمهم بالعمل دون ان يدروا على فناء الأسلام وبالطبع كتبه منعت فى السعوديه مهد الأسلام بالتفسير البدوى الوهابى
وفى لبنان شكيب ارسلان يقول ان المتجمدين هم الذين يضرون بالسلام
وقائمه طويله من المفكرين تقول وتحذر منذ اكثر من ستين سنه
بن باديس فى الجزائر
الباوندى والثعلبى وطاهر الحداد فى تونس
فخرى البورندى ومحمد كرد على فى سوريا
وبوشايب الدوكالى فى المغرب وغيرهم الكثير
ولا يمتون بصله لما ابتلينا به من شيوخ الجاز
‏قال غير معرف…
مصرية في أواخر حملها تنتحر لعجزها عن نفقات الولادة

28 يونيو 2008 الساعة 09:06 صباحا


لم تجد ربة منزل مصرية في الشهر التاسع من حملها حلا سوى إنهاء حياتها بعد أن فشلت في تدبير مصاريف الولادة، وذلك بحسب ما أفاد تقرير إخباري نشر الخميس 26-6-2008.

وكانت رباب البالغة من العمر (٣٠ عاماً)، تزوجت العام الماضي من عامل بالأجر اليومي، وظهرت المشاكل في الأسرة الصغيرة بعد شهر واحد من الزواج لفشل الزوج في تدبير الاحتياجات الأساسية لضيق ذات اليد وقلة العمل، وأصيبت رباب باكتئاب حاد بعد علمها بحملها.

وبحسب صحيفة "المصري اليوم" بدأت رباب عندما بلغ الجنين شهره التاسع في بطنها تفكر في طريقة لتدبير نفقات الولادة غير أنها أخفقت وزوجها في الوصول إلي أي حل، وزاد اكتئابها فأغلقت على نفسها باب شقتها ورفضت التحدث مع أي شخص حتي زوجها ووالدتها التي تسكن في شقة بالطابق الثالث من لعمارة نفسها.

وتقول والدتها إنها فوجئت بها تصعد إليها أمس الأول وهي منهارة وغارقة في بكائها، وتضيف الأم: "قالت لي سامحيني أنا شربت مبيد حشري حتى أرتاح من الدنيا ومشاكلها" فصرخت طالبة النجدة، وحاولت إقناعها بالذهاب معي إلى المستشفي لكنها فاجأتني بالتوجه إلي الشرفة وإلقاء نفسها.

وقالت الصحيفة إنه تم نقل رباب في حالة يرثي لها إلى أحد مستشفيات القاهرة، حيث لفظت أنفاسها الأخيرة على باب المستشفي، وتحرر محضر بالواقعة وصرح رئيس نيابة الخليفة، بدفن الجثة.
‏قال عمر عاصي
يا جماعة ,

جميعنا نخطئ ونصيب ,, وربما هذا الداعية اخطأ وانا لا اعرف بهذه القصة , الا من خلال المدونة

ولكن نحن دائما نريد الداعية ملاكاً

الدعاة ليسوا ملائكة , فمثلا عندنا في القرية اذا فعل الشيخ امرا , يمسي الناس جميعهم يتحدثون عن خطأه !!

بينما نخطئ الف الف مرة في اليوم !

وان انتقدنا احد ربما لا نقبل ونغضب الا من رحم ربي

وشكرا
مش هيتنازل
(والالقاب فعلا تباع)

الف مبروك على اذاعة الحلقة
‏قال Desert cat
معلشى بس هرد على الأخ حمادة اللى كتب لى فى خالد الجندى قصيدة شعر وقعد يقولى عيب وميصحش نتكلم على العلماء بالشكل ده وده عالم وفقيه متخرج من الازهر على اساس ان كل اللى اتخرجوا من الازهر علماء وفقهاء
اتفضل يا سيدى العالم الفكيك بتاعك وتاريخه الاسود
الطريف ان الشيخ خالد الجندي الذي كان ولايزال يحذر المراهقين والمراهقات من مخاطر الزواج العرفي ويعتبره زواجا خارجا عن الشريعة قد ضبط متلبسا بزواج عرفي حيث تبين ان فضيلته كان يواقع امراة في احدىالشقق السرية في السيدة زينب منذ عام 1999 ولما ضبطته زوجته وشاع الخبر وتدخل بوليسالاداب ابرز لهم فضيلته نص عقد زواج عرفي تبين انه مزور لان البند الرابع فيه ينصعلى انه " اقر الطرفان انهما سبق لهما الزواج من تاريخ سابق وقد حصل كل منهما على الطلاق من زوجه السابق بشكل نهائي" وهذا ليس صحيحا لان فضيلته لم يطلق زوجته الاولىوقد احتال على القانون ليتمكن من مواقعة المرأة المذكورة مجانا وفي شقة سريةاستاجرها في السيدة زينب
من امتا اخلاق العلماء كانت بالقذارة دى
من امتا الفقهاء اللى المفروض انهم قدوة ودارسين الدين يعنى هما احق الناس بتطبيقه اخلاقهم مزبلة بالشكل ده
‏قال nody
دا يا قطه مش اللبس الى تبع الزبون
دا الفتوى كمان يا حبيبتى
يعنى فتوه القاهره اليوم
للناس الاغنيه الى عندهم اشتراك اوربيت
عقبالك يا قطه
غيرالفتوى الى على تلفزيون الغلابه
واهو كله رزق
واكل البيتزا مر ياقطه
‏قال Desert cat
محمد حلمي مخلوف
بالظبط يا استاذ محمد تلاقيهم قاعدين يفتوا طول النهار بكلام مالوش علاقة ببعضه وفكر متخلف ويغلفوه بقال الله وقال الرسول
تحياتى
‏قال Desert cat
ابتسم من فضلك
ميرسى يا جميل
‏قال Desert cat
د\أسماء علي
اولا اهلا وسهلا بيكى وشرفتى المدونة
بالنسبة لخالد الجندى فانا مش فاهمه ازاى داعيه حسب الطلب
هو مش المفروض ان الدين مالوش علاقة بالأهواء الشخصية
والمفروض بقى انه طالما اخد الدين طريقه يبقى قدوة يتبعها الناس
للاسف يا عزيزتى دلوقتى الدين اصبح تجارة لمن لا عمل له
تحياتى
‏قال Desert cat
جبهة التهييس الشعبية
ماهو للاسف يا حبيبتى الناس اللى مسلمه لهم عقلها وعايشة فى حالة الدروشة جاية تقولى علماء
ولما يذكروا لك عالم معين وتجيبى لهم فضايحه يقولوا لك هو مش بشر
اه هو بشر بس انتوا بتقولوا عالم يعنى خطأة على الاقل ميوصلشى للجوزا العرفى يعنى فرق ايه كدا عن طلبة الجامعه والساقطين العالم بتاعكو
شرفتينى ونورتينى يا نوارة
‏قال Desert cat
أنا حر
ماهو الناس يا احمد اللى خلت كل من هب ودب يتكلم فى دين وكل واحد حاسس علشان بيسمع لعم الشيخ اللى بيقول كلمتين فى الدين كدا خلاص داخل الجنة من اوسع ابوابها وميعرفش ان عمه الشيخ اصلا متجوز فى السر جواز عرفى بعقد مزور
تحياتى
‏قال Desert cat
الربان
تعرف يا استاذى العزيز
انهم علشان يروجوا تجارتهم فى الدين اصبحوا يقولوا ان الازهر حزب وطنى علشان كدا كل فتواه لصالح الحزب الوطنى وخدوا فتواكم من افواع العلماء الاجلاء اللى هما امثال خالد الجندى يعنى
بمناسبة ايه خالد الجندى عالم مش فاهمه انا
مش المفروض ان الدين الاسلامى اللى هو دارسه وبيفتى بيه لكل اللى عايز فتوى دين سماحة وعفو
طيب ليه وهو بيتكلم وبيوصف فيها وبيصورها كانها عمارة متحركة مذكرش السبب الحقيقى يعنى هتروح تعتدى عليه من الباب للطاق
احترامى وتقديرى
‏قال Desert cat
Anonymous
عزيزى/تى
دعنا نتذكر سوياً الشيخ عبدلحميد كشك
رحمه الله قد مات فقيرا لانه لم يتكسب من عمله وكانت دروسه متاحةلكل من يصلي في المسجد الذي يخطب فيه لكن دروس الشيخ خالد الجندي مقصورة على روادالفنادق الخمس نجوم والفلل الفاخرة لاثرياء القاهرة والاسكندرية ومنازل الفنانين والفنانات
وما اكثر المغيبين ومن يتركون عقولهم لمثل هؤلاء المرتزقة ليعثوا فيها كما يشاءون ليقضوا على ركب الحضارة والسلام
تحياتى
‏قال Desert cat
Anonymous
الله يرحمها برحمته الواسعة
بس كان ممكن تفكر شوية قبل ما تنتحر رباب كان ممكن تلبس النقاب وتقعد تفتى فى اى كلام وخلاص المهم تغلفه بحديث شريف وكانت وقتها هتوفر مصاريف الولادة والولادة اللى بعدها كمان
‏قال Desert cat
أحمد العربــ 48 ــي
حضرتك تدخل تعمل سيرش فى جوجل وهتلاقى مئات المواقع متناولة الموضوع ويمكن بشرح مفصل
بالنسبة للداعية انا مقولتش انه ملاك بس هما الشيوخ الى عندك فى القرية دول مش الناس بتروح تاخد منهم رأى الدين فى مجلات الحياة المختلفة
مش المفروض يكون قدوة للناس اللى بتثق فيه على اساس انه العالم الفقيه اللى لابس جبة وقفطان وقاعد يدل الناس على الطريق الصحيح اللى هيدخلهم الجنة
ماهى الناس عندها حق تتكلم فى خطأة لأن لما المفروض القدوة يخطأ ترك ايه للعامة من الناس اللى هو هيدخلهم الجنة
‏قال Desert cat
الطائر الحزين
طبعا يتنازل ازاى وهو ما صدق اى حدث علشان الصحف تكتب والمجلات تنشر وسائل الاعلام تذيع الشيخ اللى اعتدت عليه واحده ست واللى مش عارفه ولا سمع عنه يقعد يستناه مواعيده اللى بيفت فيها علشان يشوف مين الشيخ ده
طبعا دى فرصه يتنازل ازاى
‏قال Desert cat
الطائر الحزين
طبعا يتنازل ازاى وهو ما صدق اى حدث علشان الصحف تكتب والمجلات تنشر وسائل الاعلام تذيع الشيخ اللى اعتدت عليه واحده ست واللى مش عارفه ولا سمع عنه يقعد يستناه مواعيده اللى بيفت فيها علشان يشوف مين الشيخ ده
طبعا دى فرصه يتنازل ازاى
‏قال غير معرف…
انتى مالك متغاظة منه كدا ليه وهطقى من جنابك اعصابك يا ماما احسن يطق لك عرق
اولا الشيخ خالد الجندى انسان محترم
والتجارة مش عيب وكمان لو بتفهمى هتعرفى ان الرسول اشتغل فى التجارة يعنى مفيهاش حاجه لما يبنى نفسه
وبعدين الست اللى اعتدت عليه دى مختلة عقليا وحد وزها عليه علشان تسوء سمعته
‏قال غير معرف…
الشيخ خالد الجندى عالم غصب عنك
‏قال Desert cat
Anonymous
انا مش متغاظة منه يا فندم
وبعدين انت عايز تشبه خالد الجندى بالرسول ده شتان بين المثالين
واليك بعض المعلومات اللى هتساعدك فعلا فى معرفه ان خالد الجندى راجل عصامى بيبنى نفسه بنفسه
خالد الجندي اختار العمل تحت شعار الاستيراد والتصدير لذاسارع الى تاسيس شركة (الجندي للنشر والاستيرادوالتصدير) ولا ادري ما علاقة (النشر) بالاستيراد والتصدير لكن من الواضح انالاسم العام للشركة يسمح لصاحبها الاتجار بكل شيء والطريف ان مهنته الوارد ذكرها في جواز سفره الذي نشرت صورته مجلة روزاليوسف القاهرية ليس الوعظ والارشاد وانما المهنة (تاجر)!!
خالد الجندي اعطى لمحطته يحصل على اربعة الاف جنيها فقط عن الحلقة الواحدة ونظرا لان شروط العقد مع الفضائية التي يعمل بها لاتسمح له بالظهور على الفضائيات المنافسة فقد تفتقت قريحة فضيلته عن (خدعة) تدخل ضمن الغش الذي نهانا عنه الرسول عليه السلام فقد سجل خالد الجندي حلقات للفضائيات المنافسة بعد ان وضع شاربا مستعارا حتى يقول فيما لو جرجرته محطته امام المحاكم ان الحلقات المسجلة بشارب سجلها قبل ان يتعاقد مع المحطة الفضائية الجديدة التي يظهرفيها بدون شارب!!
خالد الجندي الموظف براتب مقداره 120 جنيها فقط استطاع بعد ان تاجر بالاسلام والمسلمين طولا وعرضا ان يشتري وخلال اقل من عامين الشقة رقم 7 بالدور الرابع بالعقار رقم 3 شارع لبنان ودفع ثمنها 700 الف جنيه ... واشترى احد شاليهات قرية مينا السياحية بالساحل الشمالي مقابل 300 الف جنيه والطريف ان وسيطه في شراء هذا الشاليه هو الفنان شريف منير!!
اما الشقة الفخمة الكائنة في الطابق السادس في 252 شارع بورسعيد فقد حولها خالد الجندي الى مكتب يستقبل فيه الزبائن من طالبي الفتاوى ووفقا لما نشرته روزاليوسف فان الشيخ يستقبل في هذاالمكتب بعض الاشخاص الذين ساعدوه في الحصول على الماجستير في علم الحديث وتردد - كما تقول المجلة- ان فضيلته فشل لثلاث سنوات في تخطي السنة التمهيدية للماجستيرامام كلية دار العلوم جامعة القاهرة فتقدم باوراقه لاحدى الجامعات اللبنانية للحصول على الشهادة منها.
اما آخر معلومة وصلتني عن هذا الشيخ فملخصها ان الاجهزةالامنية في بلده رصدت نشاطا مشبوها للشيخ له علاقة باحدى شركات انتاج الافلام في هوليوود ويبدو ان هذا النشاط هو الذي دفع بالشيخ الى الحصول على اقامة دائمة في دبي وقد ساعدته في الحصول على هذه الاقامة الشركة الامريكية المذكورة التي تمتلك مكتبافي دبي وقد حصلت له على الاقامة بدعوى انه 0المستشار الديني) للشركة!!
الشيخ الشاب من مواليد عام 1961 ومجمل مرتباته من وظيفته في وزارة الاوقاف حتى الان لاتشتري له 0سكوتر) ومع ذلك فالشيخ يمتلك عدة سيارات مرسيدس تدخل اثمانها في خانةالملايين وحتى يتهرب من الضرائب سجلها باسمي ابني شقيقته طارق عبد الفتاح وتيمورعبد الفتاح الذي سجل باسمه سيارة فورد امريكية آخر طراز.

تحب تعرف بيانات اكتر
ولا نكتفى بهذا القدر ؟؟؟
‏قال Desert cat
عالم غصب عنك
عالم غصب عنك انت لان انا ربنا وهبنى عقل اميز بيه وعندى القران والسنة منهجى مش بسلم دماغى لحد
وممكن تراجع ردى على غير معرف علشان بعد كدا تبقى تلتزم ادبك
‏قال Desert cat
nody_1987
طبعا يا نودى ده غير الفتاوى اللى فى الفنادق 5 نجوم ده غير فتاوى الفنانين والفنانات الراجل ده قلبه كبير بصراحة وبيحب يخدم كل الناس وابجنى تجدنى متابجنيش متلاقنييش
:)
تحياتى
‏قال غير معرف…
أنا مش فاهم بصراحه هو عفريتكم اليومين دول أسمه الدين؟
أنا أعرف أن الواحد قبل ما ينقض أفعال الناس يدرس الموضوع اللي هيتكلم فيه
هل الباشمهندسه دارسه ولا حاجه؟؟
ولا كل ما واحد ولا واحده يفتح موضوع تطلعيلينا زي مفتي الديار بوجهه نظر مره تدعم ومره تنفي
‏قال غير معرف…
Anonymous تي

أنا معجب بكلامه
طيب هو خايف ليه ؟؟
مش يعلن عن نفسه مادام واثق :))
‏قال غير معرف…
معك حق تماما فيما تقولينه

احيانا كثيرة اقف امام قوله سبحانه وتعالى
" ولا تشتروا بآياتى ثمنا قليلا"

فلازلت لاأفهم أن يكون عمل واحد هو الدين .. فهل كان يتكسب الرسول من دعوته؟ ..وهل كان يفعل ذلك من بعده اعمدة العلم الاسلامى الاوائل؟ .. لاادرى
عزيزتى
اعفينى من التعليق على حكاية الشيخ خالد الجندى تحديديا لانى مش متاكده من اى معلومات ذكرت وولم يحدث ان سمعت عنها من قبل او قراتها فى اى مكان .. وهذا يمكن لجهل منى

ولكن اعذرينى عزيزتى
البعض هياخد من كلامك للاسف ويتاجر للاشهار باخلاق وبسمعه دعاة الدين الى حليتنا فى البلد دى اليومين دول

بلدنا التى قامت بالقضاء على اى رمز واى عالم ديني احبه الناس ووثقوا فيه والتفوا حوله .. واذا ذكرت عمرو خالد كمثال ليس حبا فيه ولا اقتناعا حتى بما يقول .. بل لما حققه هذا الرجل من شهره وانتشار على مستوى شباب فكره الدش والفضائيات

فى نفس الوقت الى ظهر فيه مرتزقة الصحف وغيرهم .. الى هاصوا مع الهيصة ويقولوا الشيوخ الى بتتكلم على عذاب القبر ...لشيوخ الى بيلبسوا جلاليب ويخوفوا الناس .. الشيوخ الرجعيين المتخلفيينا لى مش لاقيين ياكلوا


طب الناس دى تعمل ايه علشان تلاقى ليها مكان بين شباب اخرة الرنة والمسج وفى نفس الوقت تسلم من شرر السنة امثال هوؤلاء المرتزقة المتطاير


وطبعا مش معنى كده ان الفضائيات والشاشات الى ملهاش لازمة مليانة شيوخ التيك اواى والسيكو سيكو


بس اعذرينى .. بلاش نخلى الكلام على المشاع .. علشان ما تتاخدش ناس عاطل على باطل


واعذرينى تانى مرة اذا طولت علييكي

ولكى كامل احترامى وتقديري
‏قال Migo Mishmish
سيبك بقه من الليله ديه كلها. انتي عارفه قالوا عالست ايه؟ قالوا عليها مختله عقلياً
يعني بتاع حادثة محرم بيه بتاعه الاعتداء على تلات كنايس في 3 امكان مختلفه في نفس الوقت تمت على ايد مختل عقلياً. والراجل بتاع بني مزار اللي دبح الناس وهي نايمه ومثل بجثثهم طلع مختل عقلياً. والراجل اللي اتقتل في المنيا في احداث دير ابو فانا مختل عقلياً مع ان كل الحوادث ديه واقف وراها ناس عارفين كويس هما بيعملوا ايه بس الظاهر لان الناس ديه اكبر من القانون او لان المسئول عن التحقيقات مختل عقلياً فاكتفى بالكلمتين دول علشان ما يوجعش دماغه في البحث عن السبب. في فتنه طائفيه مين قال كدة داحنا زي الفل واللي عمل كدة مجنون. فيه تجارة اعضاء وبتعاملوا مع البني ادمين على انهم خرفان بيدبحوهم وياخدوا منهم اللي هما عايزينه. مين قال كدة بس تجارة اعضاء ايه ده اللي عمل كدة مجنون. في اسلحة تكفي الجيش وتزيد في الصعيد وفي اي خناقة بيتهألك الحرب قامت. اسلحه مين يا عم ده القتيل كان مجنون وهو اللي جري ناحيه الرصاص. والست اللي جات من بورسعيد للقاهرة ووقفت قدام التليفزيون وعارفه ان الشيخ موجود جوه بيصور واستنته ووقفت عربيته وضربته هو مش محمد سعد وقالتله انه خرب بيتها. نحقق ليه في الكلام اللي قالته وندور ورا سيدنا الشيخ ديه مجنونه
وليس على المجنون حرج
هدي اللعب يا قطة نحن نعيش في مدينة البهائم
Love,
MishMish
‏قال Desert cat
Anonymous
لاء يا فندم انا مش مفتى ديار
لأن دار الأزهر وشويخها العظماء هم أهل الإفتاء وليس مسوخ المد الوهابى
‏قال Desert cat
Anonymous
طيب مش من الاولى وانت داخل تنتقد فعل لا تاتى بمثله
يعنى داخل عايز تتعرف على الغير معروف وانت اساسا مجهول او مجهولة
‏قال Desert cat
Sherif
لا تستغر بمن شيئ يا عزيزى فاموال البترول تدعمهم للانتشار على الفضائيات بفكرهم الوهائى ليسعوا لنشره فهو اذن ليس فى حاجه لاى عمل اخر اذا كان دخل عمرو خالد من الحلقة الواحد 5000 دولار ودخل خالد الجندى 4 الاف دولار يبقى يشتغل ليه ويتعب دماغه هو يحفظ له آية وحديث ويقعد يمط فى الكلام ويبقى كدا شيخ وعالم كمان
تحياتى
‏قال Desert cat
بنوتة من وسط البلد
اولا اهلا وسهلا بيكى يا جميل
ثانيا حكاية السيدة تغريد وخالد الجندى حدثت فى الشارع يعنى على مرأى ومسمع من الجميع
بالنسبة لشيوخ البزنس
من اتخذوا الدين تجارة وسبوبة
الا اصدار الفتاوى الجاهزة على حسب الأهواء الشخصية وجلسات تفاسير الاحلام
انهى عقل يمكنه ان يقبل هذا الفكر الذى يلعب حسب المزاج القران والسنة واضحين لمن يريد فالرنة والمسج الإسلامى ده أسمه تحايل والدين براء من مثل هؤلاء المحتالين .. لا يسوغ التأويل إلا بدليل عقلي قاطع أو نقلي ثابت
مينفعش اسلم دماغى لحد لمجرد انه بيغلف كلامه بقال الله وقال الرسول
المدونة مدونتك وطولى براحتك
تحياتى
‏قال Desert cat
Migo Mishmish
عرافه يا مشموشة وده اللى اثار اشمئزازى
يعنى بدل ما يحققوا فى الواقعه ويعرفوا الست تغريد اعتدت على هذا المحتار ليه وايه الدافع
على الاقل كانوا حققوا فى الكلمات اللى قالت له اثناء الواقعه
علشان يتبينوا مدى كذب واحتيال المدعى خالد الجندى وتاريخه الاسود خير شاهد على افعاله
تحياتى يا مشموشة
‏قال R-H-S
انا شخصيا بحب اسمعه في البيت بيتك علي طول
وبعدين ما ياما الصحف كتبت عن الناس بالباطل
انا شايف ان الراجل محترم والكلام جميل
بس الموضوع صدمني
وخصوصا انك كاتبه انه في جريده كان بيواقع واحده بعقد عرفي مش داخله الدماغ برضه
علي العموم الحق اكيد هيظهر
‏قال غير معرف…
انا جاي اسجل اعجابى بعقلك المستنير وطريقة تفكيرك وبحثك الدئوب على اى معلومة تتلقيها والتحقق من مدى صحتها
ولستى كالحمار يحمل اسفارا
مسلم عقله للحشو
ولستى ايضا مرائية تلعبين على جميع الاوتار فتارة معهم وتارة عليهم
ومن يمكن منه الاستفادة المادية ماشى او لو ينفع عريس برضه ماشى
ولكن اشهد الله يا اختى بالرغم من انى لا اعرفك الا من خلال كتاباتك الا انى احبك جدا فى الله
انسانة مستنيرة تعى جيدا ما يدار حولها
وتتخذ القرار الصحيح فى الوقت الصحيح

انسان يمكن تعرفيه
‏قال Desert cat
GeHaD-----(male)
ياجهاد انت تحبه او متحبوش دى حاجه شخصية ملناش احنا فيها
بالنسبة للموضوع دى رسالة استاذ جمال الشاعر والواقعه كانت فى الشارع على مرأى ومسمع من الجميع كونك مش بتقرا جرايد او مش بتابع اخبار الراجل اللى بتحبه برضه حاجه ترجع لك لوحدك
بالنسبة لواقعة انه كان متجوز عرفى ده مش كلام جرايد دى كانت فضيحة برضه على مرأى ومسمع من اهل السيدة كلهم اصل الموضوع لوصل لدرجة ان بوليس الاداب اتدخل فى الموضوع
شوفت بقى الراجل المحترم
‏قال Desert cat
انسان يمكن تعرفيه
اولا وقبل اى حاجه احبك الذى احببتنى فيه
وميرسى جدا جدا لزوق حضرتك
ثانيا انا وقعت فى نفس الشخصية اللى حكيت عنها دى لكن الحمد لله مع اقرب موقف عملت ديليت للشخصية دى من حياتى كلها وكانها مدخلتش فيها
وربنا يبعدهم عننا وعن حضرتك
اشكرك مرة تانية ويشرفنى دائما زيارة حضرتك
تحياتى
desert cat
إزيك,,

مقال جمال الشاعر فى المصرى اليوم بتاريخ24يونيو الماضى ,,,يحمل صيغة تحليلية عامة بعد بها عن تفاصيل الحادثة ليقول أن أى شخص فى المجتمع يمكن أن يكون فى لحظة ما (تغريد) دون أن يشعر لأن كل المقدمات تقودنا جميعا لكى نتحول إل تغريد,,إستشهاده بجملة محمد الماغوط(لا بد ان أحاكم شخصا ما بتهمة ما) هو استشهاد أكثر من رائع وعميق,,

فالواقع يؤكد أن أغلبنا ينقسم إلى نوعين إما (تغريد) وإما (فى الطريق لكى نكون تغريد)

حرمت تغريد من كل شىء تقريبا كأغلب المصريين,,وككل المصريين لديها مسلمتين أساسيتين (الوطن والدين) وقد شعرت بانطفاء مصباح الوطن تدريجيا, وفساد من يحكمونه ,فكفرت بهم وبالوطن, ويتبقى الدين ويصعب عليها أن تكفر به, فاكتفت أن تكفر بدعاته , وهذا أضعف الإيمان!!1

وجدت تشابها كبيرا بين رجال الحكم الذين يزينون لنا الحياة من خلف الشاشات ورجال الدين الذين يزينون لنا الآخرة من خلف الشاشات أيضا, ويوعدوننا بأننا فى الطريق الأمثل إن فعلنا مايلى:
1_
2_
3_
4_
فوجدت نفسها أنها تفعل بفطرتها مايقولونه منذ سنين ,منذ صغرها وهى تفعل هذا, فالدين عندنا فى الجينالت وليس فى الفضائيات, وكذلك علمها أجدادها ,دون الحاجة لإقرأ والناس,,
لم يتغير شيئا ,إذن إماالدين على خطأ وإما هؤلاء أفاقون؟!!,, وبعد فترة تشتت ,,وتردد وحيرة,استقرت على ان هؤلاء أفاقون , فاستقلت ميكروباسا إلى القاهرة وتوجهت إلى ماسبيرو وانتظرت يوما او بعض يوم, لتقول لهم (بل أنتم أفاقون)......

تحياتى وإحترامى
‏قال غير معرف…
قطقوطتنا الحلوه

خالد الجندي زيه زي عمرو خالد زي المتطرف اللي اسمه صفوت حجازي اللي طالع في مقابله بيقول انه موصي مراته ترضع ولادها كره لليهود
دول بيفتوا علي حسب الفلوس اللي بيدوهالهم
بيعملوا علينا شيوخ و اديكي شوفتي تصريحاته
احنا طبعا بندين اللي عملته تغريد لكن تصريحات زي اللي قالها خالد الجندي نقول عليها ايه بقه؟
شوفي وجهه نظري الشخصيه ان تغريد دي تعرف خالد الجندي كويس و اتذكر من فتره جريده الفجر او صوت الامه مش فاكره بظبط كانت مستلمه خالد الجندي و قالت انه اتجوز واحده عرفي و مع انه علي طول بيطلع يستنكر و يشجب الزواج العرفي بس انتي عارفه دول بوشين ياقطه فطبيعي يهاجم الجواز العرفي و يعمله

ده تاجر ياقطه و التاجر مايهمهوش الا الفلوس

مع محبتي ياقمرايه
‏قال Desert cat
عمرو (مواطن مصرى)
انا الحمد لله يا عمرو كويسه
يارب تكون بخير وكله تمام
انا قريت مقال جمال الشاعر فى المصرى اليوم
بس هتستغرب منى لو قولت لك انى اتضايقت علشان مطلبش التحقيق فى احداث الواقعة وايه الدافع اللى خلا تغريد تعمل كدا ... ليه محققوش فى الكلمات اللى قالت لها تغريد وهى بتعتدى على خالد الجندى علشان كلنا نعرف مدى خطر هؤلاء المسمين بالدعاة من جاءوا ينشروا الفكر الوهابى اى الدين المتجدد على راى محمد بن عبدالوهاب على اساس ان فى دين قديم يعنى ودين متجدد .. اتفق معاك يا عمرو بان يوجد العديد من تغريد ومن هم فى الطريق ليكونوا تغريد .... طالما هناك من يلهثون خلف الفكر الوهابى ليقضوا به على الاخضر واليابس حتى تعود بلادنا لعصر الظلاميين والقضاء على العلماء والمفكرين ليسود الظلام الدامس هذا البلد الامين رغم الاخطاء الفادحة والمواقف الفاضحه .. طالما هؤلاء الفئة توجد بيننا اذن سيكون هناك الالاف من تغريد
دمت بالف خير
احترامى وتقديرى
‏قال Desert cat
اجندا حمرا
صديقتى العزيزة والغالية جدا احلى اجندة
كلهم يا حبيبتى ميفرقوش عن بعض حاجه الفرق الوحيد بينهم تفاوت المبالغ اللى بيقبضوها من القنوات اللى بيشتغلوا فيها غير كدا كله لعب ال3 ورقات
كانت روز اليوس يا قلبى ونشرت فضايحه ولما مراته القديمة اللى كانت مسيحية وما اعلنش زواجه منها الا بعد حملها فى الطفلة الاولى هى اللى شكت ان فى واقعه زنا الجندى بيرتكبها وبلغت بوليس الاداب
انا مش عارفه الناس دى مش بتتكسف لما بيقول كلام ويعملوا عكسه
على راى نوارة دول اراجوزات
تحياتى يا جميله
‏قال Zika
عارفه يا قطه كمان
دلوقت الموضوع زاد عن حده اوي
لدرجة ان في حتي شيوخ كانوا زمان ما بيعملوش كده
بس ركبوا الموجه
والحمد لله الدعاه والشيوخ عندنا
ال يعني كان ناقصهم العيب ده
بس انا والله بقول ان ده كويس في حد ذاته
عشان كل واحد يبان علي حقيقته

المشاركات الشائعة