التعليم أدب مش هز أكتاف

فى كل عام تكثر البلبلة حول إمتحانات الثانوية العامة
الإمتحان صعب
الإمتحان من خارج المقرر
إشمعنا هيجيبوا الإمتحان من خارج المقرر بينتقموا من الطلبة على اساس فى بينهم كلهم وبين واضعى الإمتحان معرفة شخصية وتار بايت لابد من تصفيته
انا طول السنة بشوف طلبة ثانوى ماليين الشوارع رايحين جايين دروس وفى ساعه فرق بين الدروس او ساعتين بيقضوها فى التسكع فى الشوارع او كل واحد مظبط مع واحده بيقابلو بعض وممكن الوقت يسرقهم ويقلبوا الدرس اللى بعده وعادى جدا ما فى ستين داهيه هو المدرس مش بياخد فلوسه اخر الشهر وخلاص
ويجى معاد الامتحان الاهالى يصوتوا ويلطموا والعيال طول السنة مطحونين فى الدروس
والامتحان صعب وجاى من خارج المقرر وهما ميعرفوش ان العيال طول السنة مقضيينها خروجات وهدايا عيد الحب والاهالى نايمين على ودانهم .... طبعا فى طلبة بيذاكروا وبيكونوا حاطين قدامهم هدف طب وهندسه وبالفعل ربنا بيكون معاهم " لأن الله لا يضيع اجر من احسن عملا " وده بلاقيه واضح وضوح الشمس وانا بطلع نتيجة الثانوية اللى بتكون عامله زى ميكون نتيجة حياة او موت بمعنى كل واحد بيكون واقف فاتح بؤه ومبرق عنيه وناقص يقولى ها يا دكتوره هتضحى بالجنين والام علشان الدكتور يعيش ؟؟؟
نيجى بقى لمهازل هذا العام وهى تسريب الامتحانات اللى كلنا قرينا عليها وكلنا دعينا على اللى سرب الامتحانات
طيب خلينا كلنا مع بعض ونتابع ما نشر فى موقع مصراوى
وأوضح مصدر بالنيابة أنها أستدعت ضابط الشرطة العميد حسن خليفة على سبيل الإستدلال وليس على سبيل الإتهام بعد ثبوت تناقض وأتهامات المتهمين السابقين له ومن بينها أن نجل ضابط الشرطة ويدعى مصطفى حسن خليفة بالصف الثانى الثانوى كان يحصل على إمتحانات العام الماضى من خلال المتهمين..
فى حين أن نجل ضابط الشرطة كان فى الصف الأول فى العام الماضى وكذلك بعد نفى عزت خليل والمحبوس على ذمة التحقيقات بوجود سابق معرفة بينه وبين ضابط الشرطة-حسبما ذكرت وكالة انباء الشرق الاوسط

وده معناه ان فى يد خفية فى الموضوع هدفها الثرثرة والبلبلة والله اعلم بقى بالهدف الحقيقى هل يينجحوا العيال كلهم بغوغائية وبرضه هنستنى لما نشوف اخر الموضوع ده ايه
بالنسبة بقى لاعمال البلطجة اللى عملوها طلاب الثانوى وقاموا بتكسير زجاج سيارات المراقبين
نشوفها برضه من موقع مصراوى
من ناحية أخري حطم طلاب 6 لجان بالمدرسة الثانوية العسكرية بمدينة أبوكبير زجاج نوافذ المدرسة وسيارة أحد الملاحظين بقذفها بالطوب احتجاجا على صعوبة أسئلة إمتحان مادة الاحصاء للثانوية العامة وفشلهم فى الأجابة عليها وذلك خلال فترة الإستراحة قبيل إمتحان مادة الأقتصاد.
وقرر كامل عنان وكيل أول وزارة التربية والتعليم بالشرقية أحالة 30 طالبا إلى التحقيق لأتخاذ الاجراءات القانونية ضدهم وذلك بعد أن تم تحرير محضر بما احدثوه من تلفيات.
ومن ناحية أخرى ...قرر عنان أحالة طالبة بلجنة مدرسة الوادى الشرقى بإدارة أبو حماد التعليمية إلى التحقيق لقيامها بتمزيق ورقة أجابة مادة الأحصاء لفشلها فى حل الاسئلة .. فيما أكد عنان أن غرفة العمليات المركزية بالمديرية لم تتلق أية شكاوى حول صعوبة أو طول أو غموض أسئلة الإمتحان.

يعنى اصبحت البلطجة هى السياسة المتبعة دلوقتى فى التعليم
طيب انت مش مذاكر يعنى من الاخر عيل فاشل وكمان مش متربى ؟؟؟
عملك ايه اللى كسرت عربيته ؟؟؟؟
زجاج شباك المدرسة اللى هو مال عام للجميع هينتفع بيه حد غيرك تكسره ليه ؟؟؟
لكل أولياء الأمور مش قبل ما نقعد نلوم على الامتحانات واللى وضع الامتحانات والمراقبين فى اللجان اللى ولادكو كسروا عربياتهم نعلمهم ازاى يتعاملوا معاملة آدمية مع الناس ونعرفهم يعنى ايه كلمة احترام ولو ليا حق اخده بالقانون وما ضاع حق وراءه مطالب
مش نتابعهم ونعرف ولادنا بيعملوا ايه ونسأل عليهم مدرسينهم ونشوف مستواهم العلمى خلال العام
ولا احنا لا نجيد غير فن التباكى

تعليقات

‏قال blue-wave
انتى جبتى المفيد
فعى المشكله ان الجيل اللى طالع مالوش فى التعليم ولا بيفكر من اصله وماشيين من سئ لأسوأ والبركه فى الفضائيات
‏قال alexandrany
مممممممممم
على فكرة هي اسمها وزراة التربية والتعليم
يعني التربية قبل التعليم
بس بما ان الوزارة سابتها خالص من موضوع التربية دي
وركزت في موضوع التعليم جاااامد
عشان كده طبعا احنا شايفين دلوقتي الجهابزة في العلم اللي بيتخرجوا من الثانوي مثلا وهما مش فاهمين
مع ان بره مش كل الهاي سكوول بيدخل كلية بس العيال بتبقى فاهمه كويس ومحدده هي عايزة ايه
وطبعا سابوا التربية دي على الأباء
وبما ان الاباء طبعا سابوا التربية بدورهم للتليفزيون وافلام الحب والمهيصه اللي ما فلحوش غير فيها
ظهرت عندنا عباقرة الشارع
ازاي الولد يوقع البت وازاي البت تدوخ الولد وراها
وبيستنوا الامتحانات عشان تبقي حجه اكبر عشان يخرجوا مع بعض
كنتي فين يا بنت ..كنت براجع الامتحان مع نهى صاحبتي يا ماما
:)
وفي الاخر طبعا لازم المشكلة تكون في اللي حاطط الامتحان والمراقب واللي ماسك اللجنة

طيب ال 50% اللي جايبين فوق ال 95% دولا من الولاد والبنات جابوهم ازاي
بياخدوا دروس ..طب ما انتو كمان بتاخدوا دروس
ولا هي الدروس اللي بياخدوها غير اللي بتكتشفوها في الشارع
ومن الاخر الميه بتكدب الغطاس زي ما بيقولوا وكله بيبان في النتيجه
وربنا يسترها معانا
‏قال سنووايت
انتي عارفة اول ما شفت تقرير عن اللي حصل افتكرت ايام امتحاني في التفاضل بردو جه صعب والفيزياء والناس كانت بتعيط ومنهارة
حسيت انه عادي هو دا اللي بيحصل كل سنة ونا س بتحل وناس بتعيط وخلاص

السنة دي اللي زودها التسريب اللي حصل ويمكن يكون كان بيحصل قبل كدة بس من غير ما ينكشف او بدرجة اقل , يعني بياخدوا بالهم ويحاولوا ما يبانوش لكن دلوقتي اللي عايز يعمل حاجة بيعملهلها لان مفيش حد بيحاسب حد
بس ربنا هيحاسبنا كلنا
واكيد هيحاسب كل واحد مسئول عن الفضيحة دي
‏قال R-H-S
الواحد مش متخيل انه يكون معاه امتحان الثانويه العامه قبل ما يدخل الامتحانا نفسه
اكيد هيبقي الواحد مزهول ومش هيعرف يحل....هههههه

انا بقي عاصرت الثانويه العامه العيال مكنوش بيكسروا زجاج العربيات دول كانوا بيضربوا المراقبين نفسهم بعيد عنك

ربنا يسترها علي العيال يوم النتيجه هيبقي يوم جااااامد جدااا

الحمد لله عديت منها بأقل الخسائر
‏قال محمد فوزي
كلام صحيح مائه بالمائه
وبالفعل انا معنديش اي ذرة تعاطف مع ما اراه يوميا من نواح وصراخ الطلبه وأولياء الأمور لسببين

الأول : ان فعلا احنا بقينا في الأغلب الأعم في كل مجالات حياتنا بنشتكي ونتذمر من غير ما نفكر نقيم عملنا ومستوى ادائنا , بالفعل اصبح همنا الشاغل هو كيف نحصل على اهدافنا وبأي تمن
اللي انا بقوله ده مش قسوه ولا تجني , انا شفت بعيني زمان إزاي الطالب اللي مش مذاكر كان بيطلع من الإمتحان يسب ويلعن ويقول الإمتحان صعب ويبقى نفسه يضرب المراقب عشان إزاي وإزاي المراقب مرضيش يغششه!!! وعلى فكره تعليق الأب والأم على المراقب اللي عنده ضمير اللي مرضيش يغشش بيكون ( حسبي الله ونعم الوكيل ربنا ينتقم منه!!!!! )
كل ده والطالب اللي مذاكر طالع هادي ومطمئن

ثانيا بقى تعالوا هنا : هو مش لو الإمتحان تعجيزي زي ما بيتقال ده معناه انه على الكل ؟
يعني كل الناس هتنقص ؟
يعني كل المجاميع هتقل
وبالتالي كل كليه هتاخد من مجموع أقل ؟
يبقى فين المشكله بقى اللي تستحق الشحتفه دي كلها ؟

للأسف الطلبه عندنا بقوا نغه وأولياء امورهم كمان

تحياتي
‏قال الربان
تحياتي

طبعا حضرتك تطرقتي الي جوانب كثيرة لموضوع مهم بل هو حديث الساعة.

بالنسبة للجانب الاول...فعلا هناك من الطلبة من يتفننون في تضييع الوقت بطريقة او بأخري...

بالنسبة للجانب الثاني...فعلا هناك بعض الامتحانات كانت فوق المستوي المتوسط بكثير.... وفي جريدة الاهرام مثلا
قرأت في بريد الاهرام شكوي دكتورة بكلية العلوم من مستوي امتحان الثالث
الابتدائي...الذي هو في رأيها اعلي بكثير من مستوي الطالب في هذا السن.
أيضا قرأت عن امتحان التفاضل و التكامل....و الطبيعي ان يكون الامتحان يقيس مستوي الطالب المتوسط
مع بعض الاسئلة التي تقيس مستوي الطالب
المتفوق.

بالنسبة للجانب الثالث و هو تورط بعد رجال الشرطة و الصحة و المجالس النيابية و المحلية..
و اسمحي لي ان اضيف ما قرأته بصحيفة المصري اليوم :
http://www.almasry-alyoum.com/article2.aspx?ArticleID=110629

في هذا الموضوع نقرأ عن الفساد في وزارة
التربية...و عن اللجان الخاصة...

الجانب الاخير من موضوع حضرتك و هو البلطجة و تهشيم زجاج سيارات و فصول
دراسية...هذا عمل مرفوض تماما...و لابد
ان يخضع مثل هذه القلة للقانون...و معاقباتهم.
لا أحد يرضي او يرتضي بالخروج عن النظام العام ...سواء مسؤولا كان
او طالبا...او غير ذلك....
اذا ضاعت هيبة القانون ضاعت البلد
كلها....

احييك علي طريقة طرحك للموضوع...و تطرقك لجوانب قد تكون مرت علينا دون
ان ندرك اهميتها...

تحياتي و تقديري
‏قال momken
شوفى ياستى
انا معاكى ان طلاب ثانوى واخدين رحتهم طول السنه
وبيخرجوا مع بنات ومقضينها دروش
وجيمز
وشات
وملاهى ومولات وغيره

لكن من الواضح ان السيد الدكتور الى بيحط الامتحان عنده مركبات نقص ولانه فعلا بيدخل فى منافسه مع الطلاب وتحدى غير عادال بينهم على حل الامتحان

مش عارف دى مركبات نقس ولا عقد مترسبه

ماهو متقوليش ليا ان طلاب الثانويه فى الارياف والنجوع و والكفور كمان بياخدوا دروس
او بيخرجوا مع بنات
او بيرحوا مولات

بنت فى بور سعيد تنتحر وهى من اسره مسحيه ملتزمه
وولد فى القليوبيه بينتحر بتوكه شعر اخته والناس بتقول انه كان ولد مؤدب وفى حاله وهادى جدا

دى نمازج
اما العبين ملهمش عين يعملوا كده وبتكتموا ويسكتوا وبيعيدوا السنه وخلاص

البوست بتاعك جميل
اه بالنسبه للسؤال انت تسال والكبيوتر يجيب

اعتقد انهم ممكن تخلوا الموبيل يشحن نفسه بلاهتزاز زى الساعه الاتوماتيك
او يحولوا شاشه الموبيل لتكون وحده اكتساب طاقه ضوئيه او شمسيه
وتستمد منها الطاقه

والله اعلم


تحياتى
‏قال Asmaa mahaba
صلى على النبى يا قطه وخليكى فى صف الطلبه لاديهم عنوانك اللى انا اصلا معرفوش ههههههه وتشوفى زجاج البيت حيبقى بسيسه
يا ستى المشكله فى ان المدرسين فى الدروس الخصوصيه هم اللى بيلخبطوا لطلبه ويلغوا مواضيع مع نفسهم بتوقعاتهم المفتكسه
امال ايه منجمين
تحياتى ليكى سومه_87
‏قال محمد صالح
انتى قولتى على المشكله كلها
وانا اللى انتى قولتيه بشوفه كل يوم فى الشارع عندنا انا ليا اصدقاء كتير او معارف فى الثانوى العام منهم اللى شاطر ومقطع الكتب والدروس ومنهم اللى بينفض للمدرس واللى مبيرضاش يروح الدرس بتاعه لمده شهرين او تلاته ومقضيها تليفونات وخروجات مع البنات وفى الاخر الواد يقول كل اللى يجيبه ربنا كويس لانه يأس ومش متاكد من اللى حله وعارف انه مش مذاكر واهو بتعلم وخلاص لانهم عارفين انهم ناجحين ناجحين


اما بالنسبه للتعليم الفنى فدا المشكله الاكبر لان معظم الطلاب اللى عندهم طموح بيلجأو للتعليم الفنى لانه وسيله سهله للوصولو للهندسه او التجاره او تربيه وخلافه
كنت بتابع القاهره اليوم من يومين واذا بمصححه دخلت تقول ان المصححين بيحطوم الدرجات على المرايه اللى برا كراسة الاجابه الاول وبعد كدا بيدخلوم يوزعم الدرجات حتى ولو الورقه فاضيه ولما اشتكت المصححه رؤساها قالولها دى سياسيه دوله


ولا عزاء للسيدات فى مذبحة التعليم المصرى
‏قال Abo 7anf
السلام عليكم
معلش يقطه مش كلهم بيتسكعوا
لان فعلا الامتاحانات جاي صعبه
انا يمكن بقالى كتير سايب الثانويه الحمدلله
بس لما شفت الامتحان فعلا يه تعقيد
وبعدين الحمدلله عندنا حكايه التسكع دى مش منتشره اوى
و لما جيت اسال سالت ناس يعنى مستواها كويس
فعلا الراجل بيعقدهم
اما حكايه التكسير
فدى للاسف الفوضى البقت ثقافه كل واحد مش عجبوا كسر
مساء الخير
بلا تعليم بلا نيله
هما عاوزين الطلبه تفضل فى المدار والجامعات
لغاية ما اللى بره يشتغلوا
ولا هنفضل نكوم خريجين كده

بس انا بختلف معاكى لان الجيل الجديد كعقليه احسن بكتير من اللى قبله بس للأسف مش لاقى اللى يوجهه
تحياتى
علاء
التعليم بقى سبهلله على الاخر
ومابقاش فيه تعليم اصلا انا بعتقد ان بعد كام سنه كدةة هيتلغى وكل واحد يتعلم فى بيته
تحياتى لكى
‏قال Wael Salem
بصي يا قطة
طبعاً البلطحة والتكسبر ده اسلوب غير حضاري بالمره
بس امتحانات من خارج المناهج دي حقيقة واقعه
والوزاره نفسها اعترفت بيها
أما حكاية امتحانات في مستوي الطالب الغبي والكلام الفاضي ده مش حقيقي
مستوي التعليم في مصر اساساً تحت الصفر ... يعني من جوه المنهج ولا من بره المنهج ... الاتنين واحد والطالب اللي كان بيذاكر ... بيخرج من الثانوية بغبان ... والطالب اللي مش بيذاكر بيخرج .
مستواه زفت .... والطالب اللي كان بيغش بالواسطه بيخرج من الثانوية حمار
مع اعتذاري للحمير
تحياتي
السلام عليكم
والله يا قطة معكى كل الحق
لأن أولياء الأمور فعلا
لا ينتبهون إلى أولادهم إلا بعد فوات الأوان
ولا يسألون عما يفعله الأولاد طوال فترة الدراسة
ظنا منهم أنهم طالما يدفعون أموالهم فى الدروس و الأوراق و المذكرات
فهذا جل ما هو مطلوب منهم
للأسف إنها منظومة يا عزيزتى
ليتنا لا نبكى على اللبن المسكوب
ولكننا أصبحنا نسكب كل شيئ فى حياتنا
ثم لا نجيد-كما قلتى-سوى(فن البكاء)
دمتى بخير
لا بقى التعليم فى مصر
هز كتاف
اه و الله
و هز وسط كمان
لما يطلع الوزير يسرى سفينة الصحراء
و يقول ان المصاريف بتاعة المدارس
الخاصة مش حتزيد
و تزيد كده عينى عينك
يبقى اقل حاجة ان امتحانات الثانوية تتسرب
و كفاية انه لسه معدوش دم و مش عاوز يقدم استقالته
بوست رائع
eslam
‏قال Desert cat
اسفه جدا يا جماعه على التاخير فى الرد
بس اعذرونى
ورايا معركة فى الفيسبوك وانتوا عارفين بقى قطة الصحراء ومعاركها اللى مبتنتهيش واكيد الطرف الاخر معروف مين
ماهو انا اخلص من هنا الاقيهم هناك
عموما هخلصها وارجع لكو على طوووووول
محبتى ليكو كلكووو
‏قال lastknight
شرفينى على مدونتى ياللى جايبالى وجع القلب
‏قال ftafeet
صح يانانا اللى انتى قولتيه بجد
لان العيال دلوقتى بجد فاكرين ان كل حاجه بتتحل بالدراع واهلهم هما اللى مأخدنهم على كده لما ولد يجى يشتكى لباباه وماماته ان الامتحان صعب واللجنه رخمه
طيب مهو لازم يبقى الامتحان صعب عشان هوا مش مذاكر ولا زم تبقى اللجنه ماسكه ومافيهاش غش عشان ده شغلهم لا بس تلاقى الاهالى بقى اعدين يدعوا على المراقبين ويعيطو ان الامتحان صعب

بس تعرفى بجد اوقات الاهالى بيصعبوا عليا بجد لانهم تعبوا اووى وفسهم يشوفو ولادهم حاجه كبيره باى طريقه بقى وخلاص غش مش غش مش هاتفرق بس بجد فى عيال معندهاش اى دم مافيش مذاكره
مش فى دماغهم اصلا
ربنا يهديهم كلهم


سيبك انتى انتى وحشتينى مووووووووووووووت


نونااااا
ايها المواطنون نذيع عليكم بعد قليل خبرا هاما
مارشات عسكريه مارشات عسكريه مارشات عسكريه
كمان مارشات عسكريه
كفايه كده
ايها المواطنون جاءنا البيان الهام التالى
اذاعت كافة وكالات الأنباء الفضائيه والأرضيه وما تحت الأرض ايضا ان السيد عبده الرايق مرشح للفوز بجائزه تقدر بربع مليون يورو ....متتخدوش اوى كده لأن من شروط الجائزه ان يجيب على سؤال بمدونتنا التى تحوى هى وموقعنا كافة التفاصيل والكل مدعو للأشتراك والفوز باحدى جوائزنا الثيمه
ونرجوا ان تستمعوا الى حلقة برنامجنا الأذاعى الذى به ايضا معلومات مثيره فى هذا الموضوع يوم الأحد 29-6 حيث نكشف كافة الأسرار وراء هذا الموضوع والبرنامج يذاع التاسعه وعشر دقائق صباحا على اذاعة مصر الرئيسيه كما يمكن الأستماع اليه من داخل موقعنا على النت اسرة برنامج انت تسال والكمبيوتر يجيب
والعنواين
المدونه ثم الموقع كالتالى
http://netonradio.blogspot.com
http://dear.to/cairo

27 يونيو, 2008 07:47 ص
‏قال غير معرف…
قطقوطتنا العسل عامل ايه؟
صباح المعارك ياقمر ربنا يكون في عونك هنا و علي الفيسبوك بس ادها و قدود ياقطتنا

شوفي ياجميل المشكله ان الأب بيتعب و يشقي و يجيب فلوس عشان يربي العيال و اللي عنده حد في الثانويه العامه بيكون المجهود مضاعف من دروس خصوصيه الي اخره
اللي نفسي فيه ان يكون فيه متابعه في البيت مش بس بدي للولد او البنت دروس في كل حاجه و خلاص لأ لازم اكون بتابعه مع المدرس و اشوف مستواه عامل ازاي لأن فعلا فيه طلبه بتاخد فلوس الدروس و تصرفها في الهلس و اخر السنه ماتعرفش تحل كلمه واحده
ماننكرش برضه ان فيه بعض الاسئله التعجيزيه اللي بتيجي للطلبه كل سنه بس مش معقوله كل الامتحان مايتحلش يعني
اللي انا مستغرباله ازاي حكايه التسريب بقالها عشرين سنه زي مالمسؤلين بيقولوا و لسه بيتكلموا عنها السنه بس اشمعني السنه دي بس يعني؟؟
موضوعك في الجون ياقطتنا و ربنا معاكي علي الفيسبوك
تحياتي ومحبتي ياقمرايه
‏قال Unknown
والله يا قطة انا الى شايفاة ان منظومة التعليم كلها محتاجة تغير واحنا كمان محتاجين فعلا نتابع ولادنا مش نكتفى اننا بندفع فلوس لمدرس كل اول شهر وهو بقى الى يتابع ويدرس
‏قال Desert cat
blue-wave
طيب يا دكتور ماهو كمان المشكلة فى اهاليهم مش الفضائيات لان فى السن ده هما مراهقين والمفروض ان يكون فى متابعه
اشكر حضرتك جدا
تحياتى
‏قال Desert cat
alexandrany
بالظبط فى عينة عشوائية اتصححت
فى ناس جايبين فوق الـ 95
طيب جابوهم ازاى ؟؟
يمكن بقدرة قادر
‏قال Desert cat
سنووايت
صح يا سنو
انا برضه فكرت فى كدا
قولت لو موضوع التسريب ده مكانش انكشف والوزير طالع بكل فخر يقول التسريب ده من 20 سنة بيحصل مش عارفه بيقول الكلام ده علشان يغيظ الناس ولا علشان اللى مفكرش فى الانتحار يروح ينتحر
هو عموما هيبقى حجه العيال اللى مش بتذاكر
علشان يقولوا بصوا بقى الامتحانات اتسربت واحنا مذاكرين
تحياتى
‏قال Desert cat
GeHaD-----(male)
موضوع ضرب المراقبين ده يا جهاد من ايام ما كنت انا فى ثانوى معقول لسه مستمر لحد الثانوية بتاعتك
بس جيل السنة جدد وابتكر بيكسرو عربيات المراقبين والمدارس كمان
تحياتى
‏قال Desert cat
محمد فوزي
يا استاذ محمد فى العينة العشوائية اللى صححوها فى طلاب جايبين فوق الـ 95 %
جابوهم ازاى
لامتحان ما هو على الجميع
الامتحانات اتسربت والجميع اتاذى وجارى التحقيق مع اللى سربوه
مسلسل الثانوة والعياط والنحيب ده من زمان اوى بس زاد السنة دى عن حده
يارب يكون درس للاباء فى السنين القادمة
تحياتى
‏قال Desert cat
محمد فوزي
يا استاذ محمد فى العينة العشوائية اللى صححوها فى طلاب جايبين فوق الـ 95 %
جابوهم ازاى
لامتحان ما هو على الجميع
الامتحانات اتسربت والجميع اتاذى وجارى التحقيق مع اللى سربوه
مسلسل الثانوة والعياط والنحيب ده من زمان اوى بس زاد السنة دى عن حده
يارب يكون درس للاباء فى السنين القادمة
تحياتى
‏قال Desert cat
الربان
استاذى العزيز
بالنسبة لما نشر فى الجرايد فانا لا انكره ولقد قمت بمطالعه النك الذى تفضلت به حضرتك واحضرته اشكرك جدا عليه
لكن يا استاذى موضوع الامتحان صعب ومش من المقرر مش معقول هيجيبوا لهم اسئلة من خارج المقرر انا سالت مدرس ثانوى بالفعل هل الامتحان من خارج المقرر كانت اجابته الامتحان معظمة من كتاب الوزارة اللى الطلاب مش بيفتحوه وعلشان كدا هما شايفين ان الاسئلة دى جديده عليهم وده معناه ان الطلاب اعتمدوا اعتماد كلى على الدروس الخصوصية والمذكرات التى يقدمها لهم المدرسين بمبلغ وقدره والتى تحمل فى طياتها الفانوس السحرى لكل الامتحان واجتيازه بتفوق
احترامى وتقديرى
‏قال Desert cat
momken
يا فندم الامتحان من لسان مدرسين ثانوى من كتاب الوزارة والطلاب معتمدين على الدروس والمذكرات اللى بياخدوها فى الدروس
طلاب الارياف والنجوع والكفور
ده لو حضرتك لسه متخيل ان فى ارياف ونجوع وكفور زى اللى بتيجى فى التى فى الحاجات دى انقرضت من زمان من ايام مسلسلات الابيض واسود
يعنى دلوقتى لون الزرع الاخضر حل مكانه البيوت اللى بالحجر اقل بيت 3 ادوار
ودخل عندهم مية ونور وتلفزيون بالالوان وطبق دش كمان
يبقى ايه المانع يمشوا مع بنات ويقابلوا ويلفوا
المشكلة ان الاهل لازم يراقبوا اولادهم مش يسيبوا اشغالهم ويمشوا وراهم انا قصدى يتابعوهم حتى لو بتليفون للمدرس كل اسبوه يسال عن مستوى ابنه وهل مستواه الشهر ده زى الشهر اللى فات ولا اقل وهكذا
تحياتى
‏قال Desert cat
سومه...مجنونه فى بلد عاقل
عليه الصلاة والسلام يا سومة
ربنا ومكونوش بس جابوا عنوانى اصل الطلاب اللى كسروا المدرسة من ابو كبير شرقية
يعنى بينى وبينهم فركة كعب هما 10 دقايق والاقيهم فى وشى
تحياتى
‏قال Desert cat
محمد صالح
انا اعتقد يا محمد ان نسبة التسيب فى التعليم الفنى اكتر من ثانوى بكتير لكن فعلا فى ناس بتجتهد وبتدخل من خلاله الجامعه
اما بالنسبة للخبر الخاص بالقاهره اليوم فلا تعليق
لانى بصراحة مش متخيلاه
تحياتى
‏قال Desert cat
Abo 7anf
ما انا قولت يا ابو حنف مش كلهم بيتسكعوا
انا قولت فى ناس بيكون عندها طموح وبتجتهد
" ان الله لا يضيع اجر ك من احسن عملا "
بدليل ان فى العينة العشوائية اللى صححوها فى ناس جبت فوق 95 % وده معناه فعلا ان مش كلهم بيتسكعوا
تحياتى
‏قال Desert cat
عايش ولكن
على رايك هما هيخرجوا ويرموا كله فى الشارع يعنى اللى اتخرجوا عملوا ايه
انا متكلمتش فى عقلية الجيل الجديد يا علاء انا اتكلمت فى البلطجة اللى عملها الجيل الجديد وبعدين لكل زمن عقليته وعباقرته يعنى زمان مكانش فى نت ولا موبايل ولا غيره من وسائل التكنولوجيا الحديثه وبالرغم من كدا طلع لنا العقاد وطه حسين والمنفلوطى
تحياتى
‏قال Desert cat
رئـــــيسـة حزب الأحلام
والله يا سلوى التسيب بقى فى كل حاجه مش فى التعليم وبس
احنا محتاجين نظام وقانون يتطبق على الوزير قبل الغفير
تحياتى
‏قال Desert cat
mohager
تعرف حضرتك لما تيجى تناقش حد مخلص جامعه ولسه متخرج مكملش شهرين فى تخصصه تلاقيه بيرد من اللى حافظة وعلشان حافظ مش فاهم بتلاقى اخطاءه كتير ومبتعرفش تفهم انت منه اى حاجه
بالنسبة ان الامتحان من خارج المقرر انا سمعت من مدرس ثانوى انالامتحان من كتاب الوزارة
لكن بصراحة مش متاكدة لانى مش شوفته
تحياتى
‏قال Desert cat
واحد من البلد دى
بالظبط يا فندم هو ده مقصدى وده اللى حبيت اوضحه
ا المفروض يكون فى متابعه فى البيت علشان مش نرجع نقول منه لله المراقب مش غشش الواد
تحياتى
‏قال Desert cat
مواطن مصرى نايم
يا اسلام ماهو مفيش رقيب ولا حسيب
وبيطلعوا يفتخروا على التى فى بالمهازل اللى بتحصل فى وزاراتهم وتحت رعايتهم
لو فعلا فى قانون يحترم من الجميع كان كل واحد فكر الف مرة قبل اى تصريح او كلمة حتى يقولها
تحياتى
‏قال Desert cat
lastknight
تم التنفيذ يا فندم وسلامة قلب حضرتك من الوجع يارب دايما اشوفك فى احسن حال واسمع عنك كل خير
تحياتى
‏قال Desert cat
ftafeet
فينك يا نونا مختفية من زمان
يارب يكون المانع خير
انا مش بيصعب عليا برضه غير الاهالى
يعنى تخيلى من كام يوم الولاد خلصوا امتحانات وطلعوا يضربوا بعض فى الشارع وانا واقفه اتفرج اصل انا اجدع واحده تتفرج على الخناقات المهم لاقيت واحد واقف يقول العيال دى اهاليهم صارفه عليهم دم قلبها وكل واحد قاعد دلوقتى ايده على قلبه علشان يسال ابنه عملت وهما ولا فى دماغهم وطالعين يتخانقوا جيل ايه المنيل ده
قولت له الجيل مالوش دعوة قالى امال دعوة مين
قولت له الدعوة خاصة باهليهم علشان كدا ربنا معاهم
انتى كمان وحشانى جدا
طمنينى عن اخبارك بقى
تحياتى
‏قال Desert cat
ftafeet
فينك يا نونا مختفية من زمان
يارب يكون المانع خير
انا مش بيصعب عليا برضه غير الاهالى
يعنى تخيلى من كام يوم الولاد خلصوا امتحانات وطلعوا يضربوا بعض فى الشارع وانا واقفه اتفرج اصل انا اجدع واحده تتفرج على الخناقات المهم لاقيت واحد واقف يقول العيال دى اهاليهم صارفه عليهم دم قلبها وكل واحد قاعد دلوقتى ايده على قلبه علشان يسال ابنه عملت وهما ولا فى دماغهم وطالعين يتخانقوا جيل ايه المنيل ده
قولت له الجيل مالوش دعوة قالى امال دعوة مين
قولت له الدعوة خاصة باهليهم علشان كدا ربنا معاهم
انتى كمان وحشانى جدا
طمنينى عن اخبارك بقى
تحياتى
‏قال Desert cat
CAIROCOMPUTER
انا كمان مشتركة فى الجايزة
انا جاية حااااالا
‏قال Desert cat
اجندا حمرا
صديقتى الغالية اوى اوى
ارق أجندة
معركة الفيسبوك تم السيطة عليها والحمد لله
هههههه
على اساس اننا فى حرب وبتاع
بالنسبة للاهالى اتمنى ان الى حصل يكون درس يستفاد منه وانهم يتابعوا اولادهم ومحدش يعتمد على المراقب اللى هيغشش ابنه فى اللجنة
انا فعلا مش شوفت الامتحان بس سمعت من اكتر من حد ان الاسئلة صعبة جدا لكن العينة العشوائية اللى صححوها تبشر بالخير وربنا يوفق الجميع يارب
اشكرك جدا يا حبيبة قلبى
تحياتى
‏قال Desert cat
ايوية
صح كلامك يا يويو
مش نكتفى بدفع الفلوس مش نكون مجرد الة للاستهلاك وخلاص
وكمان المفروض يكون فى قانون يطبق على الجميع
تحياتى
عزيزتى انا قريت البوست ومتفقة معاكى فى حاجات ومش فى حاجات

بصى ببساطة مفرطة انا ارى ان حتى فشل الطلبة دول مش فى اديهم ومش ذنبهم

لسبب بسيط لانه ما سمعش حاجة عدلة فى المدرسة ولا حتى فى الدرس .. كل مدرس من دول بيتعامل مع دماغ العيل على انها اربة هيفضل يملى فيها وتستحمل بقى لحد ما تستحمل ولو كانت مخرومة وبتشرشر يبقى اهو عمل الى عليه وخلاص

وسجد الواد والبت من دول .. انت هتحفظ الملزمة دى يا معلم والامتحان فى جيبك

ادخلى اى حصة درس من دول .. هتلاقى المدرس زى الراديو شغال والعيال قاعدة قصاده يا متنحة يا مش فاهمة يا نايمة

التعليم حدانا بقى تلقين .. احشر يا نجم انت وهو .. والجدع الى هيشيل فى دماغه اكبر قدر ممكن لحد يوم الامتحان

بقينا بهايم بنتساق ولامؤاخذة

واحد اتربي على كده واتعلم ان التعليم هو كده .. احى بقى اقوله يوم الثانوية انت فشلت ليه ؟؟

مع العلم ان فى مؤثرات خارجية بتاثر على شخصيته .. ان اساسا لا فى قدوة ولا دين ولا تربية ولا اخلاق .. وربنا يخلييلنا الدش والفضائيات وبروتين السبكي


اعتذر اذا كنت طولت عليكي
تحيااااتى

المشاركات الشائعة