اثبـــت ثبتـــك الله

محدش يتفاجأ محدش يستغرب خلاص اتعودنا من المهدى عاكف صاحب أقوى تصريحات متناقضة فى التاريخ ... فمنذ فترة ليست بالبعيدة أصدر تصريح قوى البنيان شديد البيان بأن تنظيم القاعدة صناعة أمريكية ... ولأن الأرض قروية وتجيد فن اللف والدوران قام بنقض هذا التصريح وبين يوم وليلة اصبح اسامة بن لادن مجاهد ... والمجاهد مهدى عاكف يرسل تحية للمجاهد اسامة بن لادن ... اللى تسبب فى قتل 3000 مدنى فى برج التجارة ... واكيد كان منهم مسلمين ... ماهو مش كل امريكا كفار وفاسقين خارجين عن الملة .. يعنى لو حد من عيلتك كان فى البرج وقت ما اتفجر كنت هتقول ايه على بن لادن مجاهد برضه ؟ ... المجاهد بن لادن اللى اتربى فى حضن الامريكان وجاهد ضد السوفييت ... اه ماهو القتل والخراب دلوقتى جهاد حتى لو علشان اكسب الود ... وانتوا انصار المجاهدين والتاريخ على مر العصور شاهد ابتداء من مقتل النقراشى مرورا بالخازندار ومحاولة قتل جمال عبدالناصر ... واخيرا وليس اخرا ارهاب طلبة واساتذة الازهر .. وطبعا رايك فى بن لادن اللى قولت عنه صناعة امريكية ورجعت نقضت التصريح تانى بانه مجاهد .. ومش قولت رايك فى الظواهرى ... بحكم انه الرجل الثانى فى تنظيم القاعده .. مجاهد برضه ولا ايه ... اللى يدعو لتوجيه الضربات داخل الكيان الصهيونى فى الذكرى الستين للنكبة مجاهد من وجهة نظر سيادتك ؟؟ ...
المثير للتساؤل هو ليه دايما مفيش تصريح بترسى فيه على بر يعنى بتقول كلام وبعد كام يوم ترجع تعكسه .. هل هو عامل السن مثلا .. ام بيتجدد فى الأمور السياسية أمور ؟؟؟ فايام التعديلات الدستورية اعلن نواب الجماعه انسحابهم من مجلس الشعب علشان رافضينها ... وقرار الانسحاب كان بالليل طلعت الشمس على القرار ساح ... ولاقيناهم تانى يوم بيتنططوا فى المجلس .. واظن ان الجميع مازال حاضر فى ذهنه التصريح الطويل العريض فى 2 ابريل للحث على الاضراب ويا سبحان الله يوم 4 ابريل طلع محمود عزت يتبرأ من الاضراب ومن التصريح كمان ... تضارب التصريحات بتاعتك كترت وذلات لسانك بقت اكتر ... المعارض بالجزمة وطز فى مصر وشعب مصر وكل ده ولسه محكمتش امال لما تحكم ايه اللى هيحصل ... لو حضرتك عندك زهايمر ماهو السن برضه احنا مقدرين ... ممكن تعين لك نائب ينسق لك التصريحات المتناقضه ويتكلم هو فى الصحافة منعا لذلات اللسان
تحديـــــــــــــث
فى أحد الكومنتات وصلنى هذا اللنك من الاستاذ محمد حسن
وبعدما طالعته لا أدرى أهو رجل دين أم بلطجى
اتهام مرشد الإخوان بالتهجم علي جارته الإيطالية

Comments

هو مش ده برضه النطع بتاع طز في مصر

و على فكرة التصريحات مش لله و الوطن دي رد على تصريحات ايمن الظواهري بان تنظيم الاخوان المسلمين اصبح يعمل بلا منهج او خريطة

و بعدين احسنله يخليه في خيبته هو و جماعته المبروكة

اليس الاخوان هم من عقدوا صفقة لصالحهم فقط بان يفرج عن معتقليهم و ياخذوا بعض فتات الحرية
في مقابل اعطاء اصواتهم لمبارك في استفتاء 1987

اليسوا هم من وقفوا جميعا في المجلس يصفقون للمحروس اللي خربها و قاعد على تلها

يا ريت يريحوا و يقولوا انهم فصيل سياسي

انما الدين ده يسيبوه بين ربنا و عباده

طبعا انا ممكن اكون طولت
و لكن افعال الاخوان تنعكس على اقوالهم و ما قولهم عن فعلهم بغريب
سمراء said…
لا اعتقد ان السبب هو السن او الزهايمر ولكن اعتقد
انه بياخد راس الكبة ويطير وبعد ما يفهموه ياخد راس كبة تانية ويطير
تحياتي
سمراء
A.SAMIR said…
يعني يا ستي جت على مهدي عاكف؟
المنظومة كلها غلط في غلط
حكومة على معارضة على امن على احزاب
كله فساااااااااااااااد
الحل هو قنبلة نووية تنسف ونبتدي على نضافة
تحياتي
tamer.sala7 said…
يا مثبت العقل والدين

مش يمكن احنا اللي اغبية ومش فاهمين ايه المقصود بكلام المجاهد مجدي
كاميليا said…
معلش معلش

حكم السن

دمتى جميلة

تحياتى
Heart Beat said…
الصديقة العزيزة جدا
Desert Cat

اعتقد انه لو ما غيرش كلامه كل شوية مش هايبقى المجاهد الاعظم مهدي عاكف و لا هايبقى مرشد الاخوان

اصل لو الحال اتعدل معاهم و بقوا يرسوا على كلمو واحدة مش هايبقوا اخوان خالص

طيب ما هو لازم يخلينا نضحك من وقت للتاني على تصريحاته

على اساس انها تكون فاكهة تصريحات المعارضة

صحيح في واحد غبي بيقول ان اللي بيقول طز في مصر مواطن بيحب مصر تخيلي الغباء بقى بالشكل ده

طيب لو كان بيكره مصر بقى كان قال ايه اذا كان بيحبها و بيقول طز فيها

معلش الغباء برضه له ناسه

يعني النهارده ضد الانتخابات بكرة الصبح مع الانتخابات و نظام ضحكنا عليكوا و هاندخل الانتخابات

النهارده مع الاضراب و اما عرفوا بأن هراوات عساكر الشرطة جاهزة في الشوارع جريوا استخبوا خافوا لياخدوا فوق دماغهم كالعادة

و بعدين الاضراب ده كان عشان الشعب المصري و مرتبات الغلابة بتوع مصانع المحلة

هم الاخوان بتوع طز في مصر يهمهم الناس دي في ايه

و ياريتهم يقولوا على بن لادن انه مجاهد و ان الظواهري سيد المجاهدين خلي ماما امريكا تزعل منهم و نخلص منهم بقى

الوصول للحكم ده هايفضل حلمهم اللي عمره ما هايتحقق ابدا

اصل نيتهم مش سليمة خالص و كلها مصالح شخصية

يعني لو بيضحكوا على الشعب المصري الغلبان مش هايضحكوا على ربنا سبحانه و تعالى

و من غير كلام الليل بتاعهم ده مش هانلاقي تصريحات نضحك عليها زي ما قلت

خليهم يقولوا و احنا نضحك و الدنيا كلها تقول ايه الغباء ده

ما يرسوا على بر هم بيحبوا مصر و لا بيقولوا طز فيها
شوفت الخبر إمبارح وقعدت أضحك مستني أشوف حتقولي إيه

علي فكره إنتي مقرتيش كل حواره المصيبه
http://www.elaph.com/ElaphWeb/AkhbarKhasa/2008/5/332823.htm

دا مجنون خالص ومينفعش حتي يرعي غنم
قطتنا العسل صاحبه المواضيع الناريه
:)

شوفي ياجميل بكل بساطه هما دول الأخوان كالحرباء اللي بتغير لونها مع تغير الفصول
يقول حاجه و يرجع فيها تاني يوم او تالت يوم مش فارقه المهم انهم مايرسوش علي بر
انتي جبتي من الاخر لو البرجين كان فيهم امريكان برضه اكيد كان فيهم مسلمين و لا ياتري طلعوا قبل مايتفجر البرجين؟اكيد كان تصريحاته اختلفت لو سمع بس مجرد سماع ان كان في البرجين مسلمين لكن تقولي ايه
مابنخدش من الاخوان غير كلام كلام و بس
تحياتي ياقمرايه
والله على رائ بعض الاشخاص اللى ردوم المنظومه كلها غلط الاحزاب اللى هما اقليه بيعقدوم يجملوم الحزب الوطنى علشان يسيب لهم فرفوته من اللحمه وكمان انا اعتقد ان لو الاخوان متعرضوش مش هيبقوم اخوان لان لو الجماعه اجتمعت على راى واحد ممكن ان مهدى عاكف يفضل قاعد لحد ما يموت ودا ناس كتير جوا الجماعه مش عاوزاه كله عاوز يمشى بدماغه وتوجهاته
ومن الاخر انا اتبع الرائى اللى بيقول نبيدهم بقنبله نوويه ونتغل على نظافه
ودمتم
تحياتى
يا قطة أحب أقولك إن الإخوان كلهم إخوان فعلا..لكن..إخوان بعض..
يعنى يحصلوا على حقوقهم و يحققوا مصالحهم و طز أو طزين أو تلاتين طز فى الباقى..
وبعدين أى حد من هواة الأضواء عندما يجد أن الأضواء ستنحسر عنه لابد أن يلفت إليه الأنظار بأى شكل من الأشكال..
سواء بقى كان بتصريحات غلط أو أراء مضادة أو مناهضة لما شجب من قبل..
ربنا يرحمنا
ويثبتنا
و آخيرا.....
لله الأمر من قبل ومن بعد
همممممممممممممممممممممممم

مش هارد دلوقتى بس بسجل حضور يا افندم
نقدر نقول حكم سن بس المفروض يجي نعمله حبة جلسات يبقي ززي الفل بس هو يجي.
mohamed hassan said…
http://elfagr.org//TestAjaxNews.aspx?nwsId=9364&secid=2557
mohamed said…
يا بنتي لو خدتي بالك من كلام الناس دي هتتعبي اوي
Desert cat said…
محمد الكومي
والله يا محمد احنا لو هنقد نعدد فى مساؤهم فمش هنلاقى لها مكان كافى
تحياتى
Desert cat said…
سمراء
انا اعتقد يا سمراء ان ده تخبط بعد ازالة القناع وسقوط عباية الدين عن عمد
تحياتى
Desert cat said…
A.SAMIR
والله يا احمد انا موفقاك فى كل كلامك
عايزين ننضف البلد من الاخوان والوطنى والمعارضة بس انا حبيت اعرف ايه سر تضارب التصاريح بتاعة المهدى دى
تحياتى
Desert cat said…
tamer.sala7
والله يا تامر المجاهد مجدى
مش مرسينا على بر لا احنا عارفين هو معاهم ولا عليهم
Desert cat said…
كاميليا
ما انا برجح كدا برضه يا كامى
دمتى رقيقه
Desert cat said…
Heart Beat
صديقتى الجميلة هارت
ماهو فعلا بيضحكنا بتصريحاته
يعنى بعد ما كان بن لادن صناعة امريكية اصبح مجاهد
بالظبط كانه بيقول فيفى عبده دى رجس من عمل الشيطان لكن رقاصه مبدعه
اللى بيقول طز فى مصر بيحب مصر ده مين الغبى اللى قال الكلام ده قلبى حاسس انه هو مش عارفه ليه
اصل مفيش اغبى منه وممكن يخربط بكلام زى ده
نورتينى يا جميله
دمتى بكل خير
Desert cat said…
وجهة نظري
اهم حاجه ان حضرتك اول ما شوفت الخبر افتكرتنى وده شيئ يشرفنى طبعا
انا بصراحة كل لما اشوف سطر زيادة فى المقال احس باغماء فى الاخر قولت ربنا يسد نفسه البعيد وقمت شربت نسكافيه

ده مكانه الطبيعى مش مكتب الارشاد مكانه الطبيعى 1 عباسيه
تحياتى
Desert cat said…
اجندا حمرا
حبيبتى الرائعة اجندة
اساسا هو لا يهمه مسلمين ولا حتى كفار من عصر الجاهلية الاولى
لان اللى يقول على واحد اتسبب فى قتل الالاف من الابرياء اطفال ونساء وشيوخ مجاهد يبقى هنا الموضوع مش طبيعى
نورتينى يا جميله
تحياتى
HANY YASSIN said…
السلام عليكم
ما يفعله مهدى عاكف يدل على شيئين
انه ليس بقائد يجعلك تحترمه وتحترم حزبه
ويدل على انه شخص يتاجر بالدين وعلى الرغم من تعاطفى مع جماعة الاخوان المسلين الا انه بهذا الكلام يعطى الحق للحكومة فى الاستهانة به وبجماعته
دمتم بكل ود
خالص تحياتى
هانى يس
Zika said…
وده طبعا بيوضح سلوك الاخوان المتناقض
لان اللي بيعمل هالبني ادم في حياته الشخصيه
بيظهر عليه في حياته العمليه
ال بن لادن مجاهد ال
ربنا يهدي الجدع ده يحسن الموضوع زاد عن حده اوي
ولله انا اتذكر انه من كام سنه كان طلع واحد منهم وتكلم عن حقوق الأقباط في مصر !!!!!!!!!!!!!!!
وهذا هوا لصيد في الماء العكر

يا اخوانا كله بيجري وراء مصلحته
كلهم زي بعض بس مع اختلاف المسميات
ADAM said…
الله يرحمك يا شيخ حسن يا بنا

يا كبيييييير

كان مرشد صح

دلوقتي بقوا بيعينوا عليهم

مضلل مش مرشد

وده ربما يكون لأن الإناء ينضح بما فيه

فلو كان الإخوان الآن على أخلاقيات

إخوان حسن البنا

مكانش مهدي عاكف بقى مرشدهم

أقصد مضللهم


تحياتي



آدم
الربان said…
تحياتي

سبحان من يغير و لا يتغير...و نفوس البشر ضعيفة...حتي لو كانت هذه النفس
لعالم كبير او شيخ جليل...

فكل ابن آدم خطاء و خير الخطائين التوابون...

و حضرتك قلتي حكمة " اثبت ثبتك الله "
فالتثبيت يأتي من عند الله....لان قلوبنا ضعيفة... و ارائنا متقلبه
و قلوبنا بين يدي الرحمن يقلبها كيفما يشاء...


تحياتي و تقديري
Desert cat said…
محمد صالح
والله يا محمد لا وطنى نافع ولا اخوان راسى له بر ولا حتى شعب عارف يعمل اى حاجه
البلد كلها محتاجه عملية تطهير من المنافقين وكدابين الزفة ومن اصحاب الاقوال لا الافعال
تحياتى
Desert cat said…
واحد من البلد دى
ماهو علشان تفضل الاضواء متسلطة عليه المفروض يكون عنده مصادقية فى كلامه
مش تخريف وكلام عكس بعضه
واحيانا كلام مالوش اى اساس من الصح
مبروك نجاح الاولاد
تحياتى
Desert cat said…
.:.-=- ELGaZaLy-=-.:.
تشرف فى اى وقت يا فندم
Desert cat said…
واحد بيدور علي قلبه
اه والله محتاج جلسات كهربا على المخ لعل تعيد التوازن من تانى
تحياتى
Desert cat said…
mohamed hassan
ميرسى جدا على الرابط
انا عملت تحدي وضفته فيه
تحياتى
Desert cat said…
mohamed
لاء ما انا مبقتش بركز اوى
لانى اساسا مبقتش فاضيه لا ليهم ولا لغيرهم
دعواتك بقى يا محمد
تحياتى
انا مش عارف ايه سر حبك الكبير ده لمهدى عاكف الصراحة

بتتكلمى عنه كتير

ماعلينا

تعرفى انا رغم انى بقول انى اسامة ابن لادن غلط وسياسته غلط فى غلط الا انى متعاطف معاه جدا

ده من نحية
من نحبة تانية هو ممكن مهدى عاكف قصد صناعة امريكية والله اعلم
من حيث ان لكل فعل رد فعل

بمعنى انى اسامة ابن لادن وجوده سبب ظلم امريكا للشعوب العربية

ممكن ده قصده

والله تعالى اعلم

بس فى العموم يعنى
البلد خربانة خربانة زى مالسادة الزملا قالو حكومة ومعارضة
لا حكومة عارفة تحكم
ولا معارضة عارفة تعارض
تحياتى
أنونيمس said…
عادي

اشمعنى يعني هو اللي هايحترم كلمته

اذا كان الانطاع اللي في الحكم كل يوم برأي وكل يوم في حال

الظاهر كل الناس بتوع السياسة دول عاوزين الحرق
Desert cat said…
HANY YASSIN ...
يا هانى تضارب تصاريح مهدى عاكف خلت الجميع يبطل يحترمه هو وجماعته مش الحكومة بس
الحكومة اساسا بطلت تاخد له على كلام
علشان كدا سايبينه براحته يقول كلام ويلغيه تانى يوم ولاحد بيقوله انت بتعمل ايه ..
تحياتى
Desert cat said…
Zika
طبعا تضارب تصاريحه دليل على هيكل الجماعه الداخلى
الراجل ده مش ناوى يجيبها لبر يازيكا
ربنا يهديه
Desert cat said…
لورنس العرب
تلاقى كانت امريكا راضيه عليهم اصلهم مرحبين بحكمهم بخلاف انهم الجماعه الوحيدة اللى مش مدرجة على قوائم الارهاب
تحياتى
Desert cat said…
ADAM
حسن البنا قالها
لكمة حكمة قبل وفاته
ليسوا اخوانا
وليسوا مسلمين
تحياتى
Desert cat said…
الربان
استاذى العزيز الربان
تضارب التصاريح من البديهى انه بيبن مدى العقلية اللى الناس بتتعامل معاها
ومعنى انه يقول كلام وينقضه تانى اذن هنا من الطبيعى انه بيفدق مصداقيته لدى الاخرين .. نفس الموضوع مع بروز كام موقف فى الفترة الاخيرة فقدوا تعاطف الناس معاهم وبالتالى محتاج ندعى له بالثبات ولأنفسنا
مودتى
إحترامى وتقديرى
Desert cat said…
مدحت محمد
هههههههههههههه
انت اخدت بالك من معزته وغلاوته عندى يا مدحت طيب كويس والله
هو اصلا كشخص لا يعنينى وإنما إختلافى فى أنه يكون واجهه للدين على اسم جماعته الاخوان المسلمين ولكن من الواضح هو لبس عباية الدين من اجل الوصول لهدف سياسى بحت
ثانيا تضارب التصاريح والاقوال وايضا الافعال ... ثالثا واحد عايز يحكمنا وبيقول طز فى مصر وشعبها والمعارض بالجزمة وهو لسه قاعد على كرسى الانتريه فى بيتهم ... واحد بيتعدى على جارته الله اعلم بالسبب الرئيسى .. كل ده وعايز يحكم شعب باكمله فمن الطبيعى اننا نعرف ايه الشخص اللى هيكمنا ده وبانهى منطق وافعاله كلها تدل على انه غير مؤهل لحراسة عقار ....
تحياتى
Desert cat said…
أنونيمس
والله يا دكتور انا شخصيا شايفه ان الاخوان الوجه الاخر للحزن الوطنى
يعنى ده عايز الحرق فى قطر والتانى عايز يغرق فى عباره ونخلص
تحياتى
الاخوان ....مهدي عاكف....طز في مصر.....بن لادن صناعة امريكية .....لأ...بن لادن مجاه

لو شفتي الكلام ده جنب بعضه كدة من غير أي اضافات ممكن تقوليلي ايه نوع السحلية اللي عدت على رقبته و هو صغير و لما كبر ابتدا يقرفنا...حد يقوله يركن في حتة ناشفة بلاش كدة يعني

دمت بخير يا صديقتي العزيزة جدا
ازيك يا كات ..
على فكرة مدونتك قيمة بجد ..
الراجل مهدى عاكف ده انا اساسا مبحبوش شخصيا كده لله فى لله ..
طول عمره بيقول كلام مش محسوب ولا موزون ..
مش جديده عليه ..
وبالنسبه لابن لادن طول عمرى رأيه فيه انه ممكن يكون نيته كويسه وفاكر انه كده بيجاهد وبيرفع الاسلام وبتاع .. انما هو فاهم غلط او اتوجه غلط من الاول ..
قتل المدنيين والعزل والامنين فى بيوتهم وبلدهم مش جهاد يا عم أس أس ..
بالعكس ده بيدي فكره مش كويسه عن الاسلام وبيدي مبرر لواحد زى بوش يقول علينا ارهابيين والحرب ضد الارهاب والكلام الجميل بتاعه ده ..
بوست جميل يا كات يا شديده ..
تحياتى ..
أسامة امين
mostafarayan said…
شكلك مضايقةمنهم قوي
علي العموم هما ليهم حاجات كتير تضايق
اختى العزيزة انها المصالح ولغة الماال هى ما يحكم ويملك كل شئ

ولا شئ سوى ذلك

عافانا الله من ذلك

تحيااتى لكتابتك الجاامدة

نورينى
قطتى الجميله وحشتينى كتير بس ليه عتب عليكى الجماعه الى شاغله بالك بيهم دول ميستاهلوش كل الوقت ده منك ومن المدونين
تحياتى لاجمل قطه
انا ما كنتش باحب القطط بس الظاهر اني غيرت رأيي

اولا انا شاكر مرورك لدي

ثانياانت مدونتك جميلة وهادفة ونفسي اشوف بنات مصر كلهم زيك

ثالثاموضوع المرشد والاخوان ده احسن موضوع للقزقزة الكلامية اليومية ولكنه لايجوز ان يكون قضية مطروحة وتستأثر بالاهتمام

رابعا انا بصراحة اتعلمت اني اختصم من اختصم ولكن كفي بمعلوماتي وحججي التي اعرضها بديلا عن التجريح

دامت تدويناتك ودمت بخير

تحياتي
ناو
Desert cat said…
واحد مصرى
صديقى العزيز ايهاب
عندما وضعت الكلمات بجوار بعضها
فكونت جملة مفيده نفادها انها يا سيدى كانت سحلية جبلية تربت وترعرت على فضلات الثعابين

دمت بكل خير
Desert cat said…
شـمو نشـادر
اشكرك جدا يابشمهندس على زوقك
بالنسبة لرأيك فانا متفقه معاك فى ان اللى بيعمله اسامه بن لادن واللى على شاكلته ده اكبر تشويه للاسلام وليس دفاع عنه
والا كان فين هو من الاسلام لما راح حارب السوفييت علشان ينول الرضا السامى

تحياتى
Desert cat said…
mostafarayan
لاء يا مصطفى انا مش متضايقه منهم كاشخاص انا ماليش دعوة بيهم
انما ان اللى بيضايقنى تصرفاتهم ومينفعش اشوف فعل غلط واسيبهم مش هما برضه الاخوان المسلمين
تحياتى
Desert cat said…
دعاء مواجهات
بالظبط يا دعاء وده اللى واضح اوى المصالح الشخصية
اذن هنا المفروض انهم يسموا الاشياء باسمائها الحقيقية ويطلعوا من عباية الدين اللى بيلبسوها فى اى مناسبة
شرفتينى يا دعاء
ويرشفنى زيارة مدونتك
تحياتى يا جميله
Desert cat said…
قلوب بتغنى
حبيبة قلبى اللى غايبه عننا
عتابك على عينى وراسى من فوق
بس انا بستغرب من تسميتهم الاخوان المسلمين وفى نفس الوقت افعالهم متناقضه وملهاش اى علاقة لا بالاخوان ولا الاخوات حتى
متغيبيش عننا تانى بقى والله وحشتينى
تحياتى
Desert cat said…
تايه في وسط البلد
الحمد لله انك غيرت رايك وحبيت القطط
وطبعا انا اتشرفت بمعرفة مدونة حضرتك
بالنسبة للمرشد فانا كشخص ميهمنيش فى حاجه
انما كرجل سياسى لابس لباس الدين فده اللى المفروض نوقف عنده ونعرف بالظبط هو مين وليه وفين مش يقول النهارده كلام ويرجع فيه تانى بعد ساعه
ده راجل عايز يحكمنا
مش المفروض نعرف مين اللى هيحكمنا وازاى علشان نفكر يمكن ننتخبه
شرفت البلوج يا فندم
احترامى وتقديرى

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز