ثقافــــة محدثـــــى النعمــــــه

جميعنا يتعامل فى حياته اليومية مع انواع واشكال مختلفه من البشر .. سواء فى العمل أو فى الشارع او فى الاسواق ... فيوجد من يترك اثر سلبى وهناك ايضا من يترك اثر ايجابى ... فنرى الراقى فى اخلاقه وفى جميع تعاملاته نجده يسبقه رقيه .... ونرى محدث النعمه وذلك الذى رصيده من الرقى الروحى والنفسى والإنسانى = صفر ... لقد تأملت كثيراً فى ذلك النموذج فوجدته لا يفرق بين ذكر واثنى حتى وان اختفلت ثقافتهم او شكلهم الخارجى .. فمنهم المصاب بمرض القمع التربوي المستبد و الحرمان العاطفي و منهم إرهابيون مصابون بهوس الاضطهاد و عقدة المؤامرة و من بينهم من يحملون فى يمينهم صكوك الغفران و بيسارهم الجحيم الأبدي لإخافة المرضى و المشوهين و معهم تائهون و فقراء وجهلاء ... وإن حاورهم الشرفاء والصادقون والمتنورون على ندرتهم تجدهم يكيلون لهم الاتهامات جزافا وينعتونهم بالفاظ خاليه من كل ذوق وادب ... والغريب انهم يقولون على نفسهم مثقفون ... وهنا أتساءل أية ثقافة تلك التي يتحدثون عنها ؟ ثقافة الرعاع و محدثي النعم التي تمحي كل يوم هوية الأوطان .... ثقافه منحطة مريضة و غير قابلة لأى علم حديث لأنها ثقافة عدوانية لا تملك القدرة على المحاورة و التعامل بثقة مع الثقافات الراقية ... و مازال بكل خبث مرضى هوس الاضطهاد و عقدة المؤامرة يلقون على مسامع البسطاء و الجهلة أفكارا عقيمة لا حظ لها من المعرفة و العلم و لكنها قادرة بسهولة على الانتشار بين الضعفاء و التعساء و البائسين نفسيا و روحيا لأنها لا تخاطب عقولهم البليدة و المعاقة عن التفكير إنما تُخاطب الجانب المريض في شعورهم المكبوت .... إذن هنا لا تقتصر ثقافة محدثى النعم على من هم نتاج مجتمع وبيئة تفتقر لابسط مستلزمات الحضارة وأنعدام الخدمات العامة وفجأة لقيوا نفسهم فى مستوى مكانوش يحلموا بيه بطريقه أو بأخرى .... أياً كانت الطرق فمعاملته مهما اخفى حقيقته بتكون واضحة وضوح الشمس إذا كان هذا الشخص محدث نعمة أم انسان مولود بالفعل وفى يده ملعقه ذهب مثلما يقال ... فإحداث النعمة لا يقتصر على نقل الانسان من بيئة الى بيئة ولكن ايضا من فكر الى فكر وهنا اتذكر مقوله
سيدنا على رضى الله عنه " اطلبوا الخير من بطون شبعت ثم جاعت فان الخير فيها باق ولا تطلبوا الخير من بطون جاعت ثم شبعت فان الشح فيها باق "

تعليقات

‏قال Mafrousa
حلوه المقوله الاخيره ديه يا قطه

بصى يا قطقوطه ... احداث النعمه ده ظهر بعد الانفتاح الاقتصادى اللى عمله الرئيس انور السادات الله يرحمه
طبعاً انتى صغنتوته و يمكن ماتكونيش اتولدتى اصلا بس اساألى والديكى

فيه طبقه كانت موجوده فى المجتمع زمان الطبقه ديه انعدمت الا و هى الطبقه المتوسطه ...الطبقه ديه كانت كانت بتودى ولادها مدارس اجنبيه ومدارس حكوميه بفلوس و كانت بتعلم ولادها كويس و كانت بتربيهم كويس..بصورة لا تقل ابدا عن الطبقه الغنيه....اللى كان يفرق مقدار الفلوس...بس
و كم العربيات والسواق و الفيلا..واللبس من بره علشان بيسافروا بره
اما الطبقه اللى تحت المتوسطه كانت بتودى مدارس حكوميه...و لاكن بتحاول تتعلم من الطبقه المتوسطه..بعض الاشياء مثل الذوق الاتيكيت..و بعض من الكلمات الفرنسيه او الانجليزيه لزوم الفشخره
تتعلم منها ازاى تلبس . و تقرى ايه ...و الاتيكيت يكون إزاى

بعد الانفتاح الطبقه اللى تحت المتوسطه نطت فوق الطبقه المتوسطة و واخده معاها ثقافتها و اسلوبها,,,,يعنى لاقيتى ناس ما بتعرفش لا تقرى و لا تكتب بس معاها فلوس دخلت ولادها مدارس اجنبيه كانت زمان بتعمل امتحان لغة و كشف هيئه لاحد الوالدين ...بس قدام الفلوس اللى بقت تدخل المدارس تحت بند المشروعات و مساهمة اولياء الامور فيها...اصبح كشف الهيئه مفقود
فالاسلوب فى المدارس اختلف و الثقافة اختلفت و الدنيا بقت لخبطيته و ده بتعلم من ده و كله بقى سلطه
وابن الطبقه المتوسطه بقى اسلوب مش اسلوبه و ثقافه غير ثقافته...و ديه بقى الطبقه ال
nouveau riche
انا آسفه انى اطلت عليكى ..بس كنت عاوزه اقولك اللخبطه اللى فى المجتمع ديه جت منين...ولخبطت ازاى كل المقاييس
‏قال tamer.sala7
يا بنتي مش كل الناس زي بعضها بس فعلا مصر بقي فيها محدثين نعمة كتير اوي زي مثلا احمد عز ده لو كان ابن اصول او لكان متربي علي الشبع طول عمره كان وصل الحديد لـ 7700 جنيه ده خير دليل علي انه محدث
وفي غيره كتير بس مش عايز اطول عليكي
‏قال AHMED SAMIR
وما اكثرهم في هذا الزمان
صدق من قال
احنا في زمن المسخ
تحياتي
‏قال ftafeet
عارف يانانا بجد انا بشوف حوار احداث النعمه ده كتير اوىىىىى بجد
حاجه صعبه اوى تلاقى يابنتى الوحده اعده معايا وعماله تحكى وتتكلم وتورى لكل من هب ودب هيا جابت او عملت او صرفت ايه حاجه تقرف بجد

ربنا يهديهم ان شاء الله
‏قال Unknown
انا مش ضد طبقة او مجموعة محدثى النعمة

بس انا ضد طريقة التعامل والتصرف بالنعمة دى

حاجة كدة زى واحد ماكلش من سنة

وفجاة اتعزم على وليمة

مينفعش يا كلها كلها

لازم يحافظ على احترامة لقوانين الوليمة

او التربية والاصول فى الواقع بعيد عن الوليمة


شايف روحتى بكلامك فى ناحية الفكر

او الثقافة

اقولك انى عندى عقل اقدر استخدمة كويس اوى فى الحكم على افكارهم

فى غيرى معندوش

يبقى يدفع تمن غباءة فى النهاية

بوست فكرتة جميلة

خالص تحياتى
‏قال el_assel
أحداث النعمة ده هو الافه الجديدة التي انتشر خرابها في المجتمع المصري

كل ده علشان في طبقة معينة وفجأة وجدت نفسها في مكان مش بتاعها
ومع محاولة التأقلم ظهر احداث النعمة

كل ده علشان الموضوع بيجي فجاة
علشان كمان احنا في مصر
وزي ما انتي عارفه مصر دي بلد العجايب

واللي يعيش ياما يشوف



سلاماتي
‏قال Abo 7anf
السلام عليكم يقطه
مش ثقافه محدثى النعمه
هى أصلا مش ثقافه
والمشكله فى انوا جاتله نعمه
المشكله النعمه جت ازاى
الزى دول
هتلقيها جت من جشع وطمع وحقد
وبالتالى الجشع هيفضل موجود
وحقدهم على الحوليهم
لان من داخلهم هما اقل
حرب نفسيه هما عايشين فيها
فى كتير كانوا وربنا رزقهم
وعاشوا كويس
محدثى النعمة كثيرين فى زمننا وليتهم محدثى نعمة
يعنى فى الشغل مثلا الاقي محدثى النعمة على افى من يشيل يعنى واحدة تقولك دا انا جايبة فى جهاز بنتى كذا وكذا وانا بجيب خدامة فلبينيه يعنى فش على نعر اخر تمام
وتحياتى لكى
‏قال إبن مصر
بصراحه انا مش بيغظنى من كل دول غير اللى ربنا رزقهم بالمال وبيتكبروا على خلق الله من الفقراء
والناس اللى شغاله معاهم يعنى من الأخر الرجاله اللى هما خلوها متخصخصه كلها وبقا كل الشعب شغال عندهم
‏قال Unknown
اختلف مع واحدة مفروسة فى وقت ظهور تلك الطبقة هو فعلا الموضوع موجود من زمان لان دة طبع البشر بس الموضوع ظهر جدا بعد ثورة يوليو مع كل احترامى للثورة بس للاسف فية ناس شوهتها ومنها ظهور تلك الطبقة من الشعب الى كان محروم والثورة ادتة حقوقة بس مقدرشى يفهم الحقوق دة صح فتحول الى محدث نعمة
‏قال R-H-S
محدثي النعمه ناس مش لاقيه وبعدين بقت مفجوعه صح كدا؟؟؟
بيتهيألي حاجه زي كدا
‏قال شـمو نشـادر
معلش .. اعذريهم ..
كانو فى جره وطلعو لبرا ..
بس كترو اوى ..
وبيهاجمو كل اللى بيوجهلهم اى نقد ..
مش بيسمعو غير نفسهم وبس ..
بس بيتفقسو على طول ..
بوست جميل ..
تحياتى ..
أسامة أمين
‏قال فاتيما
و إنتى زعلانة ليه يا قطة ؟؟
هوه الكلام عليه جمرك
كل واحد من حقه يقول أى حاجة
و يعتنق أى فكر يرضاه
و يعلن عنه ما دى الحرية المطلوب توافرها
عاوزة تسمعى ماشى موش عاوزة بلاش
حتى لو تعرضتى لإتهامات بإنك عكس الكون كله ...
و إيه يعنى ؟؟
أذا كان حد شايفك كدا
ما يشوف و يقول رأيه و نسمعه و دمتم
مانتى كمان يا قطقوطة بتقولى رأيك
و اللى موش عاجبه مع السلامة
نفسى الكل يسمع بعضه دون تشنج
حتى لو الكلام اللى بيتقال
ريان يا فجل
بس خلاص
‏قال .:.-=- ELGaZaLy-=-.:.
سيدنا على رضى الله عنه " اطلبوا الخير من بطون شبعت ثم جاعت فان الخير فيها باق ولا تطلبوا الخير من بطون جاعت ثم شبعت فان الشح فيها باق

----------------------------

يا سيدتى دة الطبيعى جداا
فى كمية محدثى نعمة فى البلد دى اكتر مما يتخيل اى شخص...الناس بجد اتفجعت وبقت غريبة ...

اتفرج يا سلام...
------------------

بعد اذنك لا يا استاذ جهاد محدثى النعمة دول ناس كانو جعانين جدااا وبعدين ربنا ادهم فبقو بيتطنطتو على خلق ربنا...


يارب عفوك ورضاك..
‏قال الربان
تحياتي لحضرتك

اتفق معك في كل ما ذكرتي...و اختتمتي
بحكمة رائعة للامام علي بن ابي طالب
كرم الله وجهه.

أيضا أتفق مع الاخت واحدة مفروسة في ان
اختفاء الطبقة المتوسطة من حياتنا ادي
الي تدمير حياتنا الاجتماعية.

المجتمع كان سابقا يتكون من ثلاث طبقات
عليا...و سطي...دنيا..
الطبقة الدنيا كانت تتطلع للوسطي
فكانت احلامها و طموحاتها يمكن ان تتحقق
و كذلك الوسطي كانت تتطلع الي العليا
و كان يمكن ايضا تحقيق بعض هذه الطموحات...
لكن الان....جل الشعب في الطبقة الدنيا
و ثلة منه هي الطبقة العليا...و حتي
يقفز من هو في الدنيا الي العليا...لابد
ان يكون علي اجساد و ارواح اقرانه من الطبقة الدنيا...
فأذا اضفنا الي هذا فساد النظام التعليمي...، و قد يكون عن عمد...اقصد
قد يكون افساد التعليم عمدا مع سبق الاصرار و الترصد...و هذا موضوع له وقفة لاحقا، فأن العقول أصبحت كأعجاز
نخل خاوية...

تحياتي و تقديري...و اعتذر عن الاسهاب.
‏قال Soooo
اقولك على موقف
كنت باعمل شغل لواحد جزار .. شغل ديكور
تخيلي كنت باعمللو شغل ديكور في ايه
في الترب بتاعته
متخيله يعني ايه ديكور في التربه

شغل ديكور مكلف فوق التلاتين الف جنيه
ولما سألته بعد ماخلصت الشغل انت ليه عملت كده ياحاج .. قاللي عشان الناس تقول علي اني قياما وشياكه

واخده بالك .. عايز الناس تقول عليه قياما وشياكه
مش يدعولو بالرحمه

ربنا يتممنا بالعقل
ويسترها علينا دنيا وآخره




سلامووووووووز
‏قال الميكروباص
أعرف أحد محدثي النعمه ثقافيا، بعد أن فتح ربنا عليه، قام بعمل جريده، والآن الناس يقولون عنه الاستاذ، وهو اساسا ضايع، لكنه بيتكلم في السياسه و الاقتصاد و الرياضه وكل شيء
‏قال غير معرف…
قطتنا العسل صاحبه أجرأ المواضيع
:)

ياااه ياقطه علي محدثي النعمه حاجه بجد تخنق

و المصيبه انك بتكوني عارفه اصله و فصله و يقعد يتنك عليكي

عارفه الأصيل عمره مهما اغتني مايعمل زي اللي محدثي النعمه دول بيعملوه
و محدثي النعمه مش بس في الماديات لأ برضه في الأفكار
تلاقي الشخص من دول هايف مهمش و يمسك اللي ليهم رأي و بيعبروا عنه و يقعد يسفه فيه طب ماتورينا التفكير اللي علي اصوله؟ماتسمعيش منه غير هبل في هبل

موضوعاتك دايما مميزه ياقطه و دايما بنشتاق ليها
تحياتي ليكي ياقمرايه
‏قال قلوب بتغنى
صباحو عسل يا قطتى
عامله ايه
وحشتينى
شوفى هى مشكلة الشعب كله مش مشكلة مجموعه من المعاتيه الى بيعتقدوا انهم السبيل الوحيد للخلاص
هى مشكلة جهل ومرض وجوع
جوع يا قطه بيخلى العقول مشغوله بعواء البطون
تحياتى
‏قال Desert cat
واحدة مفروسة
طبعا الثورة خرجتنا من الملكية لعصر الفلاح بياكل فيه الايس كريم بالعيش يعنى لا عارف يقلد الطبقة الارستقراطية ولا عارف يعيش عيشته اصله خلاص حفظ له كلمتين انجليزى ممكن يقولهم فى اى مكان ويبقى كدا خلاص ابن ناس واتيكيت خالص فى اللى بينخدع فى المظاهر بس برضه الاصل بيبان

طبعا انتى نورتينى مش طولتى عليا
المدونة مدونتك وخدى راحتك
تحياتى
‏قال Desert cat
tamer.sala7
ياه النماذج مالية المجتمع يا تامر وبنتكعبل فيهم حتى على النت
تحياتى
‏قال Desert cat
A.SAMIR
والله انت جبت المفيد يا احمد
فعلا مسخ
تحياتى
‏قال Desert cat
ftafeet
تعرفى يا نونا
انا لما بيقع تحت ايدى نموذج زى ده
وتلاقيها قاعده تقولى عارفه دى بكام
انا اقولها واااااو دى غاليه اوى
بس شكلها مش شيك يعنى متستاهلش
المهم اسد نفس اللى بيتكلم قدامى ومن جوايا بقول غلبان او غلبانه ممكن يكون اخر طموحاتهم كانت سندوتش برجر وبنطلون استرتش لكن ربنا فتحها عليهم
علشان كدا فاكرين كل الناس زيهم فبيتعاملوا على الاساس ده
عموما لما واحده تيجى تحكى لك كدا قولى لها على فكرة شكلها مش شيك وما تستاهلش ههههههه
نورتينى يا جميله
‏قال Desert cat
واحد مش فاهم حاجة
بالظبط كدا
وصفك لخص الموضوع
شرفتنى جدا
‏قال مروة الزارع
أنا دايما بقول إننا بدل ما ننتقد الفئة دى من الناس اننا واجب علينا نقف جمبهم ونساعدهم لأنى بحس انهم مظلومين ومش ذنبهم

وحشانى يا قطتى جدا
‏قال Desert cat
el_assel
وممكن ما يكونش فجأة
ممكن يكون محدث النعمة تعب فعلا لحد ما وصل لهدفه بس وقتها مش بيكتفى باللى حققه ماشى ربنا يزيد ويبارك
بس فى الحاله دى مهما عمل عمر المظهر ما بيدارى الاصل لان تعاملاته بتنعكس على المجتمع بصورة او باخرى
تحياتى
‏قال Desert cat
Abo 7anf
هو مش بيبقى النعمة جت ازاى او منين يا دكتور
المهم انها تزيد ومتقلش فى الوقت نفسه تلاقى الاصل غالب
تحياتى
‏قال Desert cat
رئـــــيسـة حزب الأحلام
هو من الواضح يا سلوى ان النماذج دى فى منها كوبى وبيست فى ل الاماكن
نورتينى
‏قال Desert cat
Son of Egypt
هو اللى بتقوله ده اكبر نموذج موجود فى قدام الجميع
تحياتى
‏قال Desert cat
ايوية
بصى يا يويو هو على اد ما الثورة كان ليها مميزات كان ليها برضه عيوب
ومن اكبر عيوبها ظاهره محدثى النعمه
نورتينى يا جميله
‏قال Desert cat
GeHaD
محدثى النعمة هما اللى لخصتهم مقولة الامام على رضى الله عنه وارضاه
تحياتى
‏قال Desert cat
شـمو نشـادر
انا عاذراهم يا اسامه وبقول ربنا يديهم انا بس بنتقد ظاهره معينة فى المجتمع
تحياتى
‏قال Desert cat
ام يوسف
والله يا جميل انا مش ماسكه فى افكار حد
ولو راجعتى البوست كويس هتلاقيه عارض ظاهره احداث النعمة وبكل سلاسه دون تشنج او عصبية
يعنى مش ماسكه شخص معين وعمال اسلخ فى فروته
نورتى
‏قال Desert cat
.:.-=- ELGaZaLy-=-.:.
انت عارف مهما اتنططوا برضه الاصل بيبان
فا انت لو قابلك حد كدا ممكن تتعامل معاه على قدر عقله
تحياتى
‏قال Desert cat
الربان
استاذى العزيز الربان
فعلا تحليل رائع
فالمشاهد متكررة بصفة دائمة
فاحيانا تجد احد الموظفين يصعد على اكتاف زمايله بطريقة او باخرى حتى ينال الدرجة المرجوة وعندما تساله عن ماركة بدلته تجده يجيبك دى سعرها الشيئ الفلانى

لا داعى يا فندم للاعتذار على الاسهاب
فحضورك شرف عظيم
تحياتى واحترامى وتقديرى
‏قال mohamed
u've got a point there catty we'll always meet those people may god have mercy on our souls
‏قال blackcairorose
فراءاتى الدينية محدودة ولكن كل مرة اقرأ قول من اقوال سيدنا على أجده غاية فى الجمال والعمق

كلمته صادقة مائة بالمائة

شكرا قطتنا
‏قال Miso soup
انا حاسس ان احنا هنا بتكلم علي حاجة احنا مش متفقين علي تعريف ليها ... حد هيسآل طب مهو معروف يعني ايه محدث نعمة ..اقوم انا اقول لا واضح ان فيه ناس شايفه ان محدث النعمة ده واحد اغتني فجآة (سواء بطريقة مشروعة او غير مشروعة) و اتنقل من طبقة لطبقة اعلي .... طب و ماله هو ده عيب ان الفقير يغتني و لا مكتوب عليه ان يفضل طول عمره فقير المهم انه يكون مش علي حساب الغير
ناس تانيه شايفة ان محدثي النعمة دول ناس بتتفاخر علي الاخرين باللي معاهم ... و طب و مين فينا مبيعملش ده ابسط مثال كام واحد فينا غير الموبايل بتاعه و جاب واحد اغلي مع انه مش محتاج الموبايل الجديد و كام واحدة بتلبس دهب اد كده في ايديها و علي صدرها و كام واحد بيحب يبلس جينز ماركة و لا يجيب عربية غالية ممكن واحدة ارخص تقوم بالمهمة ... انا شايف ان حب التفاخر ده ميل طبيعي عند الانسان علشان يبرز طبقته الاجتماعية (او يحاول يبان اعلي) و ده مش عيب طالما مكنش بصورة فجة فيها تعالي و احتقار للاخرين
ناس تانية فاكرة ان محدثي النعمة هما الناس اللي بتستغل الناس و تحتكر الحديد و تبيعه بمش عارف ٧٧٠٠ جنيه للطن مع ان ده شغل بيزنز بس ده هو مش شغل نظيف و بيظهر طول ما في فساد
و فيه ناس بتفتكر ان محدثي النعمة دول اللي معندهمش ثقافة .... لكن الثقافة ده مش قراية كتب الثقافة هي منظومة السلوكيات و العادات و انماط الحياة اللي الفرد بيمارسها و علي ذلك اي واحد له ثقافته
و فيه ناس بتعتقد ان محدثي النعمة هما دول كلهم في بعض
انا شايف ان عدم وضوح المسميات ده واحد من اكبر مشاكلنا .. ممكن نتناقش ساعات و لكن بيكون نقاش الطرشان لان كل طرف له مفهمومه عن الحاجة اللي بنتناقش فيها ... و الكلام ده عن حاجات يمكن تبان بديهية و لو سالتي اي حد عن معناها هيبص باستنكار ... هو ده سؤال!!! مثلا زي الاخلاق ... هتلاقي كتير عندهم الانسان الخلوق هي المحجبة و الغير محجبة تستاهل اللي يجرالها و الانسان المتدين اللي بيحافظ علي الفروض وواخد الشكل التقليدي (متلازمة اللحية ... الذبيبة ... الجلابية) في خلط سواء واعي او غير واعي بين الاخلاق و التدين .... حاجه تانية .. لو قلت لحد انتي علماني يبقي كآنك شتمته .. مع ان مفهومها عند ناس تانية شى مختلف ..... و حاجات كتير ليها معني ضبابي غير محدد زي لو قلت لحد هاجيلك بعد الظهر يفضل مستنيك من نصف النهار لحد الفجر
و بناء علي هذا فانا اعلن من منبر هذا (حلوة و الله منبري ده) ان محدث النعمة هو شخص اصيب بصدمة ثقافية نتيجة انتقاله من طبقة اللي طبقة اعلي صاحبها اضطراب سلوكي و محاولة تاكيد انتمائه الجديد بشتي الطرق بدآ من الاستعراض و انتهاء بتحقير طبقته القديمة و محاولة قطع كل صلة بها و محدش يسالني علي اي حاجه لاني مش فاهم و لا كلمة من اللي انا قلتهم :) ١
اسف كتير يا قطة الكومنت طال مني :) .١
‏قال bastokka طهقانة
ما تسيبوهم يفضفضوا عن نفسياتهم
يبقى فقر و غلب و قلة حيلة و قلة كلام كمان


اوروفوار
‏قال سمراء
اعتقد انها ثقافة الاطفال
لاحظي الاطفال وهم يلعبون
تجدين الطفل الاصغر اقل قدرات من باق الاطفال وهذا طبيعي لان القدرات تنمو حسب السن
يبدأ الصغير في المنافسة ومن ثم يكتشف الحقيقة
يلي ذلك ان يقوم بتعطيل الكبار حتي لا يفوزون ويعتبر ذلك هو الفوز

احييييييييييك
سمراء
‏قال Tamer Nabil Moussa
فى نوعية من الناس

غريبة الاطوار وتصرفتها غريبة

والدنيا مدرسة وفيها جميع الاشكال والالوان واحيانا تضعك الظروف فى وضع تجبرى فى على التعامل مع هذة النوعيات

تحياتى
‏قال Zika
جملة سيدنا علي رضي الله عنه بتلخص المقال
فعلا فيه ناس كتير اوي بتدعي الثقافه وبيتظاهر بانه من فئه غير فئته لدرجة انه حتي مش بيحاول يحسن من نفسه بدل ما يكدب
كل واحد سمعله كلمتين عن اي حاجه بيقولهم في اي مكان ويبقي كده هو مثقف وجامد
او واحد حافظله كلمتين انجليزي بيقولهم في مواقف معينه ...ومحدش فيهم علي الاقل بيحاول انه فعلا يبقي كده هو بيكتفي بالتظاهر
تحياتي
باعاني منهم موووووووووووووت

و أتمنى لو نيزك ينزل عليهم من السما يبيد اللي خلفوهم

شكرا على طرحك للموضوع ده

أتمنى زيارتك و تعليقك باعتباري محدث مدونات

سلام عليكم
‏قال Desert cat
Soooo
ههههههههههههه
ده ربنا يشفيه ويزيح عنه وعن امثاله
سمعت مرة مثل بيقول الفلوس مع التيوس
يعنى واحد بنا مديله بدل ما يكلف تربه الشيئ الفلانى
يتبرع حتى بنصهم للمحتاجين
اللى يعيش ياما يشوف
تحياتى
‏قال Desert cat
لورنس العرب
بيفكرنى بمحدث نعمه
بيتكلم فى الطب والادب والفلسفه واحيانا القانون
تاجر شنطة يعنى
تحياتى
‏قال Desert cat
اجندا حمرا
ارق واجمل اجندة
اصبتى كبد الحقيقة فعلا الانسان اللى معندوش اصل ولا حسب ولا نسب تلاقيه طول ما هو قاعد بيتكلم على حاجات مزيفه واصلا مش راسى له على بلد معينة ... ويتلاقيه بيتباهى بمجد اى حد واى اختراع ودايما تلاقيه بيقول على اى حد صاحب منصب قريبه ... انا بعذر الناس دى على فكرة اصلهم بيبقوا مصابين بمرض النقص
... نقص من الاصل ومن الجاه ومن كل حاجه وزى ما قولتى فعلا لو هو بالفعل ابن ناس وعنده اصل مهما اغتنى مش بيفضل يقول ويعيد ويعرف الصغير والكبير انه محدث نعمه
نورتينى يا جميله
ويارب دايما منورة الدنيا كلها
‏قال Desert cat
قلوب بتغنى
اجمل قلوب بتغنى اللى كانت غايبة عننا
اولا حمد الله على سلامتك
ثانيا ... ربنا يكفيكى ويكفى الجميع شر الشبع بعد جوع
نورتينى يا جميله
‏قال Desert cat
مروة الزارع
عروستنا الجميلة
الف مبروك الخطوبة يا قمر وعقبال الزفاف
طيب الناس دى هنقف جنبها ونساعدها ازاى يا مروة اذا كان هما مش عايزين يساعدوا نفسهم
تحياتى
‏قال Desert cat
mohamed
thank's mohammed
take care these people
bye
‏قال Desert cat
blackcairorose
فعلا قول مأثور لسيدنا على وعميق فى المعنى
شرفتينى يا جميله
‏قال Desert cat
Miso soup
طبعا انا متفقه معاك فيما ذكرت
لكن جميع ما ذكرت انت لخصته فى الاخر فى جملتك وهى انتقال محدث النعمه من طبقة لطبقه او من فكر لفكر اخر
ومش هسألك فى حاجه لان ردودك كلها منصبة فى نقطة واحده وداخل محور معين
وده مالوش اى علاقة بالدائرى نهائى
انت بس خليك على المحور
وربنا حيسهلها بعد كدا
تحياتى
‏قال Desert cat
bastokka طهقانة
يا حبيبتى فضفضه عن فضفضه بتفرق
فى فضفضه بتريخ وفى فضفضفه بتفضح
ههههههههه
نورتينى يا طهقانة
‏قال Desert cat
سمراء
العزيزة سممراء
وممكن تكون ثقافة الرعاع
التى انتشرت بشكل او باخر
تحياتى
‏قال Desert cat
Tamer Nabil
ماهى الظروف اللى بتجبرنا على التعامل معاهم يا تامر هى نفسها اللى بتكشف لنا الحقائق
تحياتى
‏قال Desert cat
Zika
طيب مهما حاول يتظاهر يا زيكا سواء بكلمتين الانجليزى او غيرهم بتنكشف الحقائق لأن ليس كل ما يبرق ذهب
‏قال Desert cat
الإتربي اللولبي
دول شكلهم منتشرين ومتوغلين فى المجتمع كله
ربنا يحقق امنيتك وامنية الجميع
نورت البلوج سبوت كله
تحياتى
‏قال Zika
المشكله مش فانه يخدع حد
اكيد هو هيتكشف بدري بدري
بس السؤال هنا .. ليه ؟
طب بدل ما تعمل نفسك مثقف .طب ما ما تثقف نفسك فعلا
الناس دي بجد يا قطة الصحراء
بتصعب عليا جدا
:D
بيبقي شكلهم وحش اوي
‏قال Desert cat
Zika
الثاقفة مش فى القراءة بس يا زيكا
الثاقفة كمان فى الرقى واسلوب الحوار الحضارى
تحياتى
‏قال غير معرف…
hello there ..
it is my first post here and i hope that you will help me with it ..

any one could tell me about good please to sell and buy traffic ?

many thanks .
‏قال غير معرف…
hello there ..
it is my first post here and i hope that you will help me with it ..

any one could tell me about good please to sell and buy traffic ?

many thanks .
‏قال غير معرف…
here is tie-up to the hip area payment megauploade
[url=http://173.192.82.7//] megauploade [/url]
http://173.192.82.7/
i'm also asking you to share in the relate with all also pen-friend also to be piece of the anti - A standstill Online Piracy Act (SOPA) -
به عنوان در نظر گرفتن megauploade give us allocate of fair status services and randomly it is our time to refund back .

multitudinous thanks
‏قال غير معرف…
here is tie-up to the budding area to megauploade
[url=http://173.192.82.7//] megauploade [/url]
http://173.192.82.7/
i'm also asking you to share in the join with all compeer also to be piece of the anti - Terminate Online Piracy Counterfeit (SOPA) -
در مورد فکر می کنم megauploade give us earmark of beneficent grade services and randomly it is our rhythm to chastise back .

many thanks


[url=http://www.bozkirkoyu.com/forum/index.php?topic=92.new#new] xnxx [/url]
‏قال غير معرف…
here is tie-in to the redone spot to megauploade
[url=http://173.192.82.7//] megauploade [/url]
http://173.192.82.7/
i'm also asking you to dispensation the link with all confrere also to be element of the anti - Terminate Online Piracy Counterfeit (SOPA) -
i think about megauploade award us earmark of good quality services and now it is our stretch to refund back .

divers thanks


[url=http://animestreams.de/viewtopic.php?f=30&t=12232] xnxx [/url]

المشاركات الشائعة