الإرهاب الفكرى = عقل متعفن

انت مختلف معايا يبقى انت ضدى يبقى استحمل الاتهامات اللى هرميها عليك ... يا ألف اهلا وسهلا باحدث طريقة للارهاب الفكرى

احتار البعض من مدعى التدين والثقافة فى تصنيفى وتحديد هويتى .. ولكنهم فى النهاية اجمعوا انى علمانية كافرة ... ولا ادرى ما علاقة العلمانية بالكفر فى حالة لو العلمانية اساسا تهمه يحاسب عليها القانون .. ولا أدرى ايضاً مالهم بهويتى الشخصية ...

ألسنا نعيش فى دولة مدنية اى الدولة التى لا تفرق بين مواطنيها على اساس دين او جنس او لون او عرق

الا يعلموا هؤلاء الجهلاء ان لا علاقة بالعلمانية بالكفر ومعنى العلمانية فصل الدين عن الدولة اى عندما يختار أي منا مرشحا لأي منصب يجب أن يختاره لأنه قدوة وذو سمعة طيبة ويرفع برنامجا واضحا وليس لأنه يرفع شعارا مكتوب عليه أنا متدين

لسيت العلمانية هى الدعوة للانحلال والرشوه والفساد كما تفضل احد المتاسلمين وترك لى كومنت يحمل تلك الكلمات التى تنم عن فهم ووعى ثقافى وذكاء حاد

ومن الواضح انه هو ومن تركوا كل ما وراؤهم وامامهم واجتمعوا على تصنيفى ولاى هوية انتمى .. لا يعلمون ان العلمانية تؤمن بالمساواة و اننا مادمنا نخدم ذلك الوطن فكلنا متساويين فى جميع الحقوق و الواجبات

ولكن كيف يعلمون وهم لا يؤمنون بحرية الاعتقاد و كل شخص حر فى اختيار دينه وأرائه بكل حريه

كيف يعلمون وهم من وضعوا الخطط لإلغاء إحدى أهم مواد الدستور المصرى من حق المواطنة لأنهم لا يؤمنون ان المواطنة حق لكل الاقليات فى المجتمع وكأن المجتمع حكر لهم فقط

مازلت اتسائل لما كل هذه الحيرة فى شخصى الكريم كل ذلك لأنى أرفض الطائفية

ليس من حق اى شخص مهما كان دينه ان يستأصل انسان او ان يفقد انسان حقه المشروع فى القيام بواجباته او التمتع بحقوقه المدنية ومهما اجتمعوا ساظل اعلنها انا ارفض جميع اشكال الارهاب و التطرف و التعصب الدينى الاعمى

فالدين لله والوطن للجميع
وليس من حق اى متاسلم ان يحتكر الدين لتحقيق اهدافه ومساعية الشخصية وليست اللحية هى دليل الورع وليس غطاء الوجه هو دليل النقاء والحياء فاكررها لمن يكرهون سماعها وكان على راسهم البطحة التى اضع فيها ملح من لم تحترم قطعة القماش التى تضعها على وجهها فهى كيس زبالة اسود متحرك ...
فكما يعلم الجميع عن المتأسلمين انهم على استعداد لاتباع شتى الطرق للوصول إلى معتقداتهم واهدافهم الشخصية .. فلماذا لا تكون عندهم الشجاعة لتسمية الأشياء بأسمائها .. .
ولكن ما يحدث الان من اجتماعات حول هويتى وكيفية تصنيفى ماهو الا دائرة صغيرة داخل مجتمع يوجد به العديد من نشر الفكر المتطرف .. واجماعهم على انى علمانية واسعى لنشرها ولنفترض .. اذن هنا لدى افكار اوجهها وهذه هى حريتى الشخصية ... افيدونا بافكاركم ان كان لديكم اين جديدكم من ابحاث علمية وثقافية تفيد المجتمع ... اين انتم من الحداثة والمنهج العقلى ... لم نرى منكم أى تطور محسوس فلا تملكون الا السنة متطاولة لمن يخالفكم الرأى ومشايخكم من اصحاب الفكر الوهابى لا يقدمون سوى فتاوى الخبث والفتنة وارضاع الكبير والثعبان الاقرع .. ماذا فعلت جماعتكم المنتشرة فى المغرب والجزائر ومصر والامارات ... فلم نرى منها أي مشروع حضاري غير أعمال الارهاب والقتل والتكفير فالجزائر و فلسطين ليسوا ببعيد
فالى كل محبى الفتنة والغيبة والنميمة

موتوا بغيظكم وعلى قلوبكم حجر

تحديــــــــــث

التحديث عبارة عن كومنت للدكتور ضياء النجار

ولانه قيم ويحمل الكثر من المعانى والعبر هضيفه فى البوست

مواقف من سيرة الرسول صلى الله عليه وسلم ونرى إن كانت تصب في خانة العلمانية من عدمه:أولا: عندما توفى إبراهيم ابن النبي صلى الله عليه وسلم - وكان في سن الطفولة الباكرة- حزن النبي صلى الله عليه وسلم عليه حزناً شديداً، وفي ذلك اليوم كسفت الشمس فأراد الناس أن ينظروا إلى كسوف الشمس على أن السبب فيه هو موت إبراهيم ولكن حتى في هذا الموقف شديد الحزن على قلب الرسول أبى الرسول صلعم إلا أن يرد الناس إلى العقل والتفكير العلمي، إلى العلمانية، بعيدا عن اقحام الدين في ظاهرة طبيعية مثل الحياة والموت، فقال لهم: (إن الشمس والقمر آيتان من آيات الله لا يخسفان لموت بشر ولا لحياته، فإذا رأيتم ذلك فادعوا الله وكبروه)

ثانيا: في غزوة بدر سأل الحباب بن منذر الرسول صلى الله عليه وسلم عن مكان التعسكر الذي اقترحه الرسول صلى الله عليه وسلم وقال له: "يارسول الله .. أهو منزل أنزلك الله إياه ؟ أم هو الرأي والحرب والمكيدة ؟". فرد عليه الرسول " لا بل هي الحرب والرأي والمكيدة " .. وعندها قال له الحباب :" إذاً ليس هذا بمنزل" وأشار الحباب على النبي بمكانٍ آخر. وبقية القصة معروفة. إنه موقف جديد يدل على "علمانية" الرسول، ولولا أن الصحابة كان يعرفون عن الرسول أنه "علماني" في توجهاته الحياتية لما طرحوا سؤالا يفصل بشكل واضح الدين مثل الوحي عن الأمور الدنيوية مثل امور الحرب. وهناك مواقف اخرى في السيرة

وبمناسبة علمانية الرسول صلى الله عليه وسلم احب : لما الرسول أمر المسلمين بالهجرة الأولى إلى الحبشة وهو يعلم أن من يحكمها ملكا مسيحيا، أي أنه لم ير غضاضة في أن يكون جماعة من المسلمين تحت إمرة ملك مسيحي، وقال مقولته المشهورة عن عدل هذا الملك وأنه لا يظلم عنده احد، ألم يكن هذا السلوك سلوكا علمانيا محضا؟

أشكر حضرتك جدا دكتور ضياء على التوضيح وما يحمله من مواقف من حياة الرسول صلى الله عليه وسلم مودتى واحترامى وتقديرى

العلمانية نشأ هذا المصطلح في فرنسا في القرن التاسع عشر وكان يصف المساعي الرامية إلى تقليص تأثير الكنيسة على الدولة وعلى الحياة العامة، وفي عام 1905 صدر قانون بشأن فصل الدولة عن الدين، والعلمانية توجه مضاد لرجال الدين ولكنه ليس مضاد للدين بشكل عام

"علمانية" كلمة معادلة للكلمة الإنجليزية "Secularism" (سيكيولاريزم) وتعني إصطلاحاً فصل الدين والمعتقدات الدينية عن السياسة والحياة العامة وعدم إجبار الكل على اعتناق وتبني معتقد أو دين أو تقليد معين لأسباب ذاتية غير موضوعية. ينطبق نفس المفهوم على الكون والأجرام السماوية عندما يُفسّر بصورة مادية بحتة بعيداً عن تدخل الدين في محاولة لإيجاد تفسير للكون ومكوناته.

( المصدر ويكبيديا العربى + موسوعه مايرز )

تعليقات

‏قال غير معرف…
قطتنا الجميله المتألقه دايما

و لا تزعلي نفسك ياقمر
شوفي ياقطه احنا عايشين في مجتمع بحس انه غريب جدا
ماليان كم متناقضات فظيع

ناس تلاقيها بتقولك انها مؤمنه بالرأي و الرأي الاخر
و اول ماتتحط في موقف عشان تبين ده تلاقيها مخها ناشف و اسلوب حوارها متدني و أبعد مايكون عن الديموقراطيه و الحوار الهادئ

لو اختلفت معاكي في نقطه معينه الناس دي تبتدي تنصب نفسها حاكم بأمر الله و هاتك يانحل في وبرك
لو مامشيتيش تبع الجماعه تبقي منشقه عنهم و يبتدوا يقيموا عليكي الحد و يفصلوكي عنهم عشان يمكن ترتجعي و تمشي بأسلوبهم
ارهاب فكري و في الاخر عمالين يتشدقوا بكلمه الديموقراطيه

و اضراب و مش اضراب

و اساسا ممكن مايكونوش فاهمين يعني ايه اضراب

بحترم كل صاحب رأي طالما لا يحجر علي رأي زميله
قله الأدب و التطاول عمرها ماكانت اسلوب حوار

نتكلم عن فئه معينه في المجتمع يبتدوا اللي منصبين نفسهم ائمه و شيوخ يقولوا انتم بتعمموا انتم كذا و كذا مع ان لو كانوا بيقرئوا كويس كانوا فهموا اننا مش بنعمم

عارفه اغلبيه الناس اللي من النويعه ديه بتحاول تبني شهره علي حساب غيرها لأنها بتعاني من خلل في تقبل الاخر

عايزين يلعبوا علي كل الحبال مايخسروش حد
بيهمهم مصالحهم و بس

صدقيني ياقطه الكلام في الموضوع ده مش حينتهي و لا الناس دي حتبطل تقل ادبها لما بنختلف معاها

بس البقاء دايما بيكون لصاحب الفكر الواعي اللي بيعبر عن رأيه بأحترام

و صدقت المقوله اللي بتقول ممكن ماكونش موافقه علي رأيك لكني سأدافع عنك في سبيل حريتك في انك تقوله)

دمتي دايما متألقه و صاحبه فكر واعي و صدقيني كل المواقف ديه ياقطه لو ليها تأثير فهو انها لازم تقويكي و تعرفك علي الناس اكتر و اكتر

تحياتي ليكي ياجميله
‏قال Unknown
عزيزتى قطة وحشتينى ووحشتنى موضوعاتك
وبعدين المفروض انك تفرحى فالاختلاف على شخصيتك وزى مبيقول كبار المشاهير
ان دة ضريبة الشهرة والنجاح متشغليش بالك
والى انا مستغربالة ان التهم الان اثنين ياما علمانى او تكون شيوعى لو حب يزود التهمة بشاعة او تكون اخوانى
تحياتى
‏قال مواطن مصري
انا ليبرالي
و عندما قلت ليبرالي ع النتورك المصري في فيس بوك
دخل الاسلمجية
و هاتك يا تكفير

طيب سؤال
مش هما حرموا الفيس بوك و الانترنت
و المزياع

و ايضا الموبيل
لية بيستخدمو تلك الاشياء
المشكلة الاكبر ان الاسلمجية او الاخوانجية
فاكرين نفسيهم اولياء الله و انهم المتحدث الرسمي باسم الدين
و ان من يعارضهم يكون كافر
و زنديق

و انا اتفق معكي في كلمة انهم لا يقدموناي مشروع حضاري الاغير الارهاب
‏قال مواطن مصري
اة نسيت لهم لقب شيوخ الفتة
‏قال مواطن مصري
و هناك فتوى في السعودية بتحريم استخدام الفيس بوك
‏قال ملك الكبدة
و الله يا نانا واضح اننا لسة بعيد اوي عن موضوع الليبرالية و العلمانية و الديمقراطية ده

بيتهيئلي لازم العقول تتزبط الاول و بعدين نشوف بقى احنا ليبراليين علمانيين مفتكسين اي حاجة و السلام بس العقول تنضف
‏قال Tamer Nabil Moussa
الحرية الحقيقية هى ان تحتمل ابداء كل راى ونشر كل مذهب وترويج كل فكر كما قال قاسم امين

واضيف عليها علينا الا نؤمن الا بما يتناسب مع عاداتنا وتقاليدنا ومنبت الثقافة التى تعلمنا وتربينا عليها يجب ان يكون الانسان صاحب فكر
ومبادىء لايبتعد عنها ويتخلى عنها امام اقوى الاعاصير والتيارات لكن يجب ترك مجال للاستماع الى افكار وارء الاخرين
فهما كانت بعيدة عننا ا لكنها فرصة لكى نتعلم ونعرف كيف يفكر الاخرين

نأخذ من افكارهم ما يتماشى معنا ويكمل مو نؤمن من
افكار


اما اسلوب التكفير لااخرين او وضع طريق للسير فية دونة فهى عملية تهجير وتخريب ولا ليس اعدال وتفكير صحيح

كما من ليس من حق اى انسان تكفير الاخرين

ربنا يهدى يارب

تحياتى
السلام عليكم ورحمة الله وبركاته

الفهم الصحيح للأمور سيحل كل هذه المشاكل
فهم معنى علمانية
فهم الإسلام الصحيح كما هو بعاداته وقيمه
فهم معنى مواطنة
فهم معنى وطن بداخله الكثير من المناهج والمذاهب والأفكار المختلفة
فلا يجب التكفير لمجرد الإختلاف في الرأي
ولا يصح حجب المواطنة على اساس الدين

وكل من لديه ما ينمي البلد سيصب في النهاية لإحياء أمة كاملة خمد حماسها منذ سنوات كثيرة جدًا


تحياتي
ازيك يا مخربشه
انتي زعلانه خالص كده ليه احنا متفقين ان كل واحد حر في رايه وزي ما انا قلت للريس قبل كده الاختلاف في الراي لا يفسد للود قضيه
اذا كان فيه ناس مش عايزه تتقبل ده وتناقش رأي برأي ووجهه نظر بأخري يبقي دى ناس متستاهلش نحطها في اعتبارنا خالص او نناقشهم علي اعتبار ان النقاش معاهم غير ذي جدوي لانهم زي ما بتقولي انصار الرأي الواحد وبعدين بدل ما يحتاروا في تصنيفك يناقشوكي نقاش العقلاء البالغين لومحدش اقتنع بوجهه نظر الاخر فكل واحد حر في وجهه نظره
يا ناااااااس احنا كبار بالغين راشدين والمفروض اننا عقلاء ياريت نتقبل الاختلاف بصدر رحب
‏قال مدحت محمد
ايه ده هما بيصنفوكى دلوقتى

ده انتى بقيتى مهمة على كدة

ومش هنعرف نكلمك بقى ياديزيرت


سيبك من التصنيف

انتى شايفة نفسك ايه
ده المهم

تحياتى
‏قال رامى اشرف
لست مدافع عن بعض التيارات الاسلاميه ولكن
هتكلم بموضوعيه شديدة
وللعلم انا متدين والحمد لله وغيور جدا على دينى
وفى نفس الوقت اعشق اللبراليه ومؤمن بالافكار العلمانيه طيب ازاى بقى ؟؟؟؟
اولا العلمانيه الى انتى قلتيها يا قطه فى اختيار الحاكم على مبدا المصلحه وليس على اساس الدين العلمانيه الى تعنى الحريه لك وللاخرين مع مراعات المرجعيه الدينيه المحافظه على الاخلاق والقيم ومظنش ان فى حد يختلف معايا فى ذلك مؤمن باللبراليه نعم ...
ولكن لماذا يهاجم بعض التيارات الاسلاميه هاذة الافكار مع انها افكار فى وجدهه نظرى لا تختلف مع الدين فى شىء بمعنى ان الدين اعطى الحريه للجميل فى الايميان الله اعطانا الحريه لماذا نحن نحرم بعضنا بضع هاذة الحريه ولماذا يتهم البعض المؤمنين باللبراليه والافكار العلمانيه بالكفر اقول لكم والتمس لهم ما يقولون
لان مثلما حدث فى تركيا او فرنسا او بعض الدول وحتى العربيا منها مثل الجزائر بمحاربه الحجاب او بعض التشريعات الاسلاميه مثل تعدد الزوجات ونادت بان منعهم بالحجاب او ما شابه بسس الافكار العلمانيه
واقول ولا اعلم اذا كنتم تتفقون معى او لا ان هاذا مخالف لللافكار اللبراليه عندما اعطى حريه اعطيها للجميع من يرتدى الحجاب يرتدى ومن لا يرتدى فحسابه مع الله وضح ما اقصدة الحريه يبقى الحريه من اجل الحريه ولا احظر على الافكار الاسلاميه بادعائ العلمانيه واللبراليه لان الحريه حريه للجميع
خلاصه القول
سبب اتهام التيارات الاسلاميه بالتكفير هو شوء استخدام الافكار اللبراليه واستخدامها لمحاربه الدين
لا اعلم مختلفون ام متفقون ارجو التعليق
‏قال Eldebug
بصى يا قطة مصطفى لطفى المنفلوطى قالها من زمان "لكل تربة نباتا ينبت فيها ..ولكل نبات زمنا ينمو فيه ... وكل نبات يزرع فى ارض غير ارضه او فى ساعة غير ساعته ...اما ان تاباه الارض فتلفظه واما ان ينشب فيها فيفسدها"

واحنا اتزرعت عندنا ثقافات لا احنا تربتها ولا كان ده وقتها ... وبيتهيالى ان ده كان السبب فى زراعتها اصلا
‏قال Heart Beat
Dear Desert Cat

الموضوع الجميل جدا ده بيفكرني بناس كده عايشين فوق قلبنا و كاتمين على نفسنا و بيدعوا انهم ديمقراطيين و ان في حرية رأي و ان الشعب يقول رأيه من غير خوف و اول ما نقول رأينا نلاقينا في المعتقل على طول

طيب و لما هم عايزين يحطوا سلاسل حديد على عقلك و تفكيرك و ارائك مايتفضلوا يشرفوا و يشيلوا عقلك ده خالص و يحطوا عقولهم هم في راسك غصب عنك

نشأ الارهاب الفكري بسبب وجود عقول متحجرة تعتقد خير اعتقاد انهم على صواب و على الطريق الصحيح و لا يقبلون لشيء اخر بديل

لكن من الذي اكد لهم انهم على صواب ... الله اعلم ... لكن هم عندهم ايمان بكده

مين اللي قال لهم انتم خلفاء الرسل و الائمة ... الله اعلم .... لكن هم شايفين نفسهم كده

ما سمعتش مرة عن انسان محترم ... يقعد يتكلم عن شخص تاني من وراه و يقول كلام سيء عنه و بعد شوية يجي يقابل اللي اتكلم عليه ده و يضحكوا مع بعض و لا كأنه لسه جايب في سيرته في حاجه وحشة

يعني الناس دول نمامين ... غريبة هي النميمة كانت من الدين اللي بيتكلموا عنه ... الله اعلم ... لكن هم شايفين ان اللي بيعملوه صح

اللي بيدعي ان العلمانية كفر ... بكره يقولك انها اتحرمت شرعا ... و لما تسأليه عن النص الصريح بكده يكون رده مجموعة من الامثلة و الحكايات اللي مالهاش علاقة ببعض و يتهرب من الاجابة و ينهي الحوار بإعادة التذكير ان العلمانية كفر

الكارثة الكبيرة ان اشباه العقول دول بيدعوا العلم و المعرفة ... لو كان العلم و المعرفة بالشكل ده يبقى عقولهم احسن لان مالهاش لازمة

في اي كتاب علم او اي طريقة معرفة اتقال ان على اشباه العقول ان يرهبوا كل من اختلف مع تفكيرهم و يطالبوه بالالتزام بتوجهاتهم بالعافية و ان رفض يتم تهديده و من ثم تكفيره و عزله عن المجتمع

اي كلام يعني ... ما هو الناس يدي مستحيل يجي منهم كلام مفيد ابدا

و كمان بتحدث اجتماعات لتحديد هويتك و يحدث اجماع فيها كمان انك علمانية و بتسعي لنشرها

يعني نمامين فعلا و مغتابين كمان ... جايز ده من الدين اللي بيتبعوه لان الاسلام مافيهوش نميمة و لا اغتياب

ده طبعا لو كانوا من الاسلام في شيء لكن هم من ... من اتبع هواه ... يعني ياخدوا من الدين اللي يعجبهم و بس

لو عندهم نص قرآني صريح عن العلمانية الكافرة اللي خلعوها عليكي دي زي الآية القرآنية الكريمة اللي بتنهي عن الاغتياب .... ياريت يتفضلوا يقولوا ايه هو النص القرآني اللي انهى عن العلمانية

اصل في تعريفهم البدائي الجاهلي ... ان العلمانية هي الشرك بالله ... ماعرفش طبعا مين وشوشهم في ودانهم و قال الكلمة دي ... بس ربنا يشفي يعني

و مهما تقولي ان العلمانية اللي بتتكلمي عليها هي فصل الدين عن السياسة او فصل الدين عن الدولة ... برضه مش هايشوفوا الكلام ده و لا هايفهموه .... لانهم كبروا و اتربوا على ان العلمانية حرام ... اكاد اجزم انهم مش عارفين هي ليه اسمها علمانية و لا التسمية دي جت منين

و روحي اسألي اي شبه عقل فيهم هايجري على الجوجل و يدور على سبب التسمية و معناها

انما يرد عليكي و انتي واقفه اودامه كده على اساس انه دارس و فاهم .... مستحيل

يا ترى الجمع اللي حصل ده عليكي ... اجتمع كده يناقش احوال البلد و ازاي نقدر نصلح الاوضاع و لا يمكن بالنسبة لهم ان اللي بيحصل في البلد ده مش كفر و مايستاهلش الكلام عليه

لكن اللي بتقوليه في مدونتك اهم بكتير و لازم يجتمعوا و يحددوا و يقرروا

شوفتي بقى طلعتي عند الفئة دي اهم من مصر يا قطة

انتي طبعا غالية علينا كلنا لانك انسانة محترمة و بتحترمي راي اللي بيتحاوروا معاكي من غير اي اهانة او جرح و مش بتفرضي رايك على اي حد

على العكس تماما من افعال اشباه العقول اللي عايزين يفرضوا رايهم بالعافية و باي شكل من الاشكال

انا لما بقول عليهم اشباه عقول دي ... ده كده يبقى بحترمهم جدا و بعترف بوجودهم بين البشر عشان بس ماحرجش حد فيهم لان صعب اوي اني اقول ان ماعندهمش عقل خالص ... ممكن اجرحهم و ده مش طبعي ابدا

كانوا ممكن ينصحوا من غير فرض رأي بس هانقول لمين الكلام ده

ماتزعليش نفسك من الامور اللي زي دي
لانك اكبر من اي انتقاض ينتقص من تفكيرك و ارائك

اعذريني على الاطالة دي

تحياتي
‏قال Mafrousa
... انا كتبت 3 تعليقات و قبل ما انشرهم الغيهم لانى كتبت كتير و لاقيت نفسى دخلت فى حاجات كتيره و نقط كتيره
فألغيه
بصى اصلى مفروسه من كل اللى انتى اتكلمتى عنه
فمش حقول غير ان ربنا ينور بصيرتهم و يهديهم و يكفينا شر بعضهم
‏قال الميكروباص
لقد لمستي أمر في غاية الخطوره
عارفه
في الأحزاب والحركات السساسيه مثلا
لو وقفت ضد الاخوان المسلمين فأنت مع الحكومه
ولو قلت أن أيمن نور لا يعجبك فأنت تلميذ نجيب للحزب الوطني
وان انتقدت ابراهيم عيسى الصحفي فأنت تأخذ راتبك الشهري من جمال مبارك
وإن عارضت الحزب الوطني فأنت مع الإخوان
أما بالنسبة للأخوان فلو عارضتهم فنهارك اسود من قرن الخروب
نحن لا نملك ثقافة الاختلاف
ربما لأن السبب هو اننا عندما نختلف في امر معين ممكن نشتم بعض
يعني مثلا لو حد مش عاجبه موضوع من اللي انتي كتباهم مش هايتناقش معاكي فيه أو حتى يقولك ان جانبك الصواب- لأ- ده هايدخل يشتم ويقل أدبه
ودي مشكلة البلد بالكامل
أمنا بالنسبة لمن شكك في اتجاهك الديني مثلا
فهناك واحد من الاخوان دخل على مدونتي الميكروباص- وساب كل حاجه وقالي انت اسمك لورنس العرب- انت تعرف ده مين- ده راجل خاين وكافر و و و و و و
تخيلي
ساب كل حاجه ومسك في الاسم اللي على اسم عمر الشريف في الفيلم الشهير وقعد يتكلم عليه
وده على الرغم من انه اسمي على النت من 10 سنين وأكتب من خلاله في منتديات اسلاميه- لكنه لم يعجب الاخ الاخواني
قصر الكلام في الموضوع ده
أعتقد ان مفيش فايده في اصلاحه
‏قال الربان
تحياتي

أختي الفاضلة و العزيزة...انا لا أعرفك
شخصيا...و لكني اعرف كتاباتك..و من مدمني مدونتك...

هل لي ان اقترح عليك...؟

ان نتجنب اي شيء يزيد من تفرقنا...
وان نترك كل انسان يقول رايه بدون تجريح...او تكفير...او جدال... و في حدود...

و أذكر نفسي و الجميع بقول الله تعالي:

(وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34).

اختي الفاضلة أحبك في الله و مرضاة لله
لتكن المبادرة منك...و انا أتامل فيك
كل الخير....
تحياتي و تقديري
‏قال Migo Mishmish
بصي يا قطة احنا في حرب مع الخفافيش
لازم كل واحد فينا يعمل الدور اللي عليه. دول مجموعه من الغنم عايزين يعيشوا في نظام زي نظام السجون يلبسوا نفس الزي وياكلوا في نفس الوقت ويناموا في نفس الاماكن ويحيوا العلم عالصبح. محدش فيهم بيحب الكلام بالعقل علشان معندهومش. دماغهم مصمته فيها صبه اسمنت
الكرة دلوقتي في ملعبنا احنا بقالنا كام سنه في السواد ده علشان الناس تفوق محتاجة وقت طويل ومحتاجه تفهم. وده دورنا اننا نقدم بديل للشعوذة والدجل. استمري هيجي يوم يرجعوا تاني فيه لجحورهم عند بتوع الجاز اللي بيصرفوا عليهم
Love,
MishMish
اولا يا قطة احب اشكرك علي زيارتك
للمدونة بتاعتي

ثانيا :
احب اعرفك ان اللي انت بتتكلمي عنهم دول يا اما جهلة يا اما بيعتمدوا علي جهل الناس
وهقولك قصة صغيره توضح ده


في يوم من الايام كان احمد لطفي السيد مرشح لعضوية مجلس النواب
تعرفي وسيلة المرشح اللي ضده كانت ايه
قال للناس : ان احمد لطفي السيد ديموقراطي يعني كافر والناس صدقت


ايوه اللي في الفيلم بتاع احمد ذكي
وجميل راتب المشهد ده بجد مش من خيال المؤلف


علي فكرة انا ضيفت اللينك بتاعك عندي وجاي كل يوم
‏قال tamer.sala7
لو كل كلب عوا اصقلته حجرا لكان ثمن كل حجر دينار
اختى قطة الصحراء
انا اولا لا احبذ العلمانية ولا انا مع المتاسلمين كما تقولين ولكن من محبى الوسطية والاعتدال الذى دعانا اليها المصطفى صلى الله علية وسلم وارى ان الوسطيه هى مغذى الاسلام فلا انا من دعاة التحرر المطلق ولا انا من دعاة التاسلم وانا وسطية وسطية واجد فيها الحل وتقبل الاخر فليس هناك دين سماوى يتقبل الاخر مثل الاسلام فالاسلام يعترف بكل الاديان السماوية
وتحياتى لكى اختى
واتمنى ان تتقبلى مرورى
‏قال Unknown
السلام عليكم
ازيك يا احلي قطه ياللي غايبه عن مدونتي
انتي زعلانه مني ولا ايه

ع العموم البوست ده بجد حلو بس ايه رأيك لو نقول ان كلنا مسلمين وكلنا نتوحد اننا بنعبد ربنا وبنحب نبينا وبس وكل واحد عارف بقي مصيره
تحياتي ليكي مع انك مقصره ف حقي بس هسامحك
العلمانيه والدين الاسلامى

كتير جدا فكرت فى الاتنين مع بعض ومن المواقف كمان بتاعت الرسول (صلى الله عليه وسلم )انه فعلا لا تضاد بين العلمانيه والاسلام
الاسلام يدعوا للتساوى فى كل شئ دون النظر للون والجنس والدين وكمان العلمانيه ليست باتجاه دينى هى عبارة عن تفكير صالح دون الانتساب لدين معين

واللى بيقولوا ان العلمانيه ضد الاسلام او العكس غير متعمقين فى نظرة الاسلام للدوله الواحدة المتماسكه

واكبر مشكله بتواجهنا بجد التدين الظاهرى مع ترك التدين الداخلى واول لما تتكلم مع اى حد من زوى التدين الظاهرى فى حاجة حياتيه تتعلق بحكم الدين فهو لاينظر اليه ينسى تماما ويمشى فى الدنيا وكانه غير متدين

ماذا فعل من يرفع شعار دينى للنهوض بالدوله ؟؟
سؤال عايز اجابه على الرغم انى مش ضد سياسه الدين الحكيمة جدا

فى جمله جميلة جدا لازم تقوليها لنفسك ياقطه

راى الاخرين فيا لا يدل عليا ولن يدل عليا

بحييكى انك عرضتى الموضوع بكل جرأة

نيووووو (تحيه القطط)
‏قال .:.-=- ELGaZaLy-=-.:.
الموضوع دة عايز قراة ورد متامل...

بس لحد ما ارجع ...

لا اى حد من الى بيقول انا ليبيرى والاسلام عدو والاخون معرفش اية دة فاهم اسلام اصلا....


ولا العكس ...

لحين عودتى..قريبا
‏قال Desert cat
الرائعة اجندة حمرا صاحبة اجمل مواضيع من الواقع
بصى يا حبيبى انا مش زعلانة من اللى بيحصل ده فى حد ذاته اهتمام بشخصى العظيم ... الناس اللى بتفرض رايها وعايزه حد ينساق وراها معلشى صوابع الايدين مش زى بعضها
مش هقول لشخص اعمل هيعمل اللى فى دماغى انا وهيتنازل عن رايه الا اذا كان انسان ضعيف محتاج حد يوجهه
والحمد لله انا ابعد ما يكون عن ذلك
اصل مش كل الناس اللى بيتلعب فى عقلها ولا كل اللى بيغير مبادئه بين يوم وليله
بالنسبة اللى منصبين نفسهم شيوخ ومش بيعرفوا ينطقوا غير كلمة بتعمموا معلشى اعذريهم اصل ثقافتهم اخرها الكلمة دى
وتقريبا الحروف اللى اتعلموا كتابتها برضه هى كلمة تعميم مع ان الكلام بيكون واضح وصريح بس اللى على راسه بطحه بقى هو اللى بيحس بيها
وعلشان مش بيعرف يتكلم ولا يرتب كلمتين بيدخل يقول بتعمموا ربنا يقدرهم يارب على فعل الخير والاجتماعات واغتياب الناس والكلام عليهم
اضأتى صفحتى المتواضعه يا جميله
‏قال Desert cat
ايوية
حمد الله على سلامتك نورتى عالم التدوين يا جميله
بالنسبة للاختلاف حول شخصى فانا مش فاهمه ماذا يعنيهم لهذا الحد عقد الاجتماعات والجلسات عموما ربنا يقوى الجميع ويساعدهم
واهلا وسهلا باى تهمه

نورتينى يا جميله
‏قال mostafa rayan
بصي لومعني الوهابيةاننانفهم القران والسنة كمافهمهم السلف الصالح من النبي والصحابةالكرام لأنهم هم الذين نزل فيهم القرآن يبقي دي شيئ حلو قوي لكن مش معناها اني اقفل بابي علي نفسي وافضل اتكلم عن امور عفي عليها الزمن ولااشغل عقلي وافكر ولااتدبر امور الدين والشريعة
بصي انا مايهمنيش اللي قدامي ايه
المهم انه يحترمني ويحترم تفكيري ويحترم ديني
لوعمل كدة يبقي اشيله فوق دماغي
تحياتي ليكي
‏قال Desert cat
مواطن مصري
أخسأت
كيف تتجرأ وتعلنها على هذا الفسق المسمى بالفيسبوك
لالالالالا
لازما وحتما ولابد تتوب وتعود الى رشدك
هو الحاجات دى حلال ليهم بس حرام على باقى الناس مش واخد بالك انت من الموضوع ده ولا ايه
تحياتى
‏قال Desert cat
ده فى لقب تانى اسخم واضل سبيل من شيوخ الفته وحقيقى وبجد منطبق عليهم
بس هبقى اقوله لك بينى وبينك
‏قال Desert cat
مواطن مصري
حرمت عليهم عيشتهم وعيشة اتباعهم نفر نفر
‏قال Desert cat
ملك الكبدة
تعرف يا ملك كل واحد فاكر نفسه عبقرينو وبتيجى ساعه المواجهه تلاقيه الدنيا ريشه فهوا
مطرح ما يهب الريح يتجه وللاسف العقول اللى زى دى عمرها ما هتنضف
يبقى كل واحد حر يحدد هويته ويسلك فى طريقه واللى يفتح بؤه معاك بصه له بقرف بس لازم تكون البصه بقرف وسيبه وامشى ولا تعبره
‏قال Desert cat
Tamer Nabil
والله يا تامر لو الناس دى تملك ربع تفكيرك كان الحال اختلف
انما للاسف دول متبرمجين
تحياتى
‏قال Desert cat
الجدة فصيحة
لو كل واحد يعى ويفهم ما يقول كانت الدنيا اصبحت بلا مشاكل
لو كل واحد عنده فكرة تقبل الاخر اساسا كان تقبل رأيه بدون تجريح وبدون وعى
احترامى وتقديرى لفهمك المستنير
نورتينى وشرفتى البلوج
‏قال Desert cat
اميره الصعيد
لا والله يا جميل انا مش زعلانة خالص
هى بس بعض الافكار حبيت اطرحها لمن يعى اشكرك جدا على اهتمامك
دمتى بكل خير
‏قال Desert cat
مدحت محمد
يا مدحت انا مهمه من يومى والحمد لله و علشان انا عارفه انا ابقى ايه ومين
مش بلتفت لأى حاجه انا اكبر منها بمراحل
تحياتى
‏قال Desert cat
رامى اشرف
معلشى جملة واحدة لفتت انتباهى من بين جميع سطورك
وهو سوء استخدام الافكار الليبرالية والعلمانية
فى ايه تحديداً فى نزع الحجاب فى تركيا وفرنسا ... هل اللى نادى بنزع الحجاب فى تركيا وفرنسا مسلمين ؟
حضرتك كتبت ان الليبرالية والعامنية بتادى بالحرية اللى كفلها لنا الاسلام سواء للمسلم او غير المسلم ... يبقى بالله عليك ازاى معتنقى هذه الافكار سيمنعون احد من حريته الشخصية فى ارتداء الحجاب او حتى ارتداء القبقاب
بتقولى التمس للمتاسلمين العذر فى تكفير اصحاب الافكار العلمانية والليبرالية ... هل يوجد فى الاسلام ما يعطى الحق لبشر ان يكفر انسان اخر ؟
فما بالك ان من يكفرك من يحمل شعار الاسلام مظهريا واقول مظهريا لانه لو كان يعنى الاسلام الحق الدين والمعاملة ومن داخله صالح لما فعل ذلك تحت اى ادعاء حتى لو يبتغى الشهرة
تحياتى
‏قال Desert cat
Eldebug
تعرف لو اللى اتزرع جوانا ثقافات بالفعل محدش هيتخلى عن مبدأه مهما حصل انما هى اهواء كل حسب هواه
تحياتى
‏قال Desert cat
Heart Beat
احلى دقات قلب
تعرفى انا عملت مجرد تست صغير فعلا من فترة بعيده شوية للنقاش مع اعضاء مجلس الغبيبة والنميمة اللى انعقد على شخصى العظيم ولاقيتهم بالفعل لا يعرفون من الدنيا سوى احنا وراك ياريس ... يجتمعوا على مصلحة مصر والاضراب ليه يا حبيبتى هى مصر مالها مصر ما هى زى الفل
المهم انا كتبت ايه النهارده
ورديت عليكى قولت ايه امبارح
وعدد الكومنتات اللى جاتلى على البوست كام
اصل الايام دى البوست بقى بيتحسب بعدد الكومنتات مش مهم اللى فيه ايه المهم مين كتب كومنت حتى لو كان شكرا ومشى من غير ما يقرا البوست اهو كومنت وخلاص
يبقى مصر ايه ومين وفين
تحيا قطة الصحراء
ههههههههههه
نورتينى يا جميله
‏قال Desert cat
واحدة مفروسة
تصدقى ان حصل معايا نفس اللى قولتيه ده وانا بكتب البوست
من الواضح ان المساؤ كترت وطفت فوق السطح لدرجة انها بيان عيان من الجميع
تحياتى ليكى
‏قال Desert cat
لورنس العرب
تعرف بسبب اللى بتقوله ده منشرتش قول يجى 50 كومنت كدا
تلاقيهم سايبين البوست وماسكن فى كلمة انتى افكارك علمانية اعوذ بالله
انتى كمان مش مكسوفة وبتكتبى موضوع عن العلمانية يا كارفه يا زنديقه
استغفر الله
المهم يشتموا ويقلوا ادبهم وفى الاخر يوقل اعوذ بالله قال يعنى بيطهر لسانه بعد قلة الادب
المضحك بقى ان واحد اول حرف من اسمه خبيب
كل لما يدخل يسيب لى كومنت مش انشره لانى قولتها له قبل كدا مش تيجى هنا وبرضه بيجى
سايب الدنيا وما فيها وادخل يقولى عامله كومنت موديريشن
الا شوفت تفاهه كتير وقليل ما شوفتش زى كدا بصراحة قال عامله موديريشن
ممكن تكون قاعد فى شغلك لا بيك ولا عليك ودخل عليك بلوة من بلاوى الزمن اهو عالم النت كدا بالظبط فمعلشى الحاجات دى فى اقرب ريسيكل بن وارمى ولا تشغل بالك
الا انت مسمى نفسك لورانس العرب ليه
هو ده اسم ياراجل ههههه
ناقص يقولوا لك انت بتتنفس ليه اللى بيتنفس الاكسجين ويخرج ثانى اكسيد الكربون بيبقى كافر
ربنا يشفى
تحياتى
‏قال Desert cat
الربان
استاذى العزيز
اولا وقبل اى شئ احبك الذى احببتنى فيه
وحضرتك تعلم جيدا انك من اكن لحضرتك كل احترام وتقدير
ولكن موضوع البوست كان للتوضيح ليس اكثر وليعلم من يملك عقل ومبادئ لا يتخلى عن افكاره ومبادئه ومن يغتاب الناس فحسبى الله ونعم الوكيل
اشكرك جدا على كلماتك الطيبة
احترامى وتقديرى لشخصك الكريم
‏قال Desert cat
Migo Mishmish
بصى يا مشموشة انا ميهمنيش هما ايه او مين ... اللى يهمنى انهم يعرفوا ان الظاهر مالوش اى دعوة بالجوهر
واذا كان جوهرهم فاسد فده لا يعنينى بشئ ... وانما ما يعنينى هى مبادئ واحترامى لفكرى وارائى
ومهما حدث او يحدث لن يثنينى او يجعلنى اتخلى عن مبدئ واحد فقط لمجرد كلام اهوج ممن اختاروا ليعيشوا فى الظلام
تحياتى ومحبتى يا مشموشة
‏قال Desert cat
a7md Helal ( المهم )
طالما هناك من السذج من مازال لا يدخل الحمام برجله اليمين او الشمال الا بفتوى
فسيتكرر المشهد مرارا وتكرارا
شرف ليا انك تضيف لنك المدونة
ومدونتى اتشرفت بوجودك
احترامى
‏قال Desert cat
tamer.sala7
صدقت والله يا تامر
فالكلاب تعوى والقافله تسير
‏قال Desert cat
رئـــــيسـة حزب الأحلام
بالظبط كدا يا جميل
الدين الاسلامى دين الوسطية
فلا التزم بشئ واجبر غيرى عليه ولا احجر على فكر اى شخص مهما كان
والتحرر المطلق يعنى العهر هل يوجد بيننا من يدعو للعهر ؟؟؟
فالله وهب لكل منا عقل يميز بيه
تحياتى
‏قال Desert cat
bar2ash
لا والله انا مش زعلانة ولا حاجه
بس انا فعلا كنت مشغولة جدا حتى كمان مكانش عندى وقت ارد على البلوج عندى ولا اتابع لكن انا دلوقتى خلاص فرى وها اجى ازورك من عونيا الاربعه
بالنسبة كلنا مسلمين
فاحنا عايشين فى مصر
يعنى فى عندك كمان اقباط
هل ينفع انى اروح للاقباط اقولهم تعالوا المسجد والا اخرجو من البلد لاننا كلنا مسلمين ؟
فكل حر فى معتقده وفى رايه
وارى انه من المفيد ان ندع الخلق للخالق
تحياتى
‏قال Desert cat
رصيف نمرة خمسة
بالزبط لو كل من يعطى نفسه الحق لمنح تذاكر مجانية للجنه او لجهنم وبئس المصير علم اصول الدين الذى يدعو له جيدا لما وجدت تلك العقول المتعفنة والافاق الضيقه
انما للاسف طالما اخد من الدين المظهر فهذا يعطيه الحق فى القاءك فى النار او دخولك الجنه
وتناسوا ان الدين المعاملة الدين المعامله
انا لا يعننى راى الاخرين لان اراءهم لا تقدم ولا تؤخر
انها مجرد جلسه نميمة
فربنا يقويهم
تحياتى واحتراماتى
‏قال Desert cat
.:.-=- ELGaZaLy-=-.:.
ترجع بالسلامة
‏قال Desert cat
.:.-=- ELGaZaLy-=-.:.
ترجع بالسلامة
‏قال Desert cat
mostafarayan
بالظبط كدا يا مصطفى وجهة نظر تستحق الاحترام
مودتى
‏قال Dr. Diaa Elnaggar
العزيزة قطة الصحراء

موضوع في وقته تماما، وكنت أريد كتابة موضوع عن العلمانية المفترى عليها في بلادنا العربية، ولكني أعتقد أن موضوعك يفي بالحاجة تماما ولذا اطلب منك أن اشير إليه في مدونتي في الباب الخاص بـ "مواقع للتأمل ومواقع للتألم."

شكرا لك

عميق تحيتي وخالص مودتي
‏قال Desert cat
Dr. Diaa Elnaggar
طبعا يا دكتور
تحت امر حضرتك
ده تشريف لمدونتى بوضع اللنك
احترامى وتقديرى
‏قال رامى اشرف
بتقولى التمس للمتاسلمين العذر فى تكفير اصحاب الافكار العلمانية والليبرالية ... هل يوجد فى الاسلام ما يعطى الحق لبشر ان يكفر انسان اخر ؟

باختصار واضح انك مفهمتيش وجهه نظرى اوى
ولكن هتكلم باختصار لما اكون انا متعصب الى حدما واشوف حد بيمنع الحجاب يقيد الحريات الاسلاميه ويلغى بعض شعائر الله باسم العلمانيه واللبراليه اكيد بجهلى هتهم كل من هوا لبرالى او علمانى بالكفر وانا لست معهم ولكن اوضح وجهه نظرهم وشكرا لكى
‏قال Desert cat
رامى اشرف
هعتبر نفسى يا فندم مفهمتش وجهة نظرك فعلا ... بس هلى هناك من العلمانيين او الليبراليين منع حق من حقوق الله ؟؟؟
ابسط واقرب مثال لنا جميعا حزب الغد
هل تفضل ومنع حق من حقوق الله
اذا كان معنى العلمانية هو فصل الدين عن السياسة والليبرالية الحرية وكل حر فى معتقده ورايه
فكيف لصاحب هذا المبدأ او هذا الفكر يعيق حرية الآخرين
هل فى القرآن والسنة ما يبيح تكفير الغير مهما وصلت درجة التعصب
الم يعلم المتعصب لدينه من يكفر الاخرين انه يرتكب اثم وبهذا بدل من ان يكون مرآة لغير المسلمين وقدوة للمسلمين
تصبح مثال سيئ وهو نفسه من يشوه صورة الدين
اشكرك على التوضيح
احتراماتى
‏قال رامى اشرف
يا قطه والله انا لم ادافع عنهم ومقتنع يقينا بكل كلمه قلتيها واعلم مدى التخلف العام الذى يملكوة بتكفير الاخر
واكيد دا تخلف وكبت للحريه ولاكن انا اتحدث عم من يتغل الحريه خطا بمع الحجاب مثل تركيا وهيا دوله علمانيه
فيتوهم لهم وذلك لجهلهم ان العلمانيه هيا تيار مثل اى تيار شيوعى ملحد وانا اعلم ما اقول بسس بعد الاحاديث التى حدثت بينى وبينهم عندهم كل هاذة المصطلحات واحد
الاشتراكيه الشيوعيه الماركسيه العلمانيه واللبراليه اى لفظ من هاذة الالفاظ = الحااااااد هاذا تفكيرهم منهجهم هوا الدين ثم الدين لهاذا اوضح وجهه نظرهم هم يتوهمون ذلك وسبب ذلك التوهم كما قلت بسبب بعض الاخطاء التى يتخذها بعض الدول العلمانيه
وشكرا تحياتى
محلوظه انا طلبت منك قبل كدا انى اعرف اذاى بتحطى مقطع صوتى فى المدونه يا ريت لو اعرف
شكرا
‏قال Desert cat
رامى اشرف
طبعا فاهمه والله يا رامى وجهة نظرك
بس ادينا بنتناقش لعل وعسى من يضع فى عقله قاعده خرسانية مسلحه يعى ويفهم
بالنسبة لسؤالك
هو عبارة عن كود
انا حاولت ابعته لك فى كومنت لكن للاسف منفعش
فالحل ابعت ايملك وانا ابعتلك الكود عليه
بصي ياقطة
بس من غير خربشة
احنا عايشين في مجتمع متخرباء علي راي خالدكساب
اوك
يبقي لازم تبقي عارفه كويس اوي انك طالما بتؤمني بفكرة معينة هتواجهي هجوم جامدجدا ومحاولات جامدة جدا لأرهابك عشان تتراجعي عن موقفك
عشان كده لو انتي مؤمنة بأفكارك وارائك بجد
استمري وواصلي وكبري دماغك من كل الاعتراضات و الكلام البايخ اللي هتسمعيه
‏قال Desert cat
جيفارا المصري
بالظبط كدا يا جيفارا وهو ده اللى بيحصل الهجوم المبرر بحجج واهيه
لكن هيهات
اعتقاداتى ومبادئ مستحيل حد يثنينى عنها
لذلك اكررها لهم مرة اخرى موتو بغيظكم على قلوبكم حجر
شرفتنى جيفارا
ومن غير خربشه
‏قال مواطن مصري
لالاسف تاني و اقول ان الاسلمجية
لن يجتمعوا مع اليبرالين او
العلمانين
‏قال بنت القمر
عندي سؤال في المدونه احب اعرف رأيك فيه ان رغبت
تحياتي
‏قال الميكروباص
ولله انا شايف ان المشكله باختصار اننا مابنتفاهمش أصلا
مجرد أن يشعر من هو امامك بأنك مختلف معه في الاتجاه حتى يبدأ الشعور بالعداء
وطالما ده حصل يبقى النقاش انتهى
‏قال el_assel
عجبني جدا لفظ متأسلمين
هو ده فعلا اللفظ الصحيح
عمري ما حبيت اللي بيتخد الدين وسيلة ليصل بها الي غايته
ما ارضاش ابدا ان يكون القران هو وسيلة لأسكات الناس في اي تجمع لنشر افكار جماعة معينة

ولو هم المسلمين فعلا
لعرفوا انهم ليس من حقهم اطلاق الاحكام علي اي شخص
مش سلطتهم ولا سلطة اي واحد انه يقول علي حد كافر او مسلم
حيدخل الجنة او النار


هم اصلا لا يفقهوا في الدين الذي يزعموا انهم حماته
ازاي بقي عيزاهم يفهموا في اي شئ اخر




دي حاجة المفروض تفرحك
اقولك ليه
انا لما بعمل حاجة يغيظهم باعرف ان انا صح
وانتي بقي خلتيهم في قمة غيظهم
كبري دماغك
ولا يستاهلوا اي شئ



سلاماتي
‏قال Rania Lelah
هفضل اقولها لحد ما نتعدل
احنا منستهلش الحرية الى بنادى بيها و لا الديمقراطية
غير ما ننطبقها على نفسنا الاول
نتقبل راينا و الباى الاخر
و يبقى كل واحد له وجهة نظرة المحترمه من قبل الطرف الاخر

تحياتى
‏قال Wael Salem
العلمانية زي اي تيار سياسي تاني
فيه علمانية متطرفة زي تركيا مثلاُ
مش بيكفلوا الحريات

وده مش معناه اني ضد العلمانية
بالعكس انا مع العلمانية بمعناها الحقيقي وهي فصل الدين عن الدولة مع كفالة جميع الحريات الأخري
من حرية العقيده لحرية الرأي والملبس .. الخ
العلمانية مش معناها الانسلاخ عن الدين زي ما اغلب الناس فاهمه
بالعكس العلمانية اساس من اسس الإسلام .
قال رسول الله صلي الله عليه وسلم " أنتم أولي بأمور دنياكم" أو كما قال
وده المبدأ الأساس في العلمانية
إن أمور الدنيا متروكة للفكر الإنساني .
قال الله تعالي " من شاء فليؤمن ومن شاء فليكفر" وقال تعالي " لكم دينكم ولي دين"
وده مبدأ حرية العقيده .

يعني الدين الإسلامي بيحض علي العلمانية .
بس مين يسمع ومين يقرا؟


تحياتي
‏قال طالب مصري
اسمحيلي اتناقش معاكي في شوية حاجات ....

اولا انا المفروض اني ليبرالي "وليس علماني ".....

وانا شايف ان فيه فرق كبير جدااا بين الاتنين ....

فالليبراليه هيا ""فصل رجال الدين عن الحكم "" وليس فصل الدين باكلمه عن الحكم!!!!

انا مقتنع جداا ان الدين الاسلامي هوا الحل لادارة الحياة بكل نواحيه ....

وده لازم يكون عقيدة كل مسلم .....

لكن كيفية الحكم بالدين هوا اللي مختلف عليه ...

يعني الحاكم لازم يكون اقدر واحد بشؤن الحكم
مش أكتر واحد متفقه بالدين ....

ولكن اذا خالف الدين من حق الفقيه انه ينبهه ....

زي ما كان بيحصل في طول فترة اذدهار الامة الاسلامية والعربية ....

لا صلاح الدين ولا قطز كانوا علماء دين ....

لكن كان جنبهم دايما علماء الدين الكبار ....

وفي العصر بتاعنا ...

كل واحد من حقه يفهم الدين زي ماهو شايف يعرض فهمه ده للناس .....

والناس تختار اقدر الناس على الحكم ....

في عملية ديموقراطية سليمة .....
‏قال Wael Salem
الأخ بروجيكتأوف بوتشر

حضرتك شايف ان الدين الإسلامي هو الحل صح كده؟

طيب ما المسيحيين شايفين ان المسيحية هي الحل لكل مشاكل الدنيا

واليهود شرحة

وحتي عبدة القرود والبقر شرحة .

كل واحد في الدنيا مفكر ان عقيدته هي الصح وهي المفروض تبقي عقيدة كل العالم .
بمنطقك ده ... الدول الغربية بما إنها الأقوي والأكثر تقدماً المفروض تحتل الدول الإسلامية لنشر المسيحية عشان تبقي هي الحل .
وصراعات أديان بقي وحروب صليبية وحروب اسلامية وحروب يهودية .
ده لو ماتدخلش البوذيين والهندوس وناس تعبد الأفيال

تحياتي
‏قال Dr. Diaa Elnaggar
Project Of ButCheR

التبس على الأمر حينما قرأت تعليقك ولم أعرف أتقصد الليبرالية أم العلمانية عندما تحدثت عن "فصل الدولة عن رجال الدين"، إذ أظن أن هذا الفصل هو ما تنادي به العلمانية، أما الليبرالية فهي في تعريفها المعتاد حرية الفرد بوصفها المعيار الاساسي للتعايش بين الأفراد وتحقيق التقدم في الثقافة، والقانون، والأخلاق، والإقتصاد والنظام الإجتماعي.

ارجو التوضيح

تحياتي
‏قال Dr. Diaa Elnaggar
mohager

هو حضرتك ليه ربطت بين الغرب والمسيحية وترى في تعليقك بالتالي أن الغرب من حقه "جدلا" ان يحتل البلاد الإسلامية لينشر المسيحية، من أين اتيت بهذا الربط بين الغرب ونشر المسيحية؟؟؟؟؟؟ الغرب ربنا عافاه من افيون الشعوب الإيدلوجي واستبدل المسيحية بمجموعة من القيم تعارف عليها أنها هي التي تكون ما يمكن تسميته بالغرب أحيانا أو بأوروبا أحيانا أخرى، وعلى رأسها مبدأ سيادة القانون، حقوق الإنسان، تحرير التجارة، حرية الإعلام، الخ.

تحياتي
‏قال Wael Salem
يا دكتور ضياء النجار أنا ماربطتش الغرب بالمسيحية
أنا بتكلم بمنطق بورجكت .
يعني بمنطقه هو الغرب (المسيحي ديناً) المفروض أنه take over the Islamic States عشان ينشر الدين بتاعة .
لأنه بمنطق بروجكت برضه هو الحل الوحيد .
لأن المسيحي هيفتكر برضه بالمنطق ده ان المسيحية هي الحل .
واليهودي برضه هيفكر ان اليهودية هي الحل .... إلخ .

لأن المسيحي او اليهودي مش مفكر ان الإسلام هو الدين الصحيح وبيكابر يعني .
هو مفكر ان دينه الصح .... ولو أخذ بنطق ان الدين هو الحل ...العالم كله هيبوظ


ياريت بس نبص شوية من خارج الإطار
هنلاقي الحلول قدامنا كتيررررر
‏قال Dr. Diaa Elnaggar
وأنا متفق معك ايضا، ولكن من المهم ايضا ألا تسودنا الاحكام المسبقة ومنها مثلا حكاية الغرب المسيحي المتآمر على الشرق المسلم، حتى لو كان في تعليق افتراضي !!!!!

عميق تحياتي
‏قال Wael Salem
دكتور ضياء
أنا أبعد ما يكون عن النظرة دي للغرب

نظرية المؤامرة علي الإسلام دي أنا ابعد ما يكون من تصديقها .
أنا عايش في أمريكا وشايف الدنيا هنا ماشية ازاي .
أنا كمان كاتب بوست في المدونة بتاعتي اسمه هل يقف الغرب حقاً في طريق تقدمنا ... وده علي فكره بوست منقول من مقال بس عجبني
‏قال Dr. Diaa Elnaggar
Mohager

سعيد بمعرفتك وسازوك قريبا لقراءة هذا المقال. 0

تحية من ألمانيا إلى الولايات المتحدة
‏قال Dr. Diaa Elnaggar
العزيزة قطة الصحراء

اسمحي لي بتعليق صغير على عنوان التدوينة عندك، ولا أعرف كيف لم انتبه إليه إلا الآن: الارهاب الفكري = عقل متعفن، وسألت نفسي بعدها: هل اصابت قطة الصحراء باستعمالها كلمة "عقل" ، هل يمكن أن نطلق على أي شكل من اشكال الإرهاب، والإرهاب الفكري من أسوأه كلمة "عقل" 0؟

وسرحت شوية وتذكرت تلك التفرقة بين نوعي العقل عند لالاند وهي التفرقة التي لا ينتبه إليها كثيرون ولا يدركون أن وجود هذا النوع من أنواع العقل هو سبب المصائب التي نحن فيها:

هناك ما يسمى بالعقل السائد، وما يسمى بالعقل الفاعل.

العقل السائد هو منظومة القواعد المقررة و المقبولة فى فترة تاريخية ما ، و التى تعطى لها ، خلال تلك الفترة قيمة مطلقة، وذلك هو نفسه منطق المتطرفين ، فهم سجناء مجموعة من القيم كانت في فترة تاريخية ما ويعطونها قيمة مطلقة ويعيشون فيها.

أما النوع الثاني فهو العقل الفاعل وهو عبارة عن الملكة التى يستطيع بها كل إنسان أن يستخرج من العلاقات بين الأشياء مبادئ كلية و ضرورية وهي التي تؤدي الى التقدم الفكري والتجدد.

وبعدها وجدتني أقول: نعم الإرهاب الفكري، أنه "عقل" متعفن !!!!! 0
‏قال Desert cat
مواطن مصري
ماهو مينفعش يجتمعوا مع العلمانيين او الليبراليين لان العلمانيين والليبارليين اهدافهم واضحه ومعلنه
وهما مالهمش فى الوضوح ولا العلن
شرفتنى
‏قال Desert cat
بنت القمر
تم التنفيذ بالفعل يا فندم
تحياتى
‏قال Desert cat
لورنس العرب
طالما بدأ يشعر بالعداء يبقى هو انسان يعانى من نقص فى شخصيته
يبقى مكانه الطبيعى معروف فين
تحياتى يالورنس
‏قال Desert cat
el_assel
رايك صح يا اصيل
مش من اختصاص بشر انه يكفر اى شخص مهما كان
لكن هما اعلنوا نفسهم حماة للدين وبجهلهم بيشوهوه
انا مش زعلانه من حاجه انا بس حبيت افضحهم قدام نفسهم
تحياتى
‏قال Desert cat
Rania
المشكلة يا رانيا انك تلاقى كل واحد بيمثل الاضطهاد وبينادى بالديمقراطية
وهو اساسا بيضطهد غيره وبيحجر على فكره
لكن على رايك لما يبقى اهل للديمقراطية يبقى ينادى بيها
تحياتى يا جميله
‏قال Desert cat
mohager
هما لا بيسمعوا ولا بيقروا
هما مخصصين نفسهم لاصدار الاحكام
الدين الاسلامى اسمى بكتير مما ينادون بيه ومن عينوا نفسهم اوصياء عليه
لو قروا الدين فعلا وتعمقوا فيه لما سمحوا لنفسهم بالتفوه بكلماتهم التى لا معنى لها من الاساس
تحياتى واحترامى
‏قال Desert cat
Project Of ButCheR
انا فكرت اكتير اكتب لك رد لكن لاقيت المناقشه بين دكتور ضياء ومهاجر فيها من الرد ما هو كافى ووافى
تحياتى
‏قال Desert cat
دكتور ضياء
مهاجر
اشكركم جدا على المنناقشه التى استفدت منها ووضحت لى اكثر بعض الامور
دمتم بكل ود
احترامى وتقديرى
‏قال Desert cat
Dr. Diaa Elnaggar
عزيزى دكتور ضياء
عندما كتبت التدوينة وضعت عنوانها بعد ان انتهيت من كتابة البوست
لاننى فى البداية احترت ولم اجد ما يليق بمن اعطى لنفسه الحق فى فرض هذه الافكار
التى وإن خرجت فإنما تخرج من شئ رث ذو رائحه نتنه
وبما ان ما يوجد برأس كل انسان يسمى بعقل مع اختلافه
فهذا النوع مع سؤته ورائحته
لا ينطبق عليها سوى " عقل " متعفن

احترامى وتقديرى
ودمت بالف خير
‏قال طالب مصري
مهاجر ... دكتور ضياء ..

انا سعيد جدا بمناقشتكم ....

بالرجوع لتعريف الليبرالية في ويكيبديا :


"الليبرالية (liberalism) اشتقت كلمة ليبرالية من ليبر liber وهي كلمة لاتينية تعني الحر .الليبرالية حاليا مذهب أو حركة وعي اجتماعي سياسي داخل المجتمع، تهدف لتحرير الانسان كفرد وكجماعة من القيود السلطوية الثلاثة (السياسية والاقتصادية والثقافية)، وقد تتحرك وفق أخلاق وقيم المجتمع الذي يتبناها تتكيف الليبرالية حسب ظروف كل مجتمع، وتختلف من مجتمع غربي متحرر إلى مجتمع شرقي محافظ. الليبرالية أيضا مذهب سياسي واقتصادي معاً ففي السياسة تعني تلك الفلسفة التي تقوم على استقلال الفرد والتزام الحريات الشخصية وحماية الحريات السياسية والمدنية وتأييد النظم الديمقراطية البرلمانية والإصلاحات الاجتماعية. وأما في الاقتصاد فتعني تلك النظرية التي تؤكد على الحرية الفردية الكاملة وتقوم على المنافسة الحرة واعتماد قاعدة الذهب في إصدار النقود.

أهم شعار في الليبرالية هو: دعه يعمل دعه يمر . ويسمى الليبراليون بالحرييون فقد ارتبطت الليبرالية بالحرية الإقتصادية."



وانا مش شايف اني كلامي مختلف عن التعريف ....

انا قلت ان اللي يحكم البلد لازم يكون اعلم واحد بشؤن الحكم ....

وقلت ان الناس اللي تختار بالديموقراطية ....

وهوا لازم يحترم كل الاراء والافكار ...

وينفذ مطالب الاغلبية


اما بخصوص رد مهاجر :

لا حول ولا قوة الا بالله !!!!!

حضرتك متخيل ان فيه دين في العالم بيشجع معتقديه على الفتل والخراب واحتلال البلاد التانية !!!!!!

اسمحلي أقولك لألألألألأ

انا قولت فهمنا للدين مختلف ....

وكل واحد عاوز يطبق فهمه في الحكم ....

فمن مبدأ الحرية ....

من حق كل واحد يعرض فهمه ده على الناس والناس هيا اللي تختار اللي شايفه فكره اصح




يعني انا كل قصدي ان الليبرالية في فهمي لها تختلف عن العلمانية في انها تعطي الحرية لكل صاحب فكر في التعبير عن نفسه حتى لو فكره ده ديني !!!!!
‏قال Dr. Diaa Elnaggar
Project Of ButCheR

اسمح لي اولا ان اشيد برجوعك إلى المراجع في ردك، فهذا هو المقوم لأي تقدم فكري، وهو المبدأ الذي نهضت به أوروبا من كبوتها، عقبالنا كمان، وهذا لن يتحقق إلا إذا كثر عدد من يتخذون من مبدأ "ارجعوا إلى المراجع" منهاج حياة بالنسبة لهم، لذا وجبت تحيتك.

ولكن اسمح لي في نفس الوقت ببضعة تعليقات:

يا سيدي ليس هناك أدنى مشكلة في اعادة التعريف والتصويب، ولا ينتقص هذا من مقام أي شخص ولا من قيمته العلمية. ولكن ما تقصده شيء، وما قمت بتعريفه حينما كتبت الآتي شيئا آخر:
فالليبراليه هيا ""فصل رجال الدين عن الحكم "" وليس فصل الدين باكلمه عن الحكم!!!!

فأنت عرفت الليبرالية على أنها فصل لسلطة رجال الدين عن الدولة، وهذاالتعريف صحيح ولكنه ينطبق اساسا على العلمانية وليس الليبرالية، حتى لو كنت تقصد شيئا آخر. وخليني اوضح لك الفرق بين الاثنين، لاني يجب أن اعترف لك في نفس الوقت أن العلاقة بين العلمانية والليبرالية شديدة الصلة ومدعاة للخلط دائما:

كيف يتصرف العلماني تجاه قضية مثل المثلية الجنسية وكيف يتصرف الليرالي حيالها؟

الليبرالي لا يرى غضاضة دائما وأبدا في المثليةالجنسية لانه ينطلق من مبدأه القائم على حرية الأفراد، طالما كانت لا تتعارض مع سلطة الدولة، ولكن العلماني قد يرفض المثلية الجنسية ولا يوافق عليها من منطلق اخلاقي وصحي، ولكن على ايه حال ليس من منطلق ديني !!!!!!!0

وقد يكون مثله مثل الليرالي لا يرى غضاضة في المثلية الجنسية ولكنه ينطلق في هذا من مبدأ سيادة القانون وليس من مبدأ حرية الأفراد صحيح ان العلماني والليبرالي قد يتفقان في النتيجة ولكن مقدماتهما مختلفة في هذا.

ثانيا: اسمح لي بتعليق صغير على تعليقك على استاذ مهاجر:

بصفتي مراقبا خارجيا استطيع أن اقول لك انني لم افهم من تعليق الاستاذ مهاجر انه يدعو بأي شكل من الأشكال إلى ما ذهبت اليه عندما سألت:

حضرتك متخيل ان فيه دين في العالم بيشجع معتقديه على الفتل والخراب واحتلال البلاد التانية !!!!!!

اسمحلي أقولك لألألألألأ

وأنا بدون أي انتقاص من حق الاستاذ مهاجر في الرد اكاد أراه يرد عليك :

اسمح لك طبعا تقول لألألأ، لاني لا أرى هذا أبدا، فلا خلاف بيننا في هذه النقطة

شاكر لك تعليقك واتساع افقك ورحابة صدرك !!!!!0

تحياتي لكما
‏قال Desert cat
الاستاذ محمد
اولا حضرتك دخلت تتهكم وتسخر وتلقى اتهامات
وفى النهاية كتبت ردك
كان ممكن تكتب تعليقك بدون اسلوب السخرية سواء اللى بدأت بيه الكومنت او اللى نهيته بيه
وعلشان انت متساهلش ردى عليكى
متدخلش هنا تانى

المشاركات الشائعة