أدى الربيع عاد من تانى


كل سنة والجميع بألف خير بمناسبة عيد الربيع
ويارب دايما بالحب والصحة والسعادة باقيين
وبالخير متفائلين
وبسمتكو على الخدين وردتين مفتحين
كل سنة والجميع بألف خير وربنا يجعل كل ايامنا حب وود وسعادة
ونبقى طول السنة اشجار مثمرة وزهور مفتحة
ودايما كلامنا ياسمين ورياحين
وطيور مغردة فى السما
وللحياة دايما مبتسمين


كل سنة والجميع بالف صحة وسعادة
وكل سنة والاخواة الاقباط بالف خير وبقولهم عيد سعيد

شـــكر واجب

حبيت اشكر كل اصحابى وحبايبى اللى نورنى فى عيد ميلادى
حقيقى انا بيكو اسعد انسانة فى الدنيا وحياتى من غيركو فاضية جدا ولا ليها اى معنى
اقدر اقول وبكل صراحة ان ده اجمل عيد ميلاد اتعملى فى حياتى كلها ...
من كل قلبى بشكر المدونين اللى دخلوا السعادة على قلبى بوستاتهم
استاذى صاحب العقل الحكيم الربان والجميلة اجندة حمرا
وكمان ارق مدونين واطيب قلوب حوالينا دكتور ضياء النجار والغالية اوى عاليا حليم وكاميليا وآية والرائعة هارت بيت صاحبة اجمل عقل فى الدنيا وارق قلب
وكل حبايبى اللى ردوا غيبتى وحفظونى
ربنا يخليكو ليا يا احلى اصحاب واجمل اخوات
كل زوار مدونتى الكرام والمحترمين
بحبكم جميعا فى الله ولله

تعليقات

‏قال غير معرف…
كل عيد ربيع و انتي بخير و سعيده و منورانا دايما ياقمر

مرسي علي ذوقك و كلامك الجميل

و انشاء الله دايما بخير و في تألق دائما رغم أنف الحاقدين
:)))
مع إنك ما جبتيش سيرتى فى البوست لكن زى بعضه...بس عايز أقولك حاجة...أتفق معكى بتهنئة الأخوة المسيحيين بعيدهم...ولكنى لا أتفق معكى بالأحتفال بما يسمونه(عيد الربيع...أختاااااااه..نحن مسلمون..كرمنا الله بأن أصطفى لنا عيدين...(الفطر)و(الأضحى)..وما سواهما فهو بدعة..بدعة..بدعة...بدعة....تحياتى لكى)
‏قال Desert cat
اجندا حمرا
الجميلة اجندة
حبيبتى انتى الذوق كله
والرقه كلها
تسلمى لى يا جميلة
‏قال Desert cat
واحد من البلد دى
يا فندم انا قولت الجميع
كل اللى شروفنى وحضرتك طبعا شرفتنى جدا جدا
بالنسبة بقى للاعياد
هو ليه كل حاجه فيها ابتهاج وسرور بتقولوا عليها بدعه
اتفق معاك احنا لينا عيدين ودول ليهم قدسيتهم
وعمرك ما هتحتفل بعيد الربيع او عيد الام زى احتفالك بعيد الفطر او عيد الاضحى
طيب مين ادى حضرتك الحق تحلل وتحرم
الترويح عن القلوب وود الام حرام فى انهى كتاب او انهى دين ؟؟؟؟

منهم لله شيوخ الفضائيات اللى بقوا شيخ لكل مواطن
من نشر الدين بطريقة غلط
وكل حاجه اصبحت بدعه فى عصرهم
الرسول الكريم صلى الله عليه وسلم قال
" روحوا القلوب ساعة بعد ساعة فإن القلوب اذا كلت عميت "
صدق رسول الله صلى الله عليه وسلم

تحياتى
‏قال غير معرف…
اه ياقطتنا الجميله
نسيت اقولك ان الأغنيه تجنن و انا شخصيا بحب اسمعها اوي و بحس فعلا بالربيع لما بسمعها هي و الدنيا ربيع بتاعت سعاد حسني
و مرسي ياقمرايه علي كلامك اللي زي العسل
تسلمي ياجميل
و علي رأي سعاد حسني الدنيا ربيع و الجو بديع قفلي علي كل المواضيع
:)))
مع كامل الود ياعسل
‏قال Desert cat
كفايـة طيبـة
happy spring 2 you ya 7abibi
‏قال Desert cat
اجندا حمرا
حبيبة قلبى تصدقى انك فكرتينى باغنية سعاد
انا هنزلها حالا على البلوج
محبتى ليكى يا قلبى
ايه يا قطة
ينفع كدة السياح اللى انتى عملاه ده
الدنيا كلها تعرف يوم عيد ميلادك
انا كنت فاكر انا بس اللى عارفه
طلعت انا الوحيد اللى معرفوش
انتى كنتى مديانى يوم تانى غير ده
احنا ابتدينا نشتغل بعض ولا ايه
عموما كل سنة وانتى طيبة
والسنة الجاية اشوفك فى القاهرة اليوم او العاشرة مساءا
سلالالالالالالالالالالالالالالالالالام
‏قال Desert cat
حــدوتـــة
ماهو انا عملت تمويه يا حامد
ههههههههههههههههه
قولت كل الناس هتقولى كل سنة وانتى طيبة فى يوم واحد
لاء لازم تتقال على مدار 365 يوم
علشان كدا كل حد من صحابى واخدين يوم مختلف
عموما اعتبرها وصلت
وكل سنة وانت بالف خير
أنا ما قلتش إن ود الأم حرام ولا الترويح عن القلوب حرام ولا لدى أى تعصب وليس عندى شيخ معين أسير على طريقته...ولكن كل ما أحب أن أوضحه أن ود الأم والترويح لا يجب أن تصنع له التمائم وتعد له الولائم..ولست بالسن أو الشخصية التى تسمح لغيرى أن يرسم طريقة تفكيرى..كل ما هنالك أننا نحتفل بأشياء لمجرد الإحتفال.....فلا نكرم الأم إلا فى ما نزعم أنه عيدها ولا نروح عن نفوسنا إلا فى مناسبات نتصيدها لأنفسنا لنجعل منها سببا لتبرير تفاهة عقولناولماذا لا تذكرين مثلا على سبيل المثال لا الحصر(عيد الشرطة.عيد العمال.عيدتحرير سيناء.عيد النصر.عيد الاسرة.أعياد مدن الجمهورية.عيد الجلاء.عيد ثورة 23 يوليو.عيد وفاء النيل.عيد القوات المسلحة.)....وما خفى كان أكثر...فلا أستبعد أيضا أن يأتى علينا يوما تصبح فيه أيام السنة كلها أعيادا-نصنعها لأنفسنا-فمثلا يمكن أن نجد(عيد أول مرة ناكل لحمة.عيد التحلية.عيد حصول بابا على وظيفة.عيد رجوع ماما للبيت.عيد رصف الشارع.عيد دخول الغاز)...وعلى العكس طبعا و إحقاقا للحق سنجد الكوارث أيضا فى القائمة تسبقها كلمة(ذكرى)..فسنجد مثلا (ذكرى حريق السبانخ.ذكرى غرق المرتبة.ذكرى زجاج النيش)...وهكذا....أنا قصدى يا قطة إن اللى عايز يفرح أهلا وسهلا لكن فرحه ده مايبقاش بالفسيخ والملوحة و زحمة الشوارع وتعريض نفسه للسرقة و تعريض أخته للتحرش النظرى...وبلاش يفرض على غيره إنه يحتفل معاه..لأنه مش على علم بظروف الناس كلها...يعنى (عيد الأم)مثلا..كام واحد فى مصر يتيم الأم ..أو ما يعرفش أمه مين أصلا..بالله عليكى تعرفى حجم الألم اللى ممكن يشعر بيه؟؟؟دى الدمعة فى عيونه ممكن تخلينا نستغنى عن أى إحتفال...عرفتى قصدى بقى يا قطتنا..أنا مش معقد ولا حاجة لكن عندى عقل وما أحبش إن حد يبرمجهولى....أو يستهين به...تحياتى.....
‏قال Desert cat
واحد من البلد دى

بتقولى حضرتك ان فى عيد للشرطة وعيد 23 يوليو وعيد تحرير سيناء وكم الاعياد اللى ذكرتها
هايل
اعتقد ان الاعياد دى موجودة منذ قديم الازل
هل عمرك شوفت حصل خلط بينها وبين عيد الفطر وعيد الاضحى ؟؟؟؟؟
ولا حضرتك بتتكلم على عقول ناس مجانين مش عارفين يعنى ايه اعياد رسمية ومش عارفين يعنى ايه احتفالات بيوم معين لسبب معين
هل لما نكرم فى يوم يبقى ده بدعه
؟؟؟؟؟؟
لو عندك طفل مدخلش ابتدائى او قابل اى طفل واساله على الفرق بين الاعياد هيفرق لك وبمنتهى السهولة
فى انهى دين التكريم اصبح بدعه
هل لما نكرم الام
هل ده بدعه
؟؟؟؟؟؟؟
برضه فى انهى دين بدعه
بتقولى كام واحد يتيم ومدى الالم اللى بيقع عليه ايه
طيب كام واحد جاحد ومش بيود امه غير من السنة للسنة
وكام ام ربت وتعبت وفى انتظار حد من ولادها يخبط عليها فى اليوم ده علشان يقولها كل سنة وانتى طيبة
كام ام ابنها مسافر او حتى موجود فى نفس البلد وظروف الحياة زى ما حضرتك شايف الدنيا بمبى
ما اتلهاش فى دايرة الشغل وعلشان يقدر يعيش حياة كريمة او مش كريمة المهم انه يعيش وبتستناه يرفع عليها سماعه التليفون يفتكرها
تفتكر الام ما تستاهلش ولا ده برضه بدعه والام اللى اتكرمت بالحديث الشريف " الجنة تحت اقدام الامهات "
و
" امك ثم امك ثم امك ثم ابوك "
صدق سيد الانام
ما تستاهلش
لما يجى يوم زى عيد الربيع اصبح بدعه فى نظر حضرتك
ده الازهار بتتفتح فيه وتحس ان الدنيا كلها بهجة جاى انت تحرمه وتقول عليه بدعه
كام واحد بيعمل يوم مخصوص للخروج مع اسرته
كام مخصص يوم للخروج مع اصحابه
كام واحد باله رايق ومش بيفكر فى مشاغل ومتاعب الحياة وهادى البال ومقضى ايامه خروجات وفسح
ثم هى خلاص كل من خرجت من بيتها مع اهلها خارجه للتحرش
الحياة كلها بقت كدا تحرشات وبدع
يعنى كل الناس اللى فى الشوارع دى ذئاب بشرية وحوش بريه وحرامية وقطاعين طرق ماشية علشان تتحرش ببنات الناس وتسرق
محدش فرض عليك احتفالات علشان تقول
مش من حق حد يفرض احتفال محدش يفرض
وبعدين يا سيدى متزعلش نفسك ومش تحتفل بحاجه ولا عيد اضحى ولا فطر واى ثورة يوليو ولا عيد تحرير سيناء ولا حرق السبانخ ولا عيد دخول بابا او خروج ماما اصل كل دى بدع

احنا حنحتفل
‏قال Happy Hope
عزيزتى قطة الصحراء

أولا أنا سعيدة جداً انى بزور مدونتك أول مرة و بعلق فيها

ثانياً كل سنة وانتى طيبة مرتين
عيد ميلادك و عيد الربيع
ويكون كله سعادة و خير و حب

ثالثاً بحييكى على موقفك و رأيك و فكرك

خالص تحياتى يا جميل
‏قال Desert cat
Happy Hope
انا بشكرك جدا انك شرفتينى ونورتينى كمان
وكل سنة وانتى سعيدة وبالف خير
تحياتى
‏قال Desert cat
واحد من البلد دى
حضرتك قررت متدخلش البلوج تانى
وانا قررت مش انشر لحضرتك كومنتات تانى عندى
مش علشان فيها حاجات خارجة لسمح الله
حضرتك فوق الشبهات والجميع يشهد لك بكدا وانا اولهم
لكن حضرتك لما بعت الكومنت قولت مش هتدخل هنا تانى وانا قرارا قصدا قراراك زى يمين قصاد يمينك قررت مش انشر حاجه تانى لحضرتك بس الغريب انك موجود وبتتابع لحد دلوقتى
وده شيئ يسعدنى ويشرفنى كمان

تحياتى
‏قال Desert cat
رئيس جمهوريه نفسى
وحضرتك طيب
كل عيد ربيع وانتى طيبه
وكل سنه وانتى طيبه
ويجعل ايامك كلها سعاده
وربنا يوفقك
‏قال Desert cat
تايه ومش تايه
كل سنة وانت بخير
وربنا يجعل ايامنا جميعا كلها اعياد
عيد الربيع
وعيد الحب
وعيد تحرير سيناء
وعيد الشرطة وعيد الجلاء
هو حد طايل الاعياد والفرح والسعادة
دمت بكل خير
‏قال Empress appy
عارفه يا نونا شم النسيم عندي غير كل الناس سيبك من اني باكل الفسيخ بالشوكه والسكينه وبطافس واكل عشره بيضه لوحدي
اول حب ليه فى حياتى من 13 سنه عرفته يوم شم النسيم ربنا يوفقه دلوقتى يا رب ويخلي له بنوتاته
النهارده 15 سنه عارفين بعض وكل فتره بيطمن عليا
شوفتى الهنا اللى اما فيه اول حب حاجه فسيييييخخخخ خالص ومشيها فسيخخخخ لاش التانيه هههههه

وبعدين مش قولنا انا مش هزور حد وقولنا انا هضرب زامبيتكا بالشبشب واحطه فى الدولاب شوفتى معرفتش استغني عنكم ولا عن ذكريانى الحلوه ازاي ههههه حاجه نيله
‏قال Desert cat
appy
يا حبيبتى ربنا يجعل كل ايامك اعياد وحب وسعادة
والحب يا قلبى موجود بس انتى شاورى هتلاقيه جاية لك يجرى
تعرفى اجمل حاجه ان العلاقة تستمر بين اتنين مش مهم كان فى بينا حب المهم ان فى بينا ذكريات وفى بينا عشرة وود
وعلشان انتى حبوبة فالطبيعى ان علاقتكو تفضل مستمرة
ما تتاخريش عليا بكره
انا من دلوقتى قاعده اغنى لك مستنياك ياروحى بشوق كل العشاق
تيرررررا راااااا
‏قال Unknown
يا ترى أيه سر تزامن عيد الربيع وعيد ميلادك؟؟

ربما جمعهما الزهور

;)
أعيــــــــــــــاد سعيده
وسنين عمر مديـــــــــــده
‏قال Desert cat
أنونيمس
دكتورنا العزيز
سبب التزامن وجود قلوب صافية وجميلة حوالينا
والزهور برضه
هههههههه
تحياتى يا دكتور
‏قال Heart Beat
Dear Desert Cat

كل سنة و انتي طيبة

و كل ربيع و الجو بديع عليكي دايما

و منورة عالم التدوين و الدنيا كلها

و كايدة العزال كده من يومك

و اجمل حاجه بقى ان عيد ميلادك يتناسب مع عيد الربيع و الورد الجميل يعني ماينفعش يجي ربيع على الدنيا غير بوجودك و ميلادك

و ميرسي جدا على كلامك الجميل و ده شيء مش بعيد عنك يا اعظم قطة في الدنيا
‏قال Dr. Diaa Elnaggar
العزيزة قطة الصحراء

كل سنة وانت طيبة مرة أخرى، وكل عيد وكل المصريين بخير وسلام وحب. ولأخواتنا المسيحيين اشاركك تهنئتهم بعيدهم. وبمناسبة ما كتبه الاستاذ "واحد من بلدي" أحب أن أهدية هذا الرابط للأخ العزيز الباحث عن الحقيقة

http://kashefa-shop.blogspot.com/2008/04/blog-post.html

وهو رجل بالمناسبة متدين، لكنه كتب تدوينة عن الأعياد والاحتفال بها من المنظور الإسلامي فأرجو منه أن يقرأها !!! 0

عميق تحيتي وخالص مودتي

ضياء
اتاك الربيع الطلق يختال ضاحكا من الحسن حتى كاد ان يتكلما

وقد نبه النيروز فى غسق الضجى أوائل ورد كن بالامس نوما

بارك الله فيك

وهدانا واياك لكل خير
‏قال هوندا
كل سنة وانتى بخير استمتعى بجمال الطبيعه فى الربيع سبحانك يارب
‏قال Abo 7anf
السلام عليكم يقطه
كل سنه وانتى بالف صحه وسلامه يارب
ولاخوانا الاقباط عيد سعيد
‏قال R.O.U.R.O.U.
kol sana wenty tayba ya gamil we dayman b5eer we s3ada
we rabee3 dayman kda :D
‏قال فاتيما
قطتى الحلوة
كل سنة و انتى طيبة يا قطقوطة و معلشى سامحينى كنت غايبة و ملحقتش أعرف إحنا طلعنا برج واحد بقى و دا يفسر حاجات كتير مشتركة بس انتى بتفكرينى بنفسى زمااااان قبل القطر ما يدوس عليا
بتمنالك أحلى أيام و نصيبك يكون احسن نصيب و بعيد عن أى شريط سكة حديد خالص
تحياتى يا قطقوطة
بصى يا قطايه
احنا ممكن نحتفل
(بيوم الربيع)
لكن و الله اليومين دول
قلت معرفه بعض الناس بدينهم
مش حقول انه حرام انك تحتفل بيه
بس ميكنش له طقوس معينة
زى مثلا اكل الفسيخ
مينفعش نربط اليوم ده بحدث معين
يعنى ممكن نخرج وكل حاجة بس يكون
يوم عادى
خروجة عاديه
فهمتى قصدى
يعنى ميكنش النية ان الخروج من اجل العيد
عارفة عيد الام مش حرام بس ممكن يكون حرام فى حالة واحده
انك لا تود امك الا فى هذا اليوم
يعنى نربط بر الام بيوم عيد الام
لكن لو انت فى الطبيعى بتبر امك
و فى اليوم ده خليت البر اكتر شويتين يبقى حاجة كويسة
موضوع جميل
و كل يوم ربيع و انتى متفتحه
(ورده يعنى)
سلانى ليكى
‏قال عبده الرايق
انا زعلان منك جدا يا قطه
وممكن زعلى يطول جدا
وممكن اعزل نص ساعه بحالها
عارفه ليه ؟؟؟؟؟؟
اقولك
الاغنيه اللى الفتها ولحنتها وغنيتها فى عيد ميلادك
سمعت انها اتسرقت
وفى بلد هتعملها نشيد وطنى ليها
ايه الحكايه ؟؟؟
هما هيقعدوا يسرقوا الرايق كده كتير ؟
ولا يهمك
انا هألف غيرها
كل عيد ربيع وانتى طيبه
‏قال david santos
Hello, desert cat!
I loved this post.
Have a nice day
‏قال وجهة نظري
كل سنه وإنت طيبه يا قطة بمناسبة أعياد الربيع وكل سنه وإنتي طيبه علشان عيد ميلادك إلي أنا أسف إني مقلتهاش ليكي في وقتها، وعقبال ميت سنه إنشاءاللة
‏قال wanna b a physician
كل سنة وانتى طيبة
قطقوطة حبيبتى
اولا كل سنة وانتى طيبة يا جميلة
اعذرينى كنت عند ماما
وماما معنهداش انترنت
علشان كدة عرفت حكاية عيد ميلادك دى متاخر جدا
كل سنة وانتى طيبة وعقبال مليون سنة يارب
ودايما وسطنا ومنورانا
وبتنونوى بصوت عالى ومحدش يقدر يمنع نونواتك ابدا

وكل سنة وانتى طيبة بمناسبة اعياد الربيع

تحياتى ليكى
اختك خيخة
‏قال غني يابهيه
كل سنه وانتى طيبه

عرفت من مدونة أبي

وجيت أهني

تحيات بهيه
‏قال nigro
أزال المؤلف هذا التعليق.
‏قال الربان
تحياتي

كل سنه و حضرتك و الجميع بألف خير و سلام...
كل سنه و مصرنا الحبيبة في ربيع دائم
يارب نري اللون الاخضر يكسو صحاريها
و الناس كلها سعيدة بالحياة فيها...
يارب لا تخذلهم و لا تشقيهم...
بلدي و اهل بلدي و انا معهم و بيهم...

كل ربيع و الكل بخير...بقلب مشرق وضاء
و حب فياض يغمر الجميع.

تحياتي و تقديري
كل عيد ربيع وانتي بخير

وكل شئ يحمل لانفسنا البهجة هو عيد بالتاكيد

تحياتي
محمد
‏قال غير معرف…
تشكري ياعسل علي الأغنيه الحلوه كتير
كده نبقي في شم النسيم

كل سنه و كل الناس الحلوه اللي هنا طيبين و بخير
‏قال hui mu han
صباح الورد

والله فكرتيني ان النهاردة عيد الربيع

بس سيبك كفاية شوية الهوا الحلو دول عشان الواحد ينتعش
‏قال قلوب بتغنى
كل عيد ربيع وانتى بخير
كل عيد ربيع وانتى زهرة مفتحة بين كل احبابك واصحابك

يا آجمل قطة فى اجمل جنة

جنة كلها حب وود وورد

تحياتى
كل يوم ميلاد وربنا راضي عنك
يارب ربنا يكون هداكي ووتبطلي تيعتيلي التعليقات القذرة اللي بتبعتيها
اللي مليانة شتيمة وسباب من كل قواميس القذارة
انا سامحتك عليها لوجه الله ومش هبلغ فيكي
خليكي بقى محترمة ومؤدبة وكفاية قاذورات بقى
اصله عييييييييييييب يصدر الكلام دة من بنت ولا انتي ما بيفرقش معاكي؟؟؟؟
افتكرري ان فيه ربنا مابيسيبش
هممممممممممم هتبطلي ولا ايه؟؟
عندي استعداد نفتح صفحة جديدة سوا
ودي فرصة لكي والله ترجعي عن كل اللي كتبتيه من سفالات انتي وهي اللي هي انتي برضه
ماشي علشان ككدة ربنا يرضى عنك وعنا
‏قال wael
كل سنه وانتي طيبه عشان عيد الربيع وعشان عيد ميلادك هي جايه متأخره بس اعذريني كنت في مرحلة الغيبوبه الزمنيه
اكررها كل سنه وانتي بألف خير
‏قال فرنسا هانم
كل سنه وانتى طيبه يا قطه
وعيد ربيع سعيد
حلوه اغنيه الربيع
‏قال Oma
ya rab ayamna kolha tekon rabe3 :))
w kol sana w ente tayeba ma3lsh met2a5raa..7aga gamela en yekon m3ake nas 7elwen keda fe 3id meladk w fe 7yatk :)
‏قال Tamer Nabil Moussa
كل ربيع وانتى بخير وصحة وسعادة

ربنا يكرمك


تحياتى
‏قال زعيم كمورا
الله عليك ربيع
بتقرب الاحبة وتبد الوحشين
ربنا يدمها عليكى نعمة ياحنان
رضا الرب ومحبة الناس


كل سنة ونتى طيب ياقطة
وربنا يزيدك كمان وكمان

قولى امييين

بس من قلبك والنبى عشان الدعوة تتقبل بس

تحياتى
‏قال Desert cat
Heart Beat
حبيبة قلبى
كل سن وانتى جميلة ورقيقة
وعقلك واعى وقلبك كبير
تناسب الربيع وتفتح الزهور مع عيد ميلادى لان فى ناس جميلة فى حياتى قالوا لى كل سنة وانتى طيبة علشان كدا الزهور فتحت ليهم
انتى واجندة وكل صحابى طبعا
محبتى ليكى يا جميلة
‏قال Desert cat
Dr. Diaa Elnaggar
كل سنة وحضرتك بالف خير وكل اسرتك واحبائك وان شاء الله العام كله يبقى ربيع عليكو
احترامى وتقديرى
أظن بقى .....كفاية...أنا كنت خارج إمبارح فى رحلة ريفية جميلة...وشفت هناك قطط كتييييرة...يظهر إنهم كانوا جايين علشان يعملوا وقفة إحتجاج علشانك ...عموما....
المسلم أخو المسلم ..وطالما أن ليس هناك ما يسيئ بينهم.. وكان عتابهم بكل ود وفى إطار الإحترام فأنا أرى أنه لا يجب أن يفترق الأصدقاء على أشياء لا تستحق ...ولعلمك الموضوع فيه سوء تفاهم كبيييير...وما ينفعش أشرحلك وجهة نظرى عن طريق البلوج....ولكننى أيضا لا أحب أن أخسر أصدقائى بسهولة...
فليثبت كل مننا على رأيه ولينظر للموضوع(أقصد الأعياد)..من وجهة نظره الخاصة...ولننحى ذلك جانبا حتى يتضح -ربما لكلانا-وجهة نظر الآخر...
دمتى صديقة
‏قال Desert cat
الطائر الحزين
يا صباح احلى ربيع على اجمل طائر حزين
كلماتك فى منتهى الجمال يا استاذنا
نورت البلوج كله
احترامى وتقديرى
‏قال Desert cat
هوندا
وانتى طيبة وبالف خير
‏قال Desert cat
Abo 7anf
شاعرنا العظيم كل سنة وانت بالف خير
وربنا يوفقك فى الامتحانات
‏قال أنا حر
كل سنة وانت طيبة وكل سنة وانت زهرة بنحتفل بعيد ميلادها وعيد ربيعها في وقت واحد
تحياتي
‏قال Desert cat
R.O.U.R.O.U.
ميسرى يا قلبى على الكلمات الرقيقة دى
‏قال Desert cat
فاتيما
احلى فاتيما
انا يشرفنى اننا نكون برج واحد
وبعدين البرج بتاعنا ده مش اى حاجه يا حبيبتى ده لازم الناس تعمله الف حساب وحساب اصلهم مش عارفين اللى بيضايقنا بيحصله ايه
كل سنة وانتى طيبة وبالف خير
‏قال Desert cat
مواطن مصرى نايم
طيب ايه المانع لما الناس تاكل فسيخ وتخرج فى اليوم ده
مين اللى حرم اكل الفسيخ والخروج
ومين اللى حرم انى اود امى اوجيب لها هدية حتى لو بجيب لها كل يوم وخصصت لها يوم معين برضه اجيب لها فيه
هو خلاص من كتر الفرح والسرور اللى فى الدنيا بقينا بنحرم على نفسنا كل حاجه
منهم لله اصحاب البدع والكلام الفاضى
نورت يا فندم
تحياتى
‏قال Desert cat
عبده الرايق
انا مقدرش على زعلك يا عبدو باشا
بس اعمل ايه الاغنية مش اتسرقت الاغنية انا بعتها وبسعر حلو اوى
واول ما المنتج الىل عرض يشتريها والموزع والملحن قالوا هندفع فلوس قولت فرجت يارايق وحنقسم بالنص
طب ده رزق حد يقول للرزق لاء وجاى زعلان علشان فكرت ابيع الاغنية واجيب لك فلوس
كل سنة وانت اروق انسان فى الدنيا
تحياتى
‏قال Desert cat
عبده الرايق
انا مقدرش على زعلك يا عبدو باشا
بس اعمل ايه الاغنية مش اتسرقت الاغنية انا بعتها وبسعر حلو اوى
واول ما المنتج الىل عرض يشتريها والموزع والملحن قالوا هندفع فلوس قولت فرجت يارايق وحنقسم بالنص
طب ده رزق حد يقول للرزق لاء وجاى زعلان علشان فكرت ابيع الاغنية واجيب لك فلوس
كل سنة وانت اروق انسان فى الدنيا
تحياتى
‏قال Desert cat
david santos
thank you Mr. david u r welcome
‏قال Desert cat
وجهة نظري
يا فندم مفيش اس ولا حاجه انا مقرة مشغالك وحضرتك تشرف البلوج فى اى وقت
كل سنة وانت بالف خير
‏قال Desert cat
wanna b a physician
وانت طيب وبكل خير
‏قال Desert cat
بت خيخة وأى كلام
احلى ام شيرى
كل سنة وانتى وشيرى وهانى بالف خير وسعادة
يا حبيبتى مفيش اى مشاكل خالص المهم انك شرفتينى
وربنا يخلى لك مامتك
بوسة كبيرة اوى لشيرى ابن اختى
تحياتى
‏قال Desert cat
غني يابهيه
وانت طيب وبالف خير
سلامى لبهيه
‏قال Desert cat
nigro
والله ما فى قصور ولا اى حاجه يا محمد
انا مقدرة وعارفه اللى عندك
ربنا معاك ويوفقك
كل سنة وانت مبسوط وسعيد
‏قال Desert cat
الربان
اللهم امين ربنا يتقبل دعواتك
استاذى الغالى
كل سنة وحضرتك واسرتك وكل محبينك بالف خير وصحة وسعادة
‏قال Desert cat
الفارس الملثم
صح يا محمد كل شئ يحمل لانفسنا البهجة هو عيد
كل سنة وانت سعيد
‏قال Desert cat
اجندا حمرا
العفو يا حبيبى انتى تؤمرى
كل سنة وانتى جميلة
‏قال Desert cat
hui mu han
يا صباح الفل والورد البلدى
يارب دايما مبسوط وسعيد
‏قال Desert cat
قلوب بتغنى
وانتى طيبة يا جميلة وبكل خير
‏قال Desert cat
كاميليا
كامى الرقيقة
كل سنة وانتى ارق بنوتة واجمل احساس وارع قلب فى الدنيا يا صحبة احلى كلمات
دمتى بكل خير
‏قال Desert cat
nonoymm
بصى يا حلوة
اولا انا وهى اللى تقصديه ناس كتير اوى عارفينا شخصيا وقابلناهم كتير جدا كونك بقى نيتك مش سليمة دى حاجه متخصناش
لان كل صحابنا ومعارفنا عارفين كويس مين قطة الصحراء ومين آآبى
كمان مش انتى اللى دخلتى قولتى عليا ان بوليس الاداب بيدخل عندى كل يوم والتانى علشان بشغل افلام سكس
يبقى واحدة ست محترمة بتلبس نقاب وتقول قال الله وقال الرسول وتتكلم على الناس بالغيبة والنميمة بالشكل ده
اما المش موافق اللى حضرتك واخده كلامه حجه فمش معنى انى رديت عنده مرتين وغلطت نفسى ان اسمى يكون موجود فى مدونة بالقذارة دى روحت حذفت ردودى هو استغلها غلط فدى مش مشكلتى
دى تقريبا داء
مرض
او ما شابه
انا على فكرة مش مسمحاكى فى كلمة قولتيها عليا فى اى مكان
وفى اى حرف انتى شتمتينى بيه
ولو لازمك اى بيانات يا عثل علشان تعملى القضية ابقى قولى لى
وانا همدك بيها والله
وكمان قولى لى هترفعيها فى انهى قسم وانا اروح اسلم لهم نفسى على طول علشان بس مش يتعبوا فى القبض عليا
يلا يا حلوة من هنا
متدخليش هنا تانى
‏قال Desert cat
wael
وانت طيب يا وائل وبالف خير
‏قال Desert cat
فرنسا هانم
وانتى طيبة يا جميلة ويارب كل ايامك تبقى سعيدة وربيع × ربيع
‏قال Desert cat
Oma
الناس الحلوين زادوا بيكى
انتى نورتينى والله
وكل سنة وانتى بالف خير
‏قال Desert cat
Tamer Nabil
وانت طيب يا تامر
ويارب كل ايامك ربيع
‏قال Desert cat
زعيم كمورا مورا
احلى زعيم
كل سنة وانت طيب يا باشا
وعيد ربيع سعيد عليك وعلى الجميع
‏قال Desert cat
واحد من البلد دى
ههههههههههههه
انا اللى بعتاهم وراك
ينونو لك ويقولوا لك القطة مش قادرة على زعلك
المهم ياباشا تكون استمتعت باليوم
انا والله سعيدة اوى بيك وبمعرفتك
ومستحيل ازعلك او اخسرك
نورتنى وشرفتنى
وربنا يديم الود
‏قال غير معرف…
معلش ياجميله دوشاكي أنا بس الصراحه ماقدرتش اسكت و انا سمع الكلام الغريب ده بيتقال عنك و مادافعش
الصراحه انا ماشوفتش منك اي حاجه وحشه و اذا كان فيه ناس معترضين علي اراءك في موضوعات معينه فمش معني الاعتراض اننا نخوض في أعراض بعض و نقل أدبنا علي بعض
بقول الكلام ده للي بينسوا نفسهم و بيتلفظوا بألفاظ تخدش الحياء و بيتخيلوا حاجات مابتحصلش و زي ماقلنا قبل كده ياقطه مش معني الحجاب او النقاب ان اللي لابساه معصومه من الخطأ و للأسف بقم بيستغلوه اسوأ استغلال

و الدليل اللي بيحصل عندك و حمله التشنيع الغريبه اللي حاصلالك
لكن أحب اقولك ان اللي عارفك كويس مش بسهوله يصدق اي كلام مغرض اي حد حاقد غيران ان عدد اصحابك اكتر منه
كلمه بس للي بيشنوا و يقولوا علي السايبر بتاعك الكلام اللي بيفتقر للأدب حرام عليكم خافوا ربنا و احترموا اللي انتم لابسينوه علي راسكم
الدين مش غطاء رأس و لا وجه
الدين مش حركات بنقوم بيها
الدين اكبر من كده
احترموا الدين اللي بتنتموا له و ماترموش الناس الشريفه بالباطل
معلش ياقطه اذا كنت طولت عليكي بس بصراحه ماطيقش اني اشوف حد بيعيب فيكي و افضل ساكته

كلنا بنحبك ياقطه
:))
‏قال بحبك يامصر
كل عيد ربيع وانتى بخير
وكل سنه وانتى طيبه
‏قال Desert cat
الباحث عن الحقيقة
اولا الف اهلا وسهلا بيك يا احمد
ثانيا بالنسبة لسونه اجدع ناس ههههه انا لما رديت عند نوارة نجم محددتش اسماء
بس نظام اللى على راسه بطحه بيحسس عليها
وهى علشان راسها متخرتئه بطح عمال تهرى وتنكت فى نفسها
وانا قاعدة على قلبى مرواح ولا معبراها ولا هعبرها ... والله يا احمد عرفت الموضوع ده من كذا شخص ولا فكرت حتى اشوفها قايله ايه ... اصل ميشرفنيش ادخل عند منافقين وفعلا انا لو شوفتها هنا مش هديها غير بالجزمة وممكن اروح اديها بالجزمة برضه فى قلب بيتهم وممكن كمان الففها حوالين نفسها ... بس معلشى غلبانة عيلة وبتهبل والاهبل دايما بنعمله ايه نرمية من ورا ضهرنا فى اقرب مقلب زبالة
المهم يا ابو حميد انت شرفيتنى ونورت البلوج ياباشا
‏قال Desert cat
اجندا حمرا
يا قلبى المدونة مدونتك انتى تشرفي وتنورى فى اى وقت
بالنسبة للحاجه اللى فاكره علشان مغطية وشها يبقى تقول اللى هى عايزاه على الناس فانا بس عايزه اثبت لك جهلها ... ان كافيهات النت مبيدخلهاش غير المصنفات ودول مبيدوروش على افلام سكس زى ما خيالها المريض مصور لها ... دول بيدوروا على نسخ الويندوز المخالفة ... وكونها بررت لواحدة صحبتى قبل كدا سبب اغتيابها وقلة ادبها عليا وقالت انه علشان اخوها كان عنده كوفى نت واتقفل بسبب ان بوليس الاداب كان كل شوية يروح ياخد اخوها ومراته من الكافيه لحد ما قفله فاحب اقولها يبقى اخوكى حد مبلغ عنه انه فعلا بيدير الكافيه بتاعه افلام مخلة حتى فى الحالة دى كمان مش بوليس الاداب اللى بيدخل الكافيه برضه المصنفات وبتاخد الاجهزة وبتعمل لها فحص ولو ثبت ان عليها اى حاجه مخله هى بتتصرف بقى بتحوله لاداب بتحوله لمخدرات مش لينا فيه ... يبقى يا حلوة لما تحبى تتكلمى مش تحطى كل الناس فى سلة واحدة ... مش كل الناس بتطفى النور وتدير سيبراتها افلام سكس يا حاجه يا محترمة ....

معلشى يا اجندة يا حبيبتى مفيهاش حاجه لما نكسب فيها ثواب ونفهمها الجهل وحش برضه
بالنسبة للهجوم اللى كل من تمد ايدها فى مناخيرها تروح تكتب عنى بوست او يكتب عنى بوست والله يا قلبى ولا بفكر افتح مدوناتهم اشوفهم كاتبين ايه بس بقول ربنا يزيدهم هبل على هبلهم ناس فاتحة مدونات مخصوص علشان تكتب على حد تانى يبقى دول اسهم ايه غير ناس فاقدة القدرة على السيطرة والتفكير وعندهم تبول لا اراداى فى دماغهم
والله انتى وهارت وكل صحابى وحبايبى عندى بالدنيا
انتى مطولتيش ولا حاجه يا قلبى
انتى تنورينى فى اى وقت
‏قال Desert cat
بحبك يامصر
وانت طيب وبالف خير
‏قال غير معرف…
كلك ذوق و الله ياقطه و مرسي علي الترحيب و كويس انك وضحتي الأمور أكتر ليا عشان أفهم الحرب الشعواء دي اصلها ايه و فصلها ايه

مفروض فعلا اننا مانخلطش الحابل بالنابل و نقول علي مهنه معينه انها كلها ناس مش و لابد كل مهنه في الدنيا فيها الكويس و فيها الوحش
و انتا لما بتشرحي وجهه نظرك في موضوع معين مابتعمميش علي الرغم من ان اللي مدبأك عمال ينسج حكايات وهميه انك بتعممي و الحقيقه لا انا و لا اغلبيه اللي بيعلقوا عندك شايفين التعميم خالص بالعكس انتي بتدي كل واحد حقه حتي لما جيتي تتكلمي عن موضوع الصوره بتاعت الملتحي و المنقبه و قعدنا نقول طب لو جت تطلع من الميه مش حتكون الهدوم لازقه علي جسمها و طبعا انبروا الأخوه و الاخوات الأفاضل و قالولك و انتم ايه اللي مضايقكم راجل و مراتهو الصراحه مش عارفه جابوا اثبات من فين ان ده راجل و مراته بس ماشي حنمشيها راجل و مراته و نقول ان بعض الظن اثم يبقي مالكومش حق بقه لو شوفتم راجل و ست لابسه مايوه وبيعملوا نفس الكلام و عمال بيحضن فيها و يبص لعنيها زي الأخ الفاضل الملتحي مالكوش انكم تفتحوا بقكم اصل هما برضه متجوزين صح؟

الكلام وياكي مابينتهيش ياقطه بس عارفه ايه اللي بيحببني في الكلام وياكي انك بتدي للناس فرصه انهم يقولوا اللي جواهم كله مش بتحجري علي رأي حد طالما رأي محترم و مش قليل الأدب و بتدي فرصه و اتنين للشخص الغير مهذب و في الاخر من حقك انك ماتنشريش تعليقه طالما تخطي حدود الأدب

و الله ماعايزه امشي بس مش عايزاكي تملي مني
اشوفك بخير و خودي بالك من نفسك ياقمرايه
‏قال Desert cat
اجندة حمرا
اهى الصورة دى بقى فى ناس اخدتها على نفسها
وقالت هى منزلة الصور دى مخصوص علشانى مع انى موضحة تحت ان فى واحد وقولت بالحرف انه واحد مش واحدة دخل قل ادبه وقال كلام خارج جمعنى فيه انا وانتى وانا والله يشرفنى ان اسم يبقى جنب اسمك يا اجندة فى اى حاجه حتى لو شتيمة واقسم بالله انه لو كان شاتمنى لوحدى لكنت نشرتها ولا همنى ما انا اشتمت قبل كدا انا واهلى ونشرتها فعادى انما محبش ان مدونتى تبقى مرتع لسفالات الناس ... المهم راحت الاخت على حد تعبيرهم تقول انى منزله الصورة مخصوص علشانها ... طيب صاحب العقل يميز .. وبعد ما اخدت المعنى على نفسها لو الشخص اللى شتم ده كان داخل انونيمس انا كنت قولت هى لكنه كان بجح حبتين وداخل باسمه واللى يبقى اول حرف من اسمه الراقص مع الذئاب ... انما اخدت المعنى على نفسها ليه انا مش عارفه .. وطالما هى مش تمت واتضايقت اوى كدا فيمكن تكون هى اللى فى الصورة بقى ... وبعدين مش رجعوا قالوا يمكن مراته ورجعوا قالوا كل واحد حر متضايقين ليه وعمال يالفوا فى كلام وحوارات اسفل ما يكون
ربنا يكمل كل واحد بعقله
شرفتينى يا اجندة وانا والله بكون مبسوطة اوى بالكلام معاكى وبكل ردودك
على فكرة بقى انا نفسى اتكلم معاكى بجد ....
نورتينى يا جميل
طبعا اشك انك تنشري تعليق زي دة او التعليقات اللي فاتت
لسبب بسيط انك والله بجد محتاجة فعلا طبيب نفسي يشوف حالتك
انا لا قلت انتيولا غيرك وبلاش الوب تلبيس الحق بالباطل دة
واذا كان لسة باقي شوية مخ تفكري بيه من غير عمى القلب الل بقيتي فيه دة ارجعي للتعليق وافهمي لو عاوزة تفهمي
انا لا قلتلك انتي وا غييرك اناعملت مثال زي مثالك بل اني لا تتبعت عورات حد زيك ولا خضت في اعراض حد زيك
ولو انتي عندك الجرأة اصلا كنتي قلتي انا اللي كتبت التعليقات القذرة لكن مدارية طبعا
انا مش مشكلتي ان حد تعب نفسية سيادتك وعقدك من المنقبين والملتحين تقومي تمشي تهبشي في الخلق
اتقي ربنا واعرفي ان كل فئات الارض فيه منها الكويس والوحش لا زلت اتمنالك تكوني ارتحتي وعرفتي تفشي غلك
لحسن الغل دة بيعمل سواد قلب وبلش تلبيس الحق بابطل لحسن خلص اقنعتك وقعت
اوي وبعدين مش غريب ن اصحابك يبقوا زيك كدة برضه الحق عندهم باطل
مش هقول غير حسبي الله ونعم الوكيل
كل قذارة كتبتيها لا تنم الا عن شخصيتك ومكان تربيتك اوعي تكوني فاكرة اني اتضايقت منها انا اتضايقت علشانك وعلى ما ستحصديه من سيئات ناج ما كتبتيه الحقي توبي واستغفري عنها دي الدنيا دلوقتي حياة وكمان دقيقة موت
ربنا يهديكي وتفوقي
ولسة ععن كلامي انتي ليكي فرصة ذهبية انك ترجعيعن كل اللي كتبتيه من قاذورات وتقولي خلاص غلطتي وتبتي وانا عندي استعدد افتح معاكي صفحة نظيفة نختلف فيها وماله لكن باحترام زي الناس الثقفة يابنت الاصول
لا متخافيش مش هلغ دلوقتي انما ممكن فكر خصوصا واناعندي اثباتات كتييييييييرة اوي
بس هعمل ايه في قلبي الطيبانتي برضه بنت وما ينفعش خد حقي كدة رناموجود يهديكي ويرعاكي احسن
‏قال Desert cat
nonoymm
ومش انشره ليه بقى يا حلوة على اساس انك حاطة فيه متفجرات وخايفه على زوار المدونة لاء فيكى الخير
وبعدين كومنتات ايه دى اللى مش نشرتهالك انتى قبل كدا كنتى بتدخلى بانونيمس تشتمى وتجرى
وبعدين
انتى جاية ليه عند اللى محتاجين دكتور نفسانى
انا مش هرد على الجزئية دى على فكرة
انا هسيب اللى يشوف كلامك هو اللى يحكم عليكى وعلى اخلاقك وتربيتك

انا برضه مقصدتش كله يبقى قولي لنفسك الكلام ده فى المرايا ومتدخليش هنا تاني وحسبي الله فيكي انتي وفى الدماغ الغريبه واللى عاوزاه اعمليه ومفيش نقاش بينا بما انك مش بتفهمي اللى بقوله لانك ملكيش فيه
ولا بتفهمي فى السياسه
وحتي الدين بتبصي من منظور واحد يبقي نقاش ايه بقى حتي بتأخدي كل كلمه وحشه فى حقك زي اللى على راسه بطحه
يالا يا عثل حبه هوا من هنا
مش تنسى تبقى تقولى لى انتى هتعملى لى المحضر فى انهى قسم شرطة .. روحى يا اختى اعملى المحضر يا مامى خوفتينى حتى شوفى ركبى بتخبط على الجيران
يلا يا حلوة من هنا
مش تدخلى هنا تانى
يلا طيرى
يا قطة انتى فهمتى التعليق غلط
راجع التعليق
انا مقلتش ان الفسيخ حرام
و انا مش شيخ
انا مش بحب افتى يعنى
و لا احرم و احلل
و مقلتش عن عيد الام انه حرام
انا قلت
ــــــــــــــــــــــــــ
عارفة عيد الام مش حرام بس ممكن يكون حرام فى حالة واحده
انك لا تود امك الا فى هذا اليوم
يعنى نربط بر الام بيوم عيد الام
لكن لو انت فى الطبيعى بتبر امك
و فى اليوم ده خليت البر اكتر شويتين يبقى حاجة كويسة

انا عملت كوبى و باست من التعليق السابق

لو لاحظى انا قلت مش حرام
اوك يا قطايه

و انا عن نفسى خرجت يوم شم النسيم
بس مش عشان دا عيد و الحوارات دى
لا كان عندى كورس احصاء
هههههههههههه
سلامى ليكى
‏قال Desert cat
مواطن مصرى نايم
اوكى يا فندم
ايه اخبار كورس الاحصاء
تنوية

هذا كلمات

البحترى

نقلتها لك فله وصف غاية فى الروعة للربيع

المشاركات الشائعة