تم الإفراج عن إسراء ... عقبال الباقى

الرسالة دى وصلتنى حالا
قولت زى ما زعلتكو بخبر القبض عليها افرحكو بالافراج عنها
................................
الحمد لله اخلاء سبيل احمد عراقى و قطب حسانين و كل معتقلين اسكندرية
و امر النائب العام بالأفراج عن كل من اسراء عبد الفتاح و نادية مبروك
عقبال الباقى يا رب
الحمد لله
...
ألف مبروك يا إسراء
ألف مبروك يا نادية
عقبال باقى المعتقلين لما يخرجوا بالسلامة

Comments

ايوية said…
الف مبروك لمصر كلها
تحياتى لها واتمنى بجد لو عندى اى وسيلة اتصال بها لاهنائها بنفسى
Baker said…
مبروك لاسراء
على فكره بقالك كتير مبتكتبيش غير فى السياسه عارف انه يمكن ميكونش وقته بس عاوز اقرالك مواضيع زى بتاعة زمان تحياتى
اول كومينت

واول وحده تقول لي اسراء وكل اللي معاها

الف الف الف مبرووووووووووك

اعبال الباقي


دائما سباقه بلخير يا نونو


تحياتي
رودي
Desert cat said…
ايوية
انا كمان معنديش اى وسيلة اتصال مباشرة ليها بس الرسالة وصلتنى على الفيسبوك من حزب الغد
تحياتى ليكى يا يويو
Desert cat said…
Baker
الله يبارك فيك
الاحداث اللى فى البلد كتير فى الفترة الاخيرة
علشان كدا بكتب عنها
عموما حاضر هرجع لسابق عهدى
سعيدة جدا بتشريفك البلوج
تحياتى
Desert cat said…
بنوته مصرية
تسلمى لى يارودى
انتى اللى دايما سبقاه بكل حاجه جميلة
محبتى ليكى يا قمر
الحمد لله
سجن البنت دي ماتفرفيش كان منكد عليا قد أيه ...لوليها مدونة أدخليلها وشوفي عملت أيه في السجن وخليها تكتب عن التجربة
تحياتي لمندوبة الأخبار بتاعتنا
Desert cat said…
مفقوعة مرارتي من حماتــــــــــــي
الحمد لله ربنا فك كربها
عقبال ما يفك كرب باقى المعتقلين واهالى المحلة
انا الخبر جالى من حزب الغد
بس اى اخبار اعرفها هكتبها لكو على طول ولو قدرت اكلم اسراء نفسها هقولها حاضر تدخل تكتب عن التجربة
تحياتى ليكى يا فوفو يا قمر
la3lahakhier said…
الحمد لله
الله كريـــــــــــــــــم
حمدا لله على سلامتك حبيبتى
مبروك ليها الافراج وقبال كل المعتقلين
Desert cat said…
la3lahakhier
الحمد لله
عقبال باقى رفقائها
Desert cat said…
بحبك يامصر
اللهم امين عقبال الباقيين
واهل المحلة كمان
السلام عليكم
انا حاسة ان المدونين بقو الحيطه الواطية بتاعة الحكومة مش عارفة لية الاحساس دة مسيطر على وكان المدونات دى هى اللى بتصنع حاجات كتير
تحياتى لك والف مبروك لاسراء
الف مبروك ليهااااااااااا

وعؤبال الباقيين يارررررررررب

وشكرا ع الخبر قطتى
فاتيما said…
ربنا كريم
و قادر يفك اسر كل واحد مظلوم
الف مبروك يا حبيبتى
Desert cat said…
د/اجدع بنوته
لا شكر على واجب يا دكتورنا يا قمر
Desert cat said…
فاتيما
اللهم امين
شوفتى يا ام يوسف لما قولت لك دعوة المظلوم بتستجاب
ولما شوفت دعواتك بكيت لانى حسيت بجد ان الدعوة طالعه باهه من قلبك
ربنا يفرج كرب كل واحد
ويخليكى يا احن ام يوسف فى الدنيا
محبتى ليكى يا جميلة
Abo 7anf said…
الف مبروك لاسراء
وربنا ان شاء الله يوفق البلد
ويوفقها لانها بجد بنت جدعه
somaa mahaba said…
جد ولا هزار يا قطه متاكده
الله يبشرك بالخير ديما
ومبروووك ليهم وعقبال الباقى
تحياتى ليكى سومه_87
Human said…
ألف مبروك ....مش عايزين ننسى إن فيه مئات معتقلين في برج العربة من المحلة
الربان said…
تحياتي

ربنا يفرح قلبك...كم فرحتينا...كنت واثق من الافراج عنها و عن زملائها الشباب الاخرين.

الحمد لله.

تحياتي و شكري و تقديري.
Desert cat said…
Abo 7anf
الله يابرك فيك
ان شاء الله ربنا يوفق الجميع
Desert cat said…
رئـــــيسـة حزب الأحلام
لاء المدونين مش هما الحيطة المايلة
المدونين هما الصوت الاعلى
علشان كدا كل العيون عليهم
تحياتى
Desert cat said…
somaa mahaba
بجد يا سومة
وعقابل باقى المعتقلين لما يخرجوا بالسلامة
نورتى
Desert cat said…
Human
مينفعش اهل المحلة بالذات يتنسوا
ربنا معاهم
Desert cat said…
الربان
ربنا يفرحك دايما يا استاذنا
انا كمان كان عندى احساس انها هتخرج لانى قولت دى هتبقى قرصة ودن بس بمعنى اضرب المربوط يخاف السايب
حمد الله على سلامتها وعقبال الباقى
الف مبروك لاسراء وعقبال معتقلى المحله ان شاء الله والافراج عن اسراء بقرار من المحامى العام يعنى ان شاء الله مش حيكون ليها قضيه
تم القبض على الصديق و الأخ العزيز احمد بدوى صاحب مدونة بدوى الاول عشر المصدر مدونة الوعى المصرى و مواطن مصرى واخد على قفاه

الى يقدر يعرف حاجة يطمنى يا جماعة أرجوكوا
و الى يقدر يعمل حاجة يتحرك
-------------------

الزميل العزيز ابن ناصر ناشر عنده صور من الواقع عن يوم الاضراب
http://ibnasser.blogspot.com/2008/04/blog-post.html
مساء الفل ياأجمل قطه

ألف ألف مبروك لأسراء و ناديه و عقبال الباقي و فعلا بضم صوتي لصوت الأصدقاء و الصديقات اللي قالوا لو ليها بلوج تحكيلنا علي اللي حصل
لو عرفتي توصليلها ياجميله بلغيها سلامنا كلنا

تحياتي ليكي
Desert cat said…
رئيس جمهوريه نفسى

اللهم امين ربنا يخرجهم على خير
بس اسراء هيتعمل لها قضية بتهمة ايه اصلا
قرار القبض عليها من الاساس كان غلط
العزيزة قطة الصحراء

فعلا معاك حق

بنت ولا بألف راجل

ألف مليون مبروك


واسمحي احييك مرة أخرى على حسن اختيار الاغنية

عميق تحيتي وخالص مودتي

ضياء
قولى يارب بس ميكونوش مخرجينها طعم وبس

ومبروك ليها ولينا كلنا

مدونتك حلوة اوى عجبنى تفكيرك

انتظر زيارتك ف مدونتى المتواضعة
....
Desert cat said…
عاليا حليم
قابضين عليهم بتمة ايه ان شاء الله
هو النظام بقى واخن للدرجة دى
بيبقض على اى حد وفى اى وقت كدا
ربنا يخرجهم على خير
Desert cat said…
اجندا حمرا
مساء الجورى على ارق اجندة
الله يبارك فيكى يا جميلة
انا لو اعرف اوصلها هكلمها
واقولها تكتب عن التجربة
لكن اللى اقدر اعمله دلوقتى انى ابعت رساله على حزب الغد واكيد هتوصل لها ان شاء الله
محبتى يا جميلة
Desert cat said…
Dr. Diaa Elnaggar
دكتورنا الجميل صاحب اقللب الكبير والمهموم بمشاكل البلد ومهتم بكل صغيرة وكبيرة فيها حتى وهو خارج حدودها
حقيقى مش عارفه اشكرك ازاى
احترامى وتقديرى لشخصك الكريم
Desert cat said…
دعاء مواجهات
ان شاء الله ربنا معها ومع كل المظلومين
الاجمل من المدونة تشريفك
ويشرفنى طبعا زيارة مدونتك
نورتينى
semsema said…
والله فيكى الخير يا قطة انك متابعة قضيتها
وربنا يهدي الحكومة على الباقى

تحياتى
nody_1987 said…
ما تتصوريش انا سعيده قد ايه
بجد سعاده ما تتوصفش علشان البنت دى
عقبال كل الى فى المعتقلات والمظلومين
الحلو لازم يجيب الاخبار الحلوه
Desert cat said…
semsema
الله يخليكى يا سمسمة المفروض ان ده واجب
اننا نبقى جنبها
تحياتى يا جميل
Desert cat said…
nody_1987
ربنا مع مظلوم ويخرج الباقيين على خير
محبتى يا نودى
الف مبروك يا قطة
يا خوفى ليخدوكى انتى كمان
هما دلوقتى طايحين فى الكل
خدى بالك من نفسك البلوج متراقب !!! بقاله فترة
سلالالالالالالالالالالالالالام
Desert cat said…
حــدوتـــة
انا بلوجى متراقب يا حدوتة
ومين اللى مراقبه
لاء قولى مش انا برضه قطتك تسيبنى كدا على عمايا
لو جرى لى حاجه الهى ربنا يكرمك ابقى جيب لى كنتاكى وتعالى زورنى مش بحب الحلاوة
اعااااااااااااا
مبروك...الهم فك اسر جميع المظلومين
المنسى said…
ألف ألف مبروك ليكى يا أسراء وعقبال باقى المعتقلين من ولادنا وإخواتنا خلف قضبان الظلم
المنسى said…
ألف ألف مبروك ليكى يا أسراء وعقبال باقى المعتقلين من ولادنا وإخواتنا خلف قضبان الظلم
Desert cat said…
واحدة مفروسة
اللهم أمين
Desert cat said…
المنسى
ربنا مع كل المظلومين
ان شاء الله
mostafarayan said…
اذا كانت اسراء زي مابتقولي وهي اللي فكرت في اضراب السادس من ابريل تبقي بنت بمائة راجل
لا نقول ألفمبروك البراءة
ولكن نقول مبروك الخروج من الأسر
مبروك يا اسراء ألف مبروك

Popular posts from this blog

قميص دهشور

كل تحرش وانتوا طيبين