اللى فاهم حاجه يفهمنى

شنكوتى said...
لو جدعه وبنت ناس جدعان انشرى التعليق ده رأى بنى ادم مدون فيكى انسانه وقحه ومش متربية واهلك لازم يتبروا منك ولا يتبروا منك ليه هم عارفين انهم ماربوش لما بنت تبقى بوقاحتك كده مش عاوز اقولك بنسميها ايه بتشتمى الريس يابنت الجزم كله الا كده طبعا مش هاتنشرى التعليق بعد ماقلتلك يابنت الجزم بس برده فى الاول وفى الاخر انتى بنت جزم وخاينة لبلدك ماهو انتى لو بنت ناس ماكنتيش قلتى كده انما نتى مش بنت ناس انتى برده بنت جزم يلى انشرى بقه لو قلتى زيع هانزيع وهانزلك التعليق ده فى مدونتى بوست لوحده وهاكتبهولك فى تعليقى على كل مدونة ولازم الناس تعرف حقيقتك
April 9, 2008 8:27 PM

زى ما نتوا شايفين كدا ده رد لواحد اسمه شنكوتى فى موضوع رساله حب لاسراء
انا مش هعلق عليه هنا لانى سبق وعلقت فى البوست


Anonymous said...
انا عايز افهم حاجة هو مش الاضراب زي ما انتم بتقولوا نجح وحقق مطالبهم مضايقين لية ان الاخوان ما شاركوش يا عصافير امن الدولة ويا شيوعين يا اللي نفسكم البلد تولع وتلبسوها للمعارضة وعلي راسهم الاخوان
April 9, 2008 6:37 PM

طيب يا جماعه معلشى اللى فاهم حاجه يفهنى
هل انا اللى اتلعن سلسفيل اهلها فى رد الشنكوتى
ولا انا امن الدولة الشيوعية فى تعليق الانونيمس

ياريت اللى فاهم حاجه من التناقض ده يفهمنى
علشان اعرف ارسى على بر وأعرف أحدد إنتمائى بدل ما انا مشتتة كدا
ههههههههههههههههه

تحديـــــــث
شنكوتى اللى شتم مش هو الشنكوتى الكبير
فى فرق جامد فى الاسم
ده واحد نصاب او كداب او منتحل شخصيات
تقريبا عجبه اسم الشنكوتى الكبير فقال اجرب مفيش مشاكل

تعليقات

خير رد على السفيه السكوت
------------------------------
لكل داء دواء يستطب به
الا الحماقه اعيت من يداويها
--------------------------------

دول تعليق مبدى على ما افصص البوست بالليل على رواقه
‏قال Empress appy
هههههههههههههههههه
اولا توضيح بس يا بنتى ان الشنكوتى ده مش الشنكوتى الكبير للى هو صاحبنا هتخلى الناس تقيم عليه الحد والتلات هههههههه

الاول ايون انتى ازاى تشتمى فى الريس يا بنتى ده الريس متقال
الا بالحق ريس مين الا ملقيت عندك شتيمه ليه
يوووووووا عليكى مش قولت لكى خلى بالك يا بنتى يمكن كان معدى من هنا والكومنت وقع عندك بالصدفه من جيبه من ضمن الكومنتات اللى حاططها هههههههههههههه

فوقع بالغلط

اما بقى مشطوب الاسم ولا مشطوبة الاسم دى يا ريت تدينا دليل على كلامها وبكده تبقى لينا وسطه فى الحكومه يا قطه ونهيص ونجبلك الطلبات بقى على البلوج
هههههههههه
بصى هو فى وجهه نظرى يعنى ان اى حد بيختلف فى الاراءاو حب بعض الناس او كرههم فاقرب حاجه العقول الضاله تقولك امن دوله
الا صحيح مبروك امن الدوله بتعين بنات
الا هما يا نونا معندهومش كمبيوتر وظباط قاعدين ليل ونهار وشايفين كل البلوجات والمواقع امال رصدوا اسراء ازاى وقبلها ناس كتير
والله حسبى الله ونعم الوكيل على زنقه الدماغ اللى فى الشوز دى
معلش يا بنتى كله فى حساناتك وبعدين ما تحبى اللى تحبيه واكرهى اللى انتى عاوزاه دى حاجه قرف بجد
ولو انتى عصفورة زى ما بيقولوا هتعادى الناس ولا هتدخلى بينهم
والله ناس مغيبه عن العقل ويرجع يقولك الاعلام جتكم خيبه بقى
خلاص انا ماشيه اصل شكلى كده هيفجرونى انا وبكرة يدورا عليا وهتشوفى بس انتى عارفه المطب الصناعى اللى عملاه فى البلوج واللى بعرف بيه الناس نيههههههههههااااااااااااااااا خخخخخخخخخخخخخخخخخخ
‏قال همس الاحباب
طبعا فعلا خير الرد على السفيه
السكوت ولو كلب عوى القمته حجر لصار

مثقال حبة من صخر بدينار
ونعم الاخلاق والثقافة والادب
والحوار
فعلا لا تجعل سفالة الاخرين تظهر عن سفالتك
لهذا مش اكمل تعليق لانهم ما يستاهلوش الرد من الاساس
تحياتى ..
‏قال وجهة نظري
أنا شايف طبعا إنوا ولا يهمك، عادي جدا الناس عندنا في مصر غاوية تصنيفات، لو مش 1 يبقي 2، ولو مش دا أو دا تبقي 3، ولو أثبتي بعدك عن كل الجرايم دي، يبقي أكيد إنتي تبع تصنيف جديد لسة طالع ولازم نكشفة.... تفكير واطي بيبروز الناس حسب الفئات، وميعرفش إن ممكن أوي، لأ دا لازم، إن الناس تبقي محايدة وحرة في تفكيرها

مش معني إني بشجع الأهلي يبقي لو الزمالك جاب جون حلو أصفق، ومش معني إني مسلم يبقي أي كلمة تطلع من واحد مسيحي يبقي لازم أستهجن بيها

دا أول مبدأ لازم الشعب يتعلموا قبل ميتعلم بعمل أي حاجة

ملحوظة والنبي توصليها لآبي :)، شوفتي تصنيف الناس بيوجع إزاي؟ :p
‏قال فاتيما
بصى يا قطتى ...
رياح الوقاحة بتهب حاليا على المدونات المتجاورة ..و اللى هما أصحاب و جيران زيك و زى خيخة ...
موش عارفة فيه إيه ...
حد زعلان من الدنيا حبتين و قال يسقط على الدنيا ما فى نفسه
بصى يا قطقوطة ... سيبى اللى يقول يقول عااادى يا حبيبتى
يا ستي سيبي اللي بيهيس يهيس
واضح ان اللي مش متربي هو اللي كتب الكلام ده
بس كده خلاص
انسي وطنشي

تحياتي وكان الله في عونك
‏قال nigro
تؤ تؤ تؤ
يا خبر يا خبر يا خبر
ده انت طلعتي جامدة يا قطقوط
بتشتمي في الريس
و كمان عصافير و أمن و دولة و شيو و عيين
دا الواحد يخاف منك بعد كده
-------------------------
بجد انا مش عارف الناس اللي دماغها فاضية و دايرة تلف على المدونات و تشتم أصحابها دول معجونين من إيه بالظبط
كبّري دماغك دي عالم دماغها لاسع
‏قال صوت من مصر
بصراحه انا كنت ضدك فى الاول عشان الاخوان لكن حاليا انا معاكى 100 % ولو هما كده حد يفهمنى حاجه على رايك
‏قال Unknown
تعالي بقي انا افهمك ايه ده يا قطه
ده ليه اسم واحد قلة ادب و سفاله و حد مش محترم بيطلع عقده علي الناس
دي اصناف ماينفعش معاهم غير العين الحمرا و الجزمه

سيبك من العالم دي

تحياتي يا قمر انتي وراكي رجااااله
هههههههههههههههه
لا هو الصراحة معنى الكلام انه يقصدك
بس دا متخلف بجد هو مش عايش فى البلد
تسمحى لى ارد بعد اذنك
يا عم شنكوتى
و الا انت اصلا متستاهلش عم
انت ياض يا شنكوتى
انت عارف اغنية عصام كاريكا
يبقى الواد دا ايه...........ايوه
برافو عليك شنكوتى
انت لما تعمل راجل و تفضل تشتم فى (انثى)
يبقى انسى انك تكون راجل
يا بنى ادم
لا بنى ادم دى متستهلهاش
يا حشرة كل واحد بيعبر عن رأية هى شتمت فى مدونتها
روح انت طبطب على بابا الريس فى مدونتك يا جرثومة
لو عاوز تشتم تعالى اشتم عندى عشان ارد عليك من المتنقى يا خيار
او ...... والا بلاش
كنت حقل ادبى بس عشان احنا فى بلوج البنى ادمه المحترمة دى
لكن اقسم بالله لو جيت عندى فى البلوج لحظبط فى من هنا لحد الفيوم
ـــــــــــــــــــــــــــ
فكك من العالم السفلة دى cat
اى حاجة ادينى رنةفى البلوج بتاعى وانا ارد
بلاش تتعبى نفسك مع الاشكال الواطية دى
‏قال زعيم كمورا
لاحول ولا قوة الا بالله
ينى اان افضل اكتب فى رد ساة
اه واللله ياقطة ساعة
وفى الاخر ميظهرش منه حرف واحد
ولا حتة النقطة الى تحت ال ب


ياله ماعلينا



اهو هما دول بقى ياقطة
الى شعارهم فى الحياة
الجرى نص الجدعنة
والشتيمة ونتا بتجرى الجدعنة كلها

دول ناس مش فالحة فى حياتها
غير انها تشتم الناس
هى دى مهمتها فى الحياة
والمصيبة انهم فاكرين انهم بيفهموا
مع ان الحمير بتفهم عنهم


وبعدين ياقطة
انتى ولا مع الحكومة ولا مع الخولاز
انتى معانا احنا


تحياتى
‏قال Heart Beat
عزيزتي

بعد ما اتفرجت على وصلة ذكر وسائل المواصلات الارضية بمقاساتها المختلفة من اول اسمك لغاية العائلة الكريمة

رجعت على بوست اسراء و قريت البوست و التعليقات يجي خمس مرات

اني الاقي كلمة و لا حتى حرف فيه اهانة منك لشخص الرئيس المصري مش لاقيه

اوعي يكون تعليق الحاجه اللي اسمه شنكوتي ده الهدف منه البحث عن شتيمة في الموضوع اللي فات و المفروض اننا نعود مرة اخرى و نبحث عن فضولي قصدي شتيمة

اول مرة اعرف ان الاسر الكريمة بتربي اولادها على انهم يشتموا غيرهم بالاسلوب الحذائي ده و نعم التربية و الاخلاق العالية بعلو الكعب العالي

لكن نقول ايه غيره منك و حقد عليكي عشان انتي محبوبة ما بين المدونين و ليكي معة طيبة مش عند الاخ شنوتي ده

اما عن الانونيموس فانتي عارفه جواسيس و عملاء الاخوان كل كلامهم من الشاكلة دي اتهامات باطلة و كلام فارغ للصبح

كلام في كلام و بس بكره يرجع في كلامه زي كبيرهم و يجي يقول انك اخوان مش امن دولة

اما بقى الشيزوفرنيا دي و شوية يقولوا انك دكتور عميد لواء اركان حرب مساعد اول و تاني و عاشر وزير البلوجرية للمدونات المتحدة جمعاء و اللي بتناصر النظام

و بعدين يقولوا انك بتشتمي النظام

فعشان نحل اللغز ده ... انا رأي انك تنزلي بوست عبارة عن مسابقة و الفائز هو اللي هايحدد توجهاتك السياسية الصحيحة او تعملي تصويت و اعلى نسبة اصوات تنتمي لمؤيديها

و يا دار ما دخلك شر عشان تبقى الجماهير الغفيرة دي اللي بتتهمتك بتهمتين عكس بعض تماما ترتاح و يختاروا لك هم توجهك بكل ديمقراطية و ادب

بس انا عن نفسي اقدر اقول انك من انصار الديلاي لاما و خليها بقى سر بيني و بينك لغاية اما تحالف قوى الشعب يقول انتي مين فيهم

و لا تزعلي نفسك و اضحكي كده و سيبك من الهمج دول ... هي البلد بتتأخر من شوية ما هو عشان فيها النفوس المريضة دي
‏قال Unknown
هو احنا لو مش اخوان نبقى شيوعيين مفيش حاجة تانية مفيش اننا مصريين ومن البلد دة خلاص مفيش فى البلد دة غير يا تبقى اخوانى يا تبقى شيوعى او مع الحكومة
يعنى انت معنا ولا مع الناس التانين لو قولتلهم معاكم يقوللك كدة يا خاين احنا الناس التانيين
عجبى
‏قال فرنسا هانم
عزيزتى قطه الصحراء
الحل بسيط
احضرى التعليق الاول
والتعليق الثانى
واحضرى خلاط
وقومى بخلطهما على سرعه 3
مع قليل من الزيت والصابون
وورق الرجله
وصوبى الخليط فى اناء به بوتاس
واتركيه ساعتين فى الهواء
ثم ارمى الخليط فى البحر
------
واللى عارف بيت ابويا يروح يقوله
ورحمة الناس اللى ماتوا كلهم ما فاهم حاجه لأنى بحاول أعمل عبيط
‏قال ويكا
اولا: ولا يهمك ياقطقوط
اهم حاجة انك مقتنعة بوجهة نظرك
ومافيش نار من غير رماد
تبات نار تصبح رماد
وسلملي على الترماااي
ثانيا: معلش اعذريني على الغيبة
اقري البوست بتاعي وانتي هتعرفي
تحيااااااااااتي ويكا
بصى يا قطه
انا بضم صوتى لصوت خالتى فرنسا بس مش ترميها البحر لا تحطيها على باب البلوج علشان الشنكوتى والانيموس يشربوها ثلاث مرات يوميا يمكن ربنا يهديهم
هاجمنا الرئيس والحكومه اتشتمنا
هاجمنا فكر الاخوان اتشتمنا
طيب ايه رائيك يا قطه تيجى نهاجم الاهلى والزمالك و نسيب مشاكل البلد ولا اقولك انتى اعملى البلوج بتاعك لاحدث خطوط الموضه وانا حقلب البلوج بتاعى كوافير رجالى يمكن نترحم من اصحاب العقول الفارغه والى فيها مقاس 44 ماركه باتا راحه الجسم تبداء من القدمين
‏قال Soooo
لا ياشيخه

افهمك انا التيتا

اني اسمك ايه .. قطة الصحرا
جميل
القطه اكتر حاجه بتنكشها ايه .. ايوه كده بالظبط العصافير

طب لما تكون القطة دي قطة صحرا .. اكيد مش اي عصفورة هتنكشها .. لا
دي لازم تكون عصفورة دولة وليست عصفورة صحرا لانه مبروم على مبروم مايلفش والطريق الزراعي مش سالك زي الصحراوي

وبناءا على ماتقدم
فانا شايف انك فعلا كقطة الصحرا .. كلتي عصافير الدوله او امن الدوله .. وانتي بتشتمي الريس .. الريس بيره طبعا

ويجعله عامر

ملحوظه
انا قريت اسم شنكوتي افتكرته الشنكوتي صديقي وكنت هاروح اتخانق معاه والله .. لكن لما ركزت شويه لقيته حد سارق اسم الشنكوتي لان الشنكوتي بتاعنا بيمضي باسم الشنكوتي الكبير




سلامووووووووووووووز
انا رجعت شوفت البوست بتاع اسراء ومشوفتش فيه اي شتيمة
هو بيتكلم على ايه اصلا؟
لا حول ولا قوة إلا بالله
يعني حتى لو معترض على حاجة يبقى بالأسلوب ده؟

والله ده اسلوبه هو اللي وقح وقليل الذوق كمان

معلش يا نانا كبري دماغك
وكفاية عليه اوي اللي الناس قالتهوله ده من غير منتي تكتبي رد واحد
وربنا يفك كرب اسراء هي وكل اللي زيها
حتى وان كنا مختلفين
لكن دي حاجة ودي حاجة
وربنا يعلم اد ايه الواحد حزين على البنت دي وعلى حزن أهلها
ربنا يكون في عونهم ويخلصهم من الأزمة دي في أقرب وقت
اللهم أمين
‏قال Unknown
ايه ده ؟ انا مش فاهمة بجد حاجة
هو الاستاذ الشنكوتى زعلان عشان بتشتمى الريس جديدة دى والله والله ياقطة ياجميلة دى ناس سفيهة وبعدين ده رايك وانتى حرة فيه وماحدش ليه عندك حاجة البلوج بلوجك واكتبى براحتك وولايهمك
وبعدين هوا الشنكوتى ده مش عايش فى البلد دى ولا ايه ده لو نزل الشارع مش هيلاقى اجماع على الشتيمة زى الاجماع اللى حاصل على بابا حسنى
الراجل ده مستحمل كتير اوى تصورى

كبرى على التعليقات دى اعملى انك مش شيفاها
يلاسلاااااام ياقطقوطة
‏قال قلوب بتغنى
صباحو يا احلى قطه
ليكى وحشه والله يا قطتى
شوفى يا ستى
انتى اخوان شيوعيين
وانا شفتك مخبيه دقنك تحت البادى الهاف استومك الى لبساه
والجلابيه البيضه تحت المايوه الحتتيين
اشطات
عالم معاتيه صحيح
‏قال غير معرف…
قطه الصحراء الجميله

بصي بخصوص تعليق الشخص الغير محترم ده و لا يكون في بالك
ادي الناس حتشوف تعليقه و حتعرف مين الغير محترم

الصمت صدقيني مع الأشكال ديه ياقطه أبلغ من الكلام

دي ناس بتتباهي بطوله لسانها لا عندها افكار حقيقيه بتؤمن بيها و لا اي حاجه صدقيني
يعني لو كان فعلا الشنكوتي ده هو اللي عنده بلوج و كان زمااااااان بيعلق عندي كان ميه ميه و كلامه مش عايزه اقولك زي العسل و الي الامام و تشجيع ماقولكيش و هوب حد من الأخوان بتوع قال الله و قال الرسول دب المثليين و المثليات موضوع تفتكري الأخ الشنكوتي عمل ايه؟دخل قاله اه صحيح و سانده تفتكري واحد بالعقليه دي تقدري تتكلمي معاه؟نوصفه طب بأيه؟انه منافق
معاهم معاهم عليهم عليهم عشان يجاري القعده
و لا يهمك ياقمر انتي ست الكل و صدقيني الأشكال دي غيرانه عشان انتي عقليتك احسن منهم
تحياتي ليكي و اتمني اني ماكونش طولت عليكي في تعليقي
‏قال el_assel
اكيد تلاقيه واحد من الحزب الوطني
وكانوا لسة مقبضينهم حاجة كده
يعني ايه كل الحب اللي بيكنه للريس
علي ايه
اما هو عايش في بلد تانية
او بيكرهك كره شخصي
الحل الوحيد انه من كلاب سلطة الحزب الوطني


فكك وكبري دماغك
الناس دول حلهم الوحيد هو تكبير الدماغ


سلاماتي
‏قال بحبك يامصر
والله ياجماعه ده وارد انا رأيى ولا تحطى فى بالك لأن زى ما فى ناس معتدله فى فكرها فى ناس بتطرف وبتشذ ده الطبيعى المهم ان الواحد يهتم بالناس اللى فمرها معتدل وبس
اما بخصوص شتيمة بابا حسنى هو محموق اوى كده ليه وايه المانع يعنى ان حد يشتمه يعنى هو من طينه واحنا من طينه تانيه يتشتم زيه زى غيره عادى يعنى
ولا تحطى فى بالك
‏قال Desert cat
رئيس جمهوريه نفسى
وعلشان هو سفيه لو اتنطط تانى مش هنشر له اى تعليق
جته نيلة لما تنيله
‏قال Desert cat
appy
ما هو مش الشنكوتى الكبير والفرق واضح
هو واضح منتحل الشخصية
او واحد مشنكت فى نفسه فاختار الاسم ده
ثم انا برضه دورت على تيمة الريس باانة مش شوفت حاجه
اللى يلاقى شتيمة يجيبها يا جماعه
بالنسبة لعصافير امن الدولة دلوقتى بيعادوا الناس
اصل اللى مش معانا يبقى امن دولة على طول
هههههههههه
ربنا يشفى
‏قال Desert cat
همس الاحباب
والله ما يستاهل يا خالد
بس انا حبيت انشر سفالته علشان بس يعرف انى اجدع واحده تشرد لخلق الله
‏قال Desert cat
وجهة نظري
انا برضه مش عارفه ليه التصنيف هو لو انا مش معاهم ابقى عليهم
انا والله يا استاذى لا حزن وطنى ولا اخوان متنيلين ولا تبع اى احزاب لانى مبحبش اكون غير انا ومش بحب امشى باوامر من حد
انا تبع نفسى وليا فكرى الخاص بيا
بالنسبة لابى والله عقلها يوزن بلد وعمرها ما كانت زى الناس دى ده حتى شتان بين المثالين
وبعدين هى صالحت حضرتك خلاص ومكانتش تقصد فعلا
ابى حبيبى ده العقل كله وطيبة القلب والحنية كلها
وحضرتك اعلى دماغ فى الدنيا طب والله لما بشوف بوست عند حضرتك بقعد اقول لو البلد فيها من عقل حضرتك 100 واحد بس كان الحال بقى افضل بكتير
تحياتى ليك
‏قال Desert cat
فاتيما
طيب واحد زعلان من الدنيا يقرفنا احنا
للاسف انا شوفت الىل عند خيخة وزعلت جدا
حيبنا الله ونعم الوكيل
‏قال Desert cat
اسكندراني اوي
ما هو انا نشرته علشان بس الناس تعرف تربيته وعيلته الجميلة
‏قال Layla
هههههه

عادي جدا...ولا اكنك سمعتي حاجة او اتقلك حاجة

بس غريبة ان لسة في ناس بتكلم عن الشيوعيين في القرن الواحد و العشرين... الشيوعية انتهت واتردم عليها من زمااااان
‏قال Desert cat
nigro
بص يا محمد
الناس دى مخها تعبان وملهاش اى هدف فى الحياة
غير انها تعرف الناس انهم مش متربيين وقلاقلات الادب
ربنا يعافينا
‏قال Desert cat
صوت من مصر
شكرا
‏قال Desert cat
EmY
طبعا يا حبيبى انا عارفه ان ورايا رجاله تاكل الزلط
والاشكال دى عبارة عن كلاب سيبها تعوى ولا حتى نرمى لهم عضمة
يعععععع
ههههههههههههه
‏قال Desert cat
مواطن مصرى نايم
ربنا يخليك ليا
ورايا رجاله يا ناس
انت عارف المشكلة فى بجاحته
انه عمال يلف فى المدونات ويقول انه اعتذر وانى مش نشرت الرد
والله ما حصل رده كان بيقول انه هيعملى مدونة مخصوص يشتمنى فيها
انا مش عارفه البنى ادم ده الحقارة مستطونه فيه ازاى
مرض ربنا يعافينا منه ويزيده
تحياتى يا اجدع مواطن
‏قال Desert cat
زعيم كمورا مورا
دى ناس اتربت صح
علشان جاية تعرفنا على الطريقة الحصحية للتربية
ربنا يكرم اهاليهم اللى عرفوا يربوا فعلا
نورت يا زعيم
‏قال Desert cat
Heart Beat
يسلم لى عقلك وتفكيرك
والله يا حبيبتى انا مش عارفه الناس اللى عندها نقص دى عمال تلف فى المدونات وتشتم فى اصحابها ليه
والغريب انهم مش بيختاروا غير مدونات البنات شكلهم بيقولوا هيسكتوا او هيتكسفوا مثلا لكن الولاد هيشبشب له او هيبون له
البنت يا عينى ضعيفه ميعرفش انى هفضحه فضيحة المطاهر كدا
ربنا يعافينا مما ابتلى بيه غيرنا
الناس دى الحقارة والسفالة بتجرى فى دمها
نورتينى يا رقيقه
‏قال Desert cat
ايوية
اه فكرونى بنكته الوحشين السفاحين قالوا لى انت معانا ولا مع الناس التنيين ولما قولت لهم انا معاكو ضحكوا وقالوا احنا الناس التنيين
ده هبل يابنتى والله
ربنا ياخدهم ويريحنا
تحياتى
‏قال Desert cat
فرنسا هانم
دى وصفة سهله دى وصفة هايلة
الله يخربيته مطرح ما هو
نورتينى
‏قال Desert cat
واحد صريح جدا
هههههههههههههههههههههههه
اه ريح دماغك احسن
‏قال Desert cat
ويكا
اولا حمد اله على سلامتك
ونورت عالم بلوجر مرة تانية
بالنسبة للشنكوتى
فالكلاب تعوى والقافلة تسير
نورت
‏قال Migo Mishmish
الوه يا قطه ..ميجو يحييكى من موقع الاحداث معلش ياقطه انا بقالى كتير انا ومشمش مش بندخل عالنت اصل انتى عارفه بقى شغل التدريس بنحضر بقى للامتحانات والكلام الفاضى دا ..انا اول مرة بصراحه اعرف عنك كدا ..كدا ياخاينه تطلعى من عصافير امن الدوله ؟؟ اخص ؟؟ وكمان شيوعيه ؟؟ لالالالالا مكانش العشم انا اكتشفتك على حقيقتك انتى ليبراليه متقيحه وبرجوازيه متعفنه اخص اخص اخص ...تلاته اخص
ماتزعليش نفسك ياقطه دى عالم دماغها فى البالوظه ارمى فى الزباله مش فاهمين ايه الى بيحصل اصلا دول ثقافتهم من مجله ميكى وسمير ولا تلاقيهم بيخشو على المواقع بتاعه عذاب القبر وكيف تدخل الحمام برجلك اليمنى ام اليسرى
الاحسن ياقطه انك تنفضى للاشكال دى ..دول مكانهم مش هنا دول مكانهم صفافيح الزباله ومزبله النت
ميجوووووووووو
‏قال Desert cat
رئيس جمهوريه نفسى
انا شايفه اننا مش نهاجم حد ونقعد نمص قصب ونأزز لب
ونسيبهم هما يرونا همتهم كدا
انت عايز ايه من واحد جبان يا ريس
مستخبى فى اسم وادخل يشتم فى الناس ويرمى اتهامات وخلاص
تحياتى
‏قال Desert cat
Soooo
هو انا قعدت ادور على شتيمة الريس ملقتهاش بصراحة
يمكن كان قصدة رئيس جمهورية نفسى محمود يعنى
بس حتى محمود اان بحترمه جدا بصراحة وعمرى ما شتمته
يبقى هو الحل الوحيد انها تهيؤات
ده واحد صحى من النوم كان بيحلم ان قطة خربشته عمل سيرش على القطط فى النت
فلاقانى فى وشه
بس هو عيلته كلها متجمعه وداعيه عليه فى نهار ملطعلوش شمس
اصله وقع تحت ايدى
وانا مستنية البلوج اللى هيعمله لى مخصوص لما نشوف
تحياتى
‏قال Desert cat
آلام وآمال
انا مكبرة دماغى خالص يا محمود
بس انا بستغرب هو جاي يرمى بلاه عليا طيب ما يقول حاجه تتصدق
يعنى مثلا بشتم فى الاخوان والنت كله هيصدقه وبدل ما هما بيشتموه هو هيشتمونى انا
ههههههههههه
ده واحد متخلف باين
تحياتى
‏قال Desert cat
totaaaa
هههههههههههههههه
لاء الشنكوتى زعلان علشان انا مش شتمته هو
اصل فى ناس كدا صحتها بتيجى على التهزيئ وقلة القيمة
‏قال Desert cat
قلوب بتغنى
انتى كمان وحشتينى جدا
مطولة فى الغيبة ليه بس علينا
انا اتنين فى واحد
شامبوا بيرت بلاس انا
هههههههههههههههه
نورتينى يا احلى قلوب
‏قال Desert cat
اجندا حمرا
حبيبة قلبى اجندة
الشنكوتى اللى شتم ده واحد مجهول الهوية احنا مش عارفينه مين وميشرفناش نعرفه
ده من جبنه وعدم اخلاقه عامل اسم مش موجود حاجه يدخل يشتم بيها وخلاص
ومن بجاحته وقلة ادبه داخل النهارده يقولى انا هعملك بلوج مخصوص .. وهو اذعف من باعوضة
لانه معندوش الجرأة انه يتكلم اصلا داخل مستخبى
غباء وجهل وقلة ادب بعيد عنك
نورتينى يا جميلة
‏قال Desert cat
el_assel
طيب واحد من الحزن الوطنى ولا الوثنى حتى ما علشان يحلل القرشين اللى قبضهم ما يشتم على حق بقى
يعنى حد يكون شتم بجد
مش رمى بلى وكلام سخيف زى اللى اتربى عليه
نورتنى
‏قال Desert cat
بحبك يامصر
بص هى الناس دى عموما بيبقى عندها فراغ وخواء عقلى
وبالتالى بيلفوا يقلوا ادبهم على خلق مه خلق اى سبب وهمى
تحياتى
‏قال Desert cat
Marvel
هههههههههههههههه
ماهو واحد من ايام ثورة 19 باين
ربنا يشفيه
‏قال Desert cat
Migo Mishmish
ازيك يا مشمش وحشانى والله
سلمى لى كتير اوى على ميجو وقولى له قطة الصحراء بتتمنى لك امتحانات سعيدة
بس ابقى افتكرها من الحوافز اللى بتقبضها بعد الامتحنات
ربنا معاكو ويوفقوا
بالنسبة للاهبل ده
فالكلاب تعوى والقافلة تسير
نورتينى يا مشموشة
‏قال وجهة نظري
ياااة يا قطة، أشكرك علي الكلام الجميل أوي إلي شرفتيني وسعدتيني بية

بالنسبة لآبي أنا بس بداعبها، بس فعلا مش زعلان خالص، بالعكس أنا معجب بكل إلي بتكتبوا

أشكرك
‏قال Desert cat
وجهة نظري
والله حضرتك عقليه متميزة وتستحق كل خير
وربنا يعلم معزة حضرتك فى قلبى
احترامى وتقديرى
‏قال dr_modymodak
يخاطبني السفيه بكل قبح

فاخشي ان اكون له مجيبا

فيزيد قبحا فازيد حلما

كعود زاده الاحراق طيبا

يعني حضرتك اللي مش بنت ناس وهو ابن ناس

ولا يهمك يا بنتي محدش بياكلها بالساهل
‏قال Desert cat
dr_modymodak
والله يا دكتور هو ده زمن العجايب
‏قال Dr. Eyad Harfoush
عزيزتي قطة الصحراء
لا ريب عندي أنه كلب من كلابهم قد أطلقوه عليكي ، فهذه هي أخلاقهم بحق ، يستترون خلف اسم مستعار ليطلقوا السباب ، و قد سبق لي التعامل مع هذه الاشكال القذرة ، و لكن لا تنشري حديثه مهما استفزك لهذه ، فتلك حشرات لا يجب أن نعطيها شرف قراءة ما كتبوا، هذا رأيي، مع تحياتي و تقديري
‏قال Alexandrian far away
الصديقة العزيزة قطة الصحراء
رغم أني ممتنع مؤقتا عن التدوين لأسباب صحية ومزاجية، إلا أن كائن تدويني مما أبتلانا به الله فقع مرارتي على الصبح بتدوينه هاجمك فيها وهاجم كوكبة من نخبة المدونات والمدونين، والحقيقه أنا غرت أني مش معاكم
بصي يا ستي الهجوم العديم الأخلاق ده عليكي يثبت للمره ألي مش عارف كام بعد المليون أن الأخوانجيه والحكومه شىء واحد وهل نحتاج لدليل أكثر من خيانة الأخوانجيه للشعب في الأضراب وأتفاقهم من تحت الترابيزه مع الحكومه
ولا يهمك
ولا ترمى بالأحجار إلا الأشجار المثمره
وكما قال الشاعر:
وإن أتتك مذمتي من ناقص فهي الشاهدة لي أني كامل

تحياتي ومودتي
وتحيات صاحبي السهران كمان
:-)
يانهار أبيض

هما لسة بيعملوا الحركات دى؟
طيب مايعملوا مدونات ينشروا فيها رأيهم واحنا نرد عليهم ونناقشهم
مش كل شوية واحد يلبس لنا طاقية الاخفاء ويدخل يرمى تعليق

ده غير اللى عاملينه فى مطاردة الفيس بووك
معلش ياشنكوتى ياكبير
جات فيك المرة دى

ومعلش ياقطة الصحراء

وأفتكر هانشوف من ده كتير
فى الفترة الجاية

ربنا يستر

سلاماتى
‏قال Unknown
اولا انا بعتذر عشان اتاخرت عن بوست أسراء كان المفروض أشارك فيه لأنه موضوع مهم
ربنا يكون فى عونها و فى عون اهلها يا ترى بيحصل معاها أيه فى المعتقل دلوقتى ؟؟

و بخصوص الناس الى دماغها فاضية و بتشتم

كفاية كده باه روحوا اعملوا حاجة للبلد بدل ما انتوا قعدين تشتموا و تفتروا على الناس من غير مناسبة
الى مش قادر يعمل حاجة يكتب عنده حاجة تنفع الى حيقراها

البلد دى عمرها ما حتشوف يوم حلو طول ما فيها امثالكم

و حسبى الله و نعم الوكيل بقولها من كل قلبى
‏قال Desert cat
Dr. Eyad Harfoush
انا فعلا يا دكتور مكنتش هنشر له اى ردود لكن لاقيت تناقض
اتنين عكس بعض واحد بيتهمنى بالعمالة لامن الدولة والتانى بيتهمنى العكس
قولت اشوف ايه موضوع التضارب ده
عموما فعلا وجهة نظر حضرتك صحيح 100 %
والطبيعى انى مش انشر مثل هذه القذارات فى مدونتى لان
المدونين المحترمين اللى بيدخلوها ملهومش ذنب يشوفوا البذاءات دى
نورتنى يا دكتور
وشرفت جدا جدا بلوجى المتواضع
احترامى وتقديرى لحضرتك
‏قال Desert cat
Alexandrian far away
صديقى الجميل
اخيرا ظهرت
والله كنت قلقانة عليك
بالنسبة للتدوينة فانا شوفتها وقعدت اضحك لحد ما جالى هستريا ضحك
بس عموما انا اتعودت من هذا الكائن ده فاتح بلوج مخصوص لمهاجمتى عمرك شوفت اهتمام اكتر من كدا
هههههههههههههههه
انا بسيبه مع نفسه عمل بمبدأ فالنار ان لم تجد ما تاكله اكلت نفسها
سلام كبير اوى اوى لصاحبك السهران وقوله انه بيوحشنا
مش تخليه يغيب علينا تانى
تحياتى
‏قال Desert cat
لـــى لــــىِ
الحاجات دى عندى من اول ما فتحت البلوج
مش عارفه كانوا مستنينى ولا ايه
احنا عارفين من الاول ان مش هو الشنكوتى الكبير
عموما كل مكان لازم يكون فيه وباء كدا علشان نعرف قيمة الناس الكويسة
تحياتى
‏قال Desert cat
عاليا حليم
ولا يهمك يا عاليا احنا مقدرين مشاغلك المهم ابقى طمنينا عليكى من وقت للتانى
بالنسبة لاسراء ربنا معاها ويفك كربها
العالم اللى بتيجى تورينا سفالتها مش تحطيها فى بالك
دى ناس اصلا معندهاش هدف ولا تعرف اى حاجه فى الحياة غير قلة الادب
هما اصلا مش يعرفوا حاجه من البلد غير اسمها
من الاخر مش تهمهم البلد ناس بالعقلية دى هيفكروا ازاى او يبقى لهم هدف ازاى
نورتينى يا جميله
‏قال د/اجدع بنوته
هو واضح انهم مبوش عارفينلك انتماء ياقطه

اصلك مره بتشتمى ف الحكومه

ومره مطلعه عيوب المعارضه

تعبتيهم ههههههههه

ارسى ع بر بقى وانجزى

اشتمى ف حد واحد

علشان يوحدوا الجبهه اللى هتحاربك
‏قال الميكروباص
تعاملت معهم أثناء الانتخابات من فتره، أناس غير قابلين للنقاش من الأساس
حتى لم يدافع عن ما هو مكتوب أو يقول أسباب للحاجات المنشوره، أول شيء و أهم شيء في الموضوع أنك عميل للحكومه، مهو انت يا اما تكون معاهم أو تبقى عميل للحكومه، ربنا يرحمنا
‏قال Desert cat
د/اجدع بنوته
يا حبيبتى انا مش مزاج عندى الشتيمة ولا انا اصلا بشتم
انا بنتقد اوضاع لا اكثر ولا اقل
انا لا منتمية لا حزب ولا لجماعه انا نفسى فقط لا غير
وبالتالى طز فيهم
تحياتى
‏قال Desert cat
لورنس العرب
بالظبط كدا
كل همهم الهجوم
انما النقاش لم يعروفه او يسمعوا عنه اساسا
تحياتى

المشاركات الشائعة