رسالة حب لإسراء عبد الفتاح

واللى ميعرفش اسراء عبدالفتاح
هى البنت اللى أسست جروب اضراب 6 ابريل على الفيسبوك
وهى دلوقتى معتقلة واتجدد حبسها 15 يوم
اسراء البنت اللى بجد اثبتت ان ما يجبيها الا بناتها
اسراء البنت المصرية اللى عبرت عن حبها لمصر وعشقها لتراب مصر
من غير طمع فى كرسى او فى حكم او فى منصب او فى ثروة البلد
اسراء اللى اصبحت اهم من حسنى مبارك ومهدى عاكف وكل واحد عايز يسرق البلد
لا حزن وطنى ولا حزن غد ولا اخوان متاسلمين بيجروا ورا مصالح شخصية مطالوهاش يبقى المقاطعة هى الحل وليس الشعار المزيف الاسلام هو الحل
دلوقتى اسراء محبوسة والتهمة هى الشجاعة وحب البلد
النهارده فى رسالة حب على راديو تيت لإسراء
//www.teetradio.com/index.php?id=70

تعليقات

‏قال همس الاحباب
طبعا ما يجبيهاش غير ..

ربنا معاها وقلوبنا معاها
ربنا ينجيها من كيد الخائنين
تحياتى لكل الشرفاء على ارض المحروسة
خالد
تحيه ليها ولكل وطنى بيعشق تراب البلد قبل فلوسها تحيه لبنت فكرت ونفذت دون تخطيط للعواقب او خوف تحيه لبنت ابتدت وكملت وموقفتش ومخافتش من اعتقال او اضرب
‏قال همس الاحباب
بجد حرام ملاك طاهر برىء يبقى مكانه زنزانة
والحرامية والمرتشين والكلاب احرار يعيثوا فى الارض فساد
دى مكانها قلوب كل الشرفاء واللى بيحبوا مصر
ربنا معاها وقلوبنا ودعواتنا ليها ولنصرتها
خالد
‏قال Empress appy
وفيه وقفه يوم عرضها على النيابه لاول مرة فى حياتى قررت انى اروح حاجه زى دى رغم اعتراضى على الوقفات ربنا معاهم جميعا
ياه يا اسراء

خليتينا نحس اننا صغيرين اوي

ضعفاء قوي


تايهين اوي

ربنا معاكي يابنتي
انتي وكل شريف في مصر
‏قال وجهة نظري
أهو واللة كنت لسة بحضر عن الموضوع دا في دماغي علشان أكتب عنة بوست

أهي البنت دي غلبانة واللة، مكانتش مقدرة كل إلي حيحصل دا، وإلي ركب موجة الوطنية علي حسها إختفي دلوقتي تحت السرير ولا حس ولا خبر

آه هيا قانونا عملت جريمة، مفيهاش كلام خالص، بس فعليا (مع إفتراض حسن النية) هيا حست بحاجة بدون حساب وفي إعتقادي إن إلي شعلل النتائج ناس تانية خالص، يعني هيا كانت دعوتها مختلفة عن إلي حصل، بس إلي خدوا الدعوة وطوروها لصلحهم هما المجرمين الحقيقيين

دا يعلمنا حاجة، إن لازم نكون مسئوليين قبل ما نقول حاجة أو نذيع أي خبر، وخصوصا حاجة خطيرة زي دي، لأن في ناس متربصة بينا ونفسها تشعلل الدنيا علي حساب أي حد من الشعب بدون تحمل النتائج

ربنا معاها بجد، مش عارف الواحد ممكن يعملها إية، بس أتمني أولا تكون فهمت إنها متجريش ورا تهييج فتوات وبهلوانات الأحزاب، وثانيا إن النيابة تفرج عنها رغم وجود جريمة نظرا لأنها مش خطر علي البلد ولا مجرمة، ولأن المحرضين والمجرميين الحقيقيين سايبين وماليين البلد
‏قال Heart Beat
ربنا معاها يارب هي و كل مصري بيخاف على بلده بجد و مش بيخاف من اي حد

اسراء هي البداية و حاملة راية الشرف المصري اللي بعملها البسيط ده مدت ايدها للشعب كله و قالت له يالا معايا قوم و اتحرك

و في ناس اتستغلت الموقف و هللت و ساعة الجد جريت استخبت و سابت اسراء و اللي زيها ضحايا الاعتقال لنظام فاسد

ربنا ينصرها و ينجيها

انا شخصيا اتمنى ان كل بنت مصرية تبقى اسراء

لا بتخاف و لا حاطه مخها و تفكيرها في افكار عقيمة مش هاتفديها بحاجه

ربنا معها
‏قال فاتيما
و الله بنت بميت راجل
ربنا يفرج كربها
‏قال مدحت محمد
ربنا يفك اسرها
ويصبر اهلها
‏قال ملك الكبدة
هي البلد دي مالهاش حل ولا ايه

يعني لا عارفين نعيش و لا ناكل و لا نتكلم و حتى ان متنا مش ضامنين موتة كريمة

خايف قبل ما نموت ياخدوا مننا رسوم مقابلة وجه الكريم

اتمنى لها الافراج طبعا و ربنا معها

الاضراب كان شئ جميل و فضح قلة خبرة الحكومة في التعامل مع الحركات الشعبية مما يؤكد ان اي حركة شعبية منظمة بامكانها ازالة هذا النظام الفاشل

بالمناسبة الاخوان اللي انسحبوا بحجة هابلة جدا و هي انهم مش عايزين يلبسوا الليلة كلها لوحدهم سبحان الله عايزين يحجروا عالناس و بيعلنوا اعلانات مدفوعة لمقاطعة الانتخابات عشان اتمنعوا اي نعم منعهم ظلم لكن نواياهم بانت

مش بيهتموا غير بنفسهم و يلعن ابو الوطن

مافيش غير كلمة واحدة اعلق بيها

العبقري محمود عبد العزيز في رائعته الكيت كات
عندما ضبط و هو الشيخ حسني الكفيف الاعمي نجاح الموجي تاجر المخدرات عند فتحية مرات الاسطى حسن في الحمام

سالته احدى الجارات هو في ايه يا شيخ حسني قالها ما تشغليش بالك اهي حاجات غريبة بتحصل و السلاام

طب يرضيك كدة يا شيخ حسني

عالم وسخة

فعلا و الله عالم وسخة
‏قال Desert cat
همس الاحباب
الله مأمين
ربنا معاها ومع كل المعتلقين
‏قال Desert cat
رئيس جمهوريه نفسى
ربنا معاها ياريس ويخرجها بالف خير
‏قال Desert cat
همس الاحباب
ماهى دى مصر يا خالد
الحرامى والمرتشى وصاحب الشعارت واللى بيلعب بالتلت ورقات حر طليق واللى يهمه البلد خلف الاسوار
ولا عزاء للحرية
‏قال Desert cat
appy
ابقى خدى بالك من نفسك يا لولو انا عضمة كبيرة ومش ينفع تجرجرينى وراكى فى الاقسام والنيابات
طبعا الف بعد الشر عنك المهم ابقى طمنينا لو سمعتى اى حاجه
‏قال Desert cat
خايف من الحقيقة
اسراء حسست الجميع بالعجز
ربنا يخرجها على خير
‏قال Desert cat
وجهة نظري
فعلا هى كانت دعوتها عن اضراب يعنى محدش ينزل من بيته
يعنى نقاطع اى منتج فى اليوم ده ومنشتريش حاجه
انما للاسف فى ناس استغلتها غلط وهى اللى شالت اليلة فى الاخر
ربنا معاها ويفك اسرها
تحياتى
‏قال Desert cat
Heart Beat
فعلا بنت بالف راجل
كانت دعوتها سلمية لكن اللى استغل الموقف ضدها وهربوا منهم لله
ربنا يخرجها على خير
محبتى ليكى
‏قال Desert cat
فاتيما
اللهم آمين واسألك انتى بالذات تكثرى من الدعاء ليها ولكل المعتقلين لان دعوة المظلوم مستجابة
ده رجاء ياريت تدعى لهم بجد يا فاتيما
ربنا ينصرهم وينصرك انتى كمان
تحياتى
‏قال Desert cat
مدحت محمد
اللهم آمين
‏قال Desert cat
ملك الكبدة
هو الاضراب كخطوة اولى اجابية نجح والحمد لله
انما الجماعه اللى هربوا بحجج واهيه فده كويس جدا لان الجميع كدا عرفهم على حقيقتهم واكتشف زيفهم وكدبهم وخداعهم
واسمح أؤمن على كلامك
عالم وسخه
ههههههههههههه
تحياتى يا ملك
‏قال Desert cat
الرد ده للواد الظريف اللى بيستظرف لحد ما بقى ظرافة وفى النهاية قلب على سفالة وقلة ادب
كل شوية يدخل يبعت لى لنكات متفيرسة
هقوله مش كل الناس اغبياء مثلك يا اهبل
وبطل تبعت لى اللنكات المتفيرسة دى تانى والا هدلتك من على الدنيا كلها
جتكو البلاوى مليتو البلد
‏قال Unknown
لا عزاء للحرية
شفتى بقى يا قطقوطة...الأخت إسراء دى لو ما كانتش بنت كنت قلت إنها كانت بتحلق عند عم إبراهيم....بس بجد وبعيدا عن عم إبراهيم وولاد أبو إسماعيل ....أولا شكرا على تعليقك فى مدونتى وانا ما صدقتش والله...لأن البوست كان لسه نازل من عشر دقايق..عموما أكرر شكرى..وبالنسبة للأخت إسراء والله أنا باعتبرها (شجاعة فى عالم الجبناء)...وأهدى لها هذه الرباعية....يصرخ ف إيدى القلم ويقوللى قول الحق..إياك ف يوم تتلجم وتدارى كلمة لأ..مهما الزمان ح يدور خط القلم محفور..وكفاية إن النور وسط العتم ينشق....وعجبى
حزن الدنيا كله صابنى
اول ما عرفت بالخبر
و لعلمك هى اجدع من اى حد
و اجدع من اللى اعتقلوها
لانها مصرية بجد
انا كنت ححط لها بانر ميانده عندى فى البلوج
لو سمحتى انا ححط الرابط بتاع البوست ده فيه
و حسبنا الله و نعم الوكيل
‏قال Desert cat
ايوية
عندك حق يا يويو
‏قال Desert cat
واحد من البلد دى
الحمد لله ان عمى ابراهيم رجالى بس
اسراء تحمست للفكرة لانها بتحب بلدها ودعت لفكرة تهرب منها رجالة بشنبات
مع احترامى للرجالة
رائعة كلماتك واسراء تستحقها عن جدارة ربنا معاها ويخرجها على خير
بالنسبة لزيارة مونة حضرتك فده شرف عظيم ليا انا زورتها قبل كدا وعجبتنى جدا علشان كدا كررت الزيارة وهكررها تانى وتالت بس وعى تزهق
اصل انا بخربش على طول
ههههههه
تحياتى
‏قال Desert cat
مواطن مصرى نايم
طبعا بنت مصرية جدعه بتحب بلدها ونفسها تشوفها حلوة والله انا عن نفسى حاسه بالعجز
ربنا يفك اسرها
بالنسبة للرابط تحت امرك
البلوج كله تحت امرك حضرتك
تحياتى
‏قال ba7re
إسراء هى مصر
اذا كانت اسراء فى المعتقل الصغير
فمصر فى المعتقل الكبير
و ربنا يفك سجن الاتنين
ربنا معاكى يا إسراء
و اصمدى
و احتسبى امرك عند الله
و سلام :(
شكرا ديسرتكات
‏قال Desert cat
ba7re
ربنا معاها ومع كل المصريين
الشكر لله يا فندم
تحياتى
‏قال موناليزا
ربنا يفك اسرها ويرجعها لاهلها بالسلامة
‏قال rona
طبعا ما يجبها غير بنتها
قلوبنا كلنا معاها
بس سمعت انها خرجت امبارح
تحيه ليها ولكا من يحب تراب البلد
‏قال Desert cat
monaliza
اللهم امين
‏قال Desert cat
rona
لاء مخرجتش هى اخدت 15 يوم هى ونادية مبروك
ربنا معاهم
‏قال فاتيما
يا رب فرج كربتها هيا و اللى زيها يا رب توقفها ولاد الحلال اللى يصونوها و ما يهينوها
يا رب برد نار اهلها و كل اللى قلبه موجوع عشانها
يا رب أنصرها هيا واللى زيها على من ظلمهم
يا رب صونها و صون البلد دى اللى تعبت معانا قوى و اتبهدلت من غير ذنب
يا رب
يا رب
يا رب
قطة الصحراء
بحيي شعورك وتضامنك معها

ان هي
العزيزة اسراء


ربنا يفك كربها
اللي اصلا وسم شرف علي صدرها

اسراء
هذا هو قدر الرسل والانبياء
فتاريخنا كله عهر
وايامنا كلها كربلاء

اللهم فك اسرها
اللهم فك اسرها
اللهم فك اسرها
قطة الصحراء
بحيي شعورك وتضامنك معها

ان هي
العزيزة اسراء


ربنا يفك كربها
اللي اصلا وسم شرف علي صدرها

اسراء
هذا هو قدر الرسل والانبياء
فتاريخنا كله عهر
وايامنا كلها كربلاء

اللهم فك اسرها
اللهم فك اسرها
اللهم فك اسرها
‏قال R.O.U.R.O.U.
bgd mawkefha dh bydool 2n lsa fi nas btetkalm mn 3'er 5ouf we rbna bgd isa 7y2af gambaha we 3alih 2l 3awad 3la mobarak wely zayo

bgd msh youmo
‏قال بحبك يامصر
شكرا يا قطه عشان عرفتينا بيها واحنا كلنا لازم نعمل اى حاجه ليها انا مش عارف نقف جمبها ازاى بالظبط بس لازم نفكر
ونفذ
لان اسراء لما فكرت كده نفذت
ويارب يفك كربها هى واللى معها
‏قال عبده الرايق
تحيه من القلب لاسراء
وانا متضامن معها
ومع كل مصرى شريف يحب بلده
ومع كل من قال للفساد لا
وثقافه الاضراب ان لم تؤتى بثمارها هذه المره
فربما ترسخ داخلنا مفهوم جديد للمعارضه
بس السؤال اللى محيرنى
الناس عماله تقول 6 ابريل 6 ابريل
هو ايه يعنى 6 ابريل
عيد ولا مولد ولا مناسبه انا مش فاهم ؟
ربنا انشاء الله ينصرها , بس ربنا يستر وترزية السلطة ما يفصلهاش تهمة قلب نظام الحكم, او غيرها من التهم الجاهزة..

تقبلي مروري
‏قال غير معرف…
انا عايز افهم حاجة هو مش الاضراب زي ما انتم بتقولوا نجح وحقق مطالبهم مضايقين لية ان الاخوان ما شاركوش يا عصافير امن الدولة ويا شيوعين يا اللي نفسكم البلد تولع وتلبسوها للمعارضة وعلي راسهم الاخوان
‏قال غير معرف…
لو جدعه وبنت ناس جدعان
انشرى التعليق ده
رأى بنى ادم مدون فيكى
انسانه وقحه ومش متربية واهلك لازم يتبروا منك
ولا يتبروا منك ليه هم عارفين انهم ماربوش
لما بنت تبقى بوقاحتك كده مش عاوز اقولك بنسميها ايه
بتشتمى الريس يابنت الجزم
كله الا كده
طبعا مش هاتنشرى التعليق بعد ماقلتلك يابنت الجزم
بس برده فى الاول وفى الاخر انتى بنت جزم وخاينة لبلدك
ماهو انتى لو بنت ناس ماكنتيش قلتى كده
انما نتى مش بنت ناس
انتى برده بنت جزم
يلى انشرى بقه
لو قلتى زيع هانزيع
وهانزلك التعليق ده فى مدونتى بوست لوحده
وهاكتبهولك فى تعليقى على كل مدونة
ولازم الناس تعرف حقيقتك
‏قال la3lahakhier
السلام عليكم
رغم اعتراضى على اسلوب الاضراب لكن انا مع اسراء قلبا وقالبا
واى حاجة تحبوا تعملوها مساندة ارجوكم اجعلونى اول الاسماء
كان لازم اللى ماسكين البلد يتعاملوا بذكاء عن كدا لانهم بالطرق دى بيخلوا الى كان معترض على اسلوب المضربين او الاضراب نفسه يتعاطف معاهم
حتى بناتك يا بلد ؟؟؟؟؟؟؟
‏قال semsema
حتى لو اسراء محبوسة فهى بتحرر المصريين كلهم من سجن السكوت والاستسلام اللى عايشين فيه

وربنا يخليها لمصر

تحياتى
‏قال قوس قزح
ربنا معها
يارب تخرج من الازمة دى اقوى من الاول و متكونش نكسة لها فى حياتها
‏قال Foxology
ربنا معاها ومع اللى معاها

التهمة .. حب البلد

ربنا يرحمنا برحمته
‏قال Desert cat
شنكوتى
معلشى مع احترامى للجميع انا هرد على الشنكوتى ده الاول
وما انشرش التعليق ليه .... انا يهمنى الناس تعرف حقارتك وقلة ادبك ... بالعكس حتى لو مكنتش قلت انشرى كنت هنشره برضه ... ولما انت انسان شجاع وعامل فيها سبع رجالة فى بعض وداخل تدافع على الريس
وتشتم فيا وفى اهلى يا متربى يا مثقف يا ابن الناس
اللى عرفوا يربوا واحد شجاع داخل يشتم فى خلق الله من غير سبب ... لو عندك الشجاعه اللى بتدعيها انشر البوست ... وانشر ردك ده فى جميع المدونات وسيب الناس تحكم مين اللى ابن ومتربى واسلوب كلامك خير دليل
الله يكرمك والديك اللى عرفوا يربوا ويطلعوا للمجتمع عضو فاسد وقح وقليل الادب بالشكل المقزز ده .. وده ان دل فانما يدل فعلا على انك تربية عشوائيات .. حتى دى انت مش محصله اصل العشوائيات ناس جدعان ومش قلاقلات الادب
لو عندك الجرأة اعمل بوست فى المدونة اللى هى اسم بس علشان تدخل تشتم بيه
‏قال أحمد بكر
غريبه بجد انا كنت متصور ان حاجه زى دى يا دوب تطلع من حزب بحاله و مش اى حزب كمان لاكن تطلع من اسراء
تعرفى على قد مهى فى محنه بس بجد واضح ان زى ما عندنا عدد كتير مالوش لازمه احنا فى ثانيه ممكن يبقى عندنا حد يساوى عدد كبيير يقدر يغير تحياتى لاسراء و اكيد اللى تعمل كده مش هتكون دلؤتى فى محنه هيا اكبر بكتير من اى محنه
‏قال Hypatia
بعد اذنك يا قطه

شنكوتى بيه خد والنبي الجمله ديه عشان خاطر عيونك مخصوص بص كويس كده للجمله وخليها تفقع عنيك
"توز فيك وفى الريس بتاعك يا ترى فيه بينه وبينك ايه بالظبط يا سافل انت مال اهلك هى تشتم الريس هو من بقيت اهلك يا شاطر ولا حتعلم الناس يقولو ايه فى بيوتهم وكمان تيجي تشتمهم وانت ولا حتى داخل باسمك وبتشتم من ورا حيطه ياابو الرجاله يا مرعب بجد خوفتها يا استاذ شنكوتى اسم على مسمى"
‏قال Desert cat
Anonymous
بص يا بتاع انت لما تحب تتكلم حتى بالوقاحة اللى بتتكلم بيها دى ... ابقى ادخل باسمك اصل الجبن هنا فى حالتك مالوش اى موقع من الاعراب
مين اللى قالك يا جبان ماهو انا مش هقولك غير جبان علشان مستخبى فى انونيمس ان احنا متضايفين بالعكس احنا مبسوطين جدا لان الاخوان المتنسونيين بتوعك ظهروا على حقيقتهم وحاجه مش هيطولوا من وراها منصب ولا مصلحة شخصية بس فى صالح الشعب انما مهريكو العاكف قالها قبل كدا طز فى مصر وشعب مصر يعنى الرؤية واضحة من زمان اوى
وبالتالى يا جبان احنا مش زعلانين احنا مبسوطين ...
ولما احنا عصافير امن الدولة مش خايف تتقفش وبعدين نعقلك من ايديك ورجليك ونلبك على لباليبك ... ولا انت حامى نفسك بالانونيمس اللى انت داخل بيه ده
جتكو نيلة انت وجماعتكو الموكوسة
‏قال Hypatia
قطه متزعليش منى انا مختلفه مع كل اللى بيحصل ده فى موضوع اسراء

جمل زى "اسراء هى مصر"و"يا اسراء هذا قدر الرسل والانبياء"وكل اللى بيتكتب عشانها من تمجيد وتخليد بجد فقعللى مرارتى

البنت ممتازه واللى حصلها ظلم ولازم كلنا نتضامن معاها ونعترض على حبسها ظلم بالشكل ده وعن اى حد بيتحبس عشان رأيه
القضيه مش قضيه اسراء ديه قضيه حريه الرأي

اسراء مش مصر ومش نبي ولا رسول ميصحش نقول كده ابدا

هى بنت ممتازه وجريئه وذكيه وليها رأى وشخصيه عملت جروب على الفايس بوك وكل الناس ساعدتها فى نشر الجروب
اسراء معدتش على كل واحد فى بيته وقالتله اشترك فى الجروب الناس اشتركو وايدو الاضراب وبعتو دعوات الجروب لصحابهم وهكذا
الفكره فكره اسراء ولو مكانتش هى بدأتها كان غيرها حيبدأها

اتظلمت ومينفعش انه يتقبض عليها هى واى حد أيد الاضراب
وخلاص بقي انتهينا مش حنقعد نغنى عليها بالشكل ده راجعى التعليقات اللى عندك يا نونه وحتحسي باللى انا باقول عليه
احنا بقينا اوفر اوى وبندي الامور اكتر من حجمها

القضيه هى حريه الكلمه والرأى
مينفعش نفرغ القضيه من مضمونها وتبقي اسراء هى القضيه وهى مصر

يارب ما تزعلى بقي احنا حبايب وكان لازم اقولك رأيي بصراحه
:)
‏قال Desert cat
فاتيما
اللهم امين
اللهم امين
‏قال Desert cat
ساعد نسرين الايمن
رنا معاها ومع رفاقها ومع كل واحد قلبه على البلد
وياخد الخونة اللى بيظهروا فى الوقت المناسب
تحياتى
‏قال Desert cat
R.O.U.R.O.U.
ان شاء الله ربنا هيقف جنبها وجنب رفاقها ويخرجوا من المحنة دى على خير
تحياتى
‏قال Desert cat
بحبك يامصر
نقف جنبها ونساعدها باننا نكمل اللى هى بدأته
ربنا معاها
تحياتى
‏قال Desert cat
عبده الرايق
احييك على موقفك يا رايق
ههههههههه
6ابريل ده العيد القومى للكادر
تحياتى
‏قال Desert cat
الفارس الملثم
اهو ده اللى قالقنى بقى
ربنا معاها ويخرجها على خير
‏قال Desert cat
la3lahakhier
طبعا هما اغبياء جدا لان باللى عملوا اصبحت اسراء بطلة وشعبيتها اكتر من اى حد فى البلد وطبعا بنت بشجاعتها فعلا بطلة وربنا معاها
اكيد لو فى اى حاجه ممكن تتعمل هبلغك عل طول بس مؤقتا فى وقفة احجتجاجية يوم عرضها على النيابة
هعرف التوقيت بالظبط وابلغك
تحياتى
‏قال Desert cat
semsema
هى بدأت
المفروض احنا نكميل بقى
تحياتى
‏قال Desert cat
Rainbow
الضربة اللى مش تكسرنى تقوينى واعتقد ان بتشجيع الناس ليها ووقوفهم جنبها ان شاء الله هتخرج اقوى من الاول
تحياتى
‏قال Desert cat
Foxology
ربنا معاها ويخرجها منها على خير
تحياتى
‏قال Desert cat
Baker
احنا ممكن يكون عندنا كبير وكلهم عقلهم خواء
وممكن يكون عندنا شخص واحد بس وعقله كفيل بقيادة قبلية
ربنا يتولاها برحمته ويخرجها من المحنة دى على خير
تحياتى
‏قال Desert cat
Nsreen Bsunee
ردى يا حبيبتى المدونة مدونتك وخدى راحتك
طز واحدة بس فيه طزين فه
ده واحد جبان مستخبى وبيحدف بالطوب علشان عنده نقص
‏قال Desert cat
Nsreen Bsunee
ياروح قلبى اكتب الرد اللى يعجبك وعبرى عن رايك براحتك
وانا هزعل ليه بس
انتى عارفه احنا فى مصر الناس عايشه فى قهر علشان كدا ما صدقت حد ينطق بصوت عالى ... وهو من فرط اعاجبهم عبروا بالبطريقة دى
ربنا معاها ومع اصحابها ويخرجهم منها على خير
وربنا ينصر مصر على اللى محتلينها داخليا
نورتينى يا رينا
‏قال الربان
تحياتي

نسأل الله العظيم رب العرش العظيم ان يفرج كربها ...و يحرر اسرها...و يردها الي اهلها سالمة غانمة أن شائ الله.

و لمن يعلم...ان للمرأة المصرية دورا
كبيرا في الحياة السياسية... و قد قرأت
عن مظاهرات الطلبة في السبعينيات من القرن الماضي...و كيف كانت أروي صالح
تتزعم الطلبة في المظاهرات...و اعتقلت
و تم محكامتها.... و طبعا افرج عنها رحمها الله...فقد قرأت أيضا انها توفيت الي رحمة الله الفترة الماضية من سنوات قريبة ....

تحياتي و تقديري
‏قال Desert cat
الربان
استاذى العزيز دور المرأة المصرية واضح وبارز من قبل ثورة 19
انما الجديد فى موضوع اسراء ان اشلعب نام من زمان والرجالة ساكتة وصابرة على الطغيان
ربنا معاها ويفك اسرها واسر رفقائها
احترامى وتقديرى
‏قال dr_modymodak
ربنا يفك ضيقتها ويفرج كربها ان شاء الله

وبرده هقلهالك ميهمكيش اي كلمه سافله من انسان وقح

ربنا معاكي
‏قال Desert cat
dr_modymodak
اللهم امين
والف شكر ليك يا دكتور
احترامى
‏قال عمو احمد
ربنا معاها ويخرجها بالسلامه
وياريت الناس الى مسمين نفسهم معارضه يفوقو ويصحو كده
اما الدعوه للاضراب تطلع من جروب على موقع ترفيهى ده معناه ايه؟!
وربنا يخرجك بالسلامه يااسراء
‏قال Desert cat
عمو احمد
اللهم امين
لما الدعوة تخرج من موقع ترفيهى يبقى لا عزاء للمعارضة اللى ريحتها فاحت اوى
نورت يا عمو
وما لنا الا ان نقول (((( حسبنا الله ونعم الوكيل))))


ناجي العلي 2000
وما لنا الا ان نقول ((( حسبنا الله ونعم الوكيل )))

ناجي العلي
‏قال Desert cat
ناجي العلي 2000
وما لى سوى ان اردد معك
حسبى الله ونعم الوكيل

المشاركات الشائعة