رسالة حب لإسراء عبد الفتاح

واللى ميعرفش اسراء عبدالفتاح
هى البنت اللى أسست جروب اضراب 6 ابريل على الفيسبوك
وهى دلوقتى معتقلة واتجدد حبسها 15 يوم
اسراء البنت اللى بجد اثبتت ان ما يجبيها الا بناتها
اسراء البنت المصرية اللى عبرت عن حبها لمصر وعشقها لتراب مصر
من غير طمع فى كرسى او فى حكم او فى منصب او فى ثروة البلد
اسراء اللى اصبحت اهم من حسنى مبارك ومهدى عاكف وكل واحد عايز يسرق البلد
لا حزن وطنى ولا حزن غد ولا اخوان متاسلمين بيجروا ورا مصالح شخصية مطالوهاش يبقى المقاطعة هى الحل وليس الشعار المزيف الاسلام هو الحل
دلوقتى اسراء محبوسة والتهمة هى الشجاعة وحب البلد
النهارده فى رسالة حب على راديو تيت لإسراء
//www.teetradio.com/index.php?id=70

Comments

طبعا ما يجبيهاش غير ..

ربنا معاها وقلوبنا معاها
ربنا ينجيها من كيد الخائنين
تحياتى لكل الشرفاء على ارض المحروسة
خالد
تحيه ليها ولكل وطنى بيعشق تراب البلد قبل فلوسها تحيه لبنت فكرت ونفذت دون تخطيط للعواقب او خوف تحيه لبنت ابتدت وكملت وموقفتش ومخافتش من اعتقال او اضرب
بجد حرام ملاك طاهر برىء يبقى مكانه زنزانة
والحرامية والمرتشين والكلاب احرار يعيثوا فى الارض فساد
دى مكانها قلوب كل الشرفاء واللى بيحبوا مصر
ربنا معاها وقلوبنا ودعواتنا ليها ولنصرتها
خالد
appy said…
وفيه وقفه يوم عرضها على النيابه لاول مرة فى حياتى قررت انى اروح حاجه زى دى رغم اعتراضى على الوقفات ربنا معاهم جميعا
ياه يا اسراء

خليتينا نحس اننا صغيرين اوي

ضعفاء قوي


تايهين اوي

ربنا معاكي يابنتي
انتي وكل شريف في مصر
أهو واللة كنت لسة بحضر عن الموضوع دا في دماغي علشان أكتب عنة بوست

أهي البنت دي غلبانة واللة، مكانتش مقدرة كل إلي حيحصل دا، وإلي ركب موجة الوطنية علي حسها إختفي دلوقتي تحت السرير ولا حس ولا خبر

آه هيا قانونا عملت جريمة، مفيهاش كلام خالص، بس فعليا (مع إفتراض حسن النية) هيا حست بحاجة بدون حساب وفي إعتقادي إن إلي شعلل النتائج ناس تانية خالص، يعني هيا كانت دعوتها مختلفة عن إلي حصل، بس إلي خدوا الدعوة وطوروها لصلحهم هما المجرمين الحقيقيين

دا يعلمنا حاجة، إن لازم نكون مسئوليين قبل ما نقول حاجة أو نذيع أي خبر، وخصوصا حاجة خطيرة زي دي، لأن في ناس متربصة بينا ونفسها تشعلل الدنيا علي حساب أي حد من الشعب بدون تحمل النتائج

ربنا معاها بجد، مش عارف الواحد ممكن يعملها إية، بس أتمني أولا تكون فهمت إنها متجريش ورا تهييج فتوات وبهلوانات الأحزاب، وثانيا إن النيابة تفرج عنها رغم وجود جريمة نظرا لأنها مش خطر علي البلد ولا مجرمة، ولأن المحرضين والمجرميين الحقيقيين سايبين وماليين البلد
Heart Beat said…
ربنا معاها يارب هي و كل مصري بيخاف على بلده بجد و مش بيخاف من اي حد

اسراء هي البداية و حاملة راية الشرف المصري اللي بعملها البسيط ده مدت ايدها للشعب كله و قالت له يالا معايا قوم و اتحرك

و في ناس اتستغلت الموقف و هللت و ساعة الجد جريت استخبت و سابت اسراء و اللي زيها ضحايا الاعتقال لنظام فاسد

ربنا ينصرها و ينجيها

انا شخصيا اتمنى ان كل بنت مصرية تبقى اسراء

لا بتخاف و لا حاطه مخها و تفكيرها في افكار عقيمة مش هاتفديها بحاجه

ربنا معها
فاتيما said…
و الله بنت بميت راجل
ربنا يفرج كربها
ربنا يفك اسرها
ويصبر اهلها
هي البلد دي مالهاش حل ولا ايه

يعني لا عارفين نعيش و لا ناكل و لا نتكلم و حتى ان متنا مش ضامنين موتة كريمة

خايف قبل ما نموت ياخدوا مننا رسوم مقابلة وجه الكريم

اتمنى لها الافراج طبعا و ربنا معها

الاضراب كان شئ جميل و فضح قلة خبرة الحكومة في التعامل مع الحركات الشعبية مما يؤكد ان اي حركة شعبية منظمة بامكانها ازالة هذا النظام الفاشل

بالمناسبة الاخوان اللي انسحبوا بحجة هابلة جدا و هي انهم مش عايزين يلبسوا الليلة كلها لوحدهم سبحان الله عايزين يحجروا عالناس و بيعلنوا اعلانات مدفوعة لمقاطعة الانتخابات عشان اتمنعوا اي نعم منعهم ظلم لكن نواياهم بانت

مش بيهتموا غير بنفسهم و يلعن ابو الوطن

مافيش غير كلمة واحدة اعلق بيها

العبقري محمود عبد العزيز في رائعته الكيت كات
عندما ضبط و هو الشيخ حسني الكفيف الاعمي نجاح الموجي تاجر المخدرات عند فتحية مرات الاسطى حسن في الحمام

سالته احدى الجارات هو في ايه يا شيخ حسني قالها ما تشغليش بالك اهي حاجات غريبة بتحصل و السلاام

طب يرضيك كدة يا شيخ حسني

عالم وسخة

فعلا و الله عالم وسخة
Desert cat said…
همس الاحباب
الله مأمين
ربنا معاها ومع كل المعتلقين
Desert cat said…
رئيس جمهوريه نفسى
ربنا معاها ياريس ويخرجها بالف خير
Desert cat said…
همس الاحباب
ماهى دى مصر يا خالد
الحرامى والمرتشى وصاحب الشعارت واللى بيلعب بالتلت ورقات حر طليق واللى يهمه البلد خلف الاسوار
ولا عزاء للحرية
Desert cat said…
appy
ابقى خدى بالك من نفسك يا لولو انا عضمة كبيرة ومش ينفع تجرجرينى وراكى فى الاقسام والنيابات
طبعا الف بعد الشر عنك المهم ابقى طمنينا لو سمعتى اى حاجه
Desert cat said…
خايف من الحقيقة
اسراء حسست الجميع بالعجز
ربنا يخرجها على خير
Desert cat said…
وجهة نظري
فعلا هى كانت دعوتها عن اضراب يعنى محدش ينزل من بيته
يعنى نقاطع اى منتج فى اليوم ده ومنشتريش حاجه
انما للاسف فى ناس استغلتها غلط وهى اللى شالت اليلة فى الاخر
ربنا معاها ويفك اسرها
تحياتى
Desert cat said…
Heart Beat
فعلا بنت بالف راجل
كانت دعوتها سلمية لكن اللى استغل الموقف ضدها وهربوا منهم لله
ربنا يخرجها على خير
محبتى ليكى
Desert cat said…
فاتيما
اللهم آمين واسألك انتى بالذات تكثرى من الدعاء ليها ولكل المعتقلين لان دعوة المظلوم مستجابة
ده رجاء ياريت تدعى لهم بجد يا فاتيما
ربنا ينصرهم وينصرك انتى كمان
تحياتى
Desert cat said…
مدحت محمد
اللهم آمين
Desert cat said…
ملك الكبدة
هو الاضراب كخطوة اولى اجابية نجح والحمد لله
انما الجماعه اللى هربوا بحجج واهيه فده كويس جدا لان الجميع كدا عرفهم على حقيقتهم واكتشف زيفهم وكدبهم وخداعهم
واسمح أؤمن على كلامك
عالم وسخه
ههههههههههههه
تحياتى يا ملك
Desert cat said…
الرد ده للواد الظريف اللى بيستظرف لحد ما بقى ظرافة وفى النهاية قلب على سفالة وقلة ادب
كل شوية يدخل يبعت لى لنكات متفيرسة
هقوله مش كل الناس اغبياء مثلك يا اهبل
وبطل تبعت لى اللنكات المتفيرسة دى تانى والا هدلتك من على الدنيا كلها
جتكو البلاوى مليتو البلد
ايوية said…
لا عزاء للحرية
شفتى بقى يا قطقوطة...الأخت إسراء دى لو ما كانتش بنت كنت قلت إنها كانت بتحلق عند عم إبراهيم....بس بجد وبعيدا عن عم إبراهيم وولاد أبو إسماعيل ....أولا شكرا على تعليقك فى مدونتى وانا ما صدقتش والله...لأن البوست كان لسه نازل من عشر دقايق..عموما أكرر شكرى..وبالنسبة للأخت إسراء والله أنا باعتبرها (شجاعة فى عالم الجبناء)...وأهدى لها هذه الرباعية....يصرخ ف إيدى القلم ويقوللى قول الحق..إياك ف يوم تتلجم وتدارى كلمة لأ..مهما الزمان ح يدور خط القلم محفور..وكفاية إن النور وسط العتم ينشق....وعجبى
حزن الدنيا كله صابنى
اول ما عرفت بالخبر
و لعلمك هى اجدع من اى حد
و اجدع من اللى اعتقلوها
لانها مصرية بجد
انا كنت ححط لها بانر ميانده عندى فى البلوج
لو سمحتى انا ححط الرابط بتاع البوست ده فيه
و حسبنا الله و نعم الوكيل
Desert cat said…
ايوية
عندك حق يا يويو
Desert cat said…
واحد من البلد دى
الحمد لله ان عمى ابراهيم رجالى بس
اسراء تحمست للفكرة لانها بتحب بلدها ودعت لفكرة تهرب منها رجالة بشنبات
مع احترامى للرجالة
رائعة كلماتك واسراء تستحقها عن جدارة ربنا معاها ويخرجها على خير
بالنسبة لزيارة مونة حضرتك فده شرف عظيم ليا انا زورتها قبل كدا وعجبتنى جدا علشان كدا كررت الزيارة وهكررها تانى وتالت بس وعى تزهق
اصل انا بخربش على طول
ههههههه
تحياتى
Desert cat said…
مواطن مصرى نايم
طبعا بنت مصرية جدعه بتحب بلدها ونفسها تشوفها حلوة والله انا عن نفسى حاسه بالعجز
ربنا يفك اسرها
بالنسبة للرابط تحت امرك
البلوج كله تحت امرك حضرتك
تحياتى
ba7re said…
إسراء هى مصر
اذا كانت اسراء فى المعتقل الصغير
فمصر فى المعتقل الكبير
و ربنا يفك سجن الاتنين
ربنا معاكى يا إسراء
و اصمدى
و احتسبى امرك عند الله
و سلام :(
شكرا ديسرتكات
Desert cat said…
ba7re
ربنا معاها ومع كل المصريين
الشكر لله يا فندم
تحياتى
monaliza said…
ربنا يفك اسرها ويرجعها لاهلها بالسلامة
rona said…
طبعا ما يجبها غير بنتها
قلوبنا كلنا معاها
بس سمعت انها خرجت امبارح
تحيه ليها ولكا من يحب تراب البلد
Desert cat said…
monaliza
اللهم امين
Desert cat said…
rona
لاء مخرجتش هى اخدت 15 يوم هى ونادية مبروك
ربنا معاهم
فاتيما said…
يا رب فرج كربتها هيا و اللى زيها يا رب توقفها ولاد الحلال اللى يصونوها و ما يهينوها
يا رب برد نار اهلها و كل اللى قلبه موجوع عشانها
يا رب أنصرها هيا واللى زيها على من ظلمهم
يا رب صونها و صون البلد دى اللى تعبت معانا قوى و اتبهدلت من غير ذنب
يا رب
يا رب
يا رب
قطة الصحراء
بحيي شعورك وتضامنك معها

ان هي
العزيزة اسراء


ربنا يفك كربها
اللي اصلا وسم شرف علي صدرها

اسراء
هذا هو قدر الرسل والانبياء
فتاريخنا كله عهر
وايامنا كلها كربلاء

اللهم فك اسرها
اللهم فك اسرها
اللهم فك اسرها
قطة الصحراء
بحيي شعورك وتضامنك معها

ان هي
العزيزة اسراء


ربنا يفك كربها
اللي اصلا وسم شرف علي صدرها

اسراء
هذا هو قدر الرسل والانبياء
فتاريخنا كله عهر
وايامنا كلها كربلاء

اللهم فك اسرها
اللهم فك اسرها
اللهم فك اسرها
R.O.U.R.O.U. said…
bgd mawkefha dh bydool 2n lsa fi nas btetkalm mn 3'er 5ouf we rbna bgd isa 7y2af gambaha we 3alih 2l 3awad 3la mobarak wely zayo

bgd msh youmo
شكرا يا قطه عشان عرفتينا بيها واحنا كلنا لازم نعمل اى حاجه ليها انا مش عارف نقف جمبها ازاى بالظبط بس لازم نفكر
ونفذ
لان اسراء لما فكرت كده نفذت
ويارب يفك كربها هى واللى معها
تحيه من القلب لاسراء
وانا متضامن معها
ومع كل مصرى شريف يحب بلده
ومع كل من قال للفساد لا
وثقافه الاضراب ان لم تؤتى بثمارها هذه المره
فربما ترسخ داخلنا مفهوم جديد للمعارضه
بس السؤال اللى محيرنى
الناس عماله تقول 6 ابريل 6 ابريل
هو ايه يعنى 6 ابريل
عيد ولا مولد ولا مناسبه انا مش فاهم ؟
ربنا انشاء الله ينصرها , بس ربنا يستر وترزية السلطة ما يفصلهاش تهمة قلب نظام الحكم, او غيرها من التهم الجاهزة..

تقبلي مروري
Anonymous said…
انا عايز افهم حاجة هو مش الاضراب زي ما انتم بتقولوا نجح وحقق مطالبهم مضايقين لية ان الاخوان ما شاركوش يا عصافير امن الدولة ويا شيوعين يا اللي نفسكم البلد تولع وتلبسوها للمعارضة وعلي راسهم الاخوان
شنكوتى said…
لو جدعه وبنت ناس جدعان
انشرى التعليق ده
رأى بنى ادم مدون فيكى
انسانه وقحه ومش متربية واهلك لازم يتبروا منك
ولا يتبروا منك ليه هم عارفين انهم ماربوش
لما بنت تبقى بوقاحتك كده مش عاوز اقولك بنسميها ايه
بتشتمى الريس يابنت الجزم
كله الا كده
طبعا مش هاتنشرى التعليق بعد ماقلتلك يابنت الجزم
بس برده فى الاول وفى الاخر انتى بنت جزم وخاينة لبلدك
ماهو انتى لو بنت ناس ماكنتيش قلتى كده
انما نتى مش بنت ناس
انتى برده بنت جزم
يلى انشرى بقه
لو قلتى زيع هانزيع
وهانزلك التعليق ده فى مدونتى بوست لوحده
وهاكتبهولك فى تعليقى على كل مدونة
ولازم الناس تعرف حقيقتك
la3lahakhier said…
السلام عليكم
رغم اعتراضى على اسلوب الاضراب لكن انا مع اسراء قلبا وقالبا
واى حاجة تحبوا تعملوها مساندة ارجوكم اجعلونى اول الاسماء
كان لازم اللى ماسكين البلد يتعاملوا بذكاء عن كدا لانهم بالطرق دى بيخلوا الى كان معترض على اسلوب المضربين او الاضراب نفسه يتعاطف معاهم
حتى بناتك يا بلد ؟؟؟؟؟؟؟
semsema said…
حتى لو اسراء محبوسة فهى بتحرر المصريين كلهم من سجن السكوت والاستسلام اللى عايشين فيه

وربنا يخليها لمصر

تحياتى
Rainbow said…
ربنا معها
يارب تخرج من الازمة دى اقوى من الاول و متكونش نكسة لها فى حياتها
Foxology said…
ربنا معاها ومع اللى معاها

التهمة .. حب البلد

ربنا يرحمنا برحمته
Desert cat said…
شنكوتى
معلشى مع احترامى للجميع انا هرد على الشنكوتى ده الاول
وما انشرش التعليق ليه .... انا يهمنى الناس تعرف حقارتك وقلة ادبك ... بالعكس حتى لو مكنتش قلت انشرى كنت هنشره برضه ... ولما انت انسان شجاع وعامل فيها سبع رجالة فى بعض وداخل تدافع على الريس
وتشتم فيا وفى اهلى يا متربى يا مثقف يا ابن الناس
اللى عرفوا يربوا واحد شجاع داخل يشتم فى خلق الله من غير سبب ... لو عندك الشجاعه اللى بتدعيها انشر البوست ... وانشر ردك ده فى جميع المدونات وسيب الناس تحكم مين اللى ابن ومتربى واسلوب كلامك خير دليل
الله يكرمك والديك اللى عرفوا يربوا ويطلعوا للمجتمع عضو فاسد وقح وقليل الادب بالشكل المقزز ده .. وده ان دل فانما يدل فعلا على انك تربية عشوائيات .. حتى دى انت مش محصله اصل العشوائيات ناس جدعان ومش قلاقلات الادب
لو عندك الجرأة اعمل بوست فى المدونة اللى هى اسم بس علشان تدخل تشتم بيه
Baker said…
غريبه بجد انا كنت متصور ان حاجه زى دى يا دوب تطلع من حزب بحاله و مش اى حزب كمان لاكن تطلع من اسراء
تعرفى على قد مهى فى محنه بس بجد واضح ان زى ما عندنا عدد كتير مالوش لازمه احنا فى ثانيه ممكن يبقى عندنا حد يساوى عدد كبيير يقدر يغير تحياتى لاسراء و اكيد اللى تعمل كده مش هتكون دلؤتى فى محنه هيا اكبر بكتير من اى محنه
Nsreen Bsunee said…
بعد اذنك يا قطه

شنكوتى بيه خد والنبي الجمله ديه عشان خاطر عيونك مخصوص بص كويس كده للجمله وخليها تفقع عنيك
"توز فيك وفى الريس بتاعك يا ترى فيه بينه وبينك ايه بالظبط يا سافل انت مال اهلك هى تشتم الريس هو من بقيت اهلك يا شاطر ولا حتعلم الناس يقولو ايه فى بيوتهم وكمان تيجي تشتمهم وانت ولا حتى داخل باسمك وبتشتم من ورا حيطه ياابو الرجاله يا مرعب بجد خوفتها يا استاذ شنكوتى اسم على مسمى"
Desert cat said…
Anonymous
بص يا بتاع انت لما تحب تتكلم حتى بالوقاحة اللى بتتكلم بيها دى ... ابقى ادخل باسمك اصل الجبن هنا فى حالتك مالوش اى موقع من الاعراب
مين اللى قالك يا جبان ماهو انا مش هقولك غير جبان علشان مستخبى فى انونيمس ان احنا متضايفين بالعكس احنا مبسوطين جدا لان الاخوان المتنسونيين بتوعك ظهروا على حقيقتهم وحاجه مش هيطولوا من وراها منصب ولا مصلحة شخصية بس فى صالح الشعب انما مهريكو العاكف قالها قبل كدا طز فى مصر وشعب مصر يعنى الرؤية واضحة من زمان اوى
وبالتالى يا جبان احنا مش زعلانين احنا مبسوطين ...
ولما احنا عصافير امن الدولة مش خايف تتقفش وبعدين نعقلك من ايديك ورجليك ونلبك على لباليبك ... ولا انت حامى نفسك بالانونيمس اللى انت داخل بيه ده
جتكو نيلة انت وجماعتكو الموكوسة
Nsreen Bsunee said…
قطه متزعليش منى انا مختلفه مع كل اللى بيحصل ده فى موضوع اسراء

جمل زى "اسراء هى مصر"و"يا اسراء هذا قدر الرسل والانبياء"وكل اللى بيتكتب عشانها من تمجيد وتخليد بجد فقعللى مرارتى

البنت ممتازه واللى حصلها ظلم ولازم كلنا نتضامن معاها ونعترض على حبسها ظلم بالشكل ده وعن اى حد بيتحبس عشان رأيه
القضيه مش قضيه اسراء ديه قضيه حريه الرأي

اسراء مش مصر ومش نبي ولا رسول ميصحش نقول كده ابدا

هى بنت ممتازه وجريئه وذكيه وليها رأى وشخصيه عملت جروب على الفايس بوك وكل الناس ساعدتها فى نشر الجروب
اسراء معدتش على كل واحد فى بيته وقالتله اشترك فى الجروب الناس اشتركو وايدو الاضراب وبعتو دعوات الجروب لصحابهم وهكذا
الفكره فكره اسراء ولو مكانتش هى بدأتها كان غيرها حيبدأها

اتظلمت ومينفعش انه يتقبض عليها هى واى حد أيد الاضراب
وخلاص بقي انتهينا مش حنقعد نغنى عليها بالشكل ده راجعى التعليقات اللى عندك يا نونه وحتحسي باللى انا باقول عليه
احنا بقينا اوفر اوى وبندي الامور اكتر من حجمها

القضيه هى حريه الكلمه والرأى
مينفعش نفرغ القضيه من مضمونها وتبقي اسراء هى القضيه وهى مصر

يارب ما تزعلى بقي احنا حبايب وكان لازم اقولك رأيي بصراحه
:)
Desert cat said…
فاتيما
اللهم امين
اللهم امين
Desert cat said…
ساعد نسرين الايمن
رنا معاها ومع رفاقها ومع كل واحد قلبه على البلد
وياخد الخونة اللى بيظهروا فى الوقت المناسب
تحياتى
Desert cat said…
R.O.U.R.O.U.
ان شاء الله ربنا هيقف جنبها وجنب رفاقها ويخرجوا من المحنة دى على خير
تحياتى
Desert cat said…
بحبك يامصر
نقف جنبها ونساعدها باننا نكمل اللى هى بدأته
ربنا معاها
تحياتى
Desert cat said…
عبده الرايق
احييك على موقفك يا رايق
ههههههههه
6ابريل ده العيد القومى للكادر
تحياتى
Desert cat said…
الفارس الملثم
اهو ده اللى قالقنى بقى
ربنا معاها ويخرجها على خير
Desert cat said…
la3lahakhier
طبعا هما اغبياء جدا لان باللى عملوا اصبحت اسراء بطلة وشعبيتها اكتر من اى حد فى البلد وطبعا بنت بشجاعتها فعلا بطلة وربنا معاها
اكيد لو فى اى حاجه ممكن تتعمل هبلغك عل طول بس مؤقتا فى وقفة احجتجاجية يوم عرضها على النيابة
هعرف التوقيت بالظبط وابلغك
تحياتى
Desert cat said…
semsema
هى بدأت
المفروض احنا نكميل بقى
تحياتى
Desert cat said…
Rainbow
الضربة اللى مش تكسرنى تقوينى واعتقد ان بتشجيع الناس ليها ووقوفهم جنبها ان شاء الله هتخرج اقوى من الاول
تحياتى
Desert cat said…
Foxology
ربنا معاها ويخرجها منها على خير
تحياتى
Desert cat said…
Baker
احنا ممكن يكون عندنا كبير وكلهم عقلهم خواء
وممكن يكون عندنا شخص واحد بس وعقله كفيل بقيادة قبلية
ربنا يتولاها برحمته ويخرجها من المحنة دى على خير
تحياتى
Desert cat said…
Nsreen Bsunee
ردى يا حبيبتى المدونة مدونتك وخدى راحتك
طز واحدة بس فيه طزين فه
ده واحد جبان مستخبى وبيحدف بالطوب علشان عنده نقص
Desert cat said…
Nsreen Bsunee
ياروح قلبى اكتب الرد اللى يعجبك وعبرى عن رايك براحتك
وانا هزعل ليه بس
انتى عارفه احنا فى مصر الناس عايشه فى قهر علشان كدا ما صدقت حد ينطق بصوت عالى ... وهو من فرط اعاجبهم عبروا بالبطريقة دى
ربنا معاها ومع اصحابها ويخرجهم منها على خير
وربنا ينصر مصر على اللى محتلينها داخليا
نورتينى يا رينا
الربان said…
تحياتي

نسأل الله العظيم رب العرش العظيم ان يفرج كربها ...و يحرر اسرها...و يردها الي اهلها سالمة غانمة أن شائ الله.

و لمن يعلم...ان للمرأة المصرية دورا
كبيرا في الحياة السياسية... و قد قرأت
عن مظاهرات الطلبة في السبعينيات من القرن الماضي...و كيف كانت أروي صالح
تتزعم الطلبة في المظاهرات...و اعتقلت
و تم محكامتها.... و طبعا افرج عنها رحمها الله...فقد قرأت أيضا انها توفيت الي رحمة الله الفترة الماضية من سنوات قريبة ....

تحياتي و تقديري
Desert cat said…
الربان
استاذى العزيز دور المرأة المصرية واضح وبارز من قبل ثورة 19
انما الجديد فى موضوع اسراء ان اشلعب نام من زمان والرجالة ساكتة وصابرة على الطغيان
ربنا معاها ويفك اسرها واسر رفقائها
احترامى وتقديرى
dr_modymodak said…
ربنا يفك ضيقتها ويفرج كربها ان شاء الله

وبرده هقلهالك ميهمكيش اي كلمه سافله من انسان وقح

ربنا معاكي
Desert cat said…
dr_modymodak
اللهم امين
والف شكر ليك يا دكتور
احترامى
عمو احمد said…
ربنا معاها ويخرجها بالسلامه
وياريت الناس الى مسمين نفسهم معارضه يفوقو ويصحو كده
اما الدعوه للاضراب تطلع من جروب على موقع ترفيهى ده معناه ايه؟!
وربنا يخرجك بالسلامه يااسراء
Desert cat said…
عمو احمد
اللهم امين
لما الدعوة تخرج من موقع ترفيهى يبقى لا عزاء للمعارضة اللى ريحتها فاحت اوى
نورت يا عمو
وما لنا الا ان نقول (((( حسبنا الله ونعم الوكيل))))


ناجي العلي 2000
وما لنا الا ان نقول ((( حسبنا الله ونعم الوكيل )))

ناجي العلي
Desert cat said…
ناجي العلي 2000
وما لى سوى ان اردد معك
حسبى الله ونعم الوكيل

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز