سمعنى سلام مربع للتصريحات

هو انت حكايتك ايه بالظبط يا عاكف ... كل شوية والتانية تتحفنا بتصريح وترجع تلغيه
تكونشى بتلعب مع الشعب استغماية مثلا ... ما انا مش هقول بتعلب مع الحكومة اصل موقفكو بان فى الاضراب والريحة النتنة بتاعتكو زكمت الأنوف ... مفيش اى مصلحة ولا سبوبة .... مفيش تلميع اعلامى وبكاء ونحيب امام احدى النقابات وانتوا لابسين بدل ومتانتخين كدا والتلفزيون يصور والاذاعه تذيع وانتوا تلطموا وساعدونا انصروا اخوانكم من اجل غزة ووزة والديك الشركسى ... ولما جه عند الجد وقضية تخص الشعب الورقة اللى بيلعبوا بيها قالك اصلنا ما اتعزمناش
يا حلولى ... ما اتعزمتش على ايه ياراجل هو انت رايح فرح ..... هما الشباب اللى اعتقلوا كانوا معزومين ؟؟
طالبات الجامعة الامريكية اللى جابوا عيش ياكلوه ويتفووووووووووووووه تانى بيعترضوا على سوء العيش كانوا معزومين ؟؟
اطفال الابتدائى اللى اضربوا ومنزلوش مدارسهم ولا اللى راحوا المدرسة ومدخلوش واهم اطفال فى اولى ابتدائى كانوا معزومين ؟؟؟
... هو من امتا اتخاذ موقف لمصلحة الشعب عايز دعوة يا عكفكف
واخيرا جاى يلعب لعبته البايخة تانى مش داخلين المحليات هناقطع ... وبجملة البجاحه بيدعوا الشعب كمان للمقاطعة .. انت فين اصلا من الشعب ... ده مش عارفه التصريح رقم الف وكام اصل من اول ما قالوا يا انتخابات وهو كل شوية يتحفنا بتصريح .. هنلعب لاء مش لاعبين .... طيب خليكوا فاكرين هو فى البداية خالص قال مش لاعبين ... وبعدين رجع قال سنخوض المحليات وانا نزلت بوست ودخلوا الاخوانجية اصحاب الكيبوردات اللى حروفها بتنقط سفالة وقلة ادب قاموا بالواجب وزيادة .... ورجع تانى النهارده قال مش لاعبين هنقاطع وهناقطع وندعو الشعب للمقاطعو
وده التصريح بتاع الحاج مؤلف ومخرج اقوى افلام الموسم

جماعة الإخوان تعلن مقاطعتها للانتخابات المحلية

تعليقات

اول تعليق
واحتمال يكون الاخير في البوست ده
مانتى بتنزلى بوست كل ساعة زى اهم الانباء فى عناوين الاخبار
تانى الاخوان المسلمين برضو
‏قال صحفية روشة
الى كارهة الاخوان المسلمين
:)
ام احمد كمان ام احمد وكمان ام احمد وعشان خاطر كمان ام احمد وقطة الصحراء
يعنى اللبن والسمك يعنى مياو مياو واللى مش عاجبه هأأأأأووووووووو
وانا وانت ورقصنى يا جدع
تربتتى اااااه تربتتتى ااااه
‏قال شريف طلال
الأخوان المسلميين
كدبه كبيييييييييييره
احييكى على موقفك و الله يعزك
تحياتى
‏قال همس الاحباب
بجد ايه الحكاية
عمو مهدى مزعلك ليه
ما هو طول عمره بيقول كلام ويرجع فيه
هو عادته ولا ايشتريها
ده راجل فاضى عايز تلميع وشوية ورنيش اعلامى مش اكتر
ولا يهمه مصر ولا شعب مصر
وطز فى مصر وشعبها
ايه الجديد فى كده كلام فى سرك هما الاخوانجى نفسهم مش طايقينه
بس ما باليد حيلة ما يقدروش يشيلوه ايفضحهم ويفضح الاعبيهم
كفاية كده احسن المدونات ليها ودنان
تحياتى
‏قال Heart Beat
الصديقة العزيزة
Desert Cat

اشكرك على مجهودك الرائع في الكام بوست اللي فاتوا و التغطية الجميلة اللي عملتيهل لاحداث امبارح

انا شخصيا كنت كل شوية ادخل اشوف ايه اخر الاخبار من عندك

اشكرك

---------

عارفه موضوع مهدي عاكف فاكرني باللزمة الشهيرة اللي بتقول

لا مؤاخذه يا بني اصل انا عندي شعره ساعة تروح و ساعة تيجي ... الخ

يعني كل شوية بحاجه و عندهم تصريحات ساعة تروح و ساعة تيجي كده يعني

خلي اللي عارضوكي قبل كده و قالوا في تعليقاتهم ان الاخوان ما صرحوش قبل كده انهم مش هايشاركوا في الانتخابات

يشوفوا الهبل اللي بيحصل ده عشان يسكتوا بقى

الاخوان عمرهم ما هايدوروا على مصلحة اي حد غير مصلحة كل عضو فيهم الشخصية و بس انما غير كده مستحيل طبعا

لا شعب و لا عزة و لا وزة و لا مزرعة الدواجن كلها

تحياتي
‏قال dina
هههههههههههههههههههههه
عاكف....يا سيدى عالكنايات
لما نوصل لمرحلة ان حد عشان يتحرك لمصلحة بلده لازم يتعزم الاول يبقى الحمد لله رحنا ورا الشموسة
‏قال Desert cat
الباحث عن الحقيقة
تانى وتالت وعاشر يا احمد
‏قال Desert cat
صحفية روشة
ههههههههههههه
انتى قصدك الى كارهه الاخوان المتنسونيين
ميرسى اوى على الدى جى والحفلة الجميه الى انتى داخله لى بيها دى
تحياتى
‏قال Desert cat
شريف طلال
ما الكدبة انكشفت وبانو بانو بانو
ههههههه
ميرسى على ذوقك يا شريف
تحياتى
‏قال Desert cat
همس الاحباب
هو مش مزعلنى يا خالد
ولا اتخن شنب فيهم يقدر يزعلنى
انما انا بس حبيت افضحهم وافضح كدبتهم الكبيرة
ومش هسكت عن اى تصريح يقوله ويرجع يخالفه تانى

تحياتى
‏قال Desert cat
Heart Beat
حبيبة قلبى انا معملتش اى حاجه غير اللى كان المفروض اعلامنا المجبل يعمله لكن للاسف
بالنسبة لصاحب التصريحات اللولبية فانا حبيت اكشفه قدام بلطجيته اللى بيدخلوا يقلوا ادبهم عندى وخصوصا اللى كانوا بيقولوا هو مقالش انه مش داخل الانتخابات
طيب يا كابتن منك ليه ادى التصريح وبعضمة لسانه كمان اظن هتكدبوه زى الفيديو اللى فات كدا

نورتينى يا احلى هارت
‏قال Desert cat
dina
اه يا دينا اصله فاكر نفسه رايح يحضر حفلة تنكرية المفروض كان يتوجه دعوة على كارت مزخرف وملون
وكمان كان يدوله فرصه يحضر لقناع جديد
سورى شعار جديد
تحياتى يا جميل
‏قال وجهة نظري
بصي الخبر دا في العربية: http://www.alarabiya.net/articles/2008/04/07/47973.html

تحسي شيزوفرينيا، حنقاطع الإنتخابات بس مش حننسحب من الإنتخابات

بالنسبة لقصة الإضراب وعلاقتهم بيها، فانا لأول مرة أوافق علي فكرتهم، هما قروا بالظبط التهريج إلي حيحصل ومرضيوش يشتركوا فية فيخسروا الشعب والحكومة كمان

إنما بقي أنكل جورج إسحق وهوا بيفسر مقاطعتة للإنتخابات هنا :http://videohat.masrawy.com/view_video.php?viewkey=cb6e3322f493a66aaf5b

كوميديا واللة
‏قال Desert cat
وجهة نظري
ده هما عدوا مرحلة الشيزوفرنيا بمراحل
بالنسبة لعدم مشاركتهم فى الاضراب فده كان بسبب ان مش مهمة اللى منظمينه ولا اتوجوهت لهم دعوة رسمية
على اساس انهم رايحين فرح
حالا هدخل الرابط التانى اشوف ايه حكايته
‏قال غير معرف…
قطة الصحراء دة انتي موقف غريب المرة ديت من الاخوان دة انتي المفروض تبع أمن الدولة مش انتي عصفورة في أمن الدولة برده دة علي فكرة من مصادر خاصة انك تبعهم ازايك ترفضي كدة ههههههههههههه
‏قال Desert cat
Anonymous
اه المصادر الخاصة مش قالت لى انى نقيب فى امن الدولة
المصارد الخاصة شم قالت لك انهم بيقبضونى فى الشهر خمسين الف جنيه
ربنا يشفيك يابنى انت واللى زيك

المشاركات الشائعة