أحدثــــك أنـــت ومـــن جديـــد

أحدثك أنت ومن جديد فأنت نورى - أنت لحظة مولدى وبدايتى - أنت أنفاسى .. نبضاتى .. قلبى الذى علقنى بالحياة ... سيدى ولن يكون لى فى الدنيا بأسرها سيد سواك .. ذبحتنى بسيف الكبرياء .. وأردت أن تقتل حلمى وآمالى .. وقطفت أغلى ورود بستانى .. تلك الوردة التى ظلت مزدهرة حتى بعد أن ماتت كل الورود .. نعم أنت وردتى كل شئ فيك صنعته يداى .. كل أنفاسك ملكى من يتعدى حدوده معك قد أعلن أنه عدوى قد دخل فى وادى ليس ملكه أصبح يعبث فى قلب ليس له فالقلب قلبى ان كنت مازلت جاهلاً تذكر من ألفتك مدمراً من أمسكت بحنايا قلب ممزق لتعيده الى الحياة من جديد - أنا وما زلت أقول أنا لأننى أعرف من أنا ... أنا من أعادتك للحياة .. من صاحبت ابتسامتك .. من مسحت رغم كل الشقاء والهموم دمعتك من غرست أناملها باحثة عن قلبك من تركت نفسها لنفسها فأنا أنت وأنت أنا فيا أنا كيف خرجت من جلدك وأنسلخت من قتل مشاعرك نحوى من أجرم فى حقى ؟ من ذبحنى ؟ أنا هوائك يا من أدعيت أنا رحلة عمرك وايامك يا من كذبت أنا مازلت أنا .. يا عين دمعت من أجلى وقلب رمى همومه فى قلبى فذاب القلبان ظننت أننى أمرت قلبك يوماً فأطاعنى مثلما أطعت .. أنا من قلت عنها يوماً لو رموكى فى النيران ما أحترقتى لأن حبى لكى يحميكى حتى من نفسك .. والآن يامن على جسر الدموع تركتنى ونسيتنى وذللتنى أى ذنب .. أى جرم أنا قد فعلت ؟قد أكون تعديت حدودى معك وخرجت من جلدى وارتديت رداءً لا استطيع أن أحدثك فأسمعنى يا أقدر الناس على فهمى وأعذب الأحان فى قلبى وأصدق قصائد شعرى أنا أول من خطت بيديها على وجهك .. أول من أقتربت منك وحطمت عزلتك وسألتك من أنت ؟!من أنت ؟ ! من أنت ؟ !أسمعنى .. برغم كل شئ سيبقى بيننا شئ أصدق منك ومنى سيأتى يوماً سيدى وتعود بعد أن تفقد كل شئ - تملأ الدموع عينيك لا ملجأ لك إلا أنا وستذكر ما قد نسيت فأهوى كما تشاء وحطم كل من جاء حولى يحمل رداء الكبرياء فأنت نسج خيوطى كان ولا يزال منك الرجاء ولكن أعلم بأنك عندما ترانى ستعود لتجد حضناً رغم البعد يبقى دفئاً .. لتجد قلباً رغم البعد يتردد نبضاتك فيه صدقنى قريباً ستجدنى أمامك فأهرب إن كنت تستطيع - ولكن لا تنسى أن اقفالك من حديد وأن قلبك ما زال فى عالمى وليد - رغم ما يحمله جسدك من عقل عنيد -- سأعود لأسترد ما أملك فما أخذته فى غفلة منى أو رغماً عنى جسداً بلا روح .. أخبرك ان قلبك معى أخبرك أنك أسرتنى يوماً ,اسرت أدمعى أخبرك أن أقفالك فى يدى . إعذرنى على سطوتى يا سيدى فهذه آخر سطورى إليك وأقسم لن أضحى بك حتى لو هددت أخر معابدى
إنى قادمة

تعليقات

‏قال همس الاحباب
احجز وراجع تانى يا قطة
‏قال Empress appy
طيب ما احنا حنيني اهو
اغفرى بقى يا سيدتى طالما انك مستنيه
وبعدين بطلى تكلميه سبيه
انا واثقه انه هيجى تانى
انا عارفه انه مش هيبعد كتير
عارفه ليه لانك الانسانه الوحيد اللى عرفتى تحتويه وتحتوى غرورة وكبريائه سامحيه على كلامه لانه ميعرفش غير الحوار بالطريقه دى
اغفرليه
فى النهايه بلا حب بلا وجع قلب ههههههههههههه
قطه الصحراء العزيزه
اكملى طريقك فى الحياه واتركى جراحك جانبا بدايا انتى فعلتى كل ما فى وسعك ويكفيكى اعادته للحياه ولكن هناك من يابى انت يستمر على قيد الحياه سوف يعود وييبقى لكى الخيره
‏قال همس الاحباب
بوست اكثر من رائع
مولد جديد وعام جديد فى التدوين يا قطة
كلمات اقل ما توصف به انها مشاعر رقيقة
اجمل ما فيها الكبرياء والذل
اجمل معانى الحب والامتلاك
بجد رائع جدا جدا كلمات معبرة
وموقف نبيل بعد الاستسلام وترك الحبيب مهما تكن الظروف والمغريات
بالتوفيق دائما وسعيد جدا بالبوست بصراحة
خالد
‏قال فاتيما
و بعدين بقى فى الحبيب المجهول دا ؟
تاعب قلبك كدا ليه بس؟؟؟
سلمينى بس زمارة قلبه و انا أوريه غلطه الكبير ...
بصى يا حنون ... من منطلق خبرتى و فرجتى على الناس ... الرجالة الايام دى خايبة قوى فى الحب ..و البنات ارجل منهم بكتير
تلاقى نفسك انتى البنت ..قوية و ناضجة و مالكة قرارك و تقدرى تقوفى قدام بلد بحاله عشان خاطر اللى بتحبيه ... و عندك يقين رهيب بأنك صح و العالم هو اللى موش فاهم مقدار حبك ...
على الجانب الىخر بقى ...
البيه ...مراهق فى مشاعره ... عاوز طول الوقت تداديه و تاخديه بالراحة ... وقت القرارات يعمل بمبدا كل تأخبرة و فيها خيرة ...وقت ما تحتاجيه يبقى راجل بجد و واقف جانبك ..تلاقى شعاره الجرى كل الجدعنة ...
بس نعمل إيه بقى فى الحتة النيلة اللى مكلبشة فى صدرنا ناحية الشمال دى ؟؟؟
قلبنا بقى و هنوديه فين ..
و لا عارفين نستاصله و لا عارفين نركبله منظم حتى ...
ربنا يهديه يا بنتى و يكون بيستهالك بجد ...
تحباتى يا قطقطوتى الحلوة
ليس لدي ما أقوله...لأعبر به عما شعرت حين قرأت كلماتك شعرت ان الحب حقا شيئ عجيب.لكني اتعجب من تلك الثقة التي تملؤك برجوعه............
‏قال الساحرة
كل دة حب

بس ياتري هو يستاهله

اللي يلاقي كل الحب دة ويبعد ويسيبه


يبقي ميستهلوش
صحيح الحب مش بايدينا بس الحب اخذ وعطاء مش معقول هنفضل ندي والطرف

الاخر ياخد بس

اسئلي نفسك لو رجع هيلاقيكي زي ما سابك متهيقلي صعب

وفي الاخر الحب بهدله ههههه
‏قال صوت من مصر
بوست هايل وجميل وفعلا ذو معنى كبير جدا بس فين الحاجه الساقعه بتاعت عيد الميلاد ولا هننسى دايما
‏قال nigro
أزال المؤلف هذا التعليق.
‏قال Desert cat
همس الاحباب
ترجع بالسلامة يا خالد
‏قال فرنسا هانم
يابنت الايه ياقطه
مخربشه حتى فى كلام الحب ؟
كلماتك
عشره على عشره
واحساسك عشره على عشره
بس انا مش فاهمه يعنى ايه انا اول من خطت بيديها على وجهك
فهمينى الله يخليكى
لانى حاسه كده بضرب اقلام
تحياتى لقطتى
‏قال Desert cat
appy
احم احم ما انتى عارفه يا حبيبى اننا حونين اوى خالص يعنى
وبعدين اغفر ازاى ما انتى عارفه ان انا قلبى اسود
...
فى النهاية هعمل اللى بتقوليه هنفض خالص واريح نفسى من وجع القلب
انا عارفه انتى جاية تهدى النفوس
هههههههههههههه
‏قال Desert cat
رئيس جمهوريه نفسى
ان شاء الله ياريس
ربنا يعمل اللى فيه الخير
تحياتى
‏قال Desert cat
همس الاحباب
ميرسى يا خالد على ذوقك وكلامك
تحياتى
‏قال semsema
قوليلى بس مين اللى عمل فيكى كده وانا اشرحهولك
بس والله فيه الخير انه خلاكى تعبرى باسلوب جميل اوى كده

الله ينور عليكى
بوسـت رائــع
تحياتى
‏قال Desert cat
fatima
الغالية ام يوسف
تعرفى انه جدع اوى ... وقراراته دايما بتكون فى وقتها ومن غير تاجيل وبكل حزم واجمل ما فيه رجولته ووقوفه جنب اى حد فى الازمات وفى كل المواقف
بس مفيش انسان كامل بالرغم من كم المواصفات ده الا انه عايز فعلا قطة
بمعنى ان القطة دى متنونوش غير معاه وليه
متاكلش غير اللى يقدمه لها هو وبس ومن ايده .. متلبسش غير اللى على زوقه .. متتنفسش غير باذنه .. ما تتكلمش غير بامره ... من الاخر يبقى جسده غلاف لجسدها ... ميعرفش ان القطة محتاجه تتحرك براحتها وتنونو فى اى مكان تحبه ... مش مدرك انه مش سى السيد ولا انا الست امينة ...
تحياتى
‏قال Desert cat
دواير
الثقه د لانى عارفاه كويس
ولانه كمان حافظنى عن ظهر قلب
تحياتى
‏قال Desert cat
الساحرة
لو رجع هيلاقينى اكتر من قبل ما يسيبنى
ههههههههههههههه
اصله عارف للاسف نقطة ضعفى واصعب حاجه انك تخلى اللى قدامك يحفظك كويس اوى
تحياتى
‏قال Desert cat
صوت من مصر
ياباا انا مش ناسية عندك التورتة كتير خد منها اللى تحبه
تحياتى
‏قال Desert cat
nigro
ازاى مالكوش فيه
ده انتوا ليكو فيه ونص كمان
ده يبقى عامل حاجه كدا
اممممممممم
عامل كتير بصراحة
تحياتى يا نيجرو
‏قال Desert cat
فرنسا هانم
اول من حطت بصمتها الكريمة عليه
اول من فتح عينه وشافها قدامه
اول من شمتها انفه ولمست كل حاجه فيه
من الاخر خرجته من كهف معزول جواه

وسلامتك من ضرب القلام يا حبيبتى
محبتى
‏قال Desert cat
semsema
عارفه ان ورايا مدونين جامدين اوى
ربنا يخليكى ليا
‏قال انين الحزن
قطتي

ايه يابت المشاعر الجامده دي

محنا نعرف نقول اهوه
بس بجد جامده موووووت تسلم ايديك بجد

انا مع رئي ام يوسف البنات دلوقتي اجدع بكتير وقبل كدا بردك

سلاموووووووووز ياقمر
‏قال غير معرف…
إن كان يستحقه .. فحتما سيعود ..
وإن لم يكن .. ستكزنى الرابحة ..

لاتجعلى كبريائك يخدعك

كل الخير لك
‏قال rona
كلمات جميله ومعانى معبره قوى رائعه تلك الكلمات
يابنتى اسمعى حبى واغفرى وسامحى لو واثقة انة الشحص اللى هيسعدك وتقدرى ع احتمال لحظات جنونة وعنادة
وواجهى واقتحمى وخدى حقك واخطفية لو متأكدة انة حب حياتك
ولو غير كدة انسية وارمية ولا عزاء لة
يا ارق من النسمة وحشتينى بجد
‏قال maYHam
It seems U R all Like Real Friends .... Somewhat shy to comment .... But ... got To say ... Your Words R So Lovely With no Rgarding For the emotion inside the lines .. But as forall ... I was really touched by this feeling you both have for each other ... And they say ... You are destined to be together so try not to surrender

wish u happy future
كل سنة وانتي بتنونوي وبتملي الدنيا نونوة .

البوست هايل ياقطة
ماكنتش اعرف انك رومانسية كدة
‏قال سنووايت
علي الرغم من الثقة التي تنطق بها كلماتك الا اني ااعتقد انك انتي من سيدير ظهره
ولا هو القط بيحب خناقه :)
ايه يا قطة
الموضوع كده كبر قوى
واحنا صعايدة ومينفعش معانا الكلام ده
العملية شكلها هتطول معاكى
وانا لو قفلت معايا ممكن اتهور واشد فيشة النت واقطعه عن البلد بحالها
‏قال قلوب بتغنى
صباحو يا قطتى الجميله
هايله

كلهم زى الاطفال ممكن يتمردوا على امهم يبعدوا يلعبوا بعيد
يعملوا حاجات مش المفروض يعملوها
يتلسعوا يرجعوا يجروا فحضننا يبكوا
مش محتاجين نسمع منهم اعتذار او تبرير
بيجوا يلاقوا حضننا مفتوح من غير سؤال
بس لو مرجعش بعد مده محدده اعرفى انه تاهه
ومعرفش الطريق
‏قال غير معرف…
القطه الشقيه اللي دايما بتبهرنا بكلامها

بصي ياجميله زي مااتفقنا مفيش حد فعلا كامل بس دايما اللي بيحب حد بيكون عايزه له لوحده و ماحدش يشاركه فيه و طالما الموضوع متعلق بالحب فأحنا مفيش في ايدينا غير اننا نسلم ياقمر

بس كلماتك جامده ياقطه
:))
تحياتي ليكي ياقمرايه
وأقسم لن أضحى بك حتى لو هددت أخر معابدى

ايه الكلام الجميل ده , دائما ما يجمل لنا الحب السعادة والشقاء السكينة وفوضي المشاعر ,تناقضات تعتصرنا داخلها ..

وكا قيل حياة بلا حب نعيم لا يطاق وحياة مع حب هو الجحيم ذاته لكنه نوع من الجحيم اللذيذ التي لا تكون الحياة بدونه

تقبلي مروري
‏قال kaed
يا لهوى على الكلام الجامد
‏قال Heart Beat
ايه الكلام الكبير ده بقى

بصراحة حسيت ان قلبك هو اللي مسك ايدك و كتب الكلام ده

يعني قلبك اللي كتب مش بس كلام من قلبك

لا القلب شخصيا حضر للمدونة و كتب الكلام الكبير ده

كبير لان معناه جميل جدا و فيه عتاب كبير لكن رقيق

عتاب محب بجد مش خناقة و زعلة و كلام كتير مش هايفيد و يمكن يعقد الحكاية

زي ما قالت الاغنية ايوا لسه لم مكان في قلبي بس واقفه عليه سنيني

يعني المكان لسه موجود و الحمدلله يبقى على الطرف الاخر مراجعة الافعال و التحرك فورا للعنل على ازالة السيء منها

عشان ترجع المياه لمجاريها زي الاول و اكتر

ربنا يسعدك و يريح بالك
‏قال Asmaa mahaba
واو
ايه يا قطه الكلام الحلو دا متسامحيش حد انا قلبى اسود وشريره ...اللى يزعلك اكسرى قله وراه
هاهاهااها نصيحه شريره من مجنونه صح
بس كلام جامد قوى تسلمى عليه
ههههههه فرنسا معاها حق دى شكلها تلطيش فعلا
تحياتى ليكى سومه_87
‏قال Foxology
خواطر وكلمات فى منتهى الروعة والصدق

تحياتى وآمالى بحدوث المرجو :)
‏قال Abo 7anf
السلام عليكم
الموضوع جميل قوى
واخلاصك رائع
ومقدرش اقلك سيبك و كملى حياتك
لانى كده اخالف نفسى
بس بصراحه مشاعرك هايله
وربنا يوفقك
‏قال arsenalwy
بقولك اية ياقطة

سيبك منه انا مش مرتبط وبدور على بنت الحلال

هههههههههههة

سلام ياجميل
‏قال زعيم كمورا
واحد انجرح كتير من الناس لدرجة انه فقد الثقة فيهم وعاش معزول عنهم
وبنا حاجز فولاذى بينه وبينهم

وعاش وراه انسان ميت يعنى يدوبك نفس داخل ونفس خارج
او زى مبيقوله بقى عايش حلاوة روح

ولما شافك انتى سمحلك بانك تهدى الحاجز وترجعيله حياته الى ضاعت منه

دة انسان ياقطة لقى حياته فيكى انتى
شاف النور الى عمره ورا السور مستنيه عشان يدله تانى على طريقه الى تاه عنه
معتقدش ياقطة ان الانسان المجهول دة
ممكن انه يبعد عنك او ينساكى
لانه عارف انه لو بعد عنك
حيرجع انسان ميت تانى

وبعدين الكلام الى انتى كتباه دة يخلى الصخر يتكلم
وينطق

بجد ياقطة انتى احساسك عالى اوى
وكلامك جامد اوى

ربنا يهديكى لطريقك الى فيه هناكى يارب
ويكتبلك فى خطوة ليكى فى الحياة السعادة والهنا
قولى اميييين
بس من قلبك ها
عشان الدعوة توصل بس



معلش ياقطة لو سمحتى بس عندى كلمة صغيرة عايز اقولها لفاتيما

ياخت فاتيما النوعية الى بتقولى عليها دى
دول مش رجالة
دول واخدين اللقب دة
كوسة بعيد عنك


حاجة كمان ياقطة معلش

بالنسبة لسى السيد والست امينة
فنا متقدش يعنى ان لسة فيه ناس بتفكر بالطريقة دى

بس يعنى لو حكم رئيه لى النونوا
فخلاص ياستى بلاش تننوى بره
تبقى نونوى فى بيتكم
براحتك
مش لازم ينى تروحى تنونوى بره
محبكتش يعنى
ومش مقولة ينى تضحى بالراجل عشان نونوة
ولا ايه
ايه الرومانسيه دى.بس رومانسيه شرسه بردو بتخربش
اتقلى عليه شويه
‏قال بحبك يامصر
قطه
الحب لسه موجود اهو امال ايه الاشاعات اللى ماليه البلد بيقولوا الحب مات
فى ناس لسه بتحب اهو بس يارب الناس اللى لسه بتحب تقدر تسامح عشان الحب كده على راى الست خصام وبعاد ورضا يعنى فى فى الاخر رضا وتسامح اهو عشان ام كلثوم المرجع بتاع الحبيبه
وتحياتى
‏قال Desert cat
انين الحزن
اه طبعا احنا جامدين ومخربشين على طول
راجعى ردى على ام يوسف
وانتى هتعرفى وجهة نظرى
محبتى ليكى يا جميل
‏قال Desert cat
Sherif
ان شاء الله يا شريف
ميرسى على كلامك
تحياتى
‏قال Desert cat
rona
سعيدة لاعجابك بالكلمات
تحياتى
‏قال Desert cat
كلاكيت تانى وتانى
طبعا نصيحة جميلة من اختى الغالية
انتى كمان وحشتينى اوى
‏قال Desert cat
أنا محتاج

This thing hidden feelings inside ourselves, we can not control it
But much passion
Greetings respect and appreciation
‏قال Desert cat
مفقوع مرارتي من حماتــــــــــــي
ميرسى يا جميلة
سعيدة اوى ان البوست نال اعجابك
محبتى
‏قال momken
ما اجمل الثقه فى العشق
وما احلى كبرياء الحب

وليس افضل من ان يملك المحب حبيبه ويعرف انه مهما ساح بعيد
ورحل ابعد فان ملاذه ونهايته عنده

الحب يا عشاق هو الموت
والحبيب هو قبر العاشق

فاليذهب العاشق حيث شاء فان مرده الى قبره
قلب حبيبه

البوست بتاعك ثوره
او انتفاضه
او انقلاب فى عالم الحب والعشق
ادام الله حبك ورد لك عشقك
تحياتى
‏قال Desert cat
سنووايت
انا فكرت فعلا فى موضوع انى ادير ضهرى لكن وقتها انتابنى شعور بالهزيمة
محتاجة اجرب بس نشوة الانتصار
وبعدها فليكن ما يكون
تحياتى
‏قال Desert cat
حــدوتـــة
ايه ده انت فهمت غلط
الكلام ده كله علشانك
كدا وكدا يعنى علشان اهلك صعايده وبتاع
اوعى تتهور
وبعدين تقطع النت على البلد تتقطع انت وبعدين ازعل اصل مش هيبقى فى عندى لا حدوتة ولا ملتوتة بعد كدا
تحياتى
‏قال Desert cat
قلوب بتغنى
صح اتفق معاكى انهم زى الاطفال محتاجين اللى يحتويهم
لو مرجعش يبقى خد الشر وراح
هههههههههه
نورتينى
‏قال Desert cat
اجندا حمرا
طبعا يا اجندة الكمال لله سبحانة وتعالى
بس فى فرق بين الحب وبين الخنقة
ولما تيجى تعترضى على اللى بيحصل تلاقى حد بيقولك نا كدا وطبعى كدا ولما تبعدى انتى يبعد وحاجات كتييييييييير
تحياتى ليكى يا حبيبتى
‏قال Desert cat
الفارس الملثم
بالفعل مثل ما ذكرت
دائما يحمل لنا الحب التناقضات ولكنا لا نستطيع ان نحيا بدونه فالبحب تحيا القلوب وبالحب تحيا الشعوب
تحياتى
‏قال Desert cat
kaed
ازيك يا دكتور
حمد الله على سلامتك
نورت البلوج
‏قال Desert cat
Heart Beat
حبيبتى اللى دايما بستنى أرائها وتعليقتها
البوست عبارة عن شئ من التحدى مع العتاب وبالفعل كلامك المفروض الطرف الاخر يراجع افعاله ويصلح من أخطائه .. ولكن هل سيفلح ام ان الطبع يغلب التطبع ...
الله اعلى واعلم
محبتى يا احلى هارت
‏قال Desert cat
somaa mahaba
شكرا يا جميل على النصيحة
تحياتى
‏قال Desert cat
Nsreen Bsunee
اعتبر ده وعد
‏قال Desert cat
Foxology
ميرسى اوى على كلامك وتمنياتك
تحياتى
‏قال Desert cat
Foxology
ميرسى اوى على كلامك وتمنياتك
تحياتى
‏قال Desert cat
Abo 7anf
انا متشكرة جدا على كلامك الرقيق
ان شاء اله ربنا يعمل اللى فيه الخير
تحياتى
‏قال Desert cat
arsenalwy
يعنى اسيبنى منه وبعدين انت تيجى تقولى مش اعطلك
لو كدا انا موافقه
‏قال Desert cat
زعيم كمورا مورا
ميرسى يا زعيم على كلامك الجميل
المدونة مدونتك ياباشا رد براحتك
تحياتى
‏قال Desert cat
تــــايه ومش تـــايه
حاضر ختقل عليه لحد ما اطلع روحه
هههههههههههههه
تحياتى
‏قال Desert cat
بحبك يامصر
حلو اوى المرجع اللى استندت عليه ده
هههههههههههه
لاء بجد ساعات الاغانى بتعبر فعلا عن المواقف اللى احنا عايشينها
تحياتى
‏قال Desert cat
momken
يااااه
اد ايه كلامك جميل ومعبر جدا
اشكرك جدا
عميق تحياتى
‏قال Rania Lelah
ان اردت شئيا بشدة فاطلق صراحة يا قطتى
الحب لمن يستحق فقط و غير ذلك اكبتى المك داخل قلبك

تحياتى
‏قال Desert cat
Rania
انتى عارفه يا رانيا الممنوع مرغوب
فما بالك لو كان شعور داخل القلب
عموما ربنا يصلح الاحوال
تحياتى يا جميل
‏قال blackcairorose
من أجمل معانى الحب فى أغانينا القديمة يا قطة وردة وهى تقول

فى يوم ما الدنيا تغدر بك
وايام الهنا تفوتك
وايام الضنى تذلك

تجينى وتفتكر حبى
واشوف الذل فى عيونك
اقول نفسى فدا ذلك
‏قال Desert cat
blackcairorose
اااااااه
جيتى على الجرح
هههههههههه
متشكرة اوى لتعقيبك الجميل
تحياتى
بيتهيأ لى انه فيه اجمد من كده
‏قال Desert cat
مصرى وبدرجة مواطن
زى ايه اتفضل نورنا
‏قال Me, myself, and her
انتهز فرصة تقديم هذا الرابط القادم من مدونتي المتواضعة ، شيئاً بسيطاً أسميه "حملة فردية" مجهود شخصي أقوم به لنشر فيلماً يرد على فيلم "فتنة" الهولندي

أقوم بتوزيعه على كل الداتا لدي ، أرجو منك التفضل بنشره من طرفك أنت أيضاً ، واعتذر عن اقتحام المدونة بهذا الشكل ، لكن الضرورة تحكم ، عموماً أنا أزور مدونتك دائماً وليست هي أول مرة

شكراً لك ولضيوفك الأفاضل

http://dejavupress.blogspot.com/2008/03/blog-post_31.html

المشاركات الشائعة