لك وحـــدك

عندما تبعد .. تخاصم .. تسافر .. عندما تخلو حياتى من صوتك عبر الهاتف .. عندما أفتقدك .. أشعر بغربة وحشية ليس فقط عن من حولى ولا عن مكانى وزمانى وإنما عن نفسى حتى أجدنى أسأل روحى عمن أكون أنا بدونك ؟؟ فلا أجد إجابة سوى مزيد من الغربة والاغتراب حتى أشعر أننى أحتاج إلى عزل نفسى كما يفعلون بالمرضى بمرض معدى حتى لا يفتضح أمرى غيرى .. نظراتى تبحث عنك .. وصوتى ينطق بأسمك ... أعترف أنى فى بعدك أحتاج إلى الحياة فى غرفة إنعاش ... أتداوى فيها من بعدك عنى وغربتى عن نفسى .. أعترف أنى فكرت كثيراً فى بعدى عنك أملاً فى الشفاء أو حتى فى التداوى ولكنى اقولها لك باعلى صوتى لقد فشلت فى مقاومتك بداخلى ... فشلت أن أكون بدونك من الأحياء ... أردت فقط أن أنبهك أن الوقت تأخر كثيراً فهل ستمنحنى حق الحياة .. أم تبعث لى برداء الاموات ؟؟! اصحابى وحبايب قلبى المدونين كل سنة وانتوا جميعا طيبين وبألف خير معلشى هى جت متأخر شوية بس انتوا بنفسكوا شايفين انى كنت بتخانق يعنى مش كنت فاضية بس مش ينفع تعدى اى مناسبة من غير ما اقولكوا كل سنة وانتوا جميعا بالف خير وفى احسنحال دمتم جميعا بكل حب

تعليقات

‏قال همس الاحباب
ممكن احجز يا قطة وارجعh
‏قال د/اجدع بنوته
اول كومينت ياااااارب
‏قال همس الاحباب
جميل قوى يا قطة
وكل سنة وانتى طيبة
وزى الايام دى تكونى فى القفص الذهبى
على الاقل نستريح من الخربشة شوية
اتمنالك السعادة والتوفيق
وربنا يوفقك
على فكرة بتبقى قطة اليفة قوى وانتى رايقة كده
تحياتى خالد
‏قال د/اجدع بنوته
اخصصصصصصص

سبقتنى ياخالد ماشى

كل سنه وانتى بخير وبصحه ياقطه

وكل سنه ومامتك بخير وبصحه وبسلامه
‏قال Unknown
كل سنة وانتى بالف خير يارب
الكلام الى انتى كتباة جميل قوى فعلا احساس قطة بس مش صحراء لا قطة شيرازى او سيامى كلام بجد ولا اروع
تحياتى
‏قال Desert cat
همس الاحباب
مبروك عليك جايزة اول كومنت
‏قال Desert cat
د/اجدع بنوته
هسحب الجايزة من خالد واديهالك ده احنا بنوتات زى بعض لازم نكون من صف بعض
‏قال الساحرة
كل سنه وانتي طيبه
كلام رقيق جدالقطه جميله رقيقه مش بتخربش
ايوة كدة ياحنون دة اللى بقول علية الرقة والنعومة اللى فيكى لازم تظهر ياعم العضلات انتى اجمل مليون مرة من اى خناق واركنى الاسد شوية ع جنب
البوست رائع بجد انا هنقل الكلمات عندى بس مش هبعتها للى بالى بالك كتير علية كل الجمال دة
ربنا يسعدك وتعودى للحياة دون الالام
نحياتى
كل سنة وانتى طيبة انا شايفة انة فالوقت دة السنة اللى فاتت بدأتى مدونتك صح كل سنة وانتى طيبة ياقطقوت
‏قال دينا حامد
الكلام المكتوب رائع
وعجبني جدا
ربنا يملا حياتنا كلنا حب وسعاده
وكل سنه وانتي بالف خير يارب
تحياتي
‏قال عبده الرايق
كل سنه وانتى طيبه ومنوره دايما
واحنا سعداء بيكى يارب
عموما
انا لسه ماجبتش حلاوه المولد
بيقولوا هترخص بعد المولد بكام يوم
وانا مستنى
لكن لو بعتى قد 20 كيلو حلاوه مشكله ابقى سانك يو فرى ماتش
كل سنه وانتى طيبه وبكل خير ودمتى ودام قلمك
‏قال فاتيما
إيه يا قطتى الحاجات الحلوة النواعمى دى و مين دا بقى اللى الكلام الحلو دا كله عليه؟؟
طبعا موش هتقولى ...
بس ربنا يكتبلك فيه نصيب و يكون أحلى نصيب تتمنيه و يختارهولك ربنا
كل سنة و انتى بألف خير و سعادة و هدنة حبيتين من الخناقات
تحياتى يا قطتى الحلوة
أموااا
‏قال Heart Beat
حلو احساسك ده يا قطة

و كل سنة و انتي طيبة و في حب و سعادة وصفاء نفس

و يبعد عنك اللي بالي بالك يارب
‏قال Desert cat
همس الاحباب
عايز تستريح يا خالد
نو واااااى
بتحلم
حتى لو حصل اللى فى بالك انت ناس انى هبقى فاضيه 24 ساعه يعنى الخربشة هتزيد مش هتقل
ههههههه
تحياتى ليك وبوسة كبيرة اوى لهمس
‏قال Desert cat
د/اجدع بنوته
وانتى طيبة يا يا سمين ومامتك وكل الامهات بخير
‏قال Desert cat
ايوية
ميرسى اوى على الكلام الجميل ده يا يويو ميطلعش غير من انسانة رقيقه زيك
كل سنة وانتى بالف خير يا جميلة
‏قال Desert cat
الساحرة
طبعا ولا ارق منك يا ساحرة يا قمرنا
كل سنة وانتى بالف خير
‏قال Desert cat
كلاكيت تانى وتانى
ميرسى يا نرمو
ابعتى له الكلمات يمكن ربنا يهديه
هههههههههه
كل سنة وانتى طيبة يا جميل
‏قال Desert cat
كلاكيت تانى وتانى
اه صح بعد 3 ايام حفلة عيد الميلاد ايدك على الهدية
لو جيتى من غير هدية مش هدخلك المدونة
هههههههههههههه
‏قال Desert cat
دينا حامد
ميرسى اوى لذوقك يا دنيا
ويارب يحقق لك ما تتمنى يا جميله
كل سنة وانتى بالف خير
‏قال Desert cat
عبده الرايق
كل سنة وحضرتك وميس رايق وشيلدرن مستر رايق بخير وبصحة وسعادة
بقولك ايه هو يعنى ايه حلاوة المولد اصلى مش سمعت عنها قبل كدا
ممكن لما تقبض الكادر يبقى تجيب لى معاك
ههههههههههههههههههه
كل سنة وحضرتك بخير
‏قال Desert cat
رئيس جمهوريه نفسى said
كل سنة وانت بالف صحة ياريس وربنا يعينك ويقويك على ما بلاك
كل سنة وانت فى حب وسعادة ان شاء الله
‏قال Desert cat
fatima
حبيبة قلبى ام يوسف
الكلام الحلو ده ليه هو بس اللى حيفهمه
كل سنة وانتى طيبة وبالف خير
‏قال Desert cat
Heart Beat
كل سنة وانتى جميلة واطيب قلب فى الدنيا
وربنا يبعدهم عننا جميعا
اصلهم زى التراب الواحد بيتكعبل فيهم
هههههههههه
كل سنة وانتى طيبة يا حبيبتى
‏قال فرنسا هانم
القطه العسوله حبيبه قلبى
وحشنى كلامك الجميل ده
ورداء الاموات ده مش ليكى
رداء الاموات للناس اللى ماتوا وهما عايشين
اما الناس اللى بتجاهد فى الحياه وبتشق طريقها بعرقها واجتهادها مكانها بين الاحياء
بل فى مقدمتهم
‏قال Desert cat
فرنسا هانم
حبيبة قلبى اللى رافعه معنوياتى
ربنا يخليكى ليا
ويارب اكون يارب اكون دايما عند حسن ظنك
كل سنة وانتى اطيب قلب فى الدنيا
‏قال Empress appy
طالما ليه هو لوحده الكلام انا مش هعلق وخليه ينفعك عاااااااااااا
ومن غير كل سنه وانتى كل حاجه فى حياتى
اقتله الواد ده واخلص منه لازم حد فينا بخبلص على التانى ههههههه
ربنا يهدى يا رب يا نونا
الله عليكى ياقطة ونتى رايقة
والله بتبقى عسل
وربنا ياخد ولاد البتاع الى عكننوا عليكى وعلينا
فى اخر بوستين
ربنا ياخدهم ياشيخة ويرحنا منهم قادر ياكريم



بس ايه الكلام الحلو دة

بجد الله ينور عليكى
واحساسك عالى اوى
وعارفة مع ان البوست يعتبر قصير
بس فيه حاجات كتيرة اوى
وفيه معانى واحاسيس كبيرة اوى
وبالذات الجزء الاخير



وكل سنة ونتى طيبة ياقطة
ويارب ديما تبقى سعيدة ورايقة
‏قال Desert cat
appy
كدا يا ابى
يا حبيبتى انتوا الاتنين غاليين عندى
بس انا هقولك كل سنة وانتى طيبة يا جميلة
‏قال Desert cat
زعيم كمورا مورا
هههههههههه
ميرسى يا زعيم وبلاش والنبى من سيرة البعده دول بدل ما ارجع اقلب عليهم تانى وارجع الدم اللى كان فى البلوج
خلينى كدا احسن
‏قال nigro
أزال المؤلف هذا التعليق.
‏قال Desert cat
nigro
معلشى بقى يا نيجرو انا قولت اخف شوية من برك الدم اللى باب المدونة
انا عامله اللى فى البروفايل ده علشان يخوفهم لما يدخلوا
هههههههه
كل سنة وانت طيب
حمد لله على السلامة
:)
‏قال Desert cat
آلام وآمال
ههههههههههههه
الله يسلمك يا محمود
‏قال موناليزا
وانتى طيبة ياجميل وان شاء الله السنة الجاية ميكونش فيه اى خناقات من اى نوع
‏قال سفروتة
كل سنة وانتي طيبة

وكلماتك جميلة قوووووووي

ويارب ايامنا كلها تبقي سعادة وفرح

:)
‏قال Unknown
كل سنة و انتى طيبة يا بس بس

بالنسبة للكلام العاطتشفى الى فوق ده حرام عليكى أنا اتعصرت انتى قطة مخربشة فى كل حاجة
‏قال Unknown
أه صحيح مبروك على التجديدات الرقيقة دى
‏قال ftafeet
كل سنه وانتى طيبه يا نانا ومامتك طيبه

على فكره بوست جامد اخر حاجه بجد مش ممكن ايه ده يابنتى وجعتيلى قلبى بكلامك ده بجد

يارب تبقى سعيده فى حياتك يانانا
‏قال Rania Lelah
كل سنه و انتى طيبة يا قطة

مودتى
‏قال سنووايت
كل سنة وانتي طيبة يا قطة
‏قال العراف
جميله قوى ياقطه وانت بالف خير وما يبعدك عنا ابدا وما يدل عليه فى هذا الموضوع ان حبك شديد الاخلاص وربنا يديمه عليكى ويوفقك يارب
‏قال الربان
تحياتي

ايه....يا بخته بكل هذا الوله....ربنا
يوفقكما الي ما يحب و يرضي...

و كل سنة و حضرتك بالف خير و سعادة
علي فكرة الزواج ليس بقفص ذهبي...لكنه
في نظري فضاء فسيح يسبح فيه الزوجان
باجنحة المحبة و المودة.....هذا في نظري
و الله اعلم.......

تحياتي و تمنياتي بالتوفيق...
‏قال غير معرف…
وانت بالف صحة وسلامة يارب ..

وقبلها .. أن يجعل الله ايامك كلها سعادة وبهجة

احيانا مانعانى فتورا على نحو ما يجعل الحياة كلها بلا الوان

لكن سريعا ماتزهر ثانية .. وتعود اليك ابتسامتك
‏قال غير معرف…
تسلم ايدك يا حبيبى
كل سنة وانتى اجمل زهرة فى بستان حياتى
************
واسمحى لى استغل توقيعك ليا فى مدونتك

سأموت حتى تعود
‏قال Desert cat
سفروتة
ميرسى يا سفروتة
كل سنة وانتى بالف خير يا جميلة
‏قال Desert cat
ftafeet
وانتى طيبة يا نونا
وحشتينى جدا على فكرة انتى فين بقالك كام يوم
وسلامة قلبك يا قلبى
‏قال Desert cat
العراف
ميرسى اوى يا عراف
كل سنة وانت طيب
‏قال Desert cat
Sherif
كل سنة وانت كمان بالف خير يا شريف ويجعل ايامك انت كمان كلها سعادة
‏قال Desert cat
Anonymous
ده ايه الهنا والرضا اللى انا فيهم دول
حبيبى ربنا يخليك ليا
بس انت فتحت الكومنتات انونيمس وضفت رد كنت اقفلها تانى فى ايدك وانت خارج .... مش مهم المهم انك هنا
وبعدين انت بتستغل توقيعى ليك ليه ... كدا تحرق التوقيع والناس كلها توقع بيه
المهم يا حبيبى كل سنة وانت احن قلب فى الدنيا
خد لى بالك عليك
‏قال Desert cat
monaliza
كل سنة وانتى بخير يا موناليزا
وربنا يبعد عنى اللى بيجوا يجروا فى خناقى علشان ابطل مشاكل
هههههههههه
‏قال Desert cat
عاليا حليم
يا حبيبة قلبى سلامتك من اى عصر
كل سنة وانتى ارق بنوتة فى الدنيا
‏قال Desert cat
عاليا حليم
الله يبارك لى فيكى يا لولو ده انا لسه بتعلم
‏قال Desert cat
Rania
وانتى طيبة يا رانيا
‏قال Desert cat
سنووايت
وانتى طيبة يا جميلة
‏قال Desert cat
الربان
استاذى الغالى
طبعا وجهة نظر حضرتك صحيحة جدا فالزواج هو التاج المكلل لقصة الحب التى لا تنتهى وبالتالى عمره ما كان قفص حتى لو من الذهب فدائما المحبين عش العصفورة يقضيهم لان الكون كله بيكون ملكهم
كل سنة وحضرتك بالف خير وسعادة
احترامى وتقديرى
‏قال basma saghir
ياسيدي..ياسيدي

ربنا يسعدك دايما ويحققلك كل الي بتتمنيه
‏قال Desert cat
بيسوو
ربنا يحقق لنا جميعا كل ما نتمنى
كل سنة و انت طيبة
للمولد النبوي و عيد الام و المدونة


تحياتي
‏قال Desert cat
اسكندراني في الغربة
وحضرتك طيب وبالف خير
‏قال Asmaa mahaba
يا سلااااااااااام يا ست قطه
ايه الجمال دا مكانش لايق عليكى الخناقات خالص
بعدك أحتاج إلى الحياة فى غرفة إنعاش
دى احسن حته عجبتنى فى اللى كتبتيه
ربنا لا يرجعها خناقه تانى ويا ريت نتعود على الاختلاف دائما فاذا اتفق الجميع ذلك يعنى ان شىء خاطىء يحدث
تحياتى ليكى على كلماتك
سومه_87
‏قال بحبك يامصر
كل سنه وانتى طيبه ياقطه
‏قال Unknown
أذا كنت من عشاق الحاضر الغائب العندليب الأسمر تقبل دعوتى لحضور ( ليلة عبد الحليم حافظ ) حفل موسيقى على انغام العود يوم الأحد 30 مارس قاعة الحكمة بساقية الصاوى ( أسفل كوبرى 26 يوليو الزمالك ) أحياءا لذكرى رحيل فنان حفر بحنجرته حكاية شعب - سعر التذكرة 20 جنيه و للأعضاء 15
‏قال Unknown
بقولك أيه عبد الحليم قالى خلى القطة تجيب معاها فى حفلتى صاحب تعليق ( أنيموس )

محضرلكم أغنية قال .. هو الى بيقول

عين بتغمز
ايوة كدة الوش الناعم ده فين من زمان
الواحد مبيشوفكيش غير يا بتتخنقى يا بتضربى يا بتخربشى
حبة روقان كده عشان ربنا يكرمك
انا كده هبدأ فى التجهيز لمشروعنا من دلوقت قبل ما ترجعى للوش الجبس تانى
لو تثبتى على كدة كام يوم يبقى تمام اوى
سلالالالالالالالالالالالالام
‏قال شهرزاد
اسم المدونة والبوست أعجبني كثيرا
كل عام وأنتي بألف خير
نورتي مدونتي
‏قال oceaneyes
رائع

رائع بجد يا نانا

ماشاء الله عليكى بجد

ربنا يحميكى يارب يا بنتى
..بس بجد احساسك حلو ومؤثر

بس طالما كدة ..ما كتبتيش ليه من زمان بالشكل ده ؟؟؟


وحشتينى اوى


تحياتى


:)
‏قال صالح سعيد
كل سنه وانتى طيبه يا قطه
‏قال OldCatLady
كل سنة و أنتى بألف خير

اسمحيلى أقولك انى قعدت اقرا عندك هنا لحد ما دماغى لفت...كنت بعوض بقا بقالى كتييييير أوى مدخلتش عندك
معجبة جدا بموقفك من الاخوان المتأسلمين جاتهم ستين...اراءك و أسلوبك سلسين جدا و مريحين للأعصاب مش حاسة فى كلامك بأى نوع من اللف و الدوران

البوست ده رائع
مدونتك مميزة جدا
لك منى خالص تحياتى
دمت بكل ود...:)
‏قال yasmin al-ashry
اييييييييييه ده ؟؟
بجد مش من السهل اني اعجب بكتابات حد .. خاصة وان كانت فتاه ..
وبجد بجد .. انت اول بنت تنال كتاباتها اعجابي .. أحييكي على روعة السرد .. والفنية في اختيار الكلمات ..

مواضيعك ممتازة .. وآراءك .. لا بد لها من مستمع !!
دام قلمك مدوناً .. وأرجو أن يتم بيننا لقاء ..
دمتي .. قطة شقية ..

ملحوظة : مكنتش اعرف ان قطة الصحراء .. لسانها طويل ههههههههههه
‏قال yasmin al-ashry
بجد بجد .. مش من السهل ان تنال كتابات احد اعجابي .. خاصة ولو كانت فتاه

بجد اول فتاة تحوز على اعجابي المطلق بكتاباتها .. ولكن .. لن تسلمي من النقد الذي في الغالب يكون بناء

احييكي على روعة السرد .. والفنية في اختيار الكلمات ..
دمتي .. قطة شقية

ملحوظة : مكنتش اعرف ان قطة الصحراء .. لسانها طويل .. هههههههه

اتمنى .. لقاءنا قريبا .. ويسرني زيارتك لمدونتي .. أنتظرك .

تحياتي ..يا صاحبة القلم الجريء
‏قال ka2en Makboot
السلام عليكم

أردت فقط أن أنبهك أن الوقت تأخر كثيراً فهل ستمنحنى حق الحياة .. أم تبعث لى برداء الاموات ؟؟!

لا ان شاء الله هيجيلك ومعاه اكسير الحياة وتبطلى خربشة وترجعى قطة سيامى مش صحراوى :)

كل سنه وانِ بكل حب وخير وسعادة .

تحيـــاتى
‏قال Unknown
السلام عليكم ورحمة الله وبركاته
**desert cat**
الحقيقه شفت اسمك كتير بس دى اول مره ادخل المدونة......بسم الله ماشاء الله
ايه ده
تتاتش وووود
74 كومنت ياخراششششششى
ده يوم ما اتعمل عندى22 كومنت ماكنت مصدقة نفسى من الفرحه
(عذرى انى مبتدئة من فبراير2008 يعنى فى الطب بنسمهم
neonatal
اى حديثى الولادة
وان شاء الله لما نطلع من الحضانه حنكون احسن واحسن
سعدت بتشريفك لىّ وكتابة التعليق كماسعدت بالحضور الى هنا (علشان افوق لنفسى واعرف انا ايه بالضبط فى عالم التدوين)
وتقبلى تحياتى
norahaty
كلمة اخيرة احسان عبد القدوس كان له قصة قصيرة "على ما اعتقد"اسمها القط اصله اسد ...عكس الناس كلها ماهى فاهمةولو عايزة تعرفيها حصلينى على المدونة .
‏قال انين الحزن
كل سنه وانتي طيبه ياقتطي

معلش انا كمان جت متاخر النت كان فاصل عندي

بس ايه الروقان والمزاج العالي ده
اكيد واخده شوب لبن ع الصبح

سلامووووووووز ياقطتي
‏قال انين الحزن
قطه

انا نسيت اقولك حلو التعديلات دي

والقطه الجامده الا في المقدمه دي
‏قال yasmin al-ashry
يا قطة يا لوسمحتي ..

كنت كتبت تعليق على " غير مرغوب فيكو " ياريت توضحيلي بعد اذذنك الاستفسار الي فيه ..

وياستي ميرسي بجد على زيارتك لمدونتي
كل سنة وانتي طيبة , ,استرحيلك شوية من الخناقات اليومين دول ..

اه احساسك في الكتابة عالي بجد وكلمات رقيقة وعذبة اللي كتبتيها في اول البوست ..

تقبلي مروري
‏قال wael
اللــــــــــــــــه
كلام رقيق وناعم وعذب جدا
‏قال غير معرف…
أنت فين ياقطة,شاركونا الحملة ضد الهجوم الأسود ضد خوارج العصر الحديث

أنت عارفنى وأنا عارفك
‏قال Desert cat
somaa
ميرسى يا سومه ويارب دايما معجبة بكتاباتى
تحياتى
‏قال Desert cat
بحبك يامصر
وانت طيب
‏قال Desert cat
عاليا حليم
ان شاء الله الحفلة تتم زى ما انتى عايزة ويارب ايامك كلها تبقى سعيدة
‏قال Desert cat
عاليا حليم
يا سلام بس كدا قولى لعبدالحليم عونيا الاربعة طالما فى اغنية بس هو مافيش جاتوه ولا ايه معلشى اصلى بجوع بسرعه
‏قال Desert cat
حــدوتـــة
ما هو انا لما لاقيتك حتهرب قولت مبدهاش
عريس يا بوى طخه بس ما تموتهش يا بوووووى
روحت راجعه للوش الناعم
‏قال Desert cat
شهرزاد
وانتى طيبة وبخير
‏قال Desert cat
oceaneyes
انا مكتبتش من زمان ما انا كنت بتخانق يا حبيبى بس لما فضيت كتبت
ههههههههه
ميرسى لزوقك يا حبيبتى
نتى كمان وحشتينى
‏قال Desert cat
صالح سعيد
وانت طيب
‏قال Desert cat
Saydalanya Mat7oona
ميرسى على زوقك وكلامك الرقيق ده انتى صيدلانية رقيقة مش مطحونة
ربنا معاكى ويوفقك يا جميلة
‏قال Desert cat
yasmin al-ashry
ميرسى يا سمينا شرفتينة يا جميل بردك الرائع
ويارب دايما منورانى
القطة لسانها طويل مش فى الصحراء بقى
ههههههههههه
محبتى
‏قال Desert cat
كائن مائي
ان شاء الله يتحقق اللى بتقوليه
بس انا عايزة ابقى شيرازى مش سيامى
هههههههه
شرفتينى يا جميل
تحياتى
‏قال Desert cat
norahaty
يا حبيبة قلبى بكره
ان شاء الله تبقى مدونتك فيها بالالف رد
ميرسى يا جميلة
وانا جايه وراكى حالا
‏قال غير معرف…
العزيزه قطه الصحراء

كل سنه و انتي طيبه و بعوده الأيام و يارب دايما كل ايامك تكون مليانه فرحه و حب و سعاده
و علي فكره اللوك الجديد يجنن و الأغنيه لذيذه

كل الحب و السعاده بتمناهوملك ياقمر
:))
‏قال Desert cat
انين الحزن
وانتى طيبة يا جميل
ولا يهمك متاخر ولا بدرى المهم انك جيتى
محبتى
‏قال Desert cat
yasmin al-ashry
موصلنيش يا حبيبتى التعليق والله
يمكن راح مع الوبا
ابعتيه تانى وانا تحت امرك
تحياتى
‏قال Desert cat
الفارس الملثم
اه ما انا قولت كدا اسيب الخناقات حلوين او يومين تلاته وبعدين نرجع نتخانق تانى عادى يعنى
ميرسى على ذوقك
تحياتى
‏قال Desert cat
wael
ميرسى يا وائل
تحياتى
‏قال Desert cat
Anonymous
انا موجودة
وجاية حالا اشوف ايه الهجوم اللى عندك ده
يالهووووووووى
هجوم وانا قاعده ساكته لا مش ينفع خالص انا جاية حالا
‏قال Abo 7anf
دى اول زياره ليا
وكويس انها فى مناسبه حلوه
كل سنه وانتى طيبه وان كانت متاخره
بس مكنتش اعرف
وبصراخه الموضوع حلو قوى
وتانى مره كل سنه وانتى طيبه
العزيزه قطه الصحراء
اولا كل سنه وانتى طيبه بمناسبه اول سنه للبلوج بتاعك ويارب عقبال 100 سنه والبلوج وصحبته منورين سماء التدوين
ثانيا مبروك النيولوك هو حلو بس مش حكدب عليكى القديم كان اروع
‏قال Desert cat
اجندا حمرا
وانتى طيبة يا جميلة وطبعا يا قلبى انتى شايفه النيو لوك حلو علشان انتى عنيكى حلوة وبتشوف كل حاجه حلوة
‏قال Desert cat
Abo 7anf
وانت طيب
وشرفتنى بزيارتك
‏قال Desert cat
رئيس جمهوريه نفسى
وانت طيب ياريس
بالنسبة للنيولوك مش تقول كدا احسن ابى تزعل
هههههههههههه
شرفتنى يا ريسنا
‏قال yasmin al-ashry
التعليق او السؤال هو التالي

انتي بتقولي للاخ " الاخوانجي " انك جبان عشانه مش كاتب اسمه الحقيقي في المدونة بتعته ؟؟!! طيب ..
هوا انتي فين اسمك يا قطة .. ده اولا .. يمكن انا مش شايفاه مثلا ؟؟

ثانيا : انتي ايه السر في انك متعلنيش اي تعليق الا بموافقتك ؟؟ دي ديمقراطية !!

ارجو الرد
تحياتي
‏قال Desert cat
yasmin al-ashry
فين اسمى ؟؟؟
الا هو حضرتك دلوقتى بتكتبى الرد فى الشارع وعى على حيطة الجيران
.........
ثم انى اقفل التعليقات او افتحها فدى مدونتى وانا حرة فيها ... زى بيتى كدا افتح الشبابيك اقفلها ... اغير لون الحيطان الزق ورق حيط مثلا من عدمة حاجه تخصنى لوحدى ... يبقى المفروض انا لما الباب يخبط اختار ادخل مين ومين اللى ميستاهلش الدخول هنا المحترم على عينى وراسى من فوق وقليل الادب يبقى اقرب مكان ليه مسلة المحذوفات .. لأن الناس المحترمة المهذبة اللى بيتجى هنا مش ليهم ذنب يطلعوا على حقارة حد تانى ... عدم الديمقراطية بقى فى سؤالك ده لان انتى كدا اقحمتى نفسك فى حاجتى الشخصية
‏قال yasmin al-ashry
على فكرة يا انستي المحترمة

أعتقد اني سألت السؤال بصيغة محترمة .. وكان الغرض من سؤالي هو طلب التوضيح

حضرتك ردك .. بصراحة جاف زيادة عن اللزوم ...

سؤالي اعتقد انه واضح .. اسمك فين ؟؟ .. وردك لم يوصلني لأيه اجابة
عموما دي حريتك الشخصية فعلا زي مانتي قلتي ..
بس .. اسمحيلي .. مش انا الي يترد عليا الرد ده ...
شكلك هتخسري كتير ..
تحياتي

المشاركات الشائعة