لك وحـــدك

عندما تبعد .. تخاصم .. تسافر .. عندما تخلو حياتى من صوتك عبر الهاتف .. عندما أفتقدك .. أشعر بغربة وحشية ليس فقط عن من حولى ولا عن مكانى وزمانى وإنما عن نفسى حتى أجدنى أسأل روحى عمن أكون أنا بدونك ؟؟ فلا أجد إجابة سوى مزيد من الغربة والاغتراب حتى أشعر أننى أحتاج إلى عزل نفسى كما يفعلون بالمرضى بمرض معدى حتى لا يفتضح أمرى غيرى .. نظراتى تبحث عنك .. وصوتى ينطق بأسمك ... أعترف أنى فى بعدك أحتاج إلى الحياة فى غرفة إنعاش ... أتداوى فيها من بعدك عنى وغربتى عن نفسى .. أعترف أنى فكرت كثيراً فى بعدى عنك أملاً فى الشفاء أو حتى فى التداوى ولكنى اقولها لك باعلى صوتى لقد فشلت فى مقاومتك بداخلى ... فشلت أن أكون بدونك من الأحياء ... أردت فقط أن أنبهك أن الوقت تأخر كثيراً فهل ستمنحنى حق الحياة .. أم تبعث لى برداء الاموات ؟؟! اصحابى وحبايب قلبى المدونين كل سنة وانتوا جميعا طيبين وبألف خير معلشى هى جت متأخر شوية بس انتوا بنفسكوا شايفين انى كنت بتخانق يعنى مش كنت فاضية بس مش ينفع تعدى اى مناسبة من غير ما اقولكوا كل سنة وانتوا جميعا بالف خير وفى احسنحال دمتم جميعا بكل حب

Comments

ممكن احجز يا قطة وارجعh
اول كومينت ياااااارب
جميل قوى يا قطة
وكل سنة وانتى طيبة
وزى الايام دى تكونى فى القفص الذهبى
على الاقل نستريح من الخربشة شوية
اتمنالك السعادة والتوفيق
وربنا يوفقك
على فكرة بتبقى قطة اليفة قوى وانتى رايقة كده
تحياتى خالد
اخصصصصصصص

سبقتنى ياخالد ماشى

كل سنه وانتى بخير وبصحه ياقطه

وكل سنه ومامتك بخير وبصحه وبسلامه
ايوية said…
كل سنة وانتى بالف خير يارب
الكلام الى انتى كتباة جميل قوى فعلا احساس قطة بس مش صحراء لا قطة شيرازى او سيامى كلام بجد ولا اروع
تحياتى
Desert cat said…
همس الاحباب
مبروك عليك جايزة اول كومنت
Desert cat said…
د/اجدع بنوته
هسحب الجايزة من خالد واديهالك ده احنا بنوتات زى بعض لازم نكون من صف بعض
الساحرة said…
كل سنه وانتي طيبه
كلام رقيق جدالقطه جميله رقيقه مش بتخربش
ايوة كدة ياحنون دة اللى بقول علية الرقة والنعومة اللى فيكى لازم تظهر ياعم العضلات انتى اجمل مليون مرة من اى خناق واركنى الاسد شوية ع جنب
البوست رائع بجد انا هنقل الكلمات عندى بس مش هبعتها للى بالى بالك كتير علية كل الجمال دة
ربنا يسعدك وتعودى للحياة دون الالام
نحياتى
كل سنة وانتى طيبة انا شايفة انة فالوقت دة السنة اللى فاتت بدأتى مدونتك صح كل سنة وانتى طيبة ياقطقوت
الكلام المكتوب رائع
وعجبني جدا
ربنا يملا حياتنا كلنا حب وسعاده
وكل سنه وانتي بالف خير يارب
تحياتي
كل سنه وانتى طيبه ومنوره دايما
واحنا سعداء بيكى يارب
عموما
انا لسه ماجبتش حلاوه المولد
بيقولوا هترخص بعد المولد بكام يوم
وانا مستنى
لكن لو بعتى قد 20 كيلو حلاوه مشكله ابقى سانك يو فرى ماتش
كل سنه وانتى طيبه وبكل خير ودمتى ودام قلمك
fatima said…
إيه يا قطتى الحاجات الحلوة النواعمى دى و مين دا بقى اللى الكلام الحلو دا كله عليه؟؟
طبعا موش هتقولى ...
بس ربنا يكتبلك فيه نصيب و يكون أحلى نصيب تتمنيه و يختارهولك ربنا
كل سنة و انتى بألف خير و سعادة و هدنة حبيتين من الخناقات
تحياتى يا قطتى الحلوة
أموااا
Heart Beat said…
حلو احساسك ده يا قطة

و كل سنة و انتي طيبة و في حب و سعادة وصفاء نفس

و يبعد عنك اللي بالي بالك يارب
Desert cat said…
همس الاحباب
عايز تستريح يا خالد
نو واااااى
بتحلم
حتى لو حصل اللى فى بالك انت ناس انى هبقى فاضيه 24 ساعه يعنى الخربشة هتزيد مش هتقل
ههههههه
تحياتى ليك وبوسة كبيرة اوى لهمس
Desert cat said…
د/اجدع بنوته
وانتى طيبة يا يا سمين ومامتك وكل الامهات بخير
Desert cat said…
ايوية
ميرسى اوى على الكلام الجميل ده يا يويو ميطلعش غير من انسانة رقيقه زيك
كل سنة وانتى بالف خير يا جميلة
Desert cat said…
الساحرة
طبعا ولا ارق منك يا ساحرة يا قمرنا
كل سنة وانتى بالف خير
Desert cat said…
كلاكيت تانى وتانى
ميرسى يا نرمو
ابعتى له الكلمات يمكن ربنا يهديه
هههههههههه
كل سنة وانتى طيبة يا جميل
Desert cat said…
كلاكيت تانى وتانى
اه صح بعد 3 ايام حفلة عيد الميلاد ايدك على الهدية
لو جيتى من غير هدية مش هدخلك المدونة
هههههههههههههه
Desert cat said…
دينا حامد
ميرسى اوى لذوقك يا دنيا
ويارب يحقق لك ما تتمنى يا جميله
كل سنة وانتى بالف خير
Desert cat said…
عبده الرايق
كل سنة وحضرتك وميس رايق وشيلدرن مستر رايق بخير وبصحة وسعادة
بقولك ايه هو يعنى ايه حلاوة المولد اصلى مش سمعت عنها قبل كدا
ممكن لما تقبض الكادر يبقى تجيب لى معاك
ههههههههههههههههههه
كل سنة وحضرتك بخير
Desert cat said…
رئيس جمهوريه نفسى said
كل سنة وانت بالف صحة ياريس وربنا يعينك ويقويك على ما بلاك
كل سنة وانت فى حب وسعادة ان شاء الله
Desert cat said…
fatima
حبيبة قلبى ام يوسف
الكلام الحلو ده ليه هو بس اللى حيفهمه
كل سنة وانتى طيبة وبالف خير
Desert cat said…
Heart Beat
كل سنة وانتى جميلة واطيب قلب فى الدنيا
وربنا يبعدهم عننا جميعا
اصلهم زى التراب الواحد بيتكعبل فيهم
هههههههههه
كل سنة وانتى طيبة يا حبيبتى
القطه العسوله حبيبه قلبى
وحشنى كلامك الجميل ده
ورداء الاموات ده مش ليكى
رداء الاموات للناس اللى ماتوا وهما عايشين
اما الناس اللى بتجاهد فى الحياه وبتشق طريقها بعرقها واجتهادها مكانها بين الاحياء
بل فى مقدمتهم
Desert cat said…
فرنسا هانم
حبيبة قلبى اللى رافعه معنوياتى
ربنا يخليكى ليا
ويارب اكون يارب اكون دايما عند حسن ظنك
كل سنة وانتى اطيب قلب فى الدنيا
appy said…
طالما ليه هو لوحده الكلام انا مش هعلق وخليه ينفعك عاااااااااااا
ومن غير كل سنه وانتى كل حاجه فى حياتى
اقتله الواد ده واخلص منه لازم حد فينا بخبلص على التانى ههههههه
ربنا يهدى يا رب يا نونا
الله عليكى ياقطة ونتى رايقة
والله بتبقى عسل
وربنا ياخد ولاد البتاع الى عكننوا عليكى وعلينا
فى اخر بوستين
ربنا ياخدهم ياشيخة ويرحنا منهم قادر ياكريم



بس ايه الكلام الحلو دة

بجد الله ينور عليكى
واحساسك عالى اوى
وعارفة مع ان البوست يعتبر قصير
بس فيه حاجات كتيرة اوى
وفيه معانى واحاسيس كبيرة اوى
وبالذات الجزء الاخير



وكل سنة ونتى طيبة ياقطة
ويارب ديما تبقى سعيدة ورايقة
Desert cat said…
appy
كدا يا ابى
يا حبيبتى انتوا الاتنين غاليين عندى
بس انا هقولك كل سنة وانتى طيبة يا جميلة
Desert cat said…
زعيم كمورا مورا
هههههههههه
ميرسى يا زعيم وبلاش والنبى من سيرة البعده دول بدل ما ارجع اقلب عليهم تانى وارجع الدم اللى كان فى البلوج
خلينى كدا احسن
nigro said…
This comment has been removed by the author.
Desert cat said…
nigro
معلشى بقى يا نيجرو انا قولت اخف شوية من برك الدم اللى باب المدونة
انا عامله اللى فى البروفايل ده علشان يخوفهم لما يدخلوا
هههههههه
كل سنة وانت طيب
حمد لله على السلامة
:)
Desert cat said…
آلام وآمال
ههههههههههههه
الله يسلمك يا محمود
monaliza said…
وانتى طيبة ياجميل وان شاء الله السنة الجاية ميكونش فيه اى خناقات من اى نوع
سفروتة said…
كل سنة وانتي طيبة

وكلماتك جميلة قوووووووي

ويارب ايامنا كلها تبقي سعادة وفرح

:)
كل سنة و انتى طيبة يا بس بس

بالنسبة للكلام العاطتشفى الى فوق ده حرام عليكى أنا اتعصرت انتى قطة مخربشة فى كل حاجة
أه صحيح مبروك على التجديدات الرقيقة دى
ftafeet said…
كل سنه وانتى طيبه يا نانا ومامتك طيبه

على فكره بوست جامد اخر حاجه بجد مش ممكن ايه ده يابنتى وجعتيلى قلبى بكلامك ده بجد

يارب تبقى سعيده فى حياتك يانانا
Rania said…
كل سنه و انتى طيبة يا قطة

مودتى
سنووايت said…
كل سنة وانتي طيبة يا قطة
العراف said…
جميله قوى ياقطه وانت بالف خير وما يبعدك عنا ابدا وما يدل عليه فى هذا الموضوع ان حبك شديد الاخلاص وربنا يديمه عليكى ويوفقك يارب
الربان said…
تحياتي

ايه....يا بخته بكل هذا الوله....ربنا
يوفقكما الي ما يحب و يرضي...

و كل سنة و حضرتك بالف خير و سعادة
علي فكرة الزواج ليس بقفص ذهبي...لكنه
في نظري فضاء فسيح يسبح فيه الزوجان
باجنحة المحبة و المودة.....هذا في نظري
و الله اعلم.......

تحياتي و تمنياتي بالتوفيق...
Sherif said…
وانت بالف صحة وسلامة يارب ..

وقبلها .. أن يجعل الله ايامك كلها سعادة وبهجة

احيانا مانعانى فتورا على نحو ما يجعل الحياة كلها بلا الوان

لكن سريعا ماتزهر ثانية .. وتعود اليك ابتسامتك
Anonymous said…
تسلم ايدك يا حبيبى
كل سنة وانتى اجمل زهرة فى بستان حياتى
************
واسمحى لى استغل توقيعك ليا فى مدونتك

سأموت حتى تعود
Desert cat said…
سفروتة
ميرسى يا سفروتة
كل سنة وانتى بالف خير يا جميلة
Desert cat said…
ftafeet
وانتى طيبة يا نونا
وحشتينى جدا على فكرة انتى فين بقالك كام يوم
وسلامة قلبك يا قلبى
Desert cat said…
العراف
ميرسى اوى يا عراف
كل سنة وانت طيب
Desert cat said…
Sherif
كل سنة وانت كمان بالف خير يا شريف ويجعل ايامك انت كمان كلها سعادة
Desert cat said…
Anonymous
ده ايه الهنا والرضا اللى انا فيهم دول
حبيبى ربنا يخليك ليا
بس انت فتحت الكومنتات انونيمس وضفت رد كنت اقفلها تانى فى ايدك وانت خارج .... مش مهم المهم انك هنا
وبعدين انت بتستغل توقيعى ليك ليه ... كدا تحرق التوقيع والناس كلها توقع بيه
المهم يا حبيبى كل سنة وانت احن قلب فى الدنيا
خد لى بالك عليك
Desert cat said…
monaliza
كل سنة وانتى بخير يا موناليزا
وربنا يبعد عنى اللى بيجوا يجروا فى خناقى علشان ابطل مشاكل
هههههههههه
Desert cat said…
عاليا حليم
يا حبيبة قلبى سلامتك من اى عصر
كل سنة وانتى ارق بنوتة فى الدنيا
Desert cat said…
عاليا حليم
الله يبارك لى فيكى يا لولو ده انا لسه بتعلم
Desert cat said…
Rania
وانتى طيبة يا رانيا
Desert cat said…
سنووايت
وانتى طيبة يا جميلة
Desert cat said…
الربان
استاذى الغالى
طبعا وجهة نظر حضرتك صحيحة جدا فالزواج هو التاج المكلل لقصة الحب التى لا تنتهى وبالتالى عمره ما كان قفص حتى لو من الذهب فدائما المحبين عش العصفورة يقضيهم لان الكون كله بيكون ملكهم
كل سنة وحضرتك بالف خير وسعادة
احترامى وتقديرى
بيسوو said…
ياسيدي..ياسيدي

ربنا يسعدك دايما ويحققلك كل الي بتتمنيه
Desert cat said…
بيسوو
ربنا يحقق لنا جميعا كل ما نتمنى
كل سنة و انت طيبة
للمولد النبوي و عيد الام و المدونة


تحياتي
Desert cat said…
اسكندراني في الغربة
وحضرتك طيب وبالف خير
somaa said…
يا سلااااااااااام يا ست قطه
ايه الجمال دا مكانش لايق عليكى الخناقات خالص
بعدك أحتاج إلى الحياة فى غرفة إنعاش
دى احسن حته عجبتنى فى اللى كتبتيه
ربنا لا يرجعها خناقه تانى ويا ريت نتعود على الاختلاف دائما فاذا اتفق الجميع ذلك يعنى ان شىء خاطىء يحدث
تحياتى ليكى على كلماتك
سومه_87
كل سنه وانتى طيبه ياقطه
أذا كنت من عشاق الحاضر الغائب العندليب الأسمر تقبل دعوتى لحضور ( ليلة عبد الحليم حافظ ) حفل موسيقى على انغام العود يوم الأحد 30 مارس قاعة الحكمة بساقية الصاوى ( أسفل كوبرى 26 يوليو الزمالك ) أحياءا لذكرى رحيل فنان حفر بحنجرته حكاية شعب - سعر التذكرة 20 جنيه و للأعضاء 15
بقولك أيه عبد الحليم قالى خلى القطة تجيب معاها فى حفلتى صاحب تعليق ( أنيموس )

محضرلكم أغنية قال .. هو الى بيقول

عين بتغمز
ايوة كدة الوش الناعم ده فين من زمان
الواحد مبيشوفكيش غير يا بتتخنقى يا بتضربى يا بتخربشى
حبة روقان كده عشان ربنا يكرمك
انا كده هبدأ فى التجهيز لمشروعنا من دلوقت قبل ما ترجعى للوش الجبس تانى
لو تثبتى على كدة كام يوم يبقى تمام اوى
سلالالالالالالالالالالالالام
شهرزاد said…
اسم المدونة والبوست أعجبني كثيرا
كل عام وأنتي بألف خير
نورتي مدونتي
oceaneyes said…
رائع

رائع بجد يا نانا

ماشاء الله عليكى بجد

ربنا يحميكى يارب يا بنتى
..بس بجد احساسك حلو ومؤثر

بس طالما كدة ..ما كتبتيش ليه من زمان بالشكل ده ؟؟؟


وحشتينى اوى


تحياتى


:)
كل سنه وانتى طيبه يا قطه
كل سنة و أنتى بألف خير

اسمحيلى أقولك انى قعدت اقرا عندك هنا لحد ما دماغى لفت...كنت بعوض بقا بقالى كتييييير أوى مدخلتش عندك
معجبة جدا بموقفك من الاخوان المتأسلمين جاتهم ستين...اراءك و أسلوبك سلسين جدا و مريحين للأعصاب مش حاسة فى كلامك بأى نوع من اللف و الدوران

البوست ده رائع
مدونتك مميزة جدا
لك منى خالص تحياتى
دمت بكل ود...:)
yasmin al-ashry said…
اييييييييييه ده ؟؟
بجد مش من السهل اني اعجب بكتابات حد .. خاصة وان كانت فتاه ..
وبجد بجد .. انت اول بنت تنال كتاباتها اعجابي .. أحييكي على روعة السرد .. والفنية في اختيار الكلمات ..

مواضيعك ممتازة .. وآراءك .. لا بد لها من مستمع !!
دام قلمك مدوناً .. وأرجو أن يتم بيننا لقاء ..
دمتي .. قطة شقية ..

ملحوظة : مكنتش اعرف ان قطة الصحراء .. لسانها طويل ههههههههههه
yasmin al-ashry said…
بجد بجد .. مش من السهل ان تنال كتابات احد اعجابي .. خاصة ولو كانت فتاه

بجد اول فتاة تحوز على اعجابي المطلق بكتاباتها .. ولكن .. لن تسلمي من النقد الذي في الغالب يكون بناء

احييكي على روعة السرد .. والفنية في اختيار الكلمات ..
دمتي .. قطة شقية

ملحوظة : مكنتش اعرف ان قطة الصحراء .. لسانها طويل .. هههههههه

اتمنى .. لقاءنا قريبا .. ويسرني زيارتك لمدونتي .. أنتظرك .

تحياتي ..يا صاحبة القلم الجريء
السلام عليكم

أردت فقط أن أنبهك أن الوقت تأخر كثيراً فهل ستمنحنى حق الحياة .. أم تبعث لى برداء الاموات ؟؟!

لا ان شاء الله هيجيلك ومعاه اكسير الحياة وتبطلى خربشة وترجعى قطة سيامى مش صحراوى :)

كل سنه وانِ بكل حب وخير وسعادة .

تحيـــاتى
norahaty said…
السلام عليكم ورحمة الله وبركاته
**desert cat**
الحقيقه شفت اسمك كتير بس دى اول مره ادخل المدونة......بسم الله ماشاء الله
ايه ده
تتاتش وووود
74 كومنت ياخراششششششى
ده يوم ما اتعمل عندى22 كومنت ماكنت مصدقة نفسى من الفرحه
(عذرى انى مبتدئة من فبراير2008 يعنى فى الطب بنسمهم
neonatal
اى حديثى الولادة
وان شاء الله لما نطلع من الحضانه حنكون احسن واحسن
سعدت بتشريفك لىّ وكتابة التعليق كماسعدت بالحضور الى هنا (علشان افوق لنفسى واعرف انا ايه بالضبط فى عالم التدوين)
وتقبلى تحياتى
norahaty
كلمة اخيرة احسان عبد القدوس كان له قصة قصيرة "على ما اعتقد"اسمها القط اصله اسد ...عكس الناس كلها ماهى فاهمةولو عايزة تعرفيها حصلينى على المدونة .
كل سنه وانتي طيبه ياقتطي

معلش انا كمان جت متاخر النت كان فاصل عندي

بس ايه الروقان والمزاج العالي ده
اكيد واخده شوب لبن ع الصبح

سلامووووووووز ياقطتي
قطه

انا نسيت اقولك حلو التعديلات دي

والقطه الجامده الا في المقدمه دي
yasmin al-ashry said…
يا قطة يا لوسمحتي ..

كنت كتبت تعليق على " غير مرغوب فيكو " ياريت توضحيلي بعد اذذنك الاستفسار الي فيه ..

وياستي ميرسي بجد على زيارتك لمدونتي
كل سنة وانتي طيبة , ,استرحيلك شوية من الخناقات اليومين دول ..

اه احساسك في الكتابة عالي بجد وكلمات رقيقة وعذبة اللي كتبتيها في اول البوست ..

تقبلي مروري
wael said…
اللــــــــــــــــه
كلام رقيق وناعم وعذب جدا
Anonymous said…
أنت فين ياقطة,شاركونا الحملة ضد الهجوم الأسود ضد خوارج العصر الحديث

أنت عارفنى وأنا عارفك
Desert cat said…
somaa
ميرسى يا سومه ويارب دايما معجبة بكتاباتى
تحياتى
Desert cat said…
بحبك يامصر
وانت طيب
Desert cat said…
عاليا حليم
ان شاء الله الحفلة تتم زى ما انتى عايزة ويارب ايامك كلها تبقى سعيدة
Desert cat said…
عاليا حليم
يا سلام بس كدا قولى لعبدالحليم عونيا الاربعة طالما فى اغنية بس هو مافيش جاتوه ولا ايه معلشى اصلى بجوع بسرعه
Desert cat said…
حــدوتـــة
ما هو انا لما لاقيتك حتهرب قولت مبدهاش
عريس يا بوى طخه بس ما تموتهش يا بوووووى
روحت راجعه للوش الناعم
Desert cat said…
شهرزاد
وانتى طيبة وبخير
Desert cat said…
oceaneyes
انا مكتبتش من زمان ما انا كنت بتخانق يا حبيبى بس لما فضيت كتبت
ههههههههه
ميرسى لزوقك يا حبيبتى
نتى كمان وحشتينى
Desert cat said…
صالح سعيد
وانت طيب
Desert cat said…
Saydalanya Mat7oona
ميرسى على زوقك وكلامك الرقيق ده انتى صيدلانية رقيقة مش مطحونة
ربنا معاكى ويوفقك يا جميلة
Desert cat said…
yasmin al-ashry
ميرسى يا سمينا شرفتينة يا جميل بردك الرائع
ويارب دايما منورانى
القطة لسانها طويل مش فى الصحراء بقى
ههههههههههه
محبتى
Desert cat said…
كائن مائي
ان شاء الله يتحقق اللى بتقوليه
بس انا عايزة ابقى شيرازى مش سيامى
هههههههه
شرفتينى يا جميل
تحياتى
Desert cat said…
norahaty
يا حبيبة قلبى بكره
ان شاء الله تبقى مدونتك فيها بالالف رد
ميرسى يا جميلة
وانا جايه وراكى حالا
العزيزه قطه الصحراء

كل سنه و انتي طيبه و بعوده الأيام و يارب دايما كل ايامك تكون مليانه فرحه و حب و سعاده
و علي فكره اللوك الجديد يجنن و الأغنيه لذيذه

كل الحب و السعاده بتمناهوملك ياقمر
:))
Desert cat said…
انين الحزن
وانتى طيبة يا جميل
ولا يهمك متاخر ولا بدرى المهم انك جيتى
محبتى
Desert cat said…
yasmin al-ashry
موصلنيش يا حبيبتى التعليق والله
يمكن راح مع الوبا
ابعتيه تانى وانا تحت امرك
تحياتى
Desert cat said…
الفارس الملثم
اه ما انا قولت كدا اسيب الخناقات حلوين او يومين تلاته وبعدين نرجع نتخانق تانى عادى يعنى
ميرسى على ذوقك
تحياتى
Desert cat said…
wael
ميرسى يا وائل
تحياتى
Desert cat said…
Anonymous
انا موجودة
وجاية حالا اشوف ايه الهجوم اللى عندك ده
يالهووووووووى
هجوم وانا قاعده ساكته لا مش ينفع خالص انا جاية حالا
Abo 7anf said…
دى اول زياره ليا
وكويس انها فى مناسبه حلوه
كل سنه وانتى طيبه وان كانت متاخره
بس مكنتش اعرف
وبصراخه الموضوع حلو قوى
وتانى مره كل سنه وانتى طيبه
العزيزه قطه الصحراء
اولا كل سنه وانتى طيبه بمناسبه اول سنه للبلوج بتاعك ويارب عقبال 100 سنه والبلوج وصحبته منورين سماء التدوين
ثانيا مبروك النيولوك هو حلو بس مش حكدب عليكى القديم كان اروع
Desert cat said…
اجندا حمرا
وانتى طيبة يا جميلة وطبعا يا قلبى انتى شايفه النيو لوك حلو علشان انتى عنيكى حلوة وبتشوف كل حاجه حلوة
Desert cat said…
Abo 7anf
وانت طيب
وشرفتنى بزيارتك
Desert cat said…
رئيس جمهوريه نفسى
وانت طيب ياريس
بالنسبة للنيولوك مش تقول كدا احسن ابى تزعل
هههههههههههه
شرفتنى يا ريسنا
yasmin al-ashry said…
التعليق او السؤال هو التالي

انتي بتقولي للاخ " الاخوانجي " انك جبان عشانه مش كاتب اسمه الحقيقي في المدونة بتعته ؟؟!! طيب ..
هوا انتي فين اسمك يا قطة .. ده اولا .. يمكن انا مش شايفاه مثلا ؟؟

ثانيا : انتي ايه السر في انك متعلنيش اي تعليق الا بموافقتك ؟؟ دي ديمقراطية !!

ارجو الرد
تحياتي
Desert cat said…
yasmin al-ashry
فين اسمى ؟؟؟
الا هو حضرتك دلوقتى بتكتبى الرد فى الشارع وعى على حيطة الجيران
.........
ثم انى اقفل التعليقات او افتحها فدى مدونتى وانا حرة فيها ... زى بيتى كدا افتح الشبابيك اقفلها ... اغير لون الحيطان الزق ورق حيط مثلا من عدمة حاجه تخصنى لوحدى ... يبقى المفروض انا لما الباب يخبط اختار ادخل مين ومين اللى ميستاهلش الدخول هنا المحترم على عينى وراسى من فوق وقليل الادب يبقى اقرب مكان ليه مسلة المحذوفات .. لأن الناس المحترمة المهذبة اللى بيتجى هنا مش ليهم ذنب يطلعوا على حقارة حد تانى ... عدم الديمقراطية بقى فى سؤالك ده لان انتى كدا اقحمتى نفسك فى حاجتى الشخصية
yasmin al-ashry said…
على فكرة يا انستي المحترمة

أعتقد اني سألت السؤال بصيغة محترمة .. وكان الغرض من سؤالي هو طلب التوضيح

حضرتك ردك .. بصراحة جاف زيادة عن اللزوم ...

سؤالي اعتقد انه واضح .. اسمك فين ؟؟ .. وردك لم يوصلني لأيه اجابة
عموما دي حريتك الشخصية فعلا زي مانتي قلتي ..
بس .. اسمحيلي .. مش انا الي يترد عليا الرد ده ...
شكلك هتخسري كتير ..
تحياتي

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز