الأخــــوان الحشـــاشــــين

أولاً مهديهم عاكف بنفسه اعترف بتدريب الشباب الاخوان المتأسلمين على السلاح بداخل حرم الجامعه
انا عارفه هيطلع اصحاب الجعجعه يقولوا ابونا الروحى ميقولش كدا هو اتهبل علشان يعترف
طيب يا ننوس منك ليه خد الفيديو ده واتفرج عليه كدا بس بتركيز علشان تتاكد ولو عندك خداع بصر يبقى مشكلتك لوحدك
http://www.memritv.org/clip/en/1627.htm
نيجى بقى للعنوان ونقول طلعوا حشاشين ليه او ازاى
اصل وقع فى ايدى محفظة شخص منهم ... مش سرقاها محدش يفهم غلط .... ولد من نفس ذات الناحية مش معروف هو معهم ولا مع الناس التانيين ... اصله الاول كان واد روش وكدا .. واذا به أوفجأ ألاقيه عامل دقن مترين ولابس جلابية لحد الركبة وحاطط مصحف فى جيبه الشمال ناحية القلب كدا .. اللهم قوى ايمانك ... اخر مرة شوفته فيها كان برضه عامل نفس الدقن المترين دى ولابس بدلة وكرافته ومن فوق تمام وزى الفل ... حد يسالنى ومن تحت كان لابس شورت ... لاء مش كان لابس شورت ياريت .. كان لابس بنطلون عادى بس رافعه لحد تحت الركبة بشوية كدا ... يا سلام على الشياكة والاناقة .. مش عايزين ننم ونجيب فى سيرة الناس على الصبح ... ما علينا ومش ده الموضوع .. الكابتشن كان سهران فى الشارع من الواضح والله اعلم ... قوم ايه لاقيت البنت هبه جاية تقولى تعرفيش مين اللى فى البطاقة ده ... الشكل ده مش غريب شوفته قبل كدا .. قوم راحت مطلعه لى كارنية وبرضه عليه صورة وقالت لى دى اوضح ... انتى جايبه المحفظة دى منين كنتى راكبة اتوبوس الصبح ولا حاجه .. قالت لى لاقيتها قدام
مكتب الاستاذ الصبح .... كان فيها كام اعترفى ... قالت لى ولا مليم بس فيها بفرة .. يا حلولى .. عم الشيخ مالى محفظتة ورق بفرة .. طب ما تدورى لنا على محفظة زميلة واقعة جنبها ولا حاجه يمكن نلاقى فيها باكتة بانجو .. ولا قرش حشيش ... خلينا نعمل دماغ .... المهم خلصنا من المصيبة دى روحنا لحد قديم شوية فى المنطقة وسألناه هل لك ان تعرف هذه السحنة ... أه ده الشيخ حزمبل هو مش اسمه حزمبل بس ده الاسم الحركى اللى لاقيته لايق عليه ...ده ساكن فى العمارة اللى هناك دى .. ايدناله المحفظة .. وقولنا له خلاص تروح بيتهم وتدى البفرة دى لابوووه ... هنا وخلصت مهتمنا فى اعادة المحفظة للأخوانجى الحشاش .. حد يطلع يقولى ده مش اخوانجى ولا حشاش وايه الدليل على انه اخوانجى .. هقوله هما محتاجين دليل ... انت عايز اكتر من اللبس الغريب اللى بيلبسه .. حد تانى يقولى ده مش حشاش ده ملتزم .. ايون صح اصل البفرة اللى كانت فى محفظته كان بيلف بيها السواك .. او حد صاحبه مخبيها معاه
اكيد مش استغربت من الى شوفته لانى قبل كدا قريت عنهم الآتى
ASSASSIN = الإغتيالات السياسية
لم يترجم الغرب كلمة الحشاشين وتركها كما هى بدون تعديل وكل ما فعله هو أنهم أعادوا كتابتها بالحروف الإنجليزية فكانت ASSASSINومعناها بالإنجليزية كما جاء فى القاموس الإسترالىCOLLINS A murder of a prominent political figure ( Arabic hashshashin pl . of one who eat hashish )ASSASSIN وهذه الكلمة تعنى الإغتيالات السياسية وظهرت العصابات الإجرامية وكان أخطرها هم جماعة الحشاشين وكان مركز هذة الجماعة قلعة " المووت " فى المنطقة الجبلية الواقعة بين حدود إيران وأفغانستان - وقامت هذه العصابة على تحديد هدف دينى وهو إقامة دولة إسلامية قوية على حساب الإطاحة بالنظم القائمة الضعيفة والمتهالكة والحشاشين هم جماعة منشقة من الطائقة الإسماعيلية – وكانت جماعة الإسماعيلين هى الفرقة التى أنتجت أخطر وأكبر الحركات الإسلامية الإجرامية واهمها القرامطة -
طيب نيجى بقى لكام سؤال كانوا واقفين فى زورى واخيرا لاقيت لهم اجابة لاء وكمان فى مواقعهم يعنى اللى هيدخل يقول كدب ومش صح يبقى بيكدب اخوه الاخوانجى المسلم اللى هيدخل معاه الجنه بما انهم الوحيدين اللى ماعهم الصقوك
: ما هما السيفان بشعار الإخوان؟
ج: الكتاب هو القرآن، والسيفان يرمزان إلى الجهاد.
س: أي سيف إذا كنتم" تنبذون العنف"؟ أليس السيف هو رمز القوة التي يسمونها "العنف"؟
ج: هل تعني العنف ضد المدنيين أم العنف ضد جيوش الكفار؟
كل الإخوان يؤيدون العنف ضد جيوش الكفار. أما فيما يتعلق بالمدنيين، فالإخوان في الواقع منقسمون بهذا الخصوص. الغالبية المعتدلة من الإخوان ترفض العنف ضد المدنيين، الأقلية المتشددة تؤيد العنف ضد المدنيين..وليس لنا سوى أن نشكر الموقع الإخوانجي على الصدق والبعد عن التقية؛ وإن كنا نأخذ عليه عدم توضيح نسبة "الأقلية" (هل هي 49% ؟!) ومدي خضوع الغالبية "المعتدلة" لها

Comments

fatima said…
قطتى الحلوة
بصى الراجل دا أنا شخصيا مبرتحلوش لله فى لله ...لكن انتى متصورة حتى ان لو قال عندنا افارد مسلحة المفروض نصدق كلامه يعنى ؟؟؟
ما يمكن تهويل و حركة إعلامية من إياهم زى برضو الطرف الآخر ما بيعمل ...
و من الىخر كدا كل المتصارعين على كعكة الحكم المفروض يتنسفوا خالص و حد تالت يمسكها ...
و الولد جاركم دا مهوش كل الأخوان ... كل واحد بيتعلق من عرقوبه يا قطة ... و خطأه ليس معناه ان السلة كلها فاسدة
تعرفى أكتر حاجة تزعل فى الموضوع دا إيه ؟؟
ان ناس كتيير كويسة و محترمة مخدوعة فى شعارات الاخوان المسلمين زى ما فيه ناس حلوة و محترمة مخدوعة فى الحزب الوطنى و شعاراته الرنانة
و حاجة تانية كمان مزعلانى
ان مهندس مصرى مسافر و انتو لسه زعلانين ...
لأ دا انتى زعلك وحش قوى ... و يتفتلك بلاد
انا ابتديت اخاف منك ..
يا ريت حركة جدعنة منك و تزوريه و تقوليله تسافر بالسلامة و الشياكة يعنى موش بعيدة عنك
تحياتى يا قطة
This comment has been removed by a blog administrator.
Desert cat said…
fatima
حبيبتى ام يوسف
انا والله مش بتصيد لهم الخطأ
بس انا حبيت انشر غسيلهم اللى ريحته فاحت وزكمت الانوف
لاننا مش هنفضل لعبة فى ايد كل واحد شوية .... الحزن الوطنى شوية والاخوان شويتين
محتاجين نفوق وبالتالى لما نعرى الناس اللى المفروض انهم قدوة وانهم فى ايديهم الهداية وانهم فى ايديهم الحلول السحرية بالشعارات الرنانة بتاعتهم دى يمكن يعرفوا ان الشعب مبقاش بيصدق ويفقوا من احلامهم
انا مش اخدت الولد جارى مقياس ليهم بس اهو واحد منهم مش المفروض انه بيطبق مبادئهم برضه
احترامى وتقديرى
Desert cat said…
الاستاذ قليل الادب
ان مش فاتحة بلوج علشان اعلمك انت وامثالك الادب .... انما اللى عايزاكو تفهموه ان دى مدونتى وانا حرة فيها اكتب فيها اللى يعجبنى واللى انا عايزاه .. ما انتوا شغالين فيا تقطيع فى مدوناتكو وكل واحد مش لاقى له موضوع يروح يكتب عنى بوست ... عبرتكو ولا حتى روحت قولت لكوا بتجيبوا فى سيرتى ليه ... سيباكو تقولوا وتردوا على بعض ..
ياريت مش اشوف حروف كيبوردك هنا تانى
انا جيت اسلم وامشى علشان
وهاقراء بعد مارجع
هاي نانا

طبعا اللي قلتيه هو جزء من كل من فضايح الاخوان المهابيل المنتشرة بطولب و عرض البلاد
بس ياكشي الناس تعرف بس هما بيتعاملو مع مين

و عموما حيث ان الحشيش بقى دلوقتي زي اللبان و تجارته علني فلا نستبعد ان يكون الحشيش وصل لعينة كبيرة منهم و بعدين برضه الراجل بيشرب عشان ينسى

عموما دي سلبية من سلبيات شعب و لكن المفروض العيبة ماكنتشي تطلع من الاخوان الاطهار اللي حاجزين في الجنة

و احنا يا ولاد الكلب يا كفرة عالنار طوالي

بالنسبة للشعار ماتتعبيش نفسك

لانهم من ساعة ما اتاسسوا
ماجاوبوش على اهم سؤال
انتوا جماعة دينية ولا سياسية


تحذير

اي واحد هيقل في ادبه هيشوف ايام سوداء و يا ريت كل اللي يعلق يكون حلو كدة و جرئ يقولنا اسمه
و مرحبا بالحوار الهادئ المؤدب

انما اقسم بالله اي قلة ادب هيكون الرد عليها شديد اشد مما يتصور اي حد
ايوية said…
العزيزة قطة
خربشتى الحقيقة فعلا واكبر دليل فعلا موضوع طائفة الحشاشين الى انقسمت عن الاسماعيلية الى كالنوا بيخدروهم بالحشيش وبعد كدة يوهموهم انهم فى الجنة ويامروعم باى عملية
فعلا هوم مغيببى العقل
ربنا يهدى يارب
ويكا said…
السلام عليكم ورحمة الله وبركاته
ياجماعة كل واحد حر في رأيه
طالما الرأي ده مش بيفرضه عل حد
وبعدين كلنا اخوات واخوان
مع العلم ان الأخوان مش كلهم وحشين وبوشين
وفي الأخر دول مسلمين
تحياتي
اول سؤال
هو ليه كان مشمر البنطلون لحد الركب
كان بيمسح الشارع يعنى ولا ايه مش فاهمة
تانى سؤال
هو ممكن فعلا الاخ صاحب المحفظة يكون اخوانجى وممكن فعلا يكون حشاش
لكن هل ده يدينا الحق ان احنا نعمم ونقول ان كل الاخوانجية حشاشين
او كل الحشاشين اخوانجية
احنا كدة هنظلم الاخوانجية وهندبس الحشاشين

تالت حاجة ضحكتينى موووووت على كلمة مهديهم عاكف
ههههههههههههههههههههههه
حلوة مهديهم دى

رابع حاجة بقى
يابنت الايه يا قطة
الكوبليه الاخير
اللى هو من اول
لم يترجم الغرب كلمة الحشاشين وتركها كما هى بدون تعديل وكل ما فعله هو أنهم أعادوا كتابتها بالحروف الإنجليزية فكانت ASSASSINومعناها بالإنجليزية كما جاء فى القاموس الإسترالىCOLLINS A murder of a prominent political figure ( Arabic hashshashin pl . of one who eat hashish )ASSASSIN وهذه الكلمة تعنى الإغتيالات السياسية وظهرت العصابات الإجرامية وكان أخطرها هم جماعة الحشاشين وكان مركز هذة الجماعة قلعة " المووت " فى المنطقة الجبلية الواقعة بين حدود إيران وأفغانستان - وقامت هذه العصابة على تحديد هدف دينى وهو إقامة دولة إسلامية قوية على حساب الإطاحة بالنظم القائمة الضعيفة والمتهالكة والحشاشين هم جماعة منشقة من الطائقة الإسماعيلية – وكانت جماعة الإسماعيلين هى الفرقة التى أنتجت أخطر وأكبر الحركات الإسلامية الإجرامية واهمها القرامطة

بصراحة يعنى
انا اول مرة اعرف المعلومات دى
جبتيها منين يا شقية


وبعدين سؤال غتتت شوية
هو انتى ليه بتكرهى الاخوانجية اوى كدة
انا مرة قريتلك تعليق عند مهندس مصرى ان عضو الدايرة بتاعتكم من الاخوان وتقريبا ماكانش اد مسؤلية انه يمسك الدايرة
فهل هو ده سبب غضبك على الاخوان ولا الموضوع ليه شق تانى
انا معرفهوش
لانه لو كان بسبب عضو دايرتكم
اعتقد فعلا يا قطقوطة
ان احنا ماينفعش نعمم
وممكن نلاقى اخوانجى محترم واد كلمته


اوعى تكونى زعلتى من اسئلتى السخيفة
انا مش اد زعابيبك
والزعابيب هى جمع زعبوب وهى مشتقة من زوبعة
اللى هى الرياح الشديدة


يلا سلام يا قطة
اختك خيخة
طبعا مش هينفع اقراء ومعلقشى
وطبعا انتى عارفه رايى فى موضوع الجماعات
يبقى اسلم واشرب النسكافيه
وشويه ميه
واتكل على الله
تحياتى لكى
وعلى فكره انا شفت الفيديو
Heart Beat said…
عزيزتي

انا برضه قريت تعريف الحشاشين ده من اوله وصولا الى كلمة

assasin

في رواية دان براون شيفرة دافنشي و كان تعريف كافي ووافي بصراحة

و معروف طبعا ان الاخوان عندهم جناح عسكري و كويس انك جبتي اللينك اللي بيتكلم فيه مهدي عاكف عشان اللي منهم و لسه ماعرفش يبقى اهو عرف دلوقتي خلاص

يعني مافيش حجة انهم ينكروا كلام مهدي عاكف

و الا بقى هايكونوا بيكدبوا الكبير بتاعهم

ام عن جارك الطيب ابو بنطلون قصير تحت الركبة

مش يمكن يكون استخدم القماش اللي ناقص من البنطلون او من الجلبية عشان يعمل الاقنعة اللي بيتلثموا بيها في استعراض القوة العسكرية ... قصدي تدريبات الكاراتيه نسيت معلش

تحياتي
انتى عارفة مسرحية محمد صبحى
الى هى وجهة نظر
فى حتة فيها لما محمد صبحى بيقولهم احنا نستحق عيشة احسن من كدة
رد عليه الراجل المتدين دة قاله ايه
انتم لا تستحقون اى شئ
هو ربنا عماكم من شوية
مهو من ضللكم وسواد قلوبكم قبل عيونكم
قام محمد صبحى رد عليه وقاله
ليه ونتا مش معاناياحج ولا ايه
قام راد وقاله
لا يابابا لا
انا مؤمن والمؤمن مصاب
انا ربنا عمانى عشان يختبرنى ويمتحنى فيكم


ايه ياجدعان مين الى شغل التلفاز
هههههههههههه


انتى عافة ياقطة
ان اكتر ناس بتخنق منهم
الى بيبقوا زعلانين اوى على الي بيحصل لفلسطين والعراق
وبيبقى نفسهم يعملوا اى حاجة اى حاجة عشان يساعدوهم
وتلاقيهم اول ناس بيمدوا ليهم اديهم
لكن بالمساعدة
لكن بلدهم
وجيرانهم واهلهم
الى اهما اكتر ناس محتاجة مساعدة
فى حد فيهم طلع وقال على المصرين زى مبيقول على الفلسطنين او العراقيين
حد فيهم قال نجمع تبرعات عشان نساعد الناس انهم يعرفوا يعيشوا بدل مهما بيقتلوا فى بعض عشان رغيف عيش

الناس الى بتطلع كل يوم تعمل مظاهرات عشان دلولة تانية
فى حد فيهم قال تعالوا نعمل مظاهرة
على غلاء الاسعار
ولا هما مش حاسيين ان دى مشكلة تحتاج انهم يشربوا اليانسون ويطلعوا يزعقوا شوية


ولا مهديهم دة
الى عايز يبعت عشر تلاف واحد عشان
يحربوا فى فلسطين

طب يعم الحج مدام انتا راجل طيب وقلبك قلب خصاية
وحنين على الناس الى بره
طب متكلملنا قلبك يحن علينا شوية
واهو كله بثوابه

انا مش معترض انه يبعت
طب ياريت
والله اروح اسجل اسمى معاهم واخد الكارنيه بتاع الجماعه واشيل سلاح والى الجهاد
بس
مدام انتا صعبان عليك الحال بره
طب بزمتك مش صعبان عليك الحال الى جوه
دنتا كل يوم بتشوفه ياراجل
عيب عليك
عمرك مسمعت حد ماشى فى الشارع بيشتكى وبيصرخ من العيشة
عمرك مسعت ان طفلة مريضة ومحتاجة مساعدة
الغريبة ياقطة
انى لما بسمع عن حد بنته او ابنه طفل صغير ومحتاج يعمل عملية بسرعة وتكلفتها عالية جدا
بلاقى ديما ان الى بيتكفل بمصاريف العلاج هما رجال اعملا من الخليج
عمرى ماسمعت عن واحد من الاخوان
اتكفل بحد ولا ساعد حد

لاحول ولا قوة الا بالله
ربنا معاك ياعم الحج
ويشفيك ويهديك


بالمسبة للحشيش ياقطة
معنديش غير كلمةواحدة
عيشى وسيب الناس تعيش
وماله لما يعمل دماغ
هو الى يعمل دماغ فى البلدى يتفضح ولا ايه
وكمان حلو لما يعمل دماغ يعرف يزعق فى المظاهرة كويس
وبروح وبحماس

خليهم يحششوا
يمكن فى مرة تقع فى ايديهم حشيشة مضروبة
تقوم قافشة على نفسهم
ويضيعوا بعدها
ويرحمونا بقى
من النفاق الى بقينا عايشين فيه


تحياتى ياقطة

وحلوة الخربشة المرادى

وسيبك من الحيوان الى شتم دة
تلاقى كان محشش
وعلى حظك الدماغ اشتغلت عندك

ياله حتعملى ايه بقى
حظك كدة

سلام
لا لا لا
دا الكلام دا كبيييير
ههههههههههه
بجد بوست شدييييييد اوي
بيفضح حاجات كتيييير اوي
ربنا يهدي
ويكفينا شرهم واياكي
يابتتتتتتتتتت

يابتتتتتتتتتتتت

احنا خايفين عليكىىىىى

ربنا يسترها معاكى دنيا واخره ياشيخه
oceaneyes said…
:D:D:D



ايه الحلاوة دى ؟؟؟

ايه الطعامة دى ؟؟؟


لا بجد ..انا اول مرة اعرف المعلومة دى ...واهو اللى يعيش ياما يشوف برده

ولا ايه ؟؟؟؟؟؟؟


بس الا قوليلى صحيح ...انا اعرف انهم بيشمروا البناطيل الجينز والقماش ..وبيلبسوا جلاليب قصيرة ...

انما حتة انهم يشمروا بنطلون بدلة


!!!!!!!

اهى دى من العجايب السبع


:D
انا حاسس انك ضد الاخوان او بتعامليهم بعنصريه شويه
بجد انا مش بحبهم بس هما بشر برضه
أنا كنت داخل أعلق لأنك عارفة رأيي فيهم كويس، يس لقيت الناس قامت بالواجب وقالوا كل اللي عايز اقولة

النهارده كان في مقالة جميلة لحمدي رزق في المصري اليوم "http://www.almasry-alyoum.com/article.aspx?ArticleID=97578"

بس عايز أقول حاجة، مش معني إن الراجل ده معاه ورق بفرة انوا بيحشش، ولو بيحشش مش لازم يكون دا مثال لأي حد. هما برضوا إخوانا ومسلمين، مش اخوان بعضهم، ولو مضحوك عليهم ببلوي سودة بكره يعرفوا الحقيقه، لأن المطلوب يشيلوا الغمامة السودة من علي عينهم ويقروا شوية بدل ما هما منقادين كدة .... حيفضلوا مسلمين برضة واللة لو فهموا

تقدري تهاجمي الجماعة زي مانتي عايزة، بس ارجوكي مترتكبيش معصية وتقذفي شخص معين مباشرة من غير دليل
Migo Mishmish said…
صباح الخير يا قطة
انا بس عايزة اقولك بوست هايل كالعادة. بس الناس مش هتفهم يا قطة والاخوان هيمسكوا مصر في يوم من الايام. لان خلاص مصر ماتت اكلينيكياً مبقتش تنفع طبله ولا طار. الناس فقدت الامل في كل حاجة وكل حد ومتستنين المهدي المنتظر يحل مشكله رغيف العيش واحتكار الحديد. احمد زي الحج احمد والحكومة ديه زي اللي قبلها واللي هتكون بعدها. ديه بقئت ملهاه بايخة قوي وكل اللي بيحصل انهم بيغيروا الممثلين. الناس مش هتفوق غير لما تتحرق بنار الاخوان زي ما حاصل في العرق وفلسطين
وبالنسبة للآخ ابو اخلاق اخوانيه متبقيش تشيلي التعليق بتاعه هو وبقيه الفصيله اللي هو منها. علشان نتدرب على الحوار السياسي ليهم. مش مهديهم بتاع طظ في مصر قال ان المعارض هياخد بالجذمة.
اهو انتي معارضه فصحابنا كان بنفذ سياسه البج برص
love,
MishMish
اسوأ شئ فى الدنيا اللعب بالدين و مش عارفة بس الاخوان مع احترامى ليهم بسمع عنهم من زمان و مسمعتش انهم انجزوا شئ او حلوا مشكلة او قدموا حاجة هم و كثير من الاحزاب و الجماعات رغى و بس
appy said…
انا قولت اخرة المدونة دى او صاحبتها لما ادخلها يا صاحبه المدونة مشنوقا و مسروقا او منحوتنا على جدار فى الشارع
ههههههههههههههههه

الا مين ده صحيح وبعدين ده راجل شيك بصى يربى دقنه يربى ودانه يربى شعر رجليه مش مشكلتنا هههههههههه هى المشكله انه لشربه الكافشتينو او لقفشك معاه البفرة دى ان اخلاقه مش كويسه ومش حد نظيف بس
وبعدين انتى مش هتبطلى تظلمى الناس ما يمكن كان هيعمل محشى انتى يااااا على نيتك الوحشه دايما كده ههههههههههههه
سلام اقابلك على مارينا هههههههههه
momken said…
البوست كويس
بس فى حاجه
مع احترامى للشخص جارك صاحب المحفظه
مافيش دليل انه اخوان لان اهل السنه والجماعه بياخدوا نفس الشكل الخارجى
يعنى تقصير الثوب واطلاق اللحيه

اما موضوع الحشيش انا مش هتكلم فيه لان دى اخلاق ملهاش علاقه باى ميول سياسيه
المحترم محترم حتى لو تبع الشيعيون

نيجى لموضوع الاخوان
ياريت متربتيش الاخوان بلاسلام
هما اسمهم كده
لكنهم جماعه سياسيه ولها برنامج سياسى وليس لها اى برنامج دينى محدد

دول زى واحد اسمه كريم وهو فى منتهى البخل هو اسمه كده بس

او واحد اسمه اسلام وهو مبيركعهاش

يبقى خلينا منربطش الاسلام بجماعه الاخوان المسلمين

فيما عدا ذلك متفق معاكى فى كل شىء
تحياتى
عزيزتى

النقيب قطه

شوفتى فى عز الغلا ده

وفى عز حالة الفساد اللى فى الدوله دى

وفى عز الناس اللى بتقطع نفسها علشان رغيف عيش
ايه اللى شغلك

بجد برافوا عليكى

موضوعاتك بتتكلم عن شئ بياثر فى بلادنا وليه دخل كبير فى العيشه اللى عيشنها

كلام مهدى عاكف والاخوان

بجد عقليتك جباره

ام تعملى مدونه عن ااخوان احسن

يا معارضه

واقول لكل من يشجعك

وعملين المدونات لقاء الاحبه والفرفشه


هما الاخوان بيحكموكم ولا الحكومه علشان تهتموا قوى بيهم كده

سلام
Desert cat said…
عبده الرايق
الله يسلمك يا فندم
Desert cat said…
ملك الكبدة
دول مش اخوان يا ملك
دول مافيا
بيستخدموا اساليب العصابات فى القتل والتدمير وكمان حشيش
معروف ان المافيا فلوسها بتروح للرؤساء امال دول فلوس الحشيش بتروح فييييين ؟؟؟
للقتل والارهاب والعمليات الاجرامية
اعتقد ذلك
بالنسبة للتحذير فهم اصلا عالم سفله برضه دخلوا وقلوا ادبهم عموما انا مش فاتحة بلوج علشان اعيد تربيتهم وبالتالى هعرف كويس اوى احرمهم ازاى يدخلوا هنا
Desert cat said…
ايوية
رسالة مبارك لأمريكا و أوروبا هى
" يا إبنى يا أجيب لكم الإخوان المسلمين
هههههههههههههههه
طبعا ظهورا على حقيقتهم وفاحت ريحتهم بس ياريتها تيجى على الحشيش وبس
تحياتى ليكى
Desert cat said…
ويكا
اه كلنا اخوات ماشى
بس فى فرق بين انى اعمل دولة داخل دولة واهدم واقتل واكفر فى الخلق وارفع شعارات باسم الدين وفرق بين اخ مسالم عايز يعيش وخلاص
وبعدين ده كبيرهم بنفسه قالها حسن البنا
دول لا اخوان ولا مسلمين
Desert cat said…
ويكا
تفتكر نكدب كبيرهم
ده حتى يبقى عيب
ده من ضمن مبادئهم السمع والطاعة
وبالتالى لما كبيرهم يقول الكلمة لازم تكون مقدسه
Desert cat said…
بت خيخة وأى كلام
مشمر البنطلون اصل الارض نجسه الارض رجس من عمل الشيطان ولو البنطلون لمس الارض يبقى هو كدا نجس ... مع انى اعتقد فى الحالة دى مشيه على الارض برضه رجس من عمل الشيطان

ثم هو رقم اتنين ده سؤال ولا اجابة معلشى ... اصلى انتى بتقولى لو هو اخوانجى يبقى ظلمنا الحشاشين ولو هو حشاش يبقى دبسناهم وبالتالى الاتنين اتدبسوا فى بعض يبقى ما اختلفناش لانهم واحد ... عاتشى يعنى


بالنسبة للمعلومات موجودة كتييييير ... ده اقل القليل يا نونو اى خدمة يا جميل كل شوية كدا هقولك عنهم حبة ملعومات لما نجيب خبرهم باذن الله

طبعا سؤالك مش غتت يا اختى ولا حاجه انتى اسألى براحتم ... انا مش بكره الاخوان علشان عضو مجلش الشوعب اللى عندنا .. انا بكره لان مفيش منهم مثال واحد كويس .. يقعدوا يتباكو ويمثلوا دور المضطهدين وهما فى النهاية اعوذ بالله ساتغفر الله العظيم يارب .. سامحنى يارب ... لو تعرفى حد منهم خليه يدخلنى الجنة بالصقوك اللى معاه .. اصل هما بس اللى مسلمين ..
ثم انا مقدرش ازعل منك يا جميل
ولا تقلقى انا زعابيبى مش بتطلع غير عليهم هما بس
اول ما الاقى حد بيمثل واتقمص الشخصية وبدأ يحس انه بطل وشهيد .. تلاقينى كشرن عن انيابى واشتغلت فيهم حتتك بتتكك
انتى نورتينى يا نونو
وسلام كبير اوى لشيكو
Desert cat said…
فرنسا هانم
طبعا عارفه رايك يا فرنسيس
والف هنا وشفا المسكو فيه
ابقى تعالى كل يوم
زورونا تجدوا ما يسركم
ftafeet said…
على فكره بوست جاااااااامد موت
لانى بجد مش عارفه ليه مايش عمار بينى وبين الاخوانجيه دول بجد

بيبصولى بقرف وانا ببصلهم بقرف برضه

عادى حاطين حبهان تحت ضرسنا

المهم ان بجد انا سمعت ان ناس كتير منهم حشاشين زى مابتقولى كده

ربنا يهديهم ويهدينا ويبعدهم عنى خااااااالص

نونااااا
ايه يا قطة
يعنى مستلمة الجماعة ومشمرة كمامك على الاخر
بالراحة شويه ومن غير عصبية ولا تريقة
على فكرة انا مش اخونجى ولا ميال ليهم اوى
بس تخيلى معايا مصر من غير اخوان هيبقى شكلها ايه
انا عارف انهم مش بيشتغلوا لوجه الله وليهم اغراض
بس ده مش عيب ممكن نعتبرهم جماعة سياسية وطمعانه فى الحكم ذى اى حزب سياسى
هما بيعرضوا افكارهم ومن حقنا نقبلها او لا
ومادام عايزين ديمقراطيه يبقى اللى يختاره الناس هو اللى يجى
وفى ناس كتير شايفة ان الاخوان احسن من الحزب الوطنى او على الاقل مش اوحش منهم

ويمكن ورق البفرة اللى مع الراجل كان بيكتب فى ملاحظاته ولا حاجة بلاش سوء الظن ده
سلالالالالالالالالالالالالام
ويكا said…
على فكرة ياقطة
انا لما علقت التعليق الأولاني كنت لسه ماتفرجتش على الفيديو بس انا لسه متفرج عليه دلوقت وانا شايف انه مش بيقول كلام غلط او عيب بالعكس ده قال كلام سليم
وفي الأخر دي وجهة نظر
تحياتي
Desert cat said…
Heart Beat
حبيبتى انا كمان قريت نفس التعريف برضه فى رواية دان براون وده اللى خلانى ابحث عن معنى الكلمة لحد ما وصلت لاصلها
وقتها قولت بجملة النصب
عموما فى ناس بتنضم لهم وبتكتشف مدى
قذارتهم وبتعبد عنهم
وفى ناس تانية بتتمادى
اه اصل الحشيش دلوقتى بقى هو طريق الجهاد الصح
هههههههههههههه
جارى ده شكله فعلا زى ما قولتى كانوا محتاجين اقعنة بس القماش قصر فحل هو المشكلة
تحياتى يا جميلة
Desert cat said…
زعيم كمورا مورا

يا فندم فلسطين مين وغزة مين هما لا يمهم فلسطين ولا الناس اللى بتتقتل هناك كل يوم لو يمهم انقاذ حد من الجوع كان اولى بيهم ينقذوا اهل بلدهم
كانوا عملوا فرن وعملوا مستشفيات وعملوا حاجات تنفع بدل الجعجعه اللى على الفاضى دى
تحياتى
Desert cat said…
اسكندراني اوي
ده اقل القليل سيدى الفاضل
ده عندهم من الفضايح الى ما شاء الله
ربنا يكفينا شرهم جميعا
تحياتى
Desert cat said…
د/اجدع بنوته
متخافيش يا دوك
نحن لها
ربنا يستهرا معانا ومعاكى ياااااارب
Desert cat said…
oceaneyes
وحياتك يا اختى هما بيشمروا اى حاجه
ركزى انتى الاضواء على شخص فيهم شوية وانتى هتشوفى اللى عمرك ما شوفتيه زى روتانا سينما كدا
ياقطه
ياجامد انت يابتاع الخربشه

بس جامده المعلومات دي مكنتش اعرفها
وسؤال بقه هو ليه مشمر البنطلون ولا ايه حكايته بالظبط

ومتزعليش من اي حد يشتم ويقول حاجه تزعلك

كفايه الا بيحبوكي
واخد بالك انت
وبعدين خاف علي نفسك بقه ياعم عايزينك امال هاجيب كبابا وكفته لمين
فاضل معايا مليون
سلامووووووووووز
وزة
Desert cat said…
صوت من مصر
طبعا انا ضدهم وضد افعالهم علشان كدا مش هسكت عن اى حاجه اشوفها من حد فيهم
انما عنصرية دى اعتقد ان الكلمة كبيرة عليهم هما اقل من انى اعاملهم اصلا
تحياتى
Desert cat said…
وجهة نظري
طبعا احترامى وتقديرى لراى حضرتك لانى بحب جدا طريقة نقاشك
بس انا عايزة اعرف الغمامة دى هتتشال من على عنيهم
ده انت بتكلمهم بالادلة بتلاقيهم بيشتموك يعنى بيقولك بالفم المليان انا مغيب ومتنوم مغناطيسى
عموما انا مش بظلم حد بس برضه مش عايزه حد يستغفلنى
المفروض ان ربنا خلق لنا العقل علشان نميز مش علشان نبقى منساقين ومش نعرف نقول غير سمعا وطاعة حتى لو شوفت اخطائه واضحه وباينة اتغاضى واقول ده نبى منزل
سعيدة بمناقشتك
احترامى وتقديرى
Desert cat said…
Migo Mishmish
لاء يا ميجو صدقنى مش كل الناس مغيبة وطول ما فى ناس عندها عقل وبتفكر وفاهمه بدليل وجودك ووجودى ووجود غيرنا كتير اوى عمرهم ما هيمسكو البلد
كان زمان ممكن اقولك صح قبل مجلس الشعب وقبل الجعجعة على الفاضى والمليان
انما دلوقتى اللى بيحبوهم يا اما ناس معندهاش هدف وفاضية ومن السهل اللعب فى عقلها يا اما ناس قابضة وقاعدة علشان تشتم وخلاص .. وبالتالى اللى بيشتم ده كمان صاحب مصلحة شخصية واللى بينتخب كمان ده اذا حد فكر ينتخبهم اصلا بعد كدا
بالنسبة للاخوانجى اللى حذفت رده فهو كان رد يدل على بيئتة وفعلا طريقة تربيته الاخوانية وذى مذكرت بيطبق سياسة البيج بورص بس الناس المحترمة ذنبها ايه تشوف السفالة وقلة الادب دى
عموما هو وامثاله مكانهم الطبيعى الزبالة يترموا فيها
شرفتنى
احترامى وتقديرى
Desert cat said…
عاليا حليم
لا يا عاليا ازاى قدموا
انتى عارفه قدموا ايه
حريق حارة اليهود في القاهرة
حريف محلات شيكورل صيدناوي و سمعان و تسفر عن قتل العشرات من المصريين
اغتيال رئيس الوزراء النقراشي باشا في 1949 بعد اعلانه عن حل جماعة الاخوان المسلمين
اغتيال القاضي الخازندار في في حلوان و هو الذي حكم بالاعدام علي واحد مت الاخوان.
كل هذه الجرائم من عام 1948 الي عام 1949 و هذه بعض مما حدث و ليس الكل
فالاخوان لم يتركوا من محاولة اغتيال رئيس الجمهورية جمال عبد الناصر في 1954 الي قتل رئيس الوزراء و الوزراء و السياسين و الكتاب و المفكرين و النقاد و الفلاسفة
وبعد كل ده نقول مقدموش
دول عملوا كتير ولسه بيعملوا كمان
تحياتى ليكى
Desert cat said…
appy
يا حبيبى المهم تطمنى عليا مشنوقا او مسروقا يبقى عرفنا مين اللى عملها ومش هوصيكى تبلغى زمايلى الظبابيط هو انا مش حضرة النقيب قطة ولا نسيتى ... يبقى لازم مايل النقيب قطة الظبابيط ياخدوا بتارها
انا مش يهمنى يربى اياكشى حتى يربى كلاب حاجه متخصنيش بس محدش ينصب علينا ويقولك الاسلام هو الحل ... جهم حل وسطهم نفر نفر
Desert cat said…
momken
والله العظيم انا ما ربطت حاجه
هما اللى ربطوا بنفسهم بخلاف انهم اساسا بيلعبوا على جميع الاوتار
يعنى الناس بتميل ناحية الدين قالك الاخوان المسلمين علشان فى النهاية يوصلوا لمصالحهم واللى بالفعل سياسية
بس علشان ايه شعارات وحوارات يستغلفونا بيها
بالنسبة للشخص ده انا مش يهمنى ساسا بس اللى يهمنى انى اكشفهم على حقيقتهم يبقى يشرب بانجو يشرب حشيش يشرب قطران يشرب بلاش تماحيك فى الاسلام احنا مش ناقصين جهل بقى ورجعية وشغل عصابات
تحياتى
Desert cat said…
ftafeet
يا نونا يا حبيبتى اللى يبص لك بقرف حطى صوابعك الاتنين ف عنيه لانهم بيخافوا ميختشوش اه والله اسالينى انا على الاخوانجى اللى كان قارفينى عملت له جرسه وفضحته وعريت حقيقته قدام الناس كلها وما اكتفيتش بكدا ده انا كمان رحت عملت له محضر بقى بيمشى حاطط عينه فى الارض ... وان شافنى فى شارع اصلا بيرجع تانى او يدخل من اول شارع بينى وبينه
عالم تخاف متختشيش
Desert cat said…
حــدوتـــة
انا هراجع معاك ردك واحده واحده
اولا انا مش مشمرة ولا حاجه بس انا مش بحب اشوف حد عايش الدور وحد اهبل يصدقه وبالتالى بموت انا فى الفضايح علشان كدا لما بشوف حاجه مش بسكت سواء بقى اخوان ولا واخوات ...
مصر من غيرهم نضيفة مفيهاش فتن ولا فيها وقيعه ولا فيها ناس حزب بيحارب فى حزب لمصلحة شخصية ...
بتقولى انا عارف مش بيعملوا حاجه غير لمصلحتهم طيب انت بنفسك جاوبت يبقى الجملة دى نفت اللى قبلها اللى هى مصر من غيرهم .. واللى برضه جاوبت لك عليه
اولا بقى هما مش بيعرضوا افكارهم ولا عمر كان ليهم افكار والا جيبلى انت فكرة واحدة من اللى عروضها عليك ... هما اجدع ناس تعرض شعارات رنانة .. انما افكار .. طيب فين ؟؟؟؟ طيب فكرة واحدة اتنفذت منهم ان كانت الافكار موجودة من الاساس ....
فين الديمقراطية بقى اللى هما عايزينها ... واحد بيقولك طز فى مصر وفى شعب مصر .. واحد بيقولك اللى هيعارضنى هديله بالجزمة ... تفتكر فين الديمقراطية هنا ... اذا كان لا مسك حكم ولا غيره وقاعد يقولك اللى هيعارضنى بالجزمة يبقى مستنى من واحد زى ده ديمقراطية ... مخلنيش اشك فى ذكائك
..
بالنسبة لورق البفرة هو على راى آبى كان جايبه يمله محشى
تحياتى
Desert cat said…
ويكا
كلامه سلم وصح وهو بيقولك هيبعت عشر آلاف مجاهد للبنان وفلسطين ... طيب العشر ألاف دول دربهم فين ؟؟ وياترى هناك خبراء عسكريون يشرفون علي التدريب؟ وهل هؤلاء الخبراء مصريون؟ طبعا يستحيل أن يكونوا من العسكريين المصريين السابقين. والأكثر احتمالا أن يكونوا من العائدين من أفغانستان. أو من معسكرات تدريب أسامة بن لادن في السودان؟؟! وهل انقلبت جماعته إلي جماعة "مسلحة". بدلا من كونها جماعة "محظورة"؟
وإذا كان قد جهز هؤلاء وسلحهم علي أرض مصر. وفي معسكرات أقمتها علي أرض مصرية. يبقى متعرفش ان ده خروج على القانون وبتقولى كلامه سليم
يبقى من حقك يبقى لك جناح عسكرى ومن حق كل حزب يبقى له جناح عسكرى كل واحد حر بقى ونقلبها مجزرة
تحياتى
Desert cat said…
انين الحزن
كان مشمر البنطلون اصل البنطلون الطويل رجس من عمل الشيطان
اللى بيشتموا دول معلشى بقى تربية اخوانية ليس على الاخوانجى حرج ناس مغيبة ومسحوبة شمال يبقى شمال يمين يعنى يمين مستنية منه عقله يبقى ازاى او ايه نورتينى يا زوزو
Desert cat said…
مدحت محمد
اللهم تقبل دعائك
بس تصدقي في حاجة غريبة لفتت نظري، الحكومة نازلة إعتقالات في الناس دي بدعوي انتمائهم للجماعة المحظورة، انما الغريب بجد إن محدش جه جنب مهديهم عاكف زي مابتقولي مع إن معروف للكافة والعامة والخاصة والدنيا كلها إنه المرشد العام للجماعه المحظورة. مش دا بيثير شكوك كتيره عن مدي تعاون المحظورة مع الأمن، ومدي كونهم خيال المأتة بيخوفو بيهم جهات معينة؟ وعلشان يخزوا العين بيضحوا بكام واحد ملهمش لازمه.... مجرد فكره جت في دماغي
gannah said…
تحياتى لكى ولمدونتك
حلو العنوان اوى
الاخوان الحشاشين
لفت نظرى جدا
مش عارفة يا قطتي

حاسة انك متحملة عليهم

صوابعك مش زي بعضها

انا معرفش حد اخوان
بس من فتره بسيطه قابلت اتنين في منتهي الاحترام والادب وخلوني اخد انطباع كويس عنهم

يعني ممكن يكون الشخص ده بيدعي

فيه كتير كتير محترامين وفيه لاء

معلشي يا قطتيتي مش بحب اهاجم حد
تحياتي ليكي
الربان said…
العزيزة قطة الصحراء

بالفعل هناك تخبط داخل جماعة الاخوان المسلمين...و بالفعل هناك البعض منهم
ليسوا علي مستوي المسؤلية...

من المسؤول عما حدث في جامعة الأزهر من
مليشيا عبرت عن نفسها كما تعبر حماس و حزب الله و المليشيات في العراق...

إذا كان القادة يقولون انهم نبذوا العنف...فلما المليشيا... وإذا كان
كبار الجماعة لا يعلمون شيئاً عن المليشيا...فمعني هذا ان هناك انقسامات
وانشقاقات...

عموما...في رأيي ، الا ننساق وراء المسميات...المهم ان نقيم كل واحد بعمله و أدائه...بمعني الا ننظر للاخوان
ككتله...لكن فرادي...

خالص شكري و تقديري و دمت بألف خير.
قطه الصحراء الجميله اللي دايما بتكتب مواضيع في الصميم


الصراحه انا مابستريحلهومش لله في لله كده شئ الاهي زي مابستريحش للمدعو عمرو خالد و لا بطيق اسم صوته بس ماعلينا ربنا حليم ستار
المهم ياقمر انا قريت موضوع عن الحشيش في روزاليوسف و بقم بيقولوا انه منتشر اوي في الجامعات حتي الطلبه و الطالبات بقم بيلفوا السجاير و يدخلوا بيها المحاضره شوفتي الفجر؟

ماستبعدش ان حوزومبل ده يكون بيلف سجاير و كده يعني
عارفه ياقطه انا بحترم شجاعتك جدا و طرحك لمواضيع ساخنه و تحملك لرزالات كتيره من ناس مش محترمه

تحياتي ليكي ياقمر
معذره قطه الصحراء

انا اول مره اخش مدونتك الصراحه

لكن شايف حضرتك مش بتكلمى بموضوعيه
خالص

تعرفى حضرتك ان جماعه انصار السنه بتاخد على الاخوان انهم مابيربوش دقونهم
وان عندهم الدقنه حاجه فرعيه

وحضرتك بتقولى ان الشيخ ده كان بجلايبه ومقصر البنطلون ومطول دقنه

احتمال 90 %ان ده مش اخوان الدقنه عند الاخوان حاجه فرعيه

وحضرتك متحامله على الاخوان جدا

مش عارف ايه السبب

هاحاول اقلب فى المدونه لغايه معرف

تحياتى
Desert cat said…
وجهة نظري
نفس السؤال ده سألته صديقتى الجميلة وطالما الموضوع ده لافت نظر اكتر من شخص يبقى فى ان وحتى وكان ولكن كمان
تحياتى
Desert cat said…
gannah
وليكى بالمثل يا جميل
Desert cat said…
صحفية روشة
طبعا العنوان اهم حاجه فى شغلة الصحفي علشان كان لازم اول حاجه تلفت انتباهك
تحياتى
Desert cat said…
بنوته مصرية
حبيبتى انا ابقى متحاملة لما اجيب الكلام ده من عندى
انما ده موجود فى كتب وقواميس يعنى والله العظيم مش انا اللى مألفاه واللى بتكلم بجعورته ده مهديهم عاكف يعنى برضه مش انا اللى بتكلم
يبقى انا هتحامل عليهم ازاى انا مجرد بس بنقل الحاجات دى علشان يهمنى اعريهم اوى
والجميع يعرف حقيقتهم كويس اصلى رافضه سياسة الاستهبال والتجارة بالدين
نورتينى يا جميله
تحياتى
Desert cat said…
الربان
بالفعل استاذى والغريب انهم عايزين يحكموا البلد
طيب يحكموا البلد ازاى اذا كانوا هما اصلا مش قادرين يتحكموا فى نفسهم
وطلعا لو مسكوا الحكم وده بعيد عنهم ان شاء الله معروف هدفهم الوحيد هيبقى الحفاظ على كرسى الحكم حتى لو هايقتلو فى الشعب زى ما عملو فى فلسطين و السودان و مصر فى الأربعينات

احترامى وتقديرى
Desert cat said…
اجندا حمرا
يا حبيبتى مستنية ايه من ناس عايشه بالشعارات والجعجعه والجميل انهم مش بيتكسفوا ولا بيختشوا على دمهم وطالع يعترف بنفسه ويقولك كان فى ميلشيات فى الجامعة ... " حقيقى ان لم تستحى فافعل ما شئت "
عمرو خالد ده لوحدة فضيحة ... اسكتى ده طلعت الدعوة بتكسب ملايين ملايين ... قال الداعية ابو جلامبو قااال
بالنسبة للعالم الرذلة اللى بتدخل هنا هحرمهم يدخلوا البلوج تانى .. اخليهم قبل ما يضغطوا على لنك المدونة يقروا سورة يس
ما تقلقيش اختك اسد برضه
تحياتى ليكى يا قمر
Desert cat said…
Hosam Yahia حسام يحى
اه ما هو انا برضه اول مرة اشوف حضرتك هنا
بس عادى
بالنسبة انى بتكلم بموضوعية من عدمه فده الطبيعى انك حضرتك تقول كدا لانه معروف فى عرفكوا من ليس معنا فهو ضدنا يبقى المعارض ياخد بالجزمة على راى مهديكو عاكف .... اللى هياخد هو بيها قريب اوى ان شاء الله ...
بالنسبة للدقن اللى السنة بيلموا عليكو فيها فبصراحة انا ضحكت جدا على الجملة دى ... امال الدقن اللى عند مهديكو عاكف دى تبقى ايه ولا ده شعره ومطوله ونازل لحد دقنه .. ولا سكسوكة بيساير الموضه... ده ياراجل عيب مش تاخد بالك من الدقن دى .. ده حتى كبيركوا .. وبما ان الاخوانجية الصوغنيين لا يملكوا سوى سمعا وطاعة وتقبيل ايدى مهيهم عاكف ... يبقى الطبيعى برضه انهم يمثلوه فى الدقن ولا ايييييييييييييه
قلب فى البلوج براحتك وعلى ايد حضرتك الشمال ف خريطة علشان لو فى حاجه تاهت كدا ولا كدا
تحياتى
قطتى الجميله
انا شخصيا مش اخوان ولا مربيه دقنى ولا حاجه ابدا
ومع ذلك كنت بايدهم فى الانتخابات الاخيره عند فى الحكومه بس
وعموما انا ضد اى جماعه دينيه تحاول توصل للحكم لان ده فيه شبهه عرقيه
وبكره جلاليبهم القيره ودقونهم الطويله ونظراتهم المستحقره للى قدامهم وخصوصا لو ست
بس حشاشين جديده دى
اشطات
وحشانى يا قططتى

أنا رأيى مختلف حبة

أنا رأيى إن أى حد حر فى أى شئ بيعملة فى السر مادام أدام الناس كويس

يعنى الجهر بالمعصية أكبر من المعصية نفسها

يعنى يشرب حشيش يشرب شاى مغلى أدام بينة وبين نفسة هو حر ويا أما ربنا يتوب علية ويا أما ياخد ذنبها لوحدة

أهم حاجة ميجهرش بيا عشان ميدعوش ليها

ومحدش فينا سليم 100% لاأن كلنا بشررر

وكلنا بنعمل أخطاء

مهما كان درجة إيمانا
Sharm said…
شكرا كات على تعليقك الجميل في مدونتى و ان شاء الله لا تنقطع الزيارات بيننا
Sola said…
ya benty enty keda hatwady nafsek fe dahjya bosy ta3aly hena usa o 2oly elly enty 3ayzah bgad 7'afy 3ala nafsek
Desert cat said…
قلوب بتغنى
حبيبتى ما هو المشكلة ان فى كتير ايدوهم فى الانتخابات الاخيرة عند فى الحكومة طيب هو مفيش غير الاتننين يعنى نستجير من النار بالرمضاء
انا كمان بكره المناظر بتاعة الجلاليب القصيرة دى مووووت وبيبقى نفسى افجرهم تفجيرا
نورتينى يا اجمل قلوب
Desert cat said…
مروة الزارع
ميروو انتى كمان وحشانى اكتر يا جميلة
بصى يا حبيبة قلبى كلامك صح فى حالة لو انا انسانة عادية مش بتمحك فى الدين ولا بتاجر بيه ولا بستغل بيه عقول الغلابة
بمعنى مش يبقى انا انهاكى عن الفاحشة واقوم انا بيها
مش افضل اقولك قال الله وقال الرسول ويبقى معروف الشيخ فلان ولو حد غلط افتوا اسألوا الشيخ علان وبعدين كدا الاقى الشيخ ده هو اللى بيرتكب المعصية والاثم .. طيب ما بعد كدا مش هثق فيه ولا فى الدين من اساسه لأن فى ناس لحد دلوقتى لو رميتى عليها السلام لازم فتوى هل يجوز ارد السلام على انثى ام حرام يبقى الوضع هنا مختلف
لا تنهوا عن الفحشاء وتأتوا بمثلها
تحياتى يا جميله
Desert cat said…
Sharm
ان شاء الله يا دكتور اسعدتنى جدا زيارتك
تحياتى
Desert cat said…
Sola
حبيبة قلبى وحشانى انتى فين من زمان
انا هنا بجاهد مش ينفع اهرب
هههههههههه
هما بيجاهدو اوبيقتلوا فى المسلمين وانا بجاهد علشان نخلص منهم بقى
شكرا لشعورك الجميل يا بيبى
امواااااااااااه
قطه الصحراء

اود ان اقول لحضرتك ان المعرض مش بيضرب بالجزمه اذا كان الاستاذ عبد المنعم ابو الفتوح والاستاذ عصام العريان فى مكتب الارشاد وهما بيعارضوا المرشد ...

وعلى حكايه العشره الاف شاب احب اقول ان ده المرشد كان بيبالغ

وبعدين شباب الاخوان هما مين

هما منهم انا واصحابى

واطمنك اقولك ان مفيش خبراء عسكريين من ايران ولا من سوريا

ولا من اى دوله


ارجوكى التزمى بالموضوعيه فى طرحك للموضوع
Desert cat said…
Hosam Yahia حسام يحى
يا فندم هو انا جبت كلام من عندى علشان تقولى التزمى بالموضوعيه
المعارض هينضرب بالجزمة ده كلام المرشد بتاعك مش كلامى انا كونكو بتسمعوا شتيمته فى الناس كأنها طرب فدى مش مشكلتى
كونه بيبالغ فى العدد اللى ذكره طيب تسمى مشليات اللى كانت فى جامعة عين شمسس دى ايه طيب هو قال انه عايز يبعت الشباب الاخوانجية يحاربوا وده معناه انه عنده جناح عسكرى بيدربهم فين وازاى ... اشك ان خبراء مصريين اللى بيدربوهم .... لانه عارف انه كدا مخالف للقانون ... كونك بقى منضم للجماعه وانت مش عارف محتواه ايه فدى برضه مش مشكلتى ممكن تكون لسه منضم جديد ومع مرور الوقت هيثقوا فيك ويدولك خط سيرهم بعدها ابقى احكم بنفسك
التزامى بالموضوعيه من عدمه فى حالة لو انا اللى مألفه الكلام إنما ده كلام المرشد بتاعك بالصوت والصورة جاى تكدبه عندى
تؤ تؤ تؤ تؤ
كدا بتخالف مبدأ الولاء والطاعة والمرشد بتاعكو اللى بتبوسوا ايديه اول ما تقابلوه كدا يزعل منك
لانك جاى تكدبه عندى وكمان بتتكلم عليه من وراه اصل ازاى تقول عليه بيبالغ يعنى هو كدا راجل كداب
طيب كويس ان واحد من الاخوانجية اللى كشفه وقال عليه كداب ولله الحمد
غربة وطن said…
أنت
يا سارقة ياء النداء من حروفي
لماذا أنتِ مرتبكة ؟
نعم أعنيك أنت
ادعوك للإنضمام للفكرة
فانتِ وحدك .. تلك التي لم تأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املئي الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/
إيييه الخربشات دى كلها ياقطة؟
انتى لسه برضه عندك عقده من الاخوان
يا ستى اشتريلك قفل على حسابى
هههههه
انا شايف انك متحامله على الاخوان من خلال تجاربك مع نما>ج سيئة
على فكره انا مش اخوانجى ولا حاجه
بس ما احبس اعمم الحكم من خلال بعض نمازج على كل الحالات
تحياتى
وخفى على الناس شويه
أنا حر said…
الاخوان المتأسلمين أكبر كدبة موجوده في حاضرنا دلوقتي بجد
انا شايف اهم واخدين مساحة كبيرة بسبب كره الناس للحكومة
الغريب بقى انهم ملتزمين وسياسيين وبيفهموا في الدين وكل حاجة ... وكمان حشاشين
تحياتي
Desert cat said…
غربة وطن
ان شاء الله الموقع يزدهر ويبقى من افضل المواقع العربية على النت
تحياتى
Desert cat said…
مدونات زوجة عاشقة
هههههههه
معلشى بقى قطة مش بتعرف تعمل حاجه غير الخربشة وبس
Desert cat said…
الباحث عن الحقيقة
لاء يا احمد انا مش متحاملة عليهم
اصل مش انا اللى مألفة الكلام اللى فى البوست ده ولا استنتخست مهديهم عاكف وجبته يجعجع بصوته الجعورى ده
ثم ان النموذج اللى انا قرفانة منه جزء لا يتجزأ من كتلة واحدة هما اصلا يملكو غير السمع والطاعة
ده اللى يخرج عن الجماعه يتقطع قطييييع
Desert cat said…
أنا حر
ده بخلاف كمان انهم حشاشين بلطجية وارهابيين ومتطرفين

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز