تااااااااج ...

التاج ده ... اللى ها اجاوبه يعنى من ابو العساقيل .... لو أتأخرت عليكوا يومين أبقوا رنوا لى اطمنوا عليا ... اصل ممكن الوزراء بتوعنا يخافوا على مراكزهم بجد .... ويبحثوا عن المصادر ... وساعتها مفيش يمه ارحمينى .... مش هوصيكو على مسيدات بقى


مين من المدونين يصلح لتولى منصب
رئيس الوزراء فى دولة عسقلانيا العظمى



انا .. انا من النظرة الاولى



نظرة ايه بس احنا جايين نحب هنا دى وزارة يعنى حكومة ... الجدية شوية لو سمحتى




وزير الثقافة



استاذنا الجميل .. الربان



وزير الإعلام



فرنسا هانم علشان تحكى لنا على أمجاد مدينة السويس على الهواء مباشرة




وزير التعليم



خيخة
اوزير البحث العلمى (أيوة .. البحث العلمى ليه وزارة لوحده)ا



رئيس جمهورية نفسه




اوزير الجامع الكبير (زى شيخ الأزهر فى الدولة الصديقة مصر يعنى)ا



المهندس المصرى




وزير الصحة



انونيمس




او زير العدل



ملك الكبدة بصراحة اعلى دماااااغ
اوزير الداخلية



فانتازيا
اوزير الخارجية



زعيم كمورا .... اصله بحيب يتكلم فى كل صغيرة وكبيرة .... بالتفصيل والناس التانية مش فاضييين فالمواضيع هتخلص بسرعه بسرعة بسرعة




اوزير الهجوم (زى الدفاع فى دول تانية يعنى)ا



Nigro




اوزير المواصلات ..



حدوته ... علشان يركب ببلاش ويوفر فلوس المواصلات .... ده مرتبة 150 جنيه بس لما يركب ببلاش هياخد مرتب 50 جنيه ... ايه مش هنركبه ببلاش ولا ايه




اوزير المالية



قلوب بتغنى حبيبتى .... وانا عندى اغلى منها اديله المالية بس بالنص بقى




اوزير الاتصالات



معلشى بقى دى خليها وزة ( انين الحب ) علشان تتصل ببلاش فى وقت فراغها




اوزير الزراعة
صوت من مصر .... علشان مش يقف ساعة يجيب عيش ... لما يبقى وزير الزراعة ياخد القمح كله يعمله دقيق ويعيش براحته بقى ويخلص من وقفة الافران دى



انا ماشية بقى ... ها



مش هوصيكو تسألو عنى

Comments

وزيره اعلام واول تعليق
تصدقى يا نانا انا اول ما شفت التاج ده من ابن حجر
قلت التاج ده هيعمل حرب اهليه
طلع سهل وقمور
واروح اوضب الشغل فى ماسبيرو
واعاقب المخرج الزنان بتاعى
واشوف شغلى فى الوزاره
لهو
انتوا هتدونى كام ؟؟؟؟؟؟
ههههههههههههههههههههههههههههه
انا وزيرة التعليم
هههههههههههههههههههههههههههههه
هههههههههههههههههههههههههههه
انتى شفتينى من انهى منظور علشان انفع وزيرة تعليم

هههههههههههههههههههههههههههه
والله يا قطقوطة انتى واخدة فيا مقلب جامد اوى
ده انا خيخة
يعنى يا دوبك انفع مواطن من نوعية موافقون يا ريس
هههههههههههههههههههههههه
قال وزيرة تعليم قال
هههههههههههههههههههههههه
هههههههههههههههههههه
Desert cat said…
فرنسا هانم
طبعا طبعا احلى وزيرة اعلام فى البر كلاته
هو احنا نطول
... وبعدين التاج مش هيعمل حرب اهلية ده هو ربنا يستر ومحدش من هناك يشوفه
طبعا محدش يقدر يستغنى عن منصبه

هنديكى كام ؟؟؟؟
احنا مين اللى هنديكى
شوفى ابن حجر كدا
وجيب لى نصيبى معاكى
Desert cat said…
بت خيخة وأى كلام
والله انا شيفاكى من منظور ثلاثى متوازى الاضلاع ... ايه اللى بقوله ده .. طيب ايه رايك فى منظور ابلة الناظرة بس فين النضارة القعر كوبايييييه
نياهاهاهاهاها
وانا والنبى يا قطقوطة عاوزة اكون فى التشكيل الوزارى دة فوزارة جديدة اعملها بنفسى
هسميها وزارة القلوب الجريحة فيها محكمة زى محاكم الأسرة بتشوف حل فمشكلات الحياة الزوجية اللى معدش ليها حل وكمان مشاكل القلوب الكتير اللى بيدور ع نصها التانى ومش لاقياة
افتكرىنى
اوك
وانا مطلعتش باى حاجه

م الغديوه دى

ع العموم

انا اخترت اكون نائب رئيس المجهوريه

اللى هيقتل ابو العساقيل

ويحرر الدوله

ويطرد الحكومه

ويعمل حكومه جديده

والله لاشردككككككككككم
اهاااااااااااااااااااه

عدي على الديوان و سيبي قرار التعيين

و بالنسبة لفرنسا هانم طبعا لازم تطلعي اول تصريح قصدي اول تعليق مش وزيرة اعلام

عموما بالنسبة للعدل

العدل اساس الملك

و لا يملكه البشر

تحياااااااااااااااتي

و تشكرااااااااااااااااتي عالمنصب الوزاري
:D

الصورة بشعة :D

الف مبرووك حلف اليمين لكل الوزراء

:D
لو امكن يعنى ممكن اقدم طلب بالتعيين
نفسى ابقى المدير الفنى لمنتخب المدونين
وابقى زى حسن شحاته كده
ونفوز على مدونين غانا
وجانا الهوا جانا
صباح الورد
وزير الزراعه
انا كده ممكن اعمل صفقه مع وزير التومين ونزل بانجو مدعوم عشان الناس تنسى عمايل الحكومه ؟
ازيك يا قططى

كنت استاهل انا وزارة الزراعة بما انى مروة الزارع يعنى

هههههههههههههههههههههه

وحشانى والله
Sherif said…
يعنى ولا انفع حتى وزير دولة ؟

خالص شكرى
Monzer said…
المفروض تخافى عليهم مش على نفسك بس

دى انت الريس يا كابتن

الحاجت دى بتتعمل فى السر وزعتوا الادوارعينى عينك كده

ربنا يستر على كل واحد اسمه موجود بأه
تحياتى
appy said…
طيب ادينى المواصلات ربنا يكرمك يا غلسه حتى اروق لكم البلد علشان بطوط حبيبى ههههههههه
mnoon said…
إيه يابنتى الإستبداد دا
إنتى حتعملى زيهم
وتختارى اللى إنتى عايزهم
من غير ما تعملى إنتخابات
طب حتى إعملى إنتخابات منظر بس
وقولى دول فازوا بجداره
وأووعدك إنى حساعدك فى تزوير الإنتخابات
Desert cat said…
كلاكيت تانى وتانى
الموضوع ده مش محتاج وزارة يا نرمو
انتى تتوكلى على الله وتفتحى مكتب حلال المشاكل والعقد وكمان للباحثين عن النصف الاخر
وساعتها انتى هتبقى الريسة ما هو مفيش غيرك هيعرف فعلا يحل المشاكل دى
Desert cat said…
د/اجدع بنوته
ده ايه الدخلة الجامدة دى
هتشردينا يا دوك
اعااااااااااا
ده ايه نائب الرئيس المفترية دى
بقولك احنا صحاب صح
يعنى انا مش من ضمن المتشردين
Desert cat said…
ملك الكبدة
انا اللى اعدى كمان واسيبلك قرار التعيين ده ايه الاطة دى
طب انت مرفود
Desert cat said…
كفايـة طيبـة
عجبتك الصورة
هههههههههههه
الله يبارك فيك يا قمر
Desert cat said…
صالح سعيد
ياباشا من غير طلب
انت خلاص اتعينت
Desert cat said…
صوت من مصر
يعنى انا اعينك وزير زراعة علشان ارحمك من وقفة طابور العيش يقوم تقول بانجو
طب قول حشيش وانا كنت مسكتك كمان وزارة تانية جنب الزراعة
Desert cat said…
مروة الزارع
معلشى يا مروة هننقل صوت من مصر واعينك مكانه
وحشانى يا جميلة
اموووواه
Desert cat said…
Sherif
وزير دولة
وزير دولة
طب خليك وزير حربية
Desert cat said…
Monzer
لاء احنا دولة جريئة معندناش اسرار
مش بنخاف
امانة عليك لو غبت يومين ابقى اطمن
اعااااااااااااا
Desert cat said…
appy
حبيب قلبى
مواصلات مين
وكهربا ايه
الناس اللى فى الوزارات دى كلها هتتصادر قريب اللى هيروح المزرعة واللى هيروح طره والستات معروفين القناطر ... انا قولت خليكى انتى بره علشان تقومى لنا محامى وتجيبى لنا عيش وحلاوة ... بس اوعى تبيعى وتقولى معرفهمش اصل ساعتها ممكن الموضوع يكمل بجريمة قتل
momken said…
ايه ده
منتهى الدبلوماسيه وخفه الدم فى الردود

وزيره خارجيه يا ناس بترد على التاج

انتى تدهنى المدونه وتكتبى عليها وزاره الخارجيه
ومتنسنيش بقى اختارينى سفير انسالله فى سرس الليان

تحياتى
Desert cat said…
mnoon
ما هو انا برضه يا منمونه لو عملت الانتخابات هتكون نسبة الاصوات 99.9 % ... يبقى ليه اوجع قبلى فى انتخحابات ونعمل هوليله
هو كدا واللى يعترض معتقل على طول
تحياتى يا جميل
انا معترض يا سيادةالريس
انا طبعا مش عايز ادخل التشكيل الوزارى لانى خلاص ناوى ادخل البرلمان واطلع عينكم او امسك الجهاز المركزى للمحاسبات وخلوا بالكم من هدومكم احسن الملط مش ايسيبكوا وسلملبلى على الوزارة
تحياتى خالد
ايه ده و أنا وزير الجامع الكبير
:)
طيب استعدوا بقى و اتوضوا و اسمعوا مني أول خطبة بمناسبة الوزارة
و حنصلي ركعتين مع بعض شكراً لله على الوزارة و ندعيه يوفقنا و يقدرنا عليها
استقيموا يرحمكم الله و سوا الصفوف الرجال خلفهم الصبيان ثم النساء
:)
قطتي

بصراحه بصراحه الوزارة الا انتي مسكتهالي دي في الجووووووووووووووون

هتعمل معايا شغل جامد

هاديكي خط مفتوح
..........


انتي قمر ياقطه

وزة
بصى سيبك من الصورة خالص
عشان دى ممكن يطير فيها رقاب

حرام عليكى وربنا
دى تروحى بيها لاسرائيل
متجيش بيها هنا

وسيبك من انى ابقى وزير خارجية
مع انى مش عارف ازاى
دنا زعيم
فجأة اجى من الشغل
الاقى نفسى وزير خارجية
لا حول ولا قوةالا بالله
بس ياله
اهى شغلانة بعض الضهر الواحد يطلعله منها بقرشين حلوين


ربنا يعينا بس ونلاقى حد يقول لاباليسو الخبر المزعج دة
لحسن دة مجنون
وممكن يخطفلك لوجى
هى اسمها كدة صح

ودة مبيتفهمش
دة غبى وممكن يأكلها محشى
بس مش عايزك تخافى
عم عبده ان شاء الله حيعرف يقنعه
او يقتله ونستريح منه



خلينا فى المهم دلوقتى
بالنسبة بقى للفلوس
ونا كلمتى فى الموضوع دة واحدة
ومبترجعش
انا طالب فى العملية دى
مالايقل عن اتنين جنيه وربع
وعلبة سجاير
ولو وئية حشيش
يبقى عمتلوا معانا احلى واجب

وبالسبنة لعدة الشغل
عليكوا برده

وبالنسبة للبقشيش كمان عشان مننساش
حاخد انا التلتين وانتوا التلت

كفاية عليكوا كدة
مع انها جاية عليا بخسارة
بس ياله
ربنا يعينا بس
وبعون الله هما يومين
وحولع لكم فى الناس الى فى الخارج
كلها
واولهم اسرائيل
وبعدها امريكا
وبعدهااممممممممم
حعلن اعتزالى اللعب دوليا
بس المرتب حيفضل شغال على فكرة



سيبك بقى من كل الى فات دة

وتعالى هنا وقوليلى
مين الاخ اوزير دة

دة التطور بتاع كلمة وزير صح
ولا دة التطور بتاع الحاجة الساقعة
أنونيمس said…
مكتب معالي وزير الصحة
قرار رقم واحد
_________

أولاً .. منح المواطنة قطة الصحراء ميزة العلاج المجاني -بعد الشر وبعيد- في جميع مراكز ومستشفيات الوزارة هي وأهلها وصحابها واللي تحبه

ثانياً .. منح جميع الأطباء علاوة 1000% من أساسي المرتب

ثالثاً .. فصل جميع الممرضات وإلغاء معاهد ومدارس التمريض

رابعاً .. غلق جميع المستشفيات والمراكز الطبية بالبلد وتحويل المرضي على مستشفيات بلاد بره .. عشان يلاقوا ناس بتفهم تعرف تعالجهم


يعتمد وينفذ من تاريخه
معالي وزير الصحة
ا.د. أنونيمس أبو سماعة
ربنا يباركلك
بس ليه السياح ده يعنى لازم الفضايح انتى مش عارفة ان انا ممكن اتحسد لما حد يعرف مرتبى

اول قرار ليا بصفتى وزير المواصلات
منح توكتوك لكل مواطن
اما بالنسبالى انا هخصص ترماى مخصوص يوصلنى من البيت لحد الشغل
وكله فى سبيل الشعب
ولا ترفديني مين يششتغل مكاني

و بعدين هي بالساهل كدة يا بنتي

مش فيه تقاليد و بروتوكولات تعامل مع الملوك

يللا يا نانا ربنا يهديكي

سيبي القرار في الديوان و انا هبقى اأشرلك عليه موافقة

بالمناسبة عايز اخد رايك ي موضوع كدة بس ابقي رجعي الكومنت موديريشن عشان مايبقاش عالهوا
Nigro said…
This comment has been removed by the author.
Nigro said…
This comment has been removed by the author.
انتوا قسمتوا الوزاره على بعض ولا ايه
و مهانش عليكى تدينى حته منصب فى الداخليه عشان ابلطج على خلق الله
شكراااااااا
ههههههههههههههههه
بس تاج اول مره اشوفه و زى العسل
شكراً ليكى و تحياتى
fatima said…
قطتى الحلوة
الله
أومال فين وزارة التضامن الإجتماعى
دى بقى لعبتى
مسكيهالى بس
و أوعدك يا شعب مصر
ان محدش هيبات منكسر و بيدعى عل الحكومة الحلوة دى
دايما متميزة يا قطة
تحياتى
يا خبر يا هريرة .. الناس الفولت معاها على قوى بعد ما بقوا وزرا .. أمال لو بقوا رؤساء جمهورية هايعملوا إيه ؟؟ أما أروح ألحق الكرسى بتاعى لاحسن حد يضربه منى و أبقى رئيس من غير كرسى .. أقعدوا بالعافية .. و لا بلاش اقعدوا دى عشان ممكن تقعدوا على الكرسى الكبير .. فوتكم بعافية

أنا باعتذر جدا عن انقطاعى الفترة اللى فاتت .. كنت مشغول موووووت .. و بلوج لاينز عندى فيه حوالى مية و خمسين تدوينة جديدة

ربنا يعينك يا هريرة على مهام رئاسة الوزرا .. عايزينك تنفذى البرنامج الانتخابى بتاعى يا ريت عشان نخدم الشعب
الربان said…
تحياتي

وزارة هائلة...الفشل حليفها لان السجن مصيرها....ههههههههه.

اقول لك شيء: غاية املي في الحياة ان اكون سعيدا مرتاح البال... ان اكون نفسي ، لا كما يريدني الاخرون.

الوزارة...هم و كرب و ابتلاء من الله
نحاسب عليها مرتان...الاولي في الحياى الدنيا..و الثانية امام الله في الاخرة.

ياريت نفتح مكتبه سويا...ننير عقول الناس... و نعلم شبابنا تقنيات الحاسب الالي...و الله عندي افضل من الوزارة...

تحياتي و تقديري....و شكرا معالي رئيسة الوزراء علي ترشيحي.

دمت بالف خير...
Desert cat said…
momken
ما هو فى الاول كدا
وبعدين هويهم العين الحمرا علشان يعرفوا يسرقوا فى البلد كويس
تشرفت اوى بردك
تحياتى
Desert cat said…
همس الاحباب
تدخل مين وفين طب ازاى ؟؟؟
ماشى بقى
وزرااااااااااااء اجمع
همس الاحباب مش يمسك اى منصب سياسى ابدا
البتة
اصله ناوى يعمل حاجات مش حلوة
واحنا حننهار من اول قلم
Desert cat said…
مهندس مصري
انا برضه قولت محدش غير مهندسنا الهمام ينفع فى الوزارة دى
ربنا يقويك
Desert cat said…
انين الحزن said
خط مفتوح
يا بختى يا بختى
حد يفوقنى من الخضة
طيب مش ممكن تحولى لى 5 جنيه لحد ما تدينى الخط ؟؟..
Desert cat said…
زعيم كمورا مورا
مرتب ايه بس ده انت حتقلب فى البلد كلها براحتك
وتقولى مرتب
والناس اللى برة انت بس تقعد معاهم لمدة 3 دقايق ترص لهم اسطوانة الكلام بتاعتك دى كلها
وهما بنفسهم اللى هيروحوا يولعوا فى نفسهم
الكلمة بقى جاية لى كدا من عند ابو العساقيل اعمل ايه بس
Desert cat said…
أنونيمس
يحيا العدل
يحيا العدل
ايه ده معلشى يا دكتور هيست من المفاجعة
يحيا الصحة يحيا الصحة
هتعالج ببلاش انا والاسرة والاصدقاء
قرار الدكتور يتنفذ فى التو واللحظة والحال
Desert cat said…
حــدوتـــة
توك توك
توك توك
انا معيناك علشان تشلنى
انا كدا هرفضك
جايب لى الحاجه اللى عاملة لى عقدة ومكرهانى فى البلد باللى فيها
طيب امنح عجلة زى عجلة خالتى فرنسا كدا
انما توك توك
الحقووووووووووووووووووووونى
Desert cat said…
ملك الكبدة
طيب خلاص تعالى انت وقع على قرار التعيين عندى وانا اسحب موضوع الرفد ده
اوكى يا فندم
هرجعه الكومنت مودريشن
Desert cat said…
Nigro
انت جاى تتريق على رئيسة الوزراء
طب خاف على وزارة الهجوم اللى مسكتها لك قبل ما اخلى الوزراء الباقيين يهجموا عليك انت
وبعدين الشكل قبل وبعد مش واخد بالك ولا ايه
هو كتير قالوا لى مش تزلى الصورة خايفين عليا ن الحسد بس انا قولت معلشى بقى احنا اخوات
Desert cat said…
شريف طلال
ولا تزعل نفسك يا شريف
انت من النهارده امين شرطة قسم الهرم
Desert cat said…
fatima
احلى ام يوسف
ده احنا كدا نمسكك اى حاجه فى البلد متخصصة فى حل الماكل علشان الناس تبطل تدعى وتنام مبسوطة
Desert cat said…
ابن حـجـر الـعـسـقـلانـى
انت بس سيبلى الوزراة وانا هدلعها لك اعلى دلع
ومش تقلق خالص على البرنامج هيتنفذ يعنى هيتنفذ امال هو احنا ورانا حاجه غير النفذنة
يا فندم ولا يهمك من موضوع الانقطاع المهم انك بخير
تحياتى
Desert cat said…
الربان
بعد الشر عنك وعن كل احبائك من السجن وخلافه يا استاذنا
لو ان من رائيى ان حضرتك جدير بيها لان اسلوب حضرتك مقنع جدا لان الشعب يتخلى عن ثقافة الكيف اللى بهدلتنا ونبقى مثقفين بجد ونعرف نتقدم خطوة واحدة بس
ربنا يحقق لك كل ما تتمنى
احترامى وتقديرى
الساحرة said…
يا حبيبتي ملاحظه ان عينك علي رئاسه الوزارة
طيب انا كمان مرشحه نفسي لنفس المنصب
اعمل ايه دلوقتي
وبعدين عمرك شفتي قطه رقيقه تمسك الرياسه
السحرة بس هما اللي ينفعوة
Desert cat said…
الساحرة
لا يا حبيبتى مش حنختلف خالص علشان رئاسة الوزراء
خدى كمان رئاسة الجمهورية بس سيبونى اروح
oceaneyes said…
هههههههههههههههه

حلو التاج ده بجد وخفيف كدة ودمه لظيظ

:D


وحشتينى كتير يا نانا

ابقى طمنينى عليكى

:)

Popular posts from this blog

قميص دهشور

كل تحرش وانتوا طيبين