عــلامــة اســتفهــام ؟؟؟

أفقت من نومى دون ان اشعر بكسل كل يوم ... أنظر إلى عقارب الساعه .. إنها الثامنة والنصف صباحاً ... وهذا معناه انى لم أنم سوى ساعتين فقط .... أهذا أرق أم نشاط ... فليكن ما يكون .... طوال الاسبوع الماضى قبل نومى اقرر فى الصباح ساذهب لاستكمال الاقرار الضريبى ... واصحى من النوم متاخرة كالعادة ... وأأجل ليوم آخر ... أظن دلوقتى الوقت المناسب .... دخلت المأمورية .. على غير العادة فى كل عام .. نظام ملفت للنظر بشكل واضح .... فالمأمورية متقسمة لجان ... فهذا مخصص للسيارات .. وهذا للأشخاص .. وذاك للعقارات ... قبل كدا كان كله رز بالخلطة مع بعضه ... كل الموظفين قدامهم اجهزة كمبيوتر وبيخلصوا مصالح المواطنين بسرعة ... لم أستغرق سوى عشر دقائق فقط ... مليت الإقرار ووقعت عليه واتسجل على الكمبيوتر ونزلت وانا مش مصدقة .... معقول انا فى مصلحة حكومية ومعقول خلصت بالسرعة دى ...... إنه النظام لو إتبعناه فى كل شئ لأنجزنا ووفرنا معظم وقتنا اللى ضايع فى انتظار ... المشوار بعيد شوية من مأمورية الضرائب للشغل ... فضلت إنى أمشية .... لأنى بجد ماليش نفس للشغل ... عايزة اقعد لوحدى دخلت أحد الأماكن أشرب نسكافية وما اظنش انى ممكن اقابل حد يعرفنى هنا يقطع عليا خلوتى ... مسكت النسكافية بين يدى انظر اليه فى تحدى هل يمكن فصله عن اللبن بعد ان امتزجا سوياً .... وأجدنى أتسائل فى حدة أيمكن أن أنتزع من تعمق بداخلى بعد أن اصبح جزء من عقلى وقطعة من قلبى ... اااااه ياربى ساعدنى .... اشعر بنظرات من حولى تخترقنى ... انقل نظرتى من مج النسكافية اليهم وكأنى أتسائل هو شكلى مش من هنا ولا حاجه ؟؟؟ ... ولا علشان قاعدة لوحدى ؟؟؟... طيب انا ليه عاملة مشكلة .. وليه شايفة علامة الاستفهام .... انا مقتنعة ان كلنا بشر وكلنا بيمر بحالة من اللاوعى .... فمن الحمق الا اتجاوز طالما انا مقتنعة من داخلى ... ومن الظلم الا اغفر .... فالله سبحانه وتعالى بيغفر الذنوب فمن اكون بجوار عظمته ... افقت على صوت اعرفه جيداً ... إنها سارة ... ازيك بتعملى ايه هنا ايه قاعدة لوحدك ليه .... انا كويسة ... سورى يا سارة مضطرة امشى ... انا اسفه لو ضايقتك ممكن اسيبك لوحدك وامشى انا بس شوفتك حبيت اسلم عليكى ... لا يا جميل انا كنت ماشية خلاص .... رحت الشغل مع انى كنت قررت ما ارحش ... الوقت لا يمر .... لسه مفيش حل لعلامة الاستفهام المرسومة امام عينى ... بعد وقت كبير دخل صديقى الودود اون لاين .... وبدون ما احكى تفاصيل لاقيته بيقولى الحياة سهلة ... وكانها العصا السحرية التى القى لى بها ... فعلاً الحياة سهلة بس محتاجين نحبها .... اسدل الليل ستارة .... اتفقت مع الدقائق على قتل الوقت ... فلن اشعر به متثاقلاً لأنه سوف ينتهى .... تعمدت التأخير ... نفسى امشى فى شارع لوحدى .... دخلت فى طريق طويييييل..... لا يوجد به سواى الجو اكثر من رائع .... حسيت انى عايزة اجرى .... عايزة اصرخ باعلى صوت من غير ما حد يسالنى مالك ... او يتهمنى بالجنون ... وفجأة أسرعت فى خطوتى ... وكلما اسرعت فى خطوتى اكثر كلما احسست بالراحة .... وأخيراً وجدت إجابة لعلامة الإستفهام .... محتاجة أتنفس حرييييييييييييييية

تعليقات

‏قال انين الحزن
اول تعليق

استني بقه اروح امخمخ واجي تاني ياقطتي

وزة
انتي بتجيبي الحوار النفسي العميق ده منين ؟
بجد انتي موهوبة
في ايه مش عارف بس موهوبة و خلاص

و ما تنسيش الضرايب مصلحتك أولاً
و ياريت تدي فاتورة لكل واحد داخل يأجر نت ساعة عندك زي ما الإعلانات بتقول
:)
هههههههه
‏قال انين الحزن
ايه ياقطه الجو الجامد بتاع الحريه دا
واللبن الا عايزة تبعديه عن النسكافيه

بس عارفه بكون نفسي زيك كدا بالظبط لما يكون الجو حلو بكون عايزة الشارع يبقي مش فيه حد غيري

بس نعمل ايه في الحرية الا مش عرفين نخدها دي كمان

علي فكرة انا بحب اسلوبك اوي وانتي بتحكي بحس انك قاعده معايا

وبنشرب نسكافيه بس انتي اللبن وانا النسكافيه بما انك قطه بقه

سلامووووووووز ياوبوسي

وزة
‏قال الساحرة
عاوزة اتنفس حريه
جمله اعجبتني تصلح لكتابه بوست عنها
حوار جميل
انتي هايله
تحياتي
‏قال بطوط حبوب
الخنقه اكتر شئ دافع للابداع
ولما بتبقى النهايه عايزه انفس حريه
يبقى هوه ده الابداع
صح ولا ايه؟؟؟؟؟
‏قال غير معرف…
ماهى المسئلة كلها فى ايدينا احنا
احنا الى بنخلى الحياة سهلة واحنا الى بنخليها صعبة
لو الواحد رضا من جواه برزقه الى ربنا كتبهوله
مش حتحس بصعوبة الحياة
ولو الواحد اتصالح مع نفسه
بجد وغفرلها الى فات
وبدء مع نفسه صفحة جديدا
يودع فيها المشاكل ووجع الدماغ والصداع اليومى
وبدء حيحس باحلاوة الحياة
ساعتها حيحس انه عايش

بس بجد ياقطة برافو عليكى
انك قدرتى تجوبى على السؤال
الى لناس كتير كانت بتسئله لنفسها
وانا واحد منهم

الحاجة الى فعلا احنا محتاجنها
اننا نتنفس الحرية
ساعتها حنحس اننا عايشين


تحياتى ياقطة
‏قال صوت من مصر
بجد الحريه اصبحت شىء مفقود فى الزمن لكن اذا ارادتها ستكون معك دون جدال
معلش هما الحراميه الى فى البلد مش حاسين بحريه
‏قال عابد الرحمن
الاحلام حلوة برضه
بس في كلام بيقول
قبل ما تحلم فوق ... أحلم وانت فايق
قبل ما تطلع فوق .... انزل للحقايق
للرشوة والكوسة والمحسوبية والتعليم الفاشل والاسعار المولعة والمرتبات المتدينية وزحمة المواصلات
عادي يعني
‏قال oceaneyes
احلى حاجة فعلا الحرية وانك تكونى حرة

وفعلا الحياة حلوة جدااااااااا


وكويس انك خلصتى من موضوع الإقرار الضريبى ده


وخدى بالك كويس من نفسك



تحياتى


:)
‏قال فرنسا هانم
فلسفه نفسيه عميقه

وكلمات عقلانيه دقيقه
اللبن لايمكن فصله عن النسكافيه
ام
من يدخل القلوب
من الممكن ان يخرج منها
اذا اراد هو
فاهمه ؟؟؟؟؟؟
افهمك مع انى عارفه انكى ذكيه وهتفهمى
لو واحد دخل قلبنا وحبيناه جدا
واراد الخروج من قلبنا سيخرج
وكيف يريد الخروج؟
لو اساء لنا
او فقد مصداقيته
يبقى ممكن قوى يخرج من القلب

بس
خلاص
وفعلا الحياه سهله
تحياتى لقطتى الجميله
امواااااااااااااااه
بالنسبه لموضوع الاقرار انا معملتهوش وشكلى مش ناوى على انى اعمله السنه دى يتاجل عادى
على فكره يا قطه اسلوبك عالى بس بيعلى قوى الفتره دى وخصوصا فى الحوارت النفسيه
اتنفسى حريه اصرخى ابكى اعملى الى انتى عايزه تعمليه بس اهم حاجه لاقى نفسك
النهاردة كانو مستضيفين وزير المالية
وقال ان فيه تطور فعلا حصل ف المصلحة
طبعا مكنتش مصدق
بس انتي كده اكدتيلي
ربنا يصلح الأحوال

-------
حلوة الحالة دي على فكرة
‏قال الربان
تحياتي

ما أجمل الحرية...ما أجمل الانفاس حينما
لا يكون هناك من يعدها علينا.

تعرفي انني اشعر بالحياة و بالراحة بعد الهروله.... المشي و الهروله يعيدوا الي
اتزاني و نقاء نفسي.

يمكن لان في المشي و الهرولة متنفس بحرية لي
كما يكون لاخرين.


تحياتي و تقديري.
‏قال Empress appy
يا نهار يا نونا اتجنيتى بدرى معلش بصى تعالى فى القاهرة الجديدة واجرى براحتك وربنا يهدى بتوع المصالح الحكوميه ويبقوا منظمين فى الشغل
السؤال الرخم بقى بتاع كل مرة واللى تقريبا ببقى عارفه اجابته مين صديقك العدود ده ههههههههههههههههه
فعلا الحياة سهله بس احنا مكلكعين
‏قال خمسة فضفضة
السلام عليكم ورحمة الله وبركاته

كلنا عاوزين نتنفس حرية
‏قال Stella De Mare
هى سهلة بس اللى حوالينا بيصعبوها علينا لدرجة ان بيقتلوا فينا احساسنا بيها
فمن الحمق الا اتجاوز طالما انا مقتنعة من داخلى ... ومن الظلم الا اغفر .... فالله سبحانه وتعالى بيغفر الذنوب فمن اكون بجوار عظمته


ما اروعك يا قطقوطة
لما كتبتى الكلمات دى
لو كل الناس تحط الكلمات دى فى دماغها
الحياة على راى صديقك اللدود هتبقى سهلة

تحياتى ليكى
اختك خيخة
‏قال همس الاحباب
ربنا يطمئنك انا اروح اقدم الاقرار الضريبى قبل الزحمة
الحياة سهلة اسلوب رائع
بس مش ملاحظة انك بتكلمى نفسك كتير اليومين دول
وبتتخانقى معاها وده مش كويس يا قطة خليكى ريلاركس وعديها ناس لبعضيها
تحياتى
‏قال nigro
أزال المؤلف هذا التعليق.
‏قال قلوب بتغنى
صباحو يا قطتى
عارفه احساسك انك عاوزه تقعدى لوحدك شويه من غير ما حد يعرفك
اعتقد انه تعبير عن رغبتك فى عدم تدخل الاخرين فى شؤن اخرى فى حياتك اهم من الجلوس منفرده
او على الاقل ده احساسى انا
نفسى الناس تخليها فحالها ومتنحشرش فحياتى من غير دعوه
عموما سواء كان ده قصدك او لا
فدى امنيه ليه
اشطات
‏قال Desert cat
انين الحزن
منورة اول تعليق يا وزة
‏قال Desert cat
مهندس مصري
بجيبه من التلاجة
لاء احنا نتكلم جد شوية
انت تروح مصلحة حكومية وتحس ان الوضع مقلوب عكس ما انت متخيل تماما
يعنى بدل ما تقعد ساعتين تلاتة قول اربعه تقعد 10 دقايق بس وتمشى بعد كدا انزل وانت مش مصدق وبعدها بقى تقلب زى ما تقلب
يارب نفضل كدا على طول
‏قال Desert cat
انين الحزن
والله يا وزة انا انا احترت كتير فى نظرية اللبن والميسكو فيه ده
فقولت افصلهم عن بعض بس معرفتش اوقع بينهم بصراحة ... طلعوا واخدين بعض على حب
هو فى احسن من الحرية يا حبيبتى
تحياتى
‏قال Desert cat
الساحرة
كن جميلا ترى الوجود جميلا
وانتى كدا بالظبط
محبتى ليك يا قمرة
‏قال Desert cat
بطوط حبوب
طالما انت شايف كدا يا دكتور يبقى كلامك صح
تحياتى
‏قال Desert cat
Anonymous
الحياة سهلة جملة مكونة من كلمتين لكنها مفيدة جدا خصوصا فى الحالات اللى الواحد بيكون وصل لمرحلة من مراحل الياس ... بس انا بشكر الظروف وبشكر صديقى الانتيخ على كلمتة الجميلة
اما اجابة السؤال فتقريبا كلنا من الكبت اللى عايشينه محتاجين نتنفس حرية
شرفت البلوج
تحياتى
‏قال Desert cat
صوت من مصر
بايدينا نغير من نفسنا لو احنا عايزين
بالنسبة للحرامية بصراحة مش قابلت حد منهم علشان اعرف منه احساسه ايه
بس على ما اعتقد انهم مبسوطين على الاقل فلوسهم بتزيد والناس بتموت من الجوع
عادى يعنى
‏قال Desert cat
عابد الرحمن
والله يا فندم انا شايفة كل الحاجات دى وانا اكتر واحدة بتعرض عليها بس مش هتسفيد حاجه لم ااقعد ابص لهم ودمى بيتحرق يبقى الحل انى افكر فى التغيير للافضل يمكن اقدر أثر فى اللى حوليا ونقدر نعمل حاجه مفيدة
تحياتى
‏قال Desert cat
oceaneyes
ميرسى يا جميلة ربنا يخليكى ليا
انتى كمان خدى بالك من نفسك
اشهد الله انى احبك جدا فى الله
دمتى بكل حب يا قمر
‏قال Desert cat
فرنسا هانم
انتى عارفه الاجمل من البوست اللى عجبك ايه هو ردك
بجد حسيت فيه بعقل وحكمة فعلا مش تطلع غير من رئيسة جمهورية
اكبر بوسة فى الدنيا لاحلى فرنسا
اموااااااااااه
‏قال Desert cat
رئيس جمهوريه نفسى
وهو التهييس اللى انا فيه ده من شوية يا ريس
ما هو علشان لاقيت نفسى فا احنا الاتنين مش قادرين نتفق ... فبيطلع الكوكتيل ده شوية نضرب بعض شوية نتخانق وشوية نحضن بعض اوووى وندوب فى بعض زى النسكافيه كدا
تحياتى
‏قال Desert cat
آلام وآمال
لاء هو فعلا فى تطور
لو كل وزير حاول ينظم بالشكل اكيد هنتقدم .... يارب يجعلها عدوى وتنتشر ياااارب
تحياتى
‏قال Desert cat
الربان
استاذى العزيز
بالفعل مع الهرولة وخصوصا لما يكون الجو جميل .... الانسان تنتابه حالة من الشجن مع حالة الرضا بالنفس ...
احترامى وتقديرى
‏قال Desert cat
appy
متأكدة يا أأبى انى لو جيت القاهره الجديدة وجريت وصرخت وطلعت كل المواهب المكبوتة اللى جوايا مش هيدفونى بالطوب ... طيب ولا هيتصلوا بالعباسية ... خلاص استنينى انا جايه لك حااالا
وبعدين اانتى تانى يا لولو بتسالى على ايمووووووووو
بقولك الاقيش عندك .... كابتشينو
ههههههههههههههههههه
اموااااااااااااه
‏قال Desert cat
خمسة فضفضة
عليكم السلام ورحمة الله وبركاته
كلنا محتاجين فعلا بس يارتى طلبنا موجود
او نعرف ننفذه
‏قال Desert cat
MoodyLicious
يبقى احنا مش نديلهم فرصة يقتلونا فينا احاسيسنا
مش مهم اللى حوالينا
المهم احنا عايزين ايييييه
‏قال Desert cat
بت خيخة وأى كلام
ربنا خلقنا مختلفين علشان لما نقابل الشخص الوحش نعرف قيمة الحلو
دمتى بكل حب يا ام شيكو
‏قال Desert cat
همس الاحباب
اه طبعا روح اعمل الاقرار وفى بطنك بطيخة صيفة وكنتالوب شتوى كمان
بالنسبة لنفسى مش اتخانق معاها بدل ما اتخانق مع حد تانى مالوش ذنب
والله ربنا يعدى الايام دى على خير
تحياتى
‏قال Desert cat
Nigro
هو كان مصالحة للذات اكتر منه هدوء نفسى
تحياتى
‏قال Desert cat
قلوب بتغنى
هو ده بالظبط قصدى
لكن للأسف ليس كل ما يتمناه المرء فى بلدنا تحديداً بكون ماشية او فى مكان او بشترى حاجه الاقى واحدة جاية تسلم عليا فى ناس كتير بكون عارفاهم وفى ناس بكون فاكراهم وناسية اساميهم طبعا لما بتكونى فى مكان شغل واكتر رواده بنات بتكونى معروفة بينهم شوية ودى ساعات بتكون مشكلة خصوصا فى حالة الهروب اللى بحس بيها ساعات واحيانا كتير بتكون جميلة اوى وبتفرحنى لما الاقى واحدة جاية تسلم عليا بحس بنعمة ربنا فى محبة الناس
...
شكلنا متفقين
اشطاااات
‏قال Foxology
علامة استفهام اجابتها انك عاوزة تتنفسى حرية

بوست رائعة بجد ... اجمل ما فيها ان الحياة فعلا بسيطة وفكرتنى بأغنية لباند بحبه اوى اسمه (بلاك تيما) باند مصرى ليه اغنية اول كوبليه فيها بيقول ...

انا عندى سر ..عندى سر خطير .. السر ان الحياة لازم تتعاش واللى يكرهها مايستهلهاش

شكرا للبوست :)
الغريب يا قطه انى مرين بالحاله دى وملقتلهاش حل بس عادى بنتخانق ونتصالح ونضرب بعض بس اهم حاجه انها جنبى فى كل الاحوال
‏قال Desert cat
Foxology
مشكلتى بقى انى معنديش أسرار حتى اسأل آآبى كدا وهى تقولك
طبعا حل علامة الاستفهام انى عايزه اتنفس حرية
نفسى بجد كل واحد ربنا يهدية كدا ويخليه فى حاله ويعيش ويسيب الناس تعيش فى سلام
ربنا يهدى الجميع
تحياتى
‏قال Desert cat
رئيس جمهوريه نفسى
طالما جنبك فى كل الاحوال يبقى محلولة
يعنى مش محتاجة حلول
بس انا اعتقدت انها جنبك انتى كمان بصى يا قطه اتنفسى حريه وعيشى حريه وخديها قاعده الانسان عامل زى العمله المعدنيه كل مجموعه من الناس بتشوفها من ناحيه واحده بس يعنى مش حتتفق عليكى اتفقى على نفسك مع نفسك وثقى انك صح وعيشى واتنفسى حريه
‏قال Desert cat
رئيس جمهوريه نفسى
انا الحمد لله ثقتى بنفسى تفوق كل الحدود
وطالما أنا صح والناس اللى بتحبنى اكتر بكتير اوى من اللى بتكرهنى
وبالتالى لا ابالى بآراء ضعاف النفوس او المرضى النفسيين .... بمعنى بحطهم جنب الحيط واعدى
تحياتى
‏قال Unknown
وانا كمان نفسي ف نفس من انفاس الحريه
يا ترى نلاقيها فين ونلاقي انفاسها فين؟؟
السلام عليكم

الموضوع في تقلبات مزاجية كتيرة يا قطة
وفي علامات غستفهام كتيرة
يمكن تكوني جاوبتي عنها في اخر سطر...بس انا شايف غنها مش إجابة منطقية او مناسبة للموضوع


علي العموم اسلوبك جميل


دمتي في خير

سلام
‏قال ملك الكبدة
نانا مش عارف في ايه

من البوست اللي فات مش عارف اسيب كومنت

انتي مالك يا بنتي

فين المرح

اكيد في حاجة صعبة ده احساسي و يا رب يكون خايب

تحياتي
عينى عليكى بردة

ايه دا كله

بس بجد مش عارفه اقولك ايه بجد

غير ربنا يوفقك

تحياتى ليكى ووحشنى تعليقى
عاوزة رأىى بصراحة
أتنفسى حب عشان دة اللى أنتى محتاجاة وبتدورى بخطواتك المسرعة علية
‏قال غير معرف…
لقد كتبتِ قصتنا جميعا

بسرد جميل و دافئ جدا

شعرت انني كنت معك ..أو مكانك

في تلك اللحظات

أنا أيضا ..بدّي اتنفّس حريّة

لا تقطع عـنـّي الهـوا

و لا تزيدا كتير عليّي

أحسن ما نوقع سوا

ـ أحيلك الى جوليا بطرس

و اشكرك شكرا جزيلا على زيارتك لمدونتي

المهجورة .بحبك يا لبنان .
على أمل ان تزوريني في مدونتي الاّيلة للسقوط في هذا العنوان

joe75.jeeran.com

جو غانـم
‏قال mnoon
ساعات الواحد
بيحس انه حزين
وبدون اسباب مقنعه
ويحس ان مفيش حاجه فى الدنيا
ممكن تكون سبب انه يخرج من مود الكأبه
ويحس ان الابتسامه بعيده
قوى عليه
وبعدين تحصل حاجه بسيطه
قوى قوى
تكون سبب فى انبساطه
وإنشكاحه على الاخر
انا شخصيا بمر بالحاله دى كتيير
اروح بقى اكمل لف فى المدونه الجميله دى
سلااااااام
بداية انا بيعجبني جدا العمق اللي في مواضيعك , انتي في اسلوب رشيق بتقدري تطرحي التساؤلات والحيرة اللي بتدور في نفوسنا بجد احييكي علي اسلوبك

كلنا دايما بتيجي علينا لحظات بنتمني اننا نصرخ بملئ حناجرنا وكلنا علي فكرة بنبقي علي شعرة بين العقل والجنون

ملاحظة اخيرة: اول مرة من فترة اسمع عن حاجة ايجابية في البلد بخصوص كلامك عن مصلحة الضرائب

تقبلي مروري
‏قال سنووايت
النظام راحة وجمال ما بعده جمال بجد لو كل حاجة في حياتنا بنظام كانت حاجات كتيراوي اختفت

يمكنك فصل المزيح في حالة واحدة فقط "بعد تحللهم داخل الجسم" دا مش رأي علمي بحت علي فكرة :)

الحريــــــــــة هي أغلي ما يمتلكه الانسان في حياته الحرية من كل شيء ومن كل تفكير ومن كل ضغط نفسي وعصبي

بوست رائع
لا حول ولا قوة إلا بالله
ادى اخرت القاعدة قدام الكمبيوتر كتير
يامه نصحتك وقولتلك بس انتى ولا هنا

مصلحة الضرائب بيعملوكى كويس عشان هيخدوا منك فلوس لولا كده كان زمانك كاتبه موضوع عن القهر الحكومى وتوابعه النفسيه على المواطنين
اصل محسوبك شغال فى مكتب محاسبة وفاهم الليلة ماشية اذاى
خدى بالك من نفسك سلالالالام
‏قال son's egypt
السلم عليكم
فعلا النظام بيهل علينا حاجات كتيرة وبيوفر الوقت والجهد
ولكن بالنسبة لحالة الزهق والواحد بيكون في اوقات مش عاوز يكلم حد ده طبيعي لاننا بشر وممكن في اي وقت نمل من اي حاجة
‏قال من انا؟؟
عايزة اتنفس حريييييييييه
كلمه جامده جامده جامده
تصدقى اكتشفت انا انا كملن عايزة اتنفس حريييييييييه
‏قال زعيم كمورا
بجد صديقك دة طلع راجل بيفهم
فعلا الحياة سهلة جدا جدا يعنى
والانسان عاشها ببساطة حيحبها
وحيعيش سعيد وراضى
وحتى لو قلبت اى حد مشكلة كبيرة وعويصة
سهلة ياخد يوم اجازة من الحياة كلها
ويعد على جنب مع نقسه وحيحلها
امال ربنا خلقلنا العقل ليه
مش عشان نعرف نعدى العقبات الى بتقبلنا فى حياتنا
هى الحياة سهلة اه
بس سهلة للى يفهمها
بس الى حيعقدها حيبقى بيصعبها على نفسه



مسكت النسكافية بين يدى انظر اليه فى تحدى هل يمكن فصله عن اللبن بعد ان امتزجا سوياً


لا سؤال فى الجون صحيح


بصى بما ان شغلى كله معتمد اساسا على اللبن
فانا بأكدلك انك
حتى لو لقيتى طريقة تفصليهم عن بعض
برده حيفضل جزء من اللبن على النسكافية
عارفة ليه
عشان اللبن لما بيمتزج مع حاجة
بيبقوا جزء واحد
حاجة واحدة
يعنى

دة رئى عموما مش عارف بقى اذا كان صح ولا لا

بس بجد بوست رائع ياقطة
تحياتى
‏قال بحبك يامصر
صح كلنا محتاجين نتنفس حريه
بالحريه بس الواحد يحس انه عايش
‏قال أنا حر
كل ما اتنفسنا حرية اكتر كل ما انتعشنا اكتر واتحلت علامات الاستفهام اللي في دماغنا
حلو قوي البوست
تحياتي
‏قال اسامة يس
يااااااااااااااه
نعم اتنفس واستنشق حرية ... اعبئ صدري هواء نقياً غير مكبوتاً وغير مراقب غير مكمم ...

جميل ما خطه قلمك...
دمت بكل ود...
خال تحياتي
مش عارفة بقالك بوستين متغيرة يا كات

حاسة ان دماغك مشغولة

لذلك البوست بيطلع عميق

وفيه معانى كتير يمكن مناقشتها

بس اسلوب حلو اوى

ساعات فعلا بنحس اننا عايزين نعمل حاجات كتير او حتى منعملش حاجات كتير من غير ماحد يسالنا ليه ولا ازاى ولا نبقي عايزين حد يعلق اصلا على تصرفاتنا
بس بنكتشف اننا طالما عايشين وسط الناس يبقي اكيد مش هتبقي حرة بطريقة مطلقة وبمزاجك بطريقة تلقائية هتلاقي نفسك فى حاجات مش بتعمليها حقنا لتعليقاتهم فقط

مش عارفة حاسة انى هيست شوية فى التعليق ده ..:D
بس هو ده اللى انا عايزة اقوله :D

دمتى بحرية :)
‏قال blackcairorose
عبرتى عن لحظة كلنا متهيألى بنحسها ولكن مش كلنا نقدر نعبر عنها بالشكل الحلو واللى يوصل الى جوانا زى ما عبرتى انتى يا كات

وخالص الود
‏قال مشمش
جميلة جدااا انتي والكلام
‏قال عبده الرايق
احسن حاجه الحريه يا كات
لو قعدنا نتنفس حريه
هتتعود الرئتين بتوعنا عليها
وهنرفض اى كتم لحريتنا
طول العمر
انا عايز كمان اتنفس حريه
‏قال Desert cat
أنونيمس
نلاقيها فى الشئ اللى بيسعدنا
دايما شوف ايه اللى بتحبه واعمله ولا يهمك آراء الآخرين طالما انت صح
وعارف ان اللى بتعمله مش فيه حاجه غلط ولا بياذى حد
تحياتى
‏قال Desert cat
الراقص مع الذئاب
يمكن من وجهة نظرك الاجابة مش منطقية او مناسبة للموضوع بس على الاقل مناسبة ليا انا شخصيا
تحياتى
‏قال Desert cat
ملك الكبدة
خير يا سيادة الملك
اطمن على شئون رعيتك احنا بخير والحمد لله على الاقل دلوقتى
ما فات قد مات
اشكرك جدا لاحساسك الجميل
تحياتى
‏قال Desert cat
تمر
ايه اخبارك
ربنا يوفقنا جميعا
انتى كمان وحشتنى اوى مواضعيك
تحياتى
‏قال Desert cat
كلاكيت تانى وتانى
لاء بصراحة انا مش محتاجاه
ده انا حتى بدوس عليه تحت رجلى
عمرك شوفتى حد بيدوس على النعمة
هههههههههههههه
اصلى مش بحب اوجع قلبى لانه اغلى ما املك
‏قال Desert cat
Anonymous
جو
اشكرك جدا على كلماتك الجميلة ويشرفنى زيارتك
‏قال Desert cat
mnoon
منوووووون منورة البلوج يا قمر
وربنا يبعد عنك كل كىبة يا جميلة
‏قال Desert cat
الفارس الملثم
انا شخصياً اول ما شوفت النظام اللى فى الضرايب وخلصت على طول كان هيغمن عليا بس تماسكت الحمد لله
اشكرك جدا
يسعدنى جدا حضورك
‏قال Desert cat
سنووايت
ياريت النظام اللى حصل فى الضرايب ده يتعمم فى كل مكان واحنا كمان نبتدى بنفسنا وساعتها هتكون خطوة ايجابية لافضل
الحرية حجه جميلة ربنا ينعم علينا جميعا بيها
دمتى بكل حب
‏قال Desert cat
حــدوتـــة
معلشى بقى ادى اخرة اللى ميسمعش كلام عمو حدوته بيهيس كدا
تفتكر هيدفعونى كام طالما كانوا مريحينى على الاخر كدا اكيد هدفع مبلغ وقدره صح
اصل الدفع على اد الراحة
هههههههه
‏قال Desert cat
son's egypt
بالظبط كدا النظام جميل فى كل حاجه
الزهق ربنا يبعدنا عنه وخصوصا انا زهقى ممكن اقتل حد واقول ما اعرفوش بعد كدا
‏قال Desert cat
مدونه من اجل الحب
اتنفسى يا حبيبتى اللى انتى عايزاه
سيبك من الدنيا وبلاويها
‏قال Desert cat
زعيم كمورا مورا
طبعا كل صحابى بيفهموا هو انا برضه بصاحب اى حد
هو ممكن فعلا فصل اللبن لاء ما اظنش اى حاجه لازم تسيب اثر حتى لو فصلناها غصب عنها
تحياتى يا زعيم
‏قال Desert cat
بحبك يامصر
بالارادة نقدر نتنفس اللى احنا عايزينه
تحياتى
‏قال Desert cat
أنا حر
الاجمل رد حضرتك
تحياتى
‏قال Desert cat
osama
من اجل الحرية تتحطم كل القيود
وعتبر جميع الجسور والسدود
احترامى وتقديرى
‏قال Desert cat
كفايـة طيبـة
لاء انتى مش هيستى انتى اتكلمتى بعفوية جميلة واحساس عالى
بجد بفرح اوى لما بشوف ردودك
دمتى بحب يا جميلة
‏قال Desert cat
blackcairorose

احساسك العالى هو اللى حس ان البوست حلو
تحياتى
‏قال Desert cat
مشمش
ميرسى جدا
‏قال Desert cat
عبده الرايق
اتنفس يا فندم ولا تسمح لحد يوقف فى طريقك
مودتى
‏قال زعيم كمورا
ايه دة انا مش قصدى حاجة على فكرة
انا بس بقولك ان صحابك راجل بيفهم
يعنى فاهم الحياة صح
وعشان كدة عارف يعيشها
هو دة كل الى قصده
مش قاصد حاجة تانية



لا بتسيب اثر بس تقريبا مبيبقاش باين
اثر بسيط اوى
يكاد يكون معدوم
يغنى مبيأثرش
بمعنى اصح
دة رئى عموما

واسف لو كنتى فهمتى كلامى فى الاول غلط
‏قال بنوته مصرية
فعلا الحياه سهلة

احيكي علي الفلسفة دي

هوني علي نفسك اختي مفيش شئ في الدنيا يستاهل

لكي مودتي
رودي
‏قال Desert cat
زعيم كمورا مورا
لا حول ولا قوة الا بالله
انت بس ايه اللى وصلك انى فهمت الكلام غلط
والله ابدا
تلاته بالله العظيم ابدا والنعمة ابدا
انا حتى راجعت ردى ولا قيته عادى
ايه يازعيم ما تروق كدا
ممكن بقى مج نسكافية حلو كدا من غير لبن
علشان مش نحتار فى فصله بعد كدا
ههههههههههههه
‏قال Desert cat
بنوته مصرية
صح يا رودى احنا لو فكرنا فى الدنيا هنلاقيها مفيهاش حاجه مستاهله
تحياتى يا جميل
‏قال زعيم كمورا
لا ماليش فى المستورد الحقيقة
لو واحد شاى فى امريكانى
سكر بره
يابقى تمام اوى
وعملتى معانا احلى واجب هههههههههههههههه

ومن غير لبن

بس ياريت المرة الجاية متسئليش
هى البيضة الاول ولا الفرخة

ماشى
‏قال Desert cat
زعيم كمورا مورا
ماشى يا سيدى علشان مش ازعلك بس
الفرخة الاول ولا البيضة
‏قال Dr. Eyad Harfoush
عزيزتي قطة الصحراء،
يالها من مدونة شديدة الشعبية ، مش حسد و لا حاجة و الله ، فقط أردت أن أقول أنني لا أتعجب من شعبيتها و رواجها ، فهي مؤهلة للحصول على الموقع الثاني مكرر بين ما رأيت من مدونات في درجة الصدق الشعوري في الكتابة و انسياب الكلمات و العبارات بحرية من الكاتب، وفقا لإحساسي الشخصي طبعا ، فلست ناقدا و لا مؤهلا لتقييم الاخرين

تحية و تقدير للصدق و الحرية في الكتابة ، تحياتي
‏قال Desert cat
Dr. Eyad Harfoush
رأى أفخر وأعتز بيه من انسان عظيم
احترامى وتقديرى

المشاركات الشائعة