مــــن هــنـــا وهــنــاك


افكار مبعثرة ... إحساس بالتوهان ... ابحر فى عالم النت ... لاول مرة اشعر انى ممكن استغنى عنه ...
افتح ماسنجرى ولكنى اوف لاين ... اشخاص تدخل وآخرون يخرجون أفكر ... حقاً صدق المثل اللى قال وما الدنيا إلا ماسنجر كبيييييير ... افتح ماى كمبيوتر ابحث عن روياتى المفضلة ... اتصفح رواية الآمال الكبرى لتشارلز ديكينز .... ولما هذه الرواية تحديدا مع انى قريتها كتيييييييييير ... صوت من داخلى يووووه انتى رخمة اوى هو كل حاجه اشمعنا اشمعنا ما تقرى وتخلصينا .... اتصفح الرواية .... وسألنى الرجل ما اسمك ؟؟؟ .. اجب بسرعة .... فى نفس الوقت ينبعث من جهازى صوت ماجدة الرومى .. يسمعنى حين يراقصنى كلمات ليست كالكلمات ..... هنا يشرد ذهنى ... يا ترى كان بيقولها ايه ... علشان تبقى كلماته ليست كالكلمات ..... من بين افكارى يرن هاتفى ... امك تتصل بك احترس ... وطبعا دى النغمة اللى انا عاملاها لست الحبايب يا حبيبة ... وبالرغم من انى عارفة ان اللى بتتصل ماما ما هو عمال يقولى احترس برضه بصيت على الشاشة مش عارفه ليه .... عدت لاستكمال الرواية ... امسكنى بقوة وقلبنى رأساً على عقب ..... تصيح ماجدة الرومى ... يخبرنى أنى تحفته وأساوى آلاف النجمات .... يا بختتتتتتتتتك ... اللى عطاكى يعطينا يا ست ماجدة ... ثم اشرد بفكرى وافكر وافكر وافكر .... وفى النهاية اجد انى كنت لا افكر فى شئ .... يعنى انتى تعبانى معاكى من الصبح وعمال تفكرى وتفكرى وفى الاخر مش لاقية حاجه تفكرى فيها ..... ارحمينى بقى ربنا يرحمك دنيا واخرة .... وده يبقى عقلى الباطن .... وبينما اقنع عقلى الباطن بانى كنت اريد ان اشغله فى اى شئ بدل ما هو واقف زى عقارب الساعة اللى مش فيها حجر .... يقاطعنى رنين هاتفى ... ايوه يا ايمو ... هتروحى امتا .... اممممم مش عارفه ... طيب لو هتتاخرى رنى لى علشان اوصلك ... لاء مش تشغل بالك هروح لوحدى .... بعد مرور ثلاث دقائق .... ايوا يا ايمو ... ابقى تعالى روحنى ... اشرد بذهنى للمرة رقم كام مش فاكرة ... هو الشخص ده مستحملنى ازاى ... كتير بتنرفز عليه ... وكتير جدا بكون رخمة لدرجة مش بقدر استحمل انا نفسى وبزهق منها وبفضل ازعق فيها واقولها ارحمييييينى .... انتى يا نفسى رخمة وعصبية وبتتنرفزى كتير على اقرب الناس ليكى ... ناس كتير اوى بتزعل منك بسبب عصبيتك وشخطك فيهم لاتفه سبب ... الاقيها ترد عليا بكل رخامة .... لاء متخافيش .... اللى قريبين منك فهمونى كويس اوى علشان كدا مش بيزعلوا واللى مش قريبين وعايزين يزعلوا يتفلقوا ..... ارفع لها سبابتى وارفع صوتى عليها .... نظام خدوهم بالصوت و اقولها اسمعى .... انتى لازم تبقى اهدى من كدا شوية ... ولازم تفكرى فى كلامك الف مرة قبل ما تقوليه علشان مش نزعل حد مننا ولا نفهم الناس غلط ونزعل منهم ... تدينى ضهرها وتقولى انا حرة ومش تزعقى لى كدا تااااانى والا دورى لك على نفس غيرى .... تهورت وكنت خلاص همد ايدى عليها مع انى ضد الضرب .... بس قولت استخدم معاها نظام التعذيب فى المعتقلات يمكن تفوق لنفسها وتعترف .... ولم ينقذها منى سوى صوت احدهم يقف امامى .... يمد لى ورقه لو سمحتى محتاج اعمل البحث ده .... انظر لساعتى انها العاشرة والنصف مساءاً ..... وقبل انا انطق وكأنه فهم معنى نظرتى الى الساعه .... على فكرة انا مش عايزه دلوقتى ... ها اجى اخده بكره على العصر ... كويس .... اممممم كويس .... والآن جهازى العزيز

Shut down

أغداً ألقاك
؟؟؟؟؟

تعليقات

‏قال بطوط حبوب
انا كنت لسه ممشتش فلقيت نفسى الاول
حلوه اوى الحوار مع النفس ده
الى هوه تطليع نفس نفسك
ايه رأيك فى الكام الكبير ده
عارفه الاوبشن بتاع ابير اوف لاين ده لو موجود منه فى الحقيقه
واااااااااااو
حاجه جامده بجد
الواحد يبقى شايف الناس انما هو اوف لاين
لو لقيت كلام تانى هاجى اقوله انتوا فاتحين لحد امتى؟
‏قال son's egypt
السلام عليكم
ممكن يكون السرحان اللي بيصيب الواحد مش لسبب معين مجرد سرحان خلاص
ممكن يكون تعب زهق من حاجة معينه
زهق من الروتين اليومي اللي الواحد فيه كل يوم
الموضوع بيجي لنس كتير في بعض الاحيان
بس هي فترة وبتعدي
‏قال سنووايت
المهم عرفتي هو كان بيقولها ايه؟وايه هي الكلمات الي ليست كالكلمات؟
لذيذة طريقة سردك للاحداث وتشابكها في بعضها خلتني عشت الموقف بجد
‏قال Soooo
قطه الصحرا ضربت يا جرعان

الا مين اول واحد قال يا جرعان دي؟؟؟

خبر ايه يابنتي مالك في ايه
روقي كده وبلاش تعاندي مع نفسك
عشان انا عارفك لما تتنرفزي وتتشعنني
بس تهون عليكي نفسك برضه؟؟



------
جميل قوي تصويرك للحظة التوهان والتخبط اللي انتي فيها
بس على فكره
كلنا زيك برضه
مش لاقيين نفسنا .. ولو لقيناها
يالهووووووووووي
شيلوه من فوقي لاقطعه





سلاموووووووووووووز
‏قال شريف طلال
ايه التهوان الى انتى فيه ده؟؟
أشكمى عقلك الباطن
هههههههههههههه
هههههههههه

حوارلذيذ ودمه خفيف جدا

علي فكرة بجد احيانا بنبقي عاوزين نتخانق مع نفسنا لاننا حاسين انها مسببلنا مشاكل كتير بس انعمل ايه مفيش نفسات للبيع عشات الواحد يشتري واحدة جديدة متعكننش عليه كل شوية

تقبلي مروري الاول
‏قال خيرالدين
هذه ليلتى أحسن من أغدا ألقاك

الانتظار وحش

_________
نتكلم جد

مالك يا جميل

منه لله الواد ابو خط اتصالات
‏قال nigro
أزال المؤلف هذا التعليق.
‏قال صوت من مصر
كلنا كده بجد والله
التوهان ده بقا حاجه طبيعيه ولا ايه ؟
‏قال أحمد بكر
انا حابب بس اسجل اعجابى بمدونتك
‏قال Empress appy
حلو انك تكونى عارفه عيوب نفسك وتصلحيها بس عموما انت لو مش عارفه تسكتيها هاتيها وانا اعذبها لكى دا تخصص بقى اسمعى عمرو دياب تعالى على نفسك وعذبها
الا مين ايمو دا ابن اختى ولا ايه ههههههههههههههههه
عموما انا عجبنى انك حطيتى ايديك على وجيعة نفسك او المها ربنا يعنا على انفسنا
امشى بقى يا نفسى من جنبى اصل نفس نونا هتضربك
‏قال walaa
ازيك يا قطه عامله ايه
لا انا معاكى لازم نقغد مع نفسينا شويه ونحسبها منسبهاش ماشيه كده وخلاص
حلو قوى لما الواحد يقعد من نفسه
يشوف ايه اخطائه ويحاول يصلا حها
اما العصبيه فانا بيتهيألى ان معظم الجيل بتاعنا كده متعرفيش ليه انا كمان عايزه اخف من حدة العصبيه دى
تحياتى ولاء
‏قال الربان
تحياتي

كلنا تنتابنا من حين لاخر حالة من الملل
او الضيق غير المبرر...وفي رأيي ، ان غذائنا له تأثير مباشر علي حالتنا المزاجيه...عموما حاولي تجربي تاكلي شوكولاته حين تحسين بالملل او العصبية..

أيضا علاج رباني للضيق اكثري من قول:

لا اله الا انت سبحانك
لا حول ولا قوة الا بالله العلي العظيم
و افوض امري الي الله ، ان الله بصير بالعباد...


تحياتي و ان شاء الله تكوني في احسن حال
و شرح الله صدرك بالنور و الايمان و دمت بألف خير.
‏قال حل وسط
كلنا كده
انا كمان عصبيه
بس ما بقدرش اطلع عصبيني على حد
عشان كده القولون عندي هينفجر قريب

تحياتي
وربنا يحميكي من التوهان
‏قال بحبك يامصر
قطة الصحراء
صحيح مهم ان الواحد يقعد مع نفسه ويحاسبها
بس انتى كنتى بتتخانقى معها مش بتحاسبيها عشان خاطرى براحه شويه على نفسك هى نفسك يا عينى هتستحمل ايه ولا ايه
‏قال Desert cat
بطوط حبوب
يا الف اهلا وسهلا فى اى وقت منور البلوج
المهم ادفع حساب اللفة اللى اخدتها فى البلوج وةانت خارج
احنا فاتحين 24 ساعة
‏قال Desert cat
son's egypt
انا معاك انه بيحصل لناس كتير وبيناتنبى انا شخصيا كتير جدا
ربنا يعديها على خير
تحياتى
‏قال Desert cat
سنووايت
ما هو اللى تاعبنى لحد دلقوتى انى مش عرفت كان بيقولها ايه
تحياتى يا جميل
‏قال Desert cat
Soooo
هو ضربان بعقل ده ضربان بتهور
بس هو يعنى ماذا تعنى كلمة جرعان فى القاموس
هل هى كلمة ليها ريحة مثلا
عموما كويس ان الواحد مش عارف يلاقى نفسه اصلها زى مبتقول كدا بتكون مشكلة جامد
ده انا كنت هقتلها امبارح
بس ربنا ستر
‏قال Desert cat
شريف طلال
حاضر اوعدك انى اعلمه الادب
ههههههههه
‏قال Desert cat
الفارس الملثم
انا سمعت ان الصين بتصنع جديد دلوقتى
هبقا اتاكد من الموضوع ده واجيب لك العنوان
شرفت البلوج
تحياتى
‏قال Desert cat
e7na
لاء انا كنت بغنى له امل حياتى
بس لما قربت اروح قولت اغدا القاك على موعد باللقاء يعنى
انا قولت برضه الواد ابو خط اتصالات ده هو السبب
انا لو شوفته هقتله واقتل نفسى واستريح منهم هما الاتنين
‏قال Desert cat
Nigro
انا عاملة محشى
هو مود التوهان بيكون حلو وجميل لما الواحد بيحاول ينسى حاجه معكننة عليه
تحياتى
‏قال Desert cat
صوت من مصر
الشعب المصرى كله يا عزيزى بيمر بحالة توهان غير طبيعية ربنا يرحمنا جميعا
‏قال Desert cat
Baker
اشكرك جدا وسعيدة ان المدونة نالت اعجابك
تحياتى
‏قال Desert cat
appy
انا هعذبها بالكهربا وهبعتها لك تعذبيها باى وسيلة تعذيب مختلفة طالما انتى تخصص
ايمو يبقى ؟؟؟
وانتى عاملة ايه دلوقتى بقى
وبعدين انتى واخده نفسك وماشية ليه سيبها اعذبها مع النفس بتاعتى وابعت لك الاتنين مع سوا
‏قال Desert cat
walaa
ازيك يا لولو عاملة ايه
انا بصراحة قعدت مع نفسى دى شويات كتير وبرضه مش عايزة تسمع الكلام
بدور لها على وسيلة تعذيب كويسة علشان تحترم نفسها بدل ما اشربها سم واريحها من الدنيا كلها واستريح انا كمان
مش تتنرفزى كتير يا لولو الدنيا مش مستاهلة غير شوية عصير عنب والباقى يبقى فل اوى
‏قال Desert cat
الربان
استاذى العزيز
اشكرك جدا وما اعظمها من نصيحة وما اجملها من كلمات
دمت بالف خير
‏قال Desert cat
حل وسط
له كدا طلعى عصبيتك على اى حد يقع فى طريقك انا بعمل كدا مش بعرف اتحكم فى نفسى اساسا اصل الريموت كنترول بتاع نفسى ضاع
سلامة قولونك العصبى يا قمر
‏قال Desert cat
بحبك يامصر
هى اللى جابته لنفسها
كانت بتقاوح معايا وكل لما اقولها حاجه تعاندنى
خلتنى اتهور عليها اعمل ايه بس
تحياتى
‏قال انين الحزن
ياقطتي ياقمر

براحه علي نفسك شويه كلميها مره واتنين وتلاته متوصليش بنكم الخلاف لدرجه الضرب

دي نفسك برضه مش هتلاقي احسن منها


سلامووووز يااحلي قطه

وزة
اولا حلوة الصراحة دى مع النفس
ثانيا اى حد يفتكر ان ربنا خلقه كده وانه مش ممكن يتغير ابدا يبقى هو اللى مش عايز يتغير لان الانسان ممكن يغير من نفسه
والعصبيه دى وحشه جدا وبالذات فى البنات لان البنت المفروض تبقى هاديه وتقيله كده
وبعدين سيدنا على كان بيقول
لسان العاقل وراء قلبه وقلب الاحمق وراء لسانه
عشان كده قبل الواحد ما يتكلم لازم يعرف هو بيقول ايه وبيقواه اذاى
اسف لو طولت عليكى وانا لسة مستنى رأيك فى مشروع قطة حدوته
احترس امك تتصل بك
هههههههههههههههههههههه
اما انتى عليكى حركات يا قطقوطة
بس على فكرة انتى فعلا عصبية اوى
مشانا شوفتك مرةواحدة
بس يبان عليكى انك عصبية
وكمان قوية ومفترية
بس البوست ده بين انك من جواكى طيبة اوى
خصوصا لما اتصلت بايمو تانى علشان يروحك
بجد حسيت انك طفلة صغنونة اوى
‏قال قبلة الحياة
قطتني

ااقولك على سر

من غير ما تقولي لحد

ساعات انا كمان والله بختلف كتير انا ونفسي بس انا بمد ايدي عليها او بالاصح عشان اعاقبني بروح جايبه المقص واروح قاصه شعري اللي هو شعرها يعني ( نفسي ) ال ايه بعاقب نفسي

ويرجع الحاج ابويا من الشغل يلاقي شعري اتقزعر يروح باصص لي بصه مش عارفه ايه مغزاها بالظبط

يا اما بصعب عليه يا اما بيكون عايز يخنقني

بس المهم اديني بعلم نفسي درس عشان ما تعملشي كدهون تاني

بجد بوست روعه كله شاعريه ورمانسية ورقه وماجدة الرومي وماسنجرات

اوقات بنحس واحنا في وسط ناس كتير معانا وحوالينا بنحس اننا لوحدينا

في كوكب بعيد

وبنغني مع ماجدة يروي أشياء تدوخني تنسيني المرقص والخطوات

اسلوب لذيذ اوي وجميل جدا من قطة رقيقه

تقبلي تحياتي

اني احبك في الله
‏قال عبده الرايق
يا خوف فؤادى من غدى يالا شوقى واحتراقى من انتظار الموعد

ساعات الواحد مننا بيفكر فى حاجه ومش عارف بيفكر فى ايه
ويقعد يفكر ويشرب قهوه وراء قهوه
واكيد القهوه مضره للجيب
علشان كده انا بشرب نص فنجان فى اليوم اصلى ناصح
وبعد كل التفكير
يطلع فى الاخر شروووووووووود
‏قال فرنسا هانم
قطتى الغاليه
نانا
ليه الشرود ده
وعدم التركيز
اكيد فى حاجه فى دماغك انتى بتفكرى فيها
هداكى الله الى الطريق السليم
وامواااااااااااااه
‏قال فاتيما
الأقراااااار
يا جماعة البنية مشغولة بالاقرار و محمد شومان الى هارينا اعلانات ..
صح يا قطتى الحلوة
ايه بقى عجبك كدا ... يا قطة المحاورات الثنائية دى عادية جدا و بتحصل فى أحسن العائلات ..
شوية جد..
انا بقلق من الى مبيعقدش مع نفسه دا ... بيبقى خلاص مقرر انه صح ولا فرصة حتى للمراجعة مع النفس ..
الى بتعمليه دا مع رخامته احيانا ... ضرورى ..اديكى طلعتى بعتاب ذاتى انك عصبية و لازم تخفى شوية على الى حواليك ... بس انتى شكلك كدا من الناس الى لما بيتحبوا بيبقوا على القلب زى العسل .. يعنى حبابيبك هيبلعولك الزلط من الآخر
تحياتى يا قطتى
‏قال فاتيما
و بعدين با ماما ...أغنية ماجدة الرومى دى
تخلى الواحد يتقهر ..
عم نزار قبانى و حبه المستحيل ..
فيه حد ممكن يحب كدا
دا كلماته لوحدها كفاية تعملك
انعدام وزن وفلتان اعصاب ..
‏قال علوة
ما الدنيا إلا روح
لا علاقة لها بالأسلاك والشاشة
رغم أن لها علاقة كبيرة
بتشارلز ديكنز وماجدة الرومي
...
أول مرور
وأول استمتاع بالكتابة
وبروح الكلمات
صباح الفل
احسن حاجة الواحد يبستف نفسه ويدخلها المعتقل بدل ماحد ييجي يبستفهاله
‏قال Rania Lelah
حوار خفيف الظل
من انسانه خفيفه الدم
تحياتى
اول زيارة و انتظرينى دوما
‏قال د/اجدع بنوته
هو ال 011 لسه بيشحن ولا ايه

دى قلبت بيسمعنى اهو

بكره نسمعها يادبلة الختوبه

الله يسهلللللللللله ياعم

بس بجد واضح م البوست انك ف سلام نفسى جدا

وجواكى موجة حب وهدوء وانتعاش

ورايقه اخر حاجه

ديمها عليكى نعمه يارب
ana haroo7 anazzl el oghnia dy now :D

rabena yrawwa2 balek ya habibty ya rabb :)

el post dh 7asseeto mokhtalef w oslobo gameel 3la fekra fe3lan :)
‏قال همس الاحباب
يا سلام ما يكونش ده اللى اسمه الهوى
عامة كلنا بنسرح ونتوه وخصوصا ولا بلاش
المهم انتى تزعقى لنفسك انتى حرةتضربيها براحتك
بس تسمعى ماجدة الرومى وخصوصا اغنية كلمات لوحدك طبعا لالالالالالالا
انا بحب الاغنية قوى
تحياتى خالد
‏قال همس الاحباب
يا سلام ما يكونش ده اللى اسمه الهوى
عامة كلنا بنسرح ونتوه وخصوصا ولا بلاش
المهم انتى تزعقى لنفسك انتى حرةتضربيها براحتك
بس تسمعى ماجدة الرومى وخصوصا اغنية كلمات لوحدك طبعا لالالالالالالا
انا بحب الاغنية قوى
تحياتى خالد
‏قال Desert cat
انين الحزن
ازيك يا وزة
كان لازم اعنف نفسى علشان مش تزعق فى حد تانى
تحياتى يا جميل
‏قال Desert cat
حــدوتـــة
جميلة الحكمة يا حدوتة
بس انا لما بكون واخدة على نفسى الف عهد مش انرفز او اتعصب عى حد
وعند اول موقف تلاقينى ايييييه مش انا خالص
ربنا يهدى
المشروع انا قولت لك من زمان موافقة عليه
بس انت اللى قاعد فاضى لبتوع ستار اكاديمى اعملك ايه انا
ركز شوية علشان المشروع يخلص
ونفض بقى لستار اكاديمى سيب الناس تعيش حياتها براحتها وادينا بنتفرج
تحياتى
‏قال Desert cat
بت خيخة وأى كلام
انا ده انا نكدية مش عصبية
ماما اصلا اول ما سمعت الرنة اللى انا عمالها لها كانت هيغمى عليها
بس برضه بتتصل مش عارفه انا اعملها ايه احط لها ديناميت فى الموبايل
....

وبعدين يا اما شريف انتى لما شوفتينى انا كنت قطة هادية ووديعة واليفة واستنتجتى كل ده امال لو شوفتينى وقت الجنونة ما بتطلع
ببقى حاجه صعب خالص
ربنا يوريكى
تسلمى لى يا قمر
‏قال Desert cat
قبلة الحياة
تعالى جنبى هنا بقينا زومل
كل واحد تبكت فى نفسها وتهزأها براحتها
ساعات برضه والله بتهور واروح اقص شعرى زيك كدا
بس انا بعملها فى بدايات الصيف علشان بيحررنى فى الصيف اوى على ما يجى الصيف اللى بعده يكون رجع لسابق عهده واقصه من تانى
عموما عادى كلنا بتنتابنا الحلات دى
اشكرك جدا يا ارق قبلة
والله كمان اشهد الله انى احبك جدا فى الله
محبتى يا جميلة
‏قال Desert cat
عبده الرايق
طيب وليه التبذير ده
دة حتى ربع فنجان شاى يخرب البيوت العمرانة
كفاية اوى شفطة
هايل وهتعمل دماغ برضه
‏قال Desert cat
فرنسا هانم
اااااااااااه
حاجات يا حبيبتى حاجات
ربنا ما يوريكى
تسلمى لى يا جميل
اموااااااااااه كبيرة اوى
‏قال Desert cat
fatima
الاقرار وما ادراكى ما الاقرار يا ام يوسف
طيب يارب تيجى على الاقرار وتبقى سهله
مش يستلمونى كل شوية فرض اتوات من غير اى مبرر ربنا يستر
عتاب النفس بيكون حاجة جميلة بس الواحد بعد ما يعاتب نفسه يصلح اخطاءه مش يرجع لها تانى
انا بقى مش بعرف اقل حاجه بتضايقنى الاقيش عندك علاج ؟؟؟
‏قال Desert cat
fatima
عم نزار قبانى ده شكله حالف يخلص عليا
اخلص من كاظم تلطع لى ماجدة الرومى
وربنا يقوينا عليهم
‏قال Desert cat
علوة
سعيدة جدا ان البوست نال استحسان حضرتك
تحياتى
‏قال Desert cat
المفقوعة مرارتها
وانا برضه اسمح لحد يبستف نفسى حتى لو انا مش بستفتها
ده انا كنت عملته بسطرمة وعزمت مامته عليه
لالالالالالا
ده اللى يقولى بس بس اقوله نونو واخربشه كمان
‏قال Desert cat
Rania
ميرسى اوى يا رانيا
تشرفى دايما
‏قال Desert cat
د/اجدع بنوته
والله ما اعرف عنه اى حاجه يا دوك
ولا عايزة اعرف
بالسبة للبوست ده مليان خناقات
ربنا يعافينا ويسترها على نفسى اصل ممكن اتهور واقتلها
‏قال Desert cat
كفايـة طيبـة
ميرسى يا حبيبتى وفرحانة اوى اوى علشان البوست نال اعجابك
كل لما تسمعى الاغنية ابقى افتكرينى بقى
تحياتى
‏قال Desert cat
همس الاحباب
طيب لما اجى اسمع الاغنية اعمل ايه ما انا بكون فعلا لوحدى
عموما مش هزعلك والمرة اللى جاية اعمل بث مباشر
تحياتى
ما الدنيا الا ماسنجر كبير
كلمة يوسف باشا معاطي الكبير
بس عارفة يا قطة؟
ان الخاصية اللي اهم من ابير اوف لاين
واللي نفسي تكوني عندي
خاصية التراجع في الاوفيس
نفس اشوف شكل حياتي تاني قبل كل القرارات الغبية اللي انا خدتها
حالة التهوان بتاعك حلوة اوي
تهوي من كل حاجة
بس اوي تتهوي مننا
‏قال خمسة فضفضة
السلام عليكم ورحمة الله وبركاته

حلو الحوار ده
فكرتيني بعبد المنعم مدبولي في المسرحية اللي مش فاكره اسمها لما كان بيقول

وأخذ يفكر ويفكر ، ثم اخذ يفكر ويفكر
وحك راسه قليلا ثم اخذ يفكر ويفكر

:-)
‏قال Alexandrian far away
قطة الصحراء العزيزه
تحياتي
بأختصار اقول لك نصيحه بتنفعني قوي في الحالات البتنجاني دي
ألعبي جايم
GAME
وبالتحديد أستراتيجي
وأنصح بالجيم الهايله دي
COSSACKS
صديقتي في أوقات الملل وعطلان المخ

على فكره أخبار محمد 011 أيه؟

صباح الفل
‏قال Desert cat
صحفية روشة
الاروع وجودك فى البوست يا قمر
‏قال Desert cat
ساعد نسرين الايمن
بايدينا اننا منتسرعش فى القرارات والمفروض اننا ندرسها قبل ما نتهور وناخدها
خصوصا لو كان قرار حياة
ما انصحكش بالتوهان لانه بيؤدى للضياع
تحياتى
‏قال Desert cat
خمسة فضفضة
شكل عبدالمنعم مدبولى هو السبب
الله يسامحه بقى
‏قال Desert cat
Alexandrian far away
انا محترفة سوليتير
و بحلب اوى
police
اللى بتفضل تقتل فى المجرمين اصلى بعشق القتل
و
medel of honer
غير كدا خييييييبه
هذا الزيرو 011 معرفش عنه حاجه
اصلى غيرت طريقى
على طريقة عمرو دياب انا غيرت خلاص عنوانى
هى والدنيا الا مسنجر كبير صدقتى والله بنضيف ناس وندلت ناس ونعمل لناس بوك احيانا
بس نصيحه خدى ليكى يومين اجازه واتوكلى على الله علشان تعملى رستار واب ديت لدماغك وتصالحى عقلك الباطن
‏قال mariamagdolen new
الله الله جميلة جدا جدا
حلو قوي الحوار والخناق مع النفس ده
سواعي بتطلع منه درر برضه
زي البوست السكر ده
تحياتي يا قطتي
‏قال Desert cat
رئيس جمهوريه نفسى
اه صح
وانا طول الوقت قاعدهة اعمل على الماسنجر بلوك ... ولما بحس بالزهق يبقى ديلت
تحياتى
‏قال Desert cat
mariamagdolen new
many thank's
‏قال Desert cat
أوشــــــه
سعيدة ان البوست نال اعجابك
تحياتى
‏قال مشمش
كلامك بيدل علي انك زهقانة من كل حاجة متعقديهاش محدش واخد منها حاجة واوعي تضربي نفسك لتزعل منك وتسيبك وتمشي من غير نفس خلي بالك من نفسك باة
‏قال Desert cat
مشمش
لاء انا دلوقتى رايقة اوى خالص اصلى شربت كابتشينو
ونفسى بتشكرك جدا وبتقولك انا خلاص صلحتها ومش هنزعل تانى
تحياتى
وانا بشوف كلامك حسيت بحاجة : ان حالة الشجن اللى بتصيب الواحد مش دايما بتكون وحشة
ساعات بتكون مفيدة لانها بتخليه يعيد حساباته او على الاقل يكتب بوست حلو زى بتاعك
بس المهم انها ماتطولش لانها كدة ممكن تقلب باكتئاب
ربنا يسعدك دايما
‏قال Desert cat
simple girl.. ..simple dream
لاء مش هتطول باذن الله
ميرسى اوى يا جميل
سعيدة بان البوست نال اعجابك
‏قال oceaneyes
جميل جدا انك تتحاورى مع نفسك وتشوفى هى عايزة ايه وبتتصرف كدة ليه ..بس الاهم انك تكونى وصلتى لحل

وما تسيبيش الموضوع معلق كدة

واتمنى تكونى وصلتى للحل ده


تحياتى


:)
‏قال Desert cat
oceaneyes
طبعا يا قلبى وصلت لحل وعلمتها الادب كمان
متخافيش اختك جامدة برضه
‏قال mnoon
بجد مش عارفه
اعلق اكتب ايه
بس انتى عسل
عسل
عسل
خالص
انتى احلى قطه عرفتها
قد استريحت اما قريت كلامك
مش عارفه ليه؟
يمكن للأنك عبرتى صح عن حاجه بحساها كتير
أسلوبك جميل
‏قال Desert cat
mnoon
ميرسى يا جميل
والله الكلام الحلو ده فرحنى اوى
ربنا يخليكى ليا

المشاركات الشائعة