يومين فى اسبوع واحد معرض الكتاب .. طبعا طبعاً الثقافة

نبتدى باليوم الأول وده كان يوم كله مطر وبررررد بس علشان انا بحب الشتا فكان بالنسبة لى الوضع طبيعى .... واليوم الاول كان ده يوم الثلاثاء صباحاً ...اول ما دخلنا المعرض اخدنا الخريطة واللى فى نهاية الجولة طبقتها وحطيتها فى جيبى وتقريبا لفينا كل القاعات من قاعه واحد حتى 19
المهم انا بقى دخلت اخبار اليوم لوحدى ولسه بدخل برجلى الشيمين والاقى الدنيا عملتها فيا واشتغلت مطرررررر اوبااااااااااا اتحبست انا كدا .. شوية والمطر خلاص بطلت .. خرجت من اخبار اليوم ادور على ماى فريندز ابدااااااااا
مش شايفه حد خالص انا قولت العيال اتخطفوا ولا اييييييييه احسن برضه فى هذه اللحظة جتلى مكالمة تليفون كنت مستنياها من زمااااااااااااان ... وفى عز المكالمة ظهروا واتاريهم كانوا هنا

ايون بالظبط كدا نهضة مصر
بعد شوية وانا باخد الصورة دى لاقيت 3 اطفال زى القمر ... عمال يلعبوا وشافونى بصور وكل لما اجيب الصورة يمين يجيوا يمين اتحرك شمال الاقيهم شمال ... قولت لهم طيب بعيد بقى شوية مش عارفه اركز ... برضه فضلوا يعاندونى شوية ... قولت وبعديييين هضرب بعد كدا ... لاقيت القمر اللى فى الصورة دى بيقولى ما هو انا لازم اتصور ...... قولت له تدفع كام واصورك ... قالى هديكى بوسة ... بصراحة كان العرض مغرى مغرى يعنى وبدون تفكير له مواااااااااافقة ...بس الدفع مقدم قالى انا كمان موااااااافق ....

والحمد لله نفذنا احنا الاتنين شروط الاتفاق ...
هنا كانت الدنيا بتمطر والناس فى عز البرد يجروا ويستخبوا ... لاء انا مكنتش بستخبى ده انا كنت واقفه تحت الشجرة
خلاص بقى المطر خلص والدنيا كانت نضييييييييييفه بالشكل ده
هنا بقى كدا خلاص خارجين من المعرض ورايحين الباركن واحنا داخلين الشخص اللى واقف على الباب بيقولنا وير يو جوينج ... كلنا فى نفس واحد رايحين نجيب العربيييييييييييية ... بس نعم يعنى هو فى حاجه ... اوعى تكون عايز خمسة جنيه تانية ولا حاجه .... مش عارفه انا ايه نظام التقليب ده
************************************************

بعد كدا خرجنا روحنا جنينة مول ... لفينا واشترينا حاجات... وبعدين نزلنا حجزنا سينما .. وخرجنا على هاردز اكلنا سريعا سريعا ورجعنا على طول لان كان يادوب باقى ربع ساعه فقط والفيلم يشتغل ... ودخلنا ايييييييييييه ... ايون شاطرين .. حين مسخرة ... اه والله من البلاوى اللى فيه بجد بجد مسخرة ... سكان العشوائيات وطريقة عشيتهم اللى تجيب استبحس ... ولا طريقة كلامهم اللى لازم يتبع كل كلمة لفظ يا ابن الكلب ... اصل تقريبا مش بيعرفوا يتكلموا غير لما يشتموا حتى لو بيهزروا مع بعض ... ولا ناهد اللى هى تبقى سمية الخشاب .. فعلا فعلا حظها حظ عوالم زى ما بيقولوا .... مش هحكى طبعا حاجه عن غادة عبدالرازق لان الاخوة المدونين اتكلموا باستفاضة وقالوا كل حاجه .... نيجى بقى لايمن ابن ناهد وعادل واللى بعد ما بقى عنده 7 سنين اصبح طفل شوارع ... اصل الاسرة اللى اتبنته بعد ما ناهد سابته فى الاتوبوس خلفوا فخلاص بقى ايمن مبقالوش اى لزوم ... انهى هرش دماغ ده .. طيب ما يخلوه يسيئ لهم البلاط واهو ينفع .... طبعا ايمن بعد ما بقى طفل شوارع مخضرم ... فى سرعة البرق اصبحت صحبته اللى برضه طفلاية شوارع حامل والعجيب ان البنت عمال تقوله كمان يا ايمن كمان انت بقيت جامد اوى يا ايمن .... أحيييييه يا ايمن .. وده كان تعليق واحده قاعده وراية انا حسيت انى قاعده فى مكان احم احم لاسمح الله يعنى ... بس ركزت اوى فى الوجوه اللى جنبى لاقيت نفسى عارفه الناس دى كويس .. الفيلم كله على بعضه حاسه انه فضيحة من سكان عشوائيات لاطفال شوارع لا ارهابيين ... بس بصراحة اللى عجبنى فى الليلة دى كلها عمرو عبدالجليل .. اصله كان دايما عامل احلى دماغ .. والدنيا تضرب تقلب مش مهم
خرجنا من الفيلم وعدنا ادراجنا واحنا راجعين باركنا قدام كافى فى بلبيس ونزلنا جبنا شاى بس انا طلبت معايا ايس كريم ... انتى يا ماما مش بتحسى الجو تلج وشايفة المطر قدامك وتقولى ايس كريم ... ملكوش دعوة ... طيب اشربى الشاى وامرنا لله دخلنا الزقازيق وجبنا ايس كريم ... ورجعت بيتنا ..

اليـــــــــوم التانــــــــــى
واللى كان الجمعه يعنى امبارح .... بجد كان يوم مليان بالمفاجعات بالنسبة لى ... من أول اليوم لحد ما رجعت بيتنا ... أول حاجه عملتها إنى قابلت إنسان غالى عندى اوى اوى وأول ما وصلت المعرض أتصلت على آآبى قولت لها انا فى المعرض قالت لى انا هلبس وجايه لك ... طبعا انا كنت لفيت فى المعرض اليوم اللى قبل كدا وماليش مزاج الف تانى فرحنا قعدنا فى المقهى الثقافى لحد ما آآبى توصل ... وشربنااااااااااا لاء مش شيشة نسكافية ... طبعا احنا سرحنا فى الكلام وموبيالى عمال بيرن وانا مش سامعه حاجه خالص مش علشان الحوار شيق لاء خالص شوية و قولنا نقوم نتمشى ولما خرجنا سمعت الموبايل والاقى 9 مكالمات لم يرد عليها كلها آآبى يا لهوووووووووى احنا لازم نشوفها فين ونلحقها .. قالى طيب اتصلى بيها ونعرف مكانها ونروح لها فى وسط المفاوضات آآبى اتصلت تانى وعرفنا مكانها قدام دار الشروق .. ورحنا لها .. واييييييييييه دهههه ... إشطة ... كل المدونين حباينا واللى متخانقين معاهم واللى مش متوقعين اساسا نشوفهم ... هما كانوا مبيتين عندك يا بنتى ولا ايه ... طبعا من المدونين العسل كانت أيمى ... وكمان المفاجأة بنت خيخية وأى كلام واللى تشوفها تحس انها عندها 16 سنة يعنى طالبة فى تانية ثانوى كدا ولا حاجه .... وبرضه اللى متوقعتهاش خالص خالص مروة الزارع بس طلعت بنوتة هادية ولذيذه .... لاء وكمان مييييييييين ... خالوا أحمد .. .. احمد الصباغ شكولاتية المدونين ... ولسه مفوقتش من المفاجأة الأولى وألاقى آآبى بتقولى المفاجأة التانية واللى هى ان لماضة وصورصاره هنااااااا ... أيه يا ماما اليوم العالمى ده ... توجهنا ليهم ورحنا سلمنا عليهم ومتخيلة بقى انى حلاقى لماضة .. لماضة يعنى ... طلعت اد بنتى الصغيرة ... حاجة صغنونة اوى كدا وزى القمر وطبعا صورصاره اللى اتشرفت جدا جدا بيها وبمقابلتها .... واثناء سلامى وألاقى شخص كل المدونين بيحترموه وبيقدروه مش انا بس طبعا مهندس مصرى بيقولى ازيك يا حنان .. سلمت عليه وانا متنحة ... طبعا ... بصراحة يا جماعه أجمل مفاجعة حصلت لى من كم المفاجعات اللى شوفته فى اليوم ده انى قابلتكو حان وقت التصاوير واللى انا فعلا ماليش فى التصوير ده نهائى فعلشان خاطرى يا لماضة ما تزعليش انتى ومروة وصورصاره بس اهو بدل الصور شوفتونى بقى على الطبيعة وبدون اى مواعيد مسبقة ... والله فرحت اوى بيكوا كلكوا بعد ما انسحبت من موضوع التصاوير سلمت على المدونات القمرات و اضطريت انسحب بقى لاننا بجد بجد كنا مرتبطين بمواعيد مهمة جدا ... يارب دايما كدا كل المدونين متجمعين على خير ...
... بس الحاجة اللى لسه محيرانى مين اللى قلب الكتاب اللى برايد موقعه عليه لاحمد الصبااغ اللى يعرف يبعت الاجابة على 0900

تعليقات

‏قال ابن رشد
يا خبر و انا اقول القاهرة كانت منور امبارح
بس انا كنت مع الصباغ امبارح مش قلي انك موجودة
لا كدة انا هعتب علية
بس اكيد هنشوفك في القاهرة تاني و نتشرفي بيكي و بعدين كفاية نورتي المعرض امبارح
‏قال ابن رشد
نسيت اقلك ليكي تاجين عندي تعالي خديهم
‏قال MerMaid
همممممممممممممممممم

اتغاظت بصراحة
بس كويس انه كان يوم حلو واتبسطتوا
تحياتي ليكي
:)
‏قال Unknown
والله انا اللى كنت مبسوطه جدا جدا لما شوفتك وكنت عماله اقولهمبس لو اشلوف قطه الصحرا وسوو حقيقى مبسوطه جدا بتجمع امبارح
ربنا يديم المعروف
وانتى يا ستى اللى كنت قمر اول ما شوفتك كنت هعمل زى الواد بتاع اعلان ميلودى واقولك يا قطة يادى الكسوف
ولا اببببى
زى العسسسسسسسل
مش انا اللى قلبت الصباغ والله الجدع صراحه كان شايل كتبى كلها وعامل معايا واجب
كل معرض كتاب وانتى طيبه يا قطه
خربببببببش
‏قال Heart Beat
القطة العزيزة

الله ... معرض الكتاب انا بقى لي سنين ماروحتش معرض الكتاب بسبب الحبس الاختياري اللي انا فيه هنا

يا بختك يا ستي ... كل سنة اقول انزل مصر اجازة ساعة المعرض بس مايحصلش ربنا يسهل السنة الجاية

و كمان قابلتي كل المدونين الرائعين دول يا بختك يا عم و يارب دايما تكونوا متجمعين مع بعض كدا

يا ترى ايه بقى الكتب اللي اشترتيها من المعرض

و عن حين مسخرة المعروض في دور العرض حاليا تحت اسم حين ميسرة خالد يوسف فأنا بصراحة مش فاهمه ليه لغاية دلوقتي في ناس بتعتبر الفيلم ده و التاني بتاع الفوضى من احسن الافلام اللي اتعملت في التلاتين سنة الاخيرة

هو فعلا في عشوائيات و في انحراف بأشكال لا حسر لها و اكيد في ارهاب بس كل ده طالع من العشوائيات بس لدرجة ان طفل الشارع ايمن يبقى جامد اوي كده على راي صاحبته

لو طفل في سن ايمن شاف فيلم زي ده و سمع البنت دي بتقول كده لو لسه بريء مابيشوفش فضائيات او افلام خالد يوسف هايسأل اهله يعني ايه يا بابا جامد اوي دي

و لسه ياما هانشوف
طيب يا ستي
:)
ربنا يفجعك كمان و كمان
مفاجعات متوالية
حقاً رب صدفة خير من ألف ميعاد
بس ملحقناش نتكلم
خيرها في غيرها ان شاء الله

بس فعلاً لماضة كانت بتسأل عليكي علطول
مش عارف ليه :)
بدو إنه ما كانش معرض الكتاب .. دة كان معرض المدونات

ثم انتم اتجمعتم كدة كلكم صدفة ؟؟ و لا كان فيه ترتب لاجتماع القمة دة؟؟

طب ابقوا قولوا لنا يا جماعة كنا نيجى نفرش لكم الأرض حجارة

ما قلتيلناش .. جبتى كتب إيه يا هريرة ؟؟
‏قال د/اجدع بنوته
الله يسهلللللللللللله

ايون الناس اللى بتتجمع دى م ورانا

ماشى ياعم

ربنا يديم المعروف يارب

والتجمع الجاى اكون معاكم باذن الله

انا كنت ف المعرض يوم الخميس

والحمدلله ممطرتش خالص

بس طلع عينى علشا ارجع م مدينة نصر لرمسيس

اوووووووووووووووووف

وانتو كان معاكم العربيه كمان

طب وسعى بقى

علشان

الشعاع ياخد مساره صح ..

ايه ده كلللللللللللله

ايه ده كلللللللللللله
‏قال walaa
ازيك يا قطه عامله ايييه
يا بختك يا ستى انك رحتى انا قلتلهم المره الجايه يعملوه فى اسكندريه علشان الواحد يقدر يروح برده ما سمعوش الكلام اعملهم اييه بقى
ويا رب دايما نسمع اخبار كويسه
تحياتى لك ولاء
‏قال الربان
تحياتي

كنت أنوي زيارة المعرض لكن سوء الاحوال الجوية منعني ...

التجمع و الصحبه شيء جميل...خاصة حين يكون بين ناس بينهم شيء مشترك...كالفكر مثلا...

تحياتي و تقديري
‏قال مروة الزارع
أنا هادية وعسولة

بجددددددد

هية هيةةةةةةةةو

:)

ربنا يخليكى يارب ويكتر من أمثالك يا شيخة

رفتى من روحى المعنوية

:)

أنا والله إللى أتبسطت اليوم دة جداااا

شوفت ناس كتير كان نفسى أشوفها

وبجد فرحانةةةة أوى

وكان نفسى أشوفكم كلكم فعلا

وطلعتوا كلكم عساسيل أكتر ما تخيلت

هو صحيح ناقص ناس كتير

بس مش هسيبهم وراهم وراهم

:)


..................

بلغى أبى بس أنها طلعت مزة جامدةةةةةةة

:)))))

...............

يارب نتجمع تانى بس لما اكون خسيت حبة كدة يمكن الاقى عريس مامتة داعية علية

:)))))))))
‏قال Empress appy
امممممممممم
انا بقى مخدتش كتاب احمد والله تلاقيه اصلا مش فاكر اذا كانت غادة مضت له على الكتاب ولا لا ده طويل ومتبنى المدونين فى رحلاتهم وتايهه على طول اسالينى انا
وعموما نورتى القاهرة بنت خالتى ام عز مع انى معرفتش اقعد ممعاكى كتير ولا معاهم بس اتبسط بيهم كلهم وبمعرفتهم قووووووووووووووووووووووووووى اللى شوفت من خلالها حاجات كتير وانتى ليه نسيتى ابنى نضال صاحب مدونة نضال اللى ممتبنى قضيه فلسطين ها حد ينسى ابن اخته اضربك يالا مش مهم
المرة الجايه متروحيش سينما من غير فاهمه ولا هااااااااااا عارفه هعمل فيكى ايه طبعا بس سماح علشان اللى كانوا معاكى
وبعدين حد قالك تروحى حين مسخرة وفيه ناس بتقول لا مش ده اللى بيحصل فى العشوائيات لا ده اللى بيحصل فعلا للى مش عارف واللى عاوز يعرف يروح يعمل ابحاث زى ناس كتير
‏قال Soooo
يااااااه
سبحان الله
انت تريد وانا اريد والله يفعل مايريد
انا في اليوم ده فعلا كنت مخطط اني اروح المعرض عشان عارف ان برايد هتكون هناك .. وعارف ان في مدونين تانيين هييجو وكان نفسي اتعرف عليهم واشوفهم
لكن الحمدلله على كل شيء

وان شاء الله تبقى تتعوض يوم تاني والواحد يتعرف بكل المدونين اللي بجد باعتبرهم اخواتي اللي ظهرو على كبر


والحقيقه انا ماعرفش مين الصباغ ولا كنت معاكم عشان ماحدش يتهمني بحاجه
بريئ يابيه


سلاموووووووووووووز
‏قال أحمد جلال
يااااااه ..كنت في دار الشروق ده يوم الخميس..اربعة وعشرين ساعة خليتني ما شوفش الكم ده من المدونين..بس يلا..هيا المفاجعات دي مبتحصليش ليييييييه..الحمد لله و كويس إنك قضيتي يوم كويس..سلام.
‏قال Unknown
ثقافة .. ثقافة
أومال؟؟
ما الثقافة للجميع

ع العموم يا بختكم باللقاءات الحلوة دي
المرة الجاية أبقو قولو
‏قال Desert cat
shams
طبعا القاهره دايما منورة بيك يا باشا
واكيد طبعا لما اجى القاهره تانى هكون عاملة حفلة فى المدونة وعازمة عليها كل المدونين وانت اولهم علشان يستقبلونى كلهم فى عبود
والله انت كلامك كله زوق
ميرسى جدا يا شمس
‏قال Desert cat
shams
تاجين مرة واحده
اااااااااااه
ربنا يساعدنى
ها اجى عندك اشوف ايه الاخبار
‏قال Desert cat
MerMaid
كنتى اخرجى من جنب امن الدولة اللى انتى ساكنة جنبها دى وتعالى فكى عن نفسك شوية
بس المهم انك اتغظتى
( وش بيطلع لسانه )
‏قال Desert cat
لماضة
حبيبتى والله انا مصدقتش نفسى لما عرفت انك موجودة
يعلم الله كان نفسى اقابلك من زمان
مصدقاكى يا حبيبتى مش انتى اللى قلبتى الصباغ هو اللى قلب نفسه
‏قال Desert cat
Heart Beat
ياريتك كنتى معانا
بجد كان هيبقى اجمل حاجه حصلت فى الدنيا
عموما حنا هنستناكى السنة اللى جاية ان شاء الله ....
الكتب اللى اشتريتها كانت رواية لدان براون اسمها الحصن الرقمى ورواية تانية لتشارلز ديكينز اسمها الامال الكبرى
والباقى حدث ولا حرج
رجل المستحيل على شوية زهور
سمعاكى بتضحكى .. لالالاء كدا هزعل
حين مسخرة يا ختىىىىىىى متفكرنيش بالمسخرة وقلة الادب اللى فيه
‏قال Desert cat
مهندس مصري
باذن الله الجايات كتير ودى مش اخر مرة طبعا انزل فيها كايرو ولا اخر مرة اقابل فيها مدونين بس ربنا يديلنا طول العمر ... بس بجد كانت صدفة هايلة
‏قال Desert cat
ابن حـجـر الـعـسـقـلانـى
والله الموضوع بالنسبة لى كان صدفة يا محمد
حتى آآبى كمان معرفتش غير وانا فى ارض المعرض
المرة اللى جاية نقولك علشان تفرش لنا الارض زلط ودبش علشان اول ما اوصل اخنقك على طول
انا بقى جبت رواية لتشارلز ديكينز ورواية لدان براون وبلاش اقولك على الباق
‏قال Desert cat
د/اجدع بنوته
بصى يا ستى علشان مش طلع عينك بعد كا وانتى راجعة رمسيس اركبى تاكسى ومش تديله اكتر من 5 جنيه هيوصلك ويبوس ايده وش وظهر ومنها وصلتى بسرعه
ان شاء الله المرة اللى جاية اشوفك يا دوك
‏قال Desert cat
walaa
ازيك يا لولو
المرة اللى جاية نبقى نقولهم يعملوه فى مرسى علم
ولا تزعلى نفسك يا جميل
‏قال Desert cat
الربان
يااااااااه
بجد لو حضرتك جيت كانت هتبقى مفاجأة اجمل من كل المفاجآت
ان شاء الله تتعوض
‏قال Desert cat
مروة الزارع
مش عارفه يا مروة بالظبط انا الشوية اللى شوفتك فيهم كنتى هادية يمكن بتقلبى بعد الساعه 6 ... عموما هنشوف الموضوع ده بعدين
وبعدين تخسى ليه بس .. ده حتى كدا انتى ملو هدومك خليكى كدا واللى العريس برضه هيجى
‏قال Desert cat
appy
معلشى بقى يا جميل تتعوض المرة اللى جاية اقعد معاكى وقت كتير اصل المرة دى مكنتش عاملة حسابى على اى مقابلات نوهاااااااااائى
المهم
اطلعى بقى بكتاب خالوا احمد
اصل هبلغ عنك مباحث المخضروات
‏قال Desert cat
Soooo
اهو كدا بقى انا هزعل
ليه مجيتش يا سووو
طيب لو كنت جيت كنت هعرفك ازاى
امشى اغنى سوو يا سوو وانت تقولى نعمممممممم
ان شاء الله المعرض اللى جاى بقى
كل معرض وانت طيب ياباشا
‏قال Desert cat
أحمد المصري
معلشى بقى انت كنت هناك الخميس واحنا كنا هناك الجمعة
يعنى برضه مكناش هنعرف نتقابل
عموما خيرها فى غيرها ياباشا
‏قال Desert cat
أنونيمس
انا المرة اللى جاية هعمل اعلان طوله 300 متر على بابا المدونة
ده احنا يشرفنا اننا نشوف حضرتك يا فندم
‏قال د/اجدع بنوته
قطتىىىىىى جبتلك تاااج هديه

تعالى خدييه

امضى واستلمى

يلا بسرعه قبل ميبرد
‏قال A long distance
يارب تكوني انبسطي يا قطه
وحاجه حلوه
ان المدونيين يتقابلوا مع بعض
مش بس نت
mrgkiller2020
‏قال Desert cat
د/اجدع بنوته
هو اسبوع التاجات العالمى
ده كدا اشطة خالص
من عونيا يا احلى دكتورة فى الدنيا
‏قال Desert cat
A long distance
الحمد لله اتبسطت جدا جدا
ده انا من كتر الانبساط روحت بيتنا طايره من الفرح
فعلا احلى حاجة هو التجمع اللي حصل ده
يا بختكم بجد
انا نفسي اشوف الناس دي كلها والله

أكيد المقابلة وجها لوجه ليها طعم تاني غير المدونات والفيس بوك
‏قال مشمش
ياريتني كنت معاهم ياريتني كنت معاهم عملوها الوحوش عملوها الابطال
بهزر يارب تفهمو هزاري
تحياتي
صاحبكم مشمش
‏قال غير معرف…
الغاليه قطه الصحراء

بوست دسم فعلا و لذيذ و دمه خفيف مع انه طويييييل و انا ماليش خلق علي البوستات الطويله دايما بس ايييييه استمتعت بيه جدا ياجميله

كانوا يومين جمال و خصوصا لما قابلتي المدونين اكيد قضيتي وقت لطيف وياهم و ده المهم
نفسنا نبقي نشوفك بقه ياقمر انا و حبيبتي هارت بييت شوفي اول ماتيجي مصر حاخدها و نطلع علي بلبيس نزورك ايه رأيك؟

مرسي ياجميله علي البوست المميز و كل سنه و انتي طيبه
‏قال بحبك يامصر
يا بختك انتى واللى كان موجود باليوم الجميل ده
(يارتنى كنت معاهم)على طريقة الطريق الى ايلات
اكيد اننا حظنا شويه عشان محضرناش يوم زى ده بس ملحوقه وتتعوض فى مره تانيه ان شاء الله
انا اللى اتشرفت بلقائك يا قطقوطة
وكان نفسى اقعد معاكى اكتر
بس اعمل فيكى ايه انتى اللى كنتى مستعجلة وادتينا صابونة
بس الحق يقال كلنا خدنا الصابونة بصدر رحب
يعنى مازعلناش منك اوى لاننا كنا مقدرين ان عندك مشاوير تانية
المهم اتمنى انى اشوفك على خير دايما
اختك خيخة
‏قال Ahmed Al-Sabbagh
هههههههههه

عسل عسل عسل يا كات

بجد ما تتصوريش فرحتنا لما شوفناكى

انتى بونبوناية المدونين

والعيال خيخة وابى ولماضة وسورسارة ونضال ومروة وايمى ومهندس محمد وكله كله كان مبسوط اوى لما شافك

طبعا مش عايز اقولك ان احنا اتكروتنا اخر كروتة وانك سلمتى علينا وجريتى

بس معلش مسيرنا نردهالك فى معرض الشرقية الدولى للكتاب هههههه

بجد العيال كانو مبسوطين اوى باليوم ده

عاااااااااا

ما تفكرينيش بالكتاب

وقولى للبت ابى تسكت احسن اضربها

شكلها هى اللى قلبت الكتاب

بس هتعمل بيه ايه ده مكتوب عليه اسمى

وهى اصلها بتجيلها كرشة نفس لما بتقرا اسمى

هههههههههههههه

ياللا مش مشكلة اخلى برايد توقع تانى

وعلى فكرة الزيارة دى ما تتحسبش خالص

ولازم فى اقرب مناسبة بالقاهرة تنورينا تانى

البوست كله جميل جدا

تسلم ايديكى

تحياتى

أحمد
ندالة مابعدها ندالة يابنتى وحشتينى هو كان محشى مغشوش ولا اية طب اظبطى معاد مرة معايا وبلاش اعلق ع موضوع المعرض اللى قلبتينى فية دة ع العموم لينا هى اللى مستحلفالك جدااااا
ياجميل خليها دعوة ع مدونتك كل شهر نتقابل كل المدونين فمكان ثقافى فمصر بلدنا كلها اماكن جميلة جمعيهم انتى واول اجتماع انا عازماكم كلكم فاى مكان نتفق علية
وحشتينى جدااااا
‏قال Soooo
ان شاء الله نتقابل كلنا عالخير ونتجمع دايما في الخير يارب



ملحوظه
ماتعرفيش اي اخبار عن اوسه .. اصلها غابت كتير قوي وانا بصراحه قلقان عليها
الله يكرمك لو تعرفي حاجه عنها قوليلي



سلاموووووووووووز
‏قال ملك الكبدة
ده عشان التعليق الاول ماوصلش يعني لو وصل ارفضيه موش كتر تعليقات على حسابنا يا كات

دي بقى حاجة من ضمن الحاجات اللي تخليني اتمنى اعيش في كايرو

لكن ابدا

اليكس في قلبي طول العمر و عرض العمر و عمق العمر و كل العمر

عموما احترسي بقى من امن الدولة

كل مدى تسيحي على نفسك باخبار تحدد هويتك

انا قلتلك لحسن تلاقي نفسك محوشة تدوينات اربع خمس سنين و تحطيهم لكشة واحدة
‏قال oceaneyes
ياااااااااااااااااااااااه


يا بختوكوا بجد


كان نفسى اكون هناك ...معاكم واتعرف عليكم كلكم ...وكان نفسى اقابلك شخصيا يا قطقوطة

بس حصل خير ...تتعوض السنة الجاية ان شاء الله



وحشتينى كتيييييييييييير

وبجد طريقتك فى سرد احداث اليوم شوقتنى كتييييييييييييييير اشوف الكل


بس قوليلى صحيح


انتى مش بتحبى تتصورى زيى ولا ايه ؟؟؟؟؟؟؟؟

اصل انا بعد عنك عندى عداء مع الكاميرا

:D



ابقى طمنينى عليكى يا جميل



تحياتى


:)
انا ما رحتش ومش هروح
والى راحوا قالوا الاسعارر غالية جدا
اسعار السندوتشات طبعا :)

نفطر فول وطعمية احسن :)
‏قال Desert cat
آلام وآمال
طبعا المقابلة وجها لوجه ليها احساس مختلف خالص
يارب تجربه قريب جدا
‏قال Desert cat
مشمش
ياريتك فعلا كنت معاهم
ده كان يوم عالمى
‏قال Desert cat
اجندا حمرا
طبعا يا حبيبتى مقابلة الناس اللى بنحبهم من غير منشوفهم بيكون لها مفعول السحر
وياريتك كنتى جيتى والله كنت هبقى سعيدة اوى بيك
انا كمان نفسى اشوفك جدا
ويارب هارت تيجى بسرعة بقى علشان انتوا اللاتنين بحبكو جدا ونفسى اشوفكو اوى
على فكرة انا من الشرقية بس مش من بلبيس ... بس مش مشكلة .. اهى برضه جوا حدود المحافظة انتى بس قررى وانا اديلك العنوان بالظبط
‏قال Desert cat
بحبك يامصر
الجايات كتير يا باشا ان شاء الله كل المدونين يتجمعوا فى يوم خاص بيهم
‏قال Desert cat
بت خيخة وأى كلام
المهم يا اصغر واحلى ام فى الدنيا انى قابلتك بجد والله كان نفسى اعرفك عن قرب من زمان
وان شاء الله قريب اوى نتقابل كلنا ونقعد نرغى مع بعض اليوم كله
‏قال Desert cat
Ahmed Al-Sabbagh
ربنا يخليك يا احمد
ده من زوقك والله
بس معلشى بقى الظروف جت كدا
ان شاء الله انزل قريب ونتجمع كلنا فى اى مكان بس ابقى اختار مكان اكبر من معرض الكتاب كدا علشان ياخد كل المدونين
‏قال Desert cat
كلاكيت تانى وتانى
حبيب قلبى والله ما اقدر على زعلك ابدا
ولا حبيبتى لينا
المحشى مش كان مغشوش ده كان طعمه جميل اوى ونسيتى الفراخ واللحمة والمكرونة
امال لو مش كنتى عملاهم بايدكى وانا مساعدتش فى حاجه كنتى عملتى ايه
طبعا اليوم اللى كنا متفقين عليه انا منزلتش فيه خالص ... وبما انى شاطرة من يومى فانا تخيلت انك فى الشرقية فى اليوم اللى انا رحت فيه ... والله لو كنت اعرف انك لسه هناك كنت كلمتك .. عموما تتعوض اقولك ازاى
اصل مهندس مصرى كان قالى على نفس فكرتك انهم اتفقوا يحددو فعلا يوم فى اخر كل شهر للمدوين يتجمعوا فيه ... وبما انك متبرعة عزومة فى اللقاء الاول .. وبما اننا مش هنكون فى البيت عندك طبعا يعنى مش هتاكلينا من ايدك ... فانا هقتصد يا ستى واطلب كنتاكى وبعدين نسكافية يليه ايس كريم .. لو افتركت حاجه تانية ها اجى اقولك
بجد والله وحشانى ... ما تعملى لى مفاجأة بقى زى اللى فاتت وتقولى لى انا فى الطريق ... بس مش يكون يوم اتنين ولا خميس
‏قال Desert cat
Soooo
والله ما اعرف حاجه يا بيه ولا شوفتها
فعلا انا بقالى فترة ادخل مدونتها ومش الاقى اى جديد
عموما ياريت اللى يعرف حاجه يبلغنا بقى
‏قال Desert cat
ملك الكبدة
الا هو انت اسكندرانى
يا قهلا يا قهلا باحفاد الاسكندر الاكبر
يا فندم يعنى هما لو عايزين حد هيغلبوا فيه
ده لو مستخبى جوا التواليت هيطلعوا .. يجيبوا ينفخوه ... وبعدين يرجعوه التواليت تانى
‏قال Desert cat
oceaneyes
انا كمان نفسى اقابلك بجد يا جميل
وبعدين ليه السنة اللى جاية
لما نحدد وم هبقى انزله على البلوج وتيجى نتقابل كلنا ايه المشكلة
انا كويسة يا جميل المهم انتى طمنينى عن اخبارك واخبار امتحناتك
‏قال Desert cat
بنوتة من وسط البلد
بالعكس دى اسعاره ارخص من الفول والطعمية
لو كنتى جيتى كنتى هتشوفى بنفسك
مش تسمعى كلام حد تانى وخوضى التجربة يمكن فى مرة نتقابل
يااااه كل ده حصل

بجد حاجه جميله جدا

القصه دي بتفكرني يوم لما قابلت اصدقائي كنت اعرفهم عن طريق منتدى

بجد شعور جميل

:)
‏قال Desert cat
أمير الهدوء
بالظبط كدا بتكون ذكريات جميلة
يا بختك مرتين مره على معرض الكتاب وده ملحوق والمره التانيه على صحبه البلوجرز الى شكلى حفضل عمرى محروم منها
‏قال Desert cat
رئيس جمهوريه نفسى
يا فندم طيب ما هو انا كمان مش قاهرية بس الموضوع بالنسبة لى عادى خالص يعنى
انا هقولك على فكرة سهله وسريعه
انت تروح موقف السوبر جيت تركب من هناك الاتوبيس اللى عليه الدور
وان شاء الله توصل بالسلامة
‏قال white Angel
دي اول زيارة وعاوزين نتفق اننا نبقي اصحاب لاننا من نفس البلد لكني عايشه في القاهرة من زمااااااااااااان
ومبسوطه اوي ان اول بوست اقراه ليكي يكون بتحكي فيه عن اليوم اللطيف دا وكان نفسي اكلمكم من زمان علشان اقضي اليوم دا معاكم
تحياتي لكل اصحابك وخصوصا لماضه وكنت متوقعاها زي ما وصفتيها
مش تنسي تقوليلي علي معاد زيارتك القادمه لاني هكون مبسوطه جدا لو اتعرفت عليكي

تحياتي
‏قال Desert cat
white Angel
ده انا يشرفنى طبعا مقابلتك
وفرحت اوى لما عرفت اننا من بلد واحدة
عموما المرة اللى جاية هبلغك وان شاء الله نتقابل على خير
‏قال زى الهوا
يومين مرة واحدة ؟ ايه الجمال دا , حلوة اوى المقابلة دى , كول دول مدونين دا اكيد المرض كان هيولع من كتر النور
‏قال بنت مصرية
اللــــــــــــــــــــــــه مصـــــــر وحشتيني قوي يامصر ووحشني بردك ومطرك متشكرة يا قطة انك عملتي البوست دة عشان انا محرومة من الجو دة قوي يعني كان نفسي انزل انا كما واروح المعرض وتمطر عليه واتجمد من البرد بس للأسف أنا فمكان حررررررررررررر ولا جهنم وحالتي كرب بعيد عن مصر الجميلة والنبي تدعيلي عند باب المعرض المبروك اللي ماليان ناس بيتكلموا عربي
‏قال Desert cat
زى الهوا
ما هو انا من النور الكتير سلمت ومشيت على طول قولت الحق امشى بسرعة قبل المعرض ما يولع
‏قال Desert cat
soska
ان شاء الله ترجعى مصر بالسلاكة وتعيشى فى التلج اللى وصلنا فيه لدرجة التجمد ده
انا عندى فكرة تبعتى لنا شوية حر ونبعت لك شوية برد واهو يبقى تبادل منفعه
‏قال غير معرف…
heloz ya gamiela:
wa7shany mn us l ma3rad el ketab walahy
3amla 2eh o 2eh el gedeed ma3lesh ana ba2aly kteer mo7'tafeyah bas ana rege2t el 7amdo lelah hadamr el donia isa
walahy dah 7aga gameila enoko tet2ablo keda ya retny kont fe masr walahy ana ma3rad el ketab dah kan asasy 2aro7o kol sana bas el zourof elly rametny 3ala usa
ana fa3lan ba7eb kol el nas elly enty 2abeltehom,memey gazarah,nouran,marwa,lamada,o all the others ya gamiel
isa el mara el gaya hakoon ma3ako o ana kont sakna fe nasr city ya3ny bas tekono henak edoly el phone el mateen hata2ony fe weshoko
salam ya gamiel
‏قال Desert cat
Sola
بس انتى تعالى مصر ووقتها مش لازم معرض كتاب
نبقى نعمل احنا معرض لنفسنا نتقابل فيه

المشاركات الشائعة