الجدار الحدودى اتحطم يا ميييينز


لما الشيئ بيزيد عن حده بيتقلب ضده
بإرادة شعبية حطم الشعب الفلسطينى البائس الجدار الحدودى
وحفظاً لماء الوجه .... قال رئيسنا الهمام يطول عمره وينصره على من يعاديه
انه سمح لهم بالدخول لمصر امال يعنى الناس تموت من الجوع ... يعنى لا من شدة الجوع ولا من قطع التيار الكهربى ولا من الجرحى اللى بيموتوا ولا الرطوبة اللى اكلت عظام الصغار والكبار ... الناس فاض بيها وحطمت الجدار الحدودى
ولا اى حاجه ... الناس ما هى متبهدله بقالهم كام يوم ... شومعنا النهارده يعنى قال سمحنا .... عموما كتر الف خيرك يا ريس ان حضرتك سمحت لهم يدخلوا رفح والعريش بعد ما حطموا بنفسهم الجدار الحدودى يشتروا مستلزماتهم الغذائية ويرحلوا تانى على بيوتهم فى غزة
يعنى يا اهل فلسطين احنا تكرمنا تفضلنا وحنينا عليكو انكو تدخلوا تشتروا مستلزماتكو من رفح والعريش وترجعوا تانى بيتوكو فى غزة محدش يقعد فى ارضنا
عموما خطوة كويسة .. وان شاء الله ربنا معاهم ويثبتهم وينصرهم

تعليقات

ما هو ما يقدرش يضربهم و يقتلهم
تبقى فضيحة بجلاجل
ثم لو دورتي في اليو تيوب حتلاقي قناة الجزيرة ناشرة كل حاجة فيديو
الناس داخلة تشتري كل حاجة من العريش لرفح
من رغيف العيش لجركن البنزين لحد الأسمنت
ناس عاديين و غلابة بل و حتى
تجار فلسطينيين عبوا عربيات نص نقل و عدوا بيها علشان يبيعوها جوه القطاع
‏قال Heart Beat
انا قريت خبر النهارده في جريدة الشرق الاوسط ان كان في مسيرة عند معبر رفح بتطالب برفع الحصار عن الشعب الفلسطيني ، انا بس حبيت اسأل المسيرة دي موجه لمين بالظبط للمصريين و لا للاسرائليين

و برضه المسيرة دي كانت بتقول ان مصر مطالبة بتحمل مسئوليتها تجاه مليون و نصف مليون فلسطيني ... بس اللي انا مش فاهماه ايه هي المسئولية دي اللي مصر وعدت بتحملها تجاه الفلسطينيون المليون دول

في الفترة الاخيرة وقعت مني اخبار معبر رفح و مش فاهمه ايه سبب المسيرة دي و ليه هي موجه لمصر مش لاسرائيل نفسها

بس المهم ان المعبر اتفتح سواء بأيدي الفلسطينيين او بأمر السلطات المصرية لان الناس اللي عند المعبر دول محتاجين مؤن و علاج و لما يخلصوا اللي هما عايزينوا من شراء الاغراض او العلاج هايتفضلوا متكرمين بالعودة لبلدهم اللي بيحربوا علشانها مش معقول يعني هايفضلوا عندنا و ينسوا فلسطين ارضهم

يبقى كان المفروض نفتح المعبر من زمان مش لازم يعني تحصل كل الهيصة دي عشان نتحرك
أهل غزة عملوا كل المجهود الضخم دة عشان إيه ؟؟ عشان يروحوا "يشتروا" و أكرر "يشتروا" شوية حاجات يقدروا يعيشوا بيها .. لا حول و لا قوة إلا بالله .. دول المفروض كنا منعنا نفسنا من الأكل و وصلناه لحد عندهم .. كنا تنازلنا عن هدومنا اللى مالية الدواليب و روحنا وديناها ليهم .. كنا اتبرعنا و اشترينا مساعدات غذئية و طبية و وصلناها لغاية عندهم .. مش مجرد نفتح الحدود -اللى فتحت عنوة- عشان يروحوا يصرفوا فلوسهم عندنا

طب اللى معهوش فلوس يعمل إيه ؟؟

لا حول و لا قوة إلا بالله
الغريبه والعجيبه انى القلسطنين بيمنعو من المرور للاراضى المصريه والاسرائيلين بيدخلو وبياخدو التاشيره على الحدود وتحيا الوحده العربيه
حسبى الله ونعمه الوكيل
‏قال Desert cat
مهندس مصرى
مش على ما اعتقد انهم عرب زينا يعنى
يعنى هما الاولى ولا الاسرائيلين اللى ماليين دهب وشرم
ثم هو مش دخلهم بمزاجه
ربنا يتولاهم
‏قال Desert cat
هو انا اللى اعرفه ان كان فى مظاهرات جامده جدا فى وسط البلد
مظاهرات منظمها طلبة
ومظاهرات تانية من نقابة الاطباء
ومظاهرات تالتة من نقابة المهندسين والدنيا كانت كلها مظاهرات × مظاهرات
موضوع المعبر هو ما اتفتحش الفلسطنين نفسهم اللى حطموا الجدار الحدودى
‏قال Desert cat
ابن حـجـر الـعـسـقـلانـى said...

اللى معهوش فلوس يبقى ما يلزموش ده مبدأمصرنا المخروسة اذا كان ولادها ماتوا فى عرض البحر وما نطقتش يبقى هتنطق علشان اهل فلسطين ... بلا وجع دماغ ما اللى يموت يموت والى يتقتل يتقتل احنا مالنا
‏قال Desert cat
رئيس جمهوريه نفسى
طبعا وحدة عربية عندك شك
هما موحدين عربياتهم
وموحدين الحدرس بتوعهم
احنا هنطمع كمان ونهتم ببعض
لاء ده كتير اوى
عندي سؤالين بس
1-هي احنا امتي عملنا الحصار على فلسطين علشان يتجمع نص مليون و يحطموا الجدار و يفكوا الحصار

2- في خريطة كبيرة اسمها الوطن العربي هاتيها و شوريلي على بلد واحدة حتفتحلنا حدودها و مش حتضربتا بالنار لما نوصل لمرحلة الفلسطنين ؟
----
قالولي الي يسأل عندك سؤالين ياخد التالت هدية
3- لية الجامعة العربية متلمش تبرعات من دولنا الغنية وتجيب بيها موادغذائية تتفرق على الحدود من غير تكسير وتحطيم ؟
-----------
قيل متبدأي بالهجوم عاوز اقولك اني من فترة كنت بطلع في مظهرات لفلسطين و العراق
بس بجد لما قبلت الناس دي شخصيا و لقيت اللي اتربى و درس في مصر هما اول ناس بيشتموا من قلبهم و تلاقي واحد بكل برود يقولك انتوا عملتونا اية .ساعتها بس حتكتشفي انحنا الدولة الوحيدة الي مابتقلش يلا نفسي وبردة مش عاجب


تحياتي
‏قال Desert cat
اسكندراني في الغربة
لاء هو انا مش حا اهاجم حضرتك ولا حاجه
لانى اكتر واحده سمعت كلام من احد الاشخاص الفلسطنين على مدار سنتين كدا قول 3 بس انا متعا\فه معاهم مش اكتر ولما اشوف احوالهم فى التلفاز بقول انهم " قوم جبابرة "
واقعد افتكر اللى كان بيحصل واللى بيتقالى هاذوه الصخص لكن برجع واتخيل اننا مكانهم وفى الحالة دى وان الصخص اللى كان دايما يشتم فى مصر والمصريين حالة فردية وميعبرش عن الشعب وكدا يعنى
عموما ربنا معاهم لان فيهم اطفال وفى كمان شيوخ ... مش مهم هما بيقولوا علينا ايه ... المهم احنا نعمل لهم حاجه
‏قال walaa
هو ده مبارك يبيع الغاز بتاعنا باقل الاسعار لمين للاسرائيل
لكن الفليسطنين اخواننا لا يمنعهم من الدخول وميرضاش حتى يدلهم رغيف عيش
ولما يفتحوا المعبر بالقوه يسبهم
حفظا لماء الوجوه
ده عميل للاسرائيل ولسه هنشوف منه اكتر من كده
ولاء
‏قال Desert cat
walaa

مش عارفه والله يا ولاء بس اللى اعرفه ان دى سياسة دولة
وانا اكتر واحده دمها اتحرق لما عرفت ان اسرائيل هتاخد الغاز بتاعنا ويبقى عندنا الانبوبة ب30 جنيه ولا مساس بالدعم ولا مساس للمواطن
عظيمة يا مصر
‏قال Unknown
حاجة تدعوا للعثيان

لازم ندعى ربنا عشان يشفى حكامنا العرب

من مرض فقر الدم
‏قال ملك الكبدة
نكتة اليوم

الرئيس مبارك

انا قلت اذا كانوا يدخلوا يشتروا عيش و حاجاتهم الاساسية ماشي بس مايكونشي معاهم سلاح

هههههههههههههههههههههههههه

عيش مين يا جدع

هما اللي في بلدك لاقيينه
‏قال max.adams
اللي حصل ده بيأكد أن الناس و الشعب و المدنيين يقدروا و يقدروا و يقدروا كمان الشعب مش شويه الناس مش شويه
هو ايه الفرق بيننا و بين فلسطين
الفلسطينيين ما بيهمهمش من حد ناس عارفه هما يقدروا يعملوا ايه
انما احنا خايفين من الضل ورانا مرعوشين من خيال السلطه و تهديداتها الجوفاء و المصمته
‏قال غير معرف…
العزيزه قطه الصحراء

من اللي سمعته و من اللي حصل عند الجدار شئ مؤسف بجد
فيه اخلال للأمن المصري متفقه معايا في كده و لا لأ؟
ماهو مش معقوله يتهجموا كده علي الجدار كأنها بوابه من غير بواب صح؟
فيه شئ اسمه اصول ياقطه و ياتري بعد ماياخده احتياجاتهم حيرجعوا من مكان ماجم و لا حيفضلوا قاعدين في رفح؟

لازم برضه زي ماعملوا مسيره من نحيه المعبر عندنا يروحوا يعملوها قدام الأسرائيليين مش هما برضه اللي قافلين المعبر؟
‏قال Heart Beat
المسيرة اللي بقولك عليها دي كانت عند المعبر من ناحية غزة و اللي في نهايتها قامت بعض الاجنحة العسكرية لعدة فصائل فلسطينية بتفجير اجزاء من الجدار الفاصل اللي عند المعبر

الكلام ده جاء على لسان ابو عبير الناطق بإسم لجان المقاومة الشعبية في غزة

و قال كمان ان التفجير ده جاء نتيجة هبة شعبية عفوية و ان بعض المقاومين اللي بينتموا للفصائل دي استجابوا للهبة الشعبية و فجروا جزء من الجدار

و الغريب ان اعرب عن سعادته من تفجير الحدود على حد تعبيره و ان المقاومة لن تسمح بأ، تكون هناك حدود مع الجيران المصريين الذين اعتبرهم عمق غزة و بوابة الشعب الفلسطيني

و من وجهة نظره ان تفجير الحدود لا يسيء الى العلاقة بين الفلسطينيين و المصريين

و طالب العرب بدعم مصر و تشجيعها على رفع الحصار

هي مصر اللي وضعت الحصار عند غزة عشان ترفعه و لا ايه الحكاية

ما هو شعان كده انا قلت لك اني اتلخبط في الامر و حسيت اني مش متابعة الموضوع بس اللي استغربت له ان مش مصر اللي محاصرة غزة و مع ذلك التفجيرات الحدودية دي لرفع الحصار حصلت على الحدود مع مصر فحسيت ان مصر هي اللي حطت غزة تحت الحصار

اما المظاهرات فأنا عارفه عنها و طبعا مش هي اللي كنت اقصدها في تعليقي انا قصدت المسيرة اللي كانت في غزة عند المعبر فبل فتحه و المظاهرات فدي في كل حتة حتى في الامارات من امبارح و هما في شوارع ابو ظبي مساندة للشعب الفلسطيني
‏قال زعيم كمورا
على فكرة الريس فى الموقف دة اثبتلى انه ذكى جدا
وانه كطان عارف لو ساب الفلسطينين
يدخلوا من الاول كانت اسرائيل حتزيد الموقف سوء
زى محصل دلوقتى
اهى اسرائيل اخلت مسؤليتها عن قطاع غزة كله ومش حيزودوهم بأى حاجة
وبقت مصر دلوقتى هى المسئولة
عن مليون ونص مواطن فلسطينى
غاز واكل ودوا
يعنى الناس كدة كدة حتموت من الجوع

ومع ان الريس كان عارف كدة
ومكنش عايز انه يدى اسرائيل اى فرصة لانه عارف انها حتستغلها لصالحها
بس الفلسطنين حطوه قدام الامر الواقع ومكنش ينفع انه يطردهم
مع انه كان يقدر
اذا قدر على شعبه يبقى مش حيقدر على الغريب
الريس سابهم يدخلوا رفح والرعيش لانه حس بانهم خلاص جابوا اخرهم ومش حيقدروا يصمدوا اكتر من كدة

انا الى مستغربه فى الموضوع كله
ان مافيش حاكم عربى اتكلم ولا قال حاجه
طبعا الدعوات الى كاناو بيبعتوها لمجلس الامن كلام فارغ
لانهم عارفين انه مش حتجيب نتيجة
عشان امريكا طبعا
ومع ذلك اكتفوا بكدة
ومحدش طلع قال كلمة
ياله ماعلينا
احنا متعودين على كدة
حنعمل ايه نصيبنا نعيش فى عصر الحكام الجبناء

انا قريت خبر بصراحة استحقرت العرب اوى ساعتها
الاخت رايس ربنا يحرقها اكتر مهى محروقة
بتقولك ان الاحتياجات الانسانية لغزة
بتساوى الامن الاسرائيلى

يعنى تخيلى انتى قاضى قاعد فى محكمة
وحكم على واحد بالاعدام عشان قتل
وحكم على التانى بالاعدام عشان شك واحد بالدبوس
هههههههههههه
هى دى الديموقراطية الامريكية
ومع ان الكلام تافه جدا
الا ان العرب صدقوا وقاله ماشى وامين
واحنا معاكم ومش حنغلى المقاومة ترمى عليكوا صواريخ

وانا لغاية دلوقتى مش فاهم صواريخ ايه دى الى خايفين منها
دول غلابة هما حلتهم صواريخ اساسا
دول يدوبك صاروخين تلاتة
بيضربوهم كل قرن مرة
حلاوة حروح وياريتهم بيصيبه حد
قال كل الصواريخ فى مكان واحد
وياريته مكان فى سكان
مش عا رف اسمه سيدروف تقريبا ولا سيدورت
مش عارف
المهم انى عمرى مسمعت ان فيه حد من هناك مات ولا حتى اتصاب
يبقى صواريخ ايه الى هما خايفنها
واخدين مليون ونص بنى ادم بذنبها
وانا نفسى اعرف هماالغرب مش بيقولوا علينا اغبية
طب ازاى دخل عليهم الكلام دة وصدقوه
ولغاية دلوقتى مش عارفين
يطلعوا بيان يخلى اسرائيل
تقف عند حدها
امال لو انضربوا بالشباشب
كانوا عمله ايه
كانوا حاصره الوطن العربى كله
يعملوها وميعملوهاش ليه
يعنى هو فيه حد حيوقفهم ولا حيقولهم حاجة

قل ماتريد وسافعل مااريد

اه قبل منسى
الشعب الكموراوى
بيبعتلك احلى سلام
وبيقولك مجهود رائع ياقطة
‏قال Desert cat
واحد مش فاهم حاجة
ومالوا نتلم كلنا فى ساعه عصارى وندعى عليهم يمكن ربنا يستجاب
‏قال Desert cat
ملك الكبدة
والله صدقت
ده انا بعدى الصبح من قدام كشك العيش يوميا الاقى الناس بتقطع فى بعضها بضطر امشى من الشارع الموازى احسن يجى عليا طرطشة الدم من اثر التقطيع ومرة واحدة ياربى ماشية من هناك كالعادة ملقيتش غير كام واحده ست قاعدين ايديهم على خدهم واستغربت اوى ان الدنيا فاضية النهارده كدا ... بس استغرابى راح لما لاقيت كشك العيش مقفول
طيب شعب فلسطين هياخد بقى عيش من اللى بربع جنيه ولا هيجوا يتزاحموا مع الناس اللى بتقطع فى بعضها كل يوم الصبح ... لو هيشتروا عيش من الرغيف بربع جنيه يبقى معاهم فلوس واهو كله استثمار
‏قال Desert cat
max.adams
ما هى دى النتيجة الطبيعية للقر والذل اولادهم بيموتوا قدام عينيهم من الجوع الحل ايه تفتكر غير اللى عملوه
‏قال Desert cat
اجندا حمرا
معلشى يا اجنده هو الامن مفيش من ناحيته اخلال ولا حاجه لان عندهم اوامر بعدم التعرض للفلسطنين ومش يبقى احنا والعدوان عليهم
يعنى انتى تستحملى تعيشى او تشوفى حد غالى عندك من غير اكل وشرب وبيموت من البرد او مصاب ومش قادرة توديه مستشفى برضه الموقف صعب وبصراحة دور الحكومة المرة دى يتحسب لها ..
‏قال Desert cat
Heart Beat
لما سالتينى فى الكومنت اللى قبل كدا عن المظاهره اللى كانت على المعبر عرفت تفاصيلها ... احنا اصلا المفروض مناخدش بكلام واحد مثلا من اهل فلسطين بانه كدا بيمثل الشعب كله ... فلسطين فيها ناس تساهل الحرق وانا شوفت من البعض فيها اللى محدش شافه من توجيه اتهامات لا كلام مالوش اى اساس ولا اى لزوم ... لكن ده ميمنعش اننا كعرب وكمسلمين لازم يكون لينا دور معاهم ... يعنى انتى نفسك تقدرى تشوفى طفل بيموت قدام عينك حتى لو يهودى بلاش عربى او مسلم وفى ايدك تاكليه او تشربيه وهتمنعى نفسك من كدا .. اشك
بصراحة لاول مرة اشهد لحكومتنا بشئ مشرف .. وزى ما فلسطين فيها ناس مش كويسه او مش محترمة فيها ناس تستحق الاحترام وحافظين الجميل لمصر
‏قال بحبك يامصر
احنا والفلسطينيين اخوه فى الدين علينا مسؤليه تجاهم
تفتكروا الانصار لما الرسول اخا بينهم وبين المهاجرين خافوا زينا على لقمة عيشهم احسن يقسماهم فيها اكيد لا والسيره النبويه روت لينا قصص كتيره عن اخوتهم بجد
‏قال Abd-Alrahman
والله العظيم جدعان وعملوا الصح الي كان المفروض يتعمل
وبعدين اية اصلا معني الصور دة يعني اية بلد وبلد مسلمين يتحط بينهم صور لية يعني
دي كلها حدود غربية مصطنعة لا اساس لها من الصحة
ايام سيدنا عمر ابن الخطاب رضي الله عنه كانت الجزيرة الاسلامية رقعة واحدة
لا يفصل بينها فواصل
‏قال Desert cat
بحبك يامصر
معلشى احنا كمان مش عايشين فى انتخة
بس برضه الناس كدا كدا مش بيقاسمونا فى لقمة عيشنا ولا حاجه لانهم مش بيشحتوا مننا
دول داخلين يشتروا بفولسهم يعنى من الاخر برضه فى اقتصاد موجود
ياريتنا نبقى ربع ايام الرسول
مكانش اصلا بقى ده حال العرب
‏قال Desert cat
Dr-Online

معلشى هو مش صح اوى
بس الناس هيعملوا ايه مضطرين
مش لا قيين ياكلوا ولا يتعالجوا
وبلد عربيه مسلمة قدامهم
فالطبيعى ان يبقى ده الحل
احنا لو هنارن بقى ايامنا بايام عمر بن الخطاب يبقى الحل انتحار العرب انتحار جماعى
‏قال Heart Beat
فعلا ما تتصوريش انا سعيدة اد ايه بالقرار اللي اتخذته الحكومة المصرية بالوقوف بجانب الفلسطينيين عشان كده اديت الموضوع ده اهتمامي على الرغم من انشغالي الايام دي لكن فرحت جدا اننا وقفنا جنب الفلسطينيين بالشكل ده

يعني حسيت ان مصر رجعت زي زمان ايام ما كنا بنساعد الاخوة العرب و كن بنفخر بده لغاية دلوقتي يعني

كل شعب فيه الحلو و فيه الوحش احنا و غيرنا

المسألة بس اننا ماعندناش حاجه نشاركهم بيها زي ما قال بحبك يا مصر اذا كان رغيف العيش اللي هو اقل احتياج يومي بالنسبة للمصريين مش لاقينه يبقى هانشارك ازاي بس مع ناس تانية

اللي مزعلني بصراحة اننا اخدنا منهم فلوس عشان يشتروا الحاجات مننا و كمان رفعنا الاسعار اللي مرتفعة اصلا عليهم

كان المفروض ياخدوا الحاجات دي ببلاش او بسعر رمزي لاننا برضه مش اغنياء عشان نوزع الرزق

يعني احنا و الفلسطينيين همنا واحد بس بشكل مختلف
‏قال Desert cat
Heart Beat
حبيبتى ربنا معاكى ويساعدك فى شغلك
بالنسبة لينا كمصريين احنا وضعنا الاقتصادى برضه مش يساعد اننا ندى من غير فلوس العمال والموظفين طول السنة شغالين اعتصامات علشان مش لاقيين يا كلوا
بس انا متفقه معاكى ان التجار مكانش المفروض يرفعوا الاسعار على اهل فلسطين
بس هنعمل ايه فى الشعب بتاعنا

دمتى بحب
‏قال د/اجدع بنوته
انا شوفت لقطه عجبتنى اوى

لمواطن فلسطينى بيهد مع اللى بيهدوا

وشايل طوبه ومتتترب اوى

وقدامه عسكرى مصرى م بتوع الحدود

رافعله السلاح

والتانى رافع الطوبه

واتحركت شفتي المواطن الفلسطينى

بكلمه مصريه اصليه مكونه م ثلاث حروف اولهم الف وتانيها تاء واخرها واو ووسطها فاء

..

تنم عن سؤ الحال فعلا اللى وصلوله

وتنم عن اختراق الثقافه المصريه ليهم

والحمدلله ان بابا كمان اخد باله م الفيديو

وقال .. بيقول ايه ده

متركزش يابابا علشان متهيسش

وصباح الخير يامصر

المشاركات الشائعة