خلاص الحدود حتتقفل من تانى .. والعادلى يحذر من الاستغلال السياسى

بعد 3 ايام من فتح الحدود سواء بقى عنوة او بارادة مصرية المهم ان موقف مصر بصراحة ومن وجهة نظرى موقف مشرف بالرغم من انهم كانوا بيدخلوا يشتروا بفلوسهم يعنى مش بنمن عليهم .. يعنى تجار العريش ورفح عملوهم فى الـ 3 ايام اللى فاتوا .. لكن بدأ الأمن المصرى بقفل الحدود تدريجياً ... اتقفلت العريش ... ومفتوح دلوقتى رفح فقط ...
طيب ايه
يعنى دلوقتى لو رفح كمان اتقفلت هيرجعوا من تانى يجوعوا ويموتوا من الاهمال
طيب انا سمعت ان اسماعيل هنيه اتقدم بطلب للحكومة المصربة بفتح المعبر بصفه رسمية ومستمرة وحكومتنا ردت بانها هتدرس الطلب وبعدين يقولوا رايهم بقى ... الناس مش عايز يدخلوا يعيشوا وسطنا لانهم عارفين ان حالنا ميسرش .. بس هما عايزين يشتروا من عندنا .... طيب ياريت رد الحكومة المصرية يكون بالايجاب بقى
الامن المصري يبدا باغلاق الحدود تدريجيا امام الفلسطينيين
============================================

بالنسبة لتحذير العادلى من الاستغلال السياسى انا موافقاه
لان الاستغلال الداخلى تأثيرة اقوى الف مرة من التاثير الخارجى
بمعنى ان حزب معارض صاحب مصلحة يروح يزن
فى ودان الغلابة اللى بيسمعوا لهم و اللى من السهل اللعب فى عقولهم
ويتقلب الوضع من غزة لمصر وتدور عجلة الارهاب من تانى
تحذير العادلى كان شئ لابد منه .... مش مهم بقى المعارضة
الاهم تحقيق الامن فى البلد ... رجال الشرطة المكروهين الناس الكخه طالعين مأموريات وواقفين فى البرد ومستحملين جميع الضغوط الواقعه عليهم سواء من الجانب المصرى او الفلسطينى على الحدود اللى فى رفح واللى فى العريش ... ربنا معاهم ويرجعهم سالمين
... الاخوة بقى اللى مالهومش شغلانه غير انهم يقعدوا يشتموا فين دورهم ... لسانهم مخروس ليه ... ولا يكونش عندهم صمم ومحدش سمع عن الاحداث اللى حصلت واللى ما زالت بتحصل


العادلى يحذر من الاستغلال السياسى لأحداث غزة

Comments

ربنا مع الفلسطنين يا رب يحررهم من اللى هما فيه
وربنا يحمى مصر ويحفظها من كل سوء...مصر ذكرت فى القرآن فان شاء الله ربنا يحفظها ويحمى ولادها يا رب
بجد شكرا ليكى يا قطة الصحراء على انك متابعة وبتخلينا نتابع معاكى الاحداث
اما بقى بالنسبة للناس اللى عمال على بطال مش عاجبهم العجب ولا الصيام فى رجب ..بقولهم ارحموا نفسكو شوية بقى مش كدة عشان ربنا يرضى عننا شوية
hui mu han said…
هو لو اتقبل اقتراح هنية يبقى خلاص الحصار انتهى
هتفضل مشكلة الطاقة وافتكر ان دول الخليج لازم تمدهم بقى ب
Heart Beat said…
فعلا انا بتفق معاكي ان دور رجال الشرطة كان ليهم دور كبير في السيطرة على اللي حصل

المهم بقى اللي كان بيقول عليهم كلام مش اللي هو يعرف دلوقتي ان في الوحش و في الحلو فيهم

في منهم اللي ممكن يحمي مصر و يدافع عنها و يسهر فعلا في خدمتها و يتصاب كمان

اعتقد كمان الاستغلال السياسي ممكن يبدأ في اي لحظة دلوقتي و هايكون موضوع الساعة و ادينا هانشوف

هاينسوا غلاء الاسعار و اللي بيحصل في البلد و هايقعدوا يتكلموا في معبر رفح

مش نشوف المصايب اللي جوا الاول و بعدين نتجه للسياسة الخارجية
أنونيمس said…
الاستغلال السياسي
ولا
الاستهبال السياسي؟؟؟؟
موقف مشرف بالفعل
ولكن قفل الحدود امر لابد منه
عشان ما يستغلش الموقف بشكل سيئ
لكن الشهامه المصريه ستعاود فتحه تاني
على الرغم من كل المساوئ وبعض التجاوزات الا ان الامن المصري بصراحه اثبت انه مصري ي ي ي ي
ومصري جدا كمان

تحيه لرجاله العادلي اللي على الحدوود
وتحيه للقياده السياسيه اللي سمحت بفتح المعبر

اما الحاج هنيه ياريت يرحل ويسيب الناس بقى تعيييييييش
appy said…
ح (غزة) (رويترز) - قام نشطون من حركة المقاومة الاسلامية (حماس) باستخدام جرافة في محاولة لفتح ثغرة جديدة في الحاجز الحدودي بين غزة ومصر بعد ان حاولت القوات المصرية اغلاق المنطقة.

وسمع صوت اطلاق للنار بينما أخذ آلاف من الفلسطينيين يهللون بينما كان نشطو حماس يصدمون الجرافة بحاجز الاسلاك الشائكة عند معبر رفح في جنوب غزة.

اقرى ده وافهمى اللى هقوله لكى اللى هناك متفقين مع اللى هنا يعملوا كده علشان قوة اللى هنا تزيد لاغراض انتى فاهمها واحنا كلنا فاهمنها
بالنسبه للمساعدات لا بيروح لهم حاجات من نقابه الاطباء وناس بتتبرع ليهم يعنى بنقف برضه جنبهم
اما اللى انتى بتسالى عنهم انهم مخروسين فأكيد لان الجو برد ودول نايمين فهمتى بقى
امسك

انا ليا تعليق من امبارح

كنت اول تعليق كمان اصلي كنت قاعد على باب البلوج و اتفاجات بالبوست

المهم

استغلال سياسي

استهلال اخواني

الحكومة بتقول الحق الذي يراد به باطل

يعني ظاهر الكلام معاهم حق وباطنه موجه لاعدائها السياسيين في الداخل و اهمهم بالطبع الاخوان المهابيل

اللي ياحرام

يا جماعة المظاهرة دي هية حاجة بنقدمها لشعب غزة

طبعا بقى الغزاويين لما يشوفوا مغامرات الاخوان مع الامن المركزي من اجلهم

اكيد هيشبعوا لا و كمان اصوات الاخوان هتدفيهم و هتزبطهم

تخيلوا دول مكن يسيبوا غزة و يقعدوا في سينا و يشغلوا قناة الجزيرة على الامن و هو بيجري ورا الاخوان

و بكدة نحرر فلسطين و نشبع الجعانين و نغطي العريانين و ندفي البردانين

اي هبل سياسي و اجتماعي ده

يا عالم اتكسفوا من نفسكوا شوية بقى

لا الحكومة بتتقي ربنا ولا اتلاخوان بيختشوا

الحقيقة يا كات انا بصراحة من راي ال جي في اخر بوست ليها مكن تراجعيه لو تحبي

على فكرة البوست بتاعها هيكون صادم شوية لكنه واقعي جدااااااااااااااا


اسف للاطالة
بصراحة الحكومة المصرية موقفها في الأوضاع المشابهة بيبقى كويس فعلا رغم إني بحس ساعات إنه بيبقى بطيء..ربنا معاهم و يفك أزمتهم..بالنسبة للناس اللي مهمتها الشتيمة فطبعا تسكت لإنها مش لاقية حاجة تشتمها في الموضوع ده أوي..مش هما مهمتهم الشتيمة برضه..وحشني أوي افتح مدونتك من تاني..عدنا والعود أحمد.
الموقف فعلا مشرف رغم انه غصب عن الحكومة و لكن كل شيء لازم يرجع مكانه و اللي لازم نعمله كمساعدة مش فتح الحدود لكن توصيل اعانات أو امدادات بالدواء والغذاء والكهراء كما حدث مع لبنان و لو حتى بالفلوس مش هما جم ودفعوا تمن اكلهم و شربهم و دواهم الخدمة تكون افضل و هما في مكانهم و أعتقد ده هيكون اريح للجميع وياعالم ايه اللي هيحصل
اللأظن ان دى أول مرة أدخل على مدونتك بس جميلة
ربنا مع المسلمين المستضعفين فى كل مكان
عايزة أقول بس لملك الكبدة
أنت تهاجم الاخوان وشكلك كده ماتعرفش حاجة عنهم
لو عايز تهاجم هاجم بموضوعية وبأدلة
Desert cat said…
رحيق الحب
اللهم امين
ربنا يتقبل دعائك
انا اللى بشكرك يا هالول على زيارتك الجميلة
بالنسبة لبتوع الكلام وبس فدول اساسا انكشفوا اظن لو واحد اتكلم منهم المفروض الحل الامثل رجمه بالطوب
Desert cat said…
hui mu han

ان شاء الله رد الحكومة يكون بالايجاب
ولو ردنا كان بالايجاب يبقى دول الخليج المفروض فعلا انها تتدخل
Desert cat said…
Heart Beat
طبعا رجال الشرطة دورهم واضح وبارز فى جميع الحالات
بالنسبة للى بيثيروا الحرب الداخلية فدى ناس يهمها الظهور لاغراض شخصية
اما انهم يتحركوا وياخدوا خطوة ايجابية فده اللى مستحيل يحصل لانهم لا يملكون اى حاجه لنفسهم
بس يرحمونا بقى من الجعجعه الكدابة
Desert cat said…
انونيمس
كله العرب صابون مش حتفرق كتير
Desert cat said…
اسكندرانى اوى
للاسف رجال الشرطة اول ناس معرضين للخطر فى كل الظروف
ربنا معاهم ويحفظهم
Desert cat said…
appy
حتى لو اتفاق يكفى ان مصر رجعت لها ريادتها
بالنسبة للى نايمين علشان البرد ياريت تجى لهم نزلة برد تفضل مانعه صوتهم على طول
Desert cat said…
ملك الكبدة
ياباشا اول تعليق والمدونة كلها تحت امرك
ده وجودك شرف لينا

بقى الاخوان المهابيل دول اللى انا قصدى عليهم
بتلاقيهم عاملين يهللوا وعاملين مولد سيدى العريان علشان الناس تقول شوفوا الاخوان عاملين ايه وازاى
طيب دمك محروق منك له ما تروحوا لهم وتقدموا لهم مساعده مادية هو جعيرك وصوتك العالى ده عمل لهم ايه
اهى حاجه يا ملك يبانوا بيها قدام الناس واللى ليه مصلحة شخصية يمكن تتقضى
Desert cat said…
احمد المصرى
كنت فعلا مفتقدة لتعليقاتك
شرفت البلوج مرة تانية
الحكومة فعلا موقفها يشرف اى مصرى فى اى مكان
الناس اللى بتشتم مع اول موقف ظهرت على حقيقتها
المفروض بقى يحرمونا من لسانتهم الطويلة اللى قطعوها بنفسهم
Desert cat said…
مثلية تبحث عن ذاتها
هو بالفعل لو كان بيوصل لهم اعانات زى اللى كانت بتوصل للبنان مكانوش عملوا كدا
لكن الناس عمال بتقول نجمع اعانات للشعب الفلسطينى والناس بتموت من الجوع دى بقى مسؤلية اللى بيجمعوا الاعانات
Desert cat said…
ابن عمر
اولا نورت البلوج
ثانيا بالنسبة لكلامك لملك الكبده
فهو بيتكلم علشان عارفهم وعارف انهم غوغائيين وبتوع ظيطة على الفاضى
عايز الادلة
شوفهم بيعلموا ايه فى الشارع من مظاهرات لتكدير الامن العام
وجيب لى موقف ايجابى واحد ليهم فى مشكلة غزة
او اى مشكله غيرها
السلام عليكم
ازيك ياقطة

عاش من شافك

ربنا مع الفلسطنين
ربنا هو الواحد اللى رحيم بيهم

رحمك الله ياغزة
Hossam said…
hello catty
hope you good
u know i feel sorry for palistinian and also feel shame for arab 48 peolple
hope c u soon
bye
shams said…
و الله بتوع الشرطة اللي في البرد دول انا كنت اكتر منهم في الجيش و لما خرجت الدولة معبرتنيش و لا قدرت
خبر فتح الحدود اما الاخوه الفلسطنيين فرحنا جدا
واحنا شعب جعان فرحه بجد
نفسنا نفرح بخبر حلو زى كده
خبر فىه انتماء
خبر فيه عزه وكرامه
ومستنين خبر انخفاض الاسعار
يا ترى هنستنى كتير
هو ده السؤال
سلام عليكم

يا سيدة قطة

اختلف معك فى الرأى حول ، استغلال حماس للشعب الفلسطينى ،هم مين اللى انتخب حماس
مش الشعب

و مين قال ان حماس هى المعارضه

دى هى الحكومة الشرعية

و اقالة ابو مازن للحكومة قرار غير دستورى

و بعدين حماس فى فلسطين

هم فلسطين
يعنى اهلهم و اخواتهم

ليا واحد صحبى فلسطينى بيقولى مفيش بيت فى غزة بالتحديد مفيهوش الا واحد حماس على الاقل

يبقوا ازاى بيستغلوا مشاعر الناس فى السياسة


و بالنسبة لدور مصر


مما لا شك فيه انه دور مشرف

لكن كان لازم تعمل كده و خصوصا بعد كسر المعبر

لو ما كنتش الحكومة المصرية عملت كده كانت اسمها دوليا هيتهز كتير

و ايضا دى رسالة للامريكان ، ان مصر لسا لها دور و مش تلميعكوا للسعودية و الكويت هيأثر على مكانه مصر فى المنطقة

اشكرك على هذا البوست

و بس
و سلام عليكم
Desert cat said…
عاشقة الوطن
ازيك يا جميل
وحشانى
اللهم امين ربنا يتقبل دعائك
Desert cat said…
Hossam said...
hello hossam
thank's you fell
Desert cat said…
shams
انا هدفى من الكلام مش الدولة انا هدفى من الكلام الناس اللى طالقة لسانها على افلاضى والمليان ومالهومش شغل غير الشتيمة وبس ... ووقت الضيق هما اول ناس بيجروا ويستخبوا فى جحورهم
Desert cat said…
صالح سعيد
شكلنا هنستنى ربع قرن تانى
يمكن الاسعار تنخفض فى عمر احفادنا
Desert cat said…
ِِAdem El-Mahdy
اختلف معايا براحتك
بس اسمح لى اقولك ان كلامك كله خطأ
اللى انتخب حماس فعلا الشعب الفلسيطنى بس شوفت حالهم اصبح ازاى بعد الانتخابات ... حماس اول ما بدأت تشد حيلها افترت وياريتها افترت على العدو اللى افترت على الناس اللى انتخبوها ... بتقولى مفيش بيت الى وفيه واحد حماس ... للأسف دلوقتى مفيش بيت فى فلسطين الا وبيلعن حكومة حماس وبيلعنوا اليوم اللى انتخبوا فيه حماس .. حماس مش حكومة شرعية ولا غيره .. حماس ضحكت على الناس الغلابة زى ما الاخوان المسلمين بيعملوا فى مصر كدا .. لان ده الطبيعى بيدخلوا على الناس بشغل التمثيل والجهاد وقال الله وقال الرسول وهما ابعد ناس عن الله والرسول .. والدليل موجود قدامك على مرأى مسمع من الجميع هما نفسهم كانوا بيعتقلوا الفتحاوية ويجلدوهم ويبهدلوهم هى دى حماس للاسف مفيش ولا جماعه اسلامية مسكت الحكم ونجحت فيه ولا انت مش واخد بالك من مجازر
الجزائر .. ولا حضرتك شايف اللى بيحصل فى فلسطين ده نجاح من حكومة حماس ... اللى سايبين اعدائهم وبيحاربوا فى الناس اللى انتخبتهم ... ربنا يخلص البشرية منهم ومن امثالهم سواء فى مصر او فى اى بلد تانية
الربان said…
تحياتي

تعليق متأخر جدا....لكن للضرورة أحكام....فمعذرة علي التأخير.

نحن نفكر بعواطفنا...و هذه مشكلة كبيرة
بسببها انزلقت قدم جمال عبد الناصر الي
حرب 1967 ...حين ادعت سوريا بوجود حشود عسكرية اسرائيلية علي حدودها...
المهم ، في رأيي ان التفكير في الامن القومي المصري يأتي أولا ، و بعقلانية و بعيدا عن العواطف و الانفعالات.

الاخوة في غزه...نقدم لهم كل ثمين و غال عن طيب خاطر....فنحن أمة واحدة..و بيننا انساب و مصاهرة...و لكن:

ان تقتحم بيتي بدون أذني بحجة انك جائع
فهذا لا يليق...الاف الجوعي و المرضي المصريين في الشارع..هل يقتحموا مستشفي
او مخبز....؟؟؟

دخل المغرضون الذين يحملون المفرقعات
و الاحزمة الناسفة و تسللوا الي المحافظات...فهل هؤلاء جوعي؟

رفع العلم الفلسطيني علي الشيخ زويد
فهل هؤلاء جوعي و مرضي...؟

كبر وهلل مغاوير حماس لدي سقوط الجدار...فهل
هذا بلد كافر فتحه الله عليهم.

الشراء تم بدولارات مزيفه...و لا تعليق.

فتحت مصر المعبر للحجاج الفلسطينيين بعد
التشاور مع الاسرائيليين طبقا للاتفاقيات الدولية، رغما عن رفض
اسرائيل لفتح المعبر...جاء هذا تقديرا
لما يعانيه الحجاج الفلسطينيين و الذين
كان من بينهم مطلوب القبض عليهم م اسرائيل ، و معظم المطلوبين كانوا من حركة حماس.


في رايي الحكومة الامريكية و الاسرائيلية
أن مشكلة فلسطين تحل بأعادة ترسيم الحدود و علي النحو التالي:

اقتطاع جزء من الاردن و اعطائه الي فلسطين...علي ان يتنازلوا عن اجزاء من الضفة الغربية.

اقتطاع جزء من سيناء و اضافته الي غزه
الفلسطينية...علي ان يتازلوا عن اماكن بالقطاع تهمهم و تؤمن المستوطنات.....علي ان يترك الاسرائيليين
في المقابل جزء من صحراء النقب الي مصر.

اقتطاع جزء من لبنان و أضافته الي سوريا..مقابل 12 كيلو متر مربع في الجولان...علي ان تتنازل اسرائيل للبنان عن مزارع شبعه و مدينه حدوديه أخري .

ختاما...اقول ان حماس اقتحمت الحدود المصرية...لان الجوعي و الغضبي من الفلسطينيين كانوا سيثوروا علي قادتها
و يغيروا بالقوة حكومة حماس المزعومة
و التي لم تأت لاهل غزة بأي خير.


معذرة علي الإطالة.

تحياتي و دمت بألف خير.

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز