الوضــع مــن سـيــئ لأســـوء .... وامعتصماااااااااااه


من يقدر يمد ايده للعبث بالناس وتشويه ملامحهم غير إنسان صاحب بصيرة عمياء وقلب متحجر ... مين يقدر على تدنيس البراءة والطهر وقتل الاطفال غير إنسان معدوم الضمير مجرد من كل المشاعر ... والله اللى بيحصل لهم ده حرام
هما دول مش بنى أدمين ... فين المعارضة واصحاب الكلام فى الفاضى والمليان من الناس دى
حايتهم فى خطر محرموين من الاكل والدفا والامن والامان
فين بتوع حقوق الانسان ولا فى الازمات صوتهم بيوطى ... فين الاخوة المستسلمين .. ولا مبيظهروش غير لمصالحهم الشخصية .... انا بستغرب على الضياع اللى اهل فلسطين فيه والناس ولا حس ولا خبر ... محدش بيتحرك لانقاذ الناس دى ليه ؟؟ الدنيا متقفلة فى وشهم كدا ليه ؟؟ منهم منتفعين ... منهم لله .. لكن اللى مش منتفعين ضايعين ومتبهدلين والاطفال الجعانين والجرحى فين الانسانية من ده كله ... مش مهم موقفنا كعرب .. مش مهم موقفنا كمسلمين ... لكن كبنى أدمين ربنا خلق جوانا الانسانية احنا فيييييييييييين ؟؟؟
فين دور مصرنا المخروسة من احتضار غزة ؟؟؟؟ ... احنا كمواطنين مش المفروض يكون لينا دور .. خلاص الوطن العربى كله مفيهوش جراح ماهر يعيد غزة للحياة من جديد ولو اكلينيكيا .. ولا ما زلنا فى انتظار معتصم .... طيب ممكن تفتحوا اللنك ده علشان بس نقدر نستوعب كلنا مع بعض حجم المعاناه اللى اهل غزة فيها

Comments

يا رب اطلع اول تعليق

انتي بتتكلمي عن مين

دول عاملين زي حملان غلابة في غابة ذئاب بس العيب مش عليهم العيب عالحكام الكلاب

انا رجعت الكومنت تاني في نفس الصفحة تقدري تتحفينا بتعليقاتك

تحياتي
Rosa said…
مش عارفه اقلك ايه والله يا نانا
معنديش غير الجزء دا من قصيدة رثاء القيروان الي بتعبر بجد عن الحاله الي وصللنالها دي
والمسلمون مقسمون تنالهم
ايــــدي العصـــاة بذلـــة وهـــوان
ما بين مضطــــر وبين معــذب
ومقــتــل ظــلــما وآخـــر عـــان
يستصرخون فلا يغاث صريخهم
حتى ادا ســـئموا مــن الارنــاب
خرجوا حفاة عائـــدين بربهـم
من خوفــهم ومـصائـــب الالــوان
هربوا بكل وليـــدة وفطـــيمة
وبكــــل ارمــــلــة وكــــل حصـــان
---------
و لا حول و لا قوة الا بالله
amro said…
مسا الخير قطة الصحراء
يعنى فعلا اللى بيحصل فى غزة اكبر من كل الكلمات
انا من يومين وانا عندى احباط
محبط انا من من دور المثقفين المغيب ، والحكومات العميلة اللى بتعمل ضد مصلحة شعوبها ، ومحبط لانى فعلا مش عارف الوم مين
اللى بيحصل دا سبة وعار فى جبين الانسانية، اللى بيحصل دا تكرار للى حصل فى اغسطس الماضى، ايه ممكن يحصل لو سحبنا السفراء العرب من الدولة المسخ دى؟ ايه اللى ممكن يحصل لو فتحنا المعابر فى مصر والاردن، من امبارح وانا محبط وغاضب للغاية
آه يا قطتي ..أنا زهقت ..فاض بيّ ومليت بجد ..يعني كانوا اهل مصر عايشين كويس ؟..كنا دورنا على المصريين لما نزعل انهم مهملين للفلسطينين على الحدود؟
لنا الله
للأسف احنا مش فاضيين لغزة يا قطة الصحراء
احنا ورانا كاس افريقيا
معقول بردو نسيبو ونبص لغزة؟
!!
shams said…
اقول اية غير انه ضعف مننا و هوان ان الواحد العربي يبقى شايف دة كله وساكت
osama said…
قالى تعالى
الذين قال لهم الناس ان الناس قد
جمعوا لكم فاخشوهم فزادهم ايمانا وقالوا حسبنا الله ونعم الوكيل

سورة آل عمران - سورة 3 - آية 173
appy said…
فيه مجموعات رايحه يوم الجمعه تودى مساعدات هناك ليهم ربنا يسهل ويقدروا يدخلوا الحاجات دى بس الامن شغال اعتقالات الله ينور وطبعا خوف من اللى حصل من الستات اللى فتحوا المعبر لان بصراحه ده تهديد للامن فى مصر ربنا يستر وتعدى على خير
Desert cat said…
ملك الكبدة
فعلا تكسب معانا جايزة اول تعليق
طيب العيب عليهم احنا دورنا فين
طب الحكام خايفين على الكراسى
واحنا خايفين على ايه
بس سيبك
انا فرحت انك رجعت الكومنتات وكمان خلصت امتحانات
مبروك يا ملك
Desert cat said…
rosa
حبيبتى تقريبا دى بداية النهاية
يلا ربنا يستر
Desert cat said…
amro
اقولك انا يا عمرو اللى ممكن يحصل لو سحبنا السفراء وفتحنا المعابر
امريكا الام حتزعل
واللى يزعل ماما يروح فيييييييييين
لاء مش مارينا ولا شرم وفلوس فى بنوك سويسرا
يروح روا صدام على طول
Desert cat said…
مروة جمعة
احنا لو قادرين نل مشاكلنا هنحل مشاكل غيرنا انا معاكى
بس احنا مش بيتقتل اطفالنا وتتعرى نسائنا
وجحى مرمين فى البرد والشوارع
ربنا معاهم ومعانا يااااااااارب
Desert cat said…
آلام وآمال
والله عندك حق انا امباح شوفت الناس كانت هتتجنن علشان مصر فازت
الا هى النيجة مش كانت برضه 4-2 لصالح مصر
والله وعملوها الفراعنة
Desert cat said…
shams
قول حسبى الله ونعم الوكيل
Desert cat said…
osama
صدق الله العظيم
ونعم بالله يا اسامه
Desert cat said…
appy
ربنا معاهم ويساعدهم على فعل الخير ويرجعهم بالف سلامة
اسرائيل اثبتت انها فوق كل الشبهات
وفوق كل الشعارات
وفوق كل المنظمات
وفوق الكل كليله

داتها ستين الف نيله
حل وسط said…
انا بيتهيالي انهم سايبينهم كده ومش بيساعدوهم ولا بيدخلوهم عشان لما نشوفهم نحمد ربنا عالنعمة اللي احنا فيها

ربنا عالظالم والمفتري
Desert cat said…
فرنسا هانم
جتها مليون نيلة لما تنيلها بس المهم ياثر فيها
Desert cat said…
حل وسط
ده لو كدا فعلا يبقى امنا مصر ارحم من مرات بابانا اسرائيل

Popular posts from this blog

قميص دهشور

كل تحرش وانتوا طيبين