للــعــــب أيــضــــــاً أصــــــول

جميعنا يعرف أن لكل لعبة قوانين وكل لاعب يعلم جيداً ما له وما عليه من واجبات تجاه لعبته وتجاه اللاعب المضاد له
فإن تجاهل قانون اللعبة فيصبح خارج الملعب ... كما هو مسرح الحياة ... يوجد به العديد من الألعاب التى نمارسها جميعنا وتقتضى إلى قوانين
ولكن هناك اللعب بالعقول وهذه اللعبة لا يوجد لها قوانين بالرغم من إنها أسوأ أنواع الجرائم إلا أنها لا يعاقب عليها القانون .... لأنها فن يتبعه من يريد العبث بأشخاص ميزهم الله بالعقل عن سائر المخلوقات
فلكل انسان مدخل مختلف يمكن إستغلاله ...
هناك من يتحدث عن الثقافة وهو لا يملك منها سوى الكلمة
هناك من يتحدث عن التحضر وكل افعالة وتصرفاتة خير دليل على همجيته وعدم إحترامة للآخرين ..
وهناك من يتشدق باسم الدين ... وهو نفسه يعلم جيداً أن الدين براء مما يفعل
هؤلاء لهم عذرهم لأنهم مسيرون لا مخيرون فاقدى الهدف ... مغسول مخهم بأحدث المساحيق وأسرعها نظافة ... ملعوب بعقولهم بيد فنان ماهر أعاد تشكيلها بطريقته من جديد ... فالطريق الحتمى لهولاء هو الفشل ... ودائماً ما يعلق أخطائه على شماعه المجتمع وتناسى أنه متلقى جيد وقبل العب فى عقله دون خوف من قانون أو عقاب ... فدائماً ما يرى نفسه على حق .. دائماً ما يجادل .... دائماً سريع الخطأ فى نفسه قبل الآخرين

ومع سوء الحالة الأقتصادية وزيادة نسبة البطالة وإنشغال الأسرة وغياب الوازع الدينى .. أخذت اللعبة طريقها إلى الإنتشار وبإحتراف ..
فتجد نفسك تتحدث عن فلسطين والعراق .. والآخر يرد عليك بأحدث كليب لروبى او هيفاء
" حقاً إذا خاطبنى الجاهل غلبنى "
إذن الحل هنا هو الصمت
والآن أصقف بشدة لمن أجاد هذا الفن ... فن اللعب بالعقول الذى ينال منه ما يريد دون خوف من قانون او عقاب فقد أثبتت هذه اللعبة نجاحها وبجدارة لذلك أعادت تشكيل المجتمع من جديد دون أن نشعر فهى مثل الطعام الفاسد الذى يقضى على الجسد ... ببطء

لكم جميعاً كل الود

Cat

تعليقات

‏قال Unknown
بصي ياقطقوطة

اللي عايز ينساق ورا أكاذيب بينساق

ده بالظبط اللي ربنا بيختبرنا فيه
كل واحد له عقل ويعرف يميز الصح من الغلط ومش عشان كل الناس غلط يبقي أنا كمان لازم أبقي زيهم

بس هي رحلة شاقة جدا ومضنية

والشباب برده بيتعرضوا لاغراءات كتير

ربنا يستر عليهم وعلينا يارب
‏قال فرنسا هانم
قطه
ايه بين السطور ؟؟؟
انا قريت التدوينه مرتين علشان افهمها
وبرضه مفهمتهاش
لا
قصدى مفهمتش اللى بين السطور
وعلشان كده هعلق على السطور بس
شوفى
اللى عايز الناس تلعب بدماغه بيصدر عقله للناس
وبيمشى وراهم بدون ادنى تفكير
واللى ماشى بعقله وتفكيره
صعب التاثير عليه فى الخطاء
بجد
بجد
اول مره احتار معاكى
‏قال بحبك يامصر
قطه الصحراء
انا شايف ان الشخص الذى يقبل اللعب بعقله هو شخص ضعيف لا يوجد له سمات لشخصيته حيث انه قبل التوجيه دون مناقشات او اقتناع
اما بقه بخصوص غسل العقول الموجود فعلا فى اعلامنا الرسمى بحيث لا يوجد خبر صحيح ولكن الاخبار اللمظبطه على كيف الحكومه وكمان توجيه الشباب للتفكير السطحى من خلال تسهيل انشغالهم بالكليبات وغيرها من التسالى ووصف برامج قويه امثا العاشره مساء والحقيقه وبرامج كثيره على قنوات الجزيره بانها برامج هدفها تشويه سمعة مصر حتى نهتم ببرامج تستضيف نانسى عجرم وامثالها
‏قال بحبك يامصر
قطه
انا شايف ان اللعبه دى على اشدها وخصوصا الاعلام الرسمى اللى بيحاول يغيبنا عن الحياه واللى بيحصل فيها ....كان فى برنامج العاشره مساء بيناقشوا مقاله نشرت فى صحيفه رسميه وهى الاهرام عن برامج حرق مصر والمقصود منها ان برامج الفضائيات اللى بتكشف الحقايق والفساد للناس بيقولوا عليها انها بتسئ لسمعة مصر..هما خلاص اعتبروا نفسهم مصر
يعنى مصر احمد عز.......محتكر الحديد
يعنى مصر هانىسرور.......بتاع اكياس الدم
يعنى مصر هى ضباط الشرطه اللى بيعذبوا الناس
يعنى مصر هى فاروق حسنى.......اللى بيتكلم على الحجاب بدون علم
خلاص هما فعلا نجحوا يغسلو عقول شباب كتير وبقه اهتمامهم كله فى الاغانى والكلبات والموضه وبس
‏قال صالح سعيد
السلام عليكم
اذيك يا قطة الصحراء
تصدقى عندك حق فى كلامك
ان الناس فعلا اليومين دول بتتعامل حسب نظرية التفاهه كنز لايفنى
وربنا يكفيكى شر دخو ل شات عربى هتعرفى سر تخلفنا من خلال شريحه كبيره منتشره فيهم الهيافه ومتفشيه اكتر من انفلونزا الطيور
بوست رائع برافو عليكى
منتظر زيارتك لمدونتى الغلبانه
ارق تحية
‏قال الربان
تحياتي

لقد وضعت يدك علي الداء...و بداية أقول أن الكلمة أمانه...و أنه من الاجدر بنا أن نقول خيرا أو نصمت...

لكن هناك أساتذة يتحدثون أحاديثا موجهة لاغراض معينة... و لاهداف محددة
و يستغلون برأة الشباب أو حسن ظنهم بالغير...و يستغلون جهلهم و ضحالة معلوماتهم ليشحنوهم بأفكار قد تكون مدمرة لحياتهم ..لا بل وحياة من حولهم.

مثال بسيط علي ذلك...ان يجلس شاب مع أحد المتحدثين باسم الدين...و بدلا من إرشاده الي كيفية الاستمتاع بحياته دون
ان يخالف شرع الله و لا سنة رسول الله...يشحنه بمعلومات خاطئة و مضلله عن الشهادة و الاستشهاد في سبيل الله
فيغسل عقله...و يشحن نفسه و قلبه..
فيدفعه الي ارتكاب الجرائم و ظلم الناس
بل و تفجير نفسه ...و قتل النفس التي حرم الله الا بالحق...قتل ابرياء و قتل نفسه...التي هو أمين عليها و ليس من حقه ان يرمي بها الي التهلكة...يفجر نفسه و الاخرين...

وأخر يستغل ماحباه الله به من علم في مجال السينما...اسوء استغلال...فيقنع الشابات بظهورهن في فيديو كليبات شبه عاريات...او يتغنين بكلمات هابطة من أجل الشهرة و المال....طبعا بعد ان يغسل عقولهن...

نسأل الله ان يحفظنا جميعا و يردنا اليه ردا جميلا...فما اجمل و الذ من النفس الامنه المطمئنة...

تحياتي و تقديري
دمتي بألف خير
‏قال Empress appy
بس انتى مكملتيش بعد اللعب بالعقول بيقدر يطبق اللى هو سمم بيه العقل مبيقفش عند كده ولو هو واحد متسمم عقله فده خلاص بيكون راح فى داهيه ومفيش منه رجوع وقصه الفشل اى فاشل فى الدنيا لازم يدور على شماعه يعلق عليها فشله وعلى فكرة المشكله اللى كتير مش عارفينها ان فيه ناس تانيه بتبقى حافظه ومش فاهمه وبالتالى تلاقيهم بيبخوا اللى حافظينوا فى وشنا وهما اصلا مش عارفين معناه ايه
تعرفي هو فعلاً فن
لكن لو احنا مدربين على التعامل مع هذا الفن كان ابقى دلوقتى مهاره اكتر من كونه فن
*************************
كمان كل واحد فينا المفروض يدور على قدوة صح يشوفها قدامه ويعرفف عنها الكتير علشان يستفيد بجد ... مش يكتفى بالأعلام مهما كان انواعه .. لانى بحس انهم عايزين يورونا اللى هما عايزينه مش اللى احنا بندور عليه
علشان كده لازم ندور احنا بنفسنا على اللى عاوزينه وساعتها بقى نقرر مين اللى يساعدنا فى البحث
*******************
لكن انا ايزه اسألك لو فيها جهل منى ...مين عبد الرحمن فارس ده
تحياتى
‏قال زعيم كمورا
اللعب بالعقول
اسهل طريقة ممكن تمكنك من الانسان الى قدامك
واسهل طريقة تخلى بيها الى قدامك يبقى تحت طوعك ومها حاول يخرج بره جناحك ميقدرش لان عقله بقى ملكك
الشيطان هو الى ابتدع اللعبه دى
زمااااااااااااااااان اوى اوى واى
اول ناس جربها معاهم كانوا قوم نوح
ودى القصة
انتى عارفة ان سيدنا نوح عليه السلام بعث من الله لكى يهدى قومه الى عبادة الله وحده لا شريك له والابتعاد عن عبدة الاصنام
دة معروف وطبعا حتسئلى ايه علاقة دة بالموضوع
حقولك
انتى عارفة حفيد سيدنا ادم مهلاييل عليه السلام
ودة الى قهر الشيطان وجنوده
وشردهم عن الارض
الى اطرافها وشعاب جبالها
وكمان قتل خلقا من مردة الجان والغيلان
من هنا ابتدت الحرب الفعليا بينا وبين الشيطان
نرجع بقى لسيدنا نوح عليه السلام
قال تعالى (وقالوا لا تذرن آلهتكم ولا تذرن ودا ولا سواعا ولا يغوث ويعوق ونسرا)
وى اسماء رجال صالحين فى قوم سيدنا نوح عليه السلام
ودول كان الناس بتحبهم جدا وبتحترمهم جدا
هنا بقى الشيطان لعب اللعبة ودى كانت اول مرة تتلعب
الشيطان جعل الناس تعمل تماثيل وجعلهم يحطوها فى مجالسهم وسموها باسمائهم
شوفى من الشيطان من لاشئ جعل البشر يصنعوا الاصنام
طبعا فى الوقت دة الاصنام لم تعبد
بس الجيل الى بعدهم يعنى اولدهم واحفادهم وكدة يعنى
الشيطان لعب معاهم نفس اللعبة
وخلاهم يعبدوها
ودخل عقولهم برده وتحكم فيها
وطبعا بعد لما بقوا تحت تصرفه قالهم
ان ابائهم واجداهم كاناو بيعبدوا التماثيل دى وانها هى الى بتنزل المطر وانها هى الى بتحميهم وكدة يعنى
طبعا صدقوا وعبدوا الاصنام
تخيلى انتى بقى الشيطان التافه لما من لا شئ يخلى البشر يعبده الاصنام
وبلعبة
امال البشر لما يلعبه اللعبة دى
ممكن يعمله ايه

ربنا عطانا هبة من عنده معطهاش لمخلوق من خلقه
هبة العقل انتى عارفة ليه
عشان نعرف نحقق الاهداف الى ربنا خلقنا عشانها
يعنى نعمر الارض ونعبد ربنا
بمعنى اصح نطهر الارض من الى كان بيحصل فيها من سكانها الاولين
من الجن والشياطين والى استباحوا كل ما يغضب الله وجعلوا الارض مكان مظلم وقبيح
هنا جه دورنا
اننا ننضف الارض من النجاسة الى فيها
بس جلنا عمونا الشيطان وانتى عارفة
القصة طبعا
الشيطان خلانا نستخدم الهبات الى ربنا اكرمنا بيها
وخلانا نعكس المسئلة
بدل منصلح بنهدم وبدل مننشر العدل بننشر الظلم
وبدل منطهر الارض بنزيدها نجاسة
وبدل وبدل وبدل
يووووووه حاجات كتير اوى
بس اهما واكبرها معصية
انه علمنا لعبته الاصلية
وخلانا نلعب على بعض
وبكدة اتحققت خطته الاولى
الى هى فرق تسد عارفاها الى الغرب دلوقتى بيلعبوها
معانا
المهم
بصى
كل واحد فينا عنده عقل
والعقول كلها شبه بعض يعنى مافيش اختلاف
الاختلاف بس فى طريقة التفكير وطريقة التنفيذ
والاختلاف دة لسبب واحد
عشان نتعلم من بعض ويبقى فيه مشاركة والمفروض اننا بالطريقة دى نبوظ خطة الشيطان
لاننا لو استفادنا من بعض ومبقناش نقدر نستغنى عن اى حد لان كل واحد مهم وطريقته فى التفكير مهمة
لانها ممكن توضح لنا حاجة كانت غيبة عنا او ممكن تبتكر طريقة جديدة للتعمير
فى ناس مبيعجبهاش كدة
ومن وجهة نظرها ان تفكيرها هى بش الى صح واى طريقة مشابها ليها
واى حد تانى ليه طريقة تفكير تانية يبقى غلط
وبيغلطها من غير حتى ميعرفش هى جابت التحليل دة منين
وايه المنطق فى كدة
وليه بتقول كدة
وعشان ايه وازاى والكام سؤال الى المفروض انهم يتسئله لما نقابل حد طريقة تفكيره مختلفة عنا
من ضمن الناس دى
ناس بتلعب لعبت الشيطان وبتحاول تلعب بالعقول
وبتحاول تغير طريقة تفكيرها للزاوية الى هى عايزاها
مع ان دة يخالف حكمة ربنا
ودة غير انه بيدخل فى خلق الله
وغير انه بيحرم الناس من متعة التفكير والتخيل
وانه بيحرمه من الحرية
لانه مبيبقاش مسمحله انه يفكر بطريقة تانية او يعترض

اخر حاجه عايز اقولها
الى بيلعب اللعبة دى بيبقى تابع للشيطان لانه بيلعب نفس لعبته
يعنى زى متقولى صبى عنده
ودة لو قبلتيه لازم تبعدى عنه وتحرصى انه ميحصل بينكم اى احتكاك
لانه ممكن يلعب فى عقلك ويغيرك طريقة تفكيرك للاسوء
وممكن يوصلك للكفر والشرك
زى ما الشيطان عمالها
ومتستبعديش الاحتمال دة
لان الشيطان سبق وعملها والشيطان غبى
فمابالك انتى بقى بانسان عنده عقل
‏قال Desert cat
fanan fa2eer
مين اللى قال ان كل الناس غلط
فى ناس كتير جدا ناجحة فى المجتمع
انا محور كلامى عن الفاشل فكريا اللى لاغى عقله تماما وسايبة لعبة وبالتالى هو ميستاهلش نعمة العقل لانه سمح لنفسه باهانة نفسه قبل اهانة الاخرين
تحياتى
‏قال Desert cat
فرنسا هانم
طالما بصيتى بين السطور يبقى انتى فهمتنى كويس جدا
حبيبتى اللى يسمح لحد يلعب بيعقله
ده اصلا فاقد لكل المعانى الاخلاقية والادبية والتربوية
علشان كدا بتلاقيه زى الاهبل امشى شمال يمشى شمال امشى يمين يمشى يمين
صاحبة على القهوة قاله انا بحب البامية بعد ما كان صاحبنا اللى بيتلعب فى عقله بيكرهها يروح يحبها
ده مثال بس
تحياتى يا جميلة
‏قال Desert cat
بحبك يامصر
سيدى الفاضل اللى يقبل اللعب بعقله ده واحد اساسا لاغيه
العقل ده اصلا ميز ربنا بيه الانسان عن سائر المخلوقات
ده مش عايز يبقى انسان هو اللى اختار يلغى عقله وبقى لعبه سهل فى ايد اللى يشكلها بحرفنة
بالنسبة للاعلام ... الفضائيات مموجودة لو الاعلام المصرى خايف من الحكومة وبيقول التصريحات المتأيفة
سيبك منه واتفرج على الفضائيات ومحدش قال الجزيرة ولا العاشرة مساءاً بتشوه سمعة مصر بدليل تألق منى لحد النهارده فى برنمجها واكتسابها محبة الناس وثقتهم وعدد معجبينها فى ازدياد
احترامى وتقديرى
‏قال Desert cat
بحبك يامصر
يا فندم فى ناس كتير جداً عندها فكر مستقل وواعى وعارفه الصح من الغلط
بدليل وجود حضرتك ومناقشتك الفعالة
ما اظنش ان حد حاول يعملك غسيل مخ ونجح
ثم مصر مش احمد عز ولا هانى ولا ظباط الشرطة
هانى سرور اخد جزاؤه يعنى ميعتبرش مصر
ظباط الشرطة اللى بيثت خطأه برضه بياخد جزؤه يعنى برضه مش مصر
حتى الشريف اللى بيأدى واجبه برضه مش مصر
احمد عز محتكر الحديد ده راجل مستثمر يعنى لو فى منافس يا الف اهلا وسهلا بيه
مش علشان معاه شوية فلوس وبيشغلها برضه يبقى هو مصر
مصر عقول شبابها الواعى اللى بينمى اللى اتربى على مبادئ واخلاق مهما حاول اى حد العبث فيها فهو مبدأه ثابت
عنده تفكيره المستقل اللى بينميه سواء بالقراءة او بالعمل الجاد
مش اليويو اللى بتحركه كل ايد شوية
مش السافل اللى فاقد للقيم والمبادئ فى الحياة .. مش المداس تحت الاقدام
‏قال Desert cat
صالح سعيد
الشات العربى ده اساسا نبع السفالة والحقارة
وكل واحد عنده موهبه فى التفاهه بيعرضها للجميع اصله بيعرف الناس تربيته ونشأته
يشرفنى زيارة مدونتك
تحياتى
ليس كل ما يقال يصدق بس العيب على الى بيصدق كل الى بيتقال ليه لانى بجد انسان ياسف ليه
انا بالفعل أكتر حاجة بتغيظنى إن ناس كتير دماغها عاملة زى الوعاء .. لكن من غير مصفاة.. يعنى أى حد ممكن يحط حاجة فى الوعاء دة .. و يا سلام بقى لو حاجة باسم الدين .. يبقى خلاص لزقت فى دماغه و مش هاتطلع

ما بقاش عندنا نظرة ناقدة .. و للأسف الكثير من الثقافة المنتشرة بين الشباب بتؤدى إلى تجنيب إعمال العقل .. إما عشان الشيخ الفلانى الذى لا يأتيه الباطل من بين يديه و لا من خلفه هو اللى قايلها .. أو الواحد بيبقى مكسل يشغل عقله .. و هو أغلى هبة وهبها الله لنا

كان فيه مقولة لأحمد شوقى لما كان يوصف حد مش بيشغل عقله.. كان بيقول:"شىء ما فى أعلى الرأس تعطل"ا

و الله فكرتينى برباعية لصلاح جاهين بتقول

علم اللوع أضخم كتاب فى الأرض
بس اللى يغلط فيه يجيبه الأرض
أما الصراحة فأمرها ساهل
لكن لا تجلب مال و لا تصون عرض

عجبى
‏قال Unknown
أخلاقنا...اسلامنا
إيمانا منا بأن حال العالم ...لم ولن ينصلح... إلا بالاسلام
وإيمانا منا بأن اسلامنا...لم ولن ينصلح ...إلا باأخلاق
اتفقنا...أو وفق الله بيننا ...لتكوين أول حملة للأخلاق...لتحقيقها...والسمو بها...والعمل بها بإذن الله
...................
من نحن
مجموعة من الشباب ...أهمهم حال أمتنا...وعروبتنا...وأوطاننا
فوفق الله بينناعلى الإجتماع على هذه الحملة...ولنطلقها حتى تصل إلى عنان السماء...علها تشفع لنا يوم القيامة
وبإذن الله ... سوف نعلن في البوست القادم عن المدونات والمواقع التي تدعم هذه الحملة
...................
وقد تم بحمد الله إنشاء مجموعة أخلاقنا إسلامنا البريدية على
yahoo groups
وسننشر بها ان شاء الله ما يتم انزاله من مقالات وفعاليات الحملة
وللاشتراك في الحملة...اضغط على الرابط التالي
http://groups.yahoo.com/group/akhlakona/
Group Email Addresses
Related Link
http://groups.yahoo.com/group/akhlakona/www.ana-insan.blogspot.com
‏قال Desert cat
الربان
استاذى الفاضل ربنا وهب لكل منا عقله
فيمكنى ان اعى جيدا من خلال اسلوب المتحدث ماذا يريد
فمن يرضخ لقانون اللعب بعقله هو الجانى على نفسه
نسأل الله العظيم ان يعفينا ويحمى عقولنا
دمت بكل خير
احترامى وتقديرى
‏قال Desert cat
appy
صح يا آآبى بيعمل كل ما هو مكروه ولا يمت لا للدين ولا الاخلاق بصلة
لانه انسان فاقد عقله
فى النهاية بيروح يفجر نفسه ويقتل ابرياء مثلما تفضل استاذنا الربان وقال
تحياتى
‏قال مروة الزارع
حبيبتى

الله ينور عليكى

انا عاوزة اقول كدة من زمان

واسمحى لى اختلف مع خالتى فرنسا حبيبتى

واقولها

فية عقول كتير لسة بتتبنى ومن السهل التأثير عليها بأى سموم

ودول المعظم

دول شبابنا وأطفالنا

مستقبلنا يعنى

...........

تحياتى ليكوا انتوا الأتنين
‏قال Desert cat
Tamr7na
طيب واللى مش لاقى قدامة قدوة كويسة
يعنى اهله سايبينه للمجتمع يربيه والناس تلعب فى دماغه
وقتها الحل ايه
يفجر نفسه طيب والله ياريت علشان يريحنا من قلة ذوقه
انما للاسف لما بيفجر نفسه بياخد معاه ابرياء كتير
بالنسبة للشخص المذكور
فده مش جهل منك ولا حاجه يا جميل لانه فعلا انسان مجهول
ده يبقى واحد من اللى ملعوب فى عقلهم
‏قال Desert cat
زعيم كمورا مورا
المشكلة مش فى فرق تسد ولا الغرب ولا الشيطان
المشكلة فى اللى بيلغى عقله وينساق خلف الشيطان
تحياتى
‏قال Desert cat
رئيس جمهوريه نفسى
بالظبط كدا ياريس
هى دى العقول اللى تستحق الاحترام
احترامى وتقديرى
‏قال Desert cat
ابن حـجـر الـعـسـقـلانـى
والله ردك لخص الموضوع يا محمد
ومقطوعة جاهين دى فى محلها تماما
تحياتى
‏قال Zika
فعلا العيب مش في اللي بيلعب بعقول الناس العيب في الناس نفسها اللي بتسمح بان حد يستهين بيها وبفكرها
وطبعا الجهل وادعاء العلم هما الاسباب الرئيسيه في ان بعض الناس عامله زي الاسفنجه
تدلقي عليها الميه .تعصريها .تنزل منها الميه زي ما هيا
ولا كان حاجه حصلت

حقاً إذا خاطبنى الجاهل غلبنى
‏قال Desert cat
أنا إنسان
بالتوفيق ان شاء الله
‏قال Desert cat
مروة الزارع
ازيك يا مروة
المشكلة مش فى اللى بيلعب فى العقول المشكلة فى اللى بيتلعب بعقله
ده لا ينفع تسميه انسان لانه خلاص لغى عقله ولا ينفع تسمية جماد لانه بيتحرك
يبقى له مسمى واحد اظن كلنا متفقين عليه
فى ناس كتير جدا بتحترم عقلها وبتحترم نفسها
ومهما تلقوا من كلام مخالف للعقل بيلغوه من حياته وكانه لم يكون
ربنا يزيدهم فى المجتمع
تحياتى يا قمر
‏قال Desert cat
Zika
بالظبط كدا
كلامك فعلا اختصار جميل للبوست
تحياتى
‏قال د/اجدع بنوته
مش بس اشخاص بتلعب بعقول اشخاص

ده امم كامله بتمسح وتغسل عقول امم وتبث فيها افكار وسموم تانيه

اللعبه كبيره وليها اصول زى ماانتى قلتى
ومحترفينها بيلعبوها بدقه متناهيه

مبتحسيش اصلا انك وقعتى فريسه ليهم

تحياتى

المشاركات الشائعة