Posts

Showing posts from 2008

جنازة الرائد ياسر فريج

جنازة الشهيد الرائد ياسر فريج .. اللى اتقتل على ايد الفلسطينين وحكومة حماس الفاشله ربنا ينتقم منهم انتقام عزيز مقتدر هو احنا اللى محتلينكو يا جهله يا عجزة اذا كانت حماس مضحية بغزة وبكل الشعب الفلسطينى ورغم فشلها الذريع وقلة حيلتها ورغم انها ضعيفه لا تقوى على مقاومة ولا تقوى على حرب ومن ضعفهم وجهلهم عايزين يدمروا مصر معاهم مصر مش هتدخل حروب انتوا تغلطوا وعايزين مصر تصلح أخطأكو ؟؟ مصر دورها فعال وقوى ومش اتخلت عنكو وعاملة تهدئه وانتوا اللى ضربتوا صواريخ ولا البمب اللى بتفرقعوه ده اتحملوا ما جنته ايديكو .. المفروض الحكومة الفاشله دى تستقيل ربنا ينتقم من حماس ومن كل اللى يعتدى على مصرى ويحاول يشوه سمعتها سايبين اليهود وجايين تقتلوا فى حرس حدودنا حماس الضعيفة الفاشلة مش عايزة تستقيل وبتنادى بالجهاد ما تخرجوا من جحوركو وتجاهدوا بدل ما انتوا مستخبيين وهنيه صاحب التصريحات الغبية اللى بيقول لو تم ابادت غزه لن نستسلم ده كلام يخرج من مسؤول عن ارواح الفلسطينيين .. والاخوانجية بتوع المظاهرات نص ساعه ويمشوا تانى .. يروحوا يجاهدوا خلونا نخلص منهم .. و اللى عايز يهاجم مصر يورينا همته .. ربنا ينتقم …

حسن نصر الله من فضلك اخرس

دعا الامين العام لحزب الله اللبناني السيد حسن نصر الله الحكومة المصرية الى فتح معبر رفح الحدودي، والا فانها ستكون شريكة في الجريمة ضد غزة.
وفي كلمة له بمناسبة حلول شهر محرم الحرام، دعا نصر الله الشعب المصري وكل النخب الدينية والسياسية والقيادات العسكرية في مصر والعالم العربي والاسلامي الى مطالبة مصر بفك الحصار، متهماً بعض الانظمة العربية بالتواطؤ مع الاحتلال الاسرائيلي لتمرير مشاريع التسوية الاميركية والقضاء على المقاومة.


حسن نصر الله فض الله فاك الناس مش ساذجة وعارف ان سيادتك اللى عميل لإيران لإن ايران طول عمرها بتكره مصر مطلوب من مصر ايه ؟؟ انها تحارب .. وأنت فين ؟؟ وايران فين والامارات فين وكل الدول العربية اتحذفت مواقعها من الخريطة ولا غيرت الجنسية ؟؟
الخونة الفلسطينين سايبين اللى محتلينهم واجيين يقتلوا فى حرس حدود مصر وكل يوم قتيل على ايديهم القذرة سايبين ارضهم وجايين يحتلوا ارض سيناء ياريت كل المصريين يتكاتفوا والنظام يقوى فى صد هؤلاء الاوغاد احنا مش هنسلم سيناء للفلسطينين واى عربى يشتم مصر ويقعد يحرض على الحرب وهو قاعد فى التكييف ياريت يورينا هو شطارته ومهاراته القتالية ويبعت جيش …

استشهاد ضابط مصري من قوات حرس الحدود برصاص فلسطينيين

استشهد مساء الاحد الرائد ياسر فريج من قوات حرس الحدود المصرية عند نقطة البراهمة في رفح المصرية.
وذكر مراسل مصراوي ان فريج تلقي طلقتين في البطن اردته قتيلا من قبل فلسطينيين قاموا باقتحام معبر رفح
وكان القصف الاسرائيلي للحدود قد تسبب في
انهيار اجزاء من الجدار الذي اقامته مصر بينها وبين قطاع غزة مما ادي الي اقتحام بعض الفلسطينيين للمعبر.

هو احنا اللى محتلينهم يقتلوا فى حرس الحدود المصريين ليه
اسرائيل تضرب فيهم وبدال ما يردوا الضرب لإسرائيل يجتاحو حدودنا ويقتلوا فى رجال الشرطة المصريين
ياريت اخوانهم اللى بيخرجوا مظاهرات نص ساعه وينسحبوا منها تانى ولو الشباب الليبراليين هتفوا ضد نظام مبارك يتهموهم بالعمالة زى ما حصل النهارده فى اسكندرية واللى كان واضح اوى من رد فعلهم مين اللى عميل يوجهوهم صح ويقولوهم ان المصريين زيهم واغلب كمان منهم وبالرغم من كدا برضه بيساندوهم مش مصر بس اللى دولة عربية علشان يشتمونا ... ..وبالرغم من المساندة جايين يحتلونا احنا ويقتلوا فى حرس الحدود .. ياريت الحكومة المصرية يكون لها رد فعل قوى لصد الفوضى والهمجية اللى عايز يدخل مصر يدخلها بالادب وباذننا مش يحطموا حدودنا ويق…

طالبان فى عيون وقحه

Image
اثبتت حركة طالبان المتشدقين ليل نهار باسم الاسلام واللى بيلزقوا كل اعمالهم الارهابية فى الدين والدين منها براء مدى ارهابهم وتطرفهم .. فقد اصدروا اخر نكته قصدى بيان ولا عجب فيه فبيانهم الذى يلصقوه بالدين ايضا ينص على :
أصدرت حركة طالبان في وادي سوات، الواقع في مناطق القبائل في شمال غرب باكستان، قراراً يمنع الفتيات من التوجه إلى المدرسة اعتبارا من يناير المقبل، وهددت بقتل كل من تتحدى هذا الأمر, وفق ما أعلنه مسؤولون محليون الخميس 25-12-2008

وأصدر الزعيم المحلي في طالبان شاه دران القرار هذا الاسبوع في رسالة بثتها إذاعة غير قانونية في المنطقة بحسب المصادر. وصرح شاه دران قائلا: "لديكم مهلة حتى 15 يناير لتمتنعوا عن إرسال فتياتكم الى المدارس. وفي حال تجاهلتم هذا التحذير سنقتل الفتيات", وذلك بحسب مسؤول محلي. كما حذر المدارس من استقبال أي فتاة مضيفا "والا فسنفجر مبانيها" وهل يوجد دين انزله الله سبحانه وتعالى يدعو لهذا التطرف من تهديد وترويع آمنين وترهيب وقتل نفس لحرمانهم من ابسط حقوقهم الانسانية فجميع الاديان نصت على التسامح والحب والمودة .. ولكنهم تناسوا اطلبوا العلم من المهد…

غنـــوا فعبـــــروا

الاغنية دى للناس اللى بتفهم بس اللى لسه فى طريقهم نحو الامية يمتنعون

ليه مش بيجرموه ؟؟؟

Image
نشر على مواقع الاخبار اليوم
900 قافلة لوزارة الاوقاف تجوب المحافظات لمحاربة النقاب
أعلنت وزارة الاوقاف انها رصدت 10 ملايين جنيه تحت تصرف قطاع الدعوة بالوزارة وذلك لتسيير 900 قافلة دعوية بالمحافظات لمواجهة ظاهرة انتشار النقاب ومحاربة الزيادة السكانية التي تلتهم كل عمليات التنمية التي تقوم بها الدولة.
وقال مصدر بالوزارة ان القوافل ستجوب القري والنجوع والمدن والاحياء المختلفة والنوادي للتأكيد علي ان تنظيم النسل لا يتعارض مع صحيح الدين "وبتصحيح المعلومات المغلوطة التي يروجها بعض الدعاة المتشددين منالتيارات الدينية المختلفة" علي حد وصفه.

طبعا القوافل دى جت فى الوقت المناسب ووزير الاوقاف اتخذ القرار الصحيح جدا والسليم جدا جدا .. بس زى ما الوهابيين والسلف قاعدين ليل نهار يبثوا سمومهم على الفضائيات المفروض يكون فى شيوخ معتدلين افاضل يمنعوا وصول السم ده للعقول اللى اتبدلت بمخ مسلوق بدلا من مراكز الاحساس والفهم ...
واضاف المصدر ان الوزارة قامت بعقد عدد من الدورات التدريبية للدعاة المعينين وعددهم 45 ألف امام علي مستوي الجمهورية للتأكيد علي ان النقاب عادة وليس عبادة دينية ولا تمت بصلة للز…

الزواج على الطريقة البدوية

بعد عودة النت بنسبة معقولة تسمح لى على الاقل مطالعة المواقع الإخبارية .. ومن موقع الى موقع ومن خبر الى خبر وإذ بى فعجة تقع عينى على هذا الخبر
قاضٍ سعودي يرفض فسخ نكاح طفلة ذات 8 أعوام من خمسيني
خطر فى بالى مباشرة قصة البنت اليمنية اللى تزوجت وعمرها 8 سنوات من رجل يبلغ من العمر 29عام ورفعت قضية على والدها وكسبت القضية وتم تطليقها دى كمان اخدت جايزة .. بس عنوان الخبر بيقول قاضى سعودى يعنى الكارثة المرة دى فى السعودية .. دخلت اشوف تفاصيل الخير .. والتى يتضح منها ان العملية صفقة وليست زواج .. فوالد البنت التى تبلغ من العمر ثمانى سنوات يمر بضائقة مالية .. لذلك قام بتزويجها من رجل يبلغ من العمر 58عام وكتر الف خيره اشترط عليه شرط شفهى انه لا يعاشرها معاشرة الازواج الا بعد عشر سنوات يعنى البنت يبقى عندها 18سنة والزوج المحترم عنده 68سنة يعنى الآنسة هتروح تشتغل له ممرضة ده ان فضل عايش يعنى والأعمار بيد الله .. والدة البنت رفعت دعوى قضائية لتطليقها لكن القاضى علشان عارف ان 8سنين يعنى طفلة .. 8سنين يعنى لسه بتلعب مع الاطفال اللى فى سنها ولا تعلم من الدنيا سوى البرائه .. لكن السيد والدها علشان ل…

الله لا يقطع لك كابل

فى ظل الثورة المعلوماتية والتطور الطبيعى للحاجه الساقعه وجميع دول العالم تسارع الزمن .. الطبيعى والبديهى والجدير بالذكر ايضا ان اى شخص فى حياته حاجه مهمة بيكون عنده بديل ليها علشان فى حالة التلف متقفش .. حتى اللى عنده جيرل فريند بيكون عنده برضه احتياطى علشان لو قالت له باى جالى عريس غنى هروح اتجوزه معطلكش بيروح للبديل مباشرة علشان مش يقعد يبكى على الاطلال كتير .. اما بقى بلدنا الحبيب بلدنا العزيز بلدنا اللى مفيش زيه على مستوى الكورة الارضية ليس لديه من الضمانات الا الستر .. حصلت الازمة المالية قالوا اللى ليه حاجه يجى ياخدها اتقطع كابل فى البحر المتوسط العام الماضى من المفترض اننا كنا نتعلم من الازمة علشان المليارات اللى بتخسرها الشركات المعتمدة إعتماد كلى على النت والبنوك مش تحصل تانى لكن فى اقل من عام عادت الازمة وتمر مصر هذه الايام بحالة شلل تام بل تنعزل انعزال كلى عن العالم .. تعدد الاسباب والعطل واحد .. هناك من يقول ان مصر مدفعتش فلوس وصلة النت اللى هى واخدها من النت كافيه اللى فى جزيرة صقلية .. وفى قول آخر ان مصر واخده النت ده اعانة وان عدد المشتركين فى مصر زاد بشكل رهيب صعيب فشي…

تقديس اللامقدس

من المعروف والبديهى ان التقديس هو التقدير والإجلال والإحترام اللامتناهى ، فأنا أحب الله واحترمه واقدسه ، وأحب الكتب السماوية المنزلة من عند الله ، وايضاً لها قدسيتها التى تهتز لها المشاعر التى تعرف كيفية التقديس ومتى يكون ولمن ، ولكن من العجائب والغرائب المنتشرة فى مجتمعنا اليوم وهى تقديس الاشياء! بل ايضا نزع القدسية عما هو مقدس! فالقرآن الكريم تم نزع قدسيته بمقارنته بنظريات علمية تتغير وتستحدث من آن لآخر، ومبررهم الذى لا يستند الى حقيقة انه اعجاز!.. وهل نستكثر على الله خالق الكون والعالم بما فى الصدور الإعجاز؟؟وما أن انتهى العرب من عبادة اللات والعزى حتى ظهر لنا منهم فئة جديدة، فترى أحدهم بلحية تطول وتقصر حسب العقل المتمثل ليضفى صفة القدسية للحية! .. ونرى احداهن وهى تسير في الطرق تجرجر ثيابها التى تلملم خلفها كل ما تحمله الشوارع من قاذورات ملقاه وكأنها عينت لتوها فى المحليات وكل مهمتها هى كنس الشوارع بثيابها ، وإن تحدثت إليها بتهذيب ملبسها حتى يصلح لغرض الصلاة الطاهرة على احسن تقدير، تجدها تنظر اليك شذراً لتتهمك بعدم الحياء وكأن الأمتار التى تستخدمها فى كنس الشوارع من المقدسات! وأخرى…

عدد جديد مميز ومتميز جدا

الطبيعى ان عدد الشهر من مجلة وسط البلد يكون مميز لكن الشهر ده مميز ومتميز وممتاز
مش هتكلم عن المقالات واختيارها بعناية وكتباها المتألقين
ولا عن السياسة والمجتمع والمدونين والفيسبوكيين
انا هتكلم عن الحوارات اللى مع ناس غير عاديين
وطالما غير عاديين يبقى اكيد حوارنا مع زعيم له بصمة قوية فى عالم التدوين
ولشدة تاثيرة واهتمامه بقضايا الآخرين .. اصبحت مدونة الوعى المصرى تحمل اعباء ومشاكل المصريين
حورانا مع زعيم عرض اجرأ القضايا وائل عباس - مدونة الوعى المصرى
وكمان مفاجأة العدد مع : إعلامى واعى عمله هو حياته لذلك النجاح حليفه .. ثقافته لا محدوده .. أفكاره متجدده مهتم بكل ماهو جديد ومفيد فى عالم الانترنت .. لذلك كان من السابقين فى إنشاء أول موقع لإذاعة مصرية على مستوى الوطن العربى ، بل اقترب من جميع الأفكار وجميع الأعمار فكانت مدونة البرنامج تلألأ فى سماء المدونات فى زمن قياسى جداً
حوارنا مع الإذاعى الكبير الأستاذ / صلاح حجازى معد ومقدم برنامج أنت تسأل والكمبيوتر يجيب
ولأنه يعمل فى مجالات مختلفة و حواره كان عبارة عن منوعات فكان لازم يبقى على حلقات
كلامى عن / محمد حمدى مدونة دماغى

جزمــة بـــوش

Image
انا مش متعودة انزل بوستات ورا بعضها كدا لكن ما اثارنى حقا هو ردة الفعل الغريبة للمجتمعات العربية بعد ان قذف منتظر الصحفى العراقى بوش بالجزمة التى جعلت منه بطل قومى .. هل لأنه صحفى .. ام لأن الكاميرات كانت تلتقط الحدث
فكم من أبطال حقيقيون خلف الكواليس ولم يتم تمجيد احذيتهم ولم يشعر احد بهم كم ابطال راحوا شهداء وعوائلهم فى صد عدوان عنهم او عن جيرانهم لن اسهب كثيراً فى الحديث عن ذلك الحذاء البطل المغوار فى وجه بوش ولكن الواضح جداً انه أظهر مدى العجز العربى كمن يقهر فى عمله من مديرة يعود للبيت يقهر زوجته وزوجته بالتبعية تقهر الابناء كالاطفال الذين يلعبون وفى النهاية القوى يضرب الاضعف منه فيروح الضعيف لاخو القوى الصغير ويضربه فثقافة الجزم متمثلة بالفعل فى العراق فعند سقوط صدام قذفوه بالجزم والمشهدانى يهدد برفع الجزمة فى وجوه معارضيه تخيلوا معى ايضا ان ثقافة الجزم انتقلت لمصرنا من خلالهم فالمهدى العاكف ايضا هدد المعارضين بالجزمة انا لن ادافع عن بوش لانه لا يوجد اثنان من العرب يختلفان على اجرامه ولكن من المفترض ان لكل فعل رد فعل مش انا اضربك بصاروخ وانت تحدفنى بجزمة واعمل منك بطل البطولة ليس…

اللامبالاة .. هدم لكيان مجتمع

Image
مقالى بمجلة على صوتك


اللامبالاة تلك الظاهرة السلبية الذهنية الشعورية التى تصيب الفرد نتيجة للظروف الإجتماعية والإقتصادية وأيضا التربية الغير سليمة التى ليس لها أساس قويم، وربما تصيب الفرد نتيجة لهذه الأسباب مجتمعه سواء يتقدمهم عدم التربية الصحيحة والتوجيه القويم للفرد، فينتج بعد تلك الأسباب فرد مهمل لا يبالى بما يحدث حوله يعلم تمام العلم انه ليس له اى تأثير فى المجتمع يبنى حياته على إحباطات وفشل لا يتأثر بما يدور حوله. وبالتبعيه نجده أيضا لا يؤثر، فلذلك نرى دائما اللامبالي لا يهتم بتنمية ذاته ولا بالبحث عن مهاراته أو قدراته، فقد استسلم لهذا الشعور الغير متوازن وبعد أن يتعود عليه يشعر معه بالراحة لأن هذا الشعور ليس وليد الساعة، ولكنه عبارة عن عملية تراكمية مر بها طوال سنوات عمره حتى تكيف مع هذا السلوك السلبي لا دور له فى المجتمع ولا فأئده؛ فدائما الإهمال حليفه وصديقته الودودة عبارة "وأنا مالي"؛ لأنه يشعر بعدم القيمة عاجز عن مواجه جميع الأمور. المثير للذعر أن قطاع عريض من المجتمع يعانى اليوم من هذه الحالة حتى أصبحت تنعكس علينا جميعا بالسلب فبدلا من استثمار قدرات الشباب فى العم…

ويحـــك يا دينــا

دينا عبدالعليم الأسم تردد كثيراً فى الفترة الأخيرة على الصحف اليومية .. فهى فتاة فى العشرينات .. مشكلة دينا انها عندما فكرت أن تتحدث أتخذت من الصراحة طريق ونسجت من العفوية ثوب ولكنها أتكأت على مجتمع عبارة عن دمل كبير متقيح
مشكلة دينا أنها سردت تجربتها الشخصية خلال سنوات الجامعة فكانت الردود كالسيف البتار
دينا أحبت ثلاث شباب وفى كل مرة كانت الاقدار لها بالمرصاد لأن الثلاث دينهم المسيحية فكيف لها المسلمة ان ترتبط بهم .. الأول رامز دينا تصفه بانه شاب مثل جميع الشباب لا يوجد على صدرة بادج بديانته ولا يوجد فى ملامحه ما يختلف عن ملامح أى إنسان لأنه بالفعل إنسان خلقه الله هكذا كاد الموضوع يأخذ منحنى إيجابى فقد تم التعارف بينهم وتم تحديد موعد مع العائلتين للتقدم لها ولكنها تدابير القدر حينما تتصل دينا برامز ليخبرها بانه فى الكنسية
الثانى سمير ولم تعلم بديانته سوى من اختها ولكنها لم تستطيع منع عواطفها تجاهه ولكنها ايضا حطمت تلك العواطف تفادياً لأى مشاكل
الثالث بيتر ومن وضوح الاسم تتضح ديانته ولكن !! الم نقل إنها تدابير القدر ؟؟؟
رسالة دينا كانت واضحة للجميع بأن من يحييون معنا فى نفس الوطن م…

كوكتيل القهر

Image
على غير عادتى يوم الجمعه استيقظت مبكرا بكل نشاط وحيوية فاليوم مختلف .. مختلف ازاى مش لازم تفاصيل بس المهم انه يوم مختلف .. ركبت الميكروباص وتوجهت إلى وجهتى المنشودة سواق الميكروباص من الواضح انه كان هو كمان صاحى بدرى وبمعنى ادق صاحى مجبر أكل العيش بقى .. تحرك الباص وتحركت معه يد السائق لتشعل الكاسيت .. أول أغنية كانتLa Sortera قولت الله ايه سواق الميكروباص الكووول ده .. اتاريه كوكتيل وتقريبا هو كمان بيسمعه قهر ومش عارف محتواه ايه .. يتبع باغنية لتامر عاشور .. ماشاء الله كدا تامر بيه عاشور بيوصف حاله لحبيبته بعد ما افترقوا وبيقولها ياريتنى قبل ما قولتها انا كنت موت فى وقتها .. يعنى من الاخر الراجل زعلان جدا انه طلب منها الفراق وبيلوم فى نفسه والايام عليه صعبه كتير لدرجة انه قاعد يدعى على نفسه الهى كانت روحى طلعت يارب كنت موت قبل ما اقول لك نفترق انا خلاص فى بعادك عنى بودع الحياة .. ايه الاغنية الغريبة دى طيب لما انت متقطع اوى كدا قولت لها ليه روحى حلى عنى .. فكرنى بموضة 2007-2008اللى كل واحد تعجبه واحدة يروح يقولها بحبك مش طايق الحياة من غيرك هموت لو مش حبتينى والنبى حبينى ربنا يبارك ل…

عليا الطلاق ما انتى طالق

اتعجب حقاً لذلك الذكر الذى ما ان يجد فى بيته من تدعى زوجة له حتى يجلس ليلاً نهاراً يحلف بالطلاق وكأنها الكلمة السحرية التى يلقى بها على أذن شريكته حتى تجلس بين قدميه تلمس على ساقيه وتقدم فروض الولاء والطاعة لتلغى عنها شخصيتها وإنسانيتها وعفويتها وتقلئايتها .. لتحسب الف حساب للبغل الذى ترعى فى بيته حتى لا يطلقها او يتوعدها بالزواج عليها من أخرى .. بالأمس أول ايام العيد .. لست من هواة الخروج فى مثل هذه الايام ولكن على حين غرة مع بدايات اول ساعات الليل قررت الذهاب إلى بلدى الآخر الاسماعيلية .. قررنا واصدقائنا الذهاب لرحلة بحرية انفصلت ونصفى الآخر عن الآخرين حتى أصدقائنا امتزج مع جمال الليل وسحرة برد الشتاء وغموضه مع دفء المشاعر التى لمسناها بروحينا وأحساسينا دون اجسادنا .. واثناء همسى له كم اعشق الشتاء تلك الاسطوانة المشروخة التى أرددها دائماً على مسامعه طوال ايام الشتاء من كل عام .. وبالرغم من انى اشعر كم مل هذه الاسطوانة فى حب الشتاء ورقة الشتاء وجمال الشتاء ولكنه لا يريد البوح حفاظاً على مشاعرى وانا لم أريد الكف عن ترديدها حتى شعرت انه لو بيده لمحى من الفصول الاربعه فصل الشتاء .. وفى…

كل اما اكون فرحانه قوى

مشيت مشييييييت لاء مش على الاشواك وان شاء الله مش هيحصل ابداً .. مشيت فى طريق طويل حبتين تلاته كان عاجبنى قوى قولت اكمل الهاند فرى فى ودنى وبسمع فيروزتى حبيبتى .. فجأة لاقيت واحدة طالعة لى تقريباً شيطان متنكر .. تقترب وتقترب .. الله دى كمان بتكلمنى .. انا مش سامعه هى بتقول ايه الموبايل عالى عالى عاااالى .. شوية وقربت مشيت بالظبط جنبى ولسه بتتكلم .. قولت اشوف فى ايه .. لاقيتها بتسالنى الطريق فاضى وطويل .. ممكن امشى معاكى ؟؟ طبعاً لاء .. تعمدت ارد بسخافة لانى فى الحقيقة مش عايزة امشى غير مع نفسى
وضاع المود بتاعى ومعاه فرحتى اللى بالقوى
دخلت بيتى مارست طقوسى اليومية اللى احيانا بتكون مش عادية .. كان كل اللى فى ذهنى انى لازم انزل بدرى بكرة وقفة .. الوقفة يعنى هيندبح عندنا خروف ويوم العيد كمان خرووف اه رحمتك يارب انا لازم اهرب قبل ما اشوف منظر الدم ده ... صحيت من نومى متاخره كالعادة وكان الجزار خلص من مهمته وهى قطع رقبة الخروف .. كل سنة وانتى طيبة يا مامى ولو انى زعلانه .. اه انا عارفه طيب النهارده الوقفة ومش حد عنده دبح الا نادرا امال بكرة هتعملى ايه لما مصر كلها يكون فيها الدم لل…

عبدالناصر كان اخوانجى !!!! مش مفاجأة

Image
مع إنتهاء عصر المفاجآت وإنطفاء عيون الإندهاش .. لم استغرب ولم اتعجب حينما وقعت عيناى على هذا العنوان فى موقع العربية نت
عبدالناصر: "أشهد الله على تنفيذ مبادئه والجهاد في سبيلها"
شريط نادر يجمع نجيب وناصر والسادات على قبر حسن البنا

واصلت قراءة الخبر للوقوف على ماهية ما يقصدة العنوان تحديداً
لأجد هذا البرجراف
فيما تضمنت مجلة "التحرير" التي كانت تصدر في ذلك الوقت، وصفا تفصيليا لهذا اللقاء الذي استقبلت فيه أسرة حسن البنا، قادة الثورة الثلاثة، نجيب وعبد الناصر والسادات، وكلمة التأبين التي ألقاها عبد الناصر، والتي أقسم فيها على تنفيذ مبادئ مؤسس جماعة الإخوان والجهاد في سبيلها
وحينها تسألت ولماذا كانت إذن مسرحية المنشية ؟؟ أهى للهروب من الوعود والعهود بتنفيذ مبادئ مؤسس الجماعه المحظورة ؟؟؟
حينما طرحت سؤالى هذا على أحد اصدقائى اجابنى .. بأن عبدالناصر كان ينتمى بالفعل لجماعه الإخوان المسلمين ولكنه تخلى عن اهدافها .. واصلت قراءة المقال فقد تأكدت نظريتى لهذه الجماعة التى دائماً تمد يدها لمن تجد لديه المصلحة والوصول إلى تحقيق هدفها المنشود ..
ويقول د.عمار علي حسن مدير مركز أبحاث و…

من عجائب الاخبار

اول خبر السيدة الوزيرة عائشة عبدالهادى رجعت فى كلامها تانى وسمحت بسفر الاطباء للسعودية مرة اخرى للجلد .. سورى للعمل .. مش مهم الغاء الحظر ما احنا اتعودنا اننا بنلعب مع المسئولين بتوعنا .. شوية هنلعب وشوية تانية مش لاعبيين .. لكن تفسير السيدة الوزيرة لقرار حظر سفر الأطباء من الأساس ...كان كالآتى
وأوضحت الوزيرة أن قرارها السابق يحظر سفر الأطباء المصريين كان "تنظيمياً"، يهدف لتنظيم تدفق سفر العمالة المصرية للسعودية، دون أن تشير من قريب أو بعيد إلى وجود علاقة لقرارها السابق بأزمة الطبيبين المصريين، .
طيب ياترى لم تشير للطبيبين ليه ؟؟ يمكن نسيتهم ؟؟؟ طيب هو كدا خلاص يعنى يتجلدوا وينفذوا الحكم والموضوع ذهب طى النسيان ؟؟
الخبر التانى والمضحك حقاً
قاض سعودي يحكم بتطليق زوجة وصفت زوجها بـ"الحمار" في غيابه
طيب هى لو كانت قالت له يا حمار فى وشه كان مش هيطلقها ؟؟ يعنى المشكلة انها اغتابته ولا انها هزأته ؟؟
وكانت السيدة من سكان الاحساء في زيارة صديقتها، عندما اتصلت بزوجها هاتفيا للحضور وإعادتها إلى المنزل، إلا أنه تأخر لنحو نصف ساعة، فعاودت الاتصال به ليعتذر عن التأخير واعدا بسرعة …

رمـــوز

Image
إختلست من الوقت قليلاً جلست أقرأ الذين يملكون والذين لا يملكون للكاتب الأمريكى إرنست همنجواى
وكما انا اختلست من الوقت فقد اختلست منه ايضا ذاكرتى التى تركتنى مع الرواية وذهبت تبحر فى عالم سميرة موسى وهدى شعراوى وصفية زغلول وكاترين ميخائيل ... وجميلة بوحريد ... ومع تذكرى لجميلة بوحريد ذهبت سريعا الى جميلة اسماعيل ... والتى توقفت عندها لا أعلم لماذا .. رأيت فيها جميع الرائدات السابقات فى مخيلتى ... فهى تمثلت فى صورة صفية زغلول ام المصريين وهدى شعراوى بعزتها ورفعتها وسميرة موسى بعلمها وعقلها وكاترين ميخائيل بشموخها وبهائها وجميلة بوحريد بمبادئها ..
تمثلت امامى صورة جميلة اسماعيل المناضلة من اجل الكرامة والمبادئ
الوفية لزوجها الحافظة لعهدها
وجدتنى اغلق فصول روايتى واتسائل .. يوجد فى مصر كم جميلة تتسلح بمبادئها ووفائها
لم تبكى على سجن زوجها ولم تستدر عطف الشعب
عانت ووقفت وصمدت وتحدت الصعاب من اجل مبادئها ومبادئ زوجها
شتان بين المعارضة والمعارصة التى يتحلى بها من يطلقون على انفسهم معارضة شتان بين صاحبة المبادئ والرأى الحر وبين من يجيدون فن الرقص كالبهلونات على خشبات المسارح والتباكى أمام سلال…

قمة التفاهة والإسفاف

خبرين مثيرين للإشمئزاز والإشمئناط .. بل لو قولت قمة التفاهه والهيافة شوية عليهم الحقيقة
الخبر الأول قرأته بالأمس فى جريدة اليوم السابع ..
الخبر بيقول ايه بقى يا سادة خير اللهم اجعله خير كدا
ان السيد عضو مجلس الشوعب المحترم حمدى حسن عضو المجلس عن الاخوانجية اللى الناس اعطته صوتها امانة
تقدم ببيان عاجل إلى رئيس الوزراء حول مصافحة شيخ الأزهر للرئيس الإسرائيلى شيمون بيريز فى مؤتمر حوار الأديان
يا اخى لا مؤاخذة يعنى كلمة مش ولابد كان نفسى اقولها بس الرقابة
الا هو مش شاف العاهر السعودى وهو جالس جنباً إلى جنب ايهود اولمرت .. ولا ده مش يقدر ينطق ولا يجيب سيرته ؟؟؟
النكتة الكبيرة بقى فى الخبر بتقول ايه ؟؟؟
كما طالب شيخ الأزهر بالاعتذار للمسلمين على هذه المصافحة المرفوضة وغير المعقولة
سيادة النائب الاخوانجى مش سمعنا صوته وهو بيتقدم ببيان بالتحقيق فى احداث الفتنة الطائفية المفتعلة فى عين شمس ...
ولا اتقدم بطلب احاطة لوزير الخارجية من اجل نجدة الطبييبن المصريين ... خايف احسن التمويل اللى بيوصلهم من عند الوهابيين يقل ؟؟؟ مش بدال التعليمات اللى بينفذها داخل المجلس كان من الاولى انه يبحث عن مواضيع…

إلغاء وجود الحرس الجامعي داخل جامعة القاهرة

انا ضد الحكم ده .. لأنه معنى إلغاء الحرس الجامعى داخل جامعة القاهره .. يعنى التسيب والفوضى
يعنى اى حد سواء فى الجامعه او فى الشارع يدخل ويخرج وكأنها وكالة من غير بواب
يعنى مرتع للإخوانجية يصولوا ويجولو ويعلقوا لافتاتهم ويصيحوا بمظاهراتهم التى لن تنتهى
وبعد أن كان يفد اليها الطلاب للتعليم ستكون معقل للتخلف والرجعية
الغاء الحرس الجامعى ... يعنى غرزة للشباب الكوووول
يعنى دعارة مقننة للجميع
يعنى كباريهات شارع الهرم لن تضاهى جامعة القاهره
الغاء وجود الحرس الجامعى = فوضى .. تسيب .. شغب .. عنف .. مرتع للجماعات المحظورة والمشبوهه .. تجاوازت من الجميع
يعنى مولد دون ضابط ولا رابط
لذلك اؤيد جدا استشكال الحكم القضائى .. واتمنى ان يتم إلغاء الحكم الصادر

فتنة طائفية فى عين شمس بسبب إخوانجى

شهدت منطقه عين شمس تجمع مئات المسلمين بعد صلاة العشاء، أمام أحد المنازل التى حولها أقباط المنطقة من مصنع ملابس داخلية إلى مكان يقام به شعائر مسيحية باسم الكنيسة,
طيب وايه يعنى مش ملكهم وهما حرين فيه ؟؟؟ اولا لا تعدوا على املاك الدولة ولا قالوا هنفتحه كبارية .. ده مكان لاقامة شعائر صلاتهم .. زى ألاف المساجد المنتشرة فى المحروسة وآلاف العمارات اللى الدور الاول منها عبارة عن مسجد او زاوية ومن المعروف ان هدف المالك الاول بيكون الاعفاء من الضرائبيعنى الدين مش مقطع بعضه معاه
وهتف المتجمعون أمام المنزل "الله أكبر" "الله أكبر"، حتى تجمع الأمن حولهم وقاموا بتفريقهم بالقنابل المسيلة للدموع، مما دفع المتظاهرين إلى إضرام النار فى سيارة "دوجان" لأحد المسيحيين.
وهل من يهتف باسم الله اكبر يعلم معنى هذه الكلمة ؟؟ ويعلم ان الله الاكبر هو الوحيد المنتقم منه ومن امثاله ؟؟ ويعلم ان الله الاكبر لم يوله خليفة له فى الارض حتى يمنع الآخرين من إقامة شعائرهم الدينية ؟؟ ويعرف ان الدين عند الله الاكبر وهو الاسلام ... والمسلم هو من سلم المسلمين من لسانه ويده ؟؟؟ الاسلام بمعناة الحقيقى …

فرحة قوية وفرحة .. وزارة الاوقاف تعارض النقاب

Image
واخيراً بدأت خطوة ايجابية تتخذ ضد الملثماتافادت صحيفة "المصري اليوم" ان وزارة الاوقاف المصرية تؤكد في كتاب تستعد لتوزيعه على المساجد ان النقاب ليس فرضا في الاسلام. اينعم بس المنتفعين من اللثام باى شكل من الاشكال سواء لحس جزم سكان شبه الجزيرة من اجل ان يلقوا لهم بحفنة دولارات او ارتكاب ما يحلو لهم من جرائم الصقوه بالاسلام عنوة
ونقلت الصحيفة التي نشرت مقتطفات من كتاب "النقاب عادة وليس عبادة" عن وزير الاوقاف محمد حمدي زقزوق قوله "لن اسمح مطلقا بنشر ثقافة النقاب بين السيدات في مصر".
حقيقى انجاز غير مسبوق وغير متوقع اشكرك جدا عليه
وكان النقاب دائما موضع جدل بين المذاهب السنية وحتى داخل المذاهب ذاتها والتي تعتبر في معظمها انه ليس فرضا.
الا ان كافة المذاهب تجمع على انه يجب على المراة ان تستر كامل جسدها باستثناء الوجه واليدين. وذكر الكتاب بقرارات صادرة عن مفتي مصر ورئيس جامعة الازهر تفيد ان النقاب لم يرد ذكره في القرآن ولا الحديث.
وفي مصر كثيرا ما يعتبر ارتداء النقاب دليلا على الانتماء الى التيار السلفي الاسلامي. واعلنت الوزارة انها سنتشر كتبا تعارض السلفية وستوزعها …

حضرة المتهم مدون

التدوين وسيلة من وسائل التعبير عن الرأي، فى البداية كان لفظ مدون يثير الغرابة لسامعه للمرة الأولى ويتسائل ماذا تعنى كلمة مدون؟ وفى خلال شهور معدودة احتل التدوين مكانة بين العامة والخاصة بداية من كبار الكتاب والمشاهير حتى ما دون الثالثة عشرة عام وفى فترة وجيزة أصبح له صدى وصوت مسموع أعلى من صوت الصحف المعارضة حتى أصبحت كلمة مدون تعنى تهمة أو جريمة؛ فمنذ سنوات قليلة كان الحذر وكل الحذر من الصحفيين والنشطاء المهتمون بحقوق الإنسان الآن أصبح الحذر أيضا من المدونين لأنهم يلتقطون أي حدث للكتابة عنه، أيضا أيقظوا الحماس فى الشعب بعد خمول دام عشرات السنين فكان لا يجرؤ أحد أن يعترض على ظلم أو غلاء أو ما شابه. وبعد أن ماتت حركة الإعتصامات والإضرابات ولم تقوم لها قائمة إلا بمولد جيل شباب متحمس جداً همه محاولة الإصلاح بأي شكل، لذلك أصبح المدون المهتم بالشأن العام والإصلاح يشكل خطر، لنجد من تم القبض عليهم وباتوا أيام وليالي خلف القضبان وتهمته مدون؛ لأنه تجرأ وعبر عن رأيه بكل حرية ولكن هيهات أن يصمت زملائه المدونون حتى وإن كانوا لا يعرفون عنه سوى الإسم المستعار فتقوم قائمة المدونين الآخرين من حملات ت…

سيناريو اغتيال فرج فودة 8/6/1992

في الساعة السادسة من يوم السادس من يونيو 1922، بينما كان المفكر فرج فودة يغادر مكتبه برفقة أحد الاصدقاء وابنه، أطلق المتطرفون النار عليه بعد أن فشلوا في اسكاته أو هزيمته فقتلوه ولكن مات واقفا منعيا من الاعداء قبل الاصدقاء وتحولت جنازته لاحتجاج شعبي رفع الشعار الخالد الدين لله والوطن للجميع.
المشهد الاول:ليل داخلي:جلس ثلاثة من الشبان تبدو اثار التوتر والحماسة عليهم وهم بانتظار رفيق رابع لهم لم يصل بعد، ومضت لحظات من الصمت قبل أن يقول الاول : (أخشى أن يكون الامن قد نجح في أسره) قال الثاني بتوتر أشد : (مستحيل انه لم يفعل شيء حتى الان)غمغم الاول: (ولكن..) ولم يكمل جملته اذ جاء الزميل الرابع وجلس بينهم ملقيا السلام، ولم ينتظر أن يكلمه أحد اذ ابتدأ الجميع قائلا لقد جئت بالبشرى، لقد أفتى الشيخ عمر عبد الرحمن بقتل كل العلمانيين الكفارصاح الثاني : (الله أكبر الله لأكبر، سنقتل كل هؤلاء الكفار، هل حدد أحد؟) هز الرابع رأسه بهدوء وقال: (كلا، لقد قال اقتلوا الكل ولم يحدد أحد) صاح الثالث: (فلنقتل ذلك المتنصر الكافر فرج فودة، لقد اذانا كثيرا وبات يسيء للاسلام وسمعت عن أنه تنصر، اقتلوه) قال الثاني: (وأ…

من أين تمويل الإخوان ؟؟؟

لما قولنا عليهم متلاعبين بالدين قالوا انتوا ظلمه .. لما قولنا مرتزقه ، قلوا ادبهم علينا ، لما قولنا اصحاب مصالح ، قالوا احنا مضطهدين ، اللى بيقولوا كدا معذورين لأنهم اول ما بينضموا للمحظورة بيدخلوا الاوضة الضلمة ويحلفوا على السيف والمصحف بانهم يلا يناقشوا ولا يجادلوا والطاعه العمياء هى المنهج المتبع يعنى الغى شخصيتك يا حبيبى منك ليه وارمى عقلك فى اقرب بكابروت ولو سمعت حد بيجيب سيرة الجماعة المحظورة بكلمه هورس عليه ، طيب لما ينضم لهم شباب من خير شباب الوطن ويلاحظوا عليهم الآتى
هناك الكثير من أعضاء مكتب الإرشاد يحصلون على بدلات التفرغ، انتقلوا من الإقامة فى شقق عادية إلى فلل بالتجمع الخامس والمقطم وغيرها
ويبعتوا لهم رسالة يوجهوا لهم فيها الآتى :-
وذكر اثنان من الشباب الذين أرسلوا الرسالة إلى مكتب الإرشاد، عن رفضهم لتلقى أعضاء مكتب الإرشاد أموالاً كمقابل لتفرغهم، وبرروا ذلك بأن هؤلاء القيادات ارتضوا أن يقوموا بعمل دعوى، وأن هؤلاء الشباب يدفعون اشتراكات سنوية، ولهم حق معرفة أوجه صرف هذه الأموال ومقدار الصرف، خاصة أن هذه المرتبات والبدلات تذهب حالياً لأشخاص يرون أنهم تحولوا من الطبقة الوسطى…

ايــــه ده ؟؟؟

Image
طوال متابعتى لمسلسل فى إيد أمينة وما يجرى فيه من احداث تبدأ بخطف الاطفال واخرين تعليمهم التسول والسرقه واخرين يبيعونهم لمن بحاجه الى اطفال لعدم قدرتهم على الانجاب واخرهم الاطفال الذين يتاجرون فى اعضائهم .. كل هذه الأحداث بالنسبة لى كنت اتوقعها عبارة عن خيال كاتب لأن الهدف الأساسى من المسلسل هو عرض القصة الحقيقة للصحفى عادل مبارز الذى سافر الى دولة الاردن وتعرض لمزيد من الضغوط النفسية والعصبية ليساعد الام التى تم خطف طفلها منها فى السوق .. حتى عاد ابن السيدة المخطوف ..
إلا أن طالعت اليوم جريدة البديل والتى نشرت فى صفحتها الرئيسية مقالا عن اطفال الشوارع بعنوان كارثة نقدمها للمجلس القومي للطفولة و«ماما سوزان» في عيد الطفولة ما يحدث لأطفال الشوارع فى مصرنا نفس سيناريو مسلسل فى ايد أمينة فالطفل رامى يحكى روايته بانه جاء اليه طفل شوارع زميله يقول له جايب لك مصلحة هتاكل منها دهب .. بيع كليتك بعشرتلاف جنيه وبعدها هتمشى على رجليك عادى ولا كأن فى حاجه .. طبعا الطفل رامى ما صدق وراح للتاجر اللى بياخد اطفال الشوارع لمستشفى كبير فى الدقى وعملوا للطفل اشاعات بعد ما التاجر جعل الطفل يوقع على ايصالات ا…

مدرسين الكادر "التشكيكى" يتذمرون!

Image
حوارى مع مدرس ... خاص بمجلة على صوتك هو منارة العلم بل إنه جسر التواصل الثقافي الذى تعبر عليه الأجيال تلو الأجيال فى الحياة .. من لم يؤثر فى حياته أحد أستاذته إن لم يكن قد اتخذه قدوة له فى تصرفاته وأفعاله يقتدى بها طوال حياته، من ينسى أول مدرس أخذ بيده وعلمه "ألف باء" كتابة وقراءة .. ولسمو مكانة العلم فكانت أول سورة نزلت من القرآن الكريم وهى الأمر الإلهي للرسول صلى الله عليه وسلم " اقرأ " .. ولكن فى وقتنا الحالي أصبح صاحب هذه المهنة السامية محل شك حتى وإن كان قد قضى ضعف عمره فى مهنته التي حث عليها الله سبحانه فرأت وزارة التربية والتعليم إعادتهم طلبة من جديد للتأكد من مدى معلوماتهم وهل سيستحقون الكادر أم يظلوا محلك سر وما موقع مثل هذا القرار على نفوس المدرسين والموجهين وجميع الكوادر المنتمية للتربية والتعليم :- نتعرف بحضرتك؟ آسر عبد العظيم – مدرس لغة إنجليزية كم يبلغ عمرك الوظيفي ؟ 15عاماً عانيت خلالها طويلاً طل علينا وزير التربية والتعليم هذا العام بما يسمى إمتحان الكادر التعليمي – فما هو أول شعور إنتابك عند سماعك بهذا الخبر ؟؟ - شعرت أنه عملية تعطيلية لصرف الكادر بطري…

جامــــد يا حامـــــد

صحيت من نومى حاسه بأرق يمكن علشان نمت الصبح وصحيت بعد الضهر مش عارفه .. عملت مكاملة فى السريع واخدت حمام دافى وقولت استمتع بمج نسكافيه فى البلكونه .. اول ما خرجت دخلت تانى مش بقول مزاجى مش رايق .. رحت فتحت التى فى وفى ايدى جرنان وفى التانية مج النسكافيه .. شوية والاقى اعلان جايب اتنين ستات بيوت واحده فيهم رفيعه والتانية تخينه .. الرفيعه تقريبا كانت قاعده بتشتكى همها للتخينة .. قامت التخينة قالت لها بس بس متكمليش .. انتى جيبى له الحبة الحمرا السداسيه .. وبعدها حامد هيبقى جامد .. انا عملت كدا مع جوزى .. راحت الرفيعه اللى بتشتكتى بترد تقولها اتاريه معادش بيقعد على القهوة زى الاول .. التانية ضحكت ضحكة نشوة وانتصار وقالت لها امال .. انتى بس عليكى وعلى الحبة الحمرا السداسية وحامد هيبقى جامد ... جه شكل كرتونى صغير يتنطط على الشاشه وبين دراعاته فعلا الحبة الحمرا السداسية .. راحوا الاختين الحلوين هناء وشرين ضاحكين بخباثه وقايلن فى صوت واحد الحبة الحمرا السداسية وحامد هيبقى جامد
ايه ده بقى !! ؟؟
يعنى التحرش والشذوذ وحالات الاغتصاب اللى فى مصر دى كلها وفى النهاية حامد مخلى مراته تشتكى منه على الف…

قتلوا الاطفال وفازو بجايزة اليونسكو لتطوير التعليم

Image
العنوان ده مش تهريج ولا هزار ابدا والله انما العنوان ده حقيقه وحقيقه رأيتها بكلتا عيناى وحينها شهقت لرؤية الخبر ولاشهقة طشة الملوخية قصدى شهقه وصلت لعنان السماء وفغرت فاهى عن آخره وما زلت مذبهله ازبهلال محصلشى
الخبر يا حضرات بيقول الخبر يا بهوات بيقول خدوا بالكوا معانا يا بشوات بالمرة وياريت السادة الافاضل كمان يركزوا انه خير اللهم اجعله خير كدا والخبر بيقول مصر تفوز بجائزة اليونسكو لتطوير التعليم لعام 2008 انا فى الحقيقة مش مستكترة الجايزة على مصر بلدى حبيبتى ده المفروض انه اقل واجب يعنى بعد ما اصبحت الوزارة بتشغل بلطجية يطلعوا عقدهم النفسية على العيال .. وايشى حارس بيتحرش بطفلة فى حضانه وايشى مدير بمدرسة مكفوفين بيتحرش بطالب .. وايشى ضرب طفل عنده 11 سنة بشلوت طلع روحه مش هتكلم عن خديجه علشان عمها قال ان البنت ماتت من الرعب على اساس ان اللى كان فى الفصل دراكولا مش مدرس ومش هتكلم برضه عن حالات انتحار طلبة الثانوية العامية ولا برضه هتكلم عن المدرس الى اجبر اطفال الصف السادس انهم ينزلوا من على المواسير بعد المدير ما قفل عليهم بوابة المدرسة وهو مش عارف ان فى حد جوا على اساس انه مدير مراجي…

فضحتونا فضحتونا فضحتوناااااااااا

Image
رجالتنا الحلوين اللى مشرفينا ورافعين راسنا فوق .. فوق .. فووووووووووق
طبعا مش كلهم علشان فى رجاله بجد وبحق وحقيقى عايشه وسطنا وعارف يعنى ايه شرف وعارف يعنى ايه مسؤليه لكن انا كلامى على امثال السيد المبجل اللى ساب بلده واهله وراح يشتغل فى الكويت .. هو فعلا كان بيشتغل ومش كان مقصر بامانة بيشتغل شغل متعب جدا يبدء من اول ازاى يستدرج الطفل وصولا الى اغتصابه .. السيد المبجل / جهاد السعدى اغتصب 17 طفل فى منطقة الحولى بالكويت يعنى فى مصر الطفل كريم طفل مدينة نصر اللى عثروا على جثته اسفل كوبرى السلام وبطنه مفتوحة واتقال انها عملية سرقة اعضاء طلع اللى عمل فيه كدا رجل يبلغ من العمر 40عام شاذ جنسيا من طنطا واستدرج الطفل وعندما هم بالفعل الشاذ الطفل قاومه راح الراجل الشايب العايب قاتله واخده يقطعه فى الحمام اخواته اكتشوفوا العملة المهببه دى وطلبوا منه يروح يرميه فى اى مكان ويادار ما دخلك شر وهو سمع كلامهم وفتح بطن الواد وحشاها قطن وورق علشان الدم مش يسيل شوف الافكار يا اخى ده ولا مخرجيين هليوود يقدروا يفكروا فى التفكير الجهنمى ده .. وقبضت الشرطة عليه واعترف ومثل الجريمة وفى ستين داهيه ادينا خلصنا م…

بركـــــان

Image
قسوة .. همس .. دموع صامته .. شوق وحنين
مرادفات مختلفة أتت فى خاطرى وأصابعى تشير إلى ذلك الضوء الخافت القابع لمعاتبى فى ركن غرفتى
يذكرنى بمرارةالايام وبركان الياس والغضب وقلوب تحيا
وقلوب تموت من يهتم لأمرى ؟؟؟ من يعبث بقدر أسمية اليوم قدرى من يعرف أننى جزء منه فيحتوينى
لا مفر هى إجابة واحدة أنت يا دنياى من تلمست كل هذا بعد ان ضاقت بى الحياة وجدتك أنت الحياة
انت قدرى إن كان هناك قدر يهبط من السماء ..
حبيبى تعنى هذه الكلمة أنك دليل أو حقيقة تسكن داخلى
كيف لا اعلم ؟؟
أريد أن أعرف سر اختلاطك بدمائى وسكناك بين شرايينى واحياء قلبى لينبض من جديد

تطول المسافات أو تقصر ثم يأتى الشوق الجارف يشعرنى ببعدك عنى ياخذك منى يجتثك من أوردتى يطيح بى وبأحلامى كيف أجبنى ؟؟
من سمح له أن ينتزعك من داخلى لم أعد أقوى على مرور الايام دون سماع همسك وكلماتك
أخبره بانك حبيبى كم عشقت صوتك
اخبره بانك الروح بداخلى كم عشقت همسك
اخبره بانك طفلى كم عشقت دلالك

فى جلوبال فويسز

بوست اصل هى اللى جابت القتل لنفسها اللى كتبته عن الدكتورة شيماء اللى قتلها ابن البواب .. تم ترجمته للإنجليزيه ونشره فى جلوبال فويسز .. وده اكبر موقع عالمى للمدونين بينشر اهم ما نشر بكل لغات العالم مترجم للانجليزيه ..
ترجمة الكاتبة / مروة رخا
المسؤلة عن المدونات المصرية
I received an invitation to join a group named “Dr. Shaimaa Fouad … May you rest in Peace.” I did not know her and I wondered why anyone would invite me to such a group. Little did I know! Dr. Shaimaa Fouad died defending herself.
Desert Cat wrote (AR):
The 30 year old Shaimaa was an assistant professor at the faculty of dentistry - Ain Shams University. The doorman's 18 year old son watched her apartment and once her parents and sister left he knocked on her door to tell her that her car is parked in a no parking area. She gave him her keychain that included her car keys and the keys to the apartment. He took the car for a quick drive then found his way into the apartment using the keys he had. He grabbed a knife from…

!!! هـــى لــــو محجبـــة

Image
زوجة شابه تبلغ من العمر 23 سنة ترتدى عبائه وتضع قطع القماش على شعرها وايضا جوانتى وبصحبتها ابنة اخيها التى تبلغ من العمر 3 سنوات .. تحرش بها عامل فى اكتوبر منذ يومين يعنى تقريبا فى نفس اليوم اللى شرفت انا فيه اكتوبر بالاقامة حتى الآن .. انا لازم انسحب من هناك على اقصى تقدير بكره بالكتير الواحد مش ضامن بعد بكرة ممكن ايه اللى يحصل ... لما شريف تحرش بنهى قالوا اصلها مش محجبة والمحامى قال فى المحكمة بالفاظه السوقية اصلها كانت ماشية تتقصع هى وصاحبتها .. ولو كانت لابسه حجاب مش كان حد مد ايده عليها مش عارفه الحقيقة المحامى اللى يتكلم بالطريقة دى متخرج من كلية حقوق ولا من مرحاض عمومى .. طيب صاحبة قضية اليوم محجبة ومش ماشية تتقصع يا جهابذه وبالرغم من كدا المتحرش مسك صدرها واجزاء حساسه من جسمها ووقعها على الارض يبقى ده ايييييييه ؟؟؟
مجرد انشطار سرمدى ؟؟؟
يعنى الحجاب مش منع عنها المتحرش .. مش منع عنها اللى مد ايده اللى عايزه قطعها على جسمها وهى ماشية الحجاب عفه طهاره مش كنت ناوية اتكلم فى الموضوع ده لأنى قولت اللى انا عايزاه كله على الفيسبوك لكن التعليقات اللى شوفتها على المقال اللى نازل فى المص…