الـــــواوا مســــــألة مــبـــــــدأ

رحل عننا عام 2007 بكل ما يحمل من آلام ومعاناه ما أكثرها والقليل من الافراح التى لا اتذكرها
مضى وترك لنا بصمات غائرة بعضها نتاج هذا العام والآخر بصمات مؤجلة ...
كنت اتمنى نهايتها معه ولكن مازال نزف الواو مستمر فى قلوب الجميع
فغلاء الأسعار ... واوا
البطالة ... واوا
زيادة معدل الجريمة ... واوا
الهجرة الغير شرعية ... واوا
الاعتصامات العمالية .. واوا
حوادث التحرش والاغتصاب ...واوا
الصحفى الكويتى قليل الأدب اللى هزأنا ومسح بينا الارض وحدد لنا سعر الغساله الكورية ..واوا
انتشار القنوات الفضائية وما تقدمه لنا من هلاوس وهواجس جنسية ...واوا
كل هذه الواوات واكثر نتاج سنوات متراكمة وليست عام 2007
ولكنى كنت أأمل فى هذا العام مداواة البعض من الواوات ... ولكن للأسف الواوا حصل لها تلوث وتقيحت ووصلت لدرجة العفونة
حتى اصبح علاج الواوا امر صعب .. الجميع يتألم فى صمت يشجب ويستنكر فى السر وفى العلن يبتسم ابتسامة باهته مرسومة بدون روح تلخيص لحالة الشيزوفرنيا التى يعانيها المجتمع
فشكرا 2007 على اى لحظة سعادة او فرح حدثت لأحدنا خلالك

ووداعا بألامك ومعاناتك بأحلامك المؤجلة ووعودك المزيفه

مرحبا 2008 ... ولكنى أخشى ما أخشاه ... أن يدوم بنا الحال ونظل كسابق عهدنا
ولكنك ضيفنا القادم الذى ستدوم معنا 365 يوم ونكتبك فى تهانينا وفى تعازينا
ستدون فى كتاب تاريخنا لتتذكرتك الاجيال القادمة
فاتمنى ان تكون ضيف عزيز علينا وغالى
تنتهى فيه الآلام تتحقق فيه الطموح والاحلام
تأتى برسم خريطة جديدة لمجتمعنا مدلولها الامان
فاهلا ومرحبا بك بيننا
وعام جديد سعيد على الجميع

2008 سنة سعيدة عليكو جميعا

تعليقات

‏قال بنت القمر
بوس الواوا بوس الواوا
خلي الواوا يصح
تفتكري كل الواوات اللي قلتيها دي ينفع معاها بوس
دي عاوزة القصر العيني الفرنساوي يعالجها
المهم كل سنه وانتي طيبه وفي احسن حال
‏قال Unknown
كل سنة وانت طيبة والسنة الجاية تكوني رئيسة نادي سيدات الشرقية ..لأ كل محافظات مصر
عاوز اقولك حاجة، انت جدعة، طبعا فكرة السايبر، وجدعنتك، وتحقيقك لذاتك بدل استمارات التشغيل أم خمسة جنيه، كلها بتقول إنك رائعة
كل سنة وانت طيبة والسنة الجاية تكون عليكي احسن واحسن
كل سنة و انتي طيبة
وتكون سنة 2008 سنة سعيدة وتبشر بالخير ومعلشي تفاءلي يمكن ربنا يحلها
‏قال Unknown
كل سنه وانتى طيبه يا قطه
وبعدين هى انهى واوا واجعه اكتر
؟؟
الله المستعان وان شاء الله السنه الجايه احلى
‏قال زُمُرده
هابى نيو يير ... وحاجات حلوة وطراطير .... وجاتوه وفطير....والأهلي خطير ..... والريس لسه قدامه كتير
‏قال احساس لسه حى
عزيزتى
بعد كل سنة وانتى طيبه طبعا
معلش اصلك قولتى نكته البوست اللى فات ومش قادر لازم اعلق عليها
انا دخلت القسم كنت باتعامل بمنتهى الذوق والاحترام بالمناسبة رئيس المباحث مش قريبى ولا من عيلتى ... ولا فى بينى وبينه سابق معرفه .... بس فى فرق بين انك تكون داخل القسم متهم وبين انك تكون مجنى عليك
هى دى مشكلتك لانك مش عارفه سواء متهمه او مجنى عليها لازم تتعملى باحترام وبانسانية واكيد فى متهميين كتير بيكونوا ابرياء تفتكرى برضوا ميستحقوش يتعملوا باحترام
اكيد انتى مش هتشتمى اى ضابط شرطه ولا اميين ولا مخبر لان محدش اذاكى بس اذا الاف غيرك وده ميهمكيش زى جحا كده
بجد احيييك على تفكيرك
ومحدش بيحس بالظلم الا اللى اتظلم
سلام
‏قال Empress appy
اقولك اعملى ايه
غنى للواو الاغنية بتاعت المطرب الهابط اللى مش مشهور اكيد معرفش اسمه ايه واو واو واو
بص هى سنت وعدت وخلاص بس ربنا يستر فى الجديد ويبقى فيه خير لانى بجد حسه انى مستوى البلد وبعض من اولادها فى النازل نتيجه ثقافات بتتنقل عن طريق الغلط ونتيجه كدابين الزفه اللى بيهللوا لاى شئ
‏قال غير معرف…
الغاليه قطه الصحراء

ودعنا عام 2007 بكل الأحداث الي كانت فيه الحلوه و الوحشه

و انشاء الله العام الجديد يكون افضل علي جميع الأصعده و كل سنه و انتي طيبه ياجميله و محققه كل اللي نفسك فيه و انشاء الله نشوف العام الجديد جميل و مليان احداث ايجابيه

عام سعيد ياعسل
‏قال Unknown
الواوا أصبحت مسألة مبدأ ومسألة منتهى
ولو حدننا سنة تظهر فيها تبعات بلاوي السنين الماضية يوبقى ظلمناها

كل سنة وانتي بخير
‏قال واحد مصرى
كل سنة و انتي طيبة و انت و من تحبين بخير بدون حوادث مع التوكتوك و لا زيارات لمقهى امن الدولة و اتمنى ان تكون سنة جديدة بدون عبده كفته

دمت بخير
‏قال فى القلب
كل سنه وأنتى طيبه وقويه ومنتجه وجميله

وألى جاى احلى بأذن الله
‏قال واحد مصرى
رد متأخر شوية على موضوع بينظير بوتو:

أولااللي قتلوها مش عرب هذا لا يمنع اننا عندنا تخلف واضح بس همجيتنا أقل كثيرا من همجية الباكستانيين و البلوش و الباتان و لا الباشتون و لا اي جنس كلب من المنطقة الموبوءة التي تضم باكستان و افغانستان و ما يحيط بها...و انا باقولك الكلام ده عن علم و تجربة مع كل هؤلاء

ثانيا بينظير بوتو لم تكن الملاك الفاضل و لا هم يحزنون انها المتعلمة في هارفارد ثم اكسفورد من فلوس الشعب الباكستاني الفقير للغاية ابنة ذو الفقار علي بوتو الذي اعدمه ضياء الدين الحق و الاتنين اكثر فسادا من بعضهما البعض و زوج السيدة بوتو راجل حرامي اصيل مقاس مئات الملايين و المرحومة كانت تعيش في ضيافة دبي و لها استثمارات بعدة مئات من ملايين الدراهم منين برضه ما اعرفش

ثالثا تاريخ قادة باكستان تاريخ قبيح مغرق في الفساد و السرقات حت ان فكرة تأسيس باكستان هي في حد ذاتها فساد و خيانة على يد محمد علي جناح الذي كان رفيقا لموهانداس غاندي او كما يلقب بالمهاتما غاندي و لال نهرو و اختار ان يخون اصدقاؤه و قضيته و هي تحرير الهند من الانجليز و قام بعقد اتفاق منفرد مع الانجليز بموجبه تك تقسيم الهند الي باكستان و الهند و لم يفت الانجليز ان يضعوا الخازوق الحدودي المعتاد بوضع اقليم كشمير بين الهند و المسخ المسمى باكستان

و اخيرا لا يفتني ان اذكر بكل خير الحرامي و الفاسد الكبير المسمى نواز شريف الفاسد الذي حكم عليه بالاعدام عل خلفية قضايا فساد و تدخل السعوديون و احتضنوه في المملكة قبلة الوهابيين

و اخيرا الموضوع كله سياسة و بينظير او نواز او بيرفيز مشرف كلهم فاسدين و لا يقاء لأحد منهم الا بموافقة و مباركة الامريكان
‏قال MerMaid
الحقيقة ...احلي تعبيرات قريتها عن بعض أهم احداث 2007 لاقيته عندك هنا

----------------------------
كل سنة وانتي طيبة و ان شاء الله تكون 2008 عام سعيد علينا كلنا
و ميكونش فيها نفس اللي حصل في 2007

--------------------------
كل عام و انتي و أصدقاء مدونتك بالف خير

:)))

سلاااااااام
أولا.. كل سنة و انتى طيبة

ثانيا .. الواوات و الله كترت قوى .. ربنا يعينا على إننا نعالج أى حاجة منها .. و لو ما قدرناش نعالج .. يبقى ما نزودهاش

ثالثا .. كل سنة و انتى طيبة
‏قال زعيم كمورا
انتى احلمى بس
وحاولى تحققى احلامك
و2008 حتبقى سنة حلوة
حتى لو محققتيش احلامك
حيكفيكى شرف انك حولتى
وعلى الاقل مش حتطلعى منها
باليأس دة كله
ومتخفيش من الواوا
كل واوا وليه دواها
واحلى حاجه فى الدنيا انك تبتدى حياتك بالصعاب
عشان بعد كدة ترتاحى
لانك اتعودى على كدة
فحيبقى كل شئ سهل

كل سنة وانتى طيبة ياقطة
وان شاء الله فى 2008 تحققى حاجه
من الى بتحلمى بيها
بصى يا نانا
مع انى من طباعى التفاؤل ومش متشائمة خالص

بس عندى احساس عميق ان 2008 لا هتفرق عن 2007 ولا 2006 ولا حتى 2010 طول ما احنا زى ما احنا

واذا كان النهاردة معانا مبارك .. بكره هيبقى معانا جمال مبارك

يعنى من الاخر طريق مسدود-ون مسدود-ون يااااااااا ولدى

سنة سعيدة بقى :)

يالا باى
‏قال Desert cat
بنت القمر
مش طول ما احنا واقفين محلك سر كدا
والحالة من سيئ لاسوء
ده احنا حنستورد مستفيان من بره تعالج
كل سنة وانتى بالف خير
‏قال Desert cat
يوميات عيل مصري
ميرسى يا استاذ احمد على كل الكلام الجميل ده
ده من زوق حضرتك طبعا
كل سنة وحضرتك واسرتك فى اسعد حال
‏قال Desert cat
Amy,me??
هو انا قدامى حاجه غير انى اتفائل
ان شاء الله تكون سنة سعيدة على الجميع
وكل سنة وانتى بالف خير
‏قال Desert cat
لماضة
والله يا دكتورة احنا عندنا كل الواوات اوجع من بعض
كل سنة وانتى طيبة
وسنة سعيدة عليكى باذن الله
‏قال Desert cat
زُمُرده
قدامه كتير الله يبشرك بالخير يا قلبى
كل سنة وانتى طيبة وفى سعادة
‏قال Desert cat
appy
اهم كدابين الزفة دول اللى مودين الدنيا فى داهيه
ماشيين مع اللى ماشى ولا ليهم هدف ولا شخصية ربنا يريحنا منهم فى 2008
كل سنة وانتى طيبة يا قلبى
وسنة سعيدة عليكى وعلى كل محبينك
وانا منهم طبعا
محبتى
‏قال Desert cat
اجندا حمرا
ان شاء الله يا جميل
ربنا يجعل ايام الجميع سعادة
سنة سعيدة عليكى
‏قال Desert cat
أنونيمس
ما هو للاسف احنا منتهيناش من القديم علشان نفرح بالجديد
بل النكبات القديمة بتتراكم
ربنا يتولانا
المهم كل سنة وحضرتك طيب
وعام جديد سعيد عليك ان شاء الله
‏قال Desert cat
واحد مصرى
اللهم أمين
كل سنة وحضرتك بخير
وقمرنا الصغير تكبر وتبقى عروسة جميله
سنة سعيدة عليك وعلى اسرتك ان شاء الله
‏قال Desert cat
فى القلب
كل سنة وانتى فى قلوبنا جميعاً برقتك وجمال اخلاقك
كل سنة وانتى بالف خير
‏قال Desert cat
واحد مصرى
ولا يهمك يا فندم رد متاخر ولا بدرى المهم ان حضرتك شرفت البلوج

مين اللى الانتحارى اللى فجر نفسه وقتلها دى حاجه مازالت مجهولة
بالنسبة لبنيظير فهى كانت انسانة ديمقراطية و ولها وجود فعل فى مؤسسات المجتمع المدنى .. ومرحبة بوجود الاحزاب السياسية ... هى كانت رئيسة وزراء لفترتين واكيد كانت هتفوز فى التالتة عارف اكيد ليه لانها اتقلت معنى كدا انها كانت تشكل خطر على اللى رافض وجودها لانها تتمتع بشعبية كبيرة فى باكستان والا ما كنتش حققت نجاحات سياسية وكان زمانها ما زالت موجودة حتى الآن حية ترزق ...
بالنسبة لفلوسها جابتها منين فهى مكانتش فقيرة فوالدها يبقى
ذو الفقار علي بوتو ... رئيس لدولة باكستان ثم رئيسا للوزراء في السبعينيات
واتقتل زى ما حضرتك عارف فى انقلاب ضياء الحق
علشان كدا بنيظير دخلت عالم السياسة وكانت اصغر ريئسة وزراء لدولة اسلامية بالنسبة لزوجها
فهى فى بداية حياتها السياسية واجهت مشاكل اقتصادية فى الدولة ... ولعدم تفاعلها مع المشاكل الاقتصادية لبكستان فاتهمت هى وزوجه بالنصب واستغلال السلطة ... واللى اتمهما ورفع عليها قضايا كمان كان خصومها السياسين والطبيعى ان اى خصم بيكون عايز يخلص من خصمه الاخر باى شكل من الاشكال
بنظير عاشت حياتها فى امان وهى بره بلدها ولما رجعت بلدها اتتقلت
ودى اشارة واضحة جدا لوجود ايدى خفية لا تريد لها البقاء

احترامى وتقديرى
‏قال Desert cat
MerMaid
اشكرك جدا
وربنا يسمع منك وتكون سنة هادية خالية من اى نكبات سعيدة على الجميع
سنة جديدة سعيدة عليكى ان شاء الله
دمتى بود
‏قال Desert cat
ابن حـجـر الـعـسـقـلانـى
اولا كل سنة وانت بالف خير
ثانيا ربنا يريحنا من اسباب حدوث الواوات
ثالثا سنة سعيدة عليك ان شاء الله
‏قال Desert cat
undertaker
احقق حلم واحد بس من احلانى فى 2008
طيب قول حلمين
عموما انا برضه عايزه حلم واحد
كل سنة وانت طيب وبالف خير
عام جديد سعيد ان شاء الله
دمت بود
‏قال Desert cat
بنوتة من وسط البلد
ربنا يبشرك بالخير يا جميل
والله انا اخبار الطكقس عندى بتقول سيبقى الحال كما هو عليه
وسيظل العيد مبارك الا ان تاتى لكل الشعب سكتة قلبية وبعدين ممكن يفكر هو يحصلنا
كل سنة وانتى طيبة
‏قال The Queen
كل سنة وانتي طيبة يا قطتي

وحشتيني

مفيش قدامنا غير التفاؤل وعلى رأي هيفاء الهايفة اللي مش بحبها " بوس الواوا " احنا البوس بتاعنا هيختلف شويه بقى لان البوسة هنا معناها اننا نصبر على الواوات دي كلها " الابتلاءات" وان شاء الله ربنا هيفرجها

كل سنة وانتي طيبة يا جميل
‏قال Desert cat
The Queen
وانتى طيبة يا جميل
انتى كمان وحشتينى
كل سنة وانتى بالف خير
كل سنة وانتى طيبة ياباشا

وبلاش تقلبى علينا المواجع

يعنى ايه اللى هيتغير السنة اللى جاية واللى بعدها يعنى هو كان فيه حاجة اتغيرت كل السنين اللى فاتت ؟؟ لازم تتعودى ان الحال هيبقى من اسوأ الى اسوأ بس المهم اننا نفضل متفائلين كده وفاتحين بوقنا ونقول ان السنة اللى جاية انشاء الله هتبقى احسن من اللى قابلها لكن بينا وبين نفسنا بقول :

موت يا حمار .. فى المشمش

تحياتى يا جميلة وعام جديد سعيد ( كده وكده )
‏قال فرنسا هانم
كل سنه وانتى طيبه
ونتمنى سنه سعيده
يارب
اشمعنى الواو ؟؟؟؟؟؟؟
‏قال غير معرف…
7abeby desert cat:
ma3lesh kont mo7'atafeya ba2aly fatra 3anek bas 3'asb 3any walahy 7alah mn el 2ekte2ab faze3a
ya fandem el wawa beta3tec 3'eer beta3et haifa wahby 7'ales wenty 3arfa el far2 taba3a2
yualla ya rab f 2008 nela2y 7ad ya3mel wawa ba7 zay ama haifa la2et o ana kalamy wade7 gedan bas law fakarty feeh ya sokara
salam ya koko\
2ah sa7ee7 happy new year o ana 3arfa eny ba2aly kteer makatabtesh 7aga bas walahy feh post gdeed nazel very soon may be 2morrow isa u'll find it
‏قال دكتور حر
كل سنه وانتي طيبه يا قطه

وان شاء الله السنه الجايه تكون احسن من السنه الخنيقه دي

تفائلوا بالخير تجدوه

دمتي بكل خير
‏قال الربان
تحياتي

كل سنة و انت و الجميع بألف خير...و ندعوا الله أن يحفظ مصرنا الحبيبة من كل سوء...و ان يجعلها سخاءً رخاءً إن شاء الله....

تحياتي
‏قال walaa
قطة الصحراء
فعلا زى ما قلتى رحل عنا 2007 وهى مليءبكل انواع الفساد سواء من الشعب او من الحكومه
ولكن هل سيظل 2008 مثل العام الذى قبله؟
والاجابه متوقفه علينا هل سنظل كما نحن ام نتغير ونغير المجتمع الذى نوجد فيه
تحياتى لك ولاء
وكل عام وانت الى الله اقرب
‏قال Desert cat
سمـــــــــــا
هى مفيش حاجه بتتغير من نفسها
يعنى الاحداث اللى احنا عايشينها دى مش هتتغير الا اذا احنا اتغيرنا من جوانا
" ان الله لا يغير ما بقوم حتى يغيروا ما بانفسهم "
كل سنة وانتى اسعد من السنة الل قبلها
‏قال Desert cat
فرنسا هانم
واتى بالف خير يا جميل
اشمعنا الواوا
علشان اللى فى الوست ده كله واوات
محبتى
‏قال Desert cat
Sola
لعل المانع خير يا قمر
ان شاء الله تفضى لنا وتنزلى لنا بوستاتك الشقية
كل سنة وانتى احلى واحلى
دمتى بكل ود
‏قال Desert cat
دكتور حر
وانت طيب يا دكتور
ان شاء الله ربنا يرزق الجميع خير
سنة سعيده عليك
‏قال Desert cat
الربان
كل سنة وحضرتك طيب وبالف خير
ان شاء الله السنة الجاية تكون بلدنا فى احسن حال
احترامى وتقديرى
‏قال Desert cat
walaa
صح
" ان الله لا يغير ما بقوم حتى يغيروا ما بانفسهم "
سنة سعيدة عليكى ان شاء الله
دمتى بود
‏قال غير معرف…
سنة سعيدة
‏قال Desert cat
tazart
علينا وعليك ان شاء الله
‏قال اسامة يس
اولا كل سنة وانت طيبه ..
ويارب يكون عام سعيد عليك وعلى الجميع ...
واظن ان المغنية القديرة هيفاء عالجت واوات عام 2007 في اغنيتها الشهيرة ....
لكن بالفعل دعنا نأمل في غد مشرق لا على طريقة والله زمان يا سلاحي الناصرية بل على طريقة انه لا بد من وجود امل وخير نسعى اليه....


دمت بكل ود
خالص تحياتي
كل سنه وانتي طيبه
معلش متاخره ولكن عارفك قلبك كبير وحتعذريني

اولا مبروك المثاثات في مثابقه الميكروباز
ههههههههههههههههه


كل دي واوات وغيرها كتييييييييييييير

لو الاخت الفاضله هيفا قعدت تغنيلها من هنا لاخر السنه
عمر الواوات دي ما حنصح على راي بنت القمر


تحياتي
‏قال Desert cat
osama
ان شاء الله بكرة احسن من النهاردة
بس بارادتنا احنا والتغير النابع من جوانا
كل سنة وحضرتك بالف خير
وعام سعيد
‏قال Desert cat
اسكندراني اوي
ولا يهمك يا فندم ده لسه النهادره 2 يعنى م شمتاخره ولا حاجه
اولا الله يبارك فى حضرتك
والجايزة بصراحة كانت غير متوقعه
بالرغم من انى كنت بجرى ورا الميكروباصات علشان القط الجمل اللى عليهم
بس برضه مكنتش متوقعاها
بالنسبة للواوات فهى هتفضل موجودة الا اذا احنا اتغيرنا من جوانا
كل سنة وحضرتك بالف خير
سنة سعيدة عليك وعلى اسرتك ان شاء الله
‏قال Zika
والله دوستي عالواوا
ربنا يستر السنه الجديده واي واوا منهم تخف مش شرط كلهم يعني احنا مش طماعين
‏قال A long distance
مادام ماعلجناش الواوت السنه اللي فاتت
تتوقعي هنعالج اي واوا ممكن تقابلنا؟؟؟؟
بس؟
دول ييجي سبعميت تمنميت تسعميت مليون واوا

كل سنه وانت طيبه
كل سنة وانتى طيبة
ذى ما القاهرة بلد المليون مأذنة
مصر هى بلد المليون واوا
انا مش متفائل ان اى من الواوات الى كانت فى السنين اللى فاتت تتحل السنة ديه بس كل واحد يعمل اللى عاليه وربنا يكرمنا
‏قال Desert cat
Zika
مكانش قصدى ادوس على الواوا
بس حبيت نفتكرها
انا برضه عندى امل زيك ان بعض من الواو يخف ويبقى كويس
كل سنة وحضرتك بخير
‏قال Desert cat
A long distance
لو الواوا وجعتنا اوى وبقينا مش قدرين نستحملها
هنتغير من جوانا وعلشان كدا هنقدر نغير
عام جديد سعيد على حضرتك ان شاء الله
‏قال Desert cat
سها
انا قولت بلاش اجمع كل الواوات خلى دول بس يمكن نقدر نعالج واوا واحده فيهم على الاقل
كل سنة وحضرتك بخير
‏قال Desert cat
حــدوتـــة
ما هو نزف الواوا بيزيد
وياما تنتهى يا ما تتعالج
ما هو لازم يكون فى حل
كل سنة وانت طيب
‏قال غمض عينيك
كل سنة وانتي طيبة يانانا
سنة سعيدة عليكي

انت مسألتيش عني خالص الفترة اللي فاتت
عساكي تكوني بخير
محمد سمير
‏قال Heart Beat
في استفتاء برنامج العشرة مساءا بالنسبة للسؤال بتاع اسوء يوم عام 2007 في ناس جاوبت كل الايام

و سؤال تاني بيقول اسعد يوم في ناس جاوبت و لا يوم

تخيلي كل الايام سيئة و و لا يوم سعيد عند ناس كتيرة

و اكيد لو كانوا افتكروا الواوات دي كلها زائد اللي عندهم كانوا قالوهم مع بعض

او كان برنامج العاشرة مساءا سأل عن افضل واوا و اسوء واوا

شوفي خلينا متفائلين لغاية اما نشوف ايه اللي هايحصل السنة دي

خلينا نقول ان دوام الحال من المحال و ان اللي كان سيء السنة اللي فاتت يمكن يارب يعني يتصلح السنة دي و تكون سنة سعيدة علينا كلنا يارب
‏قال Desert cat
غمض عينيك
ايه المفاجأة الجميلة دى
اخيرا افتكرت قطة الصحراء
انا بخير يا فندم
والحمد لله ان حضرتك كويس
كل سنة وانت طيب
وفرح ومامتها بالف خير
‏قال Desert cat
Heart Beat
طيب الحمد لله ان الناس دى مش شافت الواوات اللى عندى كانوا زمانهم بيدعوا عليا دلوقتى
ان شاء الله 2008 يكون اسعد من 2007 على الجميع
كل سنة وانتى بالف خير
‏قال غمض عينيك
انا عمري ما نسيتك يانانا
انت صديقة عزيزة وانتي عارفة كده كويس
بس انا فعلا حصلتلي ظروف كتير الفترة اللي فاتت ولسه بظبط في حياتي خصوصا بعد شوية تغيرات حصلت فيها
ع العمومو
دمتي بخير

المشاركات الشائعة