مساء احلى عيد على احلى ناس


كل سنة وانتوا طيبين وإن شاء الله عيد سعيد على الجميع والعيد اللى جاى يكون كل واحد حقق ما يتمنى

كعادتى انا وصديقاتى العزيزات بنتجمع كلنا مع بعض وبنقضيها صاحيين للصبح ... نفضل نحكى ونعمل ازعاج للجيران لدرجة انهم فكروا يطلبوا لنا البوليس بس عملوا حساب ان الناس جيران وكدا يعنى كتر خيرهم .... الفجر قومنا كلنا صلينا والحمد لله ... وكل واحدة بدأت باقتراح ناكل ولا ننزل ... اقتراح تانى احنا نشرب نسكافية وبعدين ننزل طبعا ده كان اقتراحى انا واللى اترفض بشدة لان الجميع كان مهنج وفاصل باور وحسيت اننا هنام من بعض فكان لازم اننا ناكل علشان يفقوا شوية ... عدى الوقت سريعا سريعا ونزلنا علشان الصلاة

ونلاقى الشارع ما شاء الله ما شاء الله ربنا يزيد ويبارك فى المسلمين
وعلى مدخل الساحة لاقيت المنظر ده

طبعا طبعا الشرطة الساهرة على خوذئه الشعب .... سورى يا داخلية على خدمة الشعب



هنا حسيت انهم بيدوروا على مشتبه فيهم واقفين على المدخل بيبصوا فى وجوه الناس بطريقة فاحصه فاعصه متفحصة وانا وصحابى ولا همنا دخلنا وادينا فى جيوبنا ورافعين راسنا لفوق مش المفروض انهم واقفين لحمايتنا يبقا ده دورنا علشان نتعامل معاهم براحتنا .....

هنا خلاص دخلنا علشان نصلى والستات لسه بيسلموا على بعض واللى بتحضن واللى تبوس كعادة الشعب المصرى فى هذه المناسبات


اخيرا خرجنااااااااااااااااااااااااااااااااا

بس لسه مش هنروح اصل كان ورانا مشوار مهم جدا قبل ما نفكر نرجع بيوتنا بس مش رايحين لوحدنا ده احنا رايحين احنا وصحابنا وصحاب صحابنا ..... وقرايبنا ومعارفنا كنا كتيييييييييييييييييييييييييييييييييير جدا ..... كنا على معاد كلنا مع بعض نتجمع قدام دار رعاية الطفل فى مدينتنا العامرة وبالفعل خلصنا صلاة وعلشان الزحمة مش عرفنا نتقابل قدام الساحة وهنا كان دور التكنولوجيا ولازم نستفيد بفايدتها واجدع خدمة وفرتها فودافون كلمنى شكراً ودى كانت السيم يعنى احنا موجودين قدام دار الرعاية وتوجهنا كلنا على هناك قابلنا المدير بوجه بشوش والمسؤلين هناك سابونا على راحتنا خالص اصل هناك اكشتفنا كلنا اننا ما عشناش طفولتنا فكن لازم نعوض اللى اتحرمنا منه


مدير الدار واول ما دخلناا طبعا علشان نسلم عليه وما هو من الطبيعى يعنى اننا كنا نروح نسلم مش احنا ضيوف


القمرين دول بقى بسمة وايمان

ودى تبقى شرين ....

وكعادة الوقت الجميل بيعدى بسرعه وأنتهت صلاتنا وأنتهت زيارتنا وكان لازم نرجع بيوتنا ... الغريب انى طول الوقت حاسة برشاقة وحيوية اول ما دخلت البيت جريت على اقرب سرير ... لكن للأسف ليس كل ما يتمناه المرء يدركه ... كل اللى قدرت انامهم ساعتين وياريتهم كانوا كاملين .... القرود ولاد اخواتى كانوا عاملين عندنا مهرجان عالمى وبالتالى كان لازم اقوم اشارك فى المهرجان ده

خلص اليوم بسرعه زى ما اى حاجه حلوة فى حياتنا بتخلص بسرعة ...
كل سنة وانتوا جميعا طبيبن وبالف خير

عيد اضحى سعيد

تعليقات

كل سنه وانتى طيبه وتنعاد عليكى الايام بخير كل سنه وانتى وسط صحابك واهلك وكل الى بيحبوكى وكل سنه وربنا يقدرك على فعل الخير
‏قال loza
كل سنه وانت طبيه .. وينعاد عليك بالخير يا رب ..
وسبحانه الواحد الجبار اللى طلعنى من تحت رجلين الجمع الهائل ده
عجبتني الجملة دي قوي
ههههههههههههههههههههه
بس إحساسك العالي بالأيتام في يوم زي ده شئ جميل ناس ياما مفتقداه
ربنا يكرمك و يفرحك دايما و ما تكونيش تقلتي في اللحمة لأحسن القطط معروف بتاكل و تنكر
:)
‏قال حدوته مصرية
ما شاءالله
يوم جميل جدا و ربنا يخلى كل ايامك خير وسعادة كده
كل سنة وانتى طيبة

تحياتى
‏قال دكتور حر
كل سنه وانتي طسبه يا قطه
وربنا يتقبل منك يا رب
‏قال خيرالدين
كل عام وانت بخير وسباقه للخير دائما
‏قال غير معرف…
kol sana wenty tayeba ya gamiela o masha2 allah wala 7awl wala qowata ela ballah fa3lann masr om el donia whatever what hapened there but it'll be 4ever the best place and the most kond ppl ever
3amar ya masr
3eed sa3eed ya gamiel fa3lan el salah fe masr 7aga tanya 7'ales 3'eer hena
rabena yehde kol el sha3b el masry o yehdeh ya rab
2ameen
salam ya ottah
‏قال a_akak
EID MUBARIK and may allah accpet our prayers and forgive us,

Fe Aman allah
‏قال son's egypt
كل سنه وانتي طيبه وعيد سعيد عليكي
كل سنه وانتي طيبه واسرتك بسعاده
ومدينتك بخير

والله عارفه انا عيطت لما قريت البوست عارفه بحس ان اطفال الدر دول مظلومين اوي
محدش معاهم ولا حد ليهم غير الله سبحانه وتعالى

والناس الطيبه اللي زيك وزي صديقاتك

الله هو انتي فودافون

انا كمان فودافون

سابقا
هههههههههههههههههه
كل سنه وانتى بخير واحييكى على الصور الجميله اللى انتى حاطاها
مجهود حلو اوى منك
تحياتى
‏قال Heart Beat
عزيزتي

كل سنة و انتي طيبة

و ربنا يقدرك على فعل الخير دايما
كل سنة وانتي بالف خير وتفرحي الاطفال وتعملي الخير وانتي وسط اهلك ومع حبايبك
ويسعد ايامك
‏قال Desert cat
رئيس جمهوريه نفسى
وانت طيب
عيد سعيد عليك ان شاء الله
‏قال Desert cat
loza
وانتى طيبة ويناعد على المسلمين ان شاء الله
‏قال Desert cat
مهندس مصري
ات بتقول فيها انا للحظات لاقيت الدنيا ضلمة ابص حواليا الاقى رجلين حسيت انى توهت ولا الناس رجليها اتبدلت مكان راسها ولا حاجه
بس بالرغم من كل ده كنت حاسه انى مبسوطة
يلا الحمد لله
كل سنة وانت طيب
‏قال Desert cat
محمد ياسر
اللهم آمين
وانت طيب
‏قال Desert cat
دكتور حر
وانت طيب يا دكتور
ربنا يتقبل منا جميعا
‏قال Desert cat
Sola
مصر بالرغم من الفساد اللى فيها واللى ان شاء الله حاسه انه حينتهى لان الشعب بدأ يفوق
لكنها فى عادتها اجمل من اى بلد
كل سنة وانتى طيبة يا سالى والسنة اللى جاية تبقى هنا فى مصر وتصلى العيد معانا
عيد سعيد يا جميل
‏قال Desert cat
a_akak
كل سنة وانت طيب
فى امان الله
‏قال Desert cat
son's egypt
وانت طيب
عيد سعيد علينا وعليك
‏قال Desert cat
اسكندراني اوي
كل سنة وحضرتك طيب استاذ اسكندرانى واسرتك بخير
واسفه جدا لو البوست ازعجك
بالنسبة لاطفال الدار ربنا معاهم
بالنسبة لودافون فانا مسمياها شبكة العظماء
شايفه حد معترض
يكفى انى فودافون علشان تبقى شبكة العظماء
كل سنة وانت طيب يا فندم
‏قال Desert cat
حبة حاجات (ايمان
وانتى طيبة يا ايمان
بس انا مبذلتش فى الصور اى مجهود
كل اللى كنت بعمله انى بمسك الموبايل شوية بايدى الشمال شوية فى اليمين كدا يعنى
كل سنة وانتى طيبة يا قمر
‏قال Unknown
كل سنة وانتى بالف خير
‏قال Desert cat
Heart Beat
وانتى طيبة يا جميل
‏قال Desert cat
Gloomy Day's
حبيبتى تسلمى لى يارب على الدعوة الجميلة دى
كل سنة وانتى بالف خير
‏قال Desert cat
ايوية
وانتى طيبة يا جميل
‏قال فرنسا هانم
كل سنه وانت عسوله يا جميل
وعيد سعيد عليكى
ويارب
ربنا يقدرك ديما وتعملى الخير
امواااااااااه
‏قال Desert cat
فرنسا هانم
وانتى طيبة يا احلى فرنسا فى الدنيا
عيد سعيد عليكى وعلى كل اسرتك واحبائك
العزيزة قطة الصحراء

كل سنة وانتي طيبة يافندم وعيد سعيد عليكي وعلى كل اسرتك واصحابك يارب

معلش انااسفة اني اتاخرت بس انتي عارفة المواصلات زحمة شوية وانا اصلا برطة بقى مكنتش قادرة اقوم كمان فتأخرت فسامحيني بليز

كل سنة وانتي طيبة ياجميل وعيد سعيد عليكي يارب
مفيش امل نغير القطة دي بقى ولاايه ههههههههه

تحياتي ياقمر
‏قال واحد مصرى
كل سنة و انتي بألف خير تعيشي و تعملي الخير يا قطة

و بعدين ما تستغريبش ن رؤية الغربان محملقين بمنتهى البلاهة في و جوه الناس بحثا عن مشاغبين او ارهابيين او حتى معارضين في وسط الناس الطيبين ده بعيد عنك من حالة الهلع الامني اللي راكبهم...جتهم خيبة لو عملوا المجهود ده في حمايتنا هايقوا ابطال لكنهم اختاروا ان يكونوا من العسس لحاسين الجزم

كل عيد و انت و من تحبين بخير و سعادة
‏قال AHMED SAMIR
عيد اضحى سعيد
كل سنة وانتي طيبة
تحياتي
‏قال DoMaLaYs
و انتي اسعد

هههههههه

بجد موضوع جميل و دمه خفيف

و مستني جديدك

في بعد الامتحانات
‏قال Hossam
hello cat of desert
nice blog
ur topic is really true and fact
c u soon
bye
‏قال Unknown
كل سنة وانتي طيبة ياقطقوطة

كل سنة وانتي بخير دايما يارب

تحياتي
‏قال Desert cat
كلام من القلب
ولا يهمك يا جميلة كل سنة وانتى بالف خير
عيد سعيد عليكى
‏قال Desert cat
واحد مصرى
وانت طيب يا فندم
ما هو احنا علشان حسسونا انهم عسس اخدنا راحتنا خالص فى طريقه التعامل معاهم
لدرجة اننا تجاهلاناهم
كل سنة وانت طيب
‏قال Desert cat
A.SAMIR
وانت طيب
عيد سعيد عليك ان شاء الله
‏قال Desert cat
DoMaLaYs
ان شاء الله تخلص امتحانات على خير
كل سنة وانت طيب
‏قال Desert cat
Hossam
hello
thnks to you
happy eid
‏قال Desert cat
Hossam
hello
thnks to you
happy eid
‏قال Desert cat
fanan fa2eer
وانتى طيبة وبالف خير
‏قال walaa
كل سنه وانت طيبه وتكونى دايما فرحانه وانت بين ناسك واهلك

وربنا يقدرك دايما على فعل الخير

تحياتى لك ولاء
‏قال Desert cat
walaa
وانتى طيبة يا جميل
عيد سعيد عليكى وعلى الجميع
كل سنةوانتى طيبة يا قطة الصحراء
الحمد لله انك بخير
اصل انا سمعت انك من ساعة ما اشتريتى بالطو صوف والجزارين بيدوروا عليكى
يظهر انكما عملتيش بنصيحة فرنسا
خاااالص تحياتى وعيد سعيد
‏قال Desert cat
الباحث عن الحقيقة
وانت طيب يا احمد
انا قولت العيد خلص بقى يبقى من حقى البس صوف براحتى بس افتكرت انت اللى نسيت تعمل بالنصيحة اصلك اختفيت طول ايام العيد ولو مش كنت ظرهت النهارده كنت عملت سيرش عند كل الجزارين
كل سنة وانت طيب يافندم
وعيد سعيد عليك وعلى كل محبينك
‏قال oceaneyes
كل سنة وانتى طيبة يا جميل

وعيد سعيد

اعاده الله عليكى باليمن والبركات ان شاء الله

....

وبجد يارتنى كنت معاكم ...نفسى اروح اشوف الاطفال واشوف الفرحة على وجوههم ..بس كويس انك حطيتلنا الصور الحلوة دى ..وفعلا عندك حق الاوقات الحلوة بتمر بسررعة اوووووووووووووى


تحياتى يا جميل

:)
الاول كل سنة وانتى طيبة ونشوفك العيد الجاى بخير بإذن الله وبجد ياريتنى كنت معاكو اليوم دة عشان انا بجد تقريبا اكتر واحد محستش باليوم دة عالعموم شكرا على زيارتك والبلوج بيرحب دايما بيكى

ربنا يوفقك


تحياااااااااتى


شيتوووووووووووس
‏قال Desert cat
oceaneyes
كل سنة وانتى طيبة يا قمرة وبالف خير
انتى لو قريبة مننا باقى حددى الوقت اللى يناسبك ونعمل لهم زيارة مفيش اى مشكلة
كل سنة وانتى بخير
‏قال Desert cat
الوحدة بتقتلنى
وانت طيب وبالف خير
انت ممكن تعمل زينا ولو جنبك اى دار مسنين او ايتام تحدد اى وقت مع صحابك وتروح تزورهم
وصدقنى هتخرج من هناك ناسى اى حاجه
كل سنة وانت بخير
‏قال A long distance
كل سنه وانتي طيبه
يا قطه
وربنا يعيده عليكي بالصحه والسلامه

المشاركات الشائعة