عيد أضحى سعيد

كل سنة وانتوا طيبين ولفروضنا مأديين ومع اهاليكو بالعيد فرحانين
وبالخروف مضحيين ... عيد اضحى سعيد إن شاء الله على كل المسلمين
ولصلة الرحم كلنا واصلين وبالسؤال عن بعضنا وشئون المسلمين سألين
ياريت ما ننساش فى وسط عيدنا واهلنا والاضحية المحتاجين ... نسال عليهم ونودهم
وكمان فى ناس تانية خالص حاسين انهم منسيين وفى المناسبات دى دايما زعلانيين لانهم حاسين ان الناس ناسياهم ومش فاكرين


اللى جنبه دار ايتام او دار مسنين ممكن يجمع اصحابه وساعه من وقته فى وسطهم مش كتير عليهم حتى لو مش اخدت لهم حاجه معاك كفاية دخلتك عليهم بتحسسهم ان فى ناس فاكراهم وفى ناس بتسال عليهم ... بتحسسهم انهم مش لوحدهم فى الدنيا وفى حد بيودهم
فى عقولنا حاضرين




لو جربنا نعملها مرة والله هنرجع من هناك مبسوطين وحاسين براحة جوانا وفرحة وسعادة لاننا كنا سبب لرسم بسمة على وجوه ناس حاسين انهم من المجتمع منسيين ... ده دورنا اننا نقولهم احنا هنا وبوجودكو حاسين مش حنسيبكو لوحدكو وهنبص عليكوا من وقت للتانى دايما فاكرنكم وفى عقولنا انتوا حاضرين

ان شاء الله بكره يوم وقفة عرفات صيامها يغفر عامين عام مضى وعام آت ... ان شاء الله نغتنمها فرصة ونتقرب الى الله بالصوم والدعاء
ونحاول نكثر من دعائنا ونكبر مع الحجاج ربنا يكتبها لنا جميعا
ان شاء الله يرجعوا من ارض الحجاز حجهم مبرور وذنبهم مغفور
تقبل الله منهم جميعا
اختى حبيبتى واحب الناس لقلبى تقبل الله منك ومن اسرتك ومن كل المسلمين واعادكوا سالمين
هو اينعم هى مش هترجع مصر لانها اساسا مقيمة فى السعودية ... بس ان شاء الله ترجع هى وزوجها واولادها وكل الحجاج بالف خير
دعواتكو جميعا
وعيد سعيد ان شاء الله على كل المسلمين

تعليقات

‏قال غير معرف…
kol sana wenty tayeba ya gamiela o ya rab el sana el gaya kolena b 3arafat,ya retny 2a2dar 2aroo7 dar el mesneen walahy bas ma belyad 7elah
salam yz 2amar
كل سنه وانتي طيبه وبصحه وسلااااامه

ايه السجع الحلو ده
‏قال Heart Beat
كل سنة و انتي طيبة

و حج مبرور و ذنب مغفور لكل احبائك اللي بيحجوا السنة دي

و تقبل الله صيامك و صيامنا
‏قال زعيم كمورا
كل سنة وانتى طيبة يانانا
وكل الشعب الاسلامى فى العالم كله عيد مبارك عليهم

وان شاء الله السنة الجاية تبقى مصر فى حال غير الحال

نانل بقولك ايه
ممكن تسلفينى الخروف الى فوق دة
اصله عجبنى اوى
حخده اتمنظر بس بيه قدام صحابى
وحرجعه تانى
ماشى
‏قال Unknown
كل سنه و انتي طيبه عيد سعيد بس فين الخروف يا قطه مش عيب عليكي سايباني كده ولا عيديه ولا خروف ولا شفت منك حاجه
‏قال sally
كل سنه و انتي طيبه يا قمر
و يا رب يكون عيد سعيد عليكي و علي كل المسلمين يا رب
كل سنه وانتى طيبه وتنعاد عليكى الايام بخير
‏قال العراف
كل سنه وانت طيبه وعقبال عيد ميلاد القطه
‏قال غير معرف…
كل سنه وانت طيبه وعقبال عيد ميلاد القطه
‏قال ملك الكبدة
كل سنة و انتي طيبة و سعيدة

انا لسة جاي من فيلم حين ميسرة و حاسس ان الدنيا كئيبة

حاسس ان حتى العيد مش كفاية يفرحنا
كل سنة وانتي طيبة
وبالف صحة وسلامة
كل عام و أنت بخير .. و أحييكى على هذه الإيجابية
‏قال دكتور حر
كل سنه وانتي طيبه يا قطه
وربنا يكرمك على الروح الجميله والمشروع الجميل ده

ويرزقنا واياك غفران الذنوب والآثام
وحج بيته الحرام

آمين
‏قال غير معرف…
قطه الصحراء الجميله

عيد سعيد ليكي و لكل اسرتك و تشكري ياجميل علي كل النصايح و الأقتراحات اللي قلتيها جميله فعلا و ياريت نعمل بيها

بعوده الايام و يارب يجعل كل ايامك اعياد و فرح

مع محبتي ياجميله
‏قال Layla
ياااه...ده انا بقالي كتير جدا مدخلتش هنا...في مواضيع كتير جدا اول مرة اشوفها

المهم...كل سنة وانتي طيبة وعيد سعيد...وربنا يتقبل من اختك ومن جميع المسلمين

:))
‏قال kafrawy
كل سنة و انت طيبة سعادتك
‏قال Desert cat
Sola
wenty tayeba ya 2mar o elsana el gaya t72a2y kol ma ttmny
ma7bty
‏قال Desert cat
اسكندراني اوي
وانت طيب استاذ اسكندرانى
اى خدمة المهم يكون عجبك
تحياتى
‏قال Desert cat
زعيم كمورا مورا
وانت طيب وبالف خير
خد الخروف ولا يهمك
ده عيد ياراجل مش تستاذن
تحياتى
‏قال Desert cat
Heart Beat
وانتى طيبة يا حبيبتى وكل اسرتك واحبائك بالف خير
محبتى
‏قال Desert cat
EmY
لالالالا وانا يهون عليا
تعالى خدى لخروف بتاعنا ميغلاش عليكى والعيدية لما اشوفك
محبتى يا قمرى
‏قال Desert cat
sally
اللهم أمين وانتى طيبة وبالف خير يا سالى
‏قال Desert cat
رئيس جمهوريه نفسى
وحضرتك طيب
ربنا يعيدها علينا وعلى حضرتك ان شاء الله
‏قال Desert cat
العراف
وانت طيب عيد ميلاد القطة لسه عليه شوية
تحياتى
‏قال Desert cat
ملك الكبدة
وانت طيب
بس ليه كدا ده العيد فرحة
كل سنة وانت واسرتك بالف خير
تحياتى
‏قال Desert cat
Gloomy Day's
وانتى طيبة وان شاء الله عيد سعيد عليكى وعلى كل احبائك
‏قال Desert cat
ابن حـجـر الـعـسـقـلانـى
وانت طيب وبالف خير
‏قال Desert cat
دكتور حر
اللهم آمين
كل سنة وانت طيب يا دكتور وبالف صحة
عيد سعيد وعلى اسرتك ان شاء الله
‏قال Desert cat
اجندا حمرا
ربنا يخليكى ليا يا قمرى
وكل سنة وانتى طيبة وبالف خير
وعيد سعيد عليكى وعلى كل محبينك
محبتى يا قمرى
‏قال Desert cat
Marvel
اللهم امين
كل سنة وانت طيب وبالف خير
تحياتى
‏قال Desert cat
كفراوى
وحضرتك طيب
كل سنة و انتي طيبة و تركزي في دبح الخروف بس و مش في أى حاجة تانية :)
‏قال Desert cat
مهندس مصري
وانت طيب
مش تخاف الحاجات التانية مش هتندبح دلوقتى
بس برضه انت معاهم
نياهاهاهاها
كل سنة وانت طيب يا بشمهندس عيد سعيد ان شاء الله
تحياتى
‏قال oceaneyes
كل سنة وانتى طيبة وكل عام وانتى بخير يا جميل

وربنا يكرمك ويوفقك ويجازيكى خيرا على انك بتذكرى الكل بالناس المحتاجة اللى فقدوا الامل فى ان فى حد ممكن يسأل عليهم

جزاكى الله كل خير

وما تنسيناش فى اللحمة بقا

:D



تحياتى يا جميل

:)
‏قال Desert cat
oceaneyes
وانتى طيبة يا جميل
وتعالى يا ستى وانا هأكلك الخروف كله
كل سنة وانتى بالف خير
عيد سعيد عليكى ان شاء الله
‏قال اسامة يس
كل عام وانت بخير .. وعيد سعيد عليك... وعلى الاهل والاحباب...

ودعوة جميله للخير... يارب نقدر ونتعاون على فعلها...
دمت بكل ود..
خالص تحياتي
‏قال Desert cat
osama
اشكرك جدا يا اسامه
وكل عام وانت بالف خير
عيد سعيد ان شاء الله
‏قال Unknown
كل سنه وانتى طيبه يا قطه
ويعود عليكى الايام بخير يارب
ان شاء الله فى الخطه احدى المشاريع اللى انتى قولتى عليها دى
يلا متكتريش من اللحمه
وابعتيلى طبق فته
‏قال فرنسا هانم
قطتى يا غاليه
كل سنه وانتى طيبه يا قمر
عيد سعيد عليكى وعلى الاسره
وعيد سعيد لاختك المقيمه فى السعوديه
انا سبت لك العيديه
على اول كمبيوتر على اليمين فى السييبر بتاعك
علشان جيت باليل وانتى قافله
دخلت ازاى؟؟؟؟؟؟
بالطفاشه
‏قال رحيق الحب
ربنا يكرمك ويسعدك يا رب وعيد سعيد ان شاء الله ويا رب تحققى كل اللى تتمنيه
‏قال Unknown
قطة الصحرا
كل سنة وانت طيبة وبخير وسعادة
ويارب السنة الجاية تكون اتحققت امالك
على فكرة، اقتراحاتك للناس حلوة اوي
كل سنة وانت أطيب وأطيب
أحمد
‏قال bota
كل سنه وانتي طيبه
ويارب يكون عيد سعيد عليكي
وربنا يكرمك على تفكيرك
‏قال Desert cat
لماضة
وانتى طيبة يا لماضة
عيد سعيد عليكى ان شاء الله
‏قال Desert cat
فرنسا هانم
فرنستنا القمر
كل سنة وانت الف خير
ربنا يتقبل دعائك يا جميل
بالنسبة للعيدية ملقتهاش
بس بعض الاشياء من السيبر تختفى دلوقتى بس عرفت السر اصل فى ناس معاها طفاشه وبتدخله بالليل
‏قال Desert cat
e7na said...
وانت طيب
‏قال Desert cat
يوميات عيل مصري
استاذ احمد كل سنة وحضرتك وسلمى وفداء وام سلمى بالف خير
عيد سعيد عليكو جميعا ان شاء الله
‏قال Desert cat
bota
كل سنة وانتى بالف خير
عيد سعيد ان شاء الله
مودتى
‏قال Desert cat
رحيق الحب
اللهم امين
كل سنة وانتى بالف خير

المشاركات الشائعة