موت وخراب ديار

الأحزان تخيم علي الفيوم والدقهلية والشرقية بعد استقبال ٢٢ جثة من ضحايا «الهجرة»

مش قادرة اتخيل المنظر واب وام بيودعو ابنهم بعد ما استلف من طوب الأرض علشان يدور على لقمة عيش نضيفه
وبعد كام يوم يروحوا يستقبلوه
بدل ما يرجع وهو مسدد الديون
بدل ما يرجع ياخد اهله بالاحضان
راجع لهم فى صندوق
والغريب اللى اتقال عليهم بعد ما ماتوا الموتة المهينة دى
فى النهاية هما اللى طماعين
كان بالفلوس اللى استلفها علشان يهاجر بيها فتح مشروع فى بلده
قال يعنى اللى فاتح مشروع فى بلده عارف يستريح
واكبر دليل اللى بيجرى لنا .....
تبقا قاعد فى المشروع بتاعك ايا كان وتلاقى واحد موظف ضرايب داخل عليك ...
خرج موظف الضرايب من هنا تلاقى بعده موظف المجلس عايز العشرة جنية رسوم النظافة بتاعه كل شهر
خرج موظف المجلس تلاقى موظف التامينات ... ويادوب قاعد علشان تدفع للحكومة وزى ميكون مستنيين بعض على اول الشارع ..... واحد خارج والتانى داخل .... واول ما حاجه تحصل فى البلد تلاقى الامن طابب عليك زى ميكون مجرم ومطلوب حالا للعدالة
وفى النهاية اللى بيدور على تحسين مستواه ولقمة عيش نضيفه يتقال عليه طماع
قلبى وجعنى اكتر ما هو موجوع
ربنا يصبر أهاليهم

تعليقات

‏قال ملك الكبدة
مبدئيا المفروض اخد جايزة اول تعليق
ثانيا مافيش داعي للزعل ولا حاجة
انا موش فاهم اهلهم زعلانين ليه
هما ما سمعوش فضيلة مفتي الديار المهلبية ولا ايه
زعلانين ليه دول عيالهم لا هما شهداء ولا حاجة
الشهداء هما اللي بيغرقوا في العبارات و يتحرقوا في قطارات
هي دي الشهادة اللي على حق
و طالما فضيلة المفتي قال نضرب بعرض الحائط الحديث الشريف الصحيح اللي قال الغريق شهيد
و رايي انهم الآن في ذمة ربهم فلنتركهم له و لندعو لاهليهم بالصبر
و ندعي لنفسنا نكون اسعد حظا منهم
و اللي ما وفقش منهم المرة دي يحاول تاني
على زيرة تسعمية فتاوي مهلبية
و حسبنا الله و نعم الوكيل
اسف للاطالة يا قطتي العزيزة
dear ( baladyati)...it is a general Pain we all feel 4 those ones ..they R from Us..our Brotheres...and their Lives and Suffer is a rub around our Nickes..and they R Victemes of the Big Thieves who stole every thing 4 their selves and their families..they stole even hope from us..
I share U the pain and wrote about It ,,if U can C what I wrote...
wish 4 more and more useful communication...take care.
والله انا صعبان عليا بجد شبابنا
عامل زى الطفل التايه اللى لا لاقى امه ولا ابوه

ولا لاقى حد حتى يمسك بايده

لكن هقول ايه بس حسبى الله ونعم الوكيل

وربنا يصبر اهالى الناس دى فعلا

تحياتى ليكيى بجد مدونتك حلوه اوى

بعد اذنك هضيفها عندى
رحم الله الاموات من شبابنا
وربنا يصبر اهليهم

ورحم الله الاحياء من شبابنا اللي قاعدين على القهاوي ليل ونهار
‏قال Coca
منظر مؤلم اوي زي كتير من المناظر اللي اصبحت وكانها شئ عادي
‏قال Esmat
حبيبتى منظر الاهالى فعلا يقطع القلب
ونفسى أعرف مسؤلين الدولة الكبار
وبارم ديله اللى ماسكنا من رقبتنا
مش بيشوف المناظر دى مش بيحس
الغريبة إن دولة تعبانة زى بلدنا بدل
ما إهتمامها ينصب على المشاريع الصغيرة وتسهيلها
على الناس وإعفاؤهم من الضرايب لفترة معينة حتى يحدث لهم الاستقرار فى مشاريعهم
لا الاهتمام بالمستثمرين الكبار والاعفاءات لهم والتسهيلات لهم
والاراضى تعطى لهم برخس التراب
أى دولة فى العالم بتعمل كده؟
دى دولة بلا نظام
أخدوا البلد لحسابهم
دولة رجال الأعمال والحرامية
أعاننا الله على ما نحن فيه
ونسأل الله أن يتغمدهم برحمته
ويصبر أهاليهم ويعوضم خير
أشكرك على بوست هو ملىء بالاحساس
ولكى تحياتى أيتها القطة الجميلة
‏قال فرنسا هانم
فرنسا هانم فى مقدمه التعليق
كده دخلنا التاريخ

ازيك يا اجدع بنوته
هما اخوانا البعده دول طالما عرفوا طريق يجيب فلوس مش هيسيبوكى فى حالك
اما عن ضحيا الهجره
دول ضحايا النظام بحاله
ضحايا الظلم
ضحايا النهب والسرقه
ضحايا الفساد

على فكره
انا فرحانه بيكى وبنشاطك
ربنا يزيدك
اموااااااه
‏قال فرنسا هانم
اااااااااااه
كنت ناسيه حكايه تسييف التعليق دى
يعنى ممكن ماكنش اول تعليق
على العموم
نمشيها اول تعليق وخلاص
‏قال احساس لسه حى
عزيزتى
معلش هبعته مره تانى احسن الاولانى يكون موصلش علشان اتاكد ويطمئن قلبى
عزيزتى
مشروع هيفتحه بالكام الف دول يا ستى انتا عارفه اقل مشروح بيكلف كام
وانتى شايفه الحاله يعنى ماشيه اوى ده دلوقتى اللى بيفتح مشروع يتمنا بس يخرجله مرتب بس متوسط
وانتى رديتى بعد المشروع هيلاحق على ايه ولا ايه وانتى فاتحه سيبر وعارفه ضريبه الملاهى وكل شويه حد ينطلك وكمان بتوع المصنقات يعنى حاجه تخنق
ومعلش هرد على تعليقك على فى الموضوع اللى فات
انا لما قولت ان الكبار والصغيرين اختلفوا كنت بقارن باللى عمرهم ما اختلفوا علشان مصالحهم والخلاف ين الناس مش معناه انهم وحشين ولو على كلامك كان الخلاف بين الصحابه اللى ادى لحرب كان خلاف بين ناس مش كويسه
وانا لما قولت على موضوع الناس اللى روحتى وراهم قولت ده شئ يخصك وملهوش دعوى بارائك
فيهم اللى اغنى من عز وبهجت وبقيت اغنياء مصر كويس والله اما مش بيسرقونا زيهم ليه فى مشاريع حديد موبيلات وعبارات وخلافوا مسمعتش يعنى
طول عمرى مش حاطط غمامه على عينى خدى بالك وعمرى ما بعمل 60%من موضوعاتى عن ناس ومعملش حتى20% عن ناس اوسخ منهم وبيعملوا العن منهم
وكل اللى بتقوليه من اول8% الى اجبارى مكش عارف يعنى لما ينضم يقولوا لازم تدفعهم خلاص لو قالوا كده ما ينضمش ليهم ويوفر احسن هى دى مشكله بس لو بدفع وراضى ايه مزعلك بقه وعن موضوع المعارض اللى الناس كانت سعيده بيها هو حرام كانت بيجيب بضاعه فاسده بيبحها فى المعارض يعنى ولا ايهمش فاهم ايه الاعتراض كان بينصب فى المعارض دى بصراحه انا اعرف مهندسين كتير واطباء ومكنش فى احسن من معارضهم ولا بس مشكلتك انه اخوان لازم يكون حزب وطنى
لما تيجى تتكلمى عن حاجه زى دى قولى مش انهم اخوان انهم كانوا بيسرقوا فى الاسعار ممكن بيبيعوا حاجه مش كويسه مقبول وكمان كويس انك عارفه ان فى دعم خفى بس بدل عارفه ازاى يبقا خفى
شوفى لو بياخدوا دعم كويس يبقا مش بيسرقوا من الشعب علشان اللى يسرق من الشعب مش هيحتاج دعم من الخارج بلدنا مليان خير وعن موضوع حادث المنشيه يبقا نفسى تقرى عنه كويس وتشوفى اتحكم بعدام كام واحد ومحدش اساسا مات فى حادث المنشيه
وكويس انك عارفه انهم هربوا من بطش عبد الناصر وشوفى اتعمل فيهم ايه
اما موضوع توظيف الاموال والحورات دى مش هخش فيها لانه كبير اوى
وكافيه انك فاهمه ان الدوله تدخلت لما فطنت للمخالفات دى يبين ان معلومات جيبها من الافلام والجرايد الحكوميه
الحكومه فطنت للمخالفات
دى فى ناس بتدعى على اليوم الى فطنت فيه الحكومه للمخالات دى وكانت صبرت سنتين تلاته كانت فلوسهم مرحتش كلها
ومش عارف انا سالت اساله رديت على بحاجه تانى
اقولك العباره واللى قتل الف انسان تقوليلى حادث المنشيه ناقص تقوليلى الحمله الفرنسيه كمان
شوفى رقم واحد
انا كلامى كان محدد انتى مع المحاكم العسكريه اه يا لا
لو معاها قولى مين غير الاخوان يستهلها لو مش معاها قولى ده ظلم
رقم اتنين
بتتكلمى عن همجيه طلاب يعنى رائيك اعتقالهم صح ولا غلط
رقم تلاته
الاخوان فيهم الغنى والفقير زى كل الشعب ولا لو انضميت للاخوان هبقا غنى لو كده ابعتيلى بطاقه العضويه وكمان لكل انسان بدل السفر والشحططه
رقم اربعه
فى تعليقك مجبتيش سريت فساد خالص زى ما جبتى سريت فساد الاخوان هو فساد البلد جى من الاخوان بس ولا ايه
رقم اربعه
انتى حاطه الاخوان فى دماغك ليه كده لو هما فاسدين اتكلمى برضوا على الفساد التانى علشان احس بعادله فى طرحك للموضوع ومحسش انك بس موجهه نفسك لانتقاد فريق واللى بيعمل كده يبقا هو اللى مركب غمامه على عينيه
خامسا اخر شئ
انا مش معترض انك تهجمى اى حد برحتك بس حولى متظلميش حد وترمى العطل بالباطل علشان هقولك فى الجزيره سأل المذيع احمد منصور عبد اللطيف بغدادى
قاله الناس اللى اتعدموا فى حادث المشية عارفه كام 8 قاله 8افراد ينعدموا ومفيش حد مات
انتى شايفه ده عدل سؤال ليكى مباشر شايفه عدل لو هناس منهم عملوا كده عدل 8ينعدموا غير اللى اتسجنوا من ردك انشاء الله هعرف شخصيتك اكتر
وده لينكات فيها موضوعات عن حادث المنشيه يمكن الصوره توضحلك اكتر
http://www.islamonline.net/Arabic/karadawy/2002/11/article05.SHTML
وده كمان
http://www.daawa-info.net/Printbooks1.php?id=4024&bn=161&page=29
وفى كتير لو حبيتى
قبل ما تعلقى اقرى علشان تفهمى اكتر
والعين بالعين والسن بالسن
ده العدل اظن
سلام
‏قال الربان
تحياتي

الهجرة غير الشرعية ستستمر طالما لا يوجد
خطة كاملة شاملة تتعاون فيها كافة الجهات المعنية...بدأ من الاسرة و انتهاءً بالدولة...

أهتم المحافظون في محافظاتهم بالعمل و التعامل مع الكبار و المستثمرين...
و تاه الصغار من القوم و خرجوا من دائرة الإهتمام...

لماذا لا يوجد في كل مجلس مدينة من يقوم بمساعدة الشباب في إنشاء صناعات صغيرة
مثل طباعة المنسوجات...السجاد اليدوي
تصنيع المسامير ...و فازات الفخار...
وخلافه...

لماذا لا يوجد برنامج محدد للشباب و تنمية افكارهم و مواهبهم و قدراتهم
في كل حزب من الاحزاب...

لماذا لا يتكاتف أهل كل حي في إنشاء مشروع صغير...حتي لصيانه مساكنهم هم
أو فرن يقدم لهم خبزا نظيفا صالح للاكل.

هناك الكثير مما يمكن عمله و يستوعب طاقة الشباب....لكن هناك تكاسل شديد
و تجاهل أشد من قبل المجتمع و الحكومة.


تحياتي و تقديري
‏قال Desert cat
ملك الكبدة
طبعا طبعا
مبدئيا الجايزة شكولاتيه كادبورى حتوصلك حالا على اى عنوان انت موجود فيه
معلشى الاهالى زعلانين شوية بس اصلهم خلفوا وربوا وعلموا وكبروا وفى الاخر كل اللى حصل ان عيالهم غرقوا فى البحر
انا موافقاك انهم ملهومش حق يزعلوا ولا يتضايقوا على الاقل استريحوا
الدور والباقى علينا مش عارفين حيجرى لنا ايه
ثم اطالة ايه اللى بتعتذر عليه ياباشا
المدونة مدونتك تحت امرك
‏قال Desert cat
a Dreamer with feet on the Floor
Dear unfortunately we useless in a very difficult days
Everyone Bihawwal escape death from hunger death in the Deep Sea
God's mercy and Erhmanm
Regards
‏قال Desert cat
حبة حاجات (ايمان
حبيبتى لو فضل الشباب فى البلد شبح البطالة بيطارده
ولو هاجر الموت منتظرة
لنا الله
طبعا انا يشرفنى انك تضيفى مدونتى

دمتى بكل ود
‏قال Desert cat
coca
تقريبا خلاص اتعودنا يا كوكوا
ربنا يبعد عنك كل آلام
محبتى
‏قال Desert cat
Esmat
لاء بيشوفوها بس الظاهر المناظر دى بتعجبهم اكتر
وبعدين ضرايب ايه يا قلبى اللى عايزاهم يعفونا منها
ده لما طلعوا لنا موضوع الاقرار الضريبى وبقينا بنروح نعمله فى شهر 3 من كل سنة صعب عليهم باقى السنة تعدى كدا من غير ما ياخدوا منا فلوس يعنى ندفع فلوس مرة واحده بس فى السنة وعلى النشاط ده حتى ميصحش
لاقيت جواب جايلى من الضرايب من اسبوعين قال ايه عايزين ضرايب على يافطة
واليافطة دى اصلا زى قلتها والله ولا بنورها ولا حتى بفكر انضفها .. من يوم ما اتعلقت على السيبر هى بالمنظر بتاعها ده وياريتها كبيرة كمان
وانا دلوقتى فى انتظار ضرايب على الرصيف اللى قدام السيبر وبعدين ضرايب على التراب اللى فى الشارع هو انا مش بدوس عليه برضه ... يعنى المفروض ادفع له ضرايب
والله حاجه تجيب احباط
ربنا يرحمنا برحمته الواسعه
واسفه على الاخبار الوحشة دى
كل احترامى وتقديرى لشخصك الكريم
‏قال Desert cat
فرنسا هانم
يا الف اهلا وسهلا باحلى ناس
انا كويسة يا حبيبتى المهم انتى يارب تكونى بخير
بالنسبة لاخواتنا البعده دول
فهيهات للشعب اللى بيشتغل يبقا فى جيبه فلوس
دول بيتفننوا يا حبيبتى فى سحب الفلوس مننا وكان شغلنا وتعبنا حرام علينا نستنتع بيهم ... كل شوية ادفعى تحت اى بند بئه
وانا فرحانه علشان انتى فرحانه
محبتى
‏قال Desert cat
احساس لسه حى
وهو ياباشا على قد ضريبة الملاهى ولا بتوع المصنفات
ده ضرايب الاموال العامة كمان + مجلس الدينة اللى هو اصلا مش معترف بالترخيص بتاعك بيقولك انت مش ليك عندنا حاجه اسمها ترخيص
بالنسبة للموضوع اللى فات
فا احمد عز فلوسه معروفة من تجارة الحديد وبهجت مش ضرب حد على ايده علشان يروح يشترى موبايل ... ويتمنظر بيه وهو فى الاساس مش لاقى ياكل
انما واحد زى خيرت الشاطر كل لما يصادروا امواله يتجمع عنده ملايين بسرعه البرق منين وازاى .... ده لو وارث الابعدية كان زمانها خلصت من زمان
بالنسبة للمعارض اللى بيقموها فده تمويلها اخوان بالنسبة لاكياس الدم الفاسدة فاصحابها دولقتى فين مش فى السجن الظاهر شكلك مش متابع ... ما علينا
واشمعنا موضوع توظيف الاموال اللى مش عايز تخش فيه .... علشان عارفه مبنى على السرقه والنهب ولا علشان مش عندك المعلومات الكافيه عنه ... فى كل الحالات بتناقض نفسك ...
موضوع اللى بيدفع 8% إجبارى علشان عارف ان بعد كدا حياخدهم اضعاف مضاعفه ... ولا تناسيت الدعم الخارجى ....
بالنسبة لحادث المنشية ما زلت عند كلامى محتاج تقرى شوية ابعت اخوك الصغير يشترى لك كام كتاب وعلم نفسك بنفسك مش عيب ...
ثم ان مش من حقك تقولى معترض تهاجمى او مش معترض علشان تقولى انا م معترض انك تهاجمى .. مش قولت لك قبل كدا كل واحد حر فى بيته يرتبه بمزاجه ... ويلونه اللون اللى يحبه فى حاله دخول ضيف قليل حتكون مقابلته سيئة ... يبقا مش تدى نفسك حق انا مش اديته لك ........
ورايح جايب لى مواضيع من موقع الاخوان علشان اقراها
ههههههههههههههههههههه
مش بقول شر البلية ما يضحك
واحد رامى حيبقول ايه غير انه يسقف للحرامية
وهكذا الارهابى هيعمل ايه غير انه يمجد فى الارهاب تحت شعار الدين
شوية حاجات كمان يمكن تعرف تستفاد
أنشأحسن مالك شركة تهدف إلى استيراد الأثاث من تركيا أطلق عليها اسم «شركة استقبال» حتى أصبح وكيل الجانب التركى فى مصر ويتم من خلالها غسل أموال الإخوان فى عمليات استيراد وتصدير مشروعة
ها واخد لى بالك من موضوع غسيل الاموال ده .. ولا عامل شريطة سوده
وقام أيضا عدد كبير من رجال الأعمال الإخوانيين إلى الاتجاه لليابان، حيث استثمروا جزءا من أموال الجماعة عن طريق شراء آلاف الأسهم فى إحدى الشركات الكبرى المتخصصة فى السيارات والأجهزة الكهربائية فى نفس الوقت. بعدها وجد الإخوان أن الاستثمار فى مجال السيارات يدر ربحا طائلا،

** وفى كوريا جهوا جزءا كبيرا من أموالهم لشراء أسهم من شركة «دايو» الكورية، وأوعز بعض رجال الأعمال من الجماعة المحظورة باستثمار أموالهم عبر وسطاء من «إخوان الأردن» بشراء عدد كبير من أسهم شركة دايو أثناء تعرض الشركة لأزمة مالية طاحنة فى منتصف التسعينيات ، وكانت على وشك الإفلاس وبيعها لشركة أخرى حتى تدخل إخوان الأردن بأموال إخوان مصر. يقدر إجمالى استثمارات الإخوان والأموال التى يتم ضخها فى هذه المشروعات بما يوازى 100 مليون دولار،

ومنذ سنوات أعلن الإخوان أن أموالهم فى بنوك عالمية مثل سوسيتيه جنرال وبارى باهى بفرنسا، والمفاجأة أن أصحاب هذه البنوك من اليهود!! معظم أموال الإخوان سواء الجماعة المحظورة فى مصر أو التنظيم العالمى مودعة فى بنوك غير إسلامية، أما بنك التقوى فى جزر الباهاما فلم يعد هو الوحيد الذى يتعامل معه الإخوان

هذه الأموال التى لا يمكن حصر نشاطها أو معرفة مقدارها يتم تمريرها من الخارج مباشرة، بحيث تسدد حصة من كل أعضاء العالم لدعم التنظيم الأم فى مصر، ويتم ترحيلها مباشرة إلى أوجه الاستثمارات فى الخارج، وبالتحديد فى عواصم المال الذى يتم فيها غسل مال الإخوان، وهى دبى وقطر وكوريا واليابان، كما أن هناك فروعا للتنظيم معفاة من دفع الحصة المقررة عليها فى الدول الفقيرة فى أفريقيا وتتحمل الدول الغنية دفع الحصة عنهم.

وأخيراً يمكن القول على أنه هناك علاقة خفية بين الجماعة فى مصر وإخوان أمريكا خوفا على التنظيم الأمريكى من أن يفتضح أمره، رغم أنه تنظيم مشهور وعالمى عبر مؤسستين هما «ماس Mas» وهى المؤسسة الشرعية الممثلة لجماعة الإخوان هناك، ومؤسسة الشباب المسلم وهذه العلاقة متمثلة فى أنهما تدفعا اشتراكها السنوى فى التنظيم العالمى، بالإضافة إلى المساعدات المالية بين كل فترة لجماعة الإخوان فى مصر.

** تبرعات بالملايين من رجال الأعمال للأخوان المسلمين وهم رجل الأعمال صفوان ثابت صاحب شركات جهينة وهو صهر المستشار مأمون الهضيبى، وكذلك عبدالمنعم سعودى وآل سعودى رئيس اتحاد الصناعات السابق وصاحب توكيل شركة نيسان للسيارات فى مصر وآل الحداد أشهر المستثمرين فى مجال مستلزمات مواد البناء وكل ما هو عقارى وأحد الشركاء الرئيسيين فى معرض «إنتربيلد» الذى يقام سنويا فى أرض المعارض لمستلزمات البناء الحديث وغيرهم من رجال الأعمال داعمى الجماعة المحظورة.

** خيرت الشاطر وحسن حتى أصبحا شريكين هو صاحب رأس المال والشاطر يدير الشركة التى أطلقوا عليها اسم «سلسبيل» حتى تم إلقاء القبض عليهم فى القضية المعروفة باسم الشركة، ومن بعدها أبعد الإخوان حسن مالك عن أية مسئولية تنظيمية وجعلوه متفرغا للمشروعات الاقتصادية والصفقات الرابحة.
على فكرة لو مش فاهم الكلام ده
كرره مرة واتيني وتلاته
وركز فيه كوس زى مبيقولوا التكرار بيعلم الشطار
وانت شطوووووورة
‏قال Desert cat
الربان
استاذى الفاضل
بالنسبة لنا كشباب بنحاول
لكن لاسف الحكومة بتجهد مشارينا وهى لسه بذرة فى مهب الريح
مش محتاجين دعم مادى
محتاجين انهم يسيبونا فى حالنا
الشباب عندهم افكار
لكن كل واحد خايف
حفتح مشورع النهارده
من الصبح حلاقى ضرايب على تامينات على اموال عامة على رسوم نظافة على اى اختراع لسحب الفلوس اولاً بأول
انا طول الشهر بتعب وبشقى علشان الحكومة تاخدها من جيبى تحت اى بند
شرفنى جدا تواجدك وسعيدة برأيك
احترامى وتقديرى
‏قال truelove
والله قلبي وجعني يابنتي عليهم فعلا وعلى الفتوى الاخيرة دي بصفة خاصة ربنا يصبر اهلهم يعني لو كانت فتوي ناصفة مكنتش هتهدي فجيعة اهلهم شويا
‏قال Desert cat
truelove
ما هى فعلا حادثة بشعه يقشعر لها الابدان
حبيبتى ربنا يبعد عنك كل آلام
وعلى كل العالمين
تحياتى
حبيبتى الغالية
أن نكبة فقدان الأبن وقانا اللة شرها لا تدانيها حرقة ولوعة فعلا صبر اللة اهاليهم ولا تتصورى كم من الشباب على استعداد بالفعل للموت هربا من الفقر والأم نظرات الأخرين والأحساس بالفشل وقد تحادثت مرة مع سائق خاض التجربة وصرف 150 الف جنية ليحاول السفر لأيطاليا خمس مرات عن طريق البحر وباع أرضة وأفلس أخوتة وهو فقط مازال يتمنى الهروب وعندما ناقشتة وجدتة ناقما على الحياة ورافضا بلدة ولو أستطاع لجرب مرات ومرات وتمنى الموت بدلا من الحياة بمصر أهو بالفعل طمع أم قرف أم زهد من تعب الحياة أم أحساس بالظلم الطبقى ألأمر يحتاج لدراسة بالفعل رحمهم اللة وأعاننا على الحياة ومافى بلدنا من مبكيات
تحياتى
‏قال oceaneyes
حسبى الله على كل ظالم

عشان الفلوس شباب زى الورد بيموتوا كل شوية ...لمجرد انهم مقتنعين وعارفين ان مالهمش مكان فى بلدهم

بلدهم بتطردهم اصلا
ومش عايزاهم ولا عايزة تحتويهم ...هايقعدوا فيها ليه
؟؟؟؟
....

وبأى حق اصلا يتقال عنهم انهم طماعين ...

بجد الظلم وحش

حسبى الله

ده دلوقتى لو سألنا اى شاب ناوى على ايه بعد ما تتخرج ؟
او حتى لو سألوه ايه هو الحلم اللى نفسك تحققه ؟

هايجاوب نفس الاجابة

"اهاجر من البلد دى "

....

ربنا يكون فى عون اهاليهم

والله يرحمهم جميعا
عزيزتى الغاليه
اول شئ انا حددت نقط 1و2و3و4و5
علشان الكلام ما يتهوش وتقولى كلام برا اسئلتى بس انتى بتركزى فى حوار معين وتسيبى كلامى كله
اول شئ ابعتيلى اى موقع مش بيفرق معايا موقع اخوان حكومه يهود المهم المعلومه ولا انتى ليكى مصادر بس ممكن تخدى منها حتى لو معلومه غلط
وكمان الحرامى مش هو اللى يسرق بس من جيبك اللى بيرشى حرامى اللى يحتكر حرامى اللى يلعب بقوت الشعب حرامى
والظاهر انك بس بتعرفى اخبار اموال الاخوان بس ومتعرفيش ثروات غيرهم بتتضغم باى شكل
ومش عارف مره تقولى بيتبرعوا ومره بتقولى بيستفادوا حددى هما بيتبرعوا ولا بينهبوا علشان افهم
انا عماله تجيبى شركات واستثمارات مع شركات اجنيه وعالميه مش عارف انتى معاكى الحسابات دى وعارفه انهم بيسرقوا
يا ريت تبعتيلى مصادرك اللى بتجيبى منهم الاخبار حتى لو كانت من المريخ اعرفها مش مشكله عندى
شوفى انا عاوزك تركزى فى كل كلامى وانا بصراحه لو على كلامك حراميه حتى انا بسالك محاكم عسكريبه رائيك ايه لعاشرمره تجوبى مصادر الاموال وكلام تانى
نفسى متخلنيش اكرر كلامى تانى وتجوبى على من اولا انك بتتكلمى عن ناس لو حرميه ونصابين ليه بتتكلمى عليهم هما لوحدهم وسايبه الباقيين لاخر سؤال بخصوص اعدام 8 فى حادث المنشيه ومفيش حد مات فيه
وياريت تقرى عن محاكمه الاخوان من مصراوى ولا هو ده كمان موقع اخوانى
فضايح فى محاكمتهم
مستنى ردك وليه طلب اى معلومه تقوليها احب اعرف مصادرها سواء كاتب او موقع علشان افهمك اكتر
وكلنا انا وانتى عاوزين نفهم وبس مش اكتر ولا انتى رائيك ايه
متنسيش كلامى محدد معاكى مش بتوهك من اولا لحد شنق الثمانيه
وانا جبتلك مصادر من الاخوان فى حادث المنسيه احب اشوف مصادرك ايه اللى بتبنى عليها حكمك على الاشياء
تحياتى وبلاش يا قمر علشان متزعليش
سلام
‏قال الربان
تحياتي

فعلا موضوع يحزن ... لكن لا نقول الا لاحول و لا قوة الا بالله العلي العظيم

و أشكرك علي كتابتك في هذا الموضوع لان الكتابة فيه و بعض الفقرات الخاصة عنه
في بعض برامج الفضائيات حركت الحكومة لبحث الامر.

يقيني ان الموضوع يهم الوطن لانه موضوع امن قومي ...لان الامن القومي يعتمد في الاساس علي الانتماء و الولاء لهذا الوطن.

تحياتي
‏قال (green eyes)
مش عارفة اعلق واقول ايه
بجد حاجة تحزن . لا شهدات نافع ولا كورسات نافعة ولا مشاريع حرة نافعة . الحاجة الوحيدة اللي نافعة الكوسة والوسطة طبعا
حسبي الله ونعم الوكيل وطبعا انتي عارفة في مين !!!
ربنا يصبر اهاليهم وانا لله وانا الية راجعون
‏قال Desert cat
كلاكيت تانى وتانى
مش السوا لوحده اللى عايز يهرب
الشعب كله عايز يهرب من البلد
مفيش حد مستريح كل واحد كل واحد طالع له كابوس وكل واحد الف عين بتبص له فى لقمة عيشه والف ايد بتتمد علشان تسحب الفلوس من جيبه
كان حرام عليه يصرف على نفسه جنيه واحد من تعبه وشقاه اللى يجى يصرفه على الحكومة
يبقا حيقعد هنا يعمل ايه
لنا الله
‏قال Desert cat
oceaneyes
ما هو علشان يا حبيبتى مش لاقى نفسه فى البلد دى البلد بتاخد منه مش بتديله
كل تحياتى
‏قال Desert cat
الربان
بالفعل لو احنا عايشين فى سلام مع نفسنا
مش خايفين من هدم المشروع قبل بناءه .. كنا اقتصاديا بقينا افضل وقدرنا نستثمر عقول شبابنا بدل ما نضيعهم فى قاع البحار
لكن
اشكر حضرتك جدا
احترامى وتقديرى
‏قال Desert cat
(green eyes)
فعلا زى ما ذكرتى
تخيلى نفسك رايحه تخلصى ورقة ولااى حاجه تلاقى اللى بيفتح لك الدرج علشان تحطى له اللى فيه النصيب
مبقاش فى لا ضمير ولا اخلاق
الناس مبقاش قدامهما حل غير انها تهرب حتى لو حترجع فى صندوق
المهم انها تهرب وخلاص
ربنا يرحمهم
ويرحمنا
مودتى
‏قال Desert cat
احساس برضوا حى
لا حول ولا قوة الا بالله
ما هو يا اما انت مش عارف انت بتقول ايه ودى محتاج انك تركز يا اما انت مش فاهم انت عايز ايه وفى الحالة دى تبقا تراجع دكتور نفسانى
لو راجعت ردود حضرتك حتلاقى نفسك كنت بتجادل فى موضوع مصادر امولهم واللى هى يا عينى من عرقهم وشقاهم وتعبهم .... ولما وضحت لسيادتك مصادرها منين ضربت مثال با احمد عز اللى كلنا عارفين ان مصادر امواله من تجارة الحديد
انما واحد زى الشاطر اللى كل لما يصادروا امواله بيجمع ملايين تانية منييييييييييييين
بالنسبة لموضوع المنشية اللى انت عمال تعيد وتزيد فيه لو مش قادر تفهمه فى دكاتره بيعالجوا قصور الفهم
بالنسبة لمصادرك اللى انت فرحان بيها انا مفكرتش افتحها لانها مصادر لناس همج وارهابيين ومتطرفين وحرامية ونصابين ومفيش حرامى بيصور نفسه غير ملاك ويحلل السرقه وكونك مقتنع بيها ده ميخصنيش ... اما عن مصادرى
فاللى يخليك تدور عن مصادر الارهابيين يخليك تدور عن مصادرى بس علشان انا عاذراك فى قصور الفهم اللى عندك حقولك ان مصادرى من جريدة الشرق الاوسط ومن جريدة الحياة مش بتعرف تقرا جرايد ....
تقدر تدور فى مواقع النت حتلاقي برضه
بالنسبة لنقطة المحاكم العسكرية اللى جاوبتها قبل كدا
بس انت بتفهم كلام وكلام تانى لاء
اتفضل اقرا الكلام ده
ولو اكتر من استيعاب فهمك تبقا دى مشكلة خلقية لا دخل لبشر فيها
أعلن المرشد العام للإخوان المسلمين الشيخ "مهدي عاكف" أنه جاهز بعشرة آلاف جندي لارسالهم إلي فلسطين أو لبنان للحرب .
مرحبا بالجهاد يا شيخ عاكف.. لكن اسمح لي أن أطرح عليك بعض الأسئلة التي تطرق رأسي بعنف ولا أجد لها تفسيرا.. هل هؤلاء الجنود الذين دربتهم وسلحتهم من أعضاء جماعة الإخوان المحظورة؟ وإذا كانوا كذلك ألا يعني هذا أن للجماعة جناحا عسكريا مجهزا ومدربا جيدا للقتال؟ وإذا كان هذا حقيقياً فأين تدرب هؤلاء؟ وهل هناك خبراء عسكريون يشرفون علي التدريب؟ وهل هؤلاء الخبراء مصريون؟ طبعا يستحيل أن يكونوا من العسكريين المصريين السابقين. والأكثر احتمالا أن يكونوا من العائدين من أفغانستان. أو من معسكرات تدريب أسامة بن لادن في السودان؟؟! وهل انقلبت جماعتك إلي جماعة "مسلحة". بدلا من كونها جماعة "محظورة"؟
وإذا كنت قد جهزت هؤلاء وسلحتهم علي أرض مصر. وفي معسكرات أقمتها علي أرض مصرية. فكما تعلم فإن هذا خروج عن القانون؟ ليس هذا فقط بل أنك تكون خرجت عن مبادئك التي ترددها علينا صباحا ومساء. وهي أن "جماعتك" حزب مدني. وليس دينيا.
ارهابيين ومتطرفين
عايزهم يتحاكموا فين
مش بقولك قبل كدا اقرا
علشان تتنور
ولما تبئه تفكر تكتب رد عندى يبقا ما تناقضش نفسك وتنسى كلامك

ايه هتروح تكتب بوست طول بعرض تبدأه باغنية من قبيل كتاب حياتى يا عين وبعدين تجيب ردودى وردودك زى ما عملت مع ايمى
الظاهر ان ده تعود
‏قال Desert cat
فرنسا هانم
يا حبيبتى انا هعتبره اول تعليق
المدونة كلها تحت امرك
‏قال Desert cat
اسكندراني اوي
رحم الله الاموات من الشباب
ورحم الله الاحياء من قعدة القهاوى
ورحم الله اصحاب المشاريع من اى استغلال تحت مسمى القانون
تحياتى
‏قال غير معرف…
انا بجد نفسى اعرف دماغ البنى ادمين المصرين شغاله ازاى
يالهوى على دماغتهم قفلينها بجنازير ومحوطنها باسمنت مسلح
ايهع العالم دى يعنى الواحد عشان يسافر يبيع امه واوبه الى حلتهم ويستلف ويداين اهله عشان يجمعله العشرين او التلاتين الف اهيف الى حيسفروه وكل دة عشان يورح يشتغل خدام فى بلد ولا بتحترم الى شبه ولا عايزاهم اساسا دة غير انه حيعيش ولا الى عامل عامله سو دة و مهببه وحيبقى عايش على اعصابه لحسن الحكومه تعرف
انه معهوش اقامه وترحله او حتى ممكن

كمان يقولوا عليه ارهابى مهو عربى
المصيبه ان الواحد من دول بيبقى قبل ميسافر بيبقى عارف كدةكويس
ومع ذلك بيسافر والمصيبه انه مبيوصلش اساسا يعنى هو نص الطريق وارمى نفسك يامعلم فى الميه وانتا وشطرتك بقى لتوصل لتتاكل من السمك
مع ان الواحد لو لو فكر شويه واتصرف فى العشرين الف اهيف دول وعمله بيهم مشروع صغنن ومحندق فى بلده حيعيش مبسوط وسعيد ومحدش حخيقوله رايح فين او جاى منين
بس نقول ايه بقى غباء المصري الذى لا يتوقف
ياله
ربنا يصبر اهلهم
لانى مش زعلان غير
عليهم يعنى مش كفايه ان ابنهم مات
لا وكمان تلاقيه سيبلهم ديون متلتله
يعنى بالعربى موت وخراب ديار
لا حول ولا قوة الا بالله
‏قال Desert cat
Anonymous
اله يرحمهم ويصبر اهاليهم ويسدد ما عليهم

المشاركات الشائعة