اسلام اتسجن يا جدعان



اسلام نبيه الظابط اللى عذب وهتك عرض عماد الكبير طبعا محدش ناسيه

كان الحكم فى قضية النهارده

واخد3سنين فى عين العدو ما شاء الله كدا علشان يبقا عبرة لمن يعتبر ان شاء الله برضه

الخبر من مصراوى

دوام الحال من المحال
من اسلام بيه الظابط الحليوة اللى يامر فيطاع
لمذنب
مبروك لعماد الكبير

تعليقات

‏قال shahy
الف مبروك
خبر مفرح جدا
لما اروح اشوف نوارة كاتبة اية

شكرا يا قطة
‏قال غير معرف…
انا كنت متابع القضيه لحظه بلحظه بس معرفتش الخبر غير من هنا ويمكن الى شاف الكليب بتاع التعذيب والى حصل لعماد الكبير يعرف انى الحكم رغم قسوته الا انه مخفف فى حق اسلام بيه
ايوة فعلا انا لسة سامع الخبر من شوية
وبصراحة رفع من روحي المعنوية شوية
اول مرة من فترة كبيرة حاجة تسعدنى كدة
فعلا الخبر دة رجع ايمانى فى الحق والعدل
بجد مبروك علينا كلنا
‏قال الربان
قطة الصحراء

تحياتي...

اللهم لا شماته...و رغم كل شيء ندعوا الله له و لامين الشرطة ان يخفف الله عنهما.

و قد يرجعا الي الله و يندما علي ما اقترفته يداهما.

و هذه عظه لنا جميعا... الا نأذي الاخرين بقول او عمل...او نقذف المحصنات الغافلات.... لان الله عزيز ذو انتقام...و يمهل و لا يهمل.

ياريت لو كل واحد منا أذي أخر في مشاعره او بدنه ...ان يطلب منه العفو قبل ان يأتي يوم توف فيه كل نفس عملها.

تحياتي
‏قال Desert cat
shahy
العفو يا جميل
‏قال Desert cat
رئيس جمهوريه نفسى
ربك يمهل ولا يهمل
تحياتى
‏قال Desert cat
آلام وآمال
الحمد لله
علشان كل واحد يعرف حدوده فين

تحياتى
‏قال Desert cat
simple girl.. ..simple dream
انا كمان اول مرة احس ان فى كلمة اسمها عدل فى بلدنا
تحياتى
‏قال Desert cat
الربان
احنا مش شمتانين فيه
احنا فرحانين ان حصل عدل
عماد الولد الغلبان يجى ايه فى اسلام نبيه ظابط الشرطة وابن مدير الامن
بس الحمد لله
ربنا كبير
تحياتى
‏قال oceaneyes
مع ان الخبر ده مش حلو خالص من ناحية ان البلد ماعدش فيها امان ...حتى اللى المفروض يحسسوا الشعب بالامان ما حدش بيأمن ليهم بعد الحادثة دى

....

بس برده خبر حلو ان لسة فى عدل ولو شوية

الف مبروك بجد لعماد

....
‏قال Desert cat
oceaneyes
اه الحمد لله
ان فى عدل فى البلد
تحياتى
‏قال غير معرف…
الغاليه قطه الصحراء

شوفي ياقطه انا شايفه ان ظابط زي اسلام ضحيه من الضحايا برضه و حقولك ليه عشان هو اتعلم انه يعمل كده في الي قدامه عشان يطلع منه اعتراف حتي علي حاجه هو ماعملهاش
تفتكري فيه اسلام نبيه واحد في مصر؟ماعتقدتش انا شايفه ان فيه كتير زي اسلام نبيه دي و هو اتاخد كبش فدا للي زيه عشان يهدوا الرأي العام بس صدقيني اكيد فيه بلاوي كتيره بتحصل زي للي عملها اسلام بس مش بيتحكي عنها مش ببرر اللي عمله اسلام بس بقولك ان هو ده بالظبط اللي اي واحد في مكانه بيعمله و الي بيقول غير كده يبقي بيضحك علي روحه
مرسي لي اثاره الموضوع المهم ده و الف مبروك لعماد الكبير
‏قال Desert cat
اجندا حمرا
انا معاكى يا اجندة
متفقة معاكى فى الراى
ولما جيت اتكلم فى حاجه زى كدا
اتقال عليا تبع الامن
على العموم ربنا يهدى الجميع
خالص تحياتى

المشاركات الشائعة