اهداء الى شقاوة شعب

من فترة ليست بالقريبة جه شخص عندى السيبر يكتب شكوى لوزير الداخلية
عادى جدا فى ناس كتير بتكتب شكاوى ولاى مسؤل فى الدولة
بس مضمون الشكوى هنا كان كأنه أحداث فيلم ... تسلط وانتقام
الشخص ده راجل فى بداية الاربعينات على ما اعتقد وكان معاه واحد صاحبة
بدأت اكتب الشكوى للسيد وزير الداخلية واللى تتمضن
ان هذا الشخص كان منتمى لجماعة الاخوان المسلمين
وماطولش معاهم ... لكن ازاى الراجل ده ينفصل عنهم هو دخول الحمام زى خروجه برضه
بدأت تتوالى عليه التهديدات ... وضرب بيها عرض الحائط ...
قاموا بالوقيعه بينه وبين اهله وكان جزاؤه ان اهله قاطعوه
برضه رفض الرجوع
ابنه عنده 12سنة خبطته عربية ورجله اتكسرت عادى بئه حادثة قضاء وقدر
وفى داهيه الواد ورجله المهم ابوه يرجع
برضه الراجل شكله دماغه ناشفه ومرجعش
دلوقتى الراجل مرفوع عليه ايصالات امانة بمبلغ قيمته ثلاثين الف جنيه
وهو بيحلف 100يمين انه بيحتكم على تلاتين جنيه بالعافية
الشكوى مليانة كل ما لذ وطاب ...
ولما قولت للراجل انت ممكن تطعن فى التوقيع بتاعك وترفع عليهم قضية تزوير قالى طعنت
وكل شوية الاقى محامى الاخوان رافع عليا قضية شكل لما زهقت وولاد الحلال نصحونى استغيث بوزير الداخليه
...........................
حابه اهديكى كمان
الجروب ده على الفيس بوك
علشان تتعرفى عليهم اكتر

مش عايزيين الإخوان

بالنسبة بقا لكل المدونين
جروب مش عايزيين الإخوان فى برنامج على الهوا قناه أوربت يوم الحد 4 / 11 اللى يحب مداخلات تليفونيه
الأرقام أهيه بتاعت البرنامج0238555775,6,8

This event is planned to start at 8:00 pm on Nov 3, 2007 at برنامج على الهوا - قناه أوربت


تعليقات

‏قال بنت القمر
الناس لسعت
بجد مش بس لسعوا
لا شاطوا
النماذج دي كتير اسمحي لي اضفت موضوعك في ماي ريدر
بجد جميل
وبيعرض فئه من مرضي الاضطهاد
تحياتي
‏قال oceaneyes
سبحان الله

ايه ده ؟!
ايه اللى بيحصل فى البلد يعنى عشان كل ده؟! ....وبعدين هو الانتماء لجماعة معينة اصبح بالغصب اليومين دول ...واحد ومش عاجبه وضع معين وعايز يخلص منه ...طيب ما يسيبوه فى حاله

....

وغير كدة ازاى الاخوان اصلا هايأتمنوه على اسرار جماعتهم بعد ما سابهم ...ده فى حالة انه هايرجعلهم تانى

....

بجد اللى بيحصل ده شىء لا يطاق فعلا ..
بس هانقول ايه

ما هى وكالة من غير بواب


....
‏قال Desert cat
بنت القمر
تعرفى انى مش عارضه كل المكتوب فى الشكوى يعنى حصل اكتر من كدا بكتر
انا بس عرضت نموذج بسيط
وطبعا الموضوع والمدونة كلها تحت امرك
اعتبريها مدونتك تمام
خالص تحياتى
‏قال Desert cat
oceaneyes
ما هما مش سايبينه كدا علشان عرف اسرار
يا اما يرجع يا اما يحطزا السيخ المحمى فى صرصور ودنه
وقال ايه عايزين يحكمونا
اصل احنا ناقصين

تحياتى
‏قال الأستاذ
للأسف مش مشترك في أوربيت
بس هحاول أدخل على الفيس بوك لكن بعد م أرجع الاشتراك لأني موقفه وربنا يسهل وأعرف إيه الي حصل
تحياتي
‏قال غير معرف…
العزيزه قطه الصحراء

معقوله كل ده بيحصل؟المصيبه انك لسه بتلاقي ناس بتتخدع في شعاراتهم و بتنضم ليهم و ناس تانيه زي اخونا ده لم بيعرف مصايبهم و يجي يسيبهم مش بيسيبوه لوحده تمام زي اللي بيكون شغال مع جماعه حرميه مثلا و يجي ينفصل عنهم بيبتدوا يقرفوه في عيشته
ماعتقدتش ان الشكوي حتعمله حاجه بس اهو تنفيس عن اللي جواه

تحياتي ليكي ياجميله
‏قال أحمد المصري
يعني مش كفاية الإخوان دول لسان عالفاضي..:مان ملاحقة..منهم لله0
أنا مش مصدق الكلام ده
أسرار ايه اللي تخليهم يقرفوه كده
ده لو راح أمن الدولة و قالهم على الأسرار المهولة دي كان زمان محدش من الإخوان و لا غيرهم قدر يقرب له
الموضوع غريب و مش داخل دماغي
يمكن علشان ناقص تفاصيل
بس الموضوع مش مستاهل كل ده
ثم فعلاً حيثقوا في واحد سابهم إزاي ؟
كل اللي يقدروا يطلبوه منه إنه ما يطلعش سرهم بره و خلاص لكن ما لهمش سلطة عليه
لابد لاصحاب العقول ان تفكر فى اللامعقول
قضينا وحكمنا من طرف واحد الا وهو الشاكى ولم نسمع من المشكو فى حقه
ثم سرنا وراء اهوائنا وهو ليس بغريب علينا كمصريين ان تحكمنا عواطفنا
قبل عقولنا
من حقى ان ارفض فكر سياسى معين او خط معين
ولكن ليس معنى هذا ان اشهر به عن دون علم او دراية
انا شخصيا لا انتمى حزبيا او جماعيا لاى فكر سياسى موجود على الساحة
ولكن يستثيرنى الغلو والعواطف التى تحكم انتمائتنا السياسية والغير سياسية وهذا هو احد اسباب تخلفنا
‏قال Desert cat
الأستاذ
اى تفاصيل تيجى لى هبعتها لك علشان تقدر تتابع
شرفت البلوج
خالص تحياتى
‏قال Desert cat
اجندا حمرا
صديقتى الغالية
ما هو ده طبع العصابات انت مش معانا تبقا ضدنا تبقا تستاهل الحرق
وخير دليل راجعى رد مصرى وبدرجة مواطن اللى تحت
وقال ايه انا مش منتمى
‏قال Desert cat
أحمد المصري
ياباشا ما لكنا عارفني ان همهم الحكم
لكن ربنا يباعد بينهم وبينا
‏قال Desert cat
مهندس مصري
مش مصدق ليه يا فندم ادى نفسك 5 دقايق واطلع على تاريخهم الهائل
وليس ببعيد احداث جامعة عين شمس
ولمزيد من التفاصيل
مرشدين الأخوان المسلميين
الجزء الأول
http://www.facebook.com/topic.php?uid=5031302435&topic=3177
الجزء الثانى
http://www.facebook.com/topic.php?uid=5031302435&topic=3175
الجزء الثالث
http://www.facebook.com/topic.php?uid=5031302435&topic=31
‏قال Desert cat
مصرى وبدرجة مواطن
ههههههههههههههههههههه
والله الرد ده ضحكنى
انا اشوف واحد عمال يجرى ويعمل كل ما فى وسعه من اجل الحكم
واعمال شغب ظاهرة على مراى ومسمع من الجميع
والسيف المرفوع شعار وكانه الذراع الايمن
ولما واحد يجى يشتكى اقول اسمع
طيب مين دلوقتى اللى همجى ومتخلف اللى
طبعا الاجابة واضحة
اللى بيشوف ويغمض عنيه ويرجع فى الاخر يقول اصلى مش منتمى لحزب ولا فكر سياسى ... دى ناس لو افكارها سوية كان اللى انتمى لهم انكر نفسه
انا شوفت الكلام ده اكتر من مرة
وفى كذا مكان تلاقى واحد داخل فاتح صدره اوى وفى الاخر يقول اصلى مش منتمى

أحنا مش اخوان
مش عايزيين رجعيه
مش عايزيين تخلف
مش عايزيين تجاره بالدين
مش عايزيين حد يستغل جهل الفقرا و يضحكو عليهم بالدين
من الأخر مش عايزيين الأخوان
‏قال Layla
الاخوان زيهم زي الحزب الوطني..يعتبرون ان من ليس معهم خائن ولا يستحق ان يعيش في مصر

تجاربي معهم محدودة..لكنها تكفيني لتكوين رأي ما عنهم
‏قال Desert cat
Marvel
المشكلة ان كل واحد منتمى لحزب متخيل ان هو الصح ومش عنده استعداد يسمع وجهات نظر تانية
هما الوحيدين اللى همهم الاصلاح والوحيدين اللى بيحافظوا على الدين
ربنا يهدى
تحياتى
‏قال غير معرف…
صباح الورد اولا
بصى يا قطه الصحراء موضوع رفض الاخوان عند البعض رفض مطلق وعند البعض رفض نسبى
انا من النوع التانى انا ضد الاتجار بالدين فى فكر الاخوان الملسمين على طريقه الاسلام هو الحل لسبب يقول ايه الحل النابع من الاسلام
انا مع الاخوان لو كان الاخوان حيضيفو للبلد ويدفعوها للامام بفكر نابع من الى احنا وصلنا ليه مش يجى الاخوان ويهدو البلد ويبنوها من جديد
انا ضد الاخوان لو عايزين يوصلو للحكم لمجرد الحكم مع العلم انى التجربه الاخوانيه انتهت بالفشل فى كل الدول
الاردن الجزائر والسودان
تحياتى
‏قال Desert cat
رئيس جمهوريه نفسى
صباح الياسمين اولا
انا بقا من النوع الاول الرفض المطلق لنفس السبب اللى ذكرته ان تجربة الاخوان فى الحكم دائما تبوء بالفشل
‏قال Soooo
الى قطة الصحراء القاطنه في عالم المدونين
البوست فيه سم قاتل



هتترجمي يابنتي وهيقفلولك المدونه .. والسايبر .. واي حاجه تانيه هيقفلوهالك يا ضينايا



عقلي الباطن بيقوللي ان الراجل اللي جه يكتب الشكوى ده مدسوس من جارك اياه .. عشان لما تروح الشكوى يرفعو البقصمات يلاقو انها بقصماتك انتي
ويلاقو ان الخط اللي مكتوبه بيه الشكوى هو خطك تماااااااام

مش عارف بقى .. هل دي ميزه ولا ايه




سلاموووووووووز
‏قال Desert cat
Soooo
ههههههههههههههههههههه
تفتكر الكلام ده صح
طب لو حصل ابقا الحقنى
اول ما اقول جزززززززززر الاقيك الهى لا يسيئك
اتفقنا
ماشى اتفقنا
جتهم الارف زى ما هما قارفينا
‏قال واحد مصرى
بغض النظر عن مصداقية شكوى هذا المواطن من عدمها هناك عدة اسئلة ماذا كان موقف الاخوان من قضايا كثيرة و فتاوى الرضاع و البتاع و المسيار و البتنجان و اين هم من الخدمة المدنية و ماذا فعلت أي دولة دينية من تقدم او ابداع...و افتكرى ايران التي رجعت متين سنة ورا بسبب مخبوا احمقي نجاد و ايات الله من قبله

دمت بخير
‏قال Desert cat
واحد مصرى
وافغانستان لاء
وحماس عملت ايه فى فلسطين
بس الشعب المصرى مبقاش زى الاول خصوصا بعد جولة انتخابات الاخيرة
الناس جريت ورا شعار الاسلام هو الحل والاخوان حيعملوا ويسوا الهوايل
وبعدها كل واحد بيقول ياريتنى
مودتى
‏قال mohamed
ايه يا قطة اللى بتقوليه ده ده كلام ميتصدقش معلش يعنى لو راح لامن الدوله اللى فى المركز بتاعهم او حتى اللى موجودين فى الشارع وقالهم ع الموضوع هيساعدوه كتير ولا اى محامى من محاميين الفرقعه
وبعدين يمكن هو راحلهم عشان ياخد فلوس وبعد كده سابهم

ياريت لما الموضوع تعرفيه كله وكويس يبقى اكتبية فى بوست
‏قال Desert cat
mohamed
وافرض انه راح امن الدولة
وامن الدولة سحبهم من قفاهم وسرحهم تانى
سورى يعنى ما هو مينطبقش الفاظ غير كدا
يسحبوهم ويسرحوهم مش ده اللى بيحصل برضه
المهم
المهم الراجل ده حالة فردية بتعبر عن اللى بيعملوه
وهنروح بعيد ليه
اقرا تاريخهم مع الدكتور عصام العريان
ولو فى جديد صنزلك بوست واجى مدونتك اعرفك بيه كمان
تحياتى
‏قال mohamed
ياقطة انا مش من الإخوان بس بصراحة اسلوبك مكنش موفق فى الموضوع الاخوان دول ناس عاديين زينا فممكن يكون الاخ ده خد فلوس من المحامى بصفته بنى ادم عادى ومش عايز يدفعهم او ممكن يكون مرضيش يدفع الاقساط اللى عليه لمحل صاحبة اخوانى وقالك اهو العب فى المية العكرة واقول الاخوان عملوا وسوو عشان مدفعش الفلوس اللى علياوانا عايز رأيك انتى هل الكلام اللى انتى كاتباه كلام منطقى
من حقك ترفضى فكر الاخوان
ومن حقى كمان ارفض فكرهم وفكر اى فصيل سياسى موجود
عارفة ليه؟
لانه لايوجد لدينا فكر سياسى صحيح
ولان كل الموجود على الساحة الان اشباه افكار لا افكار حقيقية
دى حاجه
الحاجة التانية
ليه مافكرتيش ان الراجل اللى جه لكتابة شكوى كان له غرض سيء
وقصد من ورا الشكوى دى ووجد انه عن طريق استخدامه للنبره دى حيوصل لهدفه
انتى رافضه فكر الاخوان باقول لك تانى ده من حقك ولكن هل فيه جبهه معارضة او حزب تانى معارض موجود ؟؟؟؟؟؟؟؟؟
الناس جريت على الاخوان فى الانتخابات الاخيرة لسبب واحد هو التعبير عن غضبهم من سياسة الحزب الوطنى ورفضهم له
صح ولا غلط
ان كان صح طيب الناس تعمل ايه ومافيش غير يازيد ياعبيد
يعنى ببسيط العبارة تعبير عن غضب
ليس الا
احنا لغاية النهارده بننتخب بعاطفتنا مش بعقلنا
وبنفكر بعواطفنا مش بعقولنا
ملحوظة اخيره
انتى شفتى مؤتمر الحزب الوطنى على المحور ؟
‏قال Desert cat
أزال المؤلف هذا التعليق.
‏قال Desert cat
مصرى وبدرجة مواطن
والله هو لا نافع زيد ولا عبيد
الناس حبت تجرب ولما جربت اخدت على دماغها ولا حد عبرهم
كله هدفه مصلحته الشخصية وتولع الناسبالنسبة لهدف الراجل من الشكوى ما اظنش انك لو اتظلمت وحد بيطارد بالأذية حتقف تكتف ايديك
من الطبيعى انك تدور على كذا باب للنور
الاخوان مش ملايكة وتاريخهم مليان
‏قال Desert cat
mohamed
تقدر تقولى انت جبت التحليل بتاعك ده بناء على ايه
وازاى واحد جاى يقولك سلفنى تلاتين الف جنيه هتسلفه وفى الاخر يقول عليك بتتبلى عليه وبتزور امضته ده على اساس يا عينى الاخوان دول مضطهدين ومش واخدين حقهم فى المجتمع
واى حد يروح يقول عملوا فيا حاجه حيلموهم كلهم ويخلصوا البلد من منهم واللى ليهم عنده حق خلاص كدا يستريح تصدق ان كلامك ده بيقول انهم غلابة اوى والقطة تاكل عشاهم ...
ثم على اساس ايه بتقولى انتى مش وفقت فى البوست ده
التوفيق من عدمه يرجع لله سبحانه وتعالى مش ليك انت
انت من حق تبدى برايك ومن حقك تتفق معايا او مع غيرى او لاتتفق لان ده الطبيعى اننا بشر وكل واحد ليه تفكيره المختلف فى اللى بيتفق معاه وفيه اللى بيختلف معاه
انما مش من حقك تقيم كلامى
دى مدونتى وانا حرة فيها ابدى فيها الراى اللى يعجبنى واكتب فيها اللى يعجبنى
ومش مستنية من حد التقييم
انا مش داخله امتحان ومستنياك تيجى تدينى درجاته
يبقا مش من حقك تيجى تقولى وفقتى ولا لاء
يبقا حضرتك قبل ما تفكر تبدى برايك تعمل لنفسك حدود ما تتعدهاش
‏قال mohamed
انا اسف اذا كان ردى معجبكيش
والف شكر على ردك عليا
وانا اسف مرة تانية تدخلى فى شئون مدونتك الداخلية وتقييمى البوست بتاعك
وانا اسف كمان انى تعديت حدودى
سلام
‏قال شقاوة شعب
انا هكتب رد على كل اللى كتبتتيه هنا او فى موضوع "يقولون مالا يفعلون" وهحط نفس الرد فى التدوينتين

كعادة قطة الصحراء تحول النقاشات الخلافية اللى اتناقشت بموضوعية الى خلافات شخصية وتكيل لكل من يخالفها فى الرأى الاتهامات والسخرية على رده (زى اللى حصل ل محمد اللى عمل تعليق يعينى وكانت اخرته وحشة رغم انه ولا اخوان ولا يحزنون)
لكن المرا دى كمان زادت على الاتهامات والسخرية بقصص غريبة الشكل والمضمون
ونبدأ اولا نرد على القصة الغريبة اللى حكتيها بتاعة الراجل يعنى اللى بيتعرض للتهديد من الاخوان عشان ساب الجماعة وهيفشى الاسرار :

الحقيقة هى قصة ممتعة جدا ومضحكة جدا جدا
لسبب بسيط ان الجماعة دى بقالها دلوقتى اكتر من 80 سنة وطبعا خلال ال 80 سنة دول ناس كتييير سابت الجماعة ودى حاجة طبيعية جدا ومش مكسوفة انى اقولها لان الاخوان دول مش ملايكة ولا فكرهم قران منزل ..دى كلها اجتهادات شخصية فى الفكر الانسانى وطبيعى ان اى فكرة ناس تتفق عليها وناس ماتعجبهاش

المهم اننا عمرنا ماسمعنا من اى حد من اللى سابوا الجماعة قصة زى دى فى جريدة او برنامج او اى حاجة ...ده حتى اللى سابت الجماعة واعلنوا ده على شاشات التلفزيون زى بعض اعضاء حزب الوسط مثل (عصام سلطان مثلا وغيره فى الحزب) ودول كانوا قيادات فى الاخوان ..وماحدش منهم قال حاجة من اللى قلتيها دى
مع ان لو ده فعلا كان بيحصلهم وبيتهددوا كانت هتبقى فرصتهم لفضح الجماعة وتبرير تركهم ليها

ومع ان كمان دول كانوا قيادات ..يعنى لو فى اسرار فعلا زى ما بتقولى كانت هتبقى معاهم وهما دول اللى كانوا هيستحقوا التهديد عشان مايفشوش الاسرار مش الراجل اللى على قد حاله وكان عضو عادى زى اى عضو فى الجماعة

واسرار ايه اصلا اللى بتتكلمى عليها فى جماعة تعدادها المبدأى من اعضاء ومؤيدين 2,5 مليون ...والرقم ده مش من عندى ... ده لسا قايله المذيع احمد المسلمانى بتاع برنامج الطبعة الاولى فى دريم2 فى حلقة الاحد اللى فات 4-11 وتقدرى تراجعى اى حد شاف الحلقة
ده غير انى ليا قريب عامل عضوية فى الحزب الوطنى بيقولى انتوا عددكم من 20-30% من الشعب المصرى
تفتكرى بقى جماعة بالعدد ده او حتى اقل من كدة هتقدر تحتفظ بأسرارها داخلها
يعنى لو فى اسرار من النوع اللى انتى بتقولى عليه كان زمان امة لا اله الا الله عرفتها

---------------------------------

والله الظيم انى اعرف ناس بعينهم كانوا اعضاء بارزين فى الجماعة وسابوها ولسا بتربطهم باصحابهم فيها علاقات كويسة مع ان الجماعة عارفة كويس ان اى معلومة عندهم عن الجماعة خلاص وصلت للبعيد قبل القريب
وهقول تانى انى مش مكسوفة على الاطلاق من انى اقول ان فعلا فى ناس كتيير سابت الجماعة اولا للسبب اللى قلته فى الاول ان الاخوان مش ملايكة ومش كل الافكار كل الناس هتتفق عليها
ثانيا لان وبفضل الله قصاد الناس اللى بتسيب الجماعة فالحمد لله فى عشرات كل يوم بيقربوا ويشوفوا بنفسهم وعنيهم مش بعين الحكومة والامن والكارهين
وبفضل الله بيزداد المؤيدين يوم بعد يوم


----------------------------

اقتباس من تعليق سابق ليكى على كلامى :
"انت مش بتشوف الاخت الاخوانية بتتسحب سورى يعنى فى كلمة بتتسحب دى ويتقال لها انتى لسه مش اتجوزتى يبقا تعالى هتتجوزى الاخ فلان علشان العفه بقا والحوارات اللى انت فاهمها وهما الاتنين سمعا وطاعه"

ردى : ههههههههه ضحكتينى والله ... انتى محسسانى انك بتتكلمى عن تنظيم القاعدة مثلا او مثلا الاخوان دول عايشين فى عصر الجاهلية والاعضاء راكبين جمال وستاتهم لابسين برقع ولا مش عارفة اسمه ..المهم يعنى اى حاجة مدهولاهم والراجل الكبير يجى يقول فى مشهد درامى : لازم يا اخت رشيدة تتجوزى الاخ زعبلة
يقوموا هما الاتنين فى نفس واحد : سمعا وطاعة
هههههه ايه ده ...اكيد بتتفرجى على افلام عربى كتير ...

اولا لو اتكلمت بشكل شخصى فالحمد لله انا من عائلة راقية اجتماعيا وثقافيا ..عائلة منفتحة جدا ومافيش فرد فيها ماسافرش ولف فى ا كتر من دولة ..يعنى منفتحين جدا... ده غير انى مش منقبة ومش لابسة خمار ولبسى عادى جدا شبه اى بنت عادية –اللهم انى مش بلبس بنطلون واعتقد ان دى حرية شخصية –
وكل ده بالاضافة الى انى الحمد لله عضوة نشطة فى الاخوان وليا علاقة قوية بكتير من القيادات الكبيرة فيهم وده لان الحمد لله المسارات مفتوحة بين كل المستويات واى حد يقدر يوصل لاى حد ويناقشه زى ما هو عايز
ومع كل المعلومات اللى قلتهالك عن نفسى فعمرى الحقيقة ماشفت المشهد الكوميدى ده وسط الاخوان وعمرى ماهقبل ولا اتخيل انه يحصلى

اما على مستوى الجماعة فماعتقدش ان ابدا ان المشهد الكوميدى ده ممكن يحصل وسط جماعة اعضائها على اعلى مستوى من الثقافة والانفتاح وبيدعو لوسطية الاسلام من غير تشدد ومن غير تفريط كمان
جماعة طلع منها عمرو خالد والعالم الكبير زغلول النجار ورئيس الاتحاد العالمى لعلماء المسلمين دكتور يوسف القرضاوى اللى دايما ينادى بوسطية الاسلام , والاقتصادى العالمى اللى حير العالم ببخبرته فى الاقتصاد يوسف ندا وغيرهم كتيييير من اساتذة الجامعة اللى درسولك وانتى ماتعرفيش انهم اخوان وماكنتيش بتشوفى فيهم الا دكتور بسيط محترم وملتزم
واكيد الشخصيات اللى فاتت دى كلها وغيرهم كتير من رموز المجتمع لو كانوا يعرفوا ان فى الكلام اللى حضرتك وصفتى بيه الجماعة ده ..كانوا يستحيل انضموا ليها فى يوم من الايام وحملوا فكرها
واوعك تقوليلى اكيد مايعرفوش مساؤيكم عشان احنا مش بنتكلم عن عيال صغيرة بتلعب فى الشارع هيضحك عليها
‏قال شقاوة شعب
اقتباس من كلامك : " يقدر حد يقولى رمز الاخوان السيف والمصحف المصحف ماشى لكن السيف بيعمل ايه علشان نرهب عدو الله اللى هو مش حيكون معاناهو ده برضه مش اسمه ارهاب"

ردى : الشعار ده اتعمل من عشرات السنين وبيرمز للحق الذى يجب ان تحميه القوة بكل اشكالها ...واللى عملوا الرمز لقوا ان افضل حاجة تعبر عن القوة هى السيف .. ومع كدة عمرهم ماشلوا السيف فى وش حد ... وتحت السيفين والمصحف فى الشعار هتلاقى كلمة "وأعدوا" ...لان هو ده اللى يقصدوه من القوة .... القوة بكل اشكالها التى ذكرت فى اية وأعدوا فى سورة النفال
"واعدوا لهم ما استطعتم من قوة ترهبون به عدو الله وعدوكم" والقوة دى فيها القوة العلمية وقوة الفرد فى ذاته وقوة المجتمع من خلال قيمه ...وهو ده هدف الاخوان ...مش قوة السيف بس
وده لايمنع انهم مقتنعين بحمل السيف (او بالمعنى العصرى البندقية) لكن فى وش مين ؟؟ فى وش اليهود او المحتلين وعشان كدة الاخوان عملوا حماس فى فلسطين لجهاد اعداء الله الحقيقين مش اهلهم وناسهم لمجرد انهم مختلفين معاهم فى الرأى

-----------------------------


اقتباس من كلامك :
"الاسلام مقالش افضل اقول قال الله وقال الرسول وانا بكذب وانصب واشرب خمرة"

ردى : دى هسيب الناس حتى غير المتفقين مع فكر الاخوان هما اللى يتأملوها ويحكموا عليها
وهسيب حقى فيها عند ربنا وانا على يقين انه مش هيضيع حقى... لان ده اتهام صريح للاخوان وانا منهم بأننا بنقول قال الله وقال الرسول ونروح نشرب الخمر !!!


أخيرا : انا اتناقشت قبل كدة كتير مع مخالفين للاخوان سواء على ارض الواقع او مدونات او منتديات وكانوا برضه بيعارضوا كلامى وبيناقشوا .. لكنى اشهد الله انهم كانوا موضوعيين وماكنش الموضوع بيقلب معاهم بخلاف شخصى ...وبمجرد مايتقفل موضوع الاخوان يرجعوا يكلمونى عادى جدا كانسانة زييى زيهم وتجمعنا روابط الانسانية والاسلام قبل كل شئ
اما حضرتك فمش عارفة ليه الموضوع قلب معاكى شخصى قوى وكأنك تعرفينى قبل كدة واذيتك مثلا ... والحقيقة ده ماتعملش معايا انا بس لكن فى معلقين تانيين بمجرد ماخالفوكى فى الرأى طالتهم على الفور سخريتك وواتهاماتك زى مالطالتنى سخريتك واتهاماتك و "رجمك" وعملتى كل اللى بتعيبى على الاخرين انهم بيعملوه
لدرجة انك عملتى بوست بحاله لبهدلة الاخوان من خلالى ....... ههههه عادى عادى ...شفنا من ده كتييير
ومش هقولك جزاكى الله خيرا لحسن بضايقك قوى وبستغربيها
ومش هقولك اذا كنت زعلانة ولا مش زعلانة عشان انتى ماتفرقش معاكى احترام المعلقين فى مدونتك من عدمه
ماهى مدونتك بقى وانتى حرة فيها زى ما بتقولى
‏قال شقاوة شعب
دلوقتى بقى دى ردودعلى نقاط اثرها (رئيس جمهورية نفسى ) فى الموضوع الاخر :
اقتباس من كلامه :
"عارفه ليه الاخوان مش بيربو الذقن علشان يستخبو الاختفاء ده خوف رغم انى المفروض انى المومن لا يخشى فى الله لومه لائم"

ردى: هو حضرتك بتتكلم عن مين ... عن الاخوان اللى كل واحد فيهم بيقول بصوت عالى انا اخوان وبيعتقل ويطلع ويعتقل ويطلع ... وبيعلنوا عن نفسهم فى الجامعة وفى كل مكان وتحت كل لوحة مكتوب اخرها طلاب الاخوان المسلمين
وتقولى عشان يستخبوا ..... ده مافيش حد معروف للامن اكتر من الاخوان
واديك قلت بنفسك المؤمن لا يخشى فى الله لومة لائم .... وهما مش خايفين من اعتقالات الحكومة وهيفضلو يقولولها باعلى صوى انك حكومة فاشلة ومش بتتقى ربنا فى شعبها

--------------------------


اقتباس من كلامك : "اعتقد انى لا يتم الانحناء الا الله مش لما الواحد بيقبل ايدى المرشد ليه"

ردى: كل العلماء على اختلاف اشكالهم اكدوا على ان تقبيل ايد اى حد يمثل لك شئ كبير ليس فيه اى اثم وعشان كدة الناس بتقبل ايد والديها وعشان كدة فى بعض البلاد الشامية الصغير بيقبل ايد الكبير لما يسلم عليه ودى شفتها فى مسلسل سورى ... ثم ان تقبيل ايد المرشد مش حاجة لازمة عندنا ...ده تلاقى اللى كان بيسلم عليه بيحبه وبيحترمه قوى لدرجة انه لما شافه فرح فقبل ايده
وانا فى اكتر من موقف قابلت سيدات كبار فى السن وبحترمهم جدا سواء من الاخوان او غيرهم واول مابشوفها من فرحتى بلقائها بقبل ايديها..... فيها ايه دى

----------------------

واحب اقولكم اخيرا ان الاخوان هما جماعة عايزة تطبق شرع ربنا بمنهج وسطى معتدل لا فيه تشدد ولا تفريط
واعضائها ناس عاديين ..لازم واكيد تلاقى حد منهم حواليك فى جيرانك او قراييبك او اصدقائك... وهما كمان نفسهم يطبقوا شرع ربنا على نفسهم قبل المجتمع وبيجتهدوا فى ده ... وان حصل تقصير او خطأ فدى طبيعة البشر يغلطوا ويتوبوا ...يعنى ماحدش قال انه طالما من الاخوان يبقى ملك ولو عمل اى ذنب يبقى "آدى الاخوان" ...لان الاخوان فكرة قبل ما تكون شخص
واللى اسس الجماعة دى هو الامام حسن البنا وكان فقيه بالأزهر فى العلوم الشرعية وقال " نريد الفرد المسلم ثم الاسرة المسلمة ثم المجتمع المسلم ثم الحكومة المسلمة"

يعننى يقصد ان كل فرد لازم يطبق الاسلام على نفسه ويجتهد انه ينشر قيمه فى اسرته لان كلكم راع وكلكم مسؤل عن رعيته وبعد كدة يساعد فى نشر قيم الاسلام فى المجتمع ويأمر بالمعروف وينه عن المنكر بالحسنى .. ويجتهد فى المشاركة فى الحياة السياسية لاختيار افضل من يراه يطبق شريعة الاسلام ...ده غير ان المجتمع لما يتمسك بتعاليم الاسلام طبيعى هتتطلع منه حكومة ملتزمة ...

وقال كمان ان من يحكمنا بالاسلام نحن مستعدون ان عمل تحت اقدامه
وده لا يعنى انى انكر ان الاخوان بيسعوا للحصول على امكان فى البرلمان او مناصب فى الحكم مع العلم ان مصر هى البلد الوحيدة اللى عندها كلمة " ده عايز يمسك الحكم" دى شتيمة او تهمة ... واى بلد تانية عندها ده حق طبيعى لاى مواطن ايا كانت اهدافه من الحكم (كويسة ولا وحشة) والحق ده مكفوله ولا يعيبه.. والفيصل فى الاخر لصندوق الانتخاب وكل واحد عقله فى راسه يعرف خلاصه

ده حتى سيدنا يوسف عليه السلام ماتكسفش يقول للملك "اجعلنى على خزائن الارض انى حفيظ عليم" وماعتبرش مطالبته بالحكم تهمة يتكسف يعلنها ... وفى الاخر الحكم للشعب لو شايف فيه خير يختاره لو شايف غير كدة يختار غيره

لكن نعمل ايه فى حكومتنا المصونة اللى نجحت على مدار اكتر من 25 سنة فى زرع الثقافة دى بين الشعب المصرى .. اللى مافيش ولا دولة متحضرة عندها الثقافة دى "المطالبة بالحكم تهمة"
وفى امريكا – ودى معلومة انا متأكدة منها من اقارب عايشين هناك- الطلبة المسلمين بيعملوا انشطة للمشاركة فى الحياة السياسية والحصول على المناصب ومع كدة فادارة الجامعة بتدعهم ماديا وكمان بتدعم اليهود وبتدعم الشذوذ اللى بيعملوا انشطة للمطالبة بحقوقهم

ورغم ان طلبة الجامعة المسلمين اكيد بالنسبة للفئة الحاكمة ضرر واهدافهم وحشة ولو وصلوا للحكم هيعملوا ويسووا .. الا ان برضه الحكومة بتدعمهم لان مالهاش دعوة انت هدفك ايه من المناصب الحكومية .. انا اللى يحكم بيننى وبينك صندوق الانتخاب ........ يعنى ماتعتبرش مطالبتهم بالمشاركة السياسية تهم ..دى بالعكس بتديهم فلوس عشان يعرفوا يصرفوا على انشطتهم

ياللا لكى الله يا مصرنا الحبيبة
‏قال Desert cat
شقاوة شعب
ايه يابنتى
شايله كل ده جواكى وساكته
ده كدا تتعبى
ده انى ولا اللى دخلتى فى نيتى وانتزعتى منى الكلام
لا حول ولا قوة الا بالله
اهدى بس خدى حبة دوا ضغط واهدى
قصة ايه يا حلوة اللى بتقولى عليها تضحك
واخوان ايه اللى مش بياذوا حد
الاخوان بلاويهم ماليه الدنيا
واكبر دليل اللى حصل فى صلاة العيد فى الشرقية من خراب وافسد فرحة العيد على اهلها وانا كتبت بوست عن الموضوع وتصدقى كنت متعاطفة جدا معاهم
لكن كلامك ده خلانى اغير رائى واكرههم اكتر
اصلك مصرة تعيشى الدور
مش انتى لوحدك
انتى واللى علموكى يعنى الاخوان اللى بتنسبى نفسك ليهم
مصرين تعيشوا دور المضطهدين فى المجتمع خلاص مبقاش ينفع الناس فاقت
وشغل التمثيل معدش ينفع اسخم من زيد الا عبيد
وبالنسبة لموضوع الافلام العربى اللى بيشوفها كتير انتى
علشان كدا متبعه نفس الاسلوب فى تمثيل الاضطهاد وانا من عيلة وبنت ناس محسسانى انى بقولك اتقفشتى فى دعارة
انا لا اعرفك شخصيا ولا يهمنى اعرفك
بس بكره اوى التمثيل اللى من النوع الساذج ده
‏قال Desert cat
بالنسبة بقا لردك على رئيس جمهورية نفسى
فالظاهر ان حضرتك حافظة كلمتين من مكتب الارشاد وجايه تسمعيهم هنا
ولا رحتى جبتى حد قرا البوست وراح قالك تردى عليه وتقولى كذا وكذا
عارفه ليه اصل ده كلامهم وكل لما حد يجى يقول الاخوان يقولك احنا اهوه بنورى نفسنا للعالم كله
بيقولك بنخاف الله وبنقول كلمة حق فى وجه حاكم جائر علشان كدا بندخل المعتقلات
بتسفيدوا اكبر استفادة من المعتقلات دى ده المعتقل بيطلع مليونير يا بنتى
علشان كدا بياخدها تسليه رايح جاى من المعتقل واهوه اسمه بيقول الحق
حق ايه يا ام حق
ومصر ايه اللى بتترحمى عليها وعلى شبابها
والسيف اللى بتقولى عليه القوة واعدوا لهم
قولتى الجملة دى والسيف ده للكفرة
انما اللى بيحارب فى اهل بلده ومش كفره ده يبقا ايه
مسلم
وبيدافع عن الاسلام فى قتل الابرياء
وجاية تمثلى الاضطهاد
يا حرام قطعتى قلبى عليكى
اللى اختلفوا معاكى قبل كدا
رجعوا كلموكى وبقوا صحباك
انا لاء
اصلى مش بحب الاخوان ولا بحب اصاحبهم ولا اعرفهم
باى يا كميلة
‏قال Desert cat
لكن نعمل ايه فى حكومتنا المصونة اللى نجحت على مدار اكتر من 25 سنة فى زرع الثقافة دى بين الشعب المصرى ..

ههههههههههههههه
الله يرحمه اللى كان خارسهم
وموقفهم عند حدهم
بس حلوين الكلميتن اللى فى الاخر دول اشكرى اللى كتبهم لك
دلوقتى وقتك خلص
خدى الباب فى ايدك
‏قال Desert cat
الرد ده مالهوش دعوة بالاخت اللى بتترحم على مصر شوبابها وكانها مرسلة ومتحملة شئو ن المسلمين

الرد ده لينا كلنا

للإسف

أمه إقرأ لا تقرأ

يا مسلميين أقرو كويس فى الدين

الدين مفيهوش حاجه أسمها دوله اسلاميه

تكفى كلمه
لكم دينكم وليا دينى

الرسول محكمش دوله

أصحو من غسيل المخ الإخوانى
عايززين نوصل رساله للنظام الأخوانى ألى بدأ يبقى مغرور
عايزيين نوريهم و نورى العالم كله أن أحنا مش أخوان كفايه سكوتنا ده بيخلى العالم كله يدعم نظام مبارك علشان فاكرين المصريين هايعملو مع الأخوان زى ما الفلسطنيين دعمو حماس و بيبكو دم دلوقتى أنا مش إخوان
الأخوان مش البديل الوحيد للنظام الحالى الفاسد فيه بدايل تانيه كتير و مش هانخليهم يخدعونا

التاريخ الأسود للجماعه المحظوره = الأخوان المسلمين
========================================
قال مرشدهم السابق مصطفى مشهور بصراحة

" لن نتخلى عن استعادة الخلافة المفقودة "
========================================
أعضاء الجماعه المحظوره لا ينتمون لمصر ولكن إنتمائهم للجماعة وأفكار قادتها فقط
========================================
لن يستطيع المسلميين قبل الأقباط التعامل مع هذه الجماعه
========================================

الإخوان المسلمين تنظيم دولى و ليس تنظيم مصرى السؤال : الولاء سيكون لمن ؟
========================================
عندما ترى شعارهم الذى يظهر فيه سيفين ستعرف حتما طريقة أنتشار هذه الجماعة وطريقة تطبيق عقيدتها وتصفية الخارجين عنها والإغتيالات السياسية التى مارسته
‏قال شقاوة شعب
يا قطة الصحراء ولايق عليكى وصف القطة
انا مش حاسة بالاضضطهاد وعاملة فيها الضحية زى ما قلتى

انتى اللى الموضوع حارقك قوى قوى مش عارفة ليه

وكل ردودى فى التعليقات اللى فاتت كانت موضوعية وبناقش فيها نقاط اتكلمتوا فيها

انتى بقى قلبيتها شخصى وعشتى الدور قوى وجريتى مسحتى مدونة "انا اخوان" من قايمة المدونات الصديقة بتاعتك لحسن يقولوا عليكى بناقضى نفسك

فمع نفسك
‏قال Desert cat
شقاوة شعب
هو اللى حارقنى اوى يامهذبة
فى بنت برضه مهذبة وبنت الاخوان بتقول حراقك اوى
ده ايه الادب ده كله
وبالنسبة لمدونة اان اللى اخوان اللى كانت عندى فانا شايفه ان ملهاش اى لزوم اساسا لانى مش بدخلها
وكمان صاحبها انسان محترم يعنى مينفعش انى اقول عليه زيك
بايات يا حلوة
‏قال غير معرف…
ههههههههههههه
يعنى يوقعوا بينه وبين اهله ويخليهم يقطعوه ويحاولوا يقتله ابنه بس ربنا ستر ويرفعه عليه قواضى لو اتحكم قفى واحده فيهم ودخل السجن مش حيطلع
وكل دة وحضرته رايح يعمل شكوى
يالهوى على البنى ادمين الى فى الدنيا
يعنى بدل ميمسكله سلاح ويورح يقتل فيهم هما واهلهم رايح يرفع شكوى طب وهى الشكوى اساسا حتعمله ايه ولا مين اساسا فى وزارةالداخليه حيسئل فيه ولا حيعبره دة مش بعيد ومن كتر حبهم فى المصرين انهم يعتقلوه بتهمه جر شكل الديابه
بس ياله نقول ايه هعما دول المصرين مسالمين حتى النهايه ربنا معاه وينصره عليهم لو كان لسه عايش اساسا
‏قال Desert cat
Anonymous
انا بصراحة مش عارفه اخبارة ايه دلوقتى لانى مش شوفته من بعدها
ومش عارفه الناس دى بتتكلم بقال الله وقال الرسول وهما اساسا افعالهم ابعد ما يكون

المشاركات الشائعة