من بعد الائمة الاربعه بقا الامام طنطاوى ..

معلشى حاجه شوفتها فى المصرى اليوم بس لفتت انتباهى
دى وكمان جبت لى تلبك معوى منهم لله
هو يعنى ايه اعضاء المجلس للازهر يلغوا تدريس كتب المذاهب الاربعة ويدرسوا مكانهم الامام طنطاوى
ده اذا كان الامام طنطاوى بيقولك يجلد الصحفيين 80 جلدة
بتهمة سب وقذف الرئيس ده على اساس انهم كتبوا انه اتمسك فى التواليت مع واحده او فى حتة ضلمة فى الخرابة اللى ورا مجلس الشعب على طول ..
يعنى ما اتقلش انه مريض والله لو المرض بقا سب ووقذف يبقا على كدا محدش يزور مريض يا ددعان اللى هو اصلا زيارتهم صدقة
اصل كدا يقام علينا الحد ونجلد 80 جلدة ...
نرجع لموضوعنا ازاى اساسا كتب المذاهب الاربعة تتلغى وقال ايه تبقا مرجع عند الحاجه ...
وكتاب سيادته هو اللى يدرس طب حا اثق فيه ازاى اساسا بعد الفتاوى اللى كلها نفاق عمال على بطال دى
ايش درانى اصلا ان الكتاب بتاع معاليه اللى ناوى يدرسه بيتكلم عن وجوب الغلاء المبارك ... والبطالة المباركة .. والتعذيب فى السجون المبارك ... والاعتقالات المباركة ... وتوريث جمال مبارك
ويحيا الامام طنطاوى المبارك

http://www.almasry-alyoum.com/article.aspx?ArticleID=80553

تعليقات

ايه النظام
انا مرديتش اعلق على البوست اللي فات عشان كان حاجه تنرفز
الاقي المرادي حاجه تغم
انتي مستقصداني ولا ايه
حسبنا الله ونعم الوكيل
فيهم طبعا اصحاب القرار
ربنا يجازيهم بما يستحقوا
انتي مجرد وسيله بتنورنا
متشكرين يا مصباح
‏قال Desert cat
انا اعمل ايه طيب
ما هى ظروفك كدا
مش عارفين احنا النظام عايز يعمل فينا ايه
انا خايفه يلغوا كل المناج وتتقلب كلها مبارك والوريث وطنطاوى
واحلى سلام وتحية للتعليم
‏قال Muhammad Mammdouh
اقولك الى فيها لان شكلك مش واخده بالك الرايس لما لقى ان طنطاوى قال ان الصحفين يتجلدو 80 جلدة علشان طلعو الاشاعة الى هى مش اشاعة ولا حاجة فنبسط منة قوى قوى وقالة بقولك اية ياطنطاوى انا مبسوط منك وعشان كده انا هاخلي كتب الائمة الاربعة وهاحط كمان كتابك يدرس مكنهم
ههههههههه
ومال لو كان اباح دمهم بقى كان قالة اية انا هاخليك سادس الخلفاء الراشدين
وربنا يستر علينا من فاتوية
ده اسمه فن التحديث فى علوم الحديث
‏قال أجزاخانجيه
ههههههه
كوسه بالبشاميل
انا طول عمرى بقول بلد واطيه
يابنتى اعملى زى
وسيبك من الجرايد
والحاجات اللى بتجيب الضغط والسكر والحلبسه -يعنى ايه حلبسه صحيح

سلام
‏قال واحد مصرى
أزال المؤلف هذا التعليق.
‏قال واحد مصرى
انه فقيه من فقهاء السلطان يا عزيزتي ......اذا وصل الهراء الي هذا الحد السافر من تحد للعقل و اسفاف من طنطاوي و بطاوي و غيرهم من فقهاء السلاطين و يفتي بسلامته بتمانين جلدة يبقى عل الله العوض و منه العوض...طيب و اللي بيسرق قوت الشعب نعمل فيه ايه....نقوله شاطر شاطرو اللي بيهرب بقروض من البنوك نقوله ايه...شاطر شاطر...و اللي بيأكلونا فاكهة مرشوشة زفت على دماغهم...نقولهم ايه...برضه شاطر شاطر
و بعدين طنطاوي و امثاله من المعممين و مرتدين الجبة و القفطان و(الكاكولا)شوية موظفين حقراء هاننتظر منهم ايه يعني...ياما جاب الغراب لأمه

دمت بخير و سامحيني ان كان اول تعليق لي في مدونتك الجميلة بهذه الحدة...
لا حول ولا قوة الا بالله
ولسه ياما هنشوف
ماهي القيامه قربّت
‏قال خيرالدين
الحمد لله ان رزقنا مثل طنطاوى ليعوض لنا غياب الائمه


ياااااااااااااااااارب
‏قال غير معرف…
انا نفسي اعرف يعني ايه اساسا فقه ميسر

من المعروف ان من اصعب علوم من الدين علم الحديث و علوم الفقه

فدارس الفقه لازم يكون على فهم و علم بفقه الائمة الاربعة و دراسهم كويس

اجي دلوقتي اعلمه من فقه لواحد اساسا الفتوى بتاعته مشكوك في امرها و عليها مشاكل و جدال

هو دا التخطيط المززززبوططط و سلم لي ع المتروو
‏قال sally
لا حول و لا قوة الا باله اللعلي العظيم
ماهي خلاص خربت
و العك بقي هو الشيء السائد
‏قال Desert cat
mo7amed mamdo7
الغريب اساسا يا محمد ان شيخ الازعر عمال يقرر من نفسه
ولما هو بيقرر من نفسه بيعمل اجتماعات ليه يعنى علشان ياخد ارئهم ولا علشان اللى يعترض يقوله موت بغيظك وعلى قلبك حجر برضه حالغى كتب الائمة الاربعة واقرر كتابى هو اللى يدرس
‏قال Desert cat
???? ........??????
لا وانت الصادق
ده اسمه فن طبخ الكوسة الحديث
‏قال Desert cat
أجزاخانجيه
ما هو انا كل لما اخد القرار ده اتسحب من رجلى والاقى نفسى رايحه اجيبها
لحد ما انا خلاص يا اوختشى جالى ضغط وسكر وحرقه دم
اما عن الحلبسة فهى
سكر ومش عارفه مضاف عليه ايه تانى المهم انك اول ما تحطيها فى بؤك تحسى انك بتشربى مية بسكر
تاخدى حتة ؟
‏قال Desert cat
واحد مصرى
اااااااااايه يابلد ماشية بالمقلوب
الشريف فيكى ياخد على دماغه ومحل اقامته السجون والمعتقلات
والحرامى والنصاب والمنافق يبقا على رؤس العباد
صدقنى بايدينا ياباشا
الناس دى قاعدة على قلوبنا وبتعمل فينا كدا بايدينا
سعيدة بتشريفك المدونة وسعيدة اكتر انها نالت اعجابك
انت تعلق براحتك وتقول اللى انت عايزه فدائما ما تعجبنى آرائك
‏قال Desert cat
أوشــــــه
اولا شرفتينى بالحضور
ثانيا ياريت تكون القيامة قربت بدل ما كل حاجة عمال تتبدل للأسوء حتى التعليم
‏قال Desert cat
e7na
مش كدا برضه
الراجل بيتعب معانا اوى بس احنا اللى مش مقدرين
ههههههههههههههههههههههه
‏قال Desert cat
ketchup
ياباشا ده واحد بيفت فى كل حاجه لصالح الحاكم طبعا مكفآته بعد الفتة الاخيرة دى ان كتابه يدرس ويتلغى كتب الائمة الاربعة
ولو الباشا احمد نظيف نزل كتاب ان غلاء الاسعار شئ لابد منه ولازم الشعب كله ينام من غير عشاء وده واجب وطنى مقدس من اجل زيادة الارصدة هتكون مكافآته ان كتابه يدرس لطلبة تجارة
المترو بيسلم على الشعب كله مش عليك لوحدك يا كيشو
تحياتى
‏قال Desert cat
sally
انتى بتقولى فيها يا سالى
كان زمان بيقولوا امشى عدل يحتار عدوك فيك
دلوقتى امشى عدل حتلاقى زبانية الحاكم تناديك
اسرق وانهب انت كدا ابن ناس ومحدش ليه دعوه بيك
تحياتى
‏قال دكتور كسلان
انها المهانة

بل الاستهانة

وقمة الامتهان

انه الهوان
لهوااااااااااااااااااااااااااااااااااااااااااااان
احنا كلنا من الأول عارفين الإمام طنطاوي المبارك مش حاجه غريبه عليه
‏قال زُمُرده
السلام عليكم

جف الكلام في البلد دي خلاص
حسبنا الله ونعم الوكيل

منعوا الإعتكاف في رمضان ...وقلنا ربنا يصبرنا

ودلوقتي هيدرسوا طنطاوي
وبلاها الأئمه الأربعه

وبعدين ييخترعوا دين جديد

وعلى الدنيا السلام
‏قال Desert cat
دكتور كسلان
ما هى البلد بلدهم ياباشا
يلغوا الائمة الاربعة ويدرسوا طنطاوى يلغوا التعليم كله هو حد يقدر يقولهم لاء
كله بقا بيمشى جوا الحيط
‏قال Desert cat
الحمقاء المضلله innominate x
احنا عارفين انه بيفت فى اللى مالوش فيه وبيحلل الحرام
لكن مش يدرس للطلبة كمان اللى مش مقتنعين بيه
‏قال Desert cat
زُمُرده
هما لسه هيخترعوا دين جديد يا زمردة
امال الفتاوى اللى عمال ترخ علينا زى المطر دى ايه
فتوى التوريث حلال بس بالانتخاب
وفتوى جلد الصحفيين
ما هم اخترعوا يا جميل
‏قال Unknown
يالهوى ايه حرقة الدم دى

حسبى الله ونعم الوكيل انا بكره اللى اسمه طنطاوى ده جدااااااااااا بجد والله

حسبى الله ونعم الوكيل
‏قال ابو احمد
ياابنتى انا اكتب تعليقى عن البوست ده واللى فات
دى ثقافه الرمال ثقافه البدو ليس لها اى علاقه بالتحضر
اترى مالفرق بين البدوى والحضرى هو الفرق بينك وبتاع المطبعه
وللاسف الرمال غزتنا وتغطى كل الاشياء
على فكره اكتشفت مدونتك وهو اكتشاف جميل
‏قال Desert cat
إنـســـانـة
والله انا كمان بكرهه لشدة نفاقه
حسبى الله ونعم الوكيل
‏قال Desert cat
ابو احمد
محتاجين رايك قوية تزيح الرمال بعيد عننا
على الاقل نقدر نعيش فى راحة شوية
سعيدة جدا بتشريف حضرتك المدونة
وزادت سعادتى لانه نالت اعجابك
تحياتى
‏قال 3abdo me7tas
حسبنا الله ونعم الوكيل
‏قال Desert cat
3abdo me7tas
اللهم تقبل
‏قال oceaneyes
بسيطة يا جميل ...ما تزعليش نفسك ...ما فى حاجات كتيرة بتحصل فى البلد العجبة دى سواء من تحت الطربيزة او من فوقيها عينى عينك كدة وما حدش بيقول حاجة

...

جت على دى يعنى ؟؟؟

....

وبعدين لازم تبتدى تعودى نفسك وخصوصا فى الفترة الجاية دى على سماع حاجات اكتر من كدة

...

وربنا على الظالم بقا ...هانقول ايه غير كدة يعنى؟؟؟

....

تحياتى ليكى عموما ودى طبعا اول مرة ازور مدونتك بس بصراحة حلوة اوى وان شاء الله هاتتكرر كتير
....
‏قال Desert cat
oceaneyes
والله على رايك الواحد لازم يتعود على اللى بيحصل
اذا كان بيطلعوا اشاعات ولو حد اتاكد منها يعتقلوه لاء ويطلعوا فتاوى بجلده
يبقا الواحد يسمع ويسكت ويتعود بينه وبين نفسه
طبعا نورتى المدونة
وسعيدة جدا بزيارتك وان شاء الله تتكرر
تحياتى
‏قال غير معرف…
بالنسبه لالغاء تدريس المذاهب الاربعه والاكتفاء بتدريس كتاب شيخ الازهر انا خريج حقوق وعلى مدار دراستى لحقوق درست الفقه من وجه نظر المذاهب الاربعه فى بعض المسائل الفقهيه وانا لايمكن فى يوم ااطلع فوق المنبر افهم ازاى يتلغى تدريس كتب الفقه للمذاهب الاربعه من طلبت الازهر الى المفروض انهم يكونو مشايخ وفقهاء القادمين
بس على فكره ده جزء من مشروع علمنه ماشيه فىه الدوله مهم كمان خفضو الاجزاء المقرر حفظها على طلبه الازهر خلال التعليم وبدل مكان الطالب بيحفظ القران وبيرجع عليه مره طول تعليمه مش حيلحق يخلص القران مره واحده
موضوع الفتوه بتاعت شيخ الازهر عادى ماهى دى سمات العصر الحديث النفقاء والفتاوه التيك اوى
ان لله وان اليه راجعون
‏قال son's egypt
السلام عليكم
ماساة لما يحدث بالازهر الشريف بان يلغوا كتب الم>اهب وان ياتوا بكتاب لشيخ الازهر
انا لاادري ما>ا سيضيف ه>ا الكتاب او بما>ا جاء عن كتب الم>اهب
‏قال Desert cat
رئيس جمهوريه نفسى
ما تسالش ازاى يلغى تدريس كتب المذاهب الاربعة
قوله مبروك بقيت قريب من الباب العالى ولو عايزينهم يلغوا التعليم الازهرى كله
مفيش اى مشاكل
هو مش دايما جاهز بالفتاوى اللى فى صالح الحزن الواطى
يبقا عادى طلباته اوامر
‏قال Desert cat
son's egypt
عليكم السلام ورحمة الله وبركاته
اقولك انا هيضيف الولاء والطاعه فى كل فى صالح الشعب ايوا الشعب
هما يمهم حاجه غير الشعب
بطالة حلال
استغلال وغلاء اسعار وواسطة وفساد فى كل مكان برضه حلال
‏قال Desert cat
son's egypt
عليكم السلام ورحمة الله وبركاته
اقولك انا هيضيف الولاء والطاعه فى كل فى صالح الشعب ايوا الشعب
هما يمهم حاجه غير الشعب
بطالة حلال
استغلال وغلاء اسعار وواسطة وفساد فى كل مكان برضه حلال
‏قال Layla
انا مع تسهيل الامور على طلبة الازهر...لان حرام ان طالب عنده 15 او 16 سنة يدرس الفقه بتاع الاربع مذاهب

لكن مش معنى كده انهم يدرسولهم فقه طنطاوي...ده كده يبقى استهبال
‏قال Desert cat
Marvel
بالظبط كدا
يخفووا عن الطلبة انما مش يبدلوا ولمييييييييين
لمفتى السلطة

المشاركات الشائعة