يقولون ما لا يفعلون

موضوع تحدثت عنه الاميرة اوسا الاخوان قادمون فى مدونتها
والبوست ده انا كنت هكتبه رد عندها بس لاقيته حيبقا طويل اوى
لان الاحداث حصلت لى شخصيا ....
فى اول ما فكرت اعمل لنفسى مشروع مستقل طبعا المكان بالنسبة لى كان مجهول وعلشان اختار المكان المناسب وفى نفس الوقت يكون حيوى اخدت وقت شوية والمكان اللى اخترته كان محصور بين مطبعة وسوبر ماركت صاحب المطبعة من الناس اللى عندها لحية هو شاب مش كبير ولا حاجه يعنى اخره حوالى 30 سنة ... بدأنا فى تجهيز المكان وكل صحابى ومعارفى جنبى ومحدش يقولى اخواتك فين لان اخواتى البنات كل واحده فى بيت زوجها واخويا الولد الوحيد مشغول باستمرار مش بشوفه الا فى المناسبات ده ان شوفته اصلا ... فكان صحابى معايا قلبا وقالبا ... جه الشخص جارى بتاع المطبعة ده وبصراحة اظهر ود واحترام محصلش وكان كل شوية يجى يقولى لو احتجتى اى حاجه انا تحت امرك وانا بدورى اقوله متشكرة جدا وممنونة لحضرتك جدا .. وخلصنا وبدأ مشروعى يشتغل والحمد لله ... والراجل بصراحة كتر الف خيرة كل شوية يجى يقولى مش محتاجه حاجه ... انا بطبيعتى مبحبش الاختلاط يعنى اللى هو بمعنى انت جارى على عينى وراسى من فوق بس انت فى حالك وانا فى حالى وده طبعى حتى مع جيرانى فى البيت ... لاقيته فى يوم جاى بيقولى انا شايف انك مش بتتكلمى مع حد او بتتعاملى مع حد .. ده الجار للجار وموصر انه يعزمنى على حاجه ... اعتذرت له وبعد ما فهمته انى مش بحب كدا وبحب اكون مع نفسى ... تانى يوم انا جاية الصبح لاقيته واقف فى الشارع .. بعد ما قعد يبص عليا يجى نص ساعه لاقيته جاى بيقولى ممكن اخد من وقتك ثوانى .. قولت له اتفضل .. راح قالى انا ملاحظ ان معظم لبسك بنطلونات انتى مش تعرفى انه ده تشبه بالرجال .. وكمان حتى لو لبستى جيبه بحس ان جسمك متقسم فيها .. قولت له بس انا شايفه ان لبسى عادى واهلى بيشوفونى بيه وعلى ما اعتقد ان اللبس حرية شخصية .. قالى حرية شخصية دى فى بيتكوا لكن انتى لازم تلبسى عبايات وبعدين تلبسى نقاب ... انا بصراحة استغربت جدا من بجاحته فى الكلام اصله يبقا مين ده علشان يفرض عليا لبسى كمان وملقتش رد غير انى اقوله وانت بتبص اصلا عليا ليه ... راح بيقولى انتى كدا بتشيلى ذنوب قولت له وانا اللى هتحاسب مش انت محدش بيحاسب مكان حد .. قالى ما احنا كمان بنشيل ذنوب .. قولت له لو غضيت بصرك مش حتشيل ذنوب ولا حاجه وبعدين اصلا انت تبص عليا ولا على غيرى ليه ...
مش المفروض اللى عامل لحية زى حضرتك كدا بتكون متوفرة فيه كل صفات المسلم الورع التقى ... لاقيته بيقولى انتى بنى ادمه معندكيش زوق ولا ادنى تحمل للمسؤلية ... وانتى فى نار جهنم انتى واهلك ... انا تنحت بصراحة مش عرفت ارد ...
انا افتكرت على كدا الموضوع انتهى ... لكن فى نفس اليوم كل شوية الاقى شخص جاى يقولى الشيخ احمد بيقولى انك انسانة مش كويسة وانا بصراحة كنت بارد واقوله البنت فى حالها ومش بتكلم حد ومحترمة ... وكمان احنا عندنا حريم مش عايزين نجيب فى سيرة الناس ... الكلام ده سمعته فى نفس اليوم من شخصين على اساس ان خايفين عليا مش بيسخنونى عليه يعنى ولا حاجه ههههه ... ما اهتمتش قوى بالكلام قولت واحد اهبل هعمل له ايه ...يومين كمان وبدأ يتبع اسلوب ان يرمى لى زبالة قدام السيبر اى ورق اى حاجه الاقيه جايبها راميها قدامى وفى يوم جه صاحب العقار علشان ياخد الايجار .. حكيت له على كل حاجه ... راح قاله عيب اللى بتعمله ده ده انت اسمك راجل يعنى ميصحش تأذى بنت .. انا شايف ان البنت محترمة اساسا وانت مالك بلبسها ثم ما هى لبسها كويس اشمعنا ملفتش نظر حد فى الدنيا الا انت .. انت عايز منها ايه .. هو انت مش متجوز ... التانى قاله لاء انا مش بعمل كدا علشان عايز منها حاجه .. اصل هى بيجى عندها السيبر بنات كتير وكلهم متبرجات .. صاحب العقار قاله وانت مالك اصلا متبرجات ولا غيره انت حد عينك وصى على شئون المسلمين .. لو اشتكت منك تانى هيكون لى تصرف اخر معاك..... وسابه صاحب العقار وجه قالى لو الشخص ده اتعرض لك فى اى حاجه اتصلى بيا فورا .... بعد كل ده يسكت ؟!
أبداً
الاقيه كل شوية واقف لى هو وبتاع السوبر ماركت جارى اللى من الناحية التانية وعاملين زى الست اللى جوزها اتجوز عليها واحده احلى منها .. وتلقيح الكلام الله ينور ... شوية متبرجات وشوية سافرات ... لحد ما جات لى بنت بتشتغل عند محامى فى نفس الشارع بتقولى هو الشيخ بتاع ده ماله بيكى .. قولت لها اهوه شغل نسوان بقا تعملى ايه بس انا مش زعلانه من اللى بيحصل ده انا مبسوطة لانى واخده كل اهتمامهم .. يكفى انهم سايبين اللى وراهم واللى قدامهم وشاغلين نفسهم بيا .. قالت لى بس مش ينفع كدا اللى هتلمه بعيد عنك البت مديحة اصلها تبقا الموزة بتاعته .. قولت لها نعم .. قالت لى اه والله دى موزته من سنة .. انا هكلمها واقولها تبعده عنك ... قولت لها طيب استنى بس افهم ازاى هو بيعمل كدا وازاى مديحة دى تبقا موزته ومن سنة وهو اصلا متجوز .. قالت لى ده كمان كان عايز يتجوزها فى السر بعد زواجه من مراته ب 3شهور .. بس هى خافت من اهلها ورفضت .. قالت له احنا نفضل كدا احسن .. قولت يا حلاوة .. تانى يوم مباشرة لاقيت البنت مديحة مزته دى سابت المحامى .. فسالت جارتى اللى تطوعت وتدخلت فى الموضوع .. واتاريها مش متطوعه لوجه الله .. كان فى تار قديم بنها وبينه وما صدقت تشوف حاجه زى كدا علشان تولعها هى كمان .. المهم قالت لى هو قالها لازم تسيب الشغل والا مش هيحصل لها طيب وهددها انه يعمل حاجات مش كويسة ... قولت لها والشخص بتاع السوبر ماركت ده دوره ايه فى الليلة راخر .. قالت لى صديقه الصدوق بقا .. سبتها قاعده ورحت رايحه للشخص بتاع المطبعة ده .. بص بقا انت هتجيب سيرتى بنص كلمة انا هتكلم عليك برضه وعندى الادلة وهعملك فضيحة انا متبرجة وبلبس بنطلون الحمد لله قدام الناس كلها واهلى بيشفونى مش بعمل دقن واستخبى وراها وارتكب الفحشاء والذنوب وده اول واخر تنبيه ليك والا بعد كدا ها اجى انتف لك دقنك ده فى قلب الشارع شعراية شعراية جتكو البلاوى مليتو البلد .. ده كان قاعد قدامى وجهه عمال يجيب الوان الطيف السبعه .. فات اسبوع بالظبط قولت يمكن ربنا هده عقبال ما ياخده .. واجى بعد كدا الاقيه بيحط لى اعواد الكبريت فى القفل بتاع باب السيبر ... عملى الحوار ده يجى 5 مرات .. كنت كل يومين بالكتير الاقيه عامل نفس العملة المهببة دى واروح ادور على حد يكسر لى القفل .. اخر ما زهقت منه رحت واخده بعضى وطالعه على قسم الشرطة وعملت محضر كتبت فيه كل حاجه من اول ما بدأت اخد المكان واعمله سيبر لحد الكبريت ... فى نفس اليوم كانوا جابوه ودخل الحجز ... تانى يوم من الفجر كانت والدته عندنا فى البيت عمال تعيط بقا ونظام ابنى اللى بيصرف علينا وابنى مش عارفه اللى يبقا ايه .. حكيت لها على كل حاجه ...وقولت لها لو ترضى الكلام الفاضى ده يحصل لبنتك يبقا انا هروح اتنازل عن المحضر واعتذر لابنك فى قلب الشارع كمان .. قالت لاء طبعا ما ارضاش وهو يستاهل اللى جرى له وانا اتعهد لك ان مش حاجه من دى تحصل ابدا .. طبعا ماما قاعده تسمع ولاول مرة تعرف كل الحاجات دى ذوهلت من الى سمعته وفضلت تلومنى ازاى مش قولت لها كان حد من اهلى اتدخل ولا اى حاجه ... بس انا فهمتها انى مش صغيرة واعرف اخد حقى بنفسى ... المهم اتصلت بالمحامى وجه معايا ورحنا اتنازلنا بس بعد ما اخدوا عليه التعهد اللازم بعدم التعرض ... ومن بعدها لو انا جايه السيبر وهو واقف قدام المطبعه بتاعته يدخل جوا جرى ... يمشى من قدام السيبر بتاعى حاطط وشه فى الارض ....
طبعا الرغى ده كله مش علشان اقول الملتحيين او المنقبات وحشين .. لاء فيهم ناس محترمة بس مش كتير بصراحة
هو مش الدين برضه المعاملة
ولا الدين انك لو مش عبرتنى يبقا اتفنن فى ايذائك والف بين الناس علشان اسوء سمعتك
هو المسلم اللى بجد وملتحى وبيتقى ربنا حق تقاته بيخاف من ربنا وبيعامل الناس بما يحبه الله ويرضاه
ولا بيعصى ربنا وبيخاف من اقسام الشرطة وبينفذ اوامرهم ...
وعلى فكرة وعلشان الناس اللى حتدخل ترزع لى بس
انا مسلمة ومأمنة وموحدة بالله وبرسوله
واشهد ان لا اله الا الله وانا سيدنا محمد رسول الله

تعليقات

اول رد انا بحجزمكان وراجع تاني

الربع جنيه عشان انا عليا ديون بره

هههههههههههههههه
‏قال غير معرف…
ههههههههههههههههههههههههههههه
اولا من حسن اسلام المرء تركه لما لا يعنيه محصلتش
ثانيا : اماطه الاذى عن الطريق صدقه معملهاش
ثالثا: فى حديث ما معناه انى المسلمين اتوصو بالجار لحد مكانو بيظنو انى الجار حيورث يعنى من اهل القربى
رابعا : اقسم بالله امبارح كان الكلام ده مع بنت محاميه بتتصل الكلام جاب بعضيه بتلبس عبايه قلت ليها العبايه دى مش كويسه بلاش احسن علشان محدش يتكلم عليكى قلت ليها نفس الكلمتين بتوعه على الجيبه بتعتك قالتلى الى يبص يبص انا مالى حطيت ***** جوه بقى وسكت ( لسانى لحد يفهم غلط ) بس انا كده عملت الى عليه
خامسا يا قطه اشكال وسخه ماليتو البلد دى بتعتى مين سمح ليكى تستخدميها :d
سادسا : مش شايفه انك بتروحى القسم والمحكمه كتير يابنتى اعملى ليه توكيل وحعمل ليكى تخفيض :d
‏قال son's egypt
السلامعليكم
فعلا الدين معاملة
والدين عمرة ما يكون كده ابدا بل الدين نصيحة
هو ممكن يكون من وجهه نظره حاجةة تانية بس للاسف استخدم اتلدين فيها متعمد وشوهه صور الاسلام خلها صورة مشوهة
وعلي رايك كدتكم البلا مليتم البلد
السلام عليكم

ربنا يكون فى عون وفعلا كلامك صح الدين المعامله

بس فيه ناس منهم كويسين جدا
الأهم دين القلب مش المظهر

ربنا يهدينا ونكون شباب مسلم ومؤمن بجد

وربنا يوفقك فى شغلك يارب

أحسن سلالالالالالالالالام للشرقاوه
السلام عليكم

تشرفت بالمرور على مدونتك الجميلة وقرأت الموضوع ده فقلت أكتب تعليقي علىي بعد إذنك طبعاً .

للأسف فعلا إحنا عندنا مشكلة كبيرة وهي إننا دايماً عاملين نفسنا رقباء على بعض .
في الدين كل واحد بينتمي لمذهب أو طائفة بيكفر ويفسق الناس التانيه على مزاجة
في السياسة كل واحد منتمي لحزب أو لجماعه شايف بقية الناس إما عملاء وخونه وإما أغبياء مش فاهمين حاجة.
وحتى في شؤون الثقافه والفكر اللي ربنا يسرله قراءة كتاب في مجال من المجالات بنلاقيه ماشي يتنطط على الناس بالكلمتين اللي قرأهم .

المشكلة مش مشكلة اللحية ولا النقاب و لا هي مشكلة دينية من الأساس .
المشكلة مشكلة ثقافة مجتمع كل واحد فيه فاهم نفسه بلغ من العلم مالم يبلغه غيرة و إن اللي يخالفه إما جاهل وإما غبي وإما خائن وإما متعصب .

أشكرك وأعتذر عن الإطالة في الرد
‏قال غير معرف…
ازيك يا نانا
اساسا الاخوان مش منصب اهتمامهم على امور الشكل من لحية و لبس و هيئة و خلافه

يمكن يكون الاخ ده من الجماعة السلفية ..

على العموم افضل ان كل واحد يكون في نفسه طلاما مش هيتحاسب مكان حد

انما بعض الناس بتعتقد ان ده امر بالمعروف و نهي عن المنكر

طيب يا سيدي لما تحس ان الشخص اللي قدامك مش هيقبل منك الكلام ارجوك متقولوش اساسا ..

بتحطوا نفسكم في مواقف بااااااايخه


سلام يا نانا
‏قال أجزاخانجيه
هههه حاسه انى بتفرج على فيلم ابيض واسود
رغم انى مبحبش حوارات الاقسام وانى ابلغ فى حد بس هوا مكنش هيسكت غير ما تعملى كده
ايه يا بنتى الحاجات الغريبه اللى بتحصلك دى
وكنتى هضيعى نفسك المره اللى فاتت علشان البتاع دا
انتى بتقولى فيه ناس محترمه بس مش كتير
لأ يا ستى فيه متدينين -مش هنقول عليهم اخوان بقى- كتير
وانا اعرفهم
وقمه فى الاحترام والاخلاق فى التعامل مع الناس
وفيه ناس مش كويسه باردو اكيد
وبعدين هوا فى الاخر ايه
مش مصرى....
‏قال Desert cat
اسكندراني اوي
فى انتظار عودتك يا فندم
وما تقلقش حقك محفوظ
بناسهم برضه فى تسديد ديون مصر
‏قال Desert cat
رئيس جمهوريه نفسى
ماهو عمل بمبدأ الجار للجار فى اول الامر
ولما لاقى الجار منفض له قال اتبع اسلوب تانى يمكن يجيب نتيجة لكن هيهات
نحن لها
وموضع الاشكال اللى ملت البلد دى السبق فيها لمحمد هنيدى بصراحة
طبعا هو الصح اللى انت عملته
شوفت حاجه غلط توجهها سمعت الكلام كان بها ما سمعتوش دى حاجه بينها وبين ربنا بقا
وربنا وحده هو الهادى
تحياتى
‏قال Desert cat
son's egypt
ما هو فعلا ده اللى اتضح لى فيما بعد انه بيستخدم الدين لاغراض شخصية
ربنا يرحمنا من الاشكال دى
تحياتى
‏قال Desert cat
حياة الأحلام
حبيبتى الله يتقبل دعوتك ويوفقك ويوفق الدكتور حماده عزو
( وش بيضحك )
طمنينا اخبار امتحناته ايه
‏قال Desert cat
علاء سالم
والله كلامك صح فعلا استاذ علاء
كل واحد عارف كلمتين فى اى حاجه بيبقا هو العالم والتانى جاهل
وبالنسبة لموضوع الانتماءات الدينية والسياسية فحدث ولا حرج ياما نماذج بتشوه صورة الحزب او الطائفيه اللى منتمية لها
طبعا حضرتك ما طولتش ولا حاجه انت ترد براحتك ده حضرتك شرفت البلوج
تحياتى
‏قال Desert cat
ketchup
كيشو اخبارك ايه
ياباشا لو انت همك مصلحتى يبقا انت اصلا اسمك نصحتنى وخلاص
انما التوابع اللى حصلت دى ممكن اسميها ايه ؟؟؟
ده لو هو اصلا يهمه الدين وبيحافظ عليه
الدين مأمرناش بكدا خالص
تحياتى ياباشا
‏قال Desert cat
أجزاخانجيه
اااااااااااه
على راى ماما بتقولى شكلك فى الاخر حتموتى مقتولة
والله امى متوقعه لى الموتة دى من المواقف الكتير اللى بتعرض لها
رخره لما بتاخر عن البيت ساعه من غير ما اتصل بالاقيها قالبه عليا الدنيا بيبقا هاين عليها تجيب عربية بمكرفون وتلف عليا
بالنسبة للاحترام يا دوك مش باللبس والله مش معنى كدا انى ببررر لنفسى اصلا انا لبسى كويس ومحترم والله بس مش عارفه كان بيلفت نظره فى ايه بصراحة
تحياتى يا احلى دكتورة
التربية والاخلاق وحب العدالة دى امور فطرية الدين المفروض يساعدنا علشان نحافظ عليها ونهذبها
انما هى اصلا موجوده فى كل انسان مسلم او مسيحى او بوذى متدين او غير متدين
الدين هنا عامل مهذب ومقوى فقط
فلو معندوش اخلاق ..الدين مش هيعمله حاجه هيكون بالنسباله مجرد ستارة لكن وقت الجد الاصل بيبان ويظهر
الحالة اللى انتى ذكرتيها دى بتحصل فعلا وبنشوفها من ناس بتصلى الفجر حاضر ومع ذلك معاملاتها وحشة
العيب مش فى الدين ..الدين اصلا ملقاش عنده اخلاق يبقى هيعمله ايه؟
ما علينا
مبروك السيبر ..هى الساعة بكام؟
‏قال nour el 3ozamaa
الدين معامله يا ناس فعلا والله تحياتي يا عظيمه
‏قال (green eyes)
انا مختلفه معاكي في نقطة انهم قلة
لا هما مش قلة ولا حاجه ... هما كتير ... انت حكمتي عليهم على اساس انك شوفتي واحد من ضمن عشرة
الدين لسة بخير
انا معاكي ان تصرفات جارك دا كانت مهينة قبل ما تكون ليكي فهي مهينة للدين بتاعنا بس دا يعتبر مثل سيء للناس الملتحية ومش بقولك انه حالة نادرة لا في كتير بس الاكتر بردوا عارفين يعني ايه دين الاسلام وعارفين يعني ايه التزام
الراجل معذور بردو معلش
مهو ميعرفش انه بيكلم قطة الصحراء
لو كان يعرف كان خاف على نفسه من الخربشة
:D :D

بس والله فعلا حاجة تحزن اوي لأن الراجل ده وأمثاله هما فعلا اللي بيشوهو صورة الالتزام والملتزمين للأسف
وربنا يهدينا ويهديه
‏قال Desert cat
الباحث عن الحقيقة
انا مش بلقى اللوم على الدين
انا بلقى اللوم على اللى بيستخبوا ورا الدين
بيستخدموه فى اغراض سيئة ويشهوا صورته بنلوم على
اليهود اللى بيشهوا صورة الاسلام
طب ما المسلمين السبب فى كدا بافعالهم
بامناسبة
ساعة النت ب2 جنيه افتح لك وقت ؟
‏قال Desert cat
nourhetler
كلنا عارفين كدا
بس ياترى مين اللى بيتعامل على الاساس ده
تحياتى لحضورك الكريم
‏قال Desert cat
(green eyes)
اختلفى براحتك يا جميل
بس بالنسبة للشخص اللى اتكلمت عنه ده
فدره مش حالة فردية
ده اان بشتكى وغيرى فى مكان ابعد منى عنده مثل اسوء من كدا بيشتكى
مش المفروض الناس دى يكون ليها حل
ولا هو قال الله وقال الرسول واعماله الله والرسول ابرياء منها
‏قال Desert cat
آلام وآمال
مش كان يعرف يا محمود
اصل قطة الصحراء بتفضل ساكته ساكته وفى الاخر خربشتها بتودى قسم الشرطة على طول من غير اى تفاهم
الاشكال دى ربنا يديها او يهدها او ياخدها ونستريح
لا حول ولا قوة إلا بالله
يعنى الحياه اصلا صعبة مش محتاجة الناس تزيدها صعوبة على صعوبتها
بس احييك على شجاعتك

لك تحياتى واحترامى

كاميليا
‏قال kaed
العزيزة desert cat
من غير ترزيع ولاحاجة
الدين مش مظهر وبس لأ دا الجوهر هو الأصل فى الموضوع
دمت على خير
المدونة هايلة بجد
‏قال Desert cat
كاميليا
فى الحالة دى محدش بيفكر ان الحياة صعبة ولا سهله هو بيفكر ازاى يثأر لنفسه
بقا واحده مش ترضى تكلمنى ولا تعبرنى
طيب انا حأذيها لحد ما تيجى تقول حقى برقبتى
بس مش يعرف انه وقع فى شر أعماله يعنى
انا بنت اينعم بس بعرف اخربش وقت اللزوم
لكى كل تحياتى وتقديرى
‏قال Desert cat
kaed
اتفق معاك
مش مهم المظهر الاهم الجوهر
وطبعا الاروع تشريفك المدونة
تحياتى
‏قال زُمُرده
السلام عليكم

قبل اي شيء دين الإسلام
دين معامله مش كلام ولحيه ونقاب
اللي بعملوا كده للشكل بس دول
منافقين ولللإسف فتنه وبيسيؤا للإسلام
والإسلام منهم بريء

الدين نصيحه...مش اجبار ولا فرض
ده الإسلام لما دخل كل البلاد
عرض على اهلها الدين الإسلامي بدون فرض
وخير الناس بين الإسلام او يفضلوا على دينهم

واللي بيدعي لربنا مش مفروض يدع بالحكمه والموعظه الحسنه ويجادل باللتي هي احسن
زي ما القرآن علمنا
!!ولاهم وخدين شكل الدين ورموا المضمون
مشكله تانيه عندنا
دايما تلاقي ناس حشرا مناخيرها في اللي ملهاش فيه

ربنا ينجينا من القوم الظالمين
‏قال Desert cat
زُمُرده
حبيبتى زمردة الاسوء اللى بيستغل الدين فى تجارته
وفى معاملاته الاخرى ناهيك عن الحياء اللى متخيلين انه اللحية هى كل الحياء وهما والعياذ بالله
الدين الاسلامى مقالش كدا خالص
مقالش اجبار ولا اعتداء ولا استحلال حرمات الغير ولا مال الغير
حسبنا الله ونعم الوكيل
‏قال غير معرف…
ينصر دينك و الله برافو عليكي عشان يتأدب

هو اساسا مايغض بصره ماشي او واقف يبحلق ف خلق الله و مركبلي دقن حاجه تجن

بس عارفه الناس دي بعرف علي طول انهم مخبيين حاجه شوفتي بقه زي البتاع ازاي لما مسكتي عليه حاجه؟

ربنا يكفيكي شره و شر امثاله و يوفقك في مشروعك

تحياتي ليكي
‏قال Victor
مدونة جميلة. صحيح الكثيرون يتاجرون بالدين لكن هذا لا يمنع ان نفكر ونميز بين الخطأ والصواب وبين الدين الحقيقي وبين التجارة.

مدونة كاريكاتور العرب
arabcaricature.blogspot.com
‏قال Desert cat
اجندا حمرا
اصلا لو كان بينفذ الدين وتعالميه صح
مش كان اتدخل فى ما يخصوش
كان شافنى بعمل حاجه غلط
نصحنى بالحسنى قبلت ماشى مقبلتش ربنا موجود وهو اللى بيحاسب
بس سيبك
انا فرحانة اوى انك شرفتينى
‏قال Desert cat
Alrashid
انا مقولتش ان واحد ينصحك بالتى هى احسن يبقا غلطان
انما انه يسئ اليك ويأذيك
هل ده فى الاسلام ؟
تحياتى
‏قال شقاوة شعب
موقف فعلا غريب
والدين فعلا معاملة قبل ما يكون شكل

بس عايزة اقولك على حاجة يا سكر
ايه دخل الاخوان فى القصة دى... يعنى فى مقال صاحبتك وفى التعليقات اتجاب سيرتهم بالغيبة اكتر من مرة وهما مالهومش فى الموضوع اصلا
يعنى الاخوان اولا مش بيربوا ذقنهم وشكلهم عادى جدا جدا زى اى واحد ماشى فى الشارع ومش هيلفت نظرك فى شكلهم اى حاجة مختلفة

وبعيدا عن الاخوان عايزة اقول ان مش كل واحد ربى ذقنه يبقى هنعتبره هو نموذج الدين وبالتالى لو صدر منه غلط يبقى نقول شوفوا ادى التدين

لأ هو واحد ربى ذقنه لاى سبب من الاسباب وده مش معناه انه تحول الى ملاك
وهنا لازم اذكر مقولة لسيدنا على رضىالله عنه قال
لا تعرف الحق من الرجال ولكن اعرف الحق تعرف الرجال
يعنى مش لحية الراجل اللى اخلاقه وحشة
ولا نقاب الست اللى مش بتسلم عليا هو ده الدين فنضايق منه
انما اللحية لحية والنقاب نقاب ولا يعيبهم ان كان صاحبهم وحش ولا كويس

وسامحينى حبيبتى انا احيانا بحس اننا بنحاول ندارى الاخطاء اللى فينا عن طريق ابراز عيوب الناس التانية
يعنى مثلا احنا عارفين ان فى نقص معين فى التزامنا الدينى فده بخلينا تلقائيا نبين اى عيب فى اى حد يحاول يلفت انتباهنا للنقص اللى عندنا
ودى فينا كلنا مع الاسف

على فكرة والله ده مش مبرر للى الراجل عمله انا لو كنت مكانك كنت كلته
بس انت عملتى قصة كبيرة قوى على الراجل وكتبتى عنه بوست بحاله محوره انه الراجل "ملتحى"
مما يعنى ان الراجل لو ماكانش ملتحى ولا كان هيتكتب عنه بوست ولا كنا هنسمع عنه اصلا

وده شئ غريب فى فهمنا للتدين واهله


سعيدة جدا بالمناقشة فى الموضوع ده
واسفة قوى على الاطالة

تحياتى
شيماء
‏قال Desert cat
شقاوة شعب
اه تصدقى يا شيماء لو ما كان الراجل ده متدين مش كنت هعمل بوست ولا هجيب سيرته
عارفه ليه .. لأنه شخص عادى يمكن مسلم مكتوب خانة فى شهادة ميلاده وفى بطاقته مسلم وهو لا يعرف عن الاسلام شئ ... مش شخص كل كلامه قال الله وقال الرسول وافعاله لا يرضى عنها الله ولا الرسول
.. لو شوفتى واحد بيكلمك وكل كلامه ادله من القرآن والسنة بصرف النظر عن اى حاجه .. وفجاة مد ايده لمس حاجه حساسه فى جسمك وقتها هتعملى ايه ... اكيد هتفى عليه وعلى كل اللى يفكرك بمنظره ... سيبك من ده واحده منتقبه ونزلت من شقه واحد بفضيحة .. وقتها حتقولى ايه .. الدين فى القلب وفى المعاملة .. مش يا فرحتى عامل دقن او اخوان او غيره وغيره وهو فى الاصل نصاب وزير نساء ...
تعرفى كمان عملت البوست انا وصحبتى ليه .. وتعمدنا ذكرهم ليه .. لأنهم المفروض صورة للمسلمين فإما الصورة دى تكون كويسة وملتزمة .. يا اما تتقطع احسن ويقلع عنه ثوب الدين والورع اللى بيبقا واسع اوى على كل واحد بيدارى اخطاؤه فيه ... علشان يظهر قدام الناس انه كويس طيب وربنا سبحانه وتعالى حتقوله ايه .. حتقوله اتداريت ورا دينك فى نزواتى والجرى ورا شهواتى واللى مش كان بيعبرنى كنت بأذيه ...
قولت الواحد بينتقد شخص تانى للهروب من خطأه الشخصى .. خطأى الشخصى مهما كبر لا يتعدى نص الخطأ الى الملتحتى او المنتقبة بتعمله .. خطأى الشخصى اللى لمحتى ليه كان عبارة عن لبسى ولبسى ده مش بدلة رقص مثلا ولا حاجه .. بالعكس ده كان حجه يفتح بيها حوار معايا علشان ينال غرضه ... شوفتى يا حبيبتى الملتحى . صاحب الواجهه المشرفة كان كل همه أيه.. تعرفى انا ما بلومش على حد مش عامل دقن وفردت بوست طويل عريض كدا على الملتحى ليه لأن الشخص التانى مش بيمشى ينادى بالدين والاسلام وصورته ومظهره ينم على الوقار وانا فى الاساس فتحها على البحرى لكل من هب ودب واديه مستخبي ورا ستارة وهو حد عارفنى مين ؟
الدين معاملة ده غير انه فى القلب .. ده غير ان حسانتك او سيئاتك لنفسك مش لغيرك .. شوفتك بتعملى حاجه غلط ها اجى اقولك استجبتى اسمى اخدت بايدك للطريق الصح .. ما استجبتيش يبقا " انك لا تهدى من احببت ولكن الله يهدى من يشاء "
الدين ما قلش اسوء سمعة الناس وايذيهم بحجة انى انسان ملتزم
..
الاسلام ما اجبرش مسيحى ولا كافر من الدخول فيه .. الدين يا عزيزتى مش مظاهر كدابة
حتلبسى نقاب .. تربى دقنك .. دلوقتى معروف انك انسان ملتزم .. بتهيالى الرسول صلى الله عليه وسلم .. كان اسمه المعصوم .. تعرفى معناها .. هوضحلك يمكن مش تعرفيه .. لأنه كان معصوم من الخطأ .. مش هو الرشوسل برضه القدوة اللى بنقتدى بيها وبنفذ شرع الله وسنته ...
عرفتى الفرق بين الملتحى واللى مش ملتحى ..
ولا يكونش قصدك واحد مرى دقنه سنين مثلا ولا شهور وشه فيه حبوب وخاريف يتعور .. ولا معفن مش بيحب النضافة .. ولا بخيل ومستخسر موس الحلاقة
اه اذا كان ده قصدك يبقا ماشى
انما الشخص التانى اللى مربيها سنة وبيرتكب القرف ده كله
يبقا ده ايه من وجهة نظرك
حقه الشرعى يسمح له يزنى
ههههههههههههههههههههههه
‏قال طارق هلال
أهم سؤال بقى
فين السايبر ده؟؟
‏قال Desert cat
Arabic ID
ليه هو حضرتك
ضرايب ولا امن دولة ؟
‏قال Desert cat
Arabic ID
على العموم هو فى بلدنا
بعيد عن بيتنا شوية كتير كدا
‏قال Soooo
ماهو انتي برضه ياقطه متبرجه وبتلبسي بنطلونات الفرنجه المستورده من تركيا المتعولمه .. وتايلاند بلد الرقيق .. والصين بلد الكونغ فو

كان اجدر بكي يا اختاه ان تلبسي بنطلونات التوحيد والنور

ملحوظه:
تعرفيش عنوان البنت مديحه دي يا اختي فين؟؟؟


سلاموووووووووووووووز
‏قال Desert cat
Soooo
طيب احنا مش فى بلدنا فرع للتوحيدوالنور
ممكن البس بنطلون كستور عادى
ماله يعنى بنطلون البيجامة ده حتة مخطط كدا ومنظر يعنى
عنوان البنت مديحة انا مش عارفاه بس السوسة جارتى التانية عارفاه اجيبه لك ؟
‏قال شقاوة شعب
يمكن حبيبتى يكون فعلا عندك حق ان لازم التدين يكون فى الشكل والجوهر

واختلف معاكى فى حتة ان خطأك لا يتعدى نص خطأ الملتحى او المنتقبة لان ده امر مرده لربنا وهو اللى هيحاسب ويقول خطأ مين اكبر
ويمكن يديله ثواب على الذقن وذنب على المعاكسة او كدة
ويمكن يديلها ثواب على النقاب و ذنب على الفعل التانى
ويمكن ربنا يديلك ثواب على حاجة وحاجة تانية فيها ذنب

المهم قصة مين احسن ومين اسوأدى انا الحقيقة مابحبش اخوض فيها لان ده دور مش بتاعى ...ده بتاع ربنا وماقدرش اقتبسه

وكلللل ده لا يمنع ان مافيش علاقة للاخوان بكل اللى كتبتيه وانه تم اقحامهم فى الموضوع اقحاما
لان ببساطة الاخوان ولا ملتحين ولا منتقبين

وبجد ربنا يعلم ان كل المناقشة لا تعنى ابدا اننى زعلانة من الموضوع او كدة
بالعكس انا بحب المناقشات اللى زى دى لانها بتفتح اذهانا وبتضيف لينا

واتمنى جدا انى اتعرف عليكى شخصيا وازورك فى السايبر بتاعك
ربنا يباركلك فيه ويجعل عملك فى ميزان حسناتك
‏قال Soooo
يا قطه يابنتي البنطلونات المخططه فتنه
حيث ان معظم الناس عندها اتجماتزم واللون ده هيزغلل عينيهم



ملحوظه هامه:
انت افتكرتي اني عايز علوان البت مديحه عشان .. استغفر الله العظيم يابنتي
انا قصدي شريف والله وكنت عايزها تمثل معايا مشهد من فيلم ايام في الحرام .. فن هادف هادف يعني


سلامووووووز
‏قال Desert cat
شقاوة شعب said...
ما هو انا زيك فى الاول والاخر تاركه الامر لرب العالمين
ومفوضه امرى ليه فى كل شئ
بدليل انى معملتش حاجه مع الاخ الملتحى ده غير لما ازداد فى ايذائه وقلة ادبه
وطبعا بتوفيق من ربنا قدرت اخد حقى
تعرفى انا بكره جدا اللى بيرتكب اخطاء ويستخبى فى قول الله سبحانه وتعالى
لان ربنا حاجه مش قليلة ودين لا يستهان بيه
بالنسبة للاخوان انا مش فاهمه انتى واخده الموضوع بصعوبة اوى كدا ليه
وهما من امتا اصلا الاخوان نفسهم بينفذوا وعودهم ولا بيعملوا اى حاجه لحد الا كل كلامهم على اللى مش معاهم علمانى ويستاهل الرجم
بالرغم من انهم نفسهم يستاهلوا اكتر من الرجم
تحياتى
‏قال Desert cat
Soooo
ما هو انا كمان عندى استجماتيزم
علشان كدا عايزه ازغلل عيون الناس اشمعنا انا لوحدى يعنى
....
بالنسبة للبونية مديحة
فهى عندها ادوار تانية
كاتبه عقد مع منتج تانى
اكلم لك الست فيفى عبده يمكن فاضية اليومين دول
‏قال شقاوة شعب
جزاكى الله خيرا على تهمة الوعود التى لا تنفذ للاخوان وان كنت اتمنى اسمع منك دليل بدل الاتهامات الفضفاضة الواسعة دى
وجزاكى الله خيرا على عقوبة الرجم اللى اوقعتيها عليهم وبالتالى عليا
بدون ما يكون ليكى وجه حق فى كيل العقويات على الناس

وعلى اى حال فالاخوان عمرهم ما قالوا ان فى حد يستاهل الرجم
وهاتيلى دليل واحد على كلامك او ان حد منهم كفر حد او اوقع عليه عقوبة الرجم حتى لو كان علمانى

انا مستنية ادلتك
وشكرا على الثواب اللى من غير ماتخدى بالك اديتيهولنا لما اتهمتينا بكل التهم دى من غير دليل واوقعتى علينا العقوبة كمان
وكأن الامر بيدك

شكرا جزيلا يا قمر
ولسا الحمد لله مش زعلانة منك خالص وربى يعلم
‏قال Desert cat
شقاوة شعب
ايه كم جزاكى الله خيرا الى بدائه لى بيها التعليق دى
اللهم امين ربنا يجازينى خيرا على كل عمل صالح بعمله
لكن تفتكرى لما اتكلم عن تصرفات الاخوان يبقا ده عمل صالح .. ده انا يبقا كدا بفضحهم وربنا امر بالستر
ههههههههههههههههههه
المهم نرجع لموضوعنا
انتى بتقولى لى دليل
دليل ايه يا اخت اللى اقدمه لك ما كله واضح على مراى ومسمع
من الجميع
كونك انتى منهم فاكيد بتشوفى يعنى وحتى وحياتك لو قتولوا الف واحد قدامك هتقولى ده حلال اصله علمانى هو انتى برضه مش اخت ولا ايه ؟؟
ثم تعالى هنا
علشان ايه اقدم لك دليل هو انتى بتحاكمينى على حاجه انا شيفاها واتكلمت عنها
اظن هتردى بعد شوية تقولى لى جزاكى الله خيرا على تهمة انتى هتحاكمينى
....
سورى يعنى يا اخت
مش بتقولوا كدا عندكو برضه الاخت فلانه والاخ فلان
انتى بتقولى يا اخت ان الاخوان مقالوش فى حد يستاهل الرجم عارفه ليه
لانهم بيرجموا على طول
اقسم بالله كانت فى شكوى بتتكتب عندى من فترة عن شخص كان ينتمى لجماعه الاخوان المسلمين ولما سابهم بهدلوه
من توقيع بينه وبين اهله
لتهديد
لافتعال حادثه بقتل ابنه .. لرفع ايصالات امانة .. وبلاوى سودة
اظن مش مصدقه
اوكى براحتك
اصل انا مش بحكى لك كدا علشان تقولى دليل ولا صدق او لا تصدق
بس ده بيحصل فعلا كونك بتغضى الطرف عن الافعال اللى ضدهم وتوكلى من نفسك محامى فدى حاجه متخصنيش تخصك لوحدك
كونك كمان بتشكرينى على الثواب اللى حضرتك اخدتيه من خلا لاتهاماتى
والله ضحكتينى
ما علينا
هى مش اذية الناس برضه بتديكو حسنات يا اخت ؟!
هو لما واحد ينتمى للجماعه ويسيبها يبقا كدا كفر يا اخت ولا ايه
ولا بيبقا عرف كل الاسرار وهيطلع يتكلم يبقا يتقتل شغل صعبات ده
الاسلام مقالش افرض على حد حاجه
الاسلام مقالش ااذى الناس
الاسلام مقالش افضل اقول قال الله وقال الرسول وافعالى لا يرضى عنها الله ولا الرسول
الاسلام مقالش افضل اقول قال الله وقال الرسول وانا بكذب وانصب واشرب خمرة .. اتدارى فى اسلامى واروح اقابل صاحبى .. ما انا فى المجتمع محترمة

بتقولى لى ربنا يعلم انى لسه مزعلتش
انا مش سالتك اصلا قبل كدا زعلتى ولا لاء
بمعنى ان زعلك من عدمه برضه ميخصنيش

بالمناسبة لو ردى مش عاجبك
فدى مدونتى وانا حرة فيها
يعنى اكتب اللى انا عايزاه
وارد بالطريقة اللى تريحنى
شوفتى بديكى حسنات كتير ازاى
ابقى سلفينى بقا
‏قال غير معرف…
الاخت شقاوه شعب والاخه صاحب البلوج قطه الصحراء
انا شايف نقاش مشتعل عن الموقف هل الراجل الملتحى اخوان ولا وهل الاخوان هم سبب كل البلاوى وانى احنا بنلحق بيهم التهم جزافا ولا ايه النظام
اولا احب اوضح انى مش كل ملتحى اخوان ومش كل اخوان ملاك ده بعد اذن الاخت شقاوه شعب طبعا
بس ممكن لو وصلت مكتب المرشد تعرف قصه نائب المرشد العام الى غرر ببنت واعضاء المكتب ساعدوه علشان البنت تجهض وكل حقها علشان متعملش شوشره وفضيحه للعضو المحترم داخل المكتب
ثانيا: الاخوان كان ومازال كل هدفهم اسقاط الحكومه وكل رجال الحكومه كافره وده على فكره كلام المرشد العام
1- فى دائره السيده زينب تحالف الاخوان مع السيد احمد فتحى سرور(حزب وطنى) للوصول للكرسى التانى فى الدائره
2- فى دائره المناخ بورسعيد تحالف الاخوان مع البدرى فرغلى عضو حزب التجمع (المفروض انهم كفره شيوعيا )للوصول للكرسى
3- فى دائره مركز قوص محافظه قنا تحالف الاخوان مع عضو مجلس الشعب السابق محمد محمود على حسن ومش بس كده كان اللعب على الحبلين وتحالف مرشح الاخوان مع العضو المستقل ونجح ( مش دى خيانه عهود برضه ولا انا غلطان)
ثالثا: المرشد العام اعلنها صراحه بتكفير كل الرئساء والحاكم العرب فى فتره الحرب على العراق ( هل من السلام تكفير المسلم )
رابعا: المرشد العام فى حديث صحفى اعلنها بصراحه الى انه على استعداد للضرب بالحذاء لكل من يختلف معه ( هل ده من الاسلام )
الاخت شقاوه شعب مش كل اخوانى مسلم حق ولا كل الى مش اخوانى مش مسلم وكون انى قطه الصحراء افتكرت انى الاخ جارها اخوانى مغلطتش لانى احنا بنحكم فى الظاهر
نسيت ااقولك حاجه عارفه ليه الاخوان مش بيربو الذقن علشان يستخبو الاختفاء ده خوف رغم انى المفروض انى المومن لا يخشى فى الله لومه لائم على الرغم من انى الشيخ محمد متولى الشعراوى قال حالق اللحيه اثم يعنى عليه وزر ليه لانها سنه موكده تلحق بالفرض وانتى اعلى واعلم منى بالجزئيه دى
اخت شقاوه شعب بالنسبه للسياسه ممكن اعرف ليه البرنامج الانتخابى واقف تحت كلمه الاسلام هو الحل ( انا الحمد لله مسلم ومقتنع انى الاسلام فيه حلول لكل المشاكل ) بس يقولو لينا واحد زاد واحد يساوى اتنين نبتدى نعقل ونفهم ونختار
ممكن اعرف البرنامج بتاع الاخوان واقف ليه لمده شهور وصياغه
بصى يا شقاوه شعب الفرق بين الاخوان والحزب الوطنى سياسا انى الاخوان جماعه مش عارفه تبقى حزب والحزب الوطنى حزب مش عارف يكون جماعه ( مقتبسه من فيلم طيور الظلام قصه وحيد حامد )
يا اختى الاخوان مش بالمثليه الى انتى فكراها انى معرفش موقفك من التنظيم ايه او ايه موقعك ( بس الاسلام بيقول وامرهم شورى ونظام الجماعه قائم على السمع والطاعه )
اعتقد انى لا يتم الانحناء الا الله مش لما الواحد بيقبل ايدى المرشد بينحنى ليه ده على اى اساس هل هو فقيه معتقدش انى قريت ليه كتاب فقه او سنه علشان ياخد التبجيل ده
مش برضه يا اخت شقاوه شعب اذا التقى المسلمان فا القاتل والمقتول فى النار ممكن اعرف استعراض القوى الى كان السنه الى فاتت ورساله التهديد الى اتبعت من ساحه جامعه الازهر كان ايه الهدف منها مش برضه انكم مستعدين للقتال
الحديث طويل وبعتزر على الرد ان كان مبهم بسبب انى مش مركز بس لقيت النقاش دائر حبيت ادلى بدلوى وااقولك بعض الاوجه الغلط فى فكر الاخوان يمكن تعرفيها ويمكن لا
الاخت قطه الصحراء الامر ليكى انك تبقى على الرد او تلغيه
والله الموفق
‏قال Desert cat
رئيس جمهوريه نفسى
الرد منور الصفحة ياباشا
تقولى الغيه
بس انا شايفه ان طالما الاخوان او المنتميين ليهم مقتنعين بفكرهم فمهما توضح من مساؤ هما نفسهم بيشوفها قدام عينيهم هيقولك انت برضه غلط واحنا اللى على حق
اصل اسكت كل اعمالهم دى جهاد فى سبيل الله
ما يعرفوش ان ترك المسلم ما لا يعنيه ده من الاسلام
ميعرفوش ان اجبار الناس على حاجه دى مش من الاسلام
بالنسبة لتقبل ايد المرشد العام فده شئ عادى
ده كبير الجماعه ياباشا
انت مش بتشوف الاخت الاخوانية بتتسحب سورى يعنى فى كلمة بتتسحب دى ويتقال لها انتى لسه مش اتجوزتى يبقا تعالى هتتجوزى الاخ فلان علشان العفه بقا والحوارات اللى انت فاهمها وهما الاتنين سمعا وطاعه
ده كلمة الكبير يابا هو حد يقدر يرد للكبير كلمة
يقدر حد يقولى رمز الاخوان السيف والمصحف
المصحف ماشى لكن السيف بيعمل ايه
علشان نرهب عدو الله
اللى هو مش حيكون معانا
هو ده برضه مش اسمه ارهاب
‏قال شقاوة شعب
انا هكتب رد على كل اللى كتبتتيه هنا او فى موضوع "يقولون مالا يفعلون" وهحط نفس الرد فى التدوينتين

كعادة قطة الصحراء تحول النقاشات الخلافية اللى اتناقشت بموضوعية الى خلافات شخصية وتكيل لكل من يخالفها فى الرأى الاتهامات والسخرية على رده (زى اللى حصل ل محمد اللى عمل تعليق يعينى وكانت اخرته وحشة رغم انه ولا اخوان ولا يحزنون) لكن المرا دى كمان زادت على الاتهامات والسخرية بقصص غريبة الشكل والمضمون

ونبدأ اولا نرد على القصة الغريبة اللى حكتيها بتاعة الراجل يعنى اللى بيتعرض للتهديد من الاخوان عشان ساب الجماعة وهيفشى الاسرار : الحقيقة هى قصة ممتعة جدا ومضحكة جدا جدا لسبب بسيط
ان الجماعة دى بقالها دلوقتى اكتر من 80 سنة وطبعا خلال ال 80 سنة دول ناس كتييير سابت الجماعة ودى حاجة طبيعية جدا
ومش مكسوفة انى اقولها لان الاخوان دول مش ملايكة ولا فكرهم قران منزل ..دى كلها اجتهادات شخصية فى الفكر الانسانى وطبيعى ان اى فكرة ناس تتفق عليها وناس ماتعجبهاش المهم اننا عمرنا ماسمعنا من اى حد من اللى سابوا الجماعة قصة زى دى فى جريدة او برنامج او اى حاجة ...ده حتى اللى سابت الجماعة واعلنوا ده على شاشات التلفزيون زى بعض اعضاء حزب الوسط مثل (عصام سلطان مثلا وغيره فى الحزب) ودول كانوا قيادات فى الاخوان ..وماحدش منهم قال حاجة من اللى قلتيها دى مع ان لو ده فعلا كان بيحصلهم وبيتهددوا كانت هتبقى فرصتهم لفضح الجماعة وتبرير تركهم ليها ومع ان كمان دول كانوا قيادات

يعنى لو فى اسرار فعلا زى ما بتقولى كانت هتبقى معاهم وهما دول اللى كانوا هيستحقوا التهديد عشان مايفشوش الاسرار مش الراجل اللى على قد حاله وكان عضو عادى زى اى عضو فى الجماعة

واسرار ايه اصلا اللى بتتكلمى عليها فى جماعة تعدادها المبدأى من اعضاء ومؤيدين 2,5 مليون ...والرقم ده مش من عندى ... ده لسا قايله المذيع احمد المسلمانى بتاع برنامج الطبعة الاولى فى دريم2 فى حلقة الاحد اللى فات 4-11 وتقدرى تراجعى اى حد شاف الحلقة

ده غير انى ليا قريب عامل عضوية فى الحزب الوطنى بيقولى انتوا عددكم من 20-30% من الشعب المصرى تفتكرى بقى جماعة بالعدد ده او حتى اقل من كدة هتقدر تحتفظ بأسرارها داخلها يعنى لو فى اسرار من النوع اللى انتى بتقولى عليه كان زمان امة لا اله الا الله عرفتها

---------------------------------

والله الظيم انى اعرف ناس بعينهم كانوا اعضاء بارزين فى الجماعة وسابوها ولسا بتربطهم باصحابهم فيها علاقات كويسة مع ان الجماعة عارفة كويس ان اى معلومة عندهم عن الجماعة خلاص وصلت للبعيد قبل القريب

وهقول تانى انى مش مكسوفة على الاطلاق من انى اقول ان فعلا فى ناس كتيير سابت الجماعة اولا للسبب اللى قلته فى الاول ان الاخوان مش ملايكة ومش كل الافكار كل الناس هتتفق عليها ثانيا لان وبفضل الله قصاد الناس اللى بتسيب الجماعة فالحمد لله فى عشرات كل يوم بيقربوا ويشوفوا بنفسهم وعنيهم مش بعين الحكومة والامن والكارهين وبفضل الله بيزداد المؤيدين يوم بعد يوم

----------------------------

اقتباس من تعليق سابق ليكى على كلامى : "انت مش بتشوف الاخت الاخوانية بتتسحب سورى يعنى فى كلمة بتتسحب دى ويتقال لها انتى لسه مش اتجوزتى يبقا تعالى هتتجوزى الاخ فلان علشان العفه بقا والحوارات اللى انت فاهمها وهما الاتنين سمعا وطاعه"

ردى : ههههههههه ضحكتينى والله ... انتى محسسانى انك بتتكلمى عن تنظيم القاعدة مثلا او مثلا الاخوان دول عايشين فى عصر الجاهلية والاعضاء راكبين جمال وستاتهم لابسين برقع ولا مش عارفة اسمه ..المهم يعنى اى حاجة مدهولاهم والراجل الكبير يجى يقول فى مشهد درامى : لازم يا اخت رشيدة تتجوزى الاخ زعبلة
يقوموا هما الاتنين فى نفس واحد : سمعا وطاعة
هههههه ايه ده ...اكيد بتتفرجى على افلام عربى كتير
اولا لو اتكلمت بشكل شخصى فالحمد لله انا من عائلة راقية اجتماعيا وثقافيا ..عائلة منفتحة جدا ومافيش فرد فيها ماسافرش ولف فى ا كتر من دولة ..يعنى منفتحين جدا... ده غير انى مش منقبة ومش لابسة خمار ولبسى عادى جدا شبه اى بنت عادية –اللهم انى مش بلبس بنطلون واعتقد ان دى حرية شخصية – وكل ده

بالاضافة الى انى الحمد لله عضوة نشطة فى الاخوان وليا علاقة قوية بكتير من القيادات الكبيرة فيهم وده لان الحمد لله المسارات مفتوحة بين كل المستويات واى حد يقدر يوصل لاى حد ويناقشه زى ما هو عايز ومع كل المعلومات اللى قلتهالك عن نفسى فعمرى الحقيقة ماشفت المشهد الكوميدى ده وسط الاخوان وعمرى ماهقبل ولا اتخيل انه يحصلى

اما على مستوى الجماعة فماعتقدش ان ابدا ان المشهد الكوميدى ده ممكن يحصل وسط جماعة اعضائها على اعلى مستوى من الثقافة والانفتاح وبيدعو لوسطية الاسلام من غير تشدد ومن غير تفريط كمان جماعة طلع منها عمرو خالد والعالم الكبير زغلول النجار ورئيس الاتحاد العالمى لعلماء المسلمين دكتور يوسف القرضاوى اللى دايما ينادى بوسطية الاسلام , والاقتصادى العالمى اللى حير العالم ببخبرته فى الاقتصاد يوسف ندا وغيرهم كتيييير من اساتذة الجامعة اللى درسولك وانتى ماتعرفيش انهم اخوان وماكنتيش بتشوفى فيهم الا دكتور بسيط محترم وملتزم واكيد الشخصيات اللى فاتت دى كلها وغيرهم كتير من رموز المجتمع لو كانوا يعرفوا ان فى الكلام اللى حضرتك وصفتى بيه الجماعة ده ..كانوا يستحيل انضموا ليها فى يوم من الايام وحملوا فكرها
واوعك تقوليلى اكيد مايعرفوش مساؤيكم عشان احنا مش بنتكلم عن عيال صغيرة بتلعب فى الشارع هيضحك عليها
‏قال شقاوة شعب
اقتباس من كلامك : " يقدر حد يقولى رمز الاخوان السيف والمصحف المصحف ماشى لكن السيف بيعمل ايه علشان نرهب عدو الله اللى هو مش حيكون معاناهو ده برضه مش اسمه ارهاب"

ردى : الشعار ده اتعمل من عشرات السنين وبيرمز للحق الذى يجب ان تحميه القوة بكل اشكالها ...واللى عملوا الرمز لقوا ان افضل حاجة تعبر عن القوة هى السيف .. ومع كدة عمرهم ماشلوا السيف فى وش حد ... وتحت السيفين والمصحف فى الشعار هتلاقى كلمة "وأعدوا" ...لان هو ده اللى يقصدوه من القوة
القوة بكل اشكالها التى ذكرت فى اية وأعدوا فى سورة النفال "واعدوا لهم ما استطعتم من قوة ترهبون به عدو الله وعدوكم" والقوة دى فيها القوة العلمية وقوة الفرد فى ذاته وقوة المجتمع من خلال قيمه ...وهو ده هدف الاخوان ...مش قوة السيف بس وده لايمنع انهم مقتنعين بحمل السيف (او بالمعنى العصرى البندقية) لكن فى وش مين ؟؟ فى وش اليهود او المحتلين وعشان كدة الاخوان عملوا حماس فى فلسطين لجهاد اعداء الله الحقيقين مش اهلهم وناسهم لمجرد انهم مختلفين معاهم فى الرأى

-----------------------------


اقتباس من كلامك : "الاسلام مقالش افضل اقول قال الله وقال الرسول وانا بكذب وانصب واشرب خمرة"

ردى : دى هسيب الناس حتى غير المتفقين مع فكر الاخوان هما اللى يتأملوها ويحكموا عليها وهسيب حقى فيها عند ربنا وانا على يقين انه مش هيضيع حقى... لان ده اتهام صريح للاخوان وانا منهم بأننا بنقول قال الله وقال الرسول ونروح نشرب الخمر !!!

أخيرا : انا اتناقشت قبل كدة كتير مع مخالفين للاخوان سواء على ارض الواقع او مدونات او منتديات وكانوا برضه بيعارضوا كلامى وبيناقشوا .. لكنى اشهد الله انهم كانوا موضوعيين وماكنش الموضوع بيقلب معاهم بخلاف شخصى ...وبمجرد مايتقفل موضوع الاخوان يرجعوا يكلمونى عادى جدا كانسانة زييى زيهم وتجمعنا روابط الانسانية والاسلام قبل كل شئ اما حضرتك فمش عارفة ليه الموضوع قلب معاكى شخصى قوى
وكأنك تعرفينى قبل كدة واذيتك مثلا ... والحقيقة ده ماتعملش معايا انا بس لكن فى معلقين تانيين بمجرد ماخالفوكى فى الرأى طالتهم على الفور سخريتك وواتهاماتك زى مالطالتنى سخريتك واتهاماتك و "رجمك" وعملتى كل اللى بتعيبى على الاخرين انهم بيعملوه لدرجة انك عملتى بوست بحاله لبهدلة الاخوان من خلالى ....... ههههه عادى عادى ...شفنا من ده كتييير

ومش هقولك جزاكى الله خيرا لحسن بضايقك قوى وبستغربيها ومش هقولك اذا كنت زعلانة ولا مش زعلانة عشان انتى ماتفرقش معاكى احترام المعلقين فى مدونتك من عدمه ماهى مدونتك بقى وانتى حرة فيها زى ما بتقولى
‏قال شقاوة شعب
دلوقتى بقى دى ردودعلى نقاط اثرها (رئيس جمهورية نفسى ) فى الموضوع الاخر :

اقتباس من كلامه : "عارفه ليه الاخوان مش بيربو الذقن علشان يستخبو الاختفاء ده خوف رغم انى المفروض انى المومن لا يخشى فى الله لومه لائم"

ردى: هو حضرتك بتتكلم عن مين ... عن الاخوان اللى كل واحد فيهم بيقول بصوت عالى انا اخوان وبيعتقل ويطلع ويعتقل ويطلع ... وبيعلنوا عن نفسهم فى الجامعة وفى كل مكان وتحت كل لوحة مكتوب اخرها طلاب الاخوان المسلمين وتقولى عشان يستخبوا ..... ده مافيش حد معروف للامن اكتر من الاخوان واديك قلت بنفسك المؤمن لا يخشى فى الله لومة لائم .... وهما مش خايفين من اعتقالات الحكومة وهيفضلو يقولولها باعلى صوى انك حكومة فاشلة ومش بتتقى ربنا فى شعبها

--------------------------

اقتباس من كلامك : "اعتقد انى لا يتم الانحناء الا الله مش لما الواحد بيقبل ايدى المرشد ليه"

ردى: كل العلماء على اختلاف اشكالهم اكدوا على ان تقبيل ايد اى حد يمثل لك شئ كبير ليس فيه اى اثم وعشان كدة الناس بتقبل ايد والديها وعشان كدة فى بعض البلاد الشامية الصغير بيقبل ايد الكبير لما يسلم عليه ودى شفتها فى مسلسل سورى ... ثم ان تقبيل ايد المرشد مش حاجة لازمة عندنا ...ده تلاقى اللى كان بيسلم عليه بيحبه وبيحترمه قوى لدرجة انه لما شافه فرح فقبل ايده وانا فى اكتر من موقف قابلت سيدات كبار فى السن وبحترمهم جدا سواء من الاخوان او غيرهم واول مابشوفها من فرحتى بلقائها بقبل ايديها..... فيها ايه دى


----------------------


واحب اقولكم اخيرا ان الاخوان هما جماعة عايزة تطبق شرع ربنا بمنهج وسطى معتدل لا فيه تشدد ولا تفريط واعضائها ناس عاديين ..لازم واكيد تلاقى حد منهم حواليك فى جيرانك او قراييبك او اصدقائك... وهما كمان نفسهم يطبقوا شرع ربنا على نفسهم قبل المجتمع وبيجتهدوا فى ده ... وان حصل تقصير او خطأ فدى طبيعة البشر يغلطوا ويتوبوا ...يعنى ماحدش قال انه طالما من الاخوان يبقى ملك ولو عمل اى ذنب يبقى "آدى الاخوان"

لان الاخوان فكرة قبل ما تكون شخص

واللى اسس الجماعة دى هو الامام حسن البنا وكان فقيه بالأزهر فى العلوم الشرعية وقال " نريد الفرد المسلم ثم الاسرة المسلمة ثم المجتمع المسلم ثم الحكومة المسلمة" يعننى يقصد ان كل فرد لازم يطبق الاسلام على نفسه ويجتهد انه ينشر قيمه فى اسرته لان كلكم راع وكلكم مسؤل عن رعيته وبعد كدة يساعد فى نشر قيم الاسلام فى المجتمع ويأمر بالمعروف وينه عن المنكر بالحسنى .. ويجتهد فى المشاركة فى الحياة السياسية لاختيار افضل من يراه يطبق شريعة الاسلام ...ده غير ان المجتمع لما يتمسك بتعاليم الاسلام طبيعى هتتطلع منه حكومة ملتزمة ... وقال كمان ان من يحكمنا بالاسلام نحن مستعدون ان نعمل تحت اقدامه

وده لا يعنى انى انكر ان الاخوان بيسعوا للحصول على اماكن فى البرلمان او مناصب فى الحكم مع العلم ان مصر هى البلد الوحيدة اللى عندها كلمة " ده عايز يمسك الحكم" دى شتيمة او تهمة ... واى بلد تانية عندها ده حق طبيعى لاى مواطن ايا كانت اهدافه من الحكم (كويسة ولا وحشة) والحق ده مكفوله ولا يعيبه.. والفيصل فى الاخر لصندوق الانتخاب
وكل واحد عقله فى راسه يعرف خلاصه ده

حتى سيدنا يوسف عليه السلام ماتكسفش يقول للملك "اجعلنى على خزائن الارض انى حفيظ عليم" وماعتبرش مطالبته بالحكم تهمة يتكسف يعلنها ... وفى الاخر الحكم للشعب لو شايف فيه خير يختاره لو شايف غير كدة يختار غيره

لكن نعمل ايه فى حكومتنا المصونة اللى نجحت على مدار اكتر من 25 سنة فى زرع الثقافة دى بين الشعب المصرى .. اللى مافيش ولا دولة متحضرة عندها الثقافة دى "المطالبة بالحكم تهمة" ....ء

وفى امريكا – ودى معلومة انا متأكدة منها من اقارب عايشين هناك- الطلبة المسلمين بيعملوا انشطة للمشاركة فى الحياة السياسية والحصول على المناصب ومع كدة فادارة الجامعة بتدعهم ماديا وكمان بتدعم اليهود وبتدعم الشذوذ اللى بيعملوا انشطة للمطالبة بحقوقهم

ورغم ان طلبة الجامعة المسلمين اكيد بالنسبة للفئة الحاكمة ضرر واهدافهم وحشة ولو وصلوا للحكم هيعملوا ويسووا .. الا ان برضه الحكومة بتدعمهم لان مالهاش دعوة انت هدفك ايه من المناصب الحكومية .. انا اللى يحكم بيننى وبينك صندوق الانتخاب ........ يعنى ماتعتبرش مطالبتهم بالمشاركة السياسية تهم ..دى بالعكس بتديهم فلوس عشان يعرفوا يصرفوا على انشطتهم

ياللا لكى الله يا مصرنا الحبيبة
‏قال Desert cat
ردى: كل العلماء على اختلاف اشكالهم اكدوا على ان تقبيل ايد اى حد يمثل لك شئ كبير ليس فيه اى اثم وعشان كدة الناس بتقبل ايد والديها وعشان كدة فى بعض البلاد الشامية الصغير بيقبل ايد الكبير لما يسلم عليه ودى شفتها فى مسلسل سورى ... ثم ان تقبيل ايد المرشد مش حاجة لازمة عندنا ...ده تلاقى اللى كان بيسلم عليه بيحبه وبيحترمه قوى لدرجة انه لما شافه فرح فقبل ايده وانا فى اكتر من موقف قابلت سيدات كبار فى السن وبحترمهم جدا سواء من الاخوان او غيرهم واول مابشوفها من فرحتى بلقائها بقبل ايديها..... فيها ايه دى

عمال تقولى الاخوان والاسلام وبنطبق شرع الله وبتستندى لى لمسلسل
هل الرسول كان بيسمح لحد يقبل ايده يا متعلمه يا بنت الاخوان
انتى تقبلى براحتك حتى لو قبلتيهم شخصيا
ده عادى على فكرة مش حرام اصلى شوفتها فى مسلسل اردنى
على م ااعتقد اللى بيقبل الايادى الجوارى والعبيد يا بنت الــ الاخوان
‏قال غير معرف…
الاخت شقاوه شعب
اولا انتى حطيتى الردود على بعض النقض ومكملتيش باقى النقط كلها فى الردو
اولا : التحالفات مع الاعداء والحكومه الكافره عايز اسمع ردك عليها
ثانيا:اعلان المرشد العام تكفير كل الحكام العرب ايان حرب البنان
ثالثا: موضوع استعراض القوى الى حصل فى جامعه الازهر
رابعا نقطه جات على بالى والخاصه باعلان المرشد العام استعداد الاخوان لارسال 10000 مقاتل للقتال فى صفوف حزب الله ايان حرب لبنان ممكن اعرف لتجهيز والتدريب تم ازاى
اسف للتدخل دون اذن صاحبه البوست بس لو حبيتى انقلى النقاش فى البلوج بتاعى

المشاركات الشائعة