عيد سعيد على الجميع ان شاء الله

كل سنة وانتوا جميعا بخير وعيد سعيد زى ما رمضان فيه رحمة وحب وود العيد برضه فيه صلة رحم وربنا يجعل كل ايام المسلمين مليانه بالخير ليلة العيد مبتكونش ليلة عادية الكل بيهنى ويبارك اهله واصاحبه واحبابه بالنسبة لى انا وصحابى كان الوضع مختلف شوية اتجمعنا مع بعض بالليل وقضيناها حكايات من ايام زمان على شوية كحك على بسكوتات وبيتيفورات مع مج الشاى وشوية لاقينا الفجر بيأذن .. إيه ده هو الوقت بيجرى كدا ليه ده انا متخيلة ان الساعه مثلا لسه الواحدة بعد منتصف الليل شوية كمان ولاقينا الشارع على آخره ناس .. شومعنا احنا يعنى ... قومنا لبسنا ونزلنا نصلى طبعا مش فى المسجد لان صلاة العيد مستحبة فى الخلاء وعلشان كدا روحنا الساحة اللى جنبنا مباشرة يعنى بينا وبينها دقيقة مشى كدا ... وبما انى كنت رايحة اصلى واتفرج على الناس برضه .. فقولت افرجوا معايا على صلاة العيد فى بلدنا
الشارع اول ما بدأ يتملى بالناس اللى رايحه تصلى


طبعا الرجاله واحنا حابسينهم علشان مش يبصوا علينا واحنا بنصلى اصل احنا عارفين الحركات القرعه دى




طبعا الستات لسه بتتجمع والى قاعدين بيستمعوا لتكبيرات العيد هنا اتجمعنا وما زلنا بنستمع للتكبيرات



وهنا صلينا وخارجين وانا كنت بتفعص تحت رجلين البشرية دى كلها


وهنا بدأت آخد أنفاسى وكدت اسجد لله شكرا فى الشارع انى خرجت من تحت الرجلين بشوية اصابت طفيفة
وكل سنة وانتوا طيبين ومع اهاليكو وبين اسرتكو معيدين
وعيد سعيد

تعليقات

‏قال ابو احمد
كت سنه وانت طيبه وعيد سعيد عليكى انت والاسره الكريمه
كل عام وانت بالف صحة وسلامة
تحياتى
‏قال دكتور كسلان
كل سنة وانت طيبة

عيد سعيد عليكى ان شاء الله

ويارب تحققى كل اللى نفسك فيه
كل عام وحضرتك بخير وربنا يعيده عليكم بخير حضرتك والأسرة

تقبل الله طاعاتكم وأعانكم على الثبات
Kol 3aam wa antum bekheer, I am originally sharqawy 2...
and I wish we will communicate.
best wishes.
‏قال شهرزاد
كل عيد وانت بخير وبصحه
كل سنة وانتي طيبة
انا بردو كان نفسي اعمل بوست زي ده بالظبط بس مقدرتش بقى
بس انا عايز اعرف ليه امن دولة يعني ف صلاة العيد
هما فاكرين الناس خلاص يعني ساكتة طول السنة ومش لاقية غير العيد مثلا عشان تعمل مظاهرات او شغب
؟؟!
ربنا يصلح الأحوال وان شاء الله السنادي تكون احسن من اللي فاتت

وتقبل الله منا ومنكم
‏قال شقاوة شعب
كل سنة وانتى طيبة ومعييدة وفرحانة وواخدة عيدية كبيييرة

شاركينى على مدونتى فرحتينى (اصلهم 2) وان شاء الله ماحد حوش

وشاركينا فى ملتقى الدفاع عن سجناء الراى وحقوق الانسان بحضور عدد كبير من المدونين والصحفيين
يوم الخميس الجاى 18/10 بنادى المحامين بالاسكندرية
كورنيش البحر- جليم
الساعة 5 مساءا

بجد اسكندرية هتنور لو جيتى يومها
‏قال Desert cat
ابو احمد
وحضرتك طيب
وبالصحة والسلامة
‏قال Desert cat
حـريــة الــفـكــر والابــداع
وانت طيب يا فندم
وعيد سعيد
‏قال Desert cat
دكتور كسلان
وانت طيب يا دكتور وبالف صحة وسلامة
‏قال Desert cat
طال الليل
اللهم آمين
وكل سنة وحضرتك بالف خير
‏قال Desert cat
a Dreamer with feet on the Floor
وانت طيب
وعيد سعيد على حضرتك والاسرة الكريمة
كل سنه وانتي طيبه
وربنا يجعل ايامنا كلها اعياااااد
من غير بوكسات
ههههههههههههه
‏قال Desert cat
شهرزاد
عيد سعيد علينا وعليكى ان شاء الله
‏قال Desert cat
آلام وآمال
اكيد لو كنت عملت البوست كان طلع احسن من ده
موضوع امن الدولة ده حاجه مش غريبة هما من امتا بيسيبونا فى حالنا
هما بيهمهم عيد ولا غير عيد
كل سنة وانت طيب
‏قال Desert cat
شقاوة شعب
انا يشرفنى والله الحضور واشكرك جدا على الدعوة
بس للاسف انا بعيده جدا
يعنى محتاجه يوم للسفر
بس ان شاء الله متابعه معاك على البلوج
كل سنة وانت طيب
‏قال Desert cat
اسكندراني اوي
وانت طيب ياباشا
وكل اسرتك وعائلتك بالف خير
‏قال AHMED SAMIR
كل سنة وانتى طيبة ويعود عليكي بخير كل سنة ان شاء الرحمن
كويس قوي وكرم من الحكومة انها سمحت للناس انهم يصلوا العيد اساسا
كويس انهم مالاغوهاش
قادرة وتعملها
تحياتي
‏قال Desert cat
كل سنة وانت طيب ويعيد عليك الايام بالخير ان شاء الله
بالنسبة للحكومة
فهما سابونا احنا وقفلوا قرية تابعة لينا
يمكن مش كانوا فاضيين للقرية والمدينة فى نفس الوقت
تقريبا دورنا فى عيد الاضحى
كل سنة وانت طيب
‏قال Unknown
كل سنة وانتى طيبة
‏قال Desert cat
ايوية
وانتى طيبة يا جميل
‏قال بهلول
كل سنه وانتى طيبه والمسلمين جميعا بخير
‏قال ta5areef
كل سنة وانت طيبة وطقوسك للعيد تفضل معاكى دايما

عيد سعيد
‏قال مصطفى حسان
كل سنه وانتي طيبه واحنا كلنا بخير

لذيذة الصور لكن في شوية صور مش بيظهروا جايز العيب من عندي انا مش عارف

المهم
يا رب يعود علينا رمضان الجاي ونكون على حال احسن من كده وتكون أمة الإسلام بخييييييييييييير


تحياتي
‏قال altwati
كل عام وأنتم بخير
‏قال Desert cat
بهلول
وحضرتك طيب
والاستاذه بهلهولة بالف خير
‏قال Desert cat
تخاريف دكتور
وانت طيب يا دكتور
عيد سعيد عليك وعلى المسلمين
‏قال Desert cat
darsh
وانت طيب يادرش
بالنسبة للصور فهى ظاهره عندى
كلها ..
نورت البلوج يا فندم
‏قال Desert cat
altwati
وانت بكل خير
‏قال غير معرف…
كل سنه وانتى طيبه وتقبل اله منا ومنك صالح الاعمال
‏قال غمض عينيك
كل سنة وانتي طيبة يانانا
والسنة الجاية ان شاء الله تصلي بعيد عن القل اللي احنا عايشينه ده

عيد سعيد عليكي

محمد سمير
كل سنة وانتى طيبة ياقمر

بلوجتك لذيذة ماشاء الله
‏قال Desert cat
رئيس جمهوريه نفسى
وانت طيب ياباشا
وان شاء الله السنة الجاية تكون حققت كل اللى تتمناه
‏قال Desert cat
غمض عينيك
وانت طيب يا محمد واسرتك الكريمة طيبة وبكل خير
‏قال Desert cat
كفايـة طيبـة
وانتى طيبة
وطبعا الاجمل من البلوج انك شرفتينى

المشاركات الشائعة