تم البدر بدرى



والله لسه بدرى والله يا شهر الصيام
انا حاسه رمضان السنة دى مش زى عوايده معانا كل سنة .... مش عايز يطول معانا .. حاسه انى من يومين بس كنت لسه بكتب بوست بمناسبة قدومة وبوصف فيه يومى بيكون ازاى وبحب الشارع قوى قبل المغرب والناس كل واحد بيجرى على بيته علشان يلحق المدفع فى وسط اهله وعيلته .. لسه شايفه كل قرايبنا وعيلتنا متجمعين عندنا فى العزومة اللى بنعملها كل سنة .. مع انها كانت تانى يوم من رمضان لسه حاسه انى كنت بفطر مع صحباتى امبارح الفطار اللى بنعمله كل يوم جمعه ... لسه مش لحقت افرح بيه بجد .. من يومين كنت بتفق مع صحابى اننا نصلى التراويح سوا فى المسجد والنهارده بنتفق ليله العيد نسهر للصبح علشان نصلى العيد سوا
حاسة من دلوقتى انى مفتقداك جدا يارمضان ..
حرجع افتقد من تانى لمة العيلة ساعه الفطار ... الشارع وبهجة الناس .. الرحمة والود والمحبة اللى مش بشوفها فى عيون الناس غير فى الشهر الكريم ..
ياريت الاخلاقيات ما تتغيرش والروحانيات ما تقلش .. عبادتنا لله سبحانه وتعالى مش رمضان بس عبادتنا طول السنة لا تنقطع
محتاجين لحظة صدق
محتاجين نوعد الله من النهارده حتى رمضان المقبل
يارب لئن أشهدنتي رمضان المقبل لترن مني ما أصنع
كما قال أنس ابن النضير لغيابه عن غزوة بدر ..
وعد الله سبحانه وتعالى حين قال لئن أشهدني الله مع النبي صلى الله عليه وسلم قتال المشركين ليرينَّ ما أصنع
وقد صدقه الله لانه صدق الله
وقاتل فى أحد ثم قتل فنزل فيه قول الحق سبحانه وتعالى
" من المؤمنين رجال صدقوا ما عاهدوا الله عليه فمنهم من قضى نحبه ومنهم من ينتظر وما بدلوا تبديلا "
لئن أشهدني الله رمضان المقبل ليرن مني ما أصنع
اللهم ارزقنا الصدق والإخلاص يارب العالمين ..وأحيِنا صادقين على الحقِّ ثابتين ...وأمِتنا صادقين ..واحشرنا مع الصادقين .. واجعلنا اللهم ممن قلت فيهم {هَذَا يَوْمُ يَنفَعُ الصَّادِقِينَ صِدْقُهُمْ لَهُمْ جَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا أَبَداً رَّضِيَ اللّهُ عَنْهُمْ وَرَضُواْ عَنْهُ ذَلِكَ الْفَوْزُ الْعَظِيمُ }
اللهم تقبل صيامنا وقيامنا وصالح اعمالنا
وكل عام والجميع بالف خير
عيد سعيد على كل المسلمين والمسلمات بقبول صيامنا عند الله سبحانه وتعالى
عيد سعيد على كل المسلمين والمسلمات بقبول سجودنا وقيامنا واجابة دعائنا
عيد سعيد على كل المسلمين والمسلمات بعبادتنا وبعادنا عن ما حرم الله طوال العام وليس رمضان
يارب نحن عبادك ربانيين لا رمضانيين
وصوما مقبولا وذنبا مغفورا باذن الله

تعليقات

انتي قلتي كلمة مش عارف انتي قاصده معناها العميق ده ولا لاء

(رمضان مش عايز يطول علينا)
ياااااااااه

الكلمة دي فيها معنى صعب اوي بجد
دار ببالي ان فعلا رمضان ده لو كان شخص او حد له روح ويقدر انه يعبر عن اللي بيحص بيه كان نفر من حالنا ومكنش فعلا هيبقى عايز يقعد معانا اكتر من كده لأننا وحشين اوي بجد
اتكلم عن نفسي انا اافضل عشان محدش يزعل مني
بجد انا لو رمضان ضيف عندي ميحبش ابدا انو يطول معايا القعدة

معنى صعب .. مش كده؟

ربنا يصلح احوالنا وكل سنة وانتي طيبة
‏قال son's egypt
السلام عليكم
كل سنه وانت طيبه
فعلا رمضان السنه ديه جري بسرعة اوي والواحد تقريبا محسش بيه خالص
الواحد مش عارف ليه
بس الواحد يدعي ربنا انه يبلغنا رمضان السنه الجاية ان شاء الله
‏قال غير معرف…
كنت جاى اعمل بوست بنفس العنوان وعن نفس الموضوع بس انتى سبقتينى يلا فى بيتها كل سنه وانتى طيبه
‏قال sahr
اه والله لسه بدري
هي كده الايام الحلوة بتجري
رمضان الجاي بقى وانتي طيبة
كل سنه وانتي طيبه
ربنا يتقبل منا ومنكم الطاعات جميعها
الشعور ده عند كل الناس على فكره
رمضان جري ومالحقناش نعمل كل اللي كنا عاوزينه

اللهم تقبل منا رمضان


تحياتي ليكي ولكل زائريكي
‏قال سلوى
فعلا .. عندك حق
وعجبني تعليق آلام وأمال جدا
غفر الله لنا جميعا
ويارب في كل لحظه قادمه تكونوا إلى الله أقرب
وكل سنه وإنت طيبه
‏قال Ahmad Hegab
كل سنة و انتى طيبةو ربنا يعود علينا رمضان بخير و براحة على الكحك
كل عام وأنتم بخير
اللهم لاتحرمنا مغفرتك ورحمتك
وندعوا الله جميعا ان يأتى رمضان القادم ونحن فى احسن صحة وان يفرج كربنا وهمنا ويرفع مقته وغضبه عنا وان يفرج كرب كل مظلوم ويهدى كل ظالم ويرد لنا غائبنا ويفك اسر اسرانا ونصلى سويا فى المسجد الأقصى
‏قال Desert cat
آلام وآمال
انا فعلا الكلمة دى حاساها من زمان
يمكن من بداية العشر الاواخر
افضل اقول لنفسى للدرجة دى رمضان مش عايزنا
بيجرى بسرعه الصاروخ
ملحقناش نفرح بيه
ربنا يتقبل صيمنا وثيامنا باذن الله
تحيتى وتقديرى
‏قال Desert cat
son's egypt
عليكم السلام ورحمة الله وبركاته
كل عام وانت طيب وبالف خير
اللهم بلغنا رمضان باذن الله
‏قال Desert cat
رئيس جمهوريه نفسى
يا فندم ولا يهمك
ده انا احذف البوست ده وانت تكتب اللى تحبه
كل سنة وانت بالف خير
‏قال Desert cat
sahr
ربنا يعيد الايام بالخير على كل المسلمين
وعيد سعيد يا قمر ان شاء الله
‏قال Desert cat
اسكندراني اوي
رمضان كريم ياباشا وكل سنة وانتى بالف خير
وربنا يعيد الايام بالخير عليك وعلى اسرتك وعلى كل المسلمين ان شاء الله
عيد سعيد يا فندم
بس برضه مش حتنازل عن العيدية
‏قال Desert cat
Salwa
كل سنة وانتى بالف خير يا سلوى
عيد سعيد يا جميل
‏قال Desert cat
ahmEd_H
ههههههههههه
حاضر بالراحة على الكحك انا يمكن مباكلوش اصلا
كل سنة وانت طيب
‏قال Desert cat
???? ........??????
اللهم أمين
يارب انصر كل مظلوم واغفر لنا وارحمنا
تحياتى يا فندم
وكل سنة وانت بالف خير
‏قال frozen love
kan nfsy a7s beh zy kl sana m3rfsh fe eh elsanade

kl sana wento klkm tybeeen
‏قال Desert cat
ان شاء الله السنة اللى جاية تحس بيه بس انت جدد النية
وكل سنة وانت بالف خير
عيد سعيد ان شاء الله
‏قال Ahmed Al-Sabbagh
اه والله
الايام بتجرى اوى
وعمرنا كله بيجرى بردة

كل سنة وانت طيب

تحياتى
‏قال فبركة
ألف رحمة ونور عليكى يا شيماء
اللهم أرحمها وأرحم كل موتى المسلمين
اللهم أرحمنا فوق الأرض وتحت الأرض ويوم العرض عليك
رجاء من الكل زيارة مدونتى وقراءة البوست الأخير
جزاكم الله خيرا
‏قال Layla
كل سنة وانتي طيبة...عيد سعيد
‏قال رفقة عمر
كل سنه وحضرتك طيبه
عيد سعيد عليكم وعلى الاسرة
ورزقكم الله القبول اللهم امين
‏قال el_assel
فعلا رمضان ده شهر ما يتعوضش

بس للاسف
احنا ما بنحس بيه الا لما يمشي

كل سنـة وانتي طيبة
وعـــيد سعيـــد
‏قال Desert cat
Ahmed Al-Sabbagh
فعلا الايام اللى عمال تجرى دى مؤشر لان عمرنا هو اللى بيجرى
تحياتى
وكل عام وانت بخير
‏قال Desert cat
فبركة
جزاك الله كل خير
ورحم الاخت شيكو واسكنها فسيح جناته
‏قال Desert cat
Marvel
وانت بالصحة والسلامة
وان شاء الله عيد سعيد علينا وعليك وعلى كل المسلمين
‏قال Desert cat
رفقة عمر
وانتى طيبة يا جميل
وربنا يعيد عليكى الايم وعلى اسرتك بالخير والبركة
‏قال Desert cat
el_assel
احنا مش بنحس لالحاجة الحلوة الابعد ما بتخلص
كل سنة وانت طيب
‏قال Muhammad Mammdouh
والله عندك حق وكل سنة وانتى طيبة
اولا
كل عام وانت بخير
وعيد سعيد عليك وعلي الاسره جميعا
وربنا يجعلك من المقبولين في رمضان ومن
الذين أعتقوا في هذا الشهر العظيم


ثانيا علشان الفلم يشتغل اول متفتح الثفحه اعله الصفحه فى اختيار لونه اصفر دوس عليه هيفتح معاك

احمد الجيزاوى
‏قال ما علينا
كل سنة وانت دايما بالف خير
انت وجميع الامة الاسلامية

كل سنة وانت طيبة
‏قال Desert cat
mo7amed mamdo7
كل سنة وانت طيب يا محمد
عيد سعيد
‏قال Desert cat
مدونه انا بحبك يا مصر
اللهم امين
وكل سنة وانت واسرتك بالف خير
ها احاول اشوف الاختيار هدخل هناك حالا
‏قال Desert cat
ما علينا
وانتى طيبة يا جميل
وعيد سعيد عليكى وعلى اسرتك
‏قال زى الهوا
هابى عيد , وكل سنة وانتى طيبة يااحلى كات فى الدنيا
‏قال Desert cat
زى الهوا
وانتى طيبة يا احلى بنوته فى الدنيا
تعرفى انا عيطت امبارح عشان رمضان خلص بجد هيوحشنى قوى الهدوء النفسى والسهر للصلباة والتراويح والبعد عن المشاكل والطيبة اللى فعيون الناس
هيوحشنى ربنا اللى بيبقى جنبنا فكل لحظة فرمضان طبعا هوة معانا ع طول بس احنا بنحس بية قوى فرمضان بنحس بية فكل ركعة وفكل دعاء بالستر وراحة البال والرزق الحلال
فكل تمنى بالعتق من النار
فكل رعشة وبكاء غزير ع ما أسلفنا بغفلتنا من ذنوب
فعلا هيوحشنى معاكى رمضان
تحياتى لحضورك لمدونتى واسفة لتأخرى فى الرد
‏قال 3abdo me7tas
وانتى طيبة يا أنوش
:)
كل سنه وانتي بألف خير ويارب تكوني اتوفقتي ف رمضان
عيد سعيد
وياريت نخف من الكحك
كل سنه وانتي طيبه
‏قال Desert cat
كلاكيت تانى وتانى
ربنا يعيد عليكى الايام بالخير
وان شاء الله من عتقاء النهار
كل سنة وحضرتك واسرتك بالف خير
‏قال Desert cat
3abdo me7tas
وانت طيب يا عبود
‏قال Desert cat
ولــــــــــو
هو انا مش قد كدا فى الحك لكن بعوضها فى الفسيخ
كل سنة وانت طيب يا فندم

المشاركات الشائعة