تااااااااج بقمر الدين والمكسرات ..


التاج التانى واوعى اوعى تغمض عينيك
ده مش اعلان لروتانا
لاء خالص
اصل التاج ده من عند محمد سمير مدونة غمض عينيك
وندوس انتر
ونبتدى الاجابات
لو قالولك اختار عصر من عصور مصرعلشان تعيش فيه تختار اى ‏عصر و فى عهد اى حاكم .. واشمعنى؟
انا اختار عهد جمال عبدالناصر اصلى بحس ان العهد ده الناس عندها نخوة وشهامة وكرامتها بتنقح عليها اوى اوى كدا
اول ‏اولويه فى حياتك عيلتك ولا شغلك ولا اصحابك؟
وده سؤال برضه يمه طبعا رحاب
طبعا طبعا عيلتى
ايه اكتر ‏حاجه بتحبها فى رمضان؟
لمتنا كلنا فى وقت واحد وهو وقت الفطار اصلنا فى الايام العادية مش بنشوف بعض الا بالصدفة ولو حد فينا محتاج التانى اوى يبقا يحدد معاد سابق قبلها

اوصف ليا ‏اجمل فطار ممكن تفطره
وانا مع صحباتى .. الاربع جمعات فى ايام الشهر الكريم بيكون كل جمعه واحده عازمة الباقيين الحوار ده بنعمله من زمااااااااان بس بجد بتكون لحظات جميلة جدا ربنا يديم بينا الود ياااارب
لو انت ‏حاكم على مجموعه من الافراد هتكون عادل؟؟ طب هتعمل ايه عشان تتأكد انك حاكم ‏عادل؟
انا حسيب التقييم للشعب بقا اصل انا مش هعرف اقيم نفسى
واللى ممكن اعمله هغير فى الحاشية اللى حواليا باستمرار مش حسيبهم متبتين لتحقيق اغراضهم ومصالحهم الشخصية
وهحط فى كل ميدان عام وشارع لا للظلم لا للقهر لا للاستعباد انت فى ايدى امينة اتصل يصلك مندوبنا
اللى بيبوظ الحكام .. نفسهم؟ ولا الشعب؟ ‏ولا الحاشيه المقربه؟
اولا لو الحاكم نفسه ضعيفه وموجود من اجل تحقيق اغراض وزيادة حساباته فى بنوك سويسرا وتحقيق مستقبل افضل لاحفاد احفاد احفاد احفاده يبقا هو نفسه محتاج تغيير ثانيا الحاشية ثالثا الشعب اللى بيتهان وينداس عليه وهو حاطط فى بؤه واللامؤاخذه
مين ‏أكتر اعلامي مصري بتحترمه؟
حمدى قنديل الراجل ده باحترمه من وانا فى 3 اعدادى لحد النهارده
قريت ديوان عمر مصطفى صاحب بلوج تجربه " اسباب وجيهه للفرح" ‏عن دار ملامح و لا لسه ؟؟
بصراحة لاء بس نقراه يعنى ورانا ايه
لو ‏ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ‏ايه؟
مديرة شركة طيران
ايه تانى بلد تتمنى تعيش فيها بعد ‏مصر؟
لندن
اوصف ليا ‏ترتيبات اجمل فرح ممكن تحضره
اللى احس ان فى ناس فرحانه علشان حبابيهم بيتجوزوا مش اللى رايحة تبص على فستان العروسة ولا اللى رايحة تدور على عريس ولا اللى رايحة تقول فلانه اتجوزت والتانية اطلقت
نفسى يبقا الفرح كله حب وجو رومانسى وطول الفرح نرقص سلوووو
بتراعي ‏كلام الناس والقيل والقال؟ لو اه او لو لا قول لى ‏ليه؟
ردى يتلخص فى الآتى
يابن ادم لا تنظر لعورة امرئ فاللناس السن وعيون
واللى يدور على عيوبه ينشغل عن عيوب غيره
طالما مش بغضب ربنا وبينى وبينه عمار
الناس دى ولا مؤاخذه يعنى فى كعب الشوز بتاعى
صحيت من النوم ما لقيتش الموبايل ولا الكمبيوتر ولا ‏الكاميرا الديجيتال ولقيتنا ‏رجعنا لعصر الحمام الزاجل والحصنه هتكون سعيد؟
هكون عادى يعنى لو كل الناس بقت زى اصل لو هما معايا انا لوحدى هكلم مين ولا هيبقا فايدتهم ايه
انما اتسحبوا منى لوحدى ده انا اعمل جريمة واعمل محضر فى القسم واتهم البيت كله انهم سرقونى
السعاده ‏هى؟
رضا الله ثم رضا والدتى
عندك أمل ‏؟؟ أسبابك ؟
الحمد لله الامل موجود
واسبابى علشان احساسى ان الناس اللى بتحبنى اكتر كتييييير من اللى بتكرهنى
امتى ‏أول مره خدت فيها نفس طويل كده وقلت بينك وبين نفسك يااااه الظاهر انا فعلا ‏كبرت؟
لما تحمل مسؤلية اكبر منى بس بحاول على قد ما اقدر اكون قدها علشان ما اخذلش اللى حملها لى
لما ‏بتعمل عمل خيرى بيكون ايه هو دافعك الاول؟
طبعا رضا الله ثم احساسى باسعاد انسان
بتشرب ‏سجاير؟ لو الاجابه اه ايه شعورك لو شفت ست بتشرب سجاير؟ وليه
لاء مش بشرب بصراحة
ولو شوفت ست بتشرب سجاير
عادى دى حريتها الشخصية يعنى حاجه تخصها لوحدها تشرب سجاير تشرب ويسكى انا مالى

مفيش حد بيحاسب مكان حد تانى
بتعرف ‏ايدك اليمين من الشمال ازاي؟
بتخيل نفسى بكتب اى حاجه
ايه اكتر ‏اله موسيقيه بتحبها ؟ ؟
البيانو
فى رأيك ليه الذوق والنخوه ‏اتعدموا؟
علشان الضمير انعدم والادب والاخلاق انعدمو والتعليم فشل والصحة اتدمرت
اشمعنا الذوق والنخوة اللى حيفضلوا
ما كل حاجه راحت خلاص
ايه ‏الحاجه اللى لو حصلتلك تبقى سعيد قوى؟؟؟
احقق حلم حياتى
تختار ‏يبقى عندك...ارض زراعيه ولا اجنس عربيات و لا كام عماره و لا فلوس فى ‏البنك؟؟؟؟
اجنس عربيات
البحر و ‏لا النيل؟؟؟
النيل
مركب و ‏لا طياره؟؟
مركب
مجنون و لا ‏عاقل؟؟
حسب الحالة المزاجية
تقرأ ‏كتاب و لا تتفرج عليه فيلم؟
الكتاب طبعا
بتمرر ‏التاج لمين؟؟؟
رئيس جمهورية نفسه
e7na
اسكندرانى اوى
عبده محتاس

واى حد عايزه يتفضله

تعليقات

افشت اول تعليق الحمد لله
التاجات في رمضان بتفطر
هههههههههههههههههههههههههههههههه
سواء كان الصبح او باليل
كده برضه عاوزه تضيعي علينا الايام اللي فاضله
عموما حاضر اروق كده وافوق واشوف حعمل ايه في التاج بتاع سعادتك
روحي يا شيخه.....وتعالي بسرعه
‏قال غير معرف…
اولا شكرا على سوالك عنى وغيابى كان بسبب انى النت قطع فى الصعيد يمكن اكتشفو انى النت حرام فى رمضان قطعوه
ثانيا : شكرا على تمريرك التاج ليه
ثالثا : روددك منطقيه واحلى ما فيها انك واثقه فى نفسك وانك طول منتى صح ميهمكيش الناس
‏قال truelove
تعرفي محمد ممرر ليا التاج ده بقاله كتير بس جزاكي الله خيرا هجوبه بقى بس اجباتك لذيذة ودمها خفيف وكل سنة وانتي طيبة ياقطة ويالا سلام اقصد ميوووووووووووووو
‏قال Desert cat
اسكندراني اوي
ياباشا التاجات فى رمضان فرض
والفرض لابد من ادائه
كل سنة وانت بالف خير ياباشا
‏قال Desert cat
رئيس جمهوريه نفسى
حمد الله على سلامة النت ياباشا
وبعدين سؤالى ده واجب ده احنا زمل يعنى
المهم انت بخير الحمد لله
واشكرك جدا على حسن ثنائك
تحياتى
‏قال Desert cat
truelove
خلاص انا جاية عندك دلوقتى
الاقيش كوبايه شاى ولا مج مسكوفيه
طبعا الجميل انك نورتى البلوج
وكل سنة وانتى بالف خير
‏قال زى الهوا
عندك ثقة فى النفس غريبة طول الردود , وحلوة اوى بتاعت هبلغ البوليس فى اللى سرقوها ههههههههه
‏قال زى الهوا
يعنى ايه قطة الصحراء؟؟؟
أمنيتك أجانس عربيات
طيب عظيم
أنا أمنيتى حتة عربيه أروح بيها الشغل
أنا أتبهدلت فى المواصلات
لو ربنا حقق حلمك
تقدرى تهدينى سياره صغيره بنفس راضيه
فكرى كويس
ولو وافقتى أنا ممكن أدعيلك دعوه جامده
بس الشرط نور
فى أنتظار رأيك
على فكره الردود حلوه قوي منطقيه وصريحه
ومش عارف ايه موضوع البيانو اليومين دول
امال انا مش باحبه ليه
تحياتي
‏قال غمض عينيك
معليشي بقا يا نانا اتاخرت عليكي
بس تسلم ايديك الاجابات جميلة

بس قوليلي ايه حكاية اتصل يصلك مندوبنا اينما كنت
انتي هتكوني رئيسة بالدليفري ولا ايه

دايما كده تاجات وتاجات يانانا
كل تاج وانتي طيبة

محمد سمير
‏قال Tamer Nabil Moussa
السلام عليكم

ازيك

كل سنة وانتى طيبة

تحياتى
‏قال Desert cat
زى الهوا
ميرسى اوى يا ميس سماح على حضورك المدونة
ثانيا بقا انا لو قومت من النوم مش لاقيت الحاجات بتاعتى هيبقا مين سرقها غير اللى معايا فى البيت مثلا
انا بقا اروح اعمل محضر واتهم فيه امى وابويا ويبقا كدا ضربت عصفورين بحجر
‏قال Desert cat
الأميره أوسه
بس هو يجى يا اوختشى وانا من عونيا الاربعه اديكى عربية BMW هدية ووعد منى كل سنة اغيرها لك
تعرفى انا اتمنيت اجانس عربيات ليه
اصلى زيك بالظبط
عينى بتطلع كل يوم فى المواصلات
على العموم انا عند وعدى
ما تخافيش هديكى عربيه عن ما حد حوش
‏قال Desert cat
ولــــــــــو
متشكرة جدا ياباشا
بالنسبة للبيانو
فانا بحبه علشان زمان كان نفسى اتعلمه
دلوقتى غيرت راى ونفسى اتعلم العود
‏قال Desert cat
غمض عينيك
ما هو ياباشا انا هعمل زى ظاظا كدا واخلى موبايلى مع الشعب كله
اللى بيتعذب فى قسم مثلا يرن بس وانا هبعت له حد يخلصه
واحد اتسرق مثلا يرن بس وانا ها اجى بنفسى ادور على الحرامى ونقسم بالنص
عادى يعنى
رئيس الجمهورية فى خدمة الشعب
وكل تاج وانت بالف الف خير يا فندم
‏قال Desert cat
Tamer Nabil
عليكم السلام ورحمة الله
انا الحمد لله كويسة
يارب انت كمان تكون بخير
وكل سنة وانت طيب
عيد سعيد يا فندم
‏قال غير معرف…
قطه انتى فين ليكى يومين مش على البلوج يارب يكون المانع خير
‏قال Desert cat
رئيس جمهوريه نفسى
انا الحمد لله كويسة
الف الف شكر ياباشا على السؤال
‏قال بهلوله
ازاى عاوزه تبقى مديره شركه طيران ولما سألوكى طياره ولا مركب جاوبتى مركب
معلش دى حاجه لفتت نظرى
المهم
اجابتك عسوله يا قطقوطه
والتاج ده شكله جامد قوى
سلام مربع من اختك بهلوله الصحراء
‏قال veticohaya
salam alikom...
ردوود حلوة على التاااج...
:)
يلا مستنين بوست جديد
‏قال Desert cat
بهلوله
اللى مشرفانى ومنورانى
واحلى سلام للجميل
يافندم انا عايزه ابقا مديرة شركة طيران علشان الفالعالم وقت ما انا عايزه
وعايزه المركب علشان الف بيه فى البحر وقت ما انا عايزه
انا حبيت بس اكسب الاتنين طماعه طماعه يعنى
لما ابقا مديرة شركة طيران واختار طيارة .. ما هو كدا كدا الطيارة موجودة .. يبقا اختار مركب بقا لوقت الاستجمام بتاعى وخلاص
‏قال Desert cat
veticohaya
يادى النور يادى الهنا
ان شاء الله الجديد جاى من عند الترزى فى العيد
يا ستي احب اخبرك ان التاج جاهز على النشر
واي خدمه
‏قال Desert cat
شكرا ياباشا على الواجب
وكل تاج وانت طيب

المشاركات الشائعة