الوزراء ورجال الاعمال بس يدخلوا .. الفقراء يمتنعو


الراجل ده
قصدى الباشا ده احسن اتسجن ولا حاجه واحنا فى ايام مفترجة
ولاده واحفاده بيتعلموا فى مدارس لغات اصل نظام التعليم فى مصر بقا فاشل
لاء ده مش هو لوحده هو ونخبه على حد قوله
طيب هو مش انتوا الحكومة برضه ياباشا ولا ايه
انتوا ربنا ميدكو وتعلموا ولادكو واحفادكو فى مدارس اجنبية
طيب الغلابة يعملوا ايه .. يروحوا فين فى ظل المستوى التعليمى الفاشل اللى حضرتك تفضلت وذكرته
طيب مش بدل ما تدخل ولادك واحفادك مدارس اجنبية يا باشا انت والنخبة اللى حضرتك بتقول عليها دى تفكروا فى حل جذرى للفشل ده علشان يبقا مستوى التعليم فى مصر ناجح
ودوه دروس خصوصية ياباشا .. ولو الميزانية لا تسمح فى مجموعات تقوية ممكن تساعد شوية
انما لما الحكومة اللى معيشانا ومدلعانا احلى دلع ومظبطانا اعلى تظبيط
ولادهم يتعلموا فى مدارس اجنبية ومش مهم بقا اللى بيتعلموا فى مدارس حكومية .. ويتعلموا ليه اصلا ... الفقرا اصلا ميدخلوش مدارس دول يشتغلوا زبالين
بصراحة حل هايل لمشكلة التعليم فى مصر .. اللى معاه يدخل ولاده مدارس اجنبيه واللى ماعهوش ميلزموش
http://www.almasry-alyoum.com/article.aspx?ArticleID=77934
ده لنك الموضوع
انا مش بحقد عليه ولا على غيره علشان ولادهم واحفادهم مدارس لغات وانا كنت مدارس حكومية لاء خالص اصل على ايامى كان التعليم بينجح بمجموع 50 % انما دلوقتى بقا فاشل فشل ذريع يعنى انا لحقت منه شوية
علشان كدا مش من حقى احقد
انما اللى مضايقنى فى الحوار ده كله .. طالما حضاراتهم عارفين ومتأكدين وباصمين بالعشرة ان التعليم فى مصر فاشل ومبقاش ليه اى لزوم .. ليه ميكونش فى حل .. ليه ميكونش فى مواجهه للمشكلة بدل الهروب منها
ولا تتحل ليه ما هو لازم يكون فى تمييز بين ابن الوزير وابن الغفير
ابن الوزير اللى هو اصلا بيتعلم وبيصرف من مال الغلبان .. مش والده برضه يبقا صاحب منصب مرموق فى الدولة .. والحكومة بتقبضه من مال الدولة والمال ده منين مش ضرايب على تامينات
اللى هى اصلا من دم الغلابة

تعليقات

‏قال غير معرف…
هى الاول مش عارف ليه بس بشوفهم على باقى البلوجات بيعملو كده
بصى يا قطه الشعب المصرى طماع بجد ومالهوش حق يعنى الحكومه كتر خيره مخلينا نعيش بطريقه ما تحت الحيطه جوه الحيطه بس عايشين عايزين ننهب ونتعلم كمان ليه هى نهيبه
ربنا على الظالم والمفترى وابن الحرام
أزال المؤلف هذا التعليق.
‏قال Desert cat
رئيس جمهوريه نفسى
تصدق ياباشا نفس رائى انا برضه بقول كدا
مش كفاية سايبنا فى العذبة بتاعتهم
كمان لينا عين نتكلم
رعية عايزه السك على الدماغ بصحيح
‏قال Desert cat
القلم السكندري
والله يا فندم انا برضه شايفه ان قلته احسن
لما طلبة ثانويةعامة مبيروحوش المدرسة اساسا
وبيجيبوا 110% يبقا اسمه ايه ده ان شاء الله
والله العظيم كنت بستغرب
لما بسمع عن الـ 110 % دى ده ايه العيال الممتازة دى

منور البلوج يافندم
‏قال soka
السلام عليكم
زى ماقلتى اللى ممعهوش ميلزموش
وهما يتعلموا ليه اصلا يقعدوا فى بيوتهم احسن يعنى اللى كانوا اتعلموا خدوا ايه بلا خيبه متخرجين من احسن الكليات وقاعدين على القهاوى
وعمار يامصر
رحم لله طه حسين
الذى قال التعليم كالماء والهواء
ورحم الله جمال عبد الناصر
الذى جعل التعليم مجانى
وبما أن الرحمة تجوز على الميت والحى
فرحم الله حاملى لواء النهضة فى التعليم
بدأ من الدكتور حسين كامل بهاء الدين
الى الدكتور يسري صابر حسين الجمل
والدكتور/ هاني محفوظ هلال

ونظرا لأن الماء والهواء اصبحوا ملوثين فليس العيب هو عيب وزارة او عيب حكومة لاسمح الله انما العيب هو عيب التلوث الذى اصاب الماء والهواء
‏قال خيرالدين
مش عارف ايه اللى خلانى استحمل اشوف الفقره دى

روتارى التحرير
مجموعه من النساء المستفزات
تبدأ احداهن فى الكلام
وتقول للمذيع
زى ما حضرتك شايف احنا عملنا افطار للاطفال الايتام وقعدناهم على ترابيزات لاول مره فى حياتهم وأكلناهم لحمه وده بالنسبه لهم بيحصل مره او اتنين فى حياتهم

وتقولى تعليم
مبقتش بلدنا
‏قال Desert cat
soka
ما هما علشان يحلوا مشكلة الناس اللى اتخرجت من احسن الكليات وقعدت على القهواى
قرروا يوفروا على الاهالى المصاريف دى كلها
ومن الاول كدا كل واحد يروح يتعلم له شغلانه تنفعه
منها يتجوز وهو عنده 17 سنة واقتصاد البلد يبقا فى التمام
‏قال Desert cat
???? ........??????
فعلا فعلا التلوث هو السبب
ايه اللى خلاه يصيب الماء والهواء
المفروض نقدمه لمحاكمة
‏قال Desert cat
e7na
معلشى ما تزعلش نفسك ما هو ما اكثر المتعلمين الجهله فى ام الدنيا
‏قال el_assel
والله العظيم حاجة تجيب السكر والضغط
ده لو في بلد محترمة
ورئيس مجلس الشعب قال كده
تكون نهاية الحكومة محتومة
بس الظاهر علينا ان احنا بلد بنحب الحكام بتوعنا شوية زيادة
والقضية مش حقد ولا حسد زي ما بتقولي
القضيةان احنا بيضحك علينا بسهولة
واحنا للاسف بنصدق
لو اي خبير جاء من بره لتقييم نظام التعليم لمصر
فاكيد ان احنا حنكون تحت الصفر
تحت الصفر بكتير قوي
وكل ده ليه ؟؟؟؟
علشان الشعب ما بقاش ليه رأي
علشان مجلس الشعب مبقاش فيه حد بيمثل الشعب
بقه كل واحد همه مصالحة وبس في المجلس اللي مالهوش لازمة ده
والله بجد المصريين ليهم الجنة
**********************************
بجد مدونة رائعة
واتمني زيارتك لمدونتي
‏قال Desert cat
el_assel
هو ايه اللى فى بلدنا مبقاش فاشل
الصحة اللى فى المستشفيات الحكومية حالتهم لا يرثى لها اهمال فى اهمال فى اهمال
الزراعة اكلنا كله سرطانات والحمد لله
جت على التعليم
احنا بقا شاطرين فى الكورة
نلف الدنيا نلعب كورة ونصرف قد كدا على العيبة
اللى هما اصلا بيرجعوا مهزومين شر هزيمة
واحنا فرحانين بنفسنا
طبعا يشرفنى ازور مدونتك
وسعيده جدا جدا بتشرف حضرتك المدونة وسعادتى اكتر انها نالت اعجابك
تحياتى
‏قال غمض عينيك
هو بيشتكي مين؟؟؟ولمين؟؟؟
طب انت بتشتكيني انما ولا المفروض اني اشتكيك انت
طب انا اعمل ايه
اشيلك من الوزارة
طب بلاش ادخل ولادي انا مدارس
ولا كفايه عليهم 3 ابتداءي

صحيح هو بيشتكي مين ومين المسؤل عن مين

بلا وكسه وبلا خيبة كمان
‏قال زوجه مفروسه
احنا في زمن معاك قرش = قرش
ولو ماعكش يبقى ماتساويش
يا بنتي ده مش التعليم بس
الغلابه النهارده لا لاقيه أكل ولا شرب ولا سكن آدمي ولا خدمه صحيه ولا أي مطهر من مظاهر الحياه الكريمه

وعمار يا دنيا...خراب يا مصر
‏قال Desert cat
غمض عينيك
معلشى يا محمد اهدى بس محتاجينك يا ابو فرح
هو الراجل ده غلبان وصعبان عليا
الحكومة مغلباه يا عينى وقرفان من نظام التعليم الفاشل
لدرجة انه يا حرام راح دخل ولاده تعليم اجنبى
بذمتك مش حاجه تقرف
حسبى الله ونعم الوكيل
‏قال Desert cat
زوجه مفروسه
كنت لسه فى ردى على الاصيل بتكلم فى موضوع الصحة والزراعة ده
القوى منه لله
والغلابه لهم الله
المهم انتى نورتى البلوج
‏قال Echo Of Silence
اللهم اطحن الحكومة – اللهم اكثر من بابا غنوجهم
واعطيهم طورشي - اللهم طورشيهم
واديهم جرجير – اللهم ما جرجرهم يارب – بحق جاة النبي
واديهم بطيخ – اللهم بطخهم – ومن غير بذر – دى الحكومة برضة – هي لسة هاتنقي البذز
الحكومة بتلهط على طووووووووووووول
ودة كان دعاء عادل امام على الريس
بس الحين بقى على الحكومة اللى بيقودها الزعيم و الريس الناجح طحن

انا بس عاوز اقول ان مش التعليم بس اللى نزعل علية – لان للاسف احنا بقينا اخر حاجة تحت اخر حاجة
دة حتى البدووو اتحضروا عنااا - شي فعلا مؤسف
تحياتى ليكي ايها القطة
‏قال sahr
السلام عليكم
بوست جميل
وفعلا اللي معهوش مايلزموش
كتر خير الحكومة اوي عاملة اللي عليها وزيادة مش كفاية التعليم المجاني اللي احنا متهنين بيه
ايه الطمع دا؟
‏قال Desert cat
Echo Of Silence
البدو اتقدموا ياباشا علشان مش كل واحد بيقول يلا نفسى والمهم رصيده زاد كام فى بنوك سويسرا
مش مشكلة الشعب يولع وانا مالى
انا اجرى وابقا صاحب منصب كبير علشان اامن مستقبل افضل لاحفاد احفادى
اسرق وانهب علشان انا عيلتى تعيش والشعب يموت
تفتكر حنقدر نتحضر ؟
‏قال Desert cat
sahr
ما هو علشان يا سهر احنا شعب طماع فمش عاجبنا مجانية التعليم
باصين لهم كمان فى تعليم ولادهم الاجنبى
نورتى يا جميل
‏قال (green eyes)
مش عارفه اقول ايه ولا ايه ....هو التعليم اللي احنا اتعلمناه دا تعليم دا
دا مش معترف بيه دوليا اصلا
خليني ساكته احسن...
‏قال اسامة يس
قرات في احدى المدونات عبارة جميلة بتقول بتصرف
يسألونك عن المدارس قل هي ضرر للأطفال
في مصر لم يعد هناك من تعليم في الاساس واظن انه يكفي في مصر ان الانسان يمحي اميته ثم يضرب في الارض للرزق بدل ما يضيع وقته ... وبخصوص رئيس مجلس الشعب والفاسدين امثاله فدول لصوص لا يهمم مشكلة تعليم ولا مشكلة لقمة العيش ولا اي مشكلة نهائي لا يمكن في مشكلة واحده تؤرقهم تزاحم عدد اللصوص لانهم كتروا .. فخشية ان النصيب المفروض منهم يقل ...
يسعدني زيارتكم لمدونتي
‏قال Desert cat
(green eyes)
يؤسفنى انى اقولك انه مش معترف بيه محليا علشان يعترف بيه دوليا
الواحد بيبقا خريج
تجارة ويروح يشتغل مندوب
ولا خريج علوم وبرضه يشتغل مندوب
لما البلد بقت كلها مناديب
انا كمان هعمل زيك واسكت
‏قال Desert cat
osama
فى مصر التعليم ضرر
والاكل ضرر
ومبقاش فى حاجه مفيدة
بالنسبة للحرامية اللى خايفين على مناصبهم
ربنا يزيدهم طغيان لعلنا نرى فيهم يوم
وبالنسبة لنا احنا
لنا الله
سعيدة بتشريف حضرتك المدونة
‏قال سلوى
أنا مش عارفه لزومه إيه التعليم من أساسه
كان في برنامج مستضيفين فيه رجل بسيط جدا
لا يجد قوت يومه هو وابنتيه وزوجته
الراجل ده قال كلمه حكمه
قال إيه ؟
قال
ابن الوزير هيطلع وزير
وابن الغفير هيطلع غفير
يا سلااااااااااام
في بلدنا تعتبر هذه حكمة الحكم
‏قال Desert cat
Salwa
والله الراجل عنده حق
شوفتى فيلم عمارة يعقوبيان
بصرف النظر على المهاترات الى فيه الا انه ناقش كذا حاجه ومنها التعليم
لما ابن البواب راح اتلدم لكلية الشرطة
واترفض لان ذنبه ان ولدة بواب مش وزير ولا لواء ولا حتى اضعف الايمان ظابط شرطة
تحياتى

المشاركات الشائعة