يا ما يتذلوا يا اما يتحقق معاهم ربنا يثبتهم

شوفت الخبر ده على مصراوى
النيابة العامة بمصر تحتجز عددا من قيادات الاف العمال المعتصمين
طيب ليه اساسا الناس الغلابة دى تتبهدل كدا وفى ايام مفترجة زى دى
هى الحكومة مش خايفه ده حتى ربنا بيستجاب دعوة الصائم
هو احنا مش فى رمضان برضه
وكل واحد بيطلع زكا عن صحته وامواله واولاده
طيب ما يحققوا طلبات الناس دى ويعتبروها زكا
والله ربنا يثبتهم لحد ما طلباتهم تتحقق
الناس دى قدرت تقول لاء خلاص مبقيناش مستحملين
مبقيناش لاقيين العيش حاف
غيرهم مرمى فى العشوائيات وفى الشوارع ومش قادر يقول لاء لاى حاجه
غيرهم بيملا نص بطنه ميه علشان يبقا اسمه فطر زى باقى الناس والسحور بيقضيه نوم ومش قادر ينطق اصلا
نفس الخبر بيقول الشركة خسرت من يوم الاعتصام لحد النهارده ثلاثة ملايين و500 الف جنيه يوميا طيب ما الشركة فيها فلوس
ولا ده مال الحكومة الغلبانة اللى شقيانه وسهرانة على راحتنا

تعليقات

‏قال غير معرف…
مش المشكله انى فى فلوس ولا بس هى الحسبه غير كده خالص كل جنيه حيروح للعمل بيساوى نقص فى حساب الكبار فى بنوك سويسرا
التعليق الوحيد


لا تعليييييييييييق
‏قال soka
هقول ايه؟! رمضان كريم
وربنا اكرم
ربنا معاهم
‏قال Desert cat
رئيس جمهوريه نفسى
طيب مش المفروض برضه علشان العمال يزودوا لهم جنيه فى بنوك سويسرا يكون ليهم حافز
‏قال Desert cat
اسكندراني اوي
مع انى قرأت تعليقك من بين السطور
‏قال Desert cat
soka
اللهم امين
ربنا معاهم
‏قال ما علينا
ما هي الحكومة لو لسه
فاكرة ربنا
كنت هاقولك اوك
ممكن يخافوا

لكن خلاص هم نسيوا المولى عز وجل بجبروته ونسيوا
انه المنتقم الجبار


حسبي الله ونعم الوكيل

ربنا يعافينا مما ابتليت به الحكومة

ويثبت الاخوة العمال
ان شاء الله
‏قال Desert cat
ما علينا
ربنا موجود
هو وحده القوى فوق كل قوى
ربنا يثبتهم
‏قال غمض عينيك
هي دي مصر ياعبلة
اقصد يانانا
‏قال Desert cat
غمض عينيك
ايوه صحيح يا ضنايا
ربنا يخلى لنا مصر
واللى مظبطينا فى مصر

المشاركات الشائعة